الي كل من يمتلك لانسر الكريستاله

[Ghamrawy]

آه نسيت اقولك ان العربية 75 حصان

العربية 59 كيلووات يعنى بالحصان = 80 حصان و كسور

[HeMa_LanCeR]

ما انصحش باكتر من 160 كم/س فى حالة العربية العادية ال stock اما لو مغير المساعدين و الفرامل و مغير الكاوتش بكاوتش يستحمل السرعة و مركب سبويلر حقيقى مش الزينة ده و كمان موطى العربية اكتر ما هى واطية ........ اجرى

شكرا يامان وانا والله نفسي اركب اسبويلر بس زينه مش الاصلي وانا شفت واحد راكب عليها من غير ما اخروم في الشنطه كان عن طريق حديده كده في الجانب ياريت لو حد يعرفه يقولي معلومات عنه

[Hany Hussain]

السلام عليكم
أولا بشكر الأخ الزميل اللي اقترح الموضوع الجميل والمفيد ده وربنا يجازيه خير
وبشكر كل الزملاء اللي شاركو بآرائهم وخبراتهم المفيدة
أنا برده معايا لانسر بس محتار هي موديل 98 ولا 99 لإنها 98 بس لما رحت مرة اجيب لها شوية قطع غيار الراجل قال ان دي بتاعة 99 مش 98 (كان معايا عينات)
فياريت لو حد يعرف يفيدنا بين الموديلات المتشابهة ( أقصد من 97 لحد تقريبا 2000) يبقى جزاه الله خير
ولو في صور كمان يبقى بارك الله فيه

[HeMa_LanCeR]

السلام عليكم
أولا بشكر الأخ الزميل اللي اقترح الموضوع الجميل والمفيد ده وربنا يجازيه خير
وبشكر كل الزملاء اللي شاركو بآرائهم وخبراتهم المفيدة
أنا برده معايا لانسر بس محتار هي موديل 98 ولا 99 لإنها 98 بس لما رحت مرة اجيب لها شوية قطع غيار الراجل قال ان دي بتاعة 99 مش 98 (كان معايا عينات)
فياريت لو حد يعرف يفيدنا بين الموديلات المتشابهة ( أقصد من 97 لحد تقريبا 2000) يبقى جزاه الله خير
ولو في صور كمان يبقى بارك الله فيه

طبعا اشكرك علي الرد الجميل ده
بص يامان فرق الموديلات
اولا من 1996 - 1998 الشكل ده هتلاقي الفوانيس الاماميه ليست مستطيله وكمان الشبكه صغيره لأن الكابوت فيه حته زياده كده من فوق الشبكه والفانوس اللي ورا طبعا جزئين زي ما حضرتك عارف والموديل ده الجزء اللي هو راكب في الشنطه بيكون احمر فقط ودي اللي هي موجوده في توقيعي
ثانيا من 1998-2001
ودي بقي هتلاقي الفانوس مستطيل والزجاجه بتاعته من قدام شفافه والشبكه عريضه وتعتبر مستطيله ايضا ومن ورا هتلاقي الفانوي اللي فيه جزء راكب في الشنطه هتلاقي فيه حته بيضا مكمله اللمبه بتاعت المارشدين يعني مش حمرا بس وطبعا صعب قوي تلاقيها لحد 2001 يعني هي العربيه بتبقي صنع 2000 لكن بترخص 2001 وانا شفت 3 عربيات كده وغالبا دي بيبقي اسمها الجامبو اللي هي كامله كل حاجه حتي الاسبويلر الخلفي ويارت تقولي كنت بتجيب ايه قطع غيار والاسعار علشان اقدر افيدك ولو في اي مشكله محتاج لها حل اتفضل وانا او اي شخص في الرابطه يقدر يحلهالك بأذن الله

[abulhasan]

السلام عليكم ورحمة الله وبركاته
أخوكم : سامح أبوالحسن ، ساكن فى بحرى فى إسكندرية .
عجبتنى أوى فكرة التخصيص للكريستاله واستفدت منها وقررت أدلى بدلوى
أنا معايا لانسر 98 أوتوماتك 1300 سى سى - وحتكلم عن تجربتى معاها من أول ماإشتريتها من ثلاثة أشهر وكانت عامله 106000 كم

