حامل لواء التصدي لحملة خلوها تصدي

[Kareem Khattab]

بصرف النظر عن الحملة نفسها و مؤيديها -و لهم وجهة نظرهم- و معارضيها -ولهم وجهة نظرهم- و بعيد عن الجدالات ..ما هو الهدف من الحملة..اعتقد لكل تحرك لازم يكون فيه اهداف .. القائمين على الحملة كان يجب يضعو اهداف قبل البدء في الحملة نقدر نقول ان الحملة نجحت اذا حققت الاهداف دي او نقول فشلت اذا لم تحققها..
يعني العربية الي ب 140 لو اصبحت ب 130 او 120 هل ده يعتبر شيئ مرضي للمستهلكين ? ام المطلوب تخفيض اكبر..? ام المطلوب ان الوكلاء يبيعو بدون مكسب لبعض الوقت ? ام ماذا

المفروض ان الحملة دي كان لازم يكون لها اهداف قبل بدايتها مش تبقى عايمة كده و يتحول الامر الى شعارات و كلام سجع و هيافة و نقعد نقول للناس استنو ما تشتروش في انتظار المجهول..

و على فكرة حتى لو التجار باعو بدون اي مكسب هاتفضل اسعار العربيات في مصر عالية جدا بسبب الجمارك و لا اعتقد ان فيه نية او مجرد تفكير حتى لإلغائها

كلامك مظبوط 100%

[Ghamrawy]

بصرف النظر عن الحملة نفسها و مؤيديها -و لهم وجهة نظرهم- و معارضيها -ولهم وجهة نظرهم- و بعيد عن الجدالات ..ما هو الهدف من الحملة..اعتقد لكل تحرك لازم يكون فيه اهداف .. القائمين على الحملة كان يجب يضعو اهداف قبل البدء في الحملة نقدر نقول ان الحملة نجحت اذا حققت الاهداف دي او نقول فشلت اذا لم تحققها..
يعني العربية الي ب 140 لو اصبحت ب 130 او 120 هل ده يعتبر شيئ مرضي للمستهلكين ? ام المطلوب تخفيض اكبر..? ام المطلوب ان الوكلاء يبيعو بدون مكسب لبعض الوقت ? ام ماذا

المفروض ان الحملة دي كان لازم يكون لها اهداف قبل بدايتها مش تبقى عايمة كده و يتحول الامر الى شعارات و كلام سجع و هيافة و نقعد نقول للناس استنو ما تشتروش في انتظار المجهول..

و على فكرة حتى لو التجار باعو بدون اي مكسب هاتفضل اسعار العربيات في مصر عالية جدا بسبب الجمارك و لا اعتقد ان فيه نية او مجرد تفكير حتى لإلغائها

يا سيدى الفاضل
الحملة الغرض منا المساواة بين المستهلك المصرى و المستهلك فى اى دولة اخرى بالعالم ......بمعنى ....الركود ادى الى قلة الطلب و افلاس بعض الشركات و الاستغناء عن بعض العمال ..بالبلدى كده ..الدنيا واقفة و خربانة و مافيش حد بيبيع و لا حد بيشترى و الطلب تقريبا معدوم و لو كنت بصيت فى ملحق الاهرام النهارده(انا باستعيره مش باشتريه) فى العامود بتاع هشام الزينى حاتلاقى كلام كتير بين السطور و من اكتر الجمل اللى كانت واضحة "أحد كبار العاملين فى السوق قالى لى ما يحدث فى السوق الان لم يحدث من قبل فى تاريخ السوق المصرية للسيارات فالزبائن فى حالة صيام عن الدخول لمجرد السؤال فقط"
اظن دى واضحة جدا ..... يعنى زى ما المستهلك خارج مصر بيشترى بسعر قليل،مستهلك مصر كمان يشترى بسعر قليل
ثانيا :الجمارك و الضرائب المفروضة على السيارات فى مصر هى ضرائب على القيمة و ليست على الكم .يعنى بتفرض على قيمة السلعة و قيمة السلعة فى حالتنا دى اضربت يبقى الجمارك حاتفرض على قيمة قليلة و التنمية و ضريبة المبيعات شرحه
النهاية...لو سعر العربية فى الخارج نزل ب 20% يبقى الجمارك حاتبقى - 20% و التنمية و المبيعات -20% = سعر بيع داخل مصر - 20 %
انما الوكلاء بيلعبوا بمبدأ مين الاول البيضة و لا الكتكوت

[Hussein_Ramdan]

