التقرير المنتظر لسيارات سوزوكي 2015 المرتقبة

[D . a .\ AYMAN]

شكرا لحضراتك جدا
بس سؤال اخر ايهما افضل الالتو 2015 ولا سبارك لايت 2015 من وجهه نظرك

هو في سبارك 2015 أصلا ... ولو فيه يبقى أنا معرفش عنها حاجة ... بس عموما السبارك عربية حلوة من زمان وأعتقد اللى هايفرق الإثنين عن بعض فرق السعر لو موجود والكماليات ... يعني مثلا السبارك ممكن تكون زجاج كهرباء وباور وسنتر جاهزين وبنفس السعر أو أغلى قليلا ... يبقى كدة السبارك تكسب

وممكن سبارك يكون نازل منها أتوماتيك وبسعر مش بعيد قوي يبقى برضه هي أحسن

لو انت تعرف عنها حاجة ياريت تقولنا

هو ليه صور سويفت 2015 مختلفة عن الى موجودة على النت

http://vb.almastba.com/t56300.html

http://allmobilephoneprices.blogspot.com/2012/03/2013-suzuki-swift.html

https://www.youtube.com/watch?v=ohmcxxxg07m

حضرتك الصور اللى انت حاططها دي موديل 2013 الأوروبي ... هي عموما نازل منها كذا نسخة حسب الإقليم اللى نازلة فيه

في منها ثلاث أبواب وفيه منها خمس أبواب

وفي منها بـ 9 إيرباجز وفي منها بسبعة وفيه منها بأربعة وفيه منها بإثنين فقط ودي أقل حاجة اللى نازلة مصر

وفي منها النسخة السبورت الـ 1600 سي سي ودي اللى حضرتك جايب صورها وفيديو عنها بتاعة موديل 2013

ولو لاحظت هاتلاقي الإشارات عبارة عن غمازات في الرفرف مش في المرايات زي موديل 2014

[star_2121]

شكررررررررررررررررا
طيب انا لاحظت ان على الموقع بتاعها فى اكسسوارات كتير فى العربية مش نازله معاها .هل ممكن انى اطلب الحاجات دى من الوكيل لما اروح اشترى العربية
SWIFT | Global Suzuki

[D . a .\ AYMAN]

شكررررررررررررررررا
طيب انا لاحظت ان على الموقع بتاعها فى اكسسوارات كتير فى العربية مش نازله معاها .هل ممكن انى اطلب الحاجات دى من الوكيل لما اروح اشترى العربية
swift | global suzuki

للأسف الوكيل شايل منها حاجات كتير عشان يقدر ينزلها بسعر منافس .. معرفش بقى ممكن تطلبها ولا لأ

[star_2121]

انا اتصلت بيه وقالى الحاجات دى ممكن اطلبها فعلا فى العربية لكن المشكلة ان الحجز وصل 5شهوووووووووور

[D . a .\ AYMAN]

انا اتصلت بيه وقالى الحاجات دى ممكن اطلبها فعلا فى العربية لكن المشكلة ان الحجز وصل 5شهوووووووووور

كتيير قوي خمس شهور حجز ... كدة افترا بصراحة

ده هو لسة ما ابتداش يسلم اول دفعة حتى... امال هايسلم امتى

[star_2121]

هل معنى كده ان العربية عليها ضغط كبير؟ ولا ده مالوش علاقة

[ashouhdy]

السويفت دى المفروض تكسر الدنيا بدل عربيات رينو دى

[star_2121]

هو موديل السويفت هاتشباك الى نازل ga , gl, glx اى واحد فى دول الى هينزل فى مصر

[D . a .\ AYMAN]

هو موديل السويفت هاتشباك الى نازل ga , gl, glx اى واحد فى دول الى هينزل فى مصر

لأ بصراحة مش عارف

وإن كان الأرجح إنه ولا دي ولا دي ولا دي ... ولكن ممكن تكون الفئة العالية بس متشال منها شوية حاجات زي التكييف التاتش والكب هولدر والطارة الجلد وكام حاجة تانيين ... لأن الفئة الهاي لاين هي الوحيدة اللى بتنزل 2 إيرباجز في شرق آسيا

