التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

[mody3on]

يا كريبتون عيب تقول كده على ناس متخصصة جدا زي اللي هنا , بتوع امريكا واوروبا والعالم كله ولا يفرقوا بشلن اصلهم قال ايه بيقارنوا بالاوبشن واستهلاك البنزين والاوبشن والكلام الفارغ ده , المقارنة الحقيقية بتبقى بانك تاخد العربية من هنا ( ال ECOnomy Car ) وتطلع بيها عالدائري واديها غرز وشد ودريفتات , لو معجبتكش يبقى العربية دي تعبانة وكللللللللل الناس حواليك مبتفهمش , وكده كده مش هتعجب ( اصلها كوري ) (هونضاي) LOLOLOLOL
مفيش اي حد بيتكلم على عربية او بيقول رايه فيها بالاستهزاء ده , يقعد يشتم في هيونداي برة وجوه ولما تيجي تجيبله الريفيوهات والفيديوهات والمبيعات واختبارات الامان يقولك اللي بره غير اللي جوة ( مع ان هونضاي كلها كانت تعبانة من شوية)

[devil_storm]

مع احترامي بقى علشان نقفل الموضوع ده خالص .. علشان كل واحد بيتكلم و يفتي ولاهو جرب و عمل حاجة .. والي بيتلكم يا واحد فاكر نفسه حريف سواقة .. ياواحد مساقش غير عربية واحدة في حياته و عامل فيها عم الخبير ...

كفاية فتية وحيات ابوكم .. و ندي العيش لخبازه ؟؟ و نشوف اراء الخبراء .. مش اراء بتوع الغرز و التخميس .. الي فاكرين العربية جاية علشان تخش بيها اوتوكروس .. و معظم الناس دي مع احترامي ميعرفوش يجيبوا الالنترا اصلا الي بيشتموا فيها ... المهم !! ماعلينا !

بالدليل القاطع و النهائي و المنجز !!!

مواقع امريكية تقارن السيفيك بالانترا ...
اولا MOTOR-TREND
الانترا رقم واحد في فئتها !! (اعلى من السيفيك و الجيتا و كل العك ده ) السيفيك في المركز الثاني
Best-Selling Compact Sedans - Comparison - Motor Trend


AUTO-GUIDE
2012 Honda Civic vs. 2012 Hyundai Elantra : Car Reviews
مقارنة صريحة بين الالنترا 18000 و السيفيك 1800 !
ولاحظ ! ان الاتنين تقريبا بنفس السعر (فرق 300 دولار) يا بتوع المالتي لينك و الكماليات و ال في-سا-ء قصدي VSA !! الانترا متفوقة في نقاط اكثر و في الاخر الحكم للانترا ! ومع فرق حتى السواقة لصالح السيفيك بيقولك انهم في الاخر متساويين وقريبين جدا في السعر !! ( مش فرق 60 الف جنيه LOL ويقولك فرق الجودة ... جودت فهمي).

INSIDE LINE
مقارنة مباشرة بين الانترا و السيفيك و الكروز
الالنترا رقم واحد !!!!
ترجمة سريعة :
"هيونداي تفعلها مرة اخرى (بعد السوناتا قصدهم) تطرح تابلوه جيد جدا بكماليات جيدة و اداء عالي بسعر اقتصادي"

السيفيك " هوندا احسنت في جودة القيادة و التحكم ولكن فرامل ضعيفة و تابلوه رخيص مدشن بالاضافات الرقمية الزائدة .. يقلل من شانها"

2012 Honda Civic vs. 2011 Chevrolet Cruze vs. 2011 Hyundai Elantra Comparison Test

سبحان الله ! فرامل الانترا احسن من السيفيك و المازدا !
الحمد الله اني راكب الانترا انهاردة اطريت افرمل في جسر السويس و انا ماشي على 90 الحمد الله وقفت قبل العربية الي قدامي بمسافة كويسة (ومن غير abs) لو كنت راكب سيفيك ولا مازدا كان زماني لبست في واحدة فيهم !

ولي كل الحجج البلهاء .. بتاعة الانترا هناك مش زي هنا ! لا معلش و السيفيك هناك بثمن الانترا هنا ... يعني لما نساوي الاسعار نبقى نتلكم .... مش عايز اسمع كلمة بقى من اي واحد بتاع غرز و وجع دماغ واصل و فصل و العراقة و الخرافة ...

