يا جماعه الستات والبنات مشكلة السواقه

[dr_abooody]

يا جدعان مصر واخدة المركز الاول على العالم في حوادث الطرق

و اكتر بلد بيحصل فيها وفيات سنويا بسبب الطرق

لو شوفت كل واحد فينا هيلاقية يعرفلة خمس افراد عملوا حوادث و ماتوا على الطرق المصرية العظيمة

كل دة بسبب ان الطرق مش مظبوطة
و ممكن يحصل مشاكل في العربية الاكس بتاع العجل الخلفي يتخلع و حصلت مع واحد bmw موديل حديث و توفى الى رحمة الله

و اخر حاجة العنصر البشري اللي معظم الكوارث بسببة زي الغرز و السرعات العالية اللي بيمشوا عليها

يا جماعة الطرق هنا في مصر مش مستحملة الكلام دة انت طول ما انت ماشي تلاقى العربية تطلع و تنزل و تلاقي الطريق حتة مكسرة فية و مطبات عجيبة

و الغريب تلاقي ناس ماشية على 150 او اكتر و الطريق زحمة و مش معمول صح هندسيا

و ربنا يستر علينا

[ahmedfawzy14]

كنت زيك كده لحد الصيف اللى فات لما شفت بنت فى المعمورة معاها اوبترا
بهدلت كل الشباب اللى شايف نفسه فى السواقة

بس طبعا الغالبية من الجنس الناعم
حدث ولا حرج بقى

[HeMa_LanCeR]

للأسف في مصر لازم غرز
وانا بقولها وبكل ثقه
انا كل يوم بطلع كوبري أكتوبر من شبرا وبنزل مخرج حلوان
وللأسف لو مشيت زي الناس الحلوه الملتزمه اللي ماشيه تقريبا 30كم في الساعه بخلص الكوبري تقريبا في نص ساعه
بالعكس لو اخدت غرز من غير ما ارخم علي حد ابدا بخده بالكتير قوي 5 او 10 دقايق
ده في ناس فعلا تعل
تلاقي واحد ماسك الشمال وماشي 40 وواحد ماشي جنبه وماشي 40 والطريق فاضي
وانت تولع واللي وراك ولما تزمر علشان يوسع يروح باصص في المرايا ومكمل تمشيه
انا بقي في الحاله دي بروح رامي وش العربيه في النص واطلع منهم واللي يحصل يحصل
علشان هما اصلا غلطانين وتلاقيه طالع من الشباك يقولك يعني اطير
هو انت ياتمشي 40 يا ماتمشيش أصلا
بجد بلد بقيت خانقه قوي والناس بقيت بارده جدا ومنتهي قله الزوق والأدب
واللي بيعترض علي الغرزه يبقي معملهاش قبل كده وبيمشي 40 زي بقيت الناس
او بصراحه معندوش قلب
بس بجد انا عمري ما قفلت علي حد علشان اخد غرزه منه ولا رخمت علي حد بسبب غرزه

[ziours]

بصراحة الستات والبنات ملهمش لا في سواقة و لا حتى مش في الشارع بالنسبة للسواقه كلنا عارفين الستات بتسوق ازاي بدليل بص على عربية اي ست تلاقيها مدمرة نيجي بقى للمش في الشارع تحس بقى انه استهبااال وانا اسف اني بقول كده تلاقي الست بتعدي الشارع مش هاين عليها تبص للعربيات جاية منين وحتى لو بصت تعدي في تأني (برووووووووووووود) ادي نوعية الستات والبنات اللي في شوارع المحروسة مع احترامي للجنس اللطيف.

[AboELsoud]

يا جماعه و الله انا احترت في الموضوع ده انا معاكوا ان معظم الستات بتسوق وحش لدرجه اني اعرف واحده معاها لانسر كانت ماشيه على كوبري و جالها موبايل قامت رده عليه و سابت الدركسيون وكانت داخله على لفه لولا ستر ربنا اللي كان قاعد جنبها شد الهاند على اخر لحظه
لكن في نفس الوقت اعرف واحده و الله بتسوق احسن مني مكنتش مصدق فهي الصراحه حاجه غريبه جداا

