يا جماعه الستات والبنات مشكلة السواقه

[Ahmed_Elkhateb]

يا جماعه البنات والستات مشكلة السواقه متعرفش دول بيبقو سايقين ازى انا اتخنقت منهم يعنى مثلا كنت ماشى بالعربيه فى صلاح سالم من يومين وبنت وصحبها سيقين عربيه انا اصلا متعود انى باخد غورز فى الحتت الزاحمه فا عمال اعدى العربيات وفجأه لقيت البت راحت قافله عليا وولا هيا هنا قاعد اديها راعاش ولا هيا هنا فى الأخر روحت رايح جنبها بالظبط وقولتلها ارحمونا بئه المفروض الحكومه تعمل صف لوحدو كده على اليمين خااااااالص ومش اليمين العادى يعنى لو يعملو صف بعد الرصيف كمان ياريت تمشى فيه الستات والبنات بس مزعجيييييييييييين بجد فى السواقه معلش بس انا كان نفسى اطلع كبتى وغيظى فى حد فا طلعتو هنا فى المنتدى وشكرا

[AHMEDCAR]

ياباشا انا معاك ان فى بنات سواقتها على قدها بس برضو فى منهم سواقتهم احسن منى و منك بس دول مش كتير و

و ياريت تخلى بالك ان فى بنات هنا فى المنتدى و الكلام ده هايجرح مشاعرهم

[semsem67]

متزعلش مني أنا رأيي إن اللي بياخد غرز ده بيعرض حياة الآخرين للخطر يبقى الغلط عندك . حتروح فين من ربنا وضميرك لو - لا قدر الله -تسببت في إصابة أو وفاة إنسان علشان تاخذ غرزة؟ أرجو انك متزعلش من كلامي

[Amrrr]

انا قلت من زمان العربية اللي سايقاها واحدة تعلق ايشارب على اريال العربية بصورة ملفتة عشان الناس تاخد حزرها:k5:

محدش يزعل انا بهزر بس فعلاً نسبة البنات اللي بتسوق حلو ( عندها سنس حلو ) قليلين اوي والنسبة اكتر بكتير في الشباب بس دا ممكن يكون سببه ان معظم الشباب واخد السواقة للمتعة اكتر منها نازل رايح مشوار يارب يعدي على خير ونرجع البيت سلام !!كدة يعني

[Ahmed_Elkhateb]

يا جماعه انا قلت فى الأماكن الزحمه يعنى مش باخده وانا سريع يعنى مثلا الطريق لما الرعبيات بتمشى تاتا انا بعدى من العربيات انا مش بقولك وانا ماشى سريع وانا عارف امته اخد غورزة وامته ماخدش وفى الأول وفى الأخر بنا هو اللى بيستر ومعلش يا جماعه ولو تحبو احذف الموضوع انا معنديش مانع

[Islam_galal]

هي بلا شك ظاهرة
قيادة السيدات و الآنسات مختلفة لدرجة أني بقيت باحس بالعربيه اللي سايقاها واحدة ست من غير مااشوفها

الموضوع برة السواقه حتي في المرور في الشارع، تلاقي الست أو الآنسة !!! بتعدي و لا كأنها بتعدي بين حجرات المنزل

قد أفهم أن بعض الشباب يتصرفون هكذا من باب الشعور الذكوري المتخلف بالقوة و السيطرة:k34: - لكن ما معناه عند السيدات

ممكن واحد يتنرفز و يشتم:wacko: او يتعارك مع الشباب اللي مخهم تاعبهم من النوعية دي لكن تعمل ايه مع الستات

زوجتي كانت تظنني اتحامل عليهم و لكن لما اتعلمت السواقة و بقت تقعد جنبي حتطق من الغيظ و بقت تسبقني و تقول "اكيد اللي سايق العربية دي واحدة ست" ، فاقول "الحمد لله ، و شهد شاهد من اهلها"

[itsonlyme]

أنا شايف أنه موضوع مستفز وأسلوب الطرح مستفز أكتر

يا استاذ toteman, التعميم غلط. ممكن يكون كتير من السيدات سواقتهم وحشه بس مش كلهم. وبعدين حاره يمين ايه وكلام فاضي.

[elassar2010]

هى الستات عموما بتكون مترددة فى السواقة واتخاذ القرار يعنى بتكون ماشية فى نصف الطريق ولا تديك فرصة تروح يمين ولا شمال وانت تعد كلاكسات لحد ماتفتحلك سكة بس النوعية دى كتيرررررررررررة
وطبعا فى بنات تانية تمام بس للاسف قليلين جدا

[Ahmed_Elkhateb]

طب شوفتو يا جماعة يعنى اغلبية الأراء متفقه ان اغلبية الستات والبنات سوقتهم على ادهم يا جماعه طول مش بيبصو فى المريات والله والواحد بتبقى لازقه الكورسى ى الأزاز اللى قدامى علشان تبقى شايفه الكبوت ومنفضه لكل اللى جنبها عااااامة انا اسسسسسسسف لو كنت غلط بس بردو انت تراعو انى متغاظ اوى من الموضوع ده

