الي كل من يمتلك لانسر الكريستاله

[Ghamrawy]

2 سم ده كتير اوى ده اذا كان التيل جديد بالقاعدة بتاعته بيبقى 2.5 سم ،لو التيل متاكل منه 2 سم يبقى خلاص خلص الا لو انت بقى تقصد 1 سم فى كل فردة من التيل الداخلية و الخارجية.
و هى هى برضه نظرية مشوار البدال و 2 مم من 2.5 سم يفرقوا و خد بالك كتير من الصنايعية بينسوا يحطوا اللينات تانى بعد غيار التيل .
و ياريت صاحب الموضوع يجرب و يشوف و لو مانفعش الحل ده يبقى يغير جهاز الفرامل احسن

[ahmedsmg]

يا جماعه عندى رعشه بسيطه فى العربيه على سرعه 30 كم/س و مش عارف سببها ايه ؟ والرعشه دى مابتظهرش غير على السريع عند التسارع من غير حرق
مع العلم ان ده مش من الموتور و العربيه ماحدش حط ايده فيها غير التوكيل و قلتلهم عليها بس ماعملوش فيها حاجة و سالت عفشجى قالى الكوبلن اللى قدام معوج و نعدلة وكده بس انا مش مقتنع
على فكره الرعشه دى خفيفه اوى مايحسش بيها غير اللى سايق و على السريع
و ملحوظه كمان ان العجل اللى ورا لسه بتاع العربيه من الزيرو و عايز يتغير ....جايز منه ؟
يا ريت حد يفيدنى وشكرا مقدما :)

العجل الخلفى عندما يكون الكاوتش كاسر سلك تحدث الرعشة الخفيفة على السرعات الاقل من 40 كم واكثر واحد يحس بها الجالس بالكنبة الخلفية وذلك عن تجربة وللتأكد : خلى واحد ثانى يسوقلك العربية على السلانسية (< 40 كم ) واقعد انت لوحدك فى الكنبة الخلفية ولو العيب من الكاوتش الخلفى هتحس بالرعشة و طبعا العلاج تغيير فردتى الكاوتش مع وضع الكاوتش الجديد بالامام
وتحياتى وبالتوفيق فى امتحاناتك أن شاء الله

[ahmedsmg]

2 سم ده كتير اوى ده اذا كان التيل جديد بالقاعدة بتاعته بيبقى 2.5 سم ،لو التيل متاكل منه 2 سم يبقى خلاص خلص الا لو انت بقى تقصد 1 سم فى كل فردة من التيل الداخلية و الخارجية.
و هى هى برضه نظرية مشوار البدال و 2 مم من 2.5 سم يفرقوا و خد بالك كتير من الصنايعية بينسوا يحطوا اللينات تانى بعد غيار التيل .
و ياريت صاحب الموضوع يجرب و يشوف و لو مانفعش الحل ده يبقى يغير جهاز الفرامل احسن

انا فعلا غيرت التيل وبعد يوم سمعت صوت حاجة سايبة فى العربية من ناحية العجل ........... روحت لعفشجى ثان وخبط بيده على الكاوتش وسمعت نفس الصوت وقال مطلوب تركيب طقم " صفايح " علشان التيل الجديد ......... روحت للعفشجى الاول وطلب شراء أنبوبة سليكون أحمر وضعه على التيل واختفى الصوت ...... ممكن فعلا يكون الصفائح دى هى اللينات التى يقصدها زميلنا العزيز gemino

[Ghamrawy]

انا فعلا غيرت التيل وبعد يوم سمعت صوت حاجة سايبة فى العربية من ناحية العجل ........... روحت لعفشجى ثان وخبط بيده على الكاوتش وسمعت نفس الصوت وقال مطلوب تركيب طقم " صفايح " علشان التيل الجديد ......... روحت للعفشجى الاول وطلب شراء أنبوبة سليكون أحمر وضعه على التيل واختفى الصوت ...... ممكن فعلا يكون الصفائح دى هى اللينات التى يقصدها زميلنا العزيز gemino

بالاضافة للينات بيبقى فيه كلبس بيركب من فوق التيل و تحته و لو الكلبس ده مش موجود بيعمل برضه صوت خبطه معدن فى العجل،ياريت تشترى اللينات دى و بلاش السيلكون الاحمر او اى مادة لاصقة تانية و خد بالك يا احمد بك فى تيل بينزل فيه اللينات بتاعته و بتبقى متبرشمة فى ضهر التيل نفسه

[HeMa_LanCeR]

شكر خاص للعضو gemino بسبب المشاركه والمعلومات المفيده التي يشاركنا فيها هنا في قسم الكريستاله
وده شعارنا
(أن لم تقود الكريستاله فأنت من الناس الكسلانه )

[Ghamrawy]

شكر خاص للعضو gemino بسبب المشاركه والمعلومات المفيده التي يشاركنا فيها هنا في قسم الكريستاله
وده شعارنا
(أن لم تقود الكريستاله فأنت من الناس الكسلانه )

جزاك الله خير و اعذرونى انا كنت قلت انى حانزل الصفحات بتاعت الكتالوج اللى فيها مواصفات 98 و 99 و فعلا عملت scan و عندى على الجهاز بس موضوع تحجيم الحجم بتاع المرفقات ده مش مخلينى اعرف اعمل حاجة ، و ياريت اللى يعرف طريقة يقولى عليها .
و شكرا

[HeMa_LanCeR]

