يا جماعه الستات والبنات مشكلة السواقه

[دموع الثلج]

***********

********************************
انك دخلت الموضوع فقط عشان تعلق على دموع الثلج وليس على موضوع النقاش

وعموما ردى على كلامك هيكون للاداره

اللى بدورها الرقابى طبعا اعطت فرصه جيده لكل شخص يتخيل الكلمات المحذوفه على انها كلمات سب وغيره

ياريت الاداره ترجع الكلام اللى اتحذف خصوصا انه مفيهوش لا شخصنه ولا خطاء فى اى حد

ولو حضرراتكم شايفين انى متحيزه للبنات
ده شى طبيعى هو المفروض انى اتحيز للشباب عشان ميكونش الموضوع فيه شخصنه ؟؟؟؟؟؟؟؟؟

ارجو الرد

رد الادارة: الكلام المحذوف فى المشاركة الاولى والذى تطالبين باعادته كان يحمل هجوم شخصى على عضوين من اعضاء المنتدى معرفين بالاسم فى مشاركتك ويحوى تقليلا من قدرهما،قاما بمناقشة فكرة فقمت انت بالهجوم عليهما بشكل شخصى فيما يخرج عن اطار مناقشة الفكرة الى اطار التقليل من شأن اشخاص مخالفين لك فى الرأى، وهو ما يدخل تحت باب الشخصنة، وبالتالى لا يوجد اى مجال لاعادته،من حقك التحيز لبنات جنسك ،لكن طبقا لقوانين المنتدى لا يعطيك حقك فى التحيز حقا آخر فى تجاوز مناقشة الفكرة الى التقليل من شأن اشخاص بعينهم ،كما ان دور الادارة هو حفظ النظام وتطبيق قواعد وقوانين المنتدى وليس دور رقابى كما تفضلت بوصفه
وتكرر الادارة لفت نظرك الى تكرارك للشخصنة فى هذة المشاركة،

[Ahmed_Elkhateb]

يا دموع الثلج اهدى شويا انا مش عارف انتى واخده الموضوع قفش كده ليييييييه حقك عليا انا اللى غلطاااااان انا اسف يا ستى

[دموع الثلج]

يا دموع الثلج اهدى شويا انا مش عارف انتى واخده الموضوع قفش كده ليييييييه حقك عليا انا اللى غلطاااااان انا اسف يا ستى

انا مش واخده الموضوع قفش ولا حاجه وقبل اى شى انا تاسفت لك بدون خطاء
واعتذرت لو كان كلامى ضايقك وقلت انى مش هدخل اشارك فى الموضوع تانى
تقدر ترجع للمشاركه رقم 55


يبقى ملهوش داعى الكلام اللى حصل بعد كده ارجع الاقى كلام مستفز وغير محترم ليه ........................

[Karim_Mohy]

ya dmo3 el talg w ya zoiros w ya tote ya reet nehda shwaya...kol wahed mayo2sodsh yegrah el tany b haga w ..w toteman e3tazr wenty radety 3alih...5las b2a nehda shwaya w ya reet ya zoirous tehawel trod b tare2a altaf shwaya....w raddy 3la el mawdoo3 en da mawdo3 mafroogh mno we fe setat btsoo2 hlw gda w fee el 3aks tamaman...w yareet tatakablo el rad

[OlaOsman]

انا متابعة الموضوع ده من أول مشاركة فيه و ملتزمة الصمت عشان ما يبقاش تاني موضوع بنفس المحتوى أشارك فيه و يتقفل.. انما شكله كده فعلا هايلقى نفس مصير أخوه اللي اتقفل من كام شهر.. بس المرة دي انا براءة

مش عارفة إذا كان ده ممكن و لا لأ.. انما شايفة ان الإدارة متهيألي ليها دور في إنها تقلل من حجم المواضيع الخلافية جدا زي دي.. خصوصا ان عدد النساء في الموقع في ازدياد.. و كل مرة يتفتح موضوع زي ده لازم يتحول لخناقة.. طبيعي ما دام الموضوع هجومي بالشكل ده على احد طرفي الموقع و طبعا المجتمع.. و برضه كنت هتلاقي نفس الخناقة دي لو كان الموضوع بيهاجم سلبيات فئة معينة أيا كانت.. يعني انا متأكدة ان لو كان سائقي التاكسيات من أعضاء الموقع و اتعمل موضوع عن بلطجة سواقين التاكسي أو طمعهم أو او.. كنا هنلاقي أعضاء الموقع من سواقين التاكسي داخلين منفعلين و بيدافعوا عن نفسهم و بيرفضوا التعميم الجائر و الهجوم بالإسلوب الغير لائق ده.

