تويوتا , 70 عاما من التقليد!

[Megane]

أنا سقت الشاهين لمسافة تتعدى ال40 ألف كيلو و هى أكثر سيارة أحببتها و سعيد بها, أدائها, ثباتها فى المنحنيات, محركها القوى المتجاوب, صوت المحرك المرتفع الذى يعطيك شعورا رياضيا محببا, الاعتمادية الهائلة خاصة فى الطرق الوعرة و غير الممهدة, متعة القيادة.

الى أنت بتتكلم عنه ده ضريبة الأداء الرياضى, و الشاهين مش مصممة لنقل الحوامل الى المستشفيات!

محدش قال حاجة بالنسبة لحبك للسيارة دة رأيك و إنت حر فية لكن تتجرأ و تعيب فى الرينو هو دة إلى مش مسمحلك أبدا و بعدين تعالة قولى إة حكاية متعة القيادة دى على ما أظن إنك لو ربنا كرمك و ركبت عربية ميجان هتعرف إن فى فرق شاسع بين قيادة الكنب (الشاهين) و قيادة السيارات المحترمة.

ممكن تقولى الشاهين مصممة لــ إية (هى مش عربية عائلية و لا إية) ولا فى الكتالوج بتعها مكتوب ممنوع ركوب الحوامل و الأطفال دى مصممة للاعبى كمال الأجسام فقط .

[mtema99]

إن لله و إن اليه راجعون
يا جدعان اللي بيحصل صفصطه ليس لها اي فعل

[mtema99]

اعتقد ان الموضوع خرج عن النطاق
هذا ليس موضوع لرينو
هذا لتويوتا
و للاخ فادي
ارجوك ارائك يفضل انها لنفسك او تحاول اقناعنا بالبرهان الدامغ
ليس بالكلام انا سقت و انا عملت
و ياجماعه الخير من الان فصاعدا ممنوع الاتي
1- الكلام للكلام فقط(صفصطه) لان فيه نهي حتى فالاسلام
2-ممنوع الكلام او الهجوم على اشخاص (الشخصنه) فقط لحبهم لماركه او شي معين
3-لا يتكلم احد في موضوع إلا و لديه حجه او برهان دامغ

[tutankhamoun]

أستاذ فادي كل كلامه طبعا مغالطان و كلام بدون دليل
المهم .... أنه بيعتمد على التاريخ في التقييم
..............
طيب أنا هأسأل حضرتك سؤال يا أستاذ فادي
مش مصر ........ العراق ......... الهند ......... الصين ......... اليونان
هم أول من صنعوا حضارات و خصوصا مصر و العراق الذين بدأا قبل العالم كله
أين مصر و العراق و الهند و اليونان اﻵن ؟؟؟؟؟؟؟؟؟؟
و سلام بقى علشان أنت أصلا الواحد مينفعش يرد عليك بأكثر من سطر واحد أو سطرين لأنك دائما لا ترد على الموضوع إجمالا و لكن ترد على جزء واحد فقط و صغير و إن أعجبك أيضا و إن لم يعجبك تتجاهله تماما
على العموم مش مهم
بس عايز أقول لحضرتك حاجة ....دلوقتي الشركات بتصنع تقريبا نفس المنتج بتكنولوجيا مختلفة و في رأيي أن الجميع كويس و ممكن يكون ما هو مناسب لك غير مناسب لي
و على فكرة سيارتك الشاهين ........ سيارة كانت مخبأة في كبسولة زمنية و خرجت إلى القرن الواحد و العشرون لتجد سيارة مثل رينو ميجان و سيارة مثل هيونداي النترا و فيرنا و دايو لانوس التي هي أفضل من الشاهين في كل شئ
و لك أجدع سلام

[فادى]

"كلامك يا استاذ فادي كله متناقض بشكل غريييييب انت دلوقتي ضد التكنولوجيا و بتقول بيضحكوا علينا

طيب و فين كلامك اللي قلته قبل كدا ؟؟"