انا بصراحة و بعد قراءة كل الموضوع من اوله لأخره شايف حاجة مختلفة خالص

ميتهيأليش ان لو حد معاه قرشين حلوين و في قدرته انه يجيب عربية في الوقت الحالي انه هيسمع كلام خليها تصدي او خلليها تخلل ... هوة الدنيا ايه غير عربية جديدة و خاصة ان احنا شعب محدث نعمة و العربية دي بالنسبة للغالبية العظمة من شعبنا العزيز ترف قد لا يحلم به و رحمة كبيرة من عناء المواصلات الغير آدمية
و حتى و لو عندك عربية متواضعة تسعينية مثلا و بدأت تفتح بقها تبعا لقانون الاهلاك و الاستهلاك و عندك القدرة على تغييرها فمش هتعمل ده علشان تعند في التوكيلات او التجار ولا علشان موضوع في نايل موتورز بجلالة قدره

الموضوع ببساطة ان كل واحد عنده قرشين و عايز ينام عليهم علشان حالة الخوف اللي عند الناس من الازمة الحالية و ده حال العالم كله مش مصر بس و عايز يلاقي لنفسه حجة علشان ميجددش او يجيب اصلا و كل واحد حر و من حكم في ماله فما ظلم

لكن اللي يضحك بصراحة موضوع حملة خلليها تصدي اللي عامل زي الحملات العشوائية بتاعت ال"فيس بوك" لدرجة ان كل ما واحد يتنفس يعملوا له حملة و مرة واحد من زهقه عمل "حملة كفاية حملات على الفيس بوك!!" من خنقته يا عيني

و بعدين همة عملوا حساب موضوع انخفاض الطلب و بالتالي قللوا العرض و فيه بعض التوكيلات عاملة عروض و تخفيضات

لكن ان حد يفتكر ان شوية كلام مكتوب على النت هيخليهم يعملوا تخفيضات 40 او 50 % اسمحولي اقول ان ده تهريج بصراحة...آه بيكسبوا لكن مش بالهبل ده يعني و قوانين الجمارك مش موجودة مثلا ولا حاجة!!

و لو الاسعار انخفضت و اليارس مثلا بقت ب70 الف و الفيرنا ب 40 تفتكر الحكوة هتسكت طبعا لأ....هتخللي الترخيص ب10% او 20% من تمن العربية
ليه؟؟لأن شوارع البلد في الحالة دي هتتسد في ظرف اسبوع من الزحمة الخرافية اللي هتحصل و هتتحول البلد لجراج مفتوح بسبب رخص الاسعار الغير مسبوق ده

و الاستاذ صاحب الموضوع انا هرشت انك شغال في توكيل متسوبيشي متأخدش الموضوع على صدرك قوي كده و خللي قلبك ابيض ده احنا شعب غاوي ظيطة و خلاص...تهشه بعصاية و تلمه بصفارة

و بكرة يجي الصيف و كله بيقى عايز يصيف بعربية جديدة و المصرين العائدين من الخارج و يرجعوا بفلوسهم دراهم و دنانير و الشراء يبقى على ودنه عربيات و عقارات و الذي منه و بكرة تفتكر الكلام ده و تطلع الاسعار و ترجع ريما لعادتها القديمة

كدة عيب اية تهشو بالعصاية وتلمو الكلام بتاع الزرايب دة انتا فاكر نفسك اعد فى زريبة عيب كدة احنا مش غنم

[MohabSaeed]

الحقيقه انا بختلف مع حضرتك يا بشمهندس طارق فى وجهة النظر ديه

الوكلاء و التجار كانو دايما و ابدا بيستغلو الناس . يعنى انا فاكر ازمة تعويم الجنيه و ماحدث ساعتها .... كل الوكلاء الى كانو جايبين ماخزون من السيارات بسعر ماقبل التعويم " السعر الطبيعى " باعو ماخزونهم باسعار ما بعد التعويم و ارتفاع ثمن الدولار
يبقى مين المستغل فى فى المقارنه مابين التاجر و المستهلك
و الوكيل و التاجر المستغل لازم يدفع تمن استغلاله .

حاجه تانيه معامله الوكلاء للمستهلكين على انهم اقل فئه فى العالم و انهم لازم يركبو العربيات بدون عوامل امان و حتى بدون ابسط الكماليات زى الكاست و الانذار و تركيبه فى مصر لتوفير بضع مئات من الجنيهات " زى عبور مثلا " .

