يا جماعه الستات والبنات مشكلة السواقه

[شاهين - بنز]

صعب إنكار الموضوع ده
بس بصراحه هن الخطر منهن بسيط وليس جسيم كقيادة الشباب الأرعن

لأ خطر سواقة البنات جسيييييم جدا كانوا حيتسببوا في وفاتي أكتر من مرة لإنهم دايما بيركنوا على الشمال على الطريق وبفاديهم في آخر لحظة
ومرة واحدة كانت بترجع بضهر العربية في نص شارع صلاح سالم لقيتها قدامي مرة واحدة وإتجاوزتها بالعافية

وبجد والله الستات ليهم عامل كبيير في زحمة المرور تلاقي الناس كلها ماشية مثلا 80 والستات أو البنات ماشيين بالكتيير 20 ومرعوبين جدا كمان وفاكرين إن دي سرعة إنتحارية وساديين الطريق وبيحدفوا يمين وشمال ومتعرفش تعدي منهم

وبجد أكتر حاجة حارقة دمي في مصر سواقت الستات لإني كنت عايش في السعودية ومش متعود على كمية عدم الذكاء دي من الحريييم في السواقة

وبالنسبة للناس إللي بيقولوا إن في ستات بيسوقوا كويس وبيعملوا غرز وبتاع آه في بس بيدوب كم واحدة في مصر كلها والباقي مولاي كما خلقتني

[tutankhamoun]

يا جماعه البنات والستات مشكلة السواقه متعرفش دول بيبقو سايقين ازى انا اتخنقت منهم يعنى مثلا كنت ماشى بالعربيه فى صلاح سالم من يومين وبنت وصحبها سيقين عربيه انا اصلا متعود انى باخد غورز فى الحتت الزاحمه فا عمال اعدى العربيات وفجأه لقيت البت راحت قافله عليا وولا هيا هنا قاعد اديها راعاش ولا هيا هنا فى الأخر روحت رايح جنبها بالظبط وقولتلها ارحمونا بئه المفروض الحكومه تعمل صف لوحدو كده على اليمين خااااااالص ومش اليمين العادى يعنى لو يعملو صف بعد الرصيف كمان ياريت تمشى فيه الستات والبنات بس مزعجيييييييييييين بجد فى السواقه معلش بس انا كان نفسى اطلع كبتى وغيظى فى حد فا طلعتو هنا فى المنتدى وشكرا

السلام عليكم
أولا أحب أسجل تعليقي على عنوان الموضوع

الستات سواقتهم وحشة ........... معاك
و الرجالة سواقتهم أوحش
الستات سواقتهم سواقة غشامة و حذر زائد
الرجالة سواقتهم قلة أدب و أستهبال و استعباط و رزالة و غتاتة و غلاسة ( و دي ألفاظ منتقاه علشان أحنا في مكان عام )

و أحب أسجل تعليقي على كلام حضرتك

أولا في وسط الزحام
لو الكل التزم بدوره و مكانه في الشارع
الطريق هايمشي أسرع من اللي بيحصل
و لكن ماذا يحدث في مصر و لا يحدث في البلاد المحترمة ؟؟؟
ما نسميه هنا غرزة

الغرزة دي من أسوء ما يمكن فعله في السواقه و هي
التخطي للسيارات بدون مراعاة الوقت و المكان و المسافة المناسبين و عدم انتظار صاحب الحارة التي سينتقل اليها صاحب الغرزة
مما يسبب

ضياع وقت الناس

التسبب في توتر الطريق و محاولة كل سائق أمتلاك أكبر مسافة على أرض الطريق حتى لا يقوم سائق أخر بسرقتها منه عن طريق عمل غرزة

تعطيل الطريق بسبب أن كل واحد فاكر لما يعمل غرزة يبقى كدا هو بيخلص نفسه و طريقه هايمش و العكس هو الصحيح

وضع السيارات في موقف خطير بالاضطرار للفرملة بسبب الغرز و التخطي الخاطئ و الغير مظبوط و مدروس بسبب الغرزة و خصوصا لما تكون معمولة في مكان ضيق

لو الناس في مصر تبطل تعمل غرز و تهدى في سواقتها شوية
و الله العظيم تلاتة
هانوصل بيوتنا أسرع ......... أقل توترا ......... عربياتنا هاتفضل بحالتها لمدد أطول ......... و الكل هايبقى مرتاح
ستات و رجالة


على فكرة
أنا برضه مش بحب حد يعمل أدامي غرزة
و دايما عيني على المرايات و لو شوفت حد جاي من جنبي و ناوي عليها
بقفل المسافة
و لو عايز يعمل غرزة ............ يروح يعملها بعيد عني أنا مش ناقص حوادث و وجع قلب و افرمل فجأة علشان خاطر سيادته