شكلكم بقى وحش اوي ...
الخبراء اتكلموا ... نسمع و نسكت و نخلي تعليقاتنا البدائية (بما فيهم انا على فكرة) لنفسنا !! و نبطل نفتي !

يا باشا كلام ممتاز بس الفتاين عمرهم ما حيبطلو مهما تكلم للصبح

• يفضلو يفتوا ولما تزنقهم يقولك دى النترا بتاعة برة (بالمناسبة انا حاسس ان الالنترا بتاعة برة ممكن يطلع صالونها اوسع من اللى عندنا هاهاهاها)
• يقولوا الالنترا متستهلش و لما تسالهم فين العربيات الافضل من الالنترا كا value for money ميردوش و يعملوا طرش
• يقولك الالنترا مش اعتمادية وتلاقى المواقع تقييم اعتمادية السيارة مديها اعلى جودة فى فئتها
• يقولك العربية فشلة و منظر بس و العربية كلاس ليدر فى فئتها و وخدة كذا جيزة منها سيارة العام فى كذا دولة
• يقولوا اى كلام و خلاص و لما تقولهم هاتوا دليل على كلامكوا من الرفيوهات او مواقع تقييم السيارات او الاعتمادية ولا كانهم سمعوا حاجة
• يقولك العربية مبالغ جدا فى سعرها و اخرها مفروض الفولى لودد 130 الف و لما تسالهم فين العربية اللى مش مبالغ فى سعرها فى مصر لا حياة لمن تنادى
• يقولك الاحصنىة مضروبة و الكوريين مزورين و هى تعلم على اى عربية 1600 سى سى مش تربوا سواء يبانى او المانى وتعلم على الجيتا ال 2000سى سى كمان والله بالتجربة
• يقلك مفهاش وسائل امان و عندك 4 فئات فيهم وسائل الامان الهامة
• يقولك خامتها وحشة و بلاستيك و عندك خامات الفولى لودد افضل من معظم المنافسين
• يقولك العفشة تصميمها غلط و كانهم عباقرة و كل مهندسين هيونداى متخلفين مع ان هيونداى اكيد فيها مهندسين كوريين و خبراء المان و يبانيين و و ... بس معلش كلهم حمير مش بيفهوا و احنا هنا اللى عباقرة
• يقولك عربية فشلة و مبتتبعش برة و هى مبيعاتها برة فى الطالع ذى الصاروخ
• يقلك فرملها ضعيفة و ثباتها و خامات سيئة و و و و ... و انا عموما كلامهم بيضحكنى و بعد اكتب مشركاتى دى و انا عمال اضحك على الفتى

[mody3on]

احقاقا للحق , خامات الالنترا مش ممتازة , وفي احسن منها زي الفوكاس مثلا , ولكن اكيد اكيد مش السيفيك اللي خاماتها ممتازة ولا الكورولا يعني

[ahmedeihab]

الاسلوب بقا متدنى فى الحوار على الاخر خصوصا رجاله الهيونداى

مش عايزين نعمل حزازيه فى الكلام يا رجاله لو سمحتوا

انتوا بتتكلموا على هيونداى 2012 تمام الكلام ده ( عربيه مجاش بعدها اهو و فيها كل حاجه )

تعالوا نطلع نشد مع بعض يا رجاله على اللى انتوا عايزينه

هطلع معاكوا عربيه سيفيك اى موديل ( العربيه اللى انتوا بتقولوا عليها وحشه و الكلام ده )

و نلعب يا برنس على عشاء للمنتدى كله

اظن كده انا ريحت و استريحت علشان كثره الاقاويل

احنا كهونداويه بنقارن العربيه بلجرى بيها و الغرز و الكلام ده ( معلش احنا ناس مش فاهمه حاجه )

و انتوا يا هيونداويه بتقارنوا العربيه بلاوبشن اللى فيها و بقوتها كلام سليم

تعالوا نطلع نجرى يا رجاله مع بعض

و ساعتها نشوف مين هيطلع من التانى الناس اللى بتقارن بلعرز و الجرى ولا الناس اللى بتقارن

بالاوبشن

اظن كده عدانى العيب

^_^

[SAMEH_FOUAD]

امال الملاك اللى فى المنتدى مبيشتكوش من الثبات دول ايه ياباشا , وبالجنط ال 15 ابو طاسات كمان :)

فية كتير وملاكها قالوا وانا هجيبلك اللى قال كدة , وانا سوقتها ونفس الكلام و formulator ٍساقها ونفس الكلام بس formulator شردها خالص

ما انا باسأل من الصبح فين البديل اللى ب 130-140 الف مثلا ؟ او بشكل عام ايه العربيات القيمه مقابل السعر فى رأيك بغض النظر عن الشريحه السعريه ؟

لأ معلش هو مافيش حاجة اسمها قيمة مقابل السعر لان كل العربيات اللى مصر مبالغ فى سعرهم , بالنسبة بقى للبديل طبعا مش هتلاقى بديل لان غبور محتكر الفئة دية ولو واحد مش غاوى جرى يبقى الفلوانس احسن اختيار

عيوب زى اللى انا ذكرتها مش بسيطه

لية عندك عيوب فى المحرك او الثبات او العفشة او التقفيل او العربية بتقف لوحدها مثلا

كل اللى احنا قولناة دة اتحل فى موديل 2009-2010 واعتقد كمان مابقاش موجود فى 2012

الفئات اللى قولتهالك متأكد من مواصفاتها واسعارها ونازله من زمان

انت ادرى

هو غبور موزعهم بطريقه غريبه انه مش مخلى ال ABS والايرباج التانى اساسى فى كل الفئات , هو حاططهم اساسى فى بعض الفئات وبالتحديد 3 هما الاوتوماتيك اول فئه و GLS و Fully Loaded , وحاطط ABS وواحد ايرباج بس فى 3 فئات مانيوال واوتوماتيك اول فئه وهاى لاين , و 4 فئات فيهم ايرباج بس اغلى واحده فيهم ب 141 وارخص واحده ب 132 , وفئتين مفيهمش حاجه خالص اللى هما اول واحده مانيوال واول واحده اوتوماتيك

التشكيله غريبه لكن ميزه فى الاختيار , يعنى فى اللى يهمه ال ABS والايرباج وفى اللى يهمه حاجات تانيه كل واحد حر , يعنى انت مش مجبر تدفع سعر عالى فى فئه مفيهاش ABS وايرباج لان اللى فيها ABS و ايرباج موجوده وبسعر ارخص بس مفيهاش كماليات الغاليه , الاتنين ادامك وانت اختار او زود واركب الفئه اللى فيها الاتنين



مديتنيش اجابه برضه


جاوبتك فوق

مش بالكلام ياباشا بالتجارب والتقارير الالنترا واخده تقييم اعلى من السيفيك


هشوف واقولك

ازاى تعالى نحسبها سوا

دلوقتى السيفيك اول فئه فيها ABS EBD VSA و 2 ايرباج وسعرها 176 الف تمام

النترا اول فئه ب ABS و 2 ايرباج ب 133 الف وموجوده لو طلبت تزود عليها EBD و VSM عشان تبقى نفس مواصفات الهوندا وبقت ب 140 مثلا هاتبقى نفس المواصفات وارخص 35 الف

مش صح ولا ايه

لأ طبعا مش صح طيب مانت عندك الصينى ب75 الف جنية وفيها abs- 2 airbag -ebd بس تعالى بقى لثباتهم هتلاقية ضعف جدا بعد ال130

وبعدين دية كلها انظمة امان مساعدة يعنى عشان كل حاجة تبقى شغالة صح يبقى لازم يبقى تصميم العربية نفسة يساعد على دة من الاخر الانظمة لوحدها مش هتعمل حاجة

ودة اللى بيفرق السيفيك عن غيرها

[mody3on]

الاسلوب بقا متدنى فى الحوار على الاخر خصوصا رجاله الهيونداى

مش عايزين نعمل حزازيه فى الكلام يا رجاله لو سمحتوا

انتوا بتتكلموا على هيونداى 2012 تمام الكلام ده ( عربيه مجاش بعدها اهو و فيها كل حاجه )

