رابطة مالكي السويفت

[elraye2]

يا عمي الله يبارك لي في ذوقك...بس للأسف أنا بقى عندي جنون في اقتناء العدد...عندي دولاب ايديال الحديد ده تقريبا ما بقاش بيتقفل




أنا برضه رأيي كده
بخصوص موضوع السربنتينة أنا بافكر في اولا طريقة لفك المروحة!!!....لأن ده صعب جدا جدا بسبب ان فيه ماسورة فريون مربوطه فالمروحة ودي انا مشفتهاش في اي شركة خايبة حتى

فكرت في استغلال ترانزيستوراية باور مشهورة اسمها 2n3055 ودي سعرها حوالي 6 جنيه مع شوية حبشتكانات ب10 جنيه واعمل دايرة ترفع الفولت اللي رايح للمروحة تخلية بدل 12 يبقى 15 فولت وللا حاجة عشان تدور اسرع...بس لا زلت في مرحلة التفكير
ياريت لو حد عنده طريقة فك للمروحة من على السربنتينة من غير كسر الماسورة يقول

ممكن نتقابل انا وحضرتك حضرتك جمبى فى سمنو
يعنى خطوتين ونحاول نخترعلها اى حاجه بحيث تتفك من غير متبوظ اى حاجه
شوف كده يوم حضرتك فاضى فيه وانا تحت امرك واهو يبقى تعارف وشرف ليا طبعااا
فيه بقى حوار قافلنى من العربيه مخلينى عايز ارميها فى الترعه
انا غسلت العربيه من اسبوع كده الانتظار معدش يبشتعل لما بدوس على الريموت بتاع الانذار
بقى بتدى اشاره شمال يعنى فيه جمب فاصل مع العلم ان لما بدوس على الانتظار او ادى اشاره بيشتغل
بيقى ده من ايه العربيه دى ملهاش النظافه

[exact]

ممكن نتقابل انا وحضرتك حضرتك جمبى فى سمنو
يعنى خطوتين ونحاول نخترعلها اى حاجه بحيث تتفك من غير متبوظ اى حاجه
شوف كده يوم حضرتك فاضى فيه وانا تحت امرك واهو يبقى تعارف وشرف ليا طبعااا
فيه بقى حوار قافلنى من العربيه مخلينى عايز ارميها فى الترعه
انا غسلت العربيه من اسبوع كده الانتظار معدش يبشتعل لما بدوس على الريموت بتاع الانذار
بقى بتدى اشاره شمال يعنى فيه جمب فاصل مع العلم ان لما بدوس على الانتظار او ادى اشاره بيشتغل
بيقى ده من ايه العربيه دى ملهاش النظافه

ياعم ترعة ايه دي حاجة هبلة خالص
هتمشي من اول الفيشة اللي طالعة من الانذار هتلاقي فيه فيوزات راكبة شيك عليها عشان غالبا هتلاقي واحد ضارب او مهزوز وعرفني عملت ايه

[Bright]

هو ليه محدش رد عليا:(((((((((

[sewefy]

بالنسبه لموضوع فك الماسوره ده هتلاقيه فى اليوتيوب

[exact]

السلام عليكم :oc_sun1[1]:

بصوا بقى يا جماعة انا بستفيد جدا من المنتدى ده وبارائكم جدا فعايزة رايكوا
انا عايزة لسه اجيب عربية فكل التفكير طبعا بيبقى فى الماروتى بناتى وصغيرة و .... باقى الكلام اللى انتوا عرفينه
بس ديه مفيهاش اى حاجة خااااااااالص
بس لما شوفت السويفت عجبتنى شكلها وفيه امكانيات اكتر من الماروتى كتيييير وسعر موديلها 93.94.95 تقريبا بيبدا من 25 الف فيه ساعات اقل وفيه طبعا اكتر ..بس انا قريت كتير فى الموضوع ده بس بدات اقلق منها الاعطال والاصوات و.... وانا خايفة معرفش اتصرف معاها على عكس الماروتى كله بيقول اى حد يصلحها وقطع غيارها رخيصة

