رابطة مالكي السويفت

[exact]

لانه ما لوش لازمه عندى

حد يستغنى عن المكيف؟؟؟....يا طيب حرام عليك...جرب تشغله هيصرف حبة...بس فيه عائد

بس لو مصمم انا حاجز مروحة السربنتينة والكونترول والاكبانشان

[ayman_hosamy]

جرب التالي...سخن العربية كويس...اتحرك بيها عالطريق والتكييف مطفي...واول ما تحس ان الموتور سخن افتح الزرار اللي بيجيب هوا من بره والمكيف مطفي..شوف هتلاقي صهد زايد عن الجو ولا لأ....

لا

هل المكيف وقت الحر الكومبريسور شغال والفتحات جايبة صهد

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

[elraye2]

الله ينور يا دكتره على الكتلوج بس فين الباسورد بتاع الحمايه بتاع الدونلود
صحيح حضرتك لو فاضى يوم قولى ونقصى السهره مع بعض فى ىيوم نظبط التكييف
نصيحه منى بلاش فيرناااااااااااا ده عشان انته حبيبى

[exact]

لا

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

حلك متركز فالتالي
اولا التاكد ان الشحن مظبوط
ثانيا التاكد ان الردياتير سالك كويس جدا وان الزعانف بتاعه كلها مفتوحة ومش متطبقة
ثالثا التاكد ان ترموستات الكوع اللي بيقفل دورة المية متشال
رابعا عمل وصله ما بين موتور المروحة والتكييف بحيث عند تشغيل المكيف تدور مروحة الردياتير
خامسا...التاكد من نظافة تلاجة التبريد تحت التابلوه
سادسا...لو انت مش متاكد من موضوع السخن الغيه وريح دماغك...انا لغيتة من حبيتين والمكيف فرق كتير عندي
سابعا بس لا انصح بيها الا بعد التاكد مما سبق...افصل حساس الحرارة بتاع المكيف اللي راكب جنب حساس الحرارة بتاع العداد...وده وظيفته انه يطفي التكييف ما العربية تسخن...وعشان تفرقهم من بعض اعمل كده والعربية سخنة والمفروض انها هتكون اللي مش هتحرك عداد الحرارة...بس من بعدها وانت سايق بالمكيف خللي بالك من عداد الحرارة
وعرفني النتيجة

[exact]

لا

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

حلك متركز فالتالي
اولا التاكد ان الشحن مظبوط
ثانيا التاكد ان الردياتير سالك كويس جدا وان الزعانف بتاعه كلها مفتوحة ومش متطبقة
ثالثا التاكد ان ترموستات الكوع اللي بيقفل دورة المية متشال
رابعا عمل وصله بكتاوت صغير ما بين موتور المروحة والتكييف بحيث عند تشغيل المكيف تدور مروحة الردياتير
خامسا...التاكد من نظافة تلاجة التبريد تحت التابلوه
سادسا...لو انت مش متاكد من موضوع السخن الغيه وريح دماغك...انا لغيتة من حبيتين والمكيف فرق كتير عندي
سابعا التاكد من سير المكيف
ثامنا بس لا انصح بيها الا بعد التاكد مما سبق...افصل حساس الحرارة بتاع المكيف اللي راكب جنب حساس الحرارة بتاع العداد...وده وظيفته انه يطفي التكييف ما العربية تسخن...وعشان تفرقهم من بعض اعمل كده والعربية سخنة والمفروض انها هتكون اللي مش هتحرك عداد الحرارة...بس من بعدها وانت سايق بالمكيف خللي بالك من عداد الحرارة...وشوف هل فرق وللا لأ لو مفيش ركبه تاني
وعرفني النتيجة

[exact]

الله ينور يا دكتره على الكتلوج بس فين الباسورد بتاع الحمايه بتاع الدونلود
صحيح حضرتك لو فاضى يوم قولى ونقصى السهره مع بعض فى ىيوم نظبط التكييف
نصيحه منى بلاش فيرناااااااااااا ده عشان انته حبيبى

باسوورد ايه
اعمل ريفريش للصفحة
والله انا باعاني من عدم التفرغ لدرجة اني ماشي بالعربية وتقريبا الحديدة اللي فالتيل فربت تخلص هي كمان...وبقى لي 30000 عاوز اربط العفشة...