أولا : الزيوت

1- زيت الموتور غيرته بزيت موبيل 1 (متستغربوش) وغيرت فلتر الزيت والحقيقة غيرتهم فى بنزينة عندنا فى سموحة (اكسون موبيل) الزيت والفلتر كانو عاملين يا سيدى 260 جنيه .
2- زيت صندوق التروس غيرته برضه بزيت موبيل جير أوتوماتك إسمه ATF 320 وغيرت فلتر الزيت كمان بس غيرتهم عند ميكانيكى كويس ومغيرتهمش فى البنزينة لأنهم بيعتمدوا على جهاز بيشفط الزيت يعنى مش بيفكوا الطبة وبعدين يربطوها وكمان مكانش عندهم فلتر زيت صندوق التروس فاشتريته من بره أصلى وكان عامل 100 جنيه (عندنا فى شارع صلاح الدين ) .
3- زيت الباور غيرته برضه وهو نفس نوع الزيت بتاع صندوق التروس ويومها العربية أخدت 5 عبوات (أيوه 5 عبوات أدام عينى) العبوة بسعر 24 جنيه .
4- زيت الفرامل غيرته بالكامل (برضه موبيل) فى البنزينة شفط القديم وعبا الجديد والعبوة كانت بـ 14 جنيه تقريبا .

ثانيا : قطع الغيـــار

1- تيل الفرامل الامامى وده غيرته فى توكيل مجدى شاهين اللى فى شارع صفية زغلول أمام المسرح الرومانى ، طبعا أنا روحت هناك علشان يحطولى التيل الاصلى وشوفته يابانى بس مش فاكر ماركته كانت إيه المهم إنى كنت حاسس أنه مش الاصلى بس شغال .. وعموما هما بيدو فاتورة وضمان وسعره 250 جنيه .
2- سير التقسيمة (الكاتينة) ، وسير الباور والتكييف (سير واحد) ، وسير الدينامو إشتريتهم من شارع صلاح الدين سير التقسيمة يابانى وباقى السيور كورى بس محترمين والميكانيكى اللى ركبهم كانوا عاجبينه . وبصراحة الباور فرق معايا جامد بعد ما غيرت السير بتاعه لأنه كان الاول تقيل جدا .. وطقم السيور كان عامل حوالى 160 جنيه .

3- فلتر البنزين وفلتر الهوا إشتريتهم من شارع صلاح الدين ماركة Micro يابانى والميكانيكى ركبهم .. كانو عاملين 90 جنيه .

4- البوجيهات غيرتهم عند مجدى شاهين وكان نوعهم NGK مقاس 16 مللى يابانى .. حسابهم كان 75 جنيه .

5- بطارية جافة 55 أمبير كورى الصنع دفعت فرق سعر بينها وبين القديمة 450 جنيه ، وخليت الكهربائى يغير القواطيش بأخرى جديدة 10 جنيه .


ثالثا: الصيــانه
1- ضبط الكربراتير على السخن وعلى البارد بجهاز كده ، ودا كان فى توكيل مجدى شاهين التكلفة 150 جنيه . والراجل بتاع الصيانة قاللى دا بيتظبط ما بيتنضفش وأوعه حد يقولك الاسبراى بتاع تنظيف الكربراتير ده مش للكربراتير بتاع العربية دى . !!
2- ضبط وتنظيف مجموعة التشوك أو السخان وهو المسئول عن تسخين السيارة بعد التدوير فى الصباح ، ودا كان فى توكيل مجدى شاهين والراجل بتاع الصيانة قاللى الموتور كان عالى من ناحية التشوك وأنا واطيته ومتخليش حد يلعب فيه لأن دا حال العربيات الموديل ده لازم تسخن الصبح كويس يا إما لو مش عاجبك بيتباع استعمال انما مش بيتظبط المهم أنا الكلام معجبنيش فروحت لميكانيكى محترم اللى ركبلى مجموعة السيور وبصراحة الراجل راجع على الشغل وأكدلى نفس الكلام وظبط كهربة الموتور .
3- تنظيف كونترول الجيربوكس وده كان عند الميكانيكى ، لأن العربية كانت بتأخر نقل يعنى صوت الموتور يعلى وبعدين تشد وبصراحة أنا مش عارف ده مكانه فين بالضبط بس هوه يومها فك كارتيرة الزيت الاول وبعدين بدأ يشتغل وكنت بحسب عشان تغير الزيت القديم لازم تفك الكارتيرة بس طلع إن الزيت ليه طبه بيتصفى منها الاول وبعدين تعبى الزيت الجديد من فتحة قياس مستوى زيت الجير بوكس من فوق عادى .. المهم إن بعد الشغل ده وتغيير الزيت والفلتر الخاص بصندوق التروس النقل بقى ماشاء الله زى الفل .
4- ترصيص وظبط زوايا .. بنزينة مصر للبترول شارع بور سعيد أمام نادى المحافظة الشاطبى ، وبنزينة اكسون موبيل اللى فى سموحة برضه كويسين .
5- الكشف على العفشة (مساعدين ، مقصات ، سكاترة ، القنطرة الطولية) وتربيطها .