هاه ايه رايكوا ..علما بانى الحمد لله بسوق بقالى فترة عربية بابا يعنى مش جيباها اتعلم فيها وكده
يا رب اكون وضحت سؤالى و عايزة ردود تفصيلية من فضلكوا :d:d

هو ليه محدش رد عليا:(((((((((

انا كنت رديت بس مش عارف راح فين
ما اعتقدش ان فيه وجه للمقارنة بين الاتنين...دي فئة ودي فئة تانية خالص
وبعدين لو شفتي المشاكل اللي مخوفاكي...عبارة عن ايه؟؟ كلها في الريش...واللي ييجي فالريش بقشيش...وبعدين اجدد عربية هتلاقيها موديل 1999 يعني بقى لها 12 سنه عالاقل ماشية ولسه شغالة

عموما انصحك بانك تشتري حسب الحالة...انا وقت ما اشتريت عربيتي كله اتريق عليا عشان خدتها غالية عن المتوسط العام حوالي 3000 ولله الحمد والبركة من عندك يارب انا باطلع لهم لساني دلوقت
بس طبعا تكوني عارفه انك دافعه في حاجة تستاهل ليه؟؟...لانك ممكن تشتريها رخيصة وتظبطك مصاريف

انصحك انك تجيبيها ياباني مش مصري...من اللي فيها تكييف و ار بي ام...وابعدي عن الاوتوماتيك عشان هتبقى قديمة ومشاكلها كتير

ولو قارنتي ما بين الاتنين فهاقول لك كفايه ان السويفت مكيفة فالايام النار دي او في برد الشتا

واتمنى اكون وضحت وجهة نظري...واي استفسار انا فالخدمة

[exact]

بالنسبه لموضوع فك الماسوره ده هتلاقيه فى اليوتيوب

طب يا أخي تم جميلك بقى وحط اللينك
وبعدين انا مش عاوز افك الماسورة...انا عاوز اخلص المروحة من الماسورة من غير ما افك الماسورة

[elraye2]

ياعم ترعة ايه دي حاجة هبلة خالص
هتمشي من اول الفيشة اللي طالعة من الانذار هتلاقي فيه فيوزات راكبة شيك عليها عشان غالبا هتلاقي واحد ضارب او مهزوز وعرفني عملت ايه

لالالالالالا داانتة كدة تتحسد فعلا طلع فيوز محروق وغيرته وكان فيه باب فاصل كمان السنتر بتاعه مكانش شغال قولت اصلحه بالمره السال بتاعه كان قطم من كتر فتح الباب بصراحه موضوع الاشاره اللى كانت فاصله دى كانت مخليانى مش عايز احط ايدى فى العربيه مع انها تشكر بصراحة وانا فى مصر من كام يوم كملت على المنيا ورجعت روحت ومريحتش فى السكه و وانا راجع مريحتش غير لما وصلت مصر ريحت نص ساعه وكملت على المحله يعنى العربيه تشكر اوى على المشوار ده بس بتيجى تعمل حاجات خايبه بتقفل نفس الواحد منها خالص

[sewefy]

على فكره السويفت من العربيات الجميله اللى التكنولوجيا بتعاتها مش معقده خالص وعربيه مريحه وكويسه انا مره روحت اسكندريه رايح جاى بس ريحت فى اسكندريه ساعتين ونزلت على القاهره تانى بس السفر باليل بيريح الماتور احسن من من السفر فى الحر علشان الحراره بتعلى فى الحر بس هيه عربيه كويسه

[sewefy]

ايه صحوا النوم الربطه مريحه ليه
حد عنده فكره عن تضبيط العربيه يعنى تغير الشكل علشان الواحد يحس بتتغير ذى الثوره كده يعنى عاوز اركب فوج ليت بس الاكصدام عندى شكله ميركبش عليه علشان بشوف ناس الاكصدام ماشى مع الفوج والحاجه التانيه بشوف ناس منفخه العربيه ومحدش يفهم غلط ههههههههههه وعملين شغل جامد والحاجه التانيه موضوع العدادت ده شوفت واحد بيعمل العدادات دى لونين احمر على السرعه واخضر على المؤشر شكله على السويفت ملهوش حل اسمه ادريان فى الهرم بس مش عارف بكام يعنى اللى عنده فكره حلوه وعملها يحط صورت عربيته ونشوف