تعالوا نطلع نشد مع بعض يا رجاله على اللى انتوا عايزينه

هطلع معاكوا عربيه سيفيك اى موديل ( العربيه اللى انتوا بتقولوا عليها وحشه و الكلام ده )

و نلعب يا برنس على عشاء للمنتدى كله

اظن كده انا ريحت و استريحت علشان كثره الاقاويل

احنا كهونداويه بنقارن العربيه بلجرى بيها و الغرز و الكلام ده ( معلش احنا ناس مش فاهمه حاجه )

و انتوا يا هيونداويه بتقارنوا العربيه بلاوبشن اللى فيها و بقوتها كلام سليم

تعالوا نطلع نجرى يا رجاله مع بعض

و ساعتها نشوف مين هيطلع من التانى الناس اللى بتقارن بلعرز و الجرى ولا الناس اللى بتقارن

بالاوبشن

اظن كده عدانى العيب

^_^

يا استاذ احمد
لما ربنا يكرمني ببوجاتي ويكرمك بلامبورجيني نبقى نطلع نشد ونقول مين اجمد في الجري , لكن في الفئة دي معظم اللي بيشتري مش بيكون غاوي جري وشد وغرز و bla bla bla , الجري مش مقياس العربية خالص , ومع ذلك الالنترا مش البطة في الجري يعني

[mody3on]

طب يا سمسم انت بتتكلم في شاسيه وتصميم , ايه اللي وحش في تصميم الهيونداي ؟ على فكرة ال IIHS و EuroNCAP التقييم بتاعهم بيكون عالصاج والشاسيه برضه مش ABS وايرباج بس , والعربية خدت فيهم 5 نجوم والسيفيك برضه , يعني مش دي النقطة الفظيعة اللي تتفوق فيها السيفيك , وزي ما قلتلك في الامان الهوندا تتفوق في ان فيها ال VSA بس
انما حسام قالك تجربة فعلية ومحايدة , معلش متزعلش مني بس كل الناس عارفة رايك انت وفورميولاتور في اي عربية هيونداي من غير ما تركبوها اصلاً , دلوقتي احنا اتفقنا ان كل العربيات سعرها غالي , تمام , في وسط العربيات اللي سعرها غالي لما تكون الالنترا ب 140 الف هل انت شايف ان السيفيك بتديك قيمة عالية واوبشن ومميزات عالية تخليني ادفع فيها 50 الف جنيه زيادة ؟ الفلوينس من احسن الاختيارات فعلا , ولكن بالطبع مش هتكون السيفيك او الجيتا او الجولف او الاوكتافيا احسن اختيار لانهم نازلين باسعار غالية جدا مع ان الكوري والالماني والفرنساوي اسعارهم من 130-180 الف جنيه وبمواصفات احسن

[ahmedeihab]

يا استاذ احمد
لما ربنا يكرمني ببوجاتي ويكرمك بلامبورجيني نبقى نطلع نشد ونقول مين اجمد في الجري , لكن في الفئة دي معظم اللي بيشتري مش بيكون غاوي جري وشد وغرز و bla bla bla , الجري مش مقياس العربية خالص , ومع ذلك الالنترا مش البطة في الجري يعني

و شهد شاهد من اهلها
يعنى بتعترف ان الالنترا مش ثابته
تحياتى ليك يا برنس لما ربنا يكرمنا ببوجاتى و لامبو يبقى نشد سوا
^_^

[SAMEH_FOUAD]

مع احترامي بقى علشان نقفل الموضوع ده خالص .. علشان كل واحد بيتكلم و يفتي ولاهو جرب و عمل حاجة .. والي بيتلكم يا واحد فاكر نفسه حريف سواقة .. ياواحد مساقش غير عربية واحدة في حياته و عامل فيها عم الخبير ...

كفاية فتية وحيات ابوكم .. و ندي العيش لخبازه ؟؟ و نشوف اراء الخبراء .. مش اراء بتوع الغرز و التخميس .. الي فاكرين العربية جاية علشان تخش بيها اوتوكروس .. و معظم الناس دي مع احترامي ميعرفوش يجيبوا الالنترا اصلا الي بيشتموا فيها ... المهم !! ماعلينا !

بالدليل القاطع و النهائي و المنجز !!!

مواقع امريكية تقارن السيفيك بالانترا ...
اولا MOTOR-TREND
الانترا رقم واحد في فئتها !! (اعلى من السيفيك و الجيتا و كل العك ده ) السيفيك في المركز الثاني
Best-Selling Compact Sedans - Comparison - Motor Trend


AUTO-GUIDE
2012 Honda Civic vs. 2012 Hyundai Elantra : Car Reviews
مقارنة صريحة بين الالنترا 18000 و السيفيك 1800 !
ولاحظ ! ان الاتنين تقريبا بنفس السعر (فرق 300 دولار) يا بتوع المالتي لينك و الكماليات و ال في-سا-ء قصدي VSA !! الانترا متفوقة في نقاط اكثر و في الاخر الحكم للانترا ! ومع فرق حتى السواقة لصالح السيفيك بيقولك انهم في الاخر متساويين وقريبين جدا في السعر !! ( مش فرق 60 الف جنيه LOL ويقولك فرق الجودة ... جودت فهمي).

INSIDE LINE
مقارنة مباشرة بين الانترا و السيفيك و الكروز
الالنترا رقم واحد !!!!
ترجمة سريعة :
"هيونداي تفعلها مرة اخرى (بعد السوناتا قصدهم) تطرح تابلوه جيد جدا بكماليات جيدة و اداء عالي بسعر اقتصادي"

السيفيك " هوندا احسنت في جودة القيادة و التحكم ولكن فرامل ضعيفة و تابلوه رخيص مدشن بالاضافات الرقمية الزائدة .. يقلل من شانها"

2012 Honda Civic vs. 2011 Chevrolet Cruze vs. 2011 Hyundai Elantra Comparison Test

سبحان الله ! فرامل الانترا احسن من السيفيك و المازدا !
الحمد الله اني راكب الانترا انهاردة اطريت افرمل في جسر السويس و انا ماشي على 90 الحمد الله وقفت قبل العربية الي قدامي بمسافة كويسة (ومن غير abs) لو كنت راكب سيفيك ولا مازدا كان زماني لبست في واحدة فيهم !

ولي كل الحجج البلهاء .. بتاعة الانترا هناك مش زي هنا ! لا معلش و السيفيك هناك بثمن الانترا هنا ... يعني لما نساوي الاسعار نبقى نتلكم .... مش عايز اسمع كلمة بقى من اي واحد بتاع غرز و وجع دماغ واصل و فصل و العراقة و الخرافة ...

شكلكم بقى وحش اوي ...
الخبراء اتكلموا ... نسمع و نسكت و نخلي تعليقاتنا البدائية (بما فيهم انا على فكرة) لنفسنا !! و نبطل نفتي !

على مهلك علينا شوية , انت مضايق اوى كدة لية

شوف ياباشا عشان نبقى على نور

احنا كل اعتراضنا على الهيونداى :

1- كلامكوا المبالغ فية وطبعا دة يفقد المصداقية

2- انكوا بتقارنوها بعربية هية اعلى منها كفنيات وطبعا كل المنتدى عارف يعنى اية سيفيك معادا معظمكوا ( ملاك هيونداى )

نيجى بقى لكلامك انا بقى هرد عليك انت طلبت ادلة عشان الفتايييين كتير وطبعا تقصد الفتايييييين ملاك هوندا بس عادى ياباشا مش مشكلة احنا طالما بتختار هوندا وبندفع فيها احنا موافقين نبقى فتايييييييين , وتشكر يابرنس , نرجع لموضوعنا اولا

1- طبعا بالنسبة للخبراء اللى انت جايبهم هتلاقى كل واحد بيقول كلام شكل وممكن موقع يطلع عربية احسن من التانية والعكس صحيح اذن الخبراء نفسهم مختلفين ( تصدق ممكن يطلعوا فتاااااايييييييييييين هما كمان ) ماهم زينا بقى

2- معلش الناس اللى حضرتك بتقول عليهم مايعرفوش يجيبوا الالنترا اصلا هما لو باعوا عربياتهم السيفيك 2010 مستعملة هتجيب تمن النترا fully loaded ويتبقى معاة فلوس كمان ( وبعدين ياباشا ربنا يدينا ونركب العربيات اللى مش بنشوفها فى مصر اصلا )

