الي كل من يمتلك لانسر الكريستاله

[HeMa_LanCeR]

لكل من يمتلك الكريستاله
ياريت بس لو حد يعرف يقول هي كام حصان والضغط بتاعها كام علي كام علشان نعرف البنزين المناسب ليها

[HeMa_LanCeR]

انا هبيع العربيه وأجيب عربيه ليها رابطه وناس بترد علي بعض
ياجدعان دا الكريستاله اكتر من ال 128 اومال فين الناس
الوووووووو يابشررررررررر

[AmrMostafa]

ده غالبا من المساعد اللى ورا يمين عايز يتغير أما بالنسبة ان العربية واطية انا كانت عندى كده روحت لبتاع العفشة شالى العجلتين اللى ورا وحطلى عليات 5 سم عبارة عن اسطوانتين كوتش على المساعدين العربية عليت ومابقتش تحك خالص حتى مع التحميل وما اثرتش على تعليق العربية

[AmrMostafa]

وما تزعلش ان ما حدش رد عليك انا عن نفسى لسه شايف رسالتك وما تقلقش من العربية دى عربية هايله فى كل حاجة ولما تعليها حاتعرف

[HeMa_LanCeR]

ده غالبا من المساعد اللى ورا يمين عايز يتغير أما بالنسبة ان العربية واطية انا كانت عندى كده روحت لبتاع العفشة شالى العجلتين اللى ورا وحطلى عليات 5 سم عبارة عن اسطوانتين كوتش على المساعدين العربية عليت ومابقتش تحك خالص حتى مع التحميل وما اثرتش على تعليق العربية

جزاك الله خيرا علي هذه المعلومه

[HeMa_LanCeR]

وما تزعلش ان ما حدش رد عليك انا عن نفسى لسه شايف رسالتك وما تقلقش من العربية دى عربية هايله فى كل حاجة ولما تعليها حاتعرف

انا مش زعلان وبعدين موضوع الوطيان ده مش مشكله عندي لأني يعتبر بركبها لوحدي (الحته بتاعتي باردوا) فا بالنسبالي كويسه كده علشان الواحد يعرف يجري
بس عايز أسألك سؤال انت اكتر حاجه جريت بيها كام في العربيه دي لو كنت جربت يعني

[AmrMostafa]

آه نسيت اقولك ان العربية 75 حصان أما بالنسبة للبنزين العبد لله بيحطلها 92 إنما ممكن تحطلها 90 شغال عادى جدا بس الفرق فى الفلوس مش كبير يعنى 2 جنية فى الـ 20 لتر

[HeMa_LanCeR]

آه نسيت اقولك ان العربية 75 حصان أما بالنسبة للبنزين العبد لله بيحطلها 92 إنما ممكن تحطلها 90 شغال عادى جدا بس الفرق فى الفلوس مش كبير يعنى 2 جنية فى الـ 20 لتر

ما انا بحط 92
وعلي فكره هي في يوم كنت مسافر بيها سفاجا ومكنش في بنزين غير 80 فا أضطريت احط وكانت ماشيه زي الفل بس سحبها قل شويه لكن بعدها روحت غيرت فلتر بنزين وجبت اسبراي الكربراتير علشان انا بحافظ عليها قوووووي ولو ممكن حضرتك تقولي علي اي تعديل انت عامله في العربيه علشان بصراحه عايز اظبطها بس مش عارف اعملها ايه

[AmrMostafa]

أنا سافرت بيها إسكندرية وحبيت أمشى على مهلى مش عايز أقولك أنا جبت 140 وحاسس ان العربية ماشية على 60 كيلو وده من شده ثباتها على الطريق يعنى بطة ومتوازنة قوى وواحد زميلى فى الشغل جاب بيها 185 كيلو على طريق شرم الشيخ ولكن أنا ما أنصحكش بالسرعة العالية عشان أنا خايف عليك والحكاية ماتستهلش مغامرة

[AmrMostafa]

من عينى يا باشا أى خدمة إحنا فى الخدمة

[HeMa_LanCeR]

أنا سافرت بيها إسكندرية وحبيت أمشى على مهلى مش عايز أقولك أنا جبت 140 وحاسس ان العربية ماشية على 60 كيلو وده من شده ثباتها على الطريق يعنى بطة ومتوازنة قوى وواحد زميلى فى الشغل جاب بيها 185 كيلو على طريق شرم الشيخ ولكن أنا ما أنصحكش بالسرعة العالية عشان أنا خايف عليك والحكاية ماتستهلش مغامرة

ياباشا انا جبت بيها حوالي 197 بس كنت خايف مووووووت والله العظيم شيء مرعب اوي وانا منصحش اي حد يعمل كده بس علي فكره محستش ان ده اخرها وعلي فكره انا كل يوم بجيب ال 140 وانا رايح الاكاديميه فا ده العادي لكن انا كنت بسأل علي السرعات المجنونه اللي انا استهبلت وعملتها دي وبجد انا معرفش قدرت اعملها ازاي ربنا ما يوري حد رعب مافي زيه رعب

[AmrMostafa]

على فكره أنا كنت غيرت كوتش أعرض عشان الثبات وجبت ميشلان الفرده بـ 300 جنيه وطبعا جبتهم بالتقسيط عشان الدنيا دلوقتى صعبة بس بصراحة الحكاية تستاهل

[AmrMostafa]

خد بالك العربية فى السرعات العالية قوى دى بتعوم وخطر قوى خلى بالك

[HeMa_LanCeR]

خد بالك العربية فى السرعات العالية قوى دى بتعوم وخطر قوى خلى بالك

عارف يا مان وعلشان كده مبعديش ال 140 يعني بقيت عامل ليميت لنفسي اللي هو ال 140

[Ghamrawy]

خد بالك العربية فى السرعات العالية قوى دى بتعوم وخطر قوى خلى بالك

ما انصحش باكتر من 160 كم/س فى حالة العربية العادية ال stock اما لو مغير المساعدين و الفرامل و مغير الكاوتش بكاوتش يستحمل السرعة و مركب سبويلر حقيقى مش الزينة ده و كمان موطى العربية اكتر ما هى واطية ........ اجرى