[exact]

35 داونلود ومفيش حتى شكـــرا
عموما انا عارف انكم دعيتوا لأحمد وليا في سركم

[sewefy]

انا لسه جاى حالا واللهى بدعلكم حتى لسه معملتش الدون لود وانتم بجد ناس محترمه وربنا يباركلكم على الشغل اللى انتم بتعملوه بس ليه تعليق رفيع على التكيف وخصوصا د _ مصطفى ممكن اذى نفصل السخان واى حراره ونركب كتوات تشغل المروحه والحاجات والنقط اللى انته اتكلمت فيها بس بفديوا صغير من خضرتك وتبقى عملت جميل فى اهل الربطه والحاجه التانيه حبيت بس اقولها ليه واحد صحبى اشترى فيرنا جديده ركبت معاه امبارح فى الحر عاوز اقولكم تكيفها حل جدا وفيه عيب خطير جدا انه بيطلع هواء صاقع بس من غير تنظيم ذى السويفت يعنى انت تحس انك هتموت من التكيف وده مش حلو علشان التكيف بيرمى هواء وخلاص مش منتظم ياريت ابقى قدرت اوصل معلومه

[exact]

انا لسه جاى حالا والله بدعلكم حتى لسه معملتش الدون لود وانتم بجد ناس محترمه وربنا يباركلكم على الشغل اللى انتم بتعملوه بس ليه تعليق رفيع على التكيف وخصوصا د _ مصطفى ممكن اذى نفصل السخان واى حراره ونركب كتوات تشغل المروحه والحاجات والنقط اللى انته اتكلمت فيها بس بفديوا صغير من خضرتك وتبقى عملت جميل فى اهل الربطه والحاجه التانيه حبيت بس اقولها ليه واحد صحبى اشترى فيرنا جديده ركبت معاه امبارح فى الحر عاوز اقولكم تكيفها حل جدا وفيه عيب خطير جدا انه بيطلع هواء صاقع بس من غير تنظيم ذى السويفت يعنى انت تحس انك هتموت من التكيف وده مش حلو علشان التكيف بيرمى هواء وخلاص مش منتظم ياريت ابقى قدرت اوصل معلومه

أعز أنا الموت اللي من النوع ده....
بس ما اعتقدش ان هيونداي بجلالة قدرها هبله...ممكن تكونوا مشغلينه على مروحة عالية مع اعلى قوة تبريد...ده فيه في بعض موديلات هيونداي زي النيو اكسنت والالانترا سنسور ضوء موجود فوق التابلوه عشان يحس بالنهار والليل ويتكيف معاه
وبعدين حضرتك بتسقع...هدي المروحة او وطي زرار الحرارة شوية...وعنهم ميزة انك تقفل الفتحة بتاع المكيف لو انت متضايق ودي مش عندنا للاسف

حضرتك فصل السخان مسألة بسيطة جدا....هتلاقي فيه خرطومين من دورة التبريد داخلين في نص صدر العربية بالظبط....دول بيدخلوا ميه سخنة للسخان...حضرتك هتفك واحد من ناحية السخان...وهتروح فاكك التاني من ناحية الموتور...حلو الكلام؟؟...طبعا هتلاقي العربية جابت كل الميه...مش مهم...
هتركب طرف رقم واحد اللي فكيته من السخان في الفتحة بتاع الموتور اللي كان راكب عليها السخان...وتركب الافيز جامد...ولو لقيته متني او فيه كسره ممكن تقصره شوية
طرف رقم 2 اللي فكيته من الموتور وطرفه ماسك فالسخان هتروح تانييه ومركبه على الفتحة بتاع السخان اللي كان راكب عليها 1...واربط افيزك...ومبروك
كده السخان اتلغى وفي اي وقت سهل ترجعه عن طريق عكس الكلام ده
ملاحظة....اولا الكلام ده تعمله والعربية باردة عشان متتلسوعش....وثانيا خللي بالك جدا لأنك هتكون قريب من المواسير بتاع البنزين من التانك وخراطير الفاكيوم بتاع سيرفو الفرامل

بخصوص الكتاوت...لازم اسألك هل انت عندك فكره عن طريقة عمله بوجه عام وللا نبتدي الحكاية من الاول؟؟؟

[ayman_hosamy]

السلام عليكم ورحمة الله وبركاته

حلك متركز فالتالي
اولا التاكد ان الشحن مظبوط
ثانيا التاكد ان الردياتير سالك كويس جدا وان الزعانف بتاعه كلها مفتوحة ومش متطبقة
ثالثا التاكد ان ترموستات الكوع اللي بيقفل دورة المية متشال
رابعا عمل وصله بكتاوت صغير ما بين موتور المروحة والتكييف بحيث عند تشغيل المكيف تدور مروحة الردياتير
خامسا...التاكد من نظافة تلاجة التبريد تحت التابلوه
سادسا...لو انت مش متاكد من موضوع السخن الغيه وريح دماغك...انا لغيتة من حبيتين والمكيف فرق كتير عندي
سابعا التاكد من سير المكيف
ثامنا بس لا انصح بيها الا بعد التاكد مما سبق...افصل حساس الحرارة بتاع المكيف اللي راكب جنب حساس الحرارة بتاع العداد...وده وظيفته انه يطفي التكييف ما العربية تسخن...وعشان تفرقهم من بعض اعمل كده والعربية سخنة والمفروض انها هتكون اللي مش هتحرك عداد الحرارة...بس من بعدها وانت سايق بالمكيف خللي بالك من عداد الحرارة...وشوف هل فرق وللا لأ لو مفيش ركبه تاني
وعرفني النتيجة