3- يعنى ياراجل ياطيب فية حد يقول على السيفيك والجيتا عك مش عارف اقولك اية الصراحة . سيبك من الجيتا لانى ماسوقتهاش انا ركبتها بس لكن تعالى بقى على السيفيك انت لو قولت على السيفيك عك صدقنى والله يبقى الالنترا مش موجودة على الخريطة اصلا

4- هو انت جاى تشكك فى نظام ال vsa هههههههه مش هقولك حاجة بس عايزك تجرب سيفيك 2010 lxi وخد بيها ملف , واركب نفس الموديل بس vti وانت تعرف ان تماسك العربية زاد على ثباتها اصلا انت متخيل وصل لفين ( دة بيأكدلى انك ماركبتش سيفيك اصلا ولا عمرك جريت بيها ) , كفاية العفشة ال multi link واعمدة المضادة للانقلاب والالنترا اللى بتقولوا عليها اتطورت رجعت لورا ونزلوها عفشة غير مستقلة واضح فعلا انها اتطورت جدا واهتمت بالعميل
5-فرامل السيفيك ضعيفة اللى اصلا فراملها اربع ديسكات + انظمة مساعدة هتكون الالنترا اللى بيسترخصوا فيها اعلى منها والله كويس

6- معلش احنا لما بنتكلم على الالنترا اللى هنا وهناك مش عشان نهرب لأ عشان هما لما بيقولوا خامات احسن فاكيد طبعا الخامات هناك احسن والاوبشن اكتر فى مقابل ان السيفيك الجديدة نازلة بخامات بلاستيك وابشن اقل بس هو دة اللى احنا بنتلكم علية لكن ماقولتلكش ماتور الالنترا اقوى ولا اثبت ولا اوسع , ياريت تبقوا تفهموا مغزى الكلام كويس

7- معلش والله بتوع السيفيك والهوندا عموما كلمتهم عالية على اى عربية وكل واحد ماشى فى البلد عارف يعنى اية عربية عليها علامة هوندا ومايقدرش يدخل معاهم فى شد وجرى وغرز لانة عارف اخرتها اية معاة انة هيرجع مهزوم لا محالة وطبعا مكسوف كسفة السنين مش محتاجة توضيح ولا فهم خلاص الناس كلها عارفة

8 - معلش الخبراء دول على عينى وراسى بس احنا مستهلكين وبنجرب العربيات على طرق منيلة وناس اغبية ماشية فى الشارع فأكيد رأينا يهمنا والا ماكانوش عملوا موقع كامل ( jd.power ) على اراء المستهلكين - ياريت تكون المعلومة وصلتلك

معلش ياباشا انا عملت تقرير على الاكسنت rb , والانسر بومة محدش فى النت كلة عملة

9- تعالى بقى لعيوب الالنترا اللى انا شايلها واهوة جية الوقت انها تطلع ودة بقى ان شاء الله فى موضوع منفصل هينزلكوا استنوة وجمعوا بقى كل الهيونداوية وعندكوا يوم اهوة تجمعوا فية كل قوتكم عشان تجهزوا الدفاع

اللى اللقاء ...............

لحد الهوندا واستوب ياهيونداوية

[CryptonX]

قريت كام سطر و لقيتها نفس الدواير تاني يتاعت ان الهوندا عربية فضائية و الهونداوية احسم من الخبراء و بعدين نمت شوية. اسف مش حقراه كله ... احنا ياعم عالم غلابة ملناش في العربيات ولا السواقة. .. سيبونا في حالنا و خببلكم السيفيك الي هوندا مش عارغة تعمل زبها تاني. .. يا محترفين. ..كفاية عليا اوي ببقي في الموضوع ده.... علشان بقس ممل و بس يضحك الصراحة..

[CryptonX]

العالم كله مستني تقريرك بامناسبة و طلع التيجو المرة دي احلي بقي علشان تبقي واقعية اكتر. .. تصبح علي خير

[ahmedeihab]

قريت كام سطر و لقيتها نفس الدواير تاني يتاعت ان الهوندا عربية فضائية و الهونداوية احسم من الخبراء و بعدين نمت شوية. اسف مش حقراه كله ... احنا ياعم عالم غلابة ملناش في العربيات ولا السواقة. .. سيبونا في حالنا و خببلكم السيفيك الي هوندا مش عارغة تعمل زبها تاني. .. يا محترفين. ..كفاية عليا اوي ببقي في الموضوع ده.... علشان بقس ممل و بس يضحك الصراحة..