لم تفهم كلامى بشكل, أو أنك فهمت و لكنك تجادل فقط, على طريقة ألست أنت القائل, و هى طريقة لا أحبذها فى النقاش.
عندما تضع مثل هذه الأنظمة فى سيارة عائلية أو فاخرة و هى سيارات تفتقد عادة للثبات بشكل كبير, فان هذا يبقى مبررا, أما عندما تضعه فى سيارة رياضية فهناك خطأ ما.
عموما اليابانيين لو يضعوا مثل تلك الأنظمة لانعدام القدرة القنية و القدرة المادية(سوف يزيد من سعر السيارة, مما سوف يصعب من عملية تسويقها كونها لا تنتمى لماركة ذات اسم عريق).
أولا لازم أوضح نقطة مهمة جدا, بالنسبة لموضوع "الدليل" الى انتو واجعين دماغى بيه, فلازم أوضح نقطة مهمة, أنا أى معلومة عارفها و متأكد منها بقولها, و مبقولش أى معلومة الا لما أكون متأكد منها, و معلوماتى لا أستقيها من مواقع النت فى معظمها, بل من مصادر ورقية, و تعرف طبعا صعوبة استرجاع المصادر الورقية(المجلات, الكتب) و خاصة المجلات التى تتناثر أعدادها بشكل كبير, و بعضها يلقى به فى القمامة, فان كنت لا تثق فى أحد الأفضل لك ألا تناقشه, و ليس كل شىء موجودا فى الانترنت, و لا نغفل المعلومات التى تأتى بطرق سمعية.
و عموما لما الأستاذ توت شكك فى بعض معلوماتى لو يفتكر قلبت الشبكة العنكبوتية رأسا على عقب حتى أحضرت له المعلومات كاملة, و كان الموضوع عن استقلالية اليابان.
هقولك على بعض المصادر :
فيات 128 أول سيارة بمحرك عرضى : سبور أوتو, فى مقالة عن فيات, الأهرام للسيارات.
فيات كروما أول سيارة تربو ديزل حقن مباشر : موقع فيات سنة 2004 عندما كانوا يعلنون عن سيارتهم فيات كروما الجديدة.
و ياربت بعد كده مش عاوز أسمع عبارات من نوعية "رد عائم", "كلام بلا دليل" الى أخر هذا الهراء لأن ده أسلوب أعرفه جيدا, محاولة للتأثير و التشويش على كلامى بطريقة فيها الكثير من المكر و الخبث.
أما الأخ الميجان ال"غاضب" مش عارف ليه, فيا ريت تحاسب على سيارتك البلاستيكية جيدا لأنها تحتاج فعلا للعناية و الا؟ و اوعى حد و انت ماشى يرمى عليك سيجارة و لا حاجة أحسن تسيح:)

"نرجع للثبات ممكن تقولى سيارتك العظيمة الشاهين بتاخد بيها المنحنيات على سرعة كام ؟؟؟؟؟؟ على ما أظن 20 كم/ساعة لو تعرف الحمد الله أنا مجرب عربيتى فى المنحيات الجامدة على سرعة 140 كم/ساعة و يمكن تكون أحسن من كدة بس أنا مبحبش أمشى بسرعة "

طب جرب كده تلف العجل على 140 و شوف هيحصلك ايه, بلاش تضحك الناس عليك.

[Anti_virus_abdo]

"كلامك يا استاذ فادي كله متناقض بشكل غريييييب انت دلوقتي ضد التكنولوجيا و بتقول بيضحكوا علينا

طيب و فين كلامك اللي قلته قبل كدا ؟؟"