متشكر جدا يا د.مصطفى
جارى التجربة وان شاء الله هبلغك بالنتيجة

بس احنا لو طبقنا نظرية الخواجة اللى عامل العربية ضرورى كان عامل الحاجات دى لسبب ما؟
هل انا لو لغيت وعدلت..ده فى صالح العربية؟

[ayman_hosamy]

35 داونلود ومفيش حتى شكـــرا
عموما انا عارف انكم دعيتوا لأحمد وليا في سركم

والله انا بعمل الداونلود حالا وانا بكتب دلوقتى وبجد ربنا يباركلكوا لان الكتالوج ده انا دورت عليه كتير على النت وللاسف لم اجده

[exact]

متشكر جدا يا د.مصطفى
جارى التجربة وان شاء الله هبلغك بالنتيجة

بس احنا لو طبقنا نظرية الخواجة اللى عامل العربية ضرورى كان عامل الحاجات دى لسبب ما؟
هل انا لو لغيت وعدلت..ده فى صالح العربية؟

هو كلامك بخوص الخواجة صح جدا...بس نفسك تطبق كلام الخواجة بالظبط....المفروض العربيات دي تتكهن من سنين...بس هاقول لك على حاجة تانية...ال7 حاجات الاولانيين ميعتبروش تعديل عالخواجة...ونمرة 8 هي اللي تعديل وعشان كده مش باحبذها قوي...بس الباقيين أمان جدا جدا وانا عاملهم فعلا...حكاية شيل الترموستات دي مصلحة

[exact]

[glow1=#ff0000]

صحـــي النـــــــــــــــــوم

[/glow1]

[elraye2]

[glow1=#ff0000]

صحـــي النـــــــــــــــــوم

[/glow1]

بمناسبت صحى النوووم
احكيلك بقى
كنت مسافر مصر يوم الاربع الصبح طبعا انا بحط 90 ملقتش قولت 80 ملقتش قولت 92 الحمد لله لقيت
حطيت 92 وتولكت على الله وعند بركه السبع كده خير الله اما اجعله خير التكييف فصل قولت افتح الازاز عاتتتتتتى
واول ما فتحت الازاز يا معلم الطريق وقف قولت الله اما لا اعتراض وقف كتير لا وقف نص ساعه اتشويت والحمد لله
المهم وصلت والحمد لله اعدت انخور فى التكييف لغايت ماتوصلت للعطل فيه سلك فاصل من الاثنين بتوع الترموستات
ظبطه وتمام وانا راجع شغلته لقيت خير الله اما اجعله خير تالت مره العربيه بتنتش وبطلت دورتها وشغلته عملتها تانى بس يا سيدى فصلته وريحت دماغى وطبعا اتشويت فى السكه فى الحر وانا راجع
وصلت بقى والعربيه ريحت وتمام التمام جيت اشغله بليل وانا خارج شغال وتمام التمام وبس يا سيدى وراحت جايه معيطه
هل المرض ده له علاج

[hemeda14]

الحمد لله وحده

تم رفع كتالوج المالك اليوم فجرا

والصراحة طلع عيني في سحبه سكانر لما ايديا وقفت

اللي طالبه حاجة واحدة...الدعاء للأستاذ أحمد رفعت (hemeda14) [لأنه صاحب الكتالوج...وعشان تعب جدا على ما صوره وعلى ما عرف ييجي يديهولي]... أو للعبد لله بأي دعوة تدعيها لنفسك من قلبك

وأتوجه بالشكر والتقدير والعرفان للزميل المحترم العزيز جدا أ. أحمد (hemeda14) على مجهوده ويعجز لساني عن شكرك فعلا...الا اني هاقول لك جزاكم الله كل خير عما قدمتموه...لأن حقيقي لو حد تاني كان هيكبر دماغه


لينك التحميل
exact.swift.user.manual.rar

باسوورد فك الضغط nilemotors.net

هو الحمد لله الكتالوج أنا فاهم معظمه من فتره كبيرة...فاللي عاوز أي حاجة يسأل

وآخر دعواهم أن الحمد لله رب العالميــــــــــــــن

ربنا يخليك يا دكتور ومتشكر علي الكلام الجميل ده وان شاء الله كلنا نستفاد من الكتالوج ده وجزاك الله خيرا علي تعبك في عمل اسكان للكتالوج ومعلش انا لسه راجع النهارده من المصيف وشايف تعليق حضرتك ومتشكر مرة اخري