:embarrassed2::embarrassed2::embarrassed2::embarra ssed2::embarrassed2::embarrassed2::embarrassed2::e mbarrassed2::embarrassed2::embarrassed2::embarrass ed2::embarrassed2::embarrassed2::embarrassed2:

[islamaboelnaga]

على فكره الفرامل اكثر من ممتازة بس بشرط يكون التيل الاصلى بس عيبها على السرعات العاليه (فوق ال 150 كم/س ) بتبقى مش اوى

[ahmedsmg]

شكر خاص للعضو gemino بسبب المشاركه والمعلومات المفيده التي يشاركنا فيها هنا في قسم الكريستاله
)

اضم صوتى الى صوتك ألف شكر لكما وجزاكما الله خيرا

[nobody]

افتكر ممكن نعرف معلومات كتير عن الكريستالة لو حد تكرم وحط لينك ننزل منه الكاتالوج الخاص بها :
مثلا القدرة بالحصان كام وعند كام لفة محرك , العزم بالنيوتن .... وغيرها...........

وبالمناسبة ايه رأيكم فى الفرامل انا لما اشتريتها وحسيت انها فيها مساحة حرة تضغط فيها على دواسة الفرامل تم تنخفض سرعة العربية .......وسألت : قالولى أن مافيش عربية بتفرمل من أول ضغطة فرامل ولكن من ثانى ضغطة وأن أول ضعطة على دواسة الفرامل تكون للتهدئة فقط .... مارأى مالكى الكريستالة ؟

على فكرة انا عندي نفس مشكلتك بالزبط الفرامل بتلقط بعد 4سم
انا عربيتي 2007 الكلام ده حصل بعد شهر ونص من شراء العربية و ديتها التوكيل مرتين بس للأسف ما حدش فادني بحاجة بس طبعا مقرفة جدا عشان اتوماتيك لازم تدوس جامد و كمان عربية جديدة حرام كل اما اجي افرمل في الزحمة اللي قدامي يبصلي في المراية بيحسبني حخبطه ما يعرفش ان الفرامل بتاخد مشوار عشان تفرمل
بس للأسف الموضوع ده مالوش حل غالبا لأني دورت في منتديات كتير ناس عندهم نفس المشكلة خدوا هوا من الفرامل غيروا الماستر ما فيش فايدة
الحل الوحيد اني اشيل الفرامل دي و اركب بريمبو

[HeMa_LanCeR]

صحيح يا شباب حد يعرف ايه نظام زيت الفتيس علشان من ساعه ما جبت العربيه وانا معرفش عنه حاجه
يعني ليه طبه ولا كرتيره وجوان ولا ايه بالظبط

[Ghamrawy]

على فكرة انا عندي نفس مشكلتك بالزبط الفرامل بتلقط بعد 4سم
انا عربيتي 2007 الكلام ده حصل بعد شهر ونص من شراء العربية و ديتها التوكيل مرتين بس للأسف ما حدش فادني بحاجة بس طبعا مقرفة جدا عشان اتوماتيك لازم تدوس جامد و كمان عربية جديدة حرام كل اما اجي افرمل في الزحمة اللي قدامي يبصلي في المراية بيحسبني حخبطه ما يعرفش ان الفرامل بتاخد مشوار عشان تفرمل
بس للأسف الموضوع ده مالوش حل غالبا لأني دورت في منتديات كتير ناس عندهم نفس المشكلة خدوا هوا من الفرامل غيروا الماستر ما فيش فايدة
الحل الوحيد اني اشيل الفرامل دي و اركب بريمبو

موضوع محير فعلا و علشان تركب بريمبو حاتدفع كتير الاسهل انك تعدل فى صباع الماستر العمومى بس بصراحة انا مش باحبذ كده
على فكرة حد جرب يسأل المهندس مصراوى جدا عن الموضوع ده ؟؟؟

[nobody]

شكرا لرد حضرتك بس ازاي اعدل صباع الماستر العمومي

[Ghamrawy]

شكرا لرد حضرتك بس ازاي اعدل صباع الماستر العمومي

الماستر بيتفك و بيطلع منه الصباع اللى بيزق البستم و بيتلحم فيه حتة زيادة علشان طوله يزيد

[Ghamrawy]

صحيح يا شباب حد يعرف ايه نظام زيت الفتيس علشان من ساعه ما جبت العربيه وانا معرفش عنه حاجه
يعني ليه طبه ولا كرتيره وجوان ولا ايه بالظبط

بص يا سيدى زيت الفتيس بالنسبة للفتيس اليدوى بينزل عن طريق طبه بتبقى فى اوطى حتة فى صندوق التروس و انا كنت باغيره كل 30000 او 35000 كيلومتر و علشان تحط الزيت الجديد يبقى تروح لميكانيكى او محطة بنزين عندهم طلمبة علشان لو حاطحطه يدوى يبقى ممكن تقعد ساعتين .
عموما سعة صندوق التروس 2.100 لتر و مواصفات الزيت من الكتالوج كالتالى
بالنص :
زيت تروس هيبويدAPI GL-4 او اعلى،75W-90W أو 75W-85W
و عموما انا ماكنتش بلاقى زيت بالمواصفات دى و فضلت الف و ادور لحد ما لقيت زيت تروس قريب قوى من المواصفات دى فى بنزينات Shell .
بالنسبة للفتيس الاوتوماتيك سعة صندوق التروس 7.8 لتر و مواصفاته
DIA Queen ATF-SP 2 .