رابعا: الكماليــات
1- فك جميع الفوانيس وتنظيفها بالماء والصابون من جوه ومن بره وغيرت فوانيس الاشاره اللى قدام كانو مشروخين وشكلهم مش ولابد جيبت نوع اسمه ديبــو ممتاز جدا يعنى خامه لا يمكن تفرقها عن الاصلى صناعة تايوان والفانوسين أخدتهم بـ 65 جنيه جديد بالكارتونة من عند واحد فى الازاريطة إسمه شوقى مزروعه .
2- لمبات فوانيس الاشارة ولمبات النور الواطى فى الكشافات الامامية غيرتهم وجيبتهم أبيض تلجى ، جوز لمبات فوانيس الاشارة عاملين 10 جنيه ، وجوز لمبات النور الواطى عاملين 25 جنيه .. وبصراحة عاملين شغل أنا مش من أنصار الزينون .
3- لمبات الصالون ولمبات التابلوه ولمبات العدادات غيرتهم بالكامل واللمبه إسمها ( سافايه ) وبتعمل نصف جنيه للواحده دى اللى بتركب فى العدادات والتابلوه أما لمبات الصالون فنوع عادى من أم 2 جنيه .. والحاجات دى إشتريتها من عند واحد فى عزبة سعد إسمه سعيد نصار. مع ملاحظة إن فيه لمبات بتبقى مع المفتاح ذات نفسه يعنى عشان تغير اللمبه يبقى حتغير المفتاح - وهما على سبيل الحصر زرار النور الرباعى (الفلاشر) ، وزرار الزجاج الكهربى اللى فى باب السائق – ودول أنا مش غيرتهم .. يعنى بلاهه دول .
4- ركبت إنذار سيمفونى موديل Symphony V300 وبصراحة محترم جدا والحقيقة خليت الكهربائى يوطى الحساس بتاعه جدا لإنى بركن فى جراج وكل اللى عايزه منه إنى أفتح وأقفل العربية بالريموت . ثمن الجهاز 175 جنيه والتركيب 50 جنيه .
5- كل الكماليات دى عملها كهربائى سيارات بس ولد محترم عندنا فى الازاريطة ..
6- فرش أرضية السيارة والشنطة .. فرش جلد ، والحقيقة بعد ما عملته حسيت إنه ملوش لازمه يمكن عشان مطلعش زى ما كنت عايز مش عارف المهم ياخد وقته . وعملت كسوه للكراسى نفس لون وتصميم الاصلى رمادى مش بطال .. طبعا دا شغل سروجى .. على أد حاله .. التكلفة (فرش وكسوة) حوالى 500 جنيه .