[Ahmed_Elkhateb]

bos ana m3ak fi setat teshel we ten2et we t3mel kol 7aga

bas fi kela kalila mn el bnat sa2etha gamda

ana fi nas btshed m3ya we lma ygo gnby we yshofo eny bnt bytsedmo

زى ما انتى بتقولى فى بنات وبنات وفعلا البنات اللى بتسوق كويس قليل جد وانا اسف جدا انا معرفش ان المنتدى فيه بنات بصراحه انا قلوت عربيات يبقى كلو شباب اسف جداااااااا

[Ahmed_Elkhateb]

للأسف في مصر لازم غرز
وانا بقولها وبكل ثقه
انا كل يوم بطلع كوبري أكتوبر من شبرا وبنزل مخرج حلوان
وللأسف لو مشيت زي الناس الحلوه الملتزمه اللي ماشيه تقريبا 30كم في الساعه بخلص الكوبري تقريبا في نص ساعه
بالعكس لو اخدت غرز من غير ما ارخم علي حد ابدا بخده بالكتير قوي 5 او 10 دقايق
ده في ناس فعلا تعل
تلاقي واحد ماسك الشمال وماشي 40 وواحد ماشي جنبه وماشي 40 والطريق فاضي
وانت تولع واللي وراك ولما تزمر علشان يوسع يروح باصص في المرايا ومكمل تمشيه
انا بقي في الحاله دي بروح رامي وش العربيه في النص واطلع منهم واللي يحصل يحصل
علشان هما اصلا غلطانين وتلاقيه طالع من الشباك يقولك يعني اطير
هو انت ياتمشي 40 يا ماتمشيش أصلا
بجد بلد بقيت خانقه قوي والناس بقيت بارده جدا ومنتهي قله الزوق والأدب
واللي بيعترض علي الغرزه يبقي معملهاش قبل كده وبيمشي 40 زي بقيت الناس
او بصراحه معندوش قلب
بس بجد انا عمري ما قفلت علي حد علشان اخد غرزه منه ولا رخمت علي حد بسبب غرزه

اخيرا لقيت واحد متفق معايا فى موضوع الغورز والله هو ده الكلام اللى كنت عاوز اقولو وقولهم ان الغورز اللى فى الزحمه بتوفر وقت اد ايييييييييه وشكرا على ردك

[sab3aawy]

/وضوع اتناقش كتير على المنتدى ومش يبنوبنا منه غير زعل اخواتنا الفاضلات على المنتدى

مع ان لسة واحدة النهاردة فاكرة انها علشان راكبه عربية فخمة يبقى المفروض الحكومة تعمل لها طريق لوحدها ومفروض ان امثالى من الرعاع والسوقة يولعوا فى نفسهم بشرط ان رمادهم ميسدش الطريق علشان الهانم تعدى وبوظت لى يومى كله لكن ارجع واقول ان دى امثلة استثنائية وان اخواتنا الفاضلات منهن الكثيرات ممن يجدن القيادة وادابها ومنهم من لا تمتلك مهارات مايكل شوماخر لكنها على الأقل لا تتسبب فى ضرر لمن حولها كما يفعل الكثير من الشباب الأرعن

[muslem]

والله فعلا الستات والبنات كتير منهن القيادة عندهن بطء شديد او تضرب لخمة فتوقف الطريق او الشارع بس ده ميمنعش ان فى منهن فعلا احسن من رجالة كتير فى السواقة و منهن مثلا ام العيال عندى و اللى بلاحظ ان فى رجالة علشان شايفين انها ست بيغلسوا عليها فى الطريقة بس على مين بقي طبعا هى حريفة سواقة فطبعا بيكشوا لما يلاقوها بتعرف تسوق كويس او اللى اللى بقي يعمل خذوهم بالصوت ليغلبوكم يقول هى الستات و الستات كأن مفيش حد بيعرف يسوق غيره لدرجة انى كنت حتخانق معاه بس هى عملت الواجب و برضوة عديت من الطريق اللى كان عايز يقفلوه عليها
اقصد من كلامى ان الرجالة برضوة بتحط دماغها فى ان الستات مش بتعرف تسوق كويس فبيسيوقوا غلط و بطريقة غلط فده يخليهم فى نفس الخانة مع الستات اللى متعرفش تسوق !!
واهم مشكلة انا بشوفها ان الناس كلهاعامة بتمشي بالبطئ فى الحارة السريعة اللى هى شمال و سريع فى الناحية اليمين ناس ماشية بالعكس!!
ولة كمان لو فى شارع عايز تدخله يمين تلاقى العربيات تسارعت لقفله منتظرين الاشارة لما تفتح بقي طيب عديني ياعم لا انا بحب اقفل الطريق على الناس
و للعلم ده حرام اصلا ان الناس لا تعطي الطريق حقه لكن للاسف الناس ولة حاسة بكده
و بخصوص التعدية للعمل التعدية بالنسبة للرجال والنساء واحدة هم الاتنين بيعدوا كانهم ماشين على قشر بيض الا من رحم ربي طبعافى ناس بتعدي على طول علشان تعديك مش تفضل تتنح لك كأنها بتقول مش حعديك

