رابطة مالكي السويفت

[sewefy]

حاجه حابب اقول زملائى فى الربطه السوفتيه عليها كونت بشتكى من تجميع العربيه وسحبها كان ضعيف شويه غيرت شويه حاجات فرقوا معايه اوى فى السحب اولا غيرت البنزين 80 ده خالص وحطييت بنزين 90 ثانيا جبت بيوجيهات gnk 3 شمعه وشلت فلتر الهواء خالص بس مركب العمه وحطيت زيت شل وغيرت سلوك البيوجات عاوز اقولكم العربيه ماشاء الله مالهاش حل فى
الجرى

[elraye2]

الحمد لله غيرت اربع ساعدين امبارح و حسيت بعدها ان انا راكب عربية مش هيا اللى ركبانى
طبعا لما يبقى عندك 3 مساعدين ضربين و الرابع بيفكر يبقى مافيش اتزان خالص بس الحمد لله دلوقتى بقت زى الفرن سعر الاربع مساعدين استيراد ب 360 جنية حالتهم ممتازه و مصنعية 50 جنية عند ربيع العفشجى ممكن دكتور مصطفى يكون يعرفة مع العلم ان انا كنت مغير عفشة كاملة من شهر ماعدا المساعدين

[elraye2]

الحمد لله غيرت اربع ساعدين امبارح و حسيت بعدها ان انا راكب عربية مش هيا اللى ركبانى
طبعا لما يبقى عندك 3 مساعدين ضربين و الرابع بيفكر يبقى مافيش اتزان خالص بس الحمد لله دلوقتى بقت زى الفرن سعر الاربع مساعدين استيراد ب 360 جنية حالتهم ممتازه و مصنعية 50 جنية عند ربيع العفشجى ممكن دكتور مصطفى يكون يعرفه مع العلم ان انا كنت مغير عفشة كاملة من شهر ماعدا المساعدين

[elraye2]

اسعار بعض قطع الغيار كنت جايبها من شهر
ديسك 150 فاليو كورى
اسطوانة 110 فاليو كورى
طقم بوجيهات ngk 35
فلتر بنزين 3
فاتر زيت 16
زيت توتال 65
اويل سيل فتيس 15 يابانى بتاع الكبالن
فلتر هواء 25
كوبان داخلى 110 كوبلن خارجى 120 تايوانى بلى للطنابير 60 للواحده امامى يابانى
فانوس اشارة 20 ديبو
بس خلاص

[elraye2]

نصيحه قد تكون مجدية بالنسبة ان احنا دخلنا فى الصيفو التكييف هيبقى مهم جدااا
انصحكم بغسل السربنتينة بالخل العادى اللى هوة بتاع الاكل كل اللى هتعملة هتجيب زجاجة خل
كبيرة ب 2 جنية تقريبا وتخرمها من فوق خرم صغير وترشها على السربنتينة وتسيبها 10 دقائق وبعد كدة تغسل
السربنتينة ببريل ومياه وبعدين تغسل بمياه بس
واعتقد ان كدة ان شاء الله تكون السربنتينة نضفت
طبعا السربنتينة لما بتكون مش نظيفة التبريد بيكون ضعيف
وان شاء الله تحس بالفرق

[elraye2]

غيرت زجاج امامى النهاردة 3 طبقات ب 280 جنية مستورد مش فاكر ماليزى ولا تايوانى المهم انه احسن بكتير من دكتور جريش فى الرؤية

[mansour77]

الحمد لله
ربنا كرمنى و جبت سويفت 93
بس عندى مشكله
اول ما بدور الصبح بيبقى فى رجه جامده فى العربيه كلها و لما بتسخن بتقل خالص
افتونى فى امرى علما بانى جديد ف العربيات

[elraye2]

روح للميكانيكى خليه يعليلك الموتور شوية اعتقد ان دة الحل للرجة دى وعموما انتة جايب عربية لسة فيه شوية حاجات المفروض تتغير وهية فلتر بنزين وخلية يبص على سير الكاتينة وغير طقم البوجيهات ونظف الكربيراتير وغير زيت وفلتر ولو فيه اى تسريب زيت طبعا توقفه عشان ميعملكش مشاكل
يارب مكنش جبتلك احباط بالحجات اللى انا قولت عليها دى وانا كاتب اسعار القطع دى فى المشاركات السابقة

[exact]

الحمد لله
ربنا كرمنى و جبت سويفت 93
بس عندى مشكله
اول ما بدور الصبح بيبقى فى رجه جامده فى العربيه كلها و لما بتسخن بتقل خالص
افتونى فى امرى علما بانى جديد ف العربيات

حضرتك مسمار الآيدل ده اللي بيضيع الرجة
حضرتك تلفه ربع لفه بربع لفه ومابين كل حركة والتانية تدوس مرتين بنزين حلوين وتستنى 5 ثواني تشوف الرجه راحت وللا لأ

[exact]

غيرت زجاج امامى النهاردة 3 طبقات ب 280 جنية مستورد مش فاكر ماليزى ولا تايوانى المهم انه احسن بكتير من دكتور جريش فى الرؤية

مبروك عالازاز وربنا يحميهولك...جبته منين...هو انت من المحلة؟؟
انا عندي مشكلة رؤية فعلا منه
بس انا عندي احساس اني اول ما هاغيره هالبس طوبة كالعادة

[elraye2]

مبروك عالازاز وربنا يحميهولك...جبته منين...هو انت من المحلة؟؟
انا عندي مشكلة رؤية فعلا منه
بس انا عندي احساس اني اول ما هاغيره هالبس طوبة كالعادة

هههههههههههههههههههههههههههههههههههههههههههههههههه ههه
نفس الاحساس اول ما غيرتة ان كل الناس مشية تحدف عليا طوب ههههههههههههههههه
انا من المحلة غيرتة عند الصمدى لو عايز تركبة قلى وانا اجى معاك الناس اللى هناك حبيبى

[mansour77]

روح للميكانيكى خليه يعليلك الموتور شوية اعتقد ان دة الحل للرجة دى وعموما انتة جايب عربية لسة فيه شوية حاجات المفروض تتغير وهية فلتر بنزين وخلية يبص على سير الكاتينة وغير طقم البوجيهات ونظف الكربيراتير وغير زيت وفلتر ولو فيه اى تسريب زيت طبعا توقفه عشان ميعملكش مشاكل
يارب مكنش جبتلك احباط بالحجات اللى انا قولت عليها دى وانا كاتب اسعار القطع دى فى المشاركات السابقة

لا لا احباط و لا حاجه
بس الحاجات دى كلها اتغيرت , طقم سيور و طقم فلاتر
و اللى بعهالى قالى ان فى حساس هوا او حاجه كده عايز يتغير
عرفت بعد كده ان هو الايدل
شكرا لمساعدتك

[mansour77]

حضرتك مسمار الآيدل ده اللي بيضيع الرجة
حضرتك تلفه ربع لفه بربع لفه ومابين كل حركة والتانية تدوس مرتين بنزين حلوين وتستنى 5 ثواني تشوف الرجه راحت وللا لأ

شكرا لمساعدتك
بس انا بصراحه معرفش الايدل ده فين ؟ انا لسه جديد ف العربيات
بس بحاول افهم

[elraye2]

شكرا لمساعدتك
بس انا بصراحه معرفش الايدل ده فين ؟ انا لسه جديد ف العربيات
بس بحاول افهم

ما اكيد الايدل هوة اللى عامل فعلا المشكله دى ممكن يكون عايز يتظبط او يتغير الله اعلم
هنسيب الاجابة فى الموضوع ده على exactهوة ادرى منى بس افتكر ان انا قولتلك من الاول روح للميكانيكى احسن عشان انتة بتقول انك لسة جديد فى العربيات وابقى خد بالك هوة بيعمل اية وحاول تفهم منه وتعرف مكان الايدل
والله اعلم

[mansour77]

ما اكيد الايدل هوة اللى عامل فعلا المشكله دى ممكن يكون عايز يتظبط او يتغير الله اعلم
هنسيب الاجابة فى الموضوع ده على exactهوة ادرى منى بس افتكر ان انا قولتلك من الاول روح للميكانيكى احسن عشان انتة بتقول انك لسة جديد فى العربيات وابقى خد بالك هوة بيعمل اية وحاول تفهم منه وتعرف مكان الايدل
والله اعلم

جزاك الله خيرا
هروح اكيد لميكانيكى ان شاء الله بس بحب افهم