التقرير المنتظر لسيارات سوزوكي 2015 المرتقبة

[shiko85]

موضوع ممتاز و مجهود رائع و اكيد ناس كتير هتستفاد منه و ربنا يجعله فميزان حسناتك ان شاء الله

[Sherifafifygal]

العربية معاية و بس ما شاء الله و الله احسن من الاتراج و ستب واى رينو

[Dr_Smart]

ال s-cross غالبا هتنزل بمحرك vvt 118 حصان وعزم 156 وفتيس cvt

وواخده ٥ نجوم في ال euroncap ( الموديل بتاع بره ابو ٨ ايرباجز )

وفرامل خلفيه disc مش drums زي ال sx4

بس يعيبها نظام التعليق الخلفي مازال torsion beam

[D . a .\ AYMAN]

ال s-cross غالبا هتنزل بمحرك vvt 118 حصان وعزم 156 وفتيس cvt

وواخده ٥ نجوم في ال euroncap ( الموديل بتاع بره ابو ٨ ايرباجز )

وفرامل خلفيه disc مش drums زي ال sx4

بس يعيبها نظام التعليق الخلفي مازال torsion beam

بس ياترى هاتنزل الفئة الدفع الرباعي ... لو كدة يبقى العربية دي ما تتسابش بصراحة وطظ في كل الكماليات اللى ممكن تكون زيادة في السبورتاج أو الـ آي إكس 35 ... ده لو فيه أصلا حاجة زيادة فيهم مهمة عن اللى في الـ S CROOS

على فكرة السويفت الهاتش باك واخدة برضه خمس نجوم في الـ euroncap ... بس الفئة اللى نازلة برة فيها 9 إيرباجز مش أثنين بس زي عندنا

[Dr_Smart]

بصراحه مش شايف ان الدفع الرباعي هيكون ميزه لينا في مصر بالعكس هيزود استهلاك البنزين الا لو كان on and off اختياري مش دائم

[shedoz]

موضوع رائع تسلم ايدك.

انا ركبت السويفت السيدان في المعرض واعجبت بها جدا.

فين المعرض بالظبط يا فندم ؟

[D . a .\ AYMAN]

فين المعرض بالظبط يا فندم ؟

في كذا فرع

الرئيسي : أبو رواش الكيلو 28 طريق مصر اسكندرية الصحراوي ... الدخلة اللى قبل داندي مول على طول قدام شوية على الشمال

فرع مدينة نصر : 11 شارع عبد الرازق السنهوري من عباس العقاد في نص الشارع تقريبا على اليمين وانت داخل من عباس العقاد

الجيزة : 26 شارع المساحة الدقي ... معرفش أوصفه لأني عمري ما روحته ... بس عنوانه سهل أعتقد

[lo22a]

تقرير هايل اشكرك

بسم الله الرحمن الرحيم ،،، الحمد لله رب العالمين والصلاة والسلام على أشرف المرسلين وعلى آله وأصحابه أجمعين

ده تقرير بسيط كده عن زيارة لفرع مودرن موتورز أبو رواش أول ما السيارات الجديدة بتاعة سوزوكي نزلت قلت أروح أتفرج عليها


نبدأ بإذن الله بالألتو 800 سي سي
===================

أولا من ملاحظاتي عليها إنهم للأسف خلوها أسوأ من الأول عشان يقدروا ينزلوا بسعرها لمستوى مش بعيد ... بس كان المفروض بالنسبة لي ينزل أكثر من فئة ... الأولى تبقى قليلة في المواصفات بسعر كويس والثانية تبقى بمواصفات أعلى بسعر أعلى للى عايزها ... ولكن هي دي سياسته في كل العربيات منزل فئة واحدة فقط من كل الموديلات اللى نازلة

الفئة اللى نازلة ... موتور 800 سي سي ، 12 صباب 3 سلندر ، 48 حصان (أيوة 48 حصان) ليه مش عارف مع إن موديل 2008 كان 58 حصان على ما أذكر ... إيه السبب في كدة مش عارف بصراحة لأن المفروض إنه نفس المحرك ... بس بتاع المبيعات بيقولي المحرك متغير ويمكن يكون أنا فاكر الرقم بتاع القديمة غلط لأني مش متأكد



للأسف العربية متنفضة من كل الكماليات اللى بتنزل بيها في بلدها ...