خامسا: ملاحظــات
1- بالنسبة للزيوت وقطع الغيار أنصح أى واحد يشترى عربية مستعملة إنه يغيرهم فورا ، وكمان يعمل حساب تكلفتهم مع تكلفة شراء السيارة نفسها عشان يبقى عارف هوه داخل على إيه .
2- بالنسبة للصيانة بتبقى حسب ظروف العربية لكن أنصح بعدم اللعب الكتير فى الميكانيكا لأن العربية دى مش بتاعة لعب وتجارب الميكانيكية اللى إنتو عارفينهم (بيفهموا فى كل حاجة) وأنا عن نفسى شوفت الويل لحد ما لقيت ميكانيكى بيفهم فى العربية دى بالذات ، يعنى مايغركوش إنى مرتب كده لأ دى ممكن تكون الحاجة اتعملت مرة واتنين لحد ما لقيت اللى بيفهم فيها .
3- عيوب العربية دى زى ما انتو عارفين انها واطية وملهاش حل الا الالتزام بمقاس العجل القياسى بتاعها بيبقى مكتوب جنب كرسى السواق بيبان لما تفتح باب السواق عندى المقاس اللى مكتوب 155/80 R13 ، على الرغم إن اللى راكب فعلا مقاسه 185/65 R13 أعرض بس أوطى يعنى مقلكوش على الحك فى المطبات الصناعية .. ربنا يستر .
4- العيب التانـى برضه اللى أنا شايف إنه ملوش حل إن الباور تقيل نسبيا ، والعيب التالت التسخين كويس الصبح يعنى ماينفعش تدور وتطلع .. وعلى فكرة الجرى ورا تظبيط الكلام ده ممكن يعمل مشاكل فى العربية وخصوصا لو الميكانيكى مش لعبته يعنى ممكن تلاقى دخنه وبرجله .
5- أخيرا وليس آخرا – بمشيئة الله- أحب أوجه كل الشكر لكل أعضاء المنتدى المحترم ده وأخص بالشكر السيد المهندس طارق زويل ، والسيد الاستاذ محمد الطويل ، والسيد الاستاذ gemino ، وأخيرا صاحب فكرة الي كل من يمتلك لانسر الكريستاله السيد الاستاذ upnemo .

[sherif_m72]

والله انتم اكثر من ممتازين
انا معايا 98
انا بئه مختاج اكصدامين _امامي & خلفى +شبكه اماميه(الرفيعه)
ممكن اعرف اسعارهم ومنين اجيبهم مع العلم انى من الاسكندريه

[HeMa_LanCeR]

السلام عليكم ورحمة الله وبركاته
أخوكم : سامح أبوالحسن ، ساكن فى بحرى فى إسكندرية .
عجبتنى أوى فكرة التخصيص للكريستاله واستفدت منها وقررت أدلى بدلوى
أنا معايا لانسر 98 أوتوماتك 1300 سى سى - وحتكلم عن تجربتى معاها من أول ماإشتريتها من ثلاثة أشهر وكانت عامله 106000 كم

أولا : الزيوت

1- زيت الموتور غيرته بزيت موبيل 1 (متستغربوش) وغيرت فلتر الزيت والحقيقة غيرتهم فى بنزينة عندنا فى سموحة (اكسون موبيل) الزيت والفلتر كانو عاملين يا سيدى 260 جنيه .
2- زيت صندوق التروس غيرته برضه بزيت موبيل جير أوتوماتك إسمه ATF 320 وغيرت فلتر الزيت كمان بس غيرتهم عند ميكانيكى كويس ومغيرتهمش فى البنزينة لأنهم بيعتمدوا على جهاز بيشفط الزيت يعنى مش بيفكوا الطبة وبعدين يربطوها وكمان مكانش عندهم فلتر زيت صندوق التروس فاشتريته من بره أصلى وكان عامل 100 جنيه (عندنا فى شارع صلاح الدين ) .
3- زيت الباور غيرته برضه وهو نفس نوع الزيت بتاع صندوق التروس ويومها العربية أخدت 5 عبوات (أيوه 5 عبوات أدام عينى) العبوة بسعر 24 جنيه .
4- زيت الفرامل غيرته بالكامل (برضه موبيل) فى البنزينة شفط القديم وعبا الجديد والعبوة كانت بـ 14 جنيه تقريبا .

ثانيا : قطع الغيـــار

1- تيل الفرامل الامامى وده غيرته فى توكيل مجدى شاهين اللى فى شارع صفية زغلول أمام المسرح الرومانى ، طبعا أنا روحت هناك علشان يحطولى التيل الاصلى وشوفته يابانى بس مش فاكر ماركته كانت إيه المهم إنى كنت حاسس أنه مش الاصلى بس شغال .. وعموما هما بيدو فاتورة وضمان وسعره 250 جنيه .
2- سير التقسيمة (الكاتينة) ، وسير الباور والتكييف (سير واحد) ، وسير الدينامو إشتريتهم من شارع صلاح الدين سير التقسيمة يابانى وباقى السيور كورى بس محترمين والميكانيكى اللى ركبهم كانوا عاجبينه . وبصراحة الباور فرق معايا جامد بعد ما غيرت السير بتاعه لأنه كان الاول تقيل جدا .. وطقم السيور كان عامل حوالى 160 جنيه .