يعني من الآخر فئة تفصيل على مزاج الوكيل

[M!SHO]

هي حجم السويفت الهاتشباك اد البيكانتو ولا اكبر منها
والشنطه بتاعتها كام لتر ؟

بالنسبه لموضوع انها ١٢٠٠ سي سي على وزنها كويس جداً

اختي معاها البيكانتو القديمه ١١٠٠ سي سي ومجرمه في الجري والله

[D . a .\ AYMAN]

هي حجم السويفت الهاتشباك اد البيكانتو ولا اكبر منها
والشنطه بتاعتها كام لتر ؟

بالنسبه لموضوع انها ١٢٠٠ سي سي على وزنها كويس جداً

اختي معاها البيكانتو القديمه ١١٠٠ سي سي ومجرمه في الجري والله

من ناحية الأبعاد الخارجية حسب اللى مكتوب في البروشور

السويفت أطول من البيكانتو بـ 25 سم
السويفت أعرض من البيكانتو بـ 10 سم
السويفت أعلى من البيكانتو (الإرتفاع الكلي للسقف) بـ 8 سم
السويفت قاعدة عجلاتها أكبر من البيكانتو بـ 4.5 سم
الإرتفاع عن الأرض (ground clearance) ... السويفت 17 سم ... البيكانتو 15.2 سم .. يعني السويفت أعلى من البيكانتو بـ 1.8 سم عن الأرض
البيكانتو الشنطة بتاعتها 200 لتر
السويفت الشنطة بتاعتها 511 لتر

.....

أنا لما قعدت في الإثنين من جوة ما حسيتش بفرق من ناحية الأبعاد قوي (يمكن عشان ماقعدش كثير في كل واحدة) ولكن حسيت إن قعدة السويفت مريحة أكتر من البيكانتو سواء من ورا أو قدام (إحساس جالي أول ما دخلت جوة السويفت) وفسرته بإن تنجيد الكراسي بتاعتها أفضل من البيكانتو (برغم إن البيكانتو اللى قعدت فيها كانت فرش جلد)

[bassemali]

حجز خمس شهور !!!! دول كذابين .. ده تلاقيه بيحاول يلم حجوزات عشان يعرف يجيب شحنه كويسه .. ده البيكانتو والرينو اللوجان ماعملوهاش .. سوزوكي للاسف وكيلها فاشل وهو اللي مبوظ سمعة العربيات دي مع انها اعتماديه ممتازه .. حتى هنا ف السعوديه السوزوكي مبيعاتها سيئه بسبب ان قطع غيارها غاليه ومش متوفره مع ان الالتو والسويفت هنا مبيعاتهم كويسه .. لكن الوكيل ف مصر عمل حاجه كويسه انه جاب العربيه من الهند مش من اليابان وده هيخلي سعرها ارخص واسعار قطع غيارها كمان ارخص ..

[NaderNabil]

معرض اباظة في التجمع حاطط البيكانتو و السويفت جنب بعض و اتفرجت عليهم امبارح

السويفت شكلها و حجمها اكبر بفرق ملحوظ جدا عن البيكانتو... تحسها ناضجة اكتر عن البيكانتو

تجهيزات و كماليات السويفت افضل بكتير من البيكانتو

كصفقة- السويفت تكسب بدون تفكير لحظة واحدة

[D . a .\ AYMAN]

معرض اباظة في التجمع حاطط البيكانتو و السويفت جنب بعض و اتفرجت عليهم امبارح

السويفت شكلها و حجمها اكبر بفرق ملحوظ جدا عن البيكانتو... تحسها ناضجة اكتر عن البيكانتو

تجهيزات و كماليات السويفت افضل بكتير من البيكانتو

كصفقة- السويفت تكسب بدون تفكير لحظة واحدة

ما سألتش عن سعرهم ياباشا والفئات المتوافرة

[NaderNabil]

بصراحة مسألتش على الاسعار علشان كنت مستعجل و الدنيا كانت زحمة...
البيكانتو كانت الهايلاين (معرفش على ايه و هي فاضية و مافيهاش غير فتحة سقف) و اعتقد دي كانت سعرها ١٠٨