[th_it2003]

مبروك عليك...بس اوعى تكون ما فاصلتش..بس السعر حلو...اللي هناك اسمه رضا ده فظيع...أنا رايح له كمان شوية, والصراحة خدت من عنده جوز فوانيس ملهمش حل بس طلعت عينه فالفصال وخدتهم مع مراية يمين كهربا ب 360 جنيه...وكنت هاجيب اكصدام استيراد قاللي ب 500 وفاصلت معاه ل400 وعليه جوز فوانيس شبورة اصليين بس قفلت معايا على اني كنت عاوزهم ب 350...
وجبت بعد كده أكرة شمال ب 20 جنيه كاملة...قربة مياه بتاع مساحات بموتورين جديدة لانج ب 85 وخلصت على 60...وعنده برضه ردياتير زيرو عامل 200 جنيه أول كلام...وقال لي طقم مكن ازاز كهربا بالفرش بتاع الابواب ب1000 جنيه!!!!!!!!!! طلع مني ساعتها صوت حنجوري مش لطيف خالص عشان الاستعباط
فيه برضه المغازي فالحسينية قدام الخضري...بس ده غالي شوية ومجموعته محدوده

هو مكانه فين بالظبط المكان ده علشان عاوز اروح له

[exact]

هو مكانه فين بالظبط المكان ده علشان عاوز اروح له

كدش على الطريق السريع لو انت جاي من السريع من ناحية الصينية وبعدين طلعت كوبري الجامعة هتنزل وتمشي على طووووووووووووووووووووووووول لحد اما تلاقي على يمينك بنزينة كالتكس هو قصادها عالناحية الشمال في ارض فضا كده....هتمسك شمال واول يو تيرن تاخده وترجع له

[th_it2003]

ألف شكر يا دكتور مصطفى

[efsa]

أنا عضو جديد اسمحولي أنضم ليكم
اشتريت سويفت 93 ياباني كحلي وأحب أكون واحد من أعضاء المنتدى

[exact]

أنا عضو جديد اسمحولي أنضم ليكم
اشتريت سويفت 93 ياباني كحلي وأحب أكون واحد من أعضاء المنتدى

يا هلا

[Bright]

انا كنت رديت بس مش عارف راح فين
ما اعتقدش ان فيه وجه للمقارنة بين الاتنين...دي فئة ودي فئة تانية خالص
وبعدين لو شفتي المشاكل اللي مخوفاكي...عبارة عن ايه؟؟ كلها في الريش...واللي ييجي فالريش بقشيش...وبعدين اجدد عربية هتلاقيها موديل 1999 يعني بقى لها 12 سنه عالاقل ماشية ولسه شغالة

عموما انصحك بانك تشتري حسب الحالة...انا وقت ما اشتريت عربيتي كله اتريق عليا عشان خدتها غالية عن المتوسط العام حوالي 3000 ولله الحمد والبركة من عندك يارب انا باطلع لهم لساني دلوقت
بس طبعا تكوني عارفه انك دافعه في حاجة تستاهل ليه؟؟...لانك ممكن تشتريها رخيصة وتظبطك مصاريف

انصحك انك تجيبيها ياباني مش مصري...من اللي فيها تكييف و ار بي ام...وابعدي عن الاوتوماتيك عشان هتبقى قديمة ومشاكلها كتير

ولو قارنتي ما بين الاتنين فهاقول لك كفايه ان السويفت مكيفة فالايام النار دي او في برد الشتا

واتمنى اكون وضحت وجهة نظري...واي استفسار انا فالخدمة

متشكررررررررررررة جدا على الرد انا عارفة انى فرق الامكانيات واضح بس عشان انا كنت تقريبا سلمت انى اجيب ماروتى و لسه عارفة السويفت جديد (معلش بقى خبرتى محدودة جداااااااا ):b4_611:
يا رب بقى الاقى عربية حالتها كويسة و متتعبنيش وسعرها معقول

وربنا يباركلك فى عربيتك :):)