عندي إقتراح.. ليه مثلا ما تتحذفش المواضيع اللي من النوعية دي أول بأول و السبب هو موضوع مكرر؟ يعني الموضوع ده قتل بحثا (هو الصراحة مش بحثا عشان هو مش مطروح عشان صاحب الموضوع عايز يلاقي حل.. هو قتل خناقا) و يعتبر مستفذ لأي واحدة بتسوق و بتقرا الكلام ده.. فليه يا جماعة نحرق في دم بعض و نعكر جو المنتدى؟ يعني احنا بنحاول نلم الشمل.. مش ناقصين المواضيع اللي زي دي تنغص علينا تجمعنا و تفسد علاقتنا ببعض.

معلش.. رجاء من الإدارة الكريمة محاولة احتواء النوعية دي من المواضيع و لهم جزيل الشكر.

رد الادارة: نوعية هذا الموضوع لا مشكلة منها طالما ظلت محتواه داخل اطار النظام وعدم الخروج عن القواعد ، تتدخل الادارة فقط لحفظ النظام دون ان تمارس دور الرقيب على الأفكار او تقوم بتوجيه الآراء فى اتجاه معين ، اما غلق المواضيع فيتم فى حالة اتساع الخلاف فى الموضوع الى درجة الاشتباك بشكل لا يمكن السيطرة عليه سوى باغلاق الموضوع

[Islam_galal]

المشكلة لن تحل بقفل المواضيع
"ومايلفظ من قول إلا لديه رقيب عتيد"
لازم كل واحد يكون رقيب علي نفسه
سياسة غلق المواضيع مسكن و ليس علاج
سبب المشكلة الأساسي افتقارنا لثقافة الإختلاف
كيف نختلف دون أن نخسر بعض
"تبسمك في وجه أخيك صدقة" و التبسم في المنتدي ممكن بكلمة أو برمز
أكرر غلق المواضيه أداه سلبيه و هروب من المشكلة

[haneena]

عايزني اكلمك بصراحة ؟

انا رأيي إن اللي بياخد غرز هو سبب كل شئ .. سواء في السريع أو البطئ ... لأنه بيبقي متخيل إنه لما يعدي الطريق هيمشي لأنه ساب مكان .. إنما اما تقعد ترعش و الناس توسعلك و إنت و غيرك بتاخدوا غرز النتيجة إيه ؟ الناس رايحة من الشمال لليمين و من اليمين للشمال بيوسعوا و بيغرزوا و بيخبطوا في بعض و الملتزم قاعد مبحلق في المرايتين و طبيعي سرعته تقل من اللي بياخد غرز قدامك و اللي بيكسر عليك من الشمال و اليمين .. فا أقل شئ يتعمل إنك تتخنق و متوسعش لحد :) انا شخصياَ بعمل كدة و اما حد بيصر ياخد الغرزة برخم أكتر و يقفلها أكتر لأن أكيد من حقي أمشي في خط مستقيم من غير ما حد شايف نفسه أهم مني فا عايز ياخد حقي في الطريق و يكسر عليا أو ياخد من حواليا غرز .. و في النهاية الطريق بيقف بالطريقة دي و كلنا بنقف .. و بصراحة انا اما بمشي ورا بنت سواقتها علي قدها بمشي وراها بطئ لحد ما الطريق يفتح و خلاص .. سواقتها علي قدها مش مشكلة كلنا كنا بنسوق علي قدنا (مع إن هي ممكن تكون بتعمل الصح) .. إنما لو حد جه و بالرعاش في عيني و هيجبلي إنفصال في الشبكية و و كلاكسات و لازق فيا عايزني أوسعله و خلاص علي أساس إن هو وراه حاجات مهمة و انا نازل أتمشي عشان بحب الزحمة .. بصراحة أكيد مش هوسعله .. الطريق زحمة علينا كلنا .. ليه متخيل إن البنت دي حابة الزحمة وعاجباها أزي عايزة تقف شوية مثلا فا ماشية بالراحة و بتقفل عليك الطريق !؟ ليه الناس في الزحمة بتتخيل إن هي الوحيدة اللي مستعجلة و الباقيين "كيفهم" العطلة؟! يبقي الأحسن نسوق كلنا في خط مستقيم عشان نوصل من غير خساير في العربيات و في الأعصاب أهم شئ .

الغرز و التنقل بين الحارات بكثرة علي طريق سريع أو بطئ هي سبب كل المصائب .. و لو الكلام ده كان في بلد تانية من اللي فيها مرور بجد كانت البنت هتعدي و إنت هتاخد مخالفة :)

كلامك تماااااااااااااااااااااااااااااااام والله
وانا فعلا كمان باتعمد انى اقفل الطريق على اللى عايز يعدى بالعافية
بس انا شايفة ان الاستاذ اللى طرح الموضوع ماطرحوش بشكل صحيح لان فعلا سواقة كتير من الستات والبنات بتبقى مزعجة جدا وده مش عشان الغرز والكلام ده لا عشان الوقوف المفاجئ الغير مبرر لان بصراحة ده بيعمل مشاكل كمان يعنى انا كتير الاقى واحدة قدامى جابت فرامل على الاخر بدون داعى لان لسه قدامها مسافة تكفى عربيتين وبالتالى بتقف فجأة وده بيعمل مشاكل وانا عن نفسى لما الاقى اللى قدامى ست باطلع منها على قد مااقدر ومش بامشى وراها
وكمان فيه ستات بيمشوا براحة جدا وتلاقيهم حاضنين الدريكسيون زى مايكونوا خايفيين عليه ليجرى واللى يغيظ انهم ماشيين شمال وده غلط المفروض لو عايزة تمشى على مهلك يبقى تاخدى يمينك وده الصح

[R A N A]

كلامك تماااااااااااااااااااااااااااااااام والله
وانا فعلا كمان باتعمد انى اقفل الطريق على اللى عايز يعدى بالعافية
بس انا شايفة ان الاستاذ اللى طرح الموضوع ماطرحوش بشكل صحيح لان فعلا سواقة كتير من الستات والبنات بتبقى مزعجة جدا وده مش عشان الغرز والكلام ده لا عشان الوقوف المفاجئ الغير مبرر لان بصراحة ده بيعمل مشاكل كمان يعنى انا كتير الاقى واحدة قدامى جابت فرامل على الاخر بدون داعى لان لسه قدامها مسافة تكفى عربيتين وبالتالى بتقف فجأة وده بيعمل مشاكل وانا عن نفسى لما الاقى اللى قدامى ست باطلع منها على قد مااقدر ومش بامشى وراها
وكمان فيه ستات بيمشوا براحة جدا وتلاقيهم حاضنين الدريكسيون زى مايكونوا خايفيين عليه ليجرى واللى يغيظ انهم ماشيين شمال وده غلط المفروض لو عايزة تمشى على مهلك يبقى تاخدى يمينك وده الصح

طب بالمناسبة بقي انا هاحكيلك على موقف حصل معايا امبارح واشوف رأيكوا إيه.
وانا راجعة من شغلي وماشية في صلاح سالم العربية وانا ماشية العربية الدنيا اتزحمت كلنا وقفنا وبعدين الطريق فتح وانا عربيتي وقفت مني
كل اللي شايف الموقف من ورا هايحكي الموقف كالتالي :

بنت سايقة عربيتها في صلاح سالم وطبعا بما ان البنات كلها مبتعرفش تسوق الهانم وقفت في نص الشارع بدون اي مبرر مع ان الطريق قدامها فتح وفضي وهي واقفة بمنتهي البرود وكله طبعا هايسب ويلعن في سواقة البنات (او الحريم في مقولة اخري)

لكن الموقف داخل العربية كان مختلف اللي حصل اني لما الدنيا وقفت رجعت الفتيس على وضع المور وبعدين الدنيا اتحركت جيت اجيب الأول العربية مبتتحركش يخرب بيتك عربية اتحركي الشارع مشي ودي ابدا راسها والف جزمة ماتتحرك وكمان فصلت حسيت ان الغيار بييجي غلط يعني صوت البنزين بيعلي والعربية واقفة في مكانها والفتيس بينط تاني على المور أو ييجي على التالت احيانا والعربية بتفصل المهم شغلت الإنتظار وقعدت احاول اتعامل فيها مرة الغيار ييجي صح والعربية تتحرك ومرة تانية يرد تاني والعربية تقف (طبعا منظر زبالة ومبقتش عارفة اعمل ايه ) لا والأدهى من كده انها عملتها وانا طالعة الكوبري كمان عشان الأية تكمل وطبعا كل الناس اللي في الشارع مش هاتبقي فاهمة ده بيحصل ليه ولا هاتحاول تفكرله في مبررات اساساً غير السواقة السيئة للبنات
انا حاولت بقصاري جهدي وقعدت اقول شوية أذكار وادعي ربنا انها متقفش على الكوبري واني امشي العربية على اي غيار وخلاص لمجرد اني اقدر انزل من الكوبري وبعدين اتصرف والحمد لله ربنا استجاب و قدرت انزل من على الكوبري على انهي غيار مش عارفة بس نزلت ومسكت يمين المهم ركنت على اليمين بالعافية وقلت اشوف هاتصرف ازاي وقفت شوية احاول اعمل اي حاجة فطفيتها وقعدت احاول اشوف الغيارات وبعدين شغلتها تاني وقلت هادخل البنزينة بتاعة موبيل يمكن الاقي حد يساعدني وفعلا دخلت وعامل البنزينة ندهلي واحد نزل تحت العربية واكتشف ان مسمار معلقة الفتيس فك شوية (انا كنت لسة مغيرة شداد الفتيس ومركباه من يومين بس واضح إن الميكانيكي مأرطش عليه كويس ففك وعشان كده كان في بوش في الغيارات وربطهولي واتزبطت ومشيت والحمد لله الموضوع عدى على خير وكملت طريقي بسلام.

عارفين اكتر حاجة كانت منكدة عليا عيشتي اثناء الموقف ده ايه :
احساسي بالناس اللي حواليا اللي زمناهم مخنوقين مني وفاكرين اني بوقف العربية بمزاجي واني مش راضية اتحرك برود وتناحة مني او عشان مبعرفش اسوق زي ماكل البنات مبتعرفش تسوق من وجهة نظرهم وقعدت احاول امشي العربية بس عشان اوسع الطريق لغيري مش اكتر.

يعني ياجماعة ياريت نعذر بعضينا شوية وبلاش نحكم على الناس بالظاهر ممكن يكون اللي بيقف فجأة ده حصله حاجة في عربيته او اللي قدامه وقف فجأة أو في حد بيعدي قدامه وبيفاديه او حصله مشكلة في طريقة سواقته معطلاه او لسة بيتعلم وغصب عنه الطريق حدفه شمال (وكان هو عايز يمسك يمين) ممسكش شمال بمزاجه يعني وغصب عنه وقف او بطئ سرعته هو عنده مبرر لكن اللي حواليه مش فاهمين مبرراته دي واظن كلنا معرضين لده سواء ستات او رجالة مبتدئين سواقة أو متمرسين يعني.

"التمس لأخيك سبعين عذرا"

معلش انا طولت عليكوا بس ياريت نصبر على بعض شوية وعلى اللي بيتعلم السواقة برده ونفتكر كلنا كان حالنا ايه واحنا بنتعلم السواقة وكام مرة العربية فصلت مننا وقد ايه كنا مضايقين ومخنوقين من الناس اللي حوالينا اللي مش صابرين علينا لحد مالعربية تدور ولحد مانتعلم ونسوق كويس زيهم

ومحدش يقولي اللي عايز يتعلم السواقة يتعلم في حتة فاضية كلنا سوقنا في حتت فاضية في البداية بس عشان نعرف نحرك العربية من مكانها ازاي ونجيب سرعات ازاي لكن السواقة في الزحمة ضرورية عشان ده حال كل شوارع المحروسة واللي ميسوقش في الزحمة كام مرة وهو بيتعلم عمره ماهيعرف يسوق في مصر لو اخد 300 حصة سواقة في اماكن فاضية ولا إيه؟؟؟؟؟؟؟؟؟ :) :Angel_anim:

[Ahmed_Elkhateb]

هههههههههههههههههههه هيا ال128 دياما فضحنا كده فى كل حته هههههههههه
على فكرة الموقف ده حصل على الأتوستراد مع بنت بردو وانا بشهمتى ركنت ووقفت بقلها فى حاجه قلتلى العربيه مش عاوزة تدور فتحت الكبوت وقفلتو تانى قاعد ادور المهم كان فى كام واحد مشيين زقو العربيه وانا رميت ودارت زى الفل بس سعتها اديا ادبهدلت فا فعلا الواحد لازم يعذر التانى وعلى فكرة مش علشان هيا بنت انا وقفتلها بردو مرة راجل كبير قاعد يشورلى كان معه عيلتو وكان معه بنتو زى القمر بصراحه المهم قالى انا عاوز منك الصليبه بتاعة الكوتش علشان بتعتى باظت قلتلو عنك انت يا حج وغيرتلو الكوتش وظبطهولو ومشى بسلام فى الأخر نسيت الصليبه بتعتى معه ههههههه

[haneena]

طب بالمناسبة بقي انا هاحكيلك على موقف حصل معايا امبارح واشوف رأيكوا إيه.
وانا راجعة من شغلي وماشية في صلاح سالم العربية وانا ماشية العربية الدنيا اتزحمت كلنا وقفنا وبعدين الطريق فتح وانا عربيتي وقفت مني
كل اللي شايف الموقف من ورا هايحكي الموقف كالتالي :

بنت سايقة عربيتها في صلاح سالم وطبعا بما ان البنات كلها مبتعرفش تسوق الهانم وقفت في نص الشارع بدون اي مبرر مع ان الطريق قدامها فتح وفضي وهي واقفة بمنتهي البرود وكله طبعا هايسب ويلعن في سواقة البنات (او الحريم في مقولة اخري)