3- فلتر البنزين وفلتر الهوا إشتريتهم من شارع صلاح الدين ماركة Micro يابانى والميكانيكى ركبهم .. كانو عاملين 90 جنيه .

4- البوجيهات غيرتهم عند مجدى شاهين وكان نوعهم NGK مقاس 16 مللى يابانى .. حسابهم كان 75 جنيه .

5- بطارية جافة 55 أمبير كورى الصنع دفعت فرق سعر بينها وبين القديمة 450 جنيه ، وخليت الكهربائى يغير القواطيش بأخرى جديدة 10 جنيه .


ثالثا: الصيــانه
1- ضبط الكربراتير على السخن وعلى البارد بجهاز كده ، ودا كان فى توكيل مجدى شاهين التكلفة 150 جنيه . والراجل بتاع الصيانة قاللى دا بيتظبط ما بيتنضفش وأوعه حد يقولك الاسبراى بتاع تنظيف الكربراتير ده مش للكربراتير بتاع العربية دى . !!
2- ضبط وتنظيف مجموعة التشوك أو السخان وهو المسئول عن تسخين السيارة بعد التدوير فى الصباح ، ودا كان فى توكيل مجدى شاهين والراجل بتاع الصيانة قاللى الموتور كان عالى من ناحية التشوك وأنا واطيته ومتخليش حد يلعب فيه لأن دا حال العربيات الموديل ده لازم تسخن الصبح كويس يا إما لو مش عاجبك بيتباع استعمال انما مش بيتظبط المهم أنا الكلام معجبنيش فروحت لميكانيكى محترم اللى ركبلى مجموعة السيور وبصراحة الراجل راجع على الشغل وأكدلى نفس الكلام وظبط كهربة الموتور .
3- تنظيف كونترول الجيربوكس وده كان عند الميكانيكى ، لأن العربية كانت بتأخر نقل يعنى صوت الموتور يعلى وبعدين تشد وبصراحة أنا مش عارف ده مكانه فين بالضبط بس هوه يومها فك كارتيرة الزيت الاول وبعدين بدأ يشتغل وكنت بحسب عشان تغير الزيت القديم لازم تفك الكارتيرة بس طلع إن الزيت ليه طبه بيتصفى منها الاول وبعدين تعبى الزيت الجديد من فتحة قياس مستوى زيت الجير بوكس من فوق عادى .. المهم إن بعد الشغل ده وتغيير الزيت والفلتر الخاص بصندوق التروس النقل بقى ماشاء الله زى الفل .
4- ترصيص وظبط زوايا .. بنزينة مصر للبترول شارع بور سعيد أمام نادى المحافظة الشاطبى ، وبنزينة اكسون موبيل اللى فى سموحة برضه كويسين .
5- الكشف على العفشة (مساعدين ، مقصات ، سكاترة ، القنطرة الطولية) وتربيطها .


رابعا: الكماليــات
1- فك جميع الفوانيس وتنظيفها بالماء والصابون من جوه ومن بره وغيرت فوانيس الاشاره اللى قدام كانو مشروخين وشكلهم مش ولابد جيبت نوع اسمه ديبــو ممتاز جدا يعنى خامه لا يمكن تفرقها عن الاصلى صناعة تايوان والفانوسين أخدتهم بـ 65 جنيه جديد بالكارتونة من عند واحد فى الازاريطة إسمه شوقى مزروعه .
2- لمبات فوانيس الاشارة ولمبات النور الواطى فى الكشافات الامامية غيرتهم وجيبتهم أبيض تلجى ، جوز لمبات فوانيس الاشارة عاملين 10 جنيه ، وجوز لمبات النور الواطى عاملين 25 جنيه .. وبصراحة عاملين شغل أنا مش من أنصار الزينون .
3- لمبات الصالون ولمبات التابلوه ولمبات العدادات غيرتهم بالكامل واللمبه إسمها ( سافايه ) وبتعمل نصف جنيه للواحده دى اللى بتركب فى العدادات والتابلوه أما لمبات الصالون فنوع عادى من أم 2 جنيه .. والحاجات دى إشتريتها من عند واحد فى عزبة سعد إسمه سعيد نصار. مع ملاحظة إن فيه لمبات بتبقى مع المفتاح ذات نفسه يعنى عشان تغير اللمبه يبقى حتغير المفتاح - وهما على سبيل الحصر زرار النور الرباعى (الفلاشر) ، وزرار الزجاج الكهربى اللى فى باب السائق – ودول أنا مش غيرتهم .. يعنى بلاهه دول .
4- ركبت إنذار سيمفونى موديل Symphony V300 وبصراحة محترم جدا والحقيقة خليت الكهربائى يوطى الحساس بتاعه جدا لإنى بركن فى جراج وكل اللى عايزه منه إنى أفتح وأقفل العربية بالريموت . ثمن الجهاز 175 جنيه والتركيب 50 جنيه .
5- كل الكماليات دى عملها كهربائى سيارات بس ولد محترم عندنا فى الازاريطة ..
6- فرش أرضية السيارة والشنطة .. فرش جلد ، والحقيقة بعد ما عملته حسيت إنه ملوش لازمه يمكن عشان مطلعش زى ما كنت عايز مش عارف المهم ياخد وقته . وعملت كسوه للكراسى نفس لون وتصميم الاصلى رمادى مش بطال .. طبعا دا شغل سروجى .. على أد حاله .. التكلفة (فرش وكسوة) حوالى 500 جنيه .