[محمد ابراهيم 1]

صعب إنكار الموضوع ده
بس بصراحه هن الخطر منهن بسيط وليس جسيم كقيادة الشباب الأرعن

[M.Osman]

بس برضه فى بنات بتعرف تاخد غرز ...عالأقل هنا

:p

[MoToRiZeR]

عايزني اكلمك بصراحة ؟

انا رأيي إن اللي بياخد غرز هو سبب كل شئ .. سواء في السريع أو البطئ ... لأنه بيبقي متخيل إنه لما يعدي الطريق هيمشي لأنه ساب مكان .. إنما اما تقعد ترعش و الناس توسعلك و إنت و غيرك بتاخدوا غرز النتيجة إيه ؟ الناس رايحة من الشمال لليمين و من اليمين للشمال بيوسعوا و بيغرزوا و بيخبطوا في بعض و الملتزم قاعد مبحلق في المرايتين و طبيعي سرعته تقل من اللي بياخد غرز قدامك و اللي بيكسر عليك من الشمال و اليمين .. فا أقل شئ يتعمل إنك تتخنق و متوسعش لحد :) انا شخصياَ بعمل كدة و اما حد بيصر ياخد الغرزة برخم أكتر و يقفلها أكتر لأن أكيد من حقي أمشي في خط مستقيم من غير ما حد شايف نفسه أهم مني فا عايز ياخد حقي في الطريق و يكسر عليا أو ياخد من حواليا غرز .. و في النهاية الطريق بيقف بالطريقة دي و كلنا بنقف .. و بصراحة انا اما بمشي ورا بنت سواقتها علي قدها بمشي وراها بطئ لحد ما الطريق يفتح و خلاص .. سواقتها علي قدها مش مشكلة كلنا كنا بنسوق علي قدنا (مع إن هي ممكن تكون بتعمل الصح) .. إنما لو حد جه و بالرعاش في عيني و هيجبلي إنفصال في الشبكية و و كلاكسات و لازق فيا عايزني أوسعله و خلاص علي أساس إن هو وراه حاجات مهمة و انا نازل أتمشي عشان بحب الزحمة .. بصراحة أكيد مش هوسعله .. الطريق زحمة علينا كلنا .. ليه متخيل إن البنت دي حابة الزحمة وعاجباها أزي عايزة تقف شوية مثلا فا ماشية بالراحة و بتقفل عليك الطريق !؟ ليه الناس في الزحمة بتتخيل إن هي الوحيدة اللي مستعجلة و الباقيين "كيفهم" العطلة؟! يبقي الأحسن نسوق كلنا في خط مستقيم عشان نوصل من غير خساير في العربيات و في الأعصاب أهم شئ .

الغرز و التنقل بين الحارات بكثرة علي طريق سريع أو بطئ هي سبب كل المصائب .. و لو الكلام ده كان في بلد تانية من اللي فيها مرور بجد كانت البنت هتعدي و إنت هتاخد مخالفة :)

[abf-nassar]

يا اخي الفاضل من غير ماتزعل مني مافيش حاجة في العالم كله اسمها غرز الا في مصر وهي اختراع مصري ابتكره فهلوية القيادة في مصر وللاسف النتيجة الحتمية لقيام شخص بهذا الفعل هو نرفزة باقي السائقين وشد اعصابهم لمجرد ان شخص شايف في نفسه انه الشاب الشاطر اللي مافيش زيه وهو اللي هيعدي في الزحمة وبيكون في الكثير من السائقين اصحاب المهارة في القيادة ماشيين في صف واحد في انتظار الطريق يتحرك وياتي هذا الشاطر ليحاول اثبات مهارته التي لاتقهر وطبيعي جدا ان واحد او اثنين او اكثر مش هيعجبهم اسلوبه وهيقفلوا عليه الطريق سواء كان السائق رجل او بنت مش هتفرق كتير
نصيحة من اخ ومتزعلش منها اذا كنت انت بتتنرفز لما تيجي تاخد غرزة والطريق يتقفل عليك فاعلم جيدا ان تصرفك باسلوب الغرز بينرفز كل السائقين حولك

[Ahmed_Elkhateb]

كلكو سبتو الموضوع الرأيسى ومسكتو فى الغرز وانا اكرر بردو اللى فاهم مش زى اللى فاهم يعنى ممكن تلاقى واحد بياخد غرز وخلاص وهو مش عارف ايه اللى بيعمل وفى اوقات لازم تاخد فيها غورز ولا انا بتكلم غلط وبعدين الموضوع مش بتاع الغورز احنا ممكن نبقى نعمل موضوع خاص بالغرز بس دلوقتى فى مشكلة البنات بس انا قررات ابعد عن الشر وغنيلو :d

[lolly136]

bos ana m3ak fi setat teshel we ten2et we t3mel kol 7aga

bas fi kela kalila mn el bnat sa2etha gamda

ana fi nas btshed m3ya we lma ygo gnby we yshofo eny bnt bytsedmo