لم تفهم كلامى بشكل, أو أنك فهمت و لكنك تجادل فقط, على طريقة ألست أنت القائل, و هى طريقة لا أحبذها فى النقاش.
عندما تضع مثل هذه الأنظمة فى سيارة عائلية أو فاخرة و هى سيارات تفتقد عادة للثبات بشكل كبير, فان هذا يبقى مبررا, أما عندما تضعه فى سيارة رياضية فهناك خطأ ما.
عموما اليابانيين لو يضعوا مثل تلك الأنظمة لانعدام القدرة القنية و القدرة المادية(سوف يزيد من سعر السيارة, مما سوف يصعب من عملية تسويقها كونها لا تنتمى لماركة ذات اسم عريق).
أولا لازم أوضح نقطة مهمة جدا, بالنسبة لموضوع "الدليل" الى انتو واجعين دماغى بيه, فلازم أوضح نقطة مهمة, أنا أى معلومة عارفها و متأكد منها بقولها, و مبقولش أى معلومة الا لما أكون متأكد منها, و معلوماتى لا أستقيها من مواقع النت فى معظمها, بل من مصادر ورقية, و تعرف طبعا صعوبة استرجاع المصادر الورقية(المجلات, الكتب) و خاصة المجلات التى تتناثر أعدادها بشكل كبير, و بعضها يلقى به فى القمامة, فان كنت لا تثق فى أحد الأفضل لك ألا تناقشه, و ليس كل شىء موجودا فى الانترنت, و لا نغفل المعلومات التى تأتى بطرق سمعية.
و عموما لما الأستاذ توت شكك فى بعض معلوماتى لو يفتكر قلبت الشبكة العنكبوتية رأسا على عقب حتى أحضرت له المعلومات كاملة, و كان الموضوع عن استقلالية اليابان.
هقولك على بعض المصادر :
فيات 128 أول سيارة بمحرك عرضى : سبور أوتو, فى مقالة عن فيات, الأهرام للسيارات.
فيات كروما أول سيارة تربو ديزل حقن مباشر : موقع فيات سنة 2004 عندما كانوا يعلنون عن سيارتهم فيات كروما الجديدة.
و ياربت بعد كده مش عاوز أسمع عبارات من نوعية "رد عائم", "كلام بلا دليل" الى أخر هذا الهراء لأن ده أسلوب أعرفه جيدا, محاولة للتأثير و التشويش على كلامى بطريقة فيها الكثير من المكر و الخبث.
أما الأخ الميجان ال"غاضب" مش عارف ليه, فيا ريت تحاسب على سيارتك البلاستيكية جيدا لأنها تحتاج فعلا للعناية و الا؟ و اوعى حد و انت ماشى يرمى عليك سيجارة و لا حاجة أحسن تسيح:)

"نرجع للثبات ممكن تقولى سيارتك العظيمة الشاهين بتاخد بيها المنحنيات على سرعة كام ؟؟؟؟؟؟ على ما أظن 20 كم/ساعة لو تعرف الحمد الله أنا مجرب عربيتى فى المنحيات الجامدة على سرعة 140 كم/ساعة و يمكن تكون أحسن من كدة بس أنا مبحبش أمشى بسرعة "

طب جرب كده تلف العجل على 140 و شوف هيحصلك ايه, بلاش تضحك الناس عليك.

ايه الي حضرتك بتقوله ده
انت بتقارن ثبات الشاهين بثبات الميجان !!!!!!!!!!!!!!!!!!!!!!!
و بعدين الميجان (البلاستيك) الي حضرتك بتتريق عليها ديه واخده خمس نجوم في اختبارات التصادم
ممكن تقولي الشاهين (الصفيح) واخده كااام ؟؟!
انا علي فكره و لا معايا ميجان ولا شاهين بس سوقت الميجان و ثباتها رهييب !
و انا متابع كلام حضرتك و كل المواضيع من الاول و كله كلام متناقض في بعضه و 80 % من الكلام لا اساس له من الصحه و رغم كده مكنتش برضا ارض في مواضيعك
لكن تقارن ثبات الشاهين بالميجان .. كفايه بقي
و زي م قال احد الاعضاء الكرام قبل كده الظاهر ان حضرتك بتحب تشوف ردود كتيير في مواضيعك

[Mosso]

يا عم ده واحد بيقولك الشاهين الي مرفوعه نص متر من ورا ثباتها احسن من الكورولا
مش عايزه يقول ان الميجان وحشه
لا حول ولا قوه الا بالله
والله العظيم انا بدخل هنا عشان استفيد من الاستاذ pro-drive و mtema و tut
بس ده برده منكرش اني داخل عشان اضحك على كلام الاستاذ فادي صاحب الـ SAHiN GT-R
الي هو مفتخر انها مصنوعه سنه 1981
يبقى مين بالذمه بيفكر بطريقة الرجوع للخلف؟؟؟؟؟؟؟؟؟؟؟؟

[Megane]

طب جرب كده تلف العجل على 140 و شوف هيحصلك ايه, بلاش تضحك الناس عليك.