و السلام عليكم و رحمة الله و بركاته

[ahmed76]

يا جماعة حرام عليكوا
هما عندهم مشكلة بسيطه جدا
انهم قافلين المرايا اليمين والشمال واعتقد مرايه الصالون
وبيقطعوا الطريق وانت المفروض تقف
طبعا مش كلهم حوالى 85 % بس

[دموع الثلج]

بصراحة الستات والبنات ملهمش لا في سواقة و لا حتى مش في الشارع بالنسبة للسواقه كلنا عارفين الستات بتسوق ازاي بدليل بص على عربية اي ست تلاقيها مدمرة نيجي بقى للمش في الشارع تحس بقى انه استهبااال وانا اسف اني بقول كده تلاقي الست بتعدي الشارع مش هاين عليها تبص للعربيات جاية منين وحتى لو بصت تعدي في تأني (برووووووووووووود) ادي نوعية الستات والبنات اللي في شوارع المحروسة مع احترامي للجنس اللطيف.

اسمحلى انا اللى اقولك بصراحه اكثر

انتم فتحتوا موضوع ظريف ولطيف عشان يكون مرتع لكل واحد مخنوق من سواقه الستات يقول اللى فى نفسه

طب ما تشوفوا اخطائكم انتم يا رجاله

لو فكرت فى اخطاء البنات غالبا هتلاقيه سواقه بحذر وهدوء فى سواقتها

هو ده بقى العيب الفظيع اللى مجننكم

طيب يلا لو سابوا لكم الشارع ورونى بقى هتحلوا ازمه المرور فى مصر ازاى ان شاء الله ورونا حوادث الميكروباصات اللى كل يوم هل سببها ستات برضوا
ولا همجيه سواقين النقل برضوا سببها ستات
ولا بلطجيه بتوع التوكتوك برضوا وراها سواقه ستات
يعنى سبتوا سبب الكوارث كلها والسواقين اللى مغلبين الكل فى الشارع ومسكتوا فى سواقه الستات والبنات ...

وبعدين يعنى الكل فرحان بسواقه البلطجه اللى يعرفها الشباب والاغلبيه الان تحت مسمى غرز

ده شى اسمه استهتار باروح البشر واهمال وعدم مسئوليه من الشباب

وبالنسبه للى بيعدوا الشارع ده سلوك عام يا سيدى الفاضل

البروووووووووود المتناهى فى الجميع ويا سخافتهم بئه

لما تلاقى شحط بيعدى قدامك بكل برود وكانك واجب عليك تنزل تشيله تركنه جمب الحيط الاول عشان تمشى بعربيتك وخصوصا لو الشخص الظريف ده شاف اللى سايقه العربيه بنت ينزل عليه عته منغولى ويستعرض جمال خطوته قدام العربيه

وبرضوا فيه بنات بتعمل كده يعنى المجتمع كله دى لا مبالاءه وحاله عامه من الجميع محدش يقولى بنات وستات

وطبعا ناهيك عن موضوع الغرز ده حركه مستفزه لابعد الحدود ده اسفه على الكلمه اسلوب همجى فى القياده

وصاحب الموضوع مضايق وزعلان عشان مش بيعرف يعمل غرز من البنات فعلا مششكله عويصه
اتمنى محدش يزعل من كلامى
وليس دفاعا عن سواقه الستات انا نفسى مش بحب امشى وراء واحده ست

[tutankhamoun]

اسمحلى انا اللى اقولك بصراحه اكثر

انتم فتحتوا موضوع ظريف ولطيف عشان يكون مرتع لكل واحد مخنوق من سواقه الستات يقول اللى فى نفسه

طب ما تشوفوا اخطائكم انتم يا رجاله

لو فكرت فى اخطاء البنات غالبا هتلاقيه سواقه بحذر وهدوء فى سواقتها

هو ده بقى العيب الفظيع اللى مجننكم

طيب يلا لو سابوا لكم الشارع ورونى بقى هتحلوا ازمه المرور فى مصر ازاى ان شاء الله ورونا حوادث الميكروباصات اللى كل يوم هل سببها ستات برضوا
ولا همجيه سواقين النقل برضوا سببها ستات
ولا بلطجيه بتوع التوكتوك برضوا وراها سواقه ستات
يعنى سبتوا سبب الكوارث كلها والسواقين اللى مغلبين الكل فى الشارع ومسكتوا فى سواقه الستات والبنات ...