لكن الموقف داخل العربية كان مختلف اللي حصل اني لما الدنيا وقفت رجعت الفتيس على وضع المور وبعدين الدنيا اتحركت جيت اجيب الأول العربية مبتتحركش يخرب بيتك عربية اتحركي الشارع مشي ودي ابدا راسها والف جزمة ماتتحرك وكمان فصلت حسيت ان الغيار بييجي غلط يعني صوت البنزين بيعلي والعربية واقفة في مكانها والفتيس بينط تاني على المور أو ييجي على التالت احيانا والعربية بتفصل المهم شغلت الإنتظار وقعدت احاول اتعامل فيها مرة الغيار ييجي صح والعربية تتحرك ومرة تانية يرد تاني والعربية تقف (طبعا منظر زبالة ومبقتش عارفة اعمل ايه ) لا والأدهى من كده انها عملتها وانا طالعة الكوبري كمان عشان الأية تكمل وطبعا كل الناس اللي في الشارع مش هاتبقي فاهمة ده بيحصل ليه ولا هاتحاول تفكرله في مبررات اساساً غير السواقة السيئة للبنات
انا حاولت بقصاري جهدي وقعدت اقول شوية أذكار وادعي ربنا انها متقفش على الكوبري واني امشي العربية على اي غيار وخلاص لمجرد اني اقدر انزل من الكوبري وبعدين اتصرف والحمد لله ربنا استجاب و قدرت انزل من على الكوبري على انهي غيار مش عارفة بس نزلت ومسكت يمين المهم ركنت على اليمين بالعافية وقلت اشوف هاتصرف ازاي وقفت شوية احاول اعمل اي حاجة فطفيتها وقعدت احاول اشوف الغيارات وبعدين شغلتها تاني وقلت هادخل البنزينة بتاعة موبيل يمكن الاقي حد يساعدني وفعلا دخلت وعامل البنزينة ندهلي واحد نزل تحت العربية واكتشف ان مسمار معلقة الفتيس فك شوية (انا كنت لسة مغيرة شداد الفتيس ومركباه من يومين بس واضح إن الميكانيكي مأرطش عليه كويس ففك وعشان كده كان في بوش في الغيارات وربطهولي واتزبطت ومشيت والحمد لله الموضوع عدى على خير وكملت طريقي بسلام.

عارفين اكتر حاجة كانت منكدة عليا عيشتي اثناء الموقف ده ايه :
احساسي بالناس اللي حواليا اللي زمناهم مخنوقين مني وفاكرين اني بوقف العربية بمزاجي واني مش راضية اتحرك برود وتناحة مني او عشان مبعرفش اسوق زي ماكل البنات مبتعرفش تسوق من وجهة نظرهم وقعدت احاول امشي العربية بس عشان اوسع الطريق لغيري مش اكتر.

يعني ياجماعة ياريت نعذر بعضينا شوية وبلاش نحكم على الناس بالظاهر ممكن يكون اللي بيقف فجأة ده حصله حاجة في عربيته او اللي قدامه وقف فجأة أو في حد بيعدي قدامه وبيفاديه او حصله مشكلة في طريقة سواقته معطلاه او لسة بيتعلم وغصب عنه الطريق حدفه شمال (وكان هو عايز يمسك يمين) ممسكش شمال بمزاجه يعني وغصب عنه وقف او بطئ سرعته هو عنده مبرر لكن اللي حواليه مش فاهمين مبرراته دي واظن كلنا معرضين لده سواء ستات او رجالة مبتدئين سواقة أو متمرسين يعني.

"التمس لأخيك سبعين عذرا"

معلش انا طولت عليكوا بس ياريت نصبر على بعض شوية وعلى اللي بيتعلم السواقة برده ونفتكر كلنا كان حالنا ايه واحنا بنتعلم السواقة وكام مرة العربية فصلت مننا وقد ايه كنا مضايقين ومخنوقين من الناس اللي حوالينا اللي مش صابرين علينا لحد مالعربية تدور ولحد مانتعلم ونسوق كويس زيهم

ومحدش يقولي اللي عايز يتعلم السواقة يتعلم في حتة فاضية كلنا سوقنا في حتت فاضية في البداية بس عشان نعرف نحرك العربية من مكانها ازاي ونجيب سرعات ازاي لكن السواقة في الزحمة ضرورية عشان ده حال كل شوارع المحروسة واللي ميسوقش في الزحمة كام مرة وهو بيتعلم عمره ماهيعرف يسوق في مصر لو اخد 300 حصة سواقة في اماكن فاضية ولا إيه؟؟؟؟؟؟؟؟؟ :) :Angel_anim:

انا معاكى طبعا فى كلامك لكن لو ركزتى فى كلامى شوية هتلاقى انى ماجبتش سيرة اللى بيقف فجأة ويفضل واقف ده بيبان على طول ان العربية فيها مشكلة وبالعكس انا بتعاطف مع اللى عربيتهم بتعطل فى وسط الطريق وخصوصا لما تكون بنت او ست لانه بيبقى موقف بايخ جدا
لكن انا باتكلم عن اللى بتفرمل بدون بداعى والمسافة مازالت بعيدة وبتقف وترجع تتحرك تانى واظن اى حد يقدر يفرق بسهولة ان دى بتفرمل بشكل خاطئ او عندها مشكلة فى العربية خصوصا انى بلاقيهم كمان راكبين عربيات حديثة
واللى فى البداية ومش قادر يجارى سرعة الطريق سواء كان مبتدئى او خايف يبقى ياخد اليمين مش مفروض يمشى شمال ويعطل الدنيا ويقول اصل انا جديد ولا لسه باتعلم كل حاجة وليها اصول ولا ايه؟؟؟؟؟؟؟؟؟