[Ahmed Hamdy]

عايزني اكلمك بصراحة ؟

انا رأيي إن اللي بياخد غرز هو سبب كل شئ .. سواء في السريع أو البطئ ... لأنه بيبقي متخيل إنه لما يعدي الطريق هيمشي لأنه ساب مكان .. إنما اما تقعد ترعش و الناس توسعلك و إنت و غيرك بتاخدوا غرز النتيجة إيه ؟ الناس رايحة من الشمال لليمين و من اليمين للشمال بيوسعوا و بيغرزوا و بيخبطوا في بعض و الملتزم قاعد مبحلق في المرايتين و طبيعي سرعته تقل من اللي بياخد غرز قدامك و اللي بيكسر عليك من الشمال و اليمين .. فا أقل شئ يتعمل إنك تتخنق و متوسعش لحد :) انا شخصياَ بعمل كدة و اما حد بيصر ياخد الغرزة برخم أكتر و يقفلها أكتر لأن أكيد من حقي أمشي في خط مستقيم من غير ما حد شايف نفسه أهم مني فا عايز ياخد حقي في الطريق و يكسر عليا أو ياخد من حواليا غرز .. و في النهاية الطريق بيقف بالطريقة دي و كلنا بنقف .. و بصراحة انا اما بمشي ورا بنت سواقتها علي قدها بمشي وراها بطئ لحد ما الطريق يفتح و خلاص .. سواقتها علي قدها مش مشكلة كلنا كنا بنسوق علي قدنا (مع إن هي ممكن تكون بتعمل الصح) .. إنما لو حد جه و بالرعاش في عيني و هيجبلي إنفصال في الشبكية و و كلاكسات و لازق فيا عايزني أوسعله و خلاص علي أساس إن هو وراه حاجات مهمة و انا نازل أتمشي عشان بحب الزحمة .. بصراحة أكيد مش هوسعله .. الطريق زحمة علينا كلنا .. ليه متخيل إن البنت دي حابة الزحمة وعاجباها أزي عايزة تقف شوية مثلا فا ماشية بالراحة و بتقفل عليك الطريق !؟ ليه الناس في الزحمة بتتخيل إن هي الوحيدة اللي مستعجلة و الباقيين "كيفهم" العطلة؟! يبقي الأحسن نسوق كلنا في خط مستقيم عشان نوصل من غير خساير في العربيات و في الأعصاب أهم شئ .

الغرز و التنقل بين الحارات بكثرة علي طريق سريع أو بطئ هي سبب كل المصائب .. و لو الكلام ده كان في بلد تانية من اللي فيها مرور بجد كانت البنت هتعدي و إنت هتاخد مخالفة :)

مية مية .. هو ده الكلام .. بغض النظر عن موضوع البنات .. بس فعلا أرخم حاجة وأكتر حاجة بتغيظنى اللى ييجى من ورا ويقعد يرعشلى نور ويكلكس .. فاكر إن الطريق فاضى أدامى وانا سايبه يعنى ومليش نفس أعدى زيه .. أو زى ما يكون عايزنى أطير فوق العربية اللى أدامى عشان أعديه .. حاجة بجد تعرق السمكة .. !!!! واللى بيعملى كده برخم عليه ومش بخليه يعدى ..

بجد سلوك السائقين فى مصر غريب عجيب رهيب .. ونادرا لما تلاقى واحد بيسوق بذوق ..

يا جماعة فى أى دولة ربع محترمة عندها شوية قواعد مرور بيكون موضوع التنقل من حارة لحارة ده بحساب وأصول ..

أرجو إن صاحب الموضوع ميزعلش .. بس إنت جيت ع الجرح .. --__--

[Ahmed_Elkhateb]

يا سيدى الفاضل احمد حمدى الطرق بره غير بتعتنا هنا يعنى الطريق مثلا فى السعوديه ولا فى اى دوله يفصل طريقين من بتعنا يعنى تخيل مثلا ان الأستوراد مثلا الطريق اللى رايح والطريق اللى جاى كل طريق واحد وانت ماشى عليه ولا حد هياخد غورز ولا حد هيدايق حد وكلو هيبقى ماشى مرتاح ليه الطريق واسح قدامو يجرى زى ما هو عاوز انت فهمنى وحجات كتير واسباب كتير وبردو ارجع واقول الغورز ليها اوقتها ومهمه بردو

[itsonlyme]

بصراحة الستات والبنات ملهمش لا في سواقة و لا حتى مش في الشارع بالنسبة للسواقه كلنا عارفين الستات بتسوق ازاي بدليل بص على عربية اي ست تلاقيها مدمرة نيجي بقى للمش في الشارع تحس بقى انه استهبااال وانا اسف اني بقول كده تلاقي الست بتعدي الشارع مش هاين عليها تبص للعربيات جاية منين وحتى لو بصت تعدي في تأني (برووووووووووووود) ادي نوعية الستات والبنات اللي في شوارع المحروسة مع احترامي للجنس اللطيف.

أنت كده فتحت موضوع شائك جداً. كتير من الستات وخصوصاً البنات بتعدي الشارع بطريقه مستفزه. تعدي الشارع بالطول مش بالعرض. يعني بدل ما تاخد أقصر مسافه بين الرصرفين, تعدي الشارع بزاويه وبكل بطئ و - آسف على التعبير - دلع وتمختر. أي والله.

[Ahmed_Elkhateb]

ههههههههه والله فعلا انت جبت المفيد بردو ديه من الحجات المستفزة طب انا هحكلكو موقف حصل مرة كنت رايح التوفقيه فا فى ممرات كتير المهم دخلت من شارع لقيت واحده ست بقله ساعه عاوز تركن ماشى وانا واقف بتفرج مواقفها حوالى 10 عربيات علشان مش عارفه تركن كل شويا تطلع وتخش ومش عارف تظبطها خاااالص لحد لما واحد قلها بعد ازنك وركنها من اول مرة والله على طول وخاصة ان اغلبية الستات والبنات ركبو عربيات اليومين دوووووول

[moshax]

اكيد سواقة البنات اوحش من الولاد ..
ولاكن انا شفت بنات بتطلع بالعربيات امريكانى وتاخد غرز بس دى نوادر مش كتير يعنى
واكتر بتضايقنى فيهم وخاصة الستات الكبار انهم بيخلوا الكرسى زى الزاوية القائمة ان لم تكن زاوية حادة

[Bossy_Fadl]

و الله فعلا انا معاكو برغم اني بنت

انا بعرف العربيه اللي سيقاها ست من اخر الشارع:k48:

الستات مشكلتهم بيتخضو و يضربو لخمة في الزحمة و ممكن نتعرفش تتصرف في مواقف كتير

بس ده مش عشان حاجة

ده لان المراة بطبيعتها رقيقه و خوافة الي حد ما وfragile و hysterical

ربنا خلقنا كده و دي حكمته

و اما يبقي ايه الفرق بينا و بين الرجالة

الراجل بيبقي ثابت و متحكم في اعصابه اكتر من الست في السواقة عشان طبيعته و تكوينه كده

بس و الله يا جماعة زي ما حضراتكم قولتو في ستات و بنات سواقتهم حلوة اوي

انا و الله المدرب بتاعي و هو بيعلمني قالي انا عمري ما شوفت بنت بتسوق زيك و مش بتخاف كده

و في بنات كتير كويسين جدا و احسن من رجالة كتير

بس متوصلش بقي لدرجة الشد و الامركة و المصطلحات الغريبه اللي باسمعها دي اللي مالهاش اي علاقة بالانوثة و بطبيعة البنت

يعني اذا كان و لابد من السواقة يبقي للسواقة في حد ذاتها

عشان اروح مشوار او اخرج او اوصل اهلي

مش عشان اشد و اامرك و اعمل غرز و الحاجات اللي مش فهماها دي بصراحة

و بعيدا عن البنات او القيادة الحريمي

فيا جماعة برضه الحاجات دي بعيده عن التحضر و اخلاق القيادة اصلا