وبعدين يعنى الكل فرحان بسواقه البلطجه اللى يعرفها الشباب والاغلبيه الان تحت مسمى غرز

ده شى اسمه استهتار باروح البشر واهمال وعدم مسئوليه من الشباب

وبالنسبه للى بيعدوا الشارع ده سلوك عام يا سيدى الفاضل

البروووووووووود المتناهى فى الجميع ويا سخافتهم بئه

لما تلاقى شحط بيعدى قدامك بكل برود وكانك واجب عليك تنزل تشيله تركنه جمب الحيط الاول عشان تمشى بعربيتك وخصوصا لو الشخص الظريف ده شاف اللى سايقه العربيه بنت ينزل عليه عته منغولى ويستعرض جمال خطوته قدام العربيه

وبرضوا فيه بنات بتعمل كده يعنى المجتمع كله دى لا مبالاءه وحاله عامه من الجميع محدش يقولى بنات وستات

وطبعا ناهيك عن موضوع الغرز ده حركه مستفزه لابعد الحدود ده اسفه على الكلمه اسلوب همجى فى القياده

وصاحب الموضوع مضايق وزعلان عشان مش بيعرف يعمل غرز من البنات فعلا مششكله عويصه
اتمنى محدش يزعل من كلامى
وليس دفاعا عن سواقه الستات انا نفسى مش بحب امشى وراء واحده ست

متفق معاكي مليون % يا دموع
و أنا شايف أن سواقة الستات الحذرة أفضل من التهور الرجولي و الإستعباط الرجولي و الإستهبال الرجولي
بصراحة ياريت كل المصريين بيسوقوا زي الستات
و الله العظيم الدنيا هاتهدى و لكنا هابنقى أعصابنا مرتاحة

و اللي مشعلل الشوارع هما الرجالة
أنا مش عارف الناس بتتكلم على أيه
ده حتى الستات ميجوش 5 % من السواقين في الشارع

يعني حتى لو وحشين جدا ............ برضه مش هما السبب في الللي بيحصل في العك و النصاحة و الفهلوة و قلة الأدب المصرية

ربنا يكون في عون الجميع

[دموع الثلج]

متفق معاكي مليون % يا دموع
و أنا شايف أن سواقة الستات الحذرة أفضل من التهور الرجولي و الإستعباط الرجولي و الإستهبال الرجولي
بصراحة ياريت كل المصريين بيسوقوا زي الستات
و الله العظيم الدنيا هاتهدى و لكنا هابنقى أعصابنا مرتاحة

و اللي مشعلل الشوارع هما الرجالة
أنا مش عارف الناس بتتكلم على أيه
ده حتى الستات ميجوش 5 % من السواقين في الشارع

يعني حتى لو وحشين جدا ............ برضه مش هما السبب في الللي بيحصل في العك و النصاحة و الفهلوة و قلة الأدب المصرية

ربنا يكون في عون الجميع

والله يا استاذ توت انا شايفه ان الحذر واجب فى كل شى والطرق فى مصر غير امنه تماما ناهيك عن الزحام الشديد

يبقى احنا هنا بنعلق اخطائنا وعيوبنا على سواقه الستات ملهوش لزمه

اضافه الى ان اغلبيه الشباب افتقد الذوق والاخلاق فى الشارع

تلاقى واحد امورررررررررر كده مستحلى نفسه شويه شاف بنت راح كاسر عليها عشان هو راجل مينفعش يمشى بعقل وراء بنت بتسوق كمان هو الاقوى والخبير فى الغرز

امبارح والله واحد رفع ضغطى
شاب سسسسسخيف جدا معاه صحبته فى العربيه راكب دايو لانوس
ماسك الحاره الوسطى وقدامه عربيه البنزين اللى بتمون للبنزينه وانا ماسكه الشمال ولازقه فى الرصيف كان الشارع زحمه

راسه والف جزمه قديمه انه ياخذ غرزه شما ل انا مش عارفه ازاى
كسر عليا اول مره لا حد ف عليا بعنف
سرعته بالكلكس رجع مكانه تانى
وجاه جمبى يقولى محصلش حاجه حصل خير صباح الفل ليلتك عسل والاموره اللى جمبه مسخسه على نفسها ماهو الظريف بيستعرض مواهبه وخفه دمه قدامها
وراح كاسر عليا مره ثانيه سبته يدخل قدامىعشان اتلاشى شره بس
انا اقدر اخليه يخيش فى الرصيف لانه استفزنى قعدت اقول والكاظمين الغيظ ميه مره عشان ماعملش نفس غلطته

[l0new0lf]

كلكو سبتو الموضوع الرأيسى ومسكتو فى الغرز وانا اكرر بردو اللى فاهم مش زى اللى فاهم يعنى ممكن تلاقى واحد بياخد غرز وخلاص وهو مش عارف ايه اللى بيعمل وفى اوقات لازم تاخد فيها غورز ولا انا بتكلم غلط وبعدين الموضوع مش بتاع الغورز احنا ممكن نبقى نعمل موضوع خاص بالغرز بس دلوقتى فى مشكلة البنات بس انا قررات ابعد عن الشر وغنيلو :d