واضح جدا إن الناس بتضحك على كلامى بدليل (إللى دائما مش عندك) الرد رقم 201 و 202 يا أستاذ فادى إرحمنا و خلى معلوماتك الغلط لنفسك لأن المنتدى معمول للإستفادة من المعلومات الصحيحة مش إللى من واقع خيالك.
- أما بالنسبة لسؤالى لماذا لم تجاوب علية ؟ و ممكن أقولة مرة أخرى.....
ممكن تقولى الشاهين مصممة لــ إية (هى مش عربية عائلية و لا إية) ولا فى الكتالوج بتعها مكتوب ممنوع ركوب الحوامل و الأطفال دى مصممة للاعبى كمال الأجسام فقط
- ياريت تجاوب على كل سؤال بوضوح و بدون لف و دوران و طريقة مستفزة لجزب إعضاء المنتدى لمناقشة خير مفيدة بالمرة و على فكرة دة مش رأيى لوحدى على ما أظن كل واحد دخل و قرأ كلامك قال إن 80% منة غلط طيب لية ماسك فى الكلام كدة و مش عايز تقطنع و لو بـ 10% من الردود الموجة لك
ملحوظة يوجد فى هذا التعليق سؤالين أتمنا إجابتين.

[فادى]

الأخ موسو, ميجان, و الأخ انيفيروس.
لا أعرف لماذا كل هذا الحنق و الغضب؟!
الأخ برو رغم ردوده المستفزة لكنه محترم فى ردوده, الأخ توت رغم أن له ديباجة دائما ما يبدأ بها ردوده "كلامك عائم , كلامك بدون دليل", لكن ردوده محترمه الى حد ما, الأستاذ محمد متيما أراه متعصبا جدا للسيارات اليابانية و لكنه يعبر عن رأيه بمنتهى الأدب و الاحترام, أما أنتم فلا أعرف ما كل هذا الغضب و الحنق على ماذا؟! هدو اعصابكو :)
من المضحك الحديث عن ثبات سيارة عائلية متوسطة دفع أمامى بمحرك 1600 سى سى و فوق ال100 حصان الا فى حالة السيارات المصممة لتكون سيارة رياضية. نقطة و انتهى.


"ممكن تقولى الشاهين مصممة لــ إية (هى مش عربية عائلية و لا إية) ولا فى الكتالوج بتعها مكتوب ممنوع ركوب الحوامل و الأطفال دى مصممة للاعبى كمال الأجسام فقط "

مصممة لتكون سيارة اقتصادية و متينة و قوية ذات أداء جيد فى فئتها و تستطيع توفير الحد الأدنى من الراحة و الأمان لسيارة فى سعرها بدون التضحية بعامل الأداء.

[PRO-DRIVE]

يا فادي باشا بالله عليك قول دليل ادي دليلي

هنا بالنسبه لموضوع التربو ديزل اللي انت "بتتدعي"ان فيات هي اللي اخترعتها

http://en.wikipedia.org/wiki/Turbo_diesel

This type of engine was first introduced in a production car in May 1978 in the Mercedes-Benz 300SD (series W116, engine OM617.950), only produced for the United States.


اولا عشان اصدقك لازم تكون سياره فيات كورما نزلت قبل شهر مايو 1978

ان شاء الله تكون نزلت نفس الشهر حصدقك :)

بس طبعا انت مش حترد

بس اقدم تاريخ موجود "عندي" لفيات كورما هو 1985 :) شوف بقي مين اللي اخترع :)

لم تفهم كلامى بشكل, أو أنك فهمت و لكنك تجادل فقط, على طريقة ألست أنت القائل, و هى طريقة لا أحبذها فى النقاش.
عندما تضع مثل هذه الأنظمة فى سيارة عائلية أو فاخرة و هى سيارات تفتقد عادة للثبات بشكل كبير, فان هذا يبقى مبررا, أما عندما تضعه فى سيارة رياضية فهناك خطأ ما.