[R A N A]

هههههههههههههههههههه هيا ال128 دياما فضحنا كده فى كل حته هههههههههه
على فكرة الموقف ده حصل على الأتوستراد مع بنت بردو وانا بشهمتى ركنت ووقفت بقلها فى حاجه قلتلى العربيه مش عاوزة تدور فتحت الكبوت وقفلتو تانى قاعد ادور المهم كان فى كام واحد مشيين زقو العربيه وانا رميت ودارت زى الفل بس سعتها اديا ادبهدلت فا فعلا الواحد لازم يعذر التانى وعلى فكرة مش علشان هيا بنت انا وقفتلها بردو مرة راجل كبير قاعد يشورلى كان معه عيلتو وكان معه بنتو زى القمر بصراحه المهم قالى انا عاوز منك الصليبه بتاعة الكوتش علشان بتعتى باظت قلتلو عنك انت يا حج وغيرتلو الكوتش وظبطهولو ومشى بسلام فى الأخر نسيت الصليبه بتعتى معه ههههههه

بص هي العربية كويسة والحمد لله حالتها نضيفة بس ليها دقات نقص احيانا بتحصل في اوقات مالهاش لازمة الصراحة .

بس يالا هانعمل ايه بقي ربنا يكرمنا بالزيرو ان شاء الله قريب
بس انا بحييك على شهامتك انك وقفت وساعدت البنت دي (وايه المشكلة يعني حتى لو كنت وقفتلها بس عشان هيا بنت) لان البنات مالهمش في صيانة العربيات اساسا واخرنا نقعد نعيط جنبها لحد ماربنا يبعتلنا حد ينقذنا.
اهم حاجة انك كنت مركز على البنت اللي زي القمر بنت الراجل
اوعي تزعل انا بهزر والله وعارفة ان قصدك خير وانك تساعد الناس بغض النظر عن كونهم بنات او رجالة.

[sab3aawy]

وقلت هادخل البنزينة بتاعة موبيل يمكن الاقي حد يساعدني وفعلا دخلت وعامل البنزينة ندهلي واحد نزل تحت العربية واكتشف ان مسمار معلقة الفتيس فك شوية (انا كنت لسة مغيرة شداد الفتيس ومركباه من يومين بس واضح إن الميكانيكي مأرطش عليه كويس ففك وعشان كده كان في بوش في الغيارات وربطهولي واتزبطت ومشيت والحمد لله الموضوع عدى على خير وكملت طريقي بسلام.

يادى النيلة على الفتيس اللى فاضحنا فى كل حتة ده، وربنا انا زهقتلك منه سلف

متزعليش ده مجرد هزار ، بس انا ليا تعليق تانى على المشكلة، انا احيانا كتير جدا بشوف عربية سايقاها واحدة والعربية عطلت، ونتيجة لتجارب سابقه كتير جدا بخاف اتدخل لحسن يصيبنى ما لا تحمد عقباه لأن اكتر من مرة احاول اتطوع لمساعدة حد والاقى نفسى تحولت بقدرة قادر الى "واد رزل بيعاكس" وانا اصلا مش بمشى جنب الحيطة لكن جواها ، فبشترى كرامتى من المهانة ومبحاولش اساعد غير راجل كبير او ست كبيرة ويكون لوحده او لو حد اعرفه

وده رابط لقصة انا كنت حكيتها عن امثلة للغباء من النوع ده

http://nilemotors.net/Nile/showthread.php?t=21395

[R A N A]

انا معاكى طبعا فى كلامك لكن لو ركزتى فى كلامى شوية هتلاقى انى ماجبتش سيرة اللى بيقف فجأة ويفضل واقف ده بيبان على طول ان العربية فيها مشكلة وبالعكس انا بتعاطف مع اللى عربيتهم بتعطل فى وسط الطريق وخصوصا لما تكون بنت او ست لانه بيبقى موقف بايخ جدا
لكن انا باتكلم عن اللى بتفرمل بدون بداعى والمسافة مازالت بعيدة وبتقف وترجع تتحرك تانى واظن اى حد يقدر يفرق بسهولة ان دى بتفرمل بشكل خاطئ او عندها مشكلة فى العربية خصوصا انى بلاقيهم كمان راكبين عربيات حديثة
واللى فى البداية ومش قادر يجارى سرعة الطريق سواء كان مبتدئى او خايف يبقى ياخد اليمين مش مفروض يمشى شمال ويعطل الدنيا ويقول اصل انا جديد ولا لسه باتعلم كل حاجة وليها اصول ولا ايه؟؟؟؟؟؟؟؟؟

طب برده هاحيكلك على تجربتي في اول يوم سواقة لوحدي بالعربية بعد ماتعملت في مركز تعليم قيادة سيارات وكمان خليت اخوات صاحبتي يعلموني علي عربيتي عشان احاول اتمكن اكتر من السواقة.
في اليوم ده قررت الف شوية لوحدي في مكان فاضي وسوقت كويس والحمد لله بس كنت بخاف ازود سرعتي بصراحة المهم قلت اجرب اروح بيها عند مقر شغلي وهو في مصر الجديدة .
الطريق من عندي لمصر الجديدة حوالي 10 أو 12 كيلو بس مع الأسف الطريق معظمه زحمة بالذات باليل (ودي معلومة مكنتش اعرفها كويس بس عرفتها في اليوم ده)
عملت بنصايح الناس ومسكت يمين طول الطريق كل مامشي خطوة الاقي ميكروباص نط قدامي ينزل زباين اقف استناه لحد مايمشي (طبعا لاني كنت بخاف اطلع من الناس اللي وقفت قدامي خصوصا ان الشارع حارتين فقط) المهم فضلت طول الطريق على الحال ده وبقيت ماشية بسرعة السلحفاة (مش بمزاجي ده من الزحمة ووقوف الميكروباصات والأتوبيسات على اليمين) واخرة المتمة كمان الاقي الميكروباص وقف ومش راضي يتحكر استنيت قلت يمكن هايتحرك دلوقتي لاقيت الناس بتقولي لا ده مش هايتحرك دول بيقفوا يحملوا هنا (مع العلم ان المكان مش مبين انه موقف خالص لإنه فعلا لايصلح انه يكون موقف ميكروباصات) وطبعا لكي ان تتخيلي واحدة مبتدئة سواقة بتحاول تطلع من ميكروباص في شارع زحمة يدوب حارتين بس طلعت وكملت طريق بس اليوم ده انا مش قادرة انساه واخدت الطريق في حوالي اكتر من ساعتين او 3 ساعات كمان وكل ده ماسكة يمين عشان معطلش حد.
وطبعا مفكرتش ارجع بالعربية تاني لحد البيت وقلت هاسيبها هنا واركنها عند الشغل عشان كنت تعبت من السواقة في اليوم ده وبذلت مجهود مضني وروحت يومها مواصلات .

وقلت اركنها عند الشغل عشان كل يوم اتمشي بيها شوية لحد ماتمكن من السواقة وابقي اروح شغلي واجي بيها بعد كده وفعلا فضلت راكناها اكتر من اسبوعين واروح مواصلات من خوفي من الناس اللي سايقة حواليا عشان محدش هايصبر على حد بيتعلم خصوصا لو كانت بننننننننننننننننننت
(مع العلم اني كنت بعرف اسوق بس كنت علي قدي في السواقة يعني لسة مش متمكنة بقي ولا بجري ولا بغرز ولا بطلع من حد ولا الكلام ده).

بس الحمد لله الدنيا اتزبطت وجرأت نفسي وجمدت قلبي وسوقت وعرفت الشارع ماشي ازاي بعد كده وايه هيا القواعد المرورية اللي ماشية في البلد وطبعا هي عكس كل اللي اتعلمناه خالص

بس بحاول برده التزم ومضايقش حد بسواقتي.
ولما باجي اركن لازم اتأكد اني مش معطلة حد لاورايا ولا قدامي واسيبه هو يعدي الأول وبعدين اركن انا براحتي بقي

[AHMEDCAR]

يادى النيلة على الفتيس اللى فاضحنا فى كل حتة ده، وربنا انا زهقتلك منه سلف

متزعليش ده مجرد هزار ، بس انا ليا تعليق تانى على المشكلة، انا احيانا كتير جدا بشوف عربية سايقاها واحدة والعربية عطلت، ونتيجة لتجارب سابقه كتير جدا بخاف اتدخل لحسن يصيبنى ما لا تحمد عقباه لأن اكتر من مرة احاول اتطوع لمساعدة حد والاقى نفسى تحولت بقدرة قادر الى "واد رزل بيعاكس" وانا اصلا مش بمشى جنب الحيطة لكن جواها ، فبشترى كرامتى من المهانة ومبحاولش اساعد غير راجل كبير او ست كبيرة ويكون لوحده او لو حد اعرفه

وده رابط لقصة انا كنت حكيتها عن امثلة للغباء من النوع ده
http://nilemotors.net/Nile/showthread.php?t=21395

والله صلت معايا كتير اقول اساعد اوم الاقى الاستاذه بتبصلى على انى بعاكس و الكلام ده مع ان الواحد نفسه ياخد ثواب

[R A N A]