1- شال المرايات ذات التحكم الداخلي ... وحط المرايات بتاعة الماروتي - اللى عشان تضبطها لازم تفتح الشباك وتطلع إيدك بره تضبطها

2- شال الباور ستيرينج

3- شال الزجاج الكهرباء ... وبقت كلها يدوي

4- التابلوه بالنسبة لي تنظيمه أسوأ ... لأنه حط زرار الانتظار تحت شوية بعيد عن متناول اليد ... وخلى مكان أزرار التحكم في التكييف فوق مكان الكاسيت

5- شال درج الطفاية (كنت بحب أحط فيه الفلوس الفضة)

6- شال مخرج الولاعة (طبعا الاستخدام الأساسي ليه شاحن الموبايل) ومافيش مكان آخر للشاحن نهائيا في أي حتة وقعت عليها عيني

7- للأسف مكان الكاسيت لا يسمح سوى بتركيب كاسيت عادي وليس عريض بشاشة كبيرة مثلا أو جي بي إس ... لأن مكان زرار الانتظار قافل عليه من تحت

8- حامل الأكواب لا زال مكانه تحت التابلوه ويصعب الوصول إليه وكمان بدل ما كان إثنين بقى واحد فقط مع مساحة أظرف من الأول بصراحة لوضع أي حاجة صغيرة جنبيه

9- البابين اللى ورا لا زالوا مالهمش زرار لإضائة لمبة الصالون ولما يتفتحوا ما بينوروش لمبة الأبواب المفتوحة في لوحة العدادات ... يعني لو طفلك نسي الباب بتاعه اللى ورا مفتوح ولا هتاخد بالك ... وده عيب كان مضايقني قوي وعملتله تعديل عندي أول ما جبت العربية وشغلت الأبواب كلها على زرار لمبة باب السائق وركبت للبابين اللى ورا زرارين بتوع دايو لانوس تقريبا أو لانسر بوما مش فاكر بصراحة أنهي اللى ركب عندي



الإيجابيات
========

1- تصميم هوايات التكييف أفضل وتسمح بغلقها عكس الموديل القديم

2- مكان السماعات بقى في البابين اللى قدام ... الموديل القديم كان فوق في التابلوه

3- عجلة القيادة تصميمها أحلى بمراحل عن القديمة (بصراحة كانت مش عاجباني خالص)

4- وضع الفتيس وشكله أفضل بكتير من الأول بالكسوة الجلد والعصاية القصيرة ومكانه أسهل بالنسبة لإمساكه باليد بسهولة ويسر

5- درج التابلوه والجزء المفتوح اللى فوقه شكله أحلى من القديم




ودي شوية صور ليها
============



















































في النهاية سعرها .. 57900 جنيه مصري
=======================


وده لينك لمواصفات وصور أكتر للسيارة على موقع ماروتي سوزوكي

Alto 800 Features, Price ,Specs, Review, Mileage, colors and Pictures

...
...
...

يتبع

تقرير هايل اشكرك

لكن ليا سؤال بما ان حضرتك معاك Alto 800

وواضح من المعلومات المذكورة ان الموديل الجديد هو هو القديم من جهة الماتور والسعة
من جهة الاستعمال وانها 800 cc هل هى تتحمل مشاوير بشكل يومى فى حدود 60-70 كيلو
و قطع الغيار متوفرة واسعارها ؟؟
وبعد فترة من استخدامها فى عيوب بتظهر او اى مشاكل
بعتذر على الاطالة والاسئلة الكتير
وشكرا

[D . a .\ AYMAN]

تقرير هايل اشكرك

لكن ليا سؤال بما ان حضرتك معاك alto 800

وواضح من المعلومات المذكورة ان الموديل الجديد هو هو القديم من جهة الماتور والسعة
من جهة الاستعمال وانها 800 cc هل هى تتحمل مشاوير بشكل يومى فى حدود 60-70 كيلو
و قطع الغيار متوفرة واسعارها ؟؟
وبعد فترة من استخدامها فى عيوب بتظهر او اى مشاكل
بعتذر على الاطالة والاسئلة الكتير :oc_sun1[1]:
وشكرا

من ناحية الاستعمال ... هقولك مثال بسيط ... أنا فضلت لمدة سنة كاملة بسافر بيها أسيوط رايح جاي إسبوعيا ... يعني 800 كيلو في الأسبوع غير المشاوير الداخلية هنا

وقبليها سنتين الشرقية حوالي 100 كيلو يوميا رايح جاي ... ومطروح والغردقة والعريش .... لفت مصر من الآخر

والحمدلله عمرها ما قصرت معايا ولا شفت منها مشاكل نهائيا وقطع غيارها متوفرة في التوفيقية وشارع دمشق وأسعارها متوسطة (يعني أنا كنت جايب الفانوس بـ 250 ... تيل فرامل أمامي بـ 100 ... فلتر هواء بـ 80)

والحمد لله طول مدة الست سنوات اللى قعدتهم معايا ما شفتش منها ولا مشكلة (ولا عفشة ولا موتور) بفضل الله ... إلا مشاكل كنت أنا السبب فيها من الأساس (لو قلبت في مواضيع المنتدي هنا هاتلاقيني تقريبا واجهت مشكلتين وشرحت سببهم وحلهم ... أو ممكن تعمل بحث على المواضيع بتاعتي نفسها)

[a_aseda]

المشكلة ان فرق السعر اعلي بكتير من سعر اي سيارة مثلا في الهند
يعني الالتو بتحويل الروبية للمصري تبقي ب 33 الف
وهيا بتتباع ب 58 في مصر
اضافة الي ان الوكيل شايل حاجات كتير من العربية
والادهي ان لون الاكصدام اسود .... يعني العربية مش لون واحد ... للتوفير وهكذا
فعلا
مشكلة ادارة توكيل

[شريف]

شفتها في اباظة
تسليم فوري ب 104 و السيدان ب 109

هي حلوة و احلي من البيكانتو

[bassemali]

هما لحقوا نزلوها باوفر برايس بتوع اباظه ... الله يلعن الجشع يا اخي ...

[lo22a]

من ناحية الاستعمال ... هقولك مثال بسيط ... أنا فضلت لمدة سنة كاملة بسافر بيها أسيوط رايح جاي إسبوعيا ... يعني 800 كيلو في الأسبوع غير المشاوير الداخلية هنا

وقبليها سنتين الشرقية حوالي 100 كيلو يوميا رايح جاي ... ومطروح والغردقة والعريش .... لفت مصر من الآخر

والحمدلله عمرها ما قصرت معايا ولا شفت منها مشاكل نهائيا وقطع غيارها متوفرة في التوفيقية وشارع دمشق وأسعارها متوسطة (يعني أنا كنت جايب الفانوس بـ 250 ... تيل فرامل أمامي بـ 100 ... فلتر هواء بـ 80)

والحمد لله طول مدة الست سنوات اللى قعدتهم معايا ما شفتش منها ولا مشكلة (ولا عفشة ولا موتور) بفضل الله ... إلا مشاكل كنت أنا السبب فيها من الأساس (لو قلبت في مواضيع المنتدي هنا هاتلاقيني تقريبا واجهت مشكلتين وشرحت سببهم وحلهم ... أو ممكن تعمل بحث على المواضيع بتاعتي نفسها)

اشكرك شكرا جزيلا
افدتنى وان شاء الله اكون كونت صورة شاملة عن العربية

[شريف]

هما لحقوا نزلوها باوفر برايس بتوع اباظه ... الله يلعن الجشع يا اخي ...

اللهم أمين

[شريف]

انا ملقتش الا اختبار تصادم موديل 2010

https://www.youtube.com/watch?v=SLseyuEvWsc

فين اختبار تصادم 2015 اللي واخدة فية 5 نجوم؟