للاسف ده حال مجتمعنا ... وكلاء السيارات كانو دائما بيستغلونا .
جه الوقت لنرد ليهم الموقف .. وان كان حتى مفهوش استغلال .. لكن هو الحق فى الحصول على السلعه بتمنها الاصلى " شامل الجمارك و الضرائب " .
من المستحيل ان السلعه ترخص فى كل العالم و انا اشتريها باسعار زمان علاشان الوكيل جابها باسعار زمان و مش عاوز يخسر فيها

الى بيحصل ده هو الصح ... لازم نقاطع المستغلين "" لا للاستغلال "" مش فى العربيات بس .. لا فى كل سلعه اغلى من تمنها .

الهايبر ماركت زى كارفور او هايبر ون او سبينس ... دول من وجهة نظرى بيقدمو احسن و اجود خدمه للمستهلك
كفايه ان عندهم دايما احسن الانواع و باسعارها الحقيقه و سعات كتير جدا ارخص من سعرها الحقيقى .

انا مقاطع كل البقالين و السوبر ماركت بسبب جشعهم و سوء خدمتهم و مش بيتعامل الى مع الهايبر ماركت .

[نور القمر]

لما الحكومة بتاخد من كل الف جنيه من تمن العربية 450 جنيه لحد 1600 سي سي
و من كل الف 750 فيما فوق ذلك
يبقى معملوش بيها طرق احسن ليه
مطوروش المرور ليه
محدش اهتم بنقل الوزارات ليه
حصيلة جمارك السيارات العام الماضي فقط بين 10 و 12 مليار (تقديرات) راحو فين

يا عم خلوها تصدي

طبعا الفلوس دي راحت للناس اللي يستهلوها ويقدروا قيمتها ومحافظين عليها كويس اوي في بنوك سويسرا

[شريف]

واضح جدا ان حامل لواء التصدي لحملة خلوها تصدي هيخلى الحملة تشدد
لازم تصحيح لحاجات كتيرة غلط موجودة من سنين وللاسف البعض اعتبروها جزء من حياتنا وعيزينا ننهزم ونرضى بالامر الواقع

[A.Saad]

مش جديده ولا حاجه .. على طول بيبقى فيه عربيات زيرو فى السوق

انا مع حضرتك
بس ليه الناس اشترت العربية اصلا ما دام ده رايها

[M.Elwan]

الحقيقه انا بختلف مع حضرتك يا بشمهندس طارق فى وجهة النظر ديه

الوكلاء و التجار كانو دايما و ابدا بيستغلو الناس . يعنى انا فاكر ازمة تعويم الجنيه و ماحدث ساعتها .... كل الوكلاء الى كانو جايبين ماخزون من السيارات بسعر ماقبل التعويم " السعر الطبيعى " باعو ماخزونهم باسعار ما بعد التعويم و ارتفاع ثمن الدولار
يبقى مين المستغل فى فى المقارنه مابين التاجر و المستهلك
و الوكيل و التاجر المستغل لازم يدفع تمن استغلاله .

حاجه تانيه معامله الوكلاء للمستهلكين على انهم اقل فئه فى العالم و انهم لازم يركبو العربيات بدون عوامل امان و حتى بدون ابسط الكماليات زى الكاست و الانذار و تركيبه فى مصر لتوفير بضع مئات من الجنيهات " زى عبور مثلا " .

للاسف ده حال مجتمعنا ... وكلاء السيارات كانو دائما بيستغلونا .
جه الوقت لنرد ليهم الموقف .. وان كان حتى مفهوش استغلال .. لكن هو الحق فى الحصول على السلعه بتمنها الاصلى " شامل الجمارك و الضرائب " .
من المستحيل ان السلعه ترخص فى كل العالم و انا اشتريها باسعار زمان علاشان الوكيل جابها باسعار زمان و مش عاوز يخسر فيها

الى بيحصل ده هو الصح ... لازم نقاطع المستغلين "" لا للاستغلال "" مش فى العربيات بس .. لا فى كل سلعه اغلى من تمنها .

الهايبر ماركت زى كارفور او هايبر ون او سبينس ... دول من وجهة نظرى بيقدمو احسن و اجود خدمه للمستهلك
كفايه ان عندهم دايما احسن الانواع و باسعارها الحقيقه و سعات كتير جدا ارخص من سعرها الحقيقى .

انا مقاطع كل البقالين و السوبر ماركت بسبب جشعهم و سوء خدمتهم و مش بيتعامل الى مع الهايبر ماركت .

+1

[نور العمر]

مع احترامي لكلام حضرتك .......... أنا مش مقتنعة بكلامك نهائي
احنا بنحارب الجشع إللي بيقول السيارات تