مميزات وعيوب الماروتى بالتفصيل

[khaledsaad]

عليك والماتيز انا مجرب كتير

[samehbad]

السلام عليكم
هل ممكن حد من الأخوة يدلنى على مكان أجيب منه الكتالوج بتاع الماروتى 800 موديل 2008 (العربى طبعًا) لأنه وبكل أسف ضاع منى قبل ما أفتحه حتى .
أكون شاكر

[tamercc84]

ممكن تلاقيه فى التوكيل بس برضه نرجو الساده الاعضاء افادتنا بخبرتهم

[m7nsh]

موضوع هايل جدا بصارحه

طيب عاوزين نعرف الناس الماروتيه اللى هنا بيحطولها بنزين 80 ولا 90 و لا بيخلط من ده على ده ؟؟

ناس كتير قالتلى خلطلها ,, ونا قريب فى الكتالوج بتاعها انه recommended ميقلش رقم الأوكتان عن 85 فى البنزين اللى هتمون بيه



هو الموضوع واقف برده على معرفه نسبه الأنضغاط ليها انا كنت قريتها فى الكتالوج برده بس نسيتها هابقى ابص عليها تانى واقولكو

فانتو ايه رايكو ؟؟ 80 ولا 90 ولا مخلط

[OZYDREAMS]

90 ياباشا لو 2008

[xylola]

موضوع هايل جدا بصارحه

طيب عاوزين نعرف الناس الماروتيه اللى هنا بيحطولها بنزين 80 ولا 90 و لا بيخلط من ده على ده ؟؟

ناس كتير قالتلى خلطلها ,, ونا قريب فى الكتالوج بتاعها انه recommended ميقلش رقم الأوكتان عن 85 فى البنزين اللى هتمون بيه



هو الموضوع واقف برده على معرفه نسبه الأنضغاط ليها انا كنت قريتها فى الكتالوج برده بس نسيتها هابقى ابص عليها تانى واقولكو

فانتو ايه رايكو ؟؟ 80 ولا 90 ولا مخلط

أنا بستخدم 92 ومره أو مرتين جربت 90 كان سيء أووىىىىى في سحب العربية

[tamercc84]

انا جربت كله و ال90 كان بيقلل السحب عن ال92 شويه بس مش بطال اما ال80 فلازم توطى الكهربا عشان متسقفش معاك و لو وطيتها للحد المطلوب فانت كده قتلت السحب خالص.
و انا جربت اخلط قبل كده حطيت 20 لتر 92 على 10 لتر 80 و كانت النتيجه ان انا كأنى حاطط كله 80 و كانت تفويله (مهببه) ومن ساعتها بقيت باحط 92و ماشى كويس من ساعتها

[m7nsh]

شكرا يا xylola ويا tamercc84 على ردكو

انا رجعت للكتالوج و لقيت ان الCR compression ratio بتاعها 8.8 ودى تعتبر نسبه منخفضه و يتحطلها 80 عادى على كلام الخبرا فى الورشه هنا

عموما انا جرت حطيت 80 و العربيه مفرقتش فى السحب خالص هو هو :wacko:و مسقفتش على السرعات ولا كركرت خالص فمحتجتش اوطى الكهربا من الأسبراتير من اساسه ,, و حسبت انه مناسب ليها

حاجه غريبه ! مقارنه بكلامكو :k20:


عموما هابقى اجرب احطلها 92 واشوف الفرق كده و ابقى اقولكو ان شاءالله

شكرا لردودكو مره تانيه

[tamercc84]

يا باشا ميه ميه طالما كده يبقى حلو و يبقى اوفر فى الايام اللى مايعلم بيها الا ربنا دى. و دا عاده بنسميه عندنا فى الادويه individual variation يعنى دوا مايجبش نتيجه فى عيان و يجيب نتيجه هايله فى عيان تانى ووضح ان دا فى العربيات كمان وعموما دا ممكن يكون على حسب الكهربا عندك او طريقه المشى و يا ريت اول ماتجرب ال92 تقولنا ايه الاخبار

[totyfox]

انا بحط 92 و زى الفل

[m7nsh]

هههههههه اصلى يا دكتور تامر ,, صحيح العلم نورن

جامد التشبيه ده ,, واصل فعلا مهو عربياتنا مرضانه و طلعان عينها من المشى بيها على عنين البقر و المطبات اللى تدغدغ اتخنها عفشه ده غير الشوارع المسفلته و الناعمه ( كالحرير )