يا باشا ماهو ده العادى بتاعنا
و بلنسبه للضحك اى خدمه يا سيدى علشان تعرفوا بس الهونداويه جمايلهم معاكوا ازاى
تحياتى ليك
^_^

العالم كله مستني تقريرك بامناسبة و طلع التيجو المرة دي احلي بقي علشان تبقي واقعية اكتر. .. تصبح علي خير

لاء يا سيدى لا تقرير ولا يحزنون
الهوندا احسن من الالنترا و ده شيئ عادى جدااا
حاجه مش محتاج ان سامح يثبتها
و مش محتاج اقنعك انها احسن
بس كل اللى عايزين نعرفهولكوا انكوا مبالغين فى الالنترا زياده على اللزوم
و انت من اهله يا كبير
^_^

[SAMEH_FOUAD]

احمد ايهاب جابلك المفيد وكويس انك ماقريتش كلامى عشان لانة مش هيتغير ولا عمرة ماهيتغير

وماعتقدش انك كنت هتعرف ترد علية غير بنفس الحجج لانكوا ماعندكوش غيرها ( اوبشن- شكل )

[Mohamed.Ramah]

برضو انتو عديتو الكلام القولتو ورجعتو لنفس النقطة مع انى عملت تقرير علشان اوضح الفرق لاكن واضح زى ما قال سعد زغلول (مفيش فايدة ) !

يا اخواتى فى المنتدى احنا جايبين عربيات لية واية السبب هل علشان نتباها بيها فهى ليست مجالها الفئة البنتكلم فيها دة هل للسباق برضو مش مخصصة لدة لانها ببساطة مش مجهزة لدة وتدرج تحت فئة Family car

ولا الطرق فى مصر مؤهلة لدة عاوزة سواق وبرضو ممكن يغلط ويضيع نفسة فياريت تستهدو شوية وخدو نفس نفس هواء لا حد يفهمنى غلط هههههههههه

وكل واحد مقتنع عربيتة دة الطبيعى وكل واحد لية رؤية خاصة بية ودة حرية شخصية فياريت كفاية مقارنة وكلام كلة يعتبر واحد الهوندا والالنترا العربيتين يعتبرو فئة واحدة ولاكن بيزيد على الهوندا انها اقدم فى المجال فافضل فى بعض الاشياء من هيونداى ولاكن هيونداى بتطور ودة بدليل انها بدات تحصد جوايز زى

north america the car of the year 2012

2012 alg residual value award


*ولللعم سعر هوندا فى الخارج 15.955 دولار بما يعادل 103.700 جنية مصرى

*والهيونداى النترا سعرها $16,026 بما يعادل 104.169 جنية مصرى

*فالشايف انة راكب هوندا نفس الكلام يندرج على سيارات المانى زى الجيتا السعرها يعتبر نفس سعر الالنترا فى الخارج وغيرها من السيارات وبيعتبر انة افضل من باقى السيارات دة وهم التوكيلات المعيش فيها المصريين وبيقنعهم

انهم فعلا فى فئة اعلى برفع السعر وممكن جداا خلال سنة او اكثر نلاقى الهيونداى طورت اكثر ونزلت بنفس سعر الهوندا اية اليمنع ومش حيكون فى فرق ولا سعر ولا كماليات ولاكن غبور تسويقيا افضل من هوندا وبيعرف يختار سعر للفئة ويلعب علية بزيادة اوبشن ويبتدى يقسم العربية لاكثر من فئة علشان يكسب

*وللعلم ايضا ان تقييم السيارتين بالتجهيزات الاساسية فى الخارج وبكل الاوبشن الغير متوفر عندنا كالموتور ووسائل الامان فبرضو تقييم الهوندا والجيتا اقل من تقييم الالنترا والموضوع هنا مبقاش كماليات وبس