انت مش لسه قايل ان الشاهين عربيه مش للحوامل ؟؟؟

و بعدين فيات و الفاروميو و فيراري كلهم فيهم الانظمه دي

اذا فيراري و الفاروميو ثباتهم منعدم أو بيضحكوا علي المشترين

اختارلك اجابه من الاتنين دول :) لأن ملهمش ثالث :)

أولا لازم أوضح نقطة مهمة جدا, بالنسبة لموضوع "الدليل" الى انتو واجعين دماغى بيه, فلازم أوضح نقطة مهمة, أنا أى معلومة عارفها و متأكد منها بقولها, و مبقولش أى معلومة الا لما أكون متأكد منها, و معلوماتى لا أستقيها من مواقع النت فى معظمها

احنا في منتدي سيارات و السيارات مش الهه

اي معلومه فيها نقاش لا كلامي ولا كلام حضرتك قرأن :)

و ياربت بعد كده مش عاوز أسمع عبارات من نوعية "رد عائم", "كلام بلا دليل" الى أخر هذا الهراء لأن ده أسلوب أعرفه جيدا, محاولة للتأثير و التشويش على كلامى بطريقة فيها الكثير من المكر و الخبث.

اولا حضرتك مردتش عليا في موضوع محركات الادا و الفولجا

ثانيا مردتش عليا في موضوع ساب 9-2

الموضوع مش خبث قد ما الواحد يقطع نفسسسسسسسسسسه يدورلك و في الاخر
انت تيجي بكل بساطه متردش :@

طب جرب كده تلف العجل على 140 و شوف هيحصلك ايه, بلاش تضحك الناس عليك.

مش حقول غير ربنا يستر عليك في حادثه علي 40 كيلو متر :)

ساعتها حتتمني البلاستك دا :)

[mamo206]

سورى ياجماعه انا عندى رد على الاستاذ فادى
ا1_انا مكنتش بحب التويوتا وكنت باكرهها
هيا مع اخويا بقالها حوالى سنتين وبالرغم من انها موديل 2003 لكن الشهاده لله عربية
خلتنى احب اليابانى واهم ميزاتها الصوت الهادى عفشة مفيش بعد كده بس تكنولوجيا تعتبر مقبوله
2- ماينفعش تقارن بين رينو ميجان وشاهين ياراجل ده كفاية الاسم ارحم نفسك بقى ياراجل انا كان معايا بيجو 505 موديل 80 وكنت بامشى فوق الشاهين
ماينفعش تقارن بين السما والارض
3- مش عيب ان اليابانين يقلدوا زمان المهم هما دلوقتى اية
ملحوظه: على كده الشاهين احسن من الالنترا
مستنى ردك

[CosmicOne]

يا جماعة كل الموضوع بأختصار شديد ان فادى بية عمروا ما ساق عربية كويسة
حتى انو فى موضوع سابق قال ان احسن سيارة ساقها فى حياتة هيا بيجو 405

فمعلش سمحوة لأن الى ميعرفش دايماً بيبقى كدة
وعلى كلامة بقى ان الشاهين فى الثبات احسن من السيارة العائلية البى ام دبليو 525 مثلاً لانها مزودة بنظم الثبات الالكترونى علشان تدارى عيب العفشة الى السوستة فيها بتمن الشاهين :)

[Chicco]

انا بدخل هنا عشان استفيد من الاستاذ pro-drive و mtema و tut

+111
الحقيقة لازم نعترف بفضل فادي باشا اللي خلانا نستفيد من معلومات الثلاثى الرهيب دول
و كمان فوق العشرين صفحة ومائتين مشاركة في موضوع مفروغ منه ...برافو فادى;)

[Anti_virus_abdo]

يا جماعه نداااء الي كل اعضاء المنتديييي الكرااااااام
بعد النقاش و التحليل ثبت ام الشاهين افضل سياره في فئة من 50 الي 150 الف و لا اعلم عندما نتكلم عن الفئه الي بعد كده (الافنسيس - الاوكتافيا - الجيتا) هل ستكون افضل من الشاهين في الثبات و لا لأ ... الله اعلم !! و نتمني من الله ان تكون افضل فعلا عشان ما يكونش الناس رموا فلوسهم في الهواا
و انا بعد الكلام الي قريته ده بنصح كل الاعضاء (chicco -cosmic one -pro drive - megane) انهم يبيعوا سيارتهم و يشتروا شاهين .
مع كل احترامي للناس الي تكمتلك الشاهين

[tutankhamoun]

يا أستاذ فادي
على فكرة أنا لا أحب الرينو أبدا و لكن هذا لا يمنع أنها سيارات فوق الممتاز