بس بجد لو حطيت 92 اكيييييد هقولكوع اللى حصل ,, ولو انى اشك انه هيتحط طول ماهى ماشيه كويس !! عرق الأستخسار بينقح برده بينى وبينك ع الواحد ههههه

تسلم يا تموره ع المتابعه

[freespoken]

مشكله في الاستهلاك

انا يا جماعه عندي مشكله في الاستهلاك لأني لما حسبت لقيت 1 لتر 90 => 11.4 كم
ولما رحت اسأل في التوكيل فوجئت بالرد
تخيلو ايه؟؟؟؟
قالي الباشمهندس العظيم ان الاستهلاك بيكون طبيعي لما يكون 1 لتر لكل (من 10 الي 15 كم) يعني ايه مش فاهم كل ده رينج بلعب فيه؟؟؟؟
ولما قلتله ازاي دع انا بقه كنت اشتريت التو او اسبارك قالي هيا هيا الألتو عني بتعمل كده برده..... بقه ده اسمه كلام
انا طول عمري اعرف ان الماروتي استهلاكها قليل جدا انا مش مصدق ولو الكلام ده صح يبقي انا اتخدعت في الماروتي جامد وكنت خليت بقا ال 132 مهيا هياها مع فرق 1600 سي سي
حد يفهمني ياجماعه العربيه معايا مكملتش 2000 كم
مستني ردكم علي احر من الجمر

[m7nsh]

على فكره انا كمان يا free كنت بعانى من نفس المشكله ,, الأستهلاك لما جيت حسبته كان زيك كده ويمكن كان اقل ,, كان تقريبا 10 كيلو فى اللتر !! بس كان كل المشاوير و الحركه بالعربيه جوه البلد

مع السفر الوضعه اتحسن شويه بس مش كتير ,, بس لما حطيت بنزين 80 بقت مش فارقه و السبب معروف وهو رخص البنزين ال80 عن ال90 اكيد

بس فى حاجه ,, سمعت من ناس كتير ان الماروتى كهربتها عاليه ,, و هى بتنزل كده بظبط المصنع ,, و ده بيظهر ان لما بتيجى تبطل العربيه مش بتبطل علطول بتحس ان فى لسه شويه (رجرجه),, المهم ناس قالتلى ان موضوع الكهربا الزياده ده بيزود الأستهلاك ,, فممكن توطيه كهربا العربيه يساعد فى تقليل الأستهلاك ,, والله اعلم

ده كل اللى اعرفه عن القصه دى الحقيقه ,, و برده انا مستنى معاك رد باقى الأعضاء

[tamercc84]

هو فعلا الماروتى ظبطتها ان الكهربه تبقى عاليه سنه بس عربيات كتير ماروتى اول ما تيجى بتبقى عاليه او ى و دا فعلا بياكل بنزين اكتر (بكتير) وانا كانت بتعمل معايا حوالى 220 كيلو فى الصفيحه ايام ما كانت مش مظبوطه لكن لما الكهربه اتظبطت بقت بتعمل 240 الى 280 فى المتوسط علما ان انا بامشى على الطرق و فى البلد و باحرق جامد على النقلات بس بأكد ان الكهربه بتستهلك بنزين جامد و دا عن تجربه اول ما جبت العربيه و كمان ايام ما رحت زودت الكهربه عن قصد عشان اشوف دا هيزود السحب ولا لأ لقيت انها مفرقتش اوى الا فى البنزين و الابلاتين اللى غيرته فرجعتها تانى
حاول بس تروح لميكانيكى بيفهم و يعدلهالك بحيث تكون مظبوطه و ان شاء الله هتحس بفرق جامدفى البنزين و ماتقلقش على السحب طالما موطيتهاش اوى و ربنا يباركلنا كلنا ويسترها معانا

[tamercc84]

و على فكره يا m7nsh طالما مبتبطلش على طول بيبقى دا دليل على انها عاليه فعلا زياده عن اللزوم و دا فى كل الماروتى لما ييجى جديد و لازم توطيها شويه بحيث توصل لأعلى درجه كهربه متخليش العربيه تعمل كده و ان شاء الله هتحس بالفرق و تدعيلى