خامسا: ملاحظــات
1- بالنسبة للزيوت وقطع الغيار أنصح أى واحد يشترى عربية مستعملة إنه يغيرهم فورا ، وكمان يعمل حساب تكلفتهم مع تكلفة شراء السيارة نفسها عشان يبقى عارف هوه داخل على إيه .
2- بالنسبة للصيانة بتبقى حسب ظروف العربية لكن أنصح بعدم اللعب الكتير فى الميكانيكا لأن العربية دى مش بتاعة لعب وتجارب الميكانيكية اللى إنتو عارفينهم (بيفهموا فى كل حاجة) وأنا عن نفسى شوفت الويل لحد ما لقيت ميكانيكى بيفهم فى العربية دى بالذات ، يعنى مايغركوش إنى مرتب كده لأ دى ممكن تكون الحاجة اتعملت مرة واتنين لحد ما لقيت اللى بيفهم فيها .
3- عيوب العربية دى زى ما انتو عارفين انها واطية وملهاش حل الا الالتزام بمقاس العجل القياسى بتاعها بيبقى مكتوب جنب كرسى السواق بيبان لما تفتح باب السواق عندى المقاس اللى مكتوب 155/80 R13 ، على الرغم إن اللى راكب فعلا مقاسه 185/65 R13 أعرض بس أوطى يعنى مقلكوش على الحك فى المطبات الصناعية .. ربنا يستر .
4- العيب التانـى برضه اللى أنا شايف إنه ملوش حل إن الباور تقيل نسبيا ، والعيب التالت التسخين كويس الصبح يعنى ماينفعش تدور وتطلع .. وعلى فكرة الجرى ورا تظبيط الكلام ده ممكن يعمل مشاكل فى العربية وخصوصا لو الميكانيكى مش لعبته يعنى ممكن تلاقى دخنه وبرجله .
5- أخيرا وليس آخرا – بمشيئة الله- أحب أوجه كل الشكر لكل أعضاء المنتدى المحترم ده وأخص بالشكر السيد المهندس طارق زويل ، والسيد الاستاذ محمد الطويل ، والسيد الاستاذ gemino ، وأخيرا صاحب فكرة الي كل من يمتلك لانسر الكريستاله السيد الاستاذ upnemo .