أولا العربية الميجان دي مش بلاستيك
هي الرفارف فقط لا غير
ثانيا .......... أي حادئة تعتبر حادثة مدمرة
يعني عملت الحادثة بالشاهين ........... عملتها برينو ميجان .......... أو تويوتا كورولا
في الآخر هي حادثة
و على فكرة عايز أقول لحضرتك حاجة
الرينو الميجان دي واخدة 5 نجوم في أختبارات الأمان و كمان يتم بيعها في كل أسواق أوروبا و موجود منها في كندا على ما أعتقد
أما الشاهين
أين تباع ......... في مصر .... أثيوبيا ..... تركيا ......... فقط
مصر و أثيوبيا علشان بيجمعوها بترخيص من المصنع الأم في تركيا
شوفت أحنا وصلنا لحد فين .......... بقينا أحنا و أثيوبيا واحد !!!
و تركيا علشان هي اللي أشترت رخصة خط إنتاج 131 من فيات عندما أوقفت فيات هذا الخط
يعني فيات حبيبتك .......... و حبيبتي أنا كمان علشان أنا بحب و بأعشق فيات
المهم نرجع للموضوع
أوقفت فيات خط إنتاج و تطوير السيارة 131 منذ عقدين تقريبا أو أكثر قليلا
يعني الشركة الأم نفسها أوقفت خط الإنتاج ............ و لم تستطع أن تواكب العصر في ذلك الوقت بمتابعة تطوير نفس السيارة و تم تفضيل إنتاج أسماء جديدة بتصميمات مختلفة
أما تويوتا ........ اللي مش عاجبة حضرتك
لديها سجل حافل بالانجازات ........ أتعرف ما هو ؟؟؟
هو أنها لديها السيارة الأكثر مبيعا في تاريخ السيارات العالمي و هي السيارة تويوتا كورولا
لم تفعلها بيجو .......... لم تفعلها فيات .......... لم تفعلها جنرال موتورز
المهم أيضا تويوتا السيارات الأكثر مبيعا في العالم و هذا إن دل فلا يدل على شئ إلا الجودة و ثقة الناس بها .
و مفيش ولحد هايبقة قدامه شاهين ب 60000 و أيضا كورولا ب 120000 و يكون الأثنين في نفس الجودة و الأداء و يروج يشتري كورولا بضعف الثمن و بموتور أقل لأن تقريبا موتور الكورولا اللي بالسعر ده 1300 سي سي
و لكن جرب تركب الكورلا
راحة رهيبة داخل السيارة ..... موتور ناعم ......... توفير في البنزين رهيب
كنب مريح و جميل ............ سيارة معمرة جدا جدا جدا ........ قطع غيار يتم تركيبها و نسيانها لفترة طويلة ......... شكل جميل و رهيب ......
نيجي بقى للشاهين
تصميم قديم جدا من فيات و يبلغ عمره ما يزيد على 30 سنة
عفشة ناشفة جدا .......... و متقوليش رياضية علشان أنا معايا الجين 2 عفشة رياضية و برضه ما بحسش بالمطبات
موتور صوته عالي على الفاضي بدون قوة
استهلاك بنزين عالي

تمتاز السيارة الشاهين بأنها ذو شكل تقليدي و كلاسيكي جميل لبعض الناس و تعطيك احساس بالقوة عكس حقيقتها
يعني لو عملت لا قدر الله حادث ........... هتلاقي الموتور بيشرب معاك شاي في صالون العربية
عكس الرينو ميجان و الكورلا اللي مش عاجبين حاضرتك
-------------
أنا بس عايز أقول حاجة
السيارة الشاهين سيارة جميلة لمن يحبها
و لكن لا تعيب على الآخرين بمعلومات مغلوطة لمجرد أنك تكره التكنولوجيا الحديثة
و ليس لأن الشاهين مفتقدة لهذه الميزة نظرا لغياب شركة كبيرة ورائها لتقوم بعملية التطور لأننا و كما نعرف توفاس التركية ليس لديهم مركز أبحاث مثل فيات أو رينو أو تويوتا
لذلك ظلت الشاهين قديمة قدم الزمن
فهي قديمة التصميم و التكنولوجيا ......... حديثة الصناعة
------------
و ربنا يباركلك في الشاهين و يبارك لأصحاب التويوتا و الرينو و الجيـــــــــــن 2 !!!!!!!!!