ونزول هيونداى المسوء سمعتها توكيلها ويتنزل فاضية ولا بموتور 1.8 ولا بنفس تجهيزات الامان فبتدرج على انها اقل فى مصر ولاكن الغريب ان سعر اترفع والعربية كخامات وكماليات بقت اسواء بالاضافة مقدمتش جديد فى الفئة دة

ودة فكرة ان الهوندا نزلت فى الاختبار والتقييم انا وضحت لية وجبت الدليل من موقع بتستشهدو بية وفى عربيات افضل من الهوندا فى نفس السعر والالنترا ايضا ولو كل مالك لعربية دخل الموضوع علشان يثبت ان سيارتة الاحسن فمش حنخلص

فياريت رجاء خاص كفاية لان الموضوع اتحول لتحدى مش عارف على اية وفى الاخر كل واحد منكم بينزل يسوق عربية المبسوط بيها والمقتنع بشراءها فقط واتمنى ان الكلام مياخدش مجرى اخر ,,

[devil_storm]

الاسلوب بقا متدنى فى الحوار على الاخر خصوصا رجاله الهيونداى

مش عايزين نعمل حزازيه فى الكلام يا رجاله لو سمحتوا

انتوا بتتكلموا على هيونداى 2012 تمام الكلام ده ( عربيه مجاش بعدها اهو و فيها كل حاجه )

تعالوا نطلع نشد مع بعض يا رجاله على اللى انتوا عايزينه

هطلع معاكوا عربيه سيفيك اى موديل ( العربيه اللى انتوا بتقولوا عليها وحشه و الكلام ده )

و نلعب يا برنس على عشاء للمنتدى كله

اظن كده انا ريحت و استريحت علشان كثره الاقاويل

احنا كهونداويه بنقارن العربيه بلجرى بيها و الغرز و الكلام ده ( معلش احنا ناس مش فاهمه حاجه )

و انتوا يا هيونداويه بتقارنوا العربيه بلاوبشن اللى فيها و بقوتها كلام سليم

تعالوا نطلع نجرى يا رجاله مع بعض

و ساعتها نشوف مين هيطلع من التانى الناس اللى بتقارن بلعرز و الجرى ولا الناس اللى بتقارن

بالاوبشن

اظن كده عدانى العيب

^_^

احمد ايهاب باشا قلنا 100 مرة ان العربيات دى عربيات اقتصادية مش عربيات سباق و شد و جرى بس انا موافق نعمل اختبار صغير على حاجة و نشوف.

بص انا معيش النترا فى مصر ...بس معايا عربية فيرنا موديل 2009مانيوال احصنة 106 حصان بس ( احصنى كورى تعبانة ذى ما بتقولة) و مستعد اطلع معاك باى عربية سيفيك موديل 2008 و انت طالع... انا حاليا بره مصر و نازل مصر اخر الشهر ده... لو على الجرى و الشد اللى حيثبت اذا كانت عربية حلوة ولا لا... خلينا نشوف السفيك حتعمل اية مع عربية بربع ثمنه و اقل منها بى 20 حصان ... و منها نقدر نشوف فرق الجرى يستاهل فرق السعر ولا لا.

انا موافق اطلع معاك بالفيرنا فى اول اسبوعين من شهر 6 ...السباق حيكون على طريق العين السخنة من ثبات لمسافة 1 كيلو...حنعلم نقطة نهاية السباق بعد 1 كيلو و حيستنى واحد يصور اللى يوصل الاول.

الهدف من السباق نشوف هل الهورس باور الكورى نصب ولا حقيقى ...هل ارقام من هيونداى و خلاص ذى ما بتقولة؟؟ و ده يبان فى تسارع العربية لمسافة 1 كيلو... اكتر من كده مش مقياس و بيعتمد على مهارة السواق.... خلينا نشوف 106 حصان ( احصنة كورى نصب ) قدام 125 حصان ( احصنة يبانى ) و نستنتج منها اذا كان الهورس باور الكورى حقيقى و لا ارقام نصب ذى ما بتقولة.

انا مبقولش انى حسبق الهوندا بالفيرنا لان فرق 20 حصان مش قليل ...من الارقام طبيعى الهوندا حتعلم على الفيرنا لانهل لو معلمتش عليها و بمسافة كمان تبقى بجد عيبة كبيرة فى حقها؟؟؟ خلينا نشوف تجربة عملية للافادة الجماعية.