طبعا بجد انا مش عارف اشكرك ازاي علي الموضوع الهائل ده بس انت طمنتني ان الكريستاله لسه بخير وانا عندي شويه ملاحظات علي الكلام الجميل ده
اولا تيل الفرامل انته جبتو غالي جدا لأني جبتو ماليزي وعلي فكره نضيف جدا ومابيصفرش ولا اي حاجه وكان عامل بتاع حوالي كده ييجي 45 جنيه بس طبعا اتاخد ب 40 تاني حاجه فلتر البنزين انا جبت الاصلي الياباني ب 15 جنيه وتالت حاجه وهي فلتر الزيت انا باردو جبت واحد ياباني اللي هو الاخضر غامق وده ياباني وسعره 25 جنيه اما بالنسبه لفتر الهوا فا هو ان شاء الله الخطه القادمه وده الياباني ب 65 جنيه والكوري ب 45 جنيه ونصيحه مني لو اللمبات التلجي دي عاليه نصيحه لوجه الله ياريت تركب كتاوت علشان مفتاح النور ما يحصلوش حاجه وكمان الضوء هيكون مظبوط وبالنسبه للأسبراي فا هو جامد جدا وعن تجربه وانا لسه عاملع من اسبوع وفعلا فرق مع السحب ومافيش حاجه اسمها اسبراي لده ولا مش لده سيبك منه طبعا ده اسبراي بينضف لا اكتر ولا اقل اه صحيح انا كمان جبت سير كاتينه وسير باور بس مش فاكر كام لأنهم بقالهم كتير شويه وطبعا عندي سؤال لحضرتك بالنسبه للسخان بتاع الصبح ده علشان عندي العربيه بسخنها منيوال فكنت عايز اعرف تكلفته في حدود كام لو حبيت اركبه ؟؟؟؟؟؟ وبالنسبه للباور فا هو كده تمام اوي ولما تجري هتعرف قيمته كويس وهتحمد ربنا انه تقيل معاك نسبيا

[HeMa_LanCeR]

والله انتم اكثر من ممتازين
انا معايا 98
انا بئه مختاج اكصدامين _امامي & خلفى +شبكه اماميه(الرفيعه)
ممكن اعرف اسعارهم ومنين اجيبهم مع العلم انى من الاسكندريه

بصراحه انا معرفش سعرهم بس حاول لو هتغير فعلا تجيب بتوع الليونسيل الصيني جامدين اوي علي فكره بس طبعا دي ازواق ولو مش عاجبك اللي قدام لأنه بارز لبره شويه فا نصيحه هات اللي ورا بارز شويه علشان انت في مصر وكلها محترفين قياده

[NAGUIB]

احلي كريستاله لاجدع رجاله

بصراحه انا مش عارف اشكركم كلكم ازاي
فعلا
احلي كرستاله لاجدع رجاله
شعارنا الجديد:embarrassed2:

[Ahmad]

3- لمبات الصالون ولمبات التابلوه ولمبات العدادات غيرتهم بالكامل واللمبه إسمها ( سافايه ) وبتعمل نصف جنيه للواحده دى اللى بتركب فى العدادات والتابلوه أما لمبات الصالون فنوع عادى من أم 2 جنيه .. والحاجات دى إشتريتها من عند واحد فى عزبة سعد إسمه سعيد نصار. مع ملاحظة إن فيه لمبات بتبقى مع المفتاح ذات نفسه يعنى عشان تغير اللمبه يبقى حتغير المفتاح - وهما على سبيل الحصر زرار النور الرباعى (الفلاشر) ، وزرار الزجاج الكهربى اللى فى باب السائق – ودول أنا مش غيرتهم .. يعنى بلاهه دول .

أولا أشكرك بشدة علي شرح تجربتك بالتفصيل, و هي تتشابه في الكثير مما مررت به.

تعليقا علي نقطة لمبات المفاتيح, أنا غيرتهم بالفعل , بدون شراء مفاتيح جديدة.
يوجد لمبة صغيرة جدا داخل كل مفتاح, لم أجدها الا عند محلات الاليكترونيات. و هي لمبة تقدر بنصف حجم اللمبة المستخدمة مع مفاتيح التكييف.
و يخرج منها سلكين رفيعين يستخدما في ربط اللمبة بقاعدة من المطاط. بعد تركيب اللمبة في القاعدة المطاطية, يتم وضع القاعدة في مكانها داخل المفتاح, ثم يتم تركيب المفتاح و وضعه في مكانه.

يوجد ثاث مفاتيح من هذا النوع و هم:
1. مفتاح الانتظار(الاشارات الرباعية).
2. مفتاح التكييف.
3. مفتاح سخان الزجاج الخلفي.
بخلاف مفتاح الزجاج الكهربائي و الذي كان سليما عندي و لم ييم تغييره.