الموضوع انك شايف نفسك صح و الباقى غلط
مفيش حاجه فى السواقه اسمها غرز
فى حاجه اسمها الحاره المروريه
و كل واحد المفروض يلتزم
و المفروض متنقلش من حاره للتانيه بدون اشاره ويكون الطريق يسمح, و معنى يسمح انه يكون بينك و بين العربيه اللى هاتغرز قدامها على الاقل مسافه تعادل 3 ثوانى من سرعة العربيه
يعنى لو ماشى على 60 كم\ساعه يبقى فى مسافه 50 متر على الاقل بينك و بين العربيه الى هتغرز قدامها
الشارع مكان عام بيستخدمه الماشى والراكب (كبير, صغير, رجل او امرأة كله بيستخدمه)
علشان كدة اتحط قوانين تنظم العلاقه بين مستخدمين الطريق
ياريت نبص و نصلح فى اغلاطنا قبل ما ننتقد الاخرين

[Ahmed_Elkhateb]

و الله فعلا انا معاكو برغم اني بنت

انا بعرف العربيه اللي سيقاها ست من اخر الشارع:k48:

الستات مشكلتهم بيتخضو و يضربو لخمة في الزحمة و ممكن نتعرفش تتصرف في مواقف كتير

بس ده مش عشان حاجة

ده لان المراة بطبيعتها رقيقه و خوافة الي حد ما وfragile و hysterical

ربنا خلقنا كده و دي حكمته

و اما يبقي ايه الفرق بينا و بين الرجالة

الراجل بيبقي ثابت و متحكم في اعصابه اكتر من الست في السواقة عشان طبيعته و تكوينه كده

بس و الله يا جماعة زي ما حضراتكم قولتو في ستات و بنات سواقتهم حلوة اوي

انا و الله المدرب بتاعي و هو بيعلمني قالي انا عمري ما شوفت بنت بتسوق زيك و مش بتخاف كده

و في بنات كتير كويسين جدا و احسن من رجالة كتير

بس متوصلش بقي لدرجة الشد و الامركة و المصطلحات الغريبه اللي باسمعها دي اللي مالهاش اي علاقة بالانوثة و بطبيعة البنت

يعني اذا كان و لابد من السواقة يبقي للسواقة في حد ذاتها

عشان اروح مشوار او اخرج او اوصل اهلي

مش عشان اشد و اامرك و اعمل غرز و الحاجات اللي مش فهماها دي بصراحة

و بعيدا عن البنات او القيادة الحريمي

فيا جماعة برضه الحاجات دي بعيده عن التحضر و اخلاق القيادة اصلا

انا متفق مع كلامك يا بوسى كلامك بجد كلام ناس عقلين اقنعنى وفعلا يمكن علشان انتو جنس ناعم فا مش بتعرفو تتعملو مع السواقه زينا

[Ahmed_Elkhateb]

الموضوع انك شايف نفسك صح و الباقى غلط
مفيش حاجه فى السواقه اسمها غرز
فى حاجه اسمها الحاره المروريه
و كل واحد المفروض يلتزم
و المفروض متنقلش من حاره للتانيه بدون اشاره ويكون الطريق يسمح, و معنى يسمح انه يكون بينك و بين العربيه اللى هاتغرز قدامها على الاقل مسافه تعادل 3 ثوانى من سرعة العربيه
يعنى لو ماشى على 60 كم\ساعه يبقى فى مسافه 50 متر على الاقل بينك و بين العربيه الى هتغرز قدامها
الشارع مكان عام بيستخدمه الماشى والراكب (كبير, صغير, رجل او امرأة كله بيستخدمه)
علشان كدة اتحط قوانين تنظم العلاقه بين مستخدمين الطريق
ياريت نبص و نصلح فى اغلاطنا قبل ما ننتقد الاخرين

انا مش شايف نفسى صح مفيش انسان كامل على فكرة . بس انا قولت انا مش بستخدم الغورز الا اذا كنت متأخر وجرب انت بئه تكون متأخر على شغلك او على معاد مهم ولقيت الطريق بيمشى تاته تاته هتعمل ايه .......
انا مبقولش ان ده صح بس الضرورات تبيح المحزورات ولا ايه يا جماعه

[tutankhamoun]

انا مش شايف نفسى صح مفيش انسان كامل على فكرة . بس انا قولت انا مش بستخدم الغورز الا اذا كنت متأخر وجرب انت بئه تكون متأخر على شغلك او على معاد مهم ولقيت الطريق بيمشى تاته تاته هتعمل ايه .......
انا مبقولش ان ده صح بس الضرورات تبيح المحزورات ولا ايه يا جماعه

معلش .......... متزعلش مني

في الدول المحترمة مفيش حاجة أسمها متأخر على شغلك
فيه حاجة أسمها قوانين موضوعة و يجب على الجميع الإلتزام بيها
يعني مفيش حجج
اللي متأخر على شغله .......... يخرج بدري
و لو مخرجش بدري و مرحش الشغل
دي مشكلته هو مش مشكلة الناس التانية اللي سايقة معاه على الطريق
أنا واحد خبطلي جنب العربية و لما وقفته بعدها بحوالي 12 كم مطاردات
قالي
أصل أنا متأخر على شغلي !!!!!!!!!!!!!!!

----------------- و بغض النظر عن اللي بيحصل في مصر
أحنا بنتكلم عن سبب بوظان المرور و بوظان حال مصر في العموم
ان كله واحد عنده حجة ........... و مفيش قوانين

و متزعلش مني يا أخي أحنا بنتناقش مناقشة موضوعية بسيطة

[R A N A]

حديث المدينة والمشكلة العالمية في الطرق المصرية

انا مش عارفة ليه كل كام يوم يطلعلنا موضوع جديد يقول الستات واللي نزل الستات من البيوت واللي خلاهم يسوقوا وحرام عليهم اللي بيعملوه في الرجالة (الضحايا) ومبيعرفوش يسوقوا وبيتلخموا وهما سبب كل الكوراث اللي احنا فيه يمكن يكونوا هما كمان سبب الأزمة الإقتصادية العالمية برده مش بعيد ويمكن برده هما سبب الإحتلال الإسرائيلي لفلسطين مش بعيد ابدا .

كل الناس دلوقتي بقت تطالب برقاب النساء وعايزين يتخلصوا منهم في اسرع وقت ممكن وكإن ربنا فرضهم عليكم وخلقهم عشان يعذبكم بيهم.

طب دي مجموعة اسئلة محتاجة لحظة تفكير منكوا وبعدها ردوا:

1- سواقين الميكروباص والجمعية التعاونية اللي مقضيين حياتهم غرز ووقوف مفاجئ ونقل بدون ادني تنبيه من اقصي الحارة الشمال لأقصي الحارة اليمين ومشي عكسي دول ايه ستات لابسيين وش رجالة؟

2- ولا سواقين الأتوبيس اللي يبقي ماشي وحادف بوز الأتوبيس بتاعه طول الوقت في الحارة اللي جنبيه وماشي بزاوية لامنه مشي في حارته ولا منه اخد الحارة التانية وخلص ولا منه خلي الناس اللي في الحارتين اللي وراه يعرفوا يمشوا اصلا ده ايه؟ مش راجل برده؟

3- وسواق النص نقل اللي طول ماهو ماشي عمال يديك في كلكسات غير مبررة ويبقي في اقصي الشمال ويحدف عليك ويسدلك الحارة بتاعتك عشان يدخل الشارع اليمين بمنتهي البرود مش برده راجل ولا هو كمان ست لابسة عمة وجلابية؟

4- وطبعا سواقين التاكسي الهايلين اللي يقف وقت مايحب لمجرد ان حد رفع ايده يهرش في شعره وافتكر انه بيشاورله ولا لما حد يوقفه في نص الشارع ويقعد الأول يتناقش معاه ويشوف المكان اللي الزبون رايحه ده يتناسب مع مستوي سائق التاكسي المادي والمعنوي ولا لأ. مش ده برده راجل واحيانا بشنبات ولايكونش ست برده ولازقة شنب زي بتوع السينما؟

5- وسواقين النقل بقي اللي الحمد لله 3/4 حوادث مصر ده ان مكانش كل حوادث مصر بسبب انهم بيمشوا بسرعات رهيبة وبياخدوا غرز مميتة ويفضلوا رازعين العالي في وشك طول مانت ماشي ويقعد يرعشلك عشان تعديه مش برده راجل؟

ردوا الأول على الأسئلة دي وبعدين تعالوا حاسبو البنات والستات على سواقتهم

وياريت تجيبولنا احصائيات حقيقية عن الحوادث في مصر وخصوصا بقي الحوادث المميتة ونشوف مين كان المتسبب فيها رجالة ولا ستات .

والأخ صاحب الموضوع زعلان ومضايق اوي ان البنت قفلت عليه ومخلتوش ياخد غرزة.
اديك شوفت ردود افعال الشباب في المنتدي على الشخص اللي بياخد غرز ايه وان شباب كتير مش بس البنات برده بيقفلوا عليه وميسمحلهوش ياخد غرزة.

وعلى فكرة انا برده لما بلاقي حد بيغرز برده وعمال يتنطط مابين العربيات بقفل عليه ومش بخليه يعدي مش من حقه ياخد طريقي هو مش مستعجل اكتر مني يعني

انا عن نفسي بحاول التزم بحارتي علي اد ماقدر حتى لو فيها مطبات ولا بلاعات ولا بلا ازرق ومبنقلش من حارة لحارة تانية الا في حالتين يإما الحارة اللي انا فيها عطلت او توقفت تماما ومش هاتتحرك النهاردة ساعتها بفكر اخد الحارة اللي جنبي بعد مادي اشارة (وعيني علي المرايا) واسيب اتنين تلاتة يعدوا لان الناس مش بتستجيب للإشارات من اول مرة والحالة التانية بقي بعملها لما ميكونش في حد ورايا بمسافة قريبة عشان ميتخضش من اي غرزة او اي تخطي للحارات.
وعلى فكرة مش بس الستات اللي مش بتستعمل المرايات لا في رجالة بيبقوا ماشيين قافلين مراياتهم خالص وشوفتها اكتر من مرة (انا عن نفسي مبعرفش استغني عن المرايات ابدا في السواقة)

لكن الناس اللي بتستنصح بقي وفاكرة نفسها مفيش زيها وهما اللي ربنا بعتهم عشان يقضوا على الزحمة دي اخرهم بيقفلوا الطريق خالص على اللي رايح واللي جاي ولا منه عدي ولا منه اتنيل وقف زي ماهو وساب الشارع يسلك

ومصطلح غرز بقي اللي كلنا فرحانين بيه والشد والجري والكلام ده غير معترف بيه في اي مكان في العالم سوى في مصر بس وياريت منتحججش بالطرق بقي لان الطريق مبيقولكش خد غرز طول مانت ماشي ده سلوك بشري

وعلى فكرة اينعم ممكن مشيك ورا عربية ست سايقاها يخنقك شوية لانها بطيئة او حذرة لكن انا شايفة ان دي مش عيوب خطيرة يعني تخلي الناس كلها تلعن سواقة الستات وتصب عليهم كل الغضب ده لمجرد انهم عملوا نشاط فاكرينه مقصور فقط على الراجل الا وهو السواقة وحتى لو اخطأت هو مفيش راجل بيغلط يعني؟ كل الرجالة بتسوق صح بنسبة 100% ومعندهمش اي اخطاء في سواقته تماما وطول الوقت مركزين ومتحكمين في عربياتهم طب بلاش كل عربياتهم ماشية تمام وعمرها مابتحدف يمين او شمال او لا فراملها متكونش مضبوطة؟

يبقي ليه بقي بنفترض ان سبب سواقة الستات هما الستات ليه منفترضش انها اخطأت غصب عنها او عربيتها حصل فيها حاجة مش بإيديها خلتها تغلط؟
ولا عشان هيا ست يبقي هي المخطئة وخلاص لمجرد ان ربنا خلقها ست وبس؟

وعلى فكرة فعلا سواقة الستات بقت وحشة وسيئة وخنيقة (بالنسبة للرجال) عشان مش واخداها عافية وبطلجة ولوي دراع ولا نازلة الشارع بتقول ياأرض اتهدي ماعليكي قدي في السواقة النهاردة ولا نازلة تقول انا هاشد مع كل العربيات واسابقهم على فين مش عارفة المهم اسابقهم وخلاص زي ماكتير من الشباب اللذيذ بيعمل في الشوارع

ياجماعة صلحوا سواقة الرجالة الأول وخلوهم يسوقوا صح وهاتلاقوا الستات بعد كده بتسوق صح برده

الستات مش نازلة من بيوتها عشان تعذب الرجالة بسواقتها ومتنسوش ان مفيش ست بتعلم ست السواقة يعني اللي بيعلموهم هما برده الرجالة

وبعدين معلش يعني ايه اللي مضايق الناس اوي في ان الست بتبقي جايبة الكرسي قدام شوية ولا عاملاه بزاوية قايمة ولا ماسكة الدريكسيون بإيديها الإتنين مزعلكوا في ايه يعني وبيأثر في سواقتها ازاي؟ ولا هي تريقة على اي حاجة بتعملها الست وخلاص
هو يعني الواحدة لازم تمدد وتنام جوه العربية عشان تبقي بتسوق كويس ولا لازم تلمس الدريكسيون بأطراف اصابعها عشان تكون متمكنة من السواقة؟

[Noha.M]

اسمحلى انا اللى اقولك بصراحه اكثر

انتم فتحتوا موضوع ظريف ولطيف عشان يكون مرتع لكل واحد مخنوق من سواقه الستات يقول اللى فى نفسه

طب ما تشوفوا اخطائكم انتم يا رجاله

لو فكرت فى اخطاء البنات غالبا هتلاقيه سواقه بحذر وهدوء فى سواقتها

هو ده بقى العيب الفظيع اللى مجننكم

طيب يلا لو سابوا لكم الشارع ورونى بقى هتحلوا ازمه المرور فى مصر ازاى ان شاء الله ورونا حوادث الميكروباصات اللى كل يوم هل سببها ستات برضوا
ولا همجيه سواقين النقل برضوا سببها ستات
ولا بلطجيه بتوع التوكتوك برضوا وراها سواقه ستات
يعنى سبتوا سبب الكوارث كلها والسواقين اللى مغلبين الكل فى الشارع ومسكتوا فى سواقه الستات والبنات ...