انا معاكى طبعا فى كلامك لكن لو ركزتى فى كلامى شوية هتلاقى انى ماجبتش سيرة اللى بيقف فجأة ويفضل واقف ده بيبان على طول ان العربية فيها مشكلة وبالعكس انا بتعاطف مع اللى عربيتهم بتعطل فى وسط الطريق وخصوصا لما تكون بنت او ست لانه بيبقى موقف بايخ جدا
لكن انا باتكلم عن اللى بتفرمل بدون بداعى والمسافة مازالت بعيدة وبتقف وترجع تتحرك تانى واظن اى حد يقدر يفرق بسهولة ان دى بتفرمل بشكل خاطئ او عندها مشكلة فى العربية خصوصا انى بلاقيهم كمان راكبين عربيات حديثة
واللى فى البداية ومش قادر يجارى سرعة الطريق سواء كان مبتدئى او خايف يبقى ياخد اليمين مش مفروض يمشى شمال ويعطل الدنيا ويقول اصل انا جديد ولا لسه باتعلم كل حاجة وليها اصول ولا ايه؟؟؟؟؟؟؟؟؟

طب برده هاحيكلك على تجربتي في اول يوم سواقة لوحدي بالعربية بعد ماتعملت في مركز تعليم قيادة سيارات وكمان خليت اخوات صاحبتي يعلموني علي عربيتي عشان احاول اتمكن اكتر من السواقة.
في اليوم ده قررت الف شوية لوحدي في مكان فاضي وسوقت كويس والحمد لله بس كنت بخاف ازود سرعتي بصراحة المهم قلت اجرب اروح بيها عند مقر شغلي وهو في مصر الجديدة .
الطريق من عندي لمصر الجديدة حوالي 10 أو 12 كيلو بس مع الأسف الطريق معظمه زحمة بالذات باليل (ودي معلومة مكنتش اعرفها كويس بس عرفتها في اليوم ده )
عملت بنصايح الناس ومسكت يمين طول الطريق واشغل الإنتظار لما اقف وكله Peace
لكن كل مامشي خطوة الاقي ميكروباص نط قدامي ينزل زباين اقف استناه لحد مايمشي (طبعا لاني كنت بخاف اطلع من الناس اللي وقفت قدامي خصوصا ان الشارع حارتين فقط ) المهم فضلت طول الطريق على الحال ده وبقيت ماشية بسرعة السلحفاة (مش بمزاجي ده من الزحمة ووقوف الميكروباصات والأتوبيسات على اليمين ) واخرة المتمة بقي كمان الاقي الميكروباص وقف ومش راضي يتحرك استنيت قلت يمكن هايتحرك دلوقتي ادي كلكس لاقيت الناس بتقولي لا ده مش هايتحرك دول بيقفوا يحملوا هنا (مع العلم ان المكان مش مبين انه موقف خالص لإنه فعلا لايصلح انه يكون موقف ميكروباصات) وطبعا لكي ان تتخيلي واحدة مبتدئة سواقة بتحاول تطلع من ميكروباص في شارع زحمة يدوب حارتين بس طلعت وكملت طريق بس اليوم ده انا مش قادرة انساه واخدت الطريق في حوالي اكتر من ساعتين او 3 ساعات وزيادة كمان وكل ده ماسكة يمين عشان معطلش حد.
وطبعا مفكرتش ارجع بالعربية تاني لحد البيت وقلت هاسيبها هنا واركنها عند الشغل عشان كنت تعبت من السواقة في اليوم ده وبذلت مجهود مضني وروحت يومها مواصلات .

وقلت اركنها عند الشغل عشان كل يوم اتمشي بيها شوية لحد ماتمكن من السواقة وابقي اروح شغلي واجي بيها بعد كده وفعلا فضلت راكناها اكتر من اسبوعين واروح مواصلات من خوفي من الناس اللي سايقة حواليا عشان محدش هايصبر على حد بيتعلم خصوصا لو كانت بننننننننننننننننننت
(مع العلم اني كنت بعرف اسوق بس كنت علي قدي في السواقة يعني لسة مش متمكنة بقي ولا بجري ولا بغرز ولا بطلع من حد ولا الكلام ده).

بس الحمد لله الدنيا اتزبطت وجرأت نفسي وجمدت قلبي وسوقت وعرفت الشارع ماشي ازاي بعد كده وايه هيا القواعد المرورية اللي ماشية في البلد وطبعا هي عكس كل اللي اتعلمناه خالص

بس بحاول برده التزم ومضايقش حد بسواقتي.

وبمناسبة الركنة بقي اللي الناس اتكلمت عليها في الموضوع هنا أنا لما باجي اركن لازم اتأكد اني مش معطلة حد لاورايا ولا قدامي واسيبه هو يعدي الأول وبعدين اركن انا براحتي بقي ولو منفعش بسيب الركنة خالص واروح اشوف ركنة غيرها حتى لو بعيدة.