[islamaboelnaga]

يا جماعه موضوع التسخين ده كان عندى و ظبطته فى التوكيل ب 25 ج و موضوع التيل ده على فكره اى حاجه غير الاصلى هاتبوظ الطنابير قدام
بس انا عايز اعرف ايه نظام ظبط الكربراتير على البارد و السخن و موضوع الاسبراى
انا باروح توكيل قليوب على طول و عمرى ماعملته

[Ghamrawy]

والله انتم اكثر من ممتازين
انا معايا 98
انا بئه مختاج اكصدامين _امامي & خلفى +شبكه اماميه(الرفيعه)
ممكن اعرف اسعارهم ومنين اجيبهم مع العلم انى من الاسكندريه

اهلا بيك معانا
عندك فى الازاريطة محل قطع غيار اسمه الزعيم و ده حتلاقيه فى اول شارع يمين بعد شارع سوتر (موازى لسوتر) و رقمه 4877027 و اللى شغال هناك واحد اسمه احمد و هو ولد محترم و على خلق .
التانى بقى اسمه ياسين و ده موجود على ترام فلمنج (مابين فلمنج و محطة الوزارة) و ده بضاعته حلوة و مضمونة و تليفونه 5851568
اما عن الاسعار ماعنديش فكره علشان بقالى كتير ما اشترتش
بس نصيحة خلى اللى حايرش الاكصداميين يديهم معجون الاول و الا حايتقشروا بعد شهر بالكتير
و طبعا لو احتجت اى حاجة اسأل و انا فى الخدمة

[HeMa_LanCeR]

يا جماعه موضوع التسخين ده كان عندى و ظبطته فى التوكيل ب 25 ج و موضوع التيل ده على فكره اى حاجه غير الاصلى هاتبوظ الطنابير قدام
بس انا عايز اعرف ايه نظام ظبط الكربراتير على البارد و السخن و موضوع الاسبراى
انا باروح توكيل قليوب على طول و عمرى ماعملته

ياريت نعرف ظبط موضوع التسخين ده ازاي يعني كان ازاي وبقي ازاي
وعلي فكره انا بحس من دوسه الفرامل ان كان الطنابير فيها حاجه ولا لأ وبعدين يا باشا ده بقولك التيل الاصلي ب 250 يعني غالي قوي وانا جبت واحد متغلف وجامد قوي مش المصري اللي بيخرب الطنابير وموضوع الاسبراي ده سها جدا وممكن تعمله بنفسك وانا جبته بحوالي 18 جنيه وده الامريكي والصيني ارخص شويه

[Hany Hussain]

طبعا اشكرك علي الرد الجميل ده
بص يامان فرق الموديلات
اولا من 1996 - 1998 الشكل ده هتلاقي الفوانيس الاماميه ليست مستطيله وكمان الشبكه صغيره لأن الكابوت فيه حته زياده كده من فوق الشبكه والفانوس اللي ورا طبعا جزئين زي ما حضرتك عارف والموديل ده الجزء اللي هو راكب في الشنطه بيكون احمر فقط ودي اللي هي موجوده في توقيعي
ثانيا من 1998-2001
ودي بقي هتلاقي الفانوس مستطيل والزجاجه بتاعته من قدام شفافه والشبكه عريضه وتعتبر مستطيله ايضا ومن ورا هتلاقي الفانوي اللي فيه جزء راكب في الشنطه هتلاقي فيه حته بيضا مكمله اللمبه بتاعت المارشدين يعني مش حمرا بس وطبعا صعب قوي تلاقيها لحد 2001 يعني هي العربيه بتبقي صنع 2000 لكن بترخص 2001 وانا شفت 3 عربيات كده وغالبا دي بيبقي اسمها الجامبو اللي هي كامله كل حاجه حتي الاسبويلر الخلفي ويارت تقولي كنت بتجيب ايه قطع غيار والاسعار علشان اقدر افيدك ولو في اي مشكله محتاج لها حل اتفضل وانا او اي شخص في الرابطه يقدر يحلهالك بأذن الله

ألف ألف شكر وجزاك الله خيرا على المعلومة وعلى التفصيل دا
بجد الموضوع ده رائع وخصوصا ان الناس بدأت تتفاعل معاه

[abulhasan]

إلى الأخ الفاضل gemino

حضرتك بالنسبة للكتالوج اللى فيه مواصفات 98 و 99 ده مواصفات بــس ولا كتالوج كامل عن القطع والزيوت واستبدالها ..وعلى فكرة حضرتك بما إنك عملت سكان فممكن تحمله بعد ضغط جميع الملفات فى ملف واحد (ببرنامج winrar)عن طريق مواقع الرفع زى www.uparab.com
وجزاك الله خيرا