وبعدين يعنى الكل فرحان بسواقه البلطجه اللى يعرفها الشباب والاغلبيه الان تحت مسمى غرز

ده شى اسمه استهتار باروح البشر واهمال وعدم مسئوليه من الشباب

وبالنسبه للى بيعدوا الشارع ده سلوك عام يا سيدى الفاضل

البروووووووووود المتناهى فى الجميع ويا سخافتهم بئه

لما تلاقى شحط بيعدى قدامك بكل برود وكانك واجب عليك تنزل تشيله تركنه جمب الحيط الاول عشان تمشى بعربيتك وخصوصا لو الشخص الظريف ده شاف اللى سايقه العربيه بنت ينزل عليه عته منغولى ويستعرض جمال خطوته قدام العربيه

وبرضوا فيه بنات بتعمل كده يعنى المجتمع كله دى لا مبالاءه وحاله عامه من الجميع محدش يقولى بنات وستات

وطبعا ناهيك عن موضوع الغرز ده حركه مستفزه لابعد الحدود ده اسفه على الكلمه اسلوب همجى فى القياده

وصاحب الموضوع مضايق وزعلان عشان مش بيعرف يعمل غرز من البنات فعلا مششكله عويصه
اتمنى محدش يزعل من كلامى
وليس دفاعا عن سواقه الستات انا نفسى مش بحب امشى وراء واحده ست

+10000000000000000000000

مية مية عليكي يا دودو

[bee]

للأسف الموضوع هيتحول لهجوم من الجنسين على بعض

مع العلم بان الراجل زي ما بوسي فاضل ذكرت أعصابه قوية والست أو البنت يعني ربنا خلقها مرهفة الاحساس ودي طبيعتها ..
ويمكن ده الي بيخلي الراجل متفوق عن الستات في القيادة
بس انا عايز الكل يبص للموضوع من وجهة نظر تانيه خالص يعني لف وارجع تاني وتعالى معايا كده وبص على كلامي ده ونرد على شوية أسئلة :

أسئلة للرجال :
*فاكر أول ما اتعلمت سواقة وكنت خايف تجري وتمشي بسرعه وبعدين ربنا وفقك وجبت تالت ؟؟؟؟

.. وعلى فكره انا واحد من الناس دي .. المغزى ان الكل اول ما بيتعلم بيكون خايف وقلقان لايغلط غلط فظيع .. وطبيعي قلق المرة أكتر من الرجل .. ودي مشكلة في حد ذاتها ..

** محصلكش مرة وعربيتك فيها عطل ومش بتسحب وانت ماشي وكل العربيات الي وراك بتزمر لك وانت مخنوق عشان مش فاهمين ده ؟؟؟

(وجهة نظر مش اكتر)
مع العلم اني لما بلاقي واحده سايقه لو حتى على 10 كم / ساعه وماسكه اليمين هي حرة .. بس طبعااااااا بتخنق من الي ماسك شمال وماشي بطئئئئئ بصرف النظر عن جنسه ..

الخلاصة عاملوا الناس كما تحبوا ان تعاملوا والموضوع هيبقى بسيط
يعني نحاول نتأقلم والموضوع موضوع وقت والستات فيه منهم بيسوقوا كويس جداااا
وفي النهاية (أنا رأيي) ان الست تسوق عند الضرورة فقططططططططط ..


أسئلة للبنات :

*ليه لما حد بيحترم انك لسه بتتعلمي او ماشية على مهلك ويبصلك ويبتسم .. يطلع بيعاكس وينال من الكلام المعسول جانب ؟؟؟

** ليه بتكوني ماشية بطئ وماسكه شمال ؟؟
*** ليه تعرضي نفسك لكلام بايخ وغرز من الي بتكرهيها وشباب رخم من غير ضرورة؟؟ (انا بتكلم عن الي عايزه عربية وبس يعني ليها اخ او اب او اي وسيلة تقضي ليها المشاوير بتاعتها) لكن غير كده طبعااا ليها عذرها

اعذروني ع الاطالة
تحياتي للجميع

[Amrrr]

قلنا يا جماعة الطرق عندنا غير عند الناس المحترمة ، يبقى مش هينفع كل شوية نقارن نفسنا ونقارن سواقتنا بسواقة الناس المحترمة
ومعلشي بقى هو السواقة كلها بقت تخنق ورجالة على ستات وكل الاصناف التانية اللي قالت عليهم birdy والشارع كله بقى هرجلة
وفي نقطة مع احترامي للكل : هو اللي عايز يمشي على اربعين براحتة بس مش لازم يمسك الشمال ويقفش فيه كأنه بتاعة لوحدة ومحدش من حقة يمشي فيه!! وصادف انه - أو انها - هدت سرعتها وهتمشي بالراحة بعد مثلا مالعربية جريت بيها شوية وهي على الشمال وجه حد بيقلب نور مانبصلوش في المراية ونشوحله ومنوسعشي وكمان ساعات اشارة شمال من غير مايكون في ملف قريب !!طب ليه ماتديش اشارة يمين عشان يعرف انك هتوسعله ولما الطريق يسمح توسعله!!!
عن نفسي اكيد زي اي حد بحب السواقة الهادية الغير مثيرة للأعصاب ومتكونشي متوترة ولما بانزل اتمشى او اروح مشوار مش مستعجل باراعي اني امشي عاليمين لأني ماشي بالراحة او في الحارة اللي في النص اغلب الوقت وطالما ماشي بالراحة وعاليمين محدش ييجي يقلب واللي يقلب في الحالة دي مبعبروش وبلاقي الناس جاية من اليمين والشمال وكل الاتجاهات والفراغات الموجودة حواليا ومش بهتم انا كدة كدة ماشي بالراحة والغرز مش هتضايقك طالما ماشي تاتا تاتا
وبرضة زي كل الناس كتير بانزل متأخر ومستعجل على الشغل بآخد الشمال عشان أجري ألاقي الناس ماسكة شكمال وماشية بالراحة واتعودت اني مقلبشي لحد النور عشان بينفسن وميرضاش يوسع لأني مش أهم منه وهو مش نازل يتمشى زي مالناس قالت والحل بيكون غرز طبعا من غير تقليب نور ولا اشارات - مع مراعاة عدم الغشامة على الناس بكل معاني الغشامة - يعني لو حسيت ان العربية اللي هكسر عليها لازم ييجي معايا يمين او يفرمل او حتى يقلل سرعته بهدي ومش باخد الغرزو وبرضو مش هقلب النور عشان محدش بيوسع
الغرزة غلط يا جماعة بس هي رد فعل على اللي ماشي في الشمال بالراحة (غلط برضة حتى لو كان المبرر الحذر والاحتياط ومبتدئ سواقة او اي مبرر تاني ) باختصار مش عايز حد ياخد منك غرزة ماتمشيش بالراحة على الشمال


ولو على طريق سريع زي الصحراوي مثلا وماشي على مية وجه ظريف يقلب النور عشان هو ماشي فوق المية مش هوسعله وعشان الموقف دا حتى لو ماشي على مية مش بيبقى على الشمال لأ بيكون تاني حارة حتى عشان تبقى كاشف لو واحد الشيطان وسوسله يعدي على غفلة او نقل بيتسحب من وسط الزرع والمقالب دي بقى وعموماً مش بوسع لحد الا اذا ماشي بالراحة على الشمال وبيبقى مع احترامي الشديد للي عايز يعدي دا وبعديه

آخر حاجة معلشي معظم الستات سواقتها بتكون مش أد كدة عشان الجرأة والقلب الجامد والحاجات اللي خلت الست ست والراجل راجل هي كدة كدة مخلوق رقيق وضعيف مش بتاعة مشاكسة وتهور وفي ناس هنا قالت الكلام دا برضة مش رأيي لوحدي

وأخيراً الموضوع مالوش حل ومش هنعرف نغلط مين ومين هيطلع الصح لأن مفيش اي تطبيق لاي قواعد ولا نظام ولا اي حاجة زي ماناس قالت انا ماشي بالراحة وييجي واحد فاكر نفسه اهم لأ هو كل واحد عندة مبرر لجري ان كان مستعجل ولا معاة واحد تعبان
نزلت اودي والدي للمستشفى قي أواخر رمضان كدة وكان عندة ازمة ولازم اوصل المستشفى بسرررررررعة
طب العربيات كلها حواليا اكيد محدش عارف ايه اللي جوة العربية وطبعا اقلب مهما اقلب محدش بيوسع اضطريت آخد غرز هعمل ايه ؟

الشيستم واقععععععع

[sab3aawy]

لى تعليق على موضوع الغرز

زمان السواق-اللى ادانى حصتين سواقة لا غير قبل ما اخويا يطفشه علشان معرفش اسوق وآخد منه العربية-قال لى جملة لخص لى فيها فن السواق كله، قال لى فيه ناس تفتكر انها حريفة سواقة لما تفضل تاخد فى غرز ضيقة وتقرف الناس كلها والناس كلها تشتمه وهو كدة يحس انه بطل الأبطال، الحرفنة فى السواقة انك تعمل اللى تعمله من غير ما تخلى حد يخرج من حارته او يحط رجله على الفرامل علشان خاطر سيادتك بتاخد الغرزة، دى الحرفنة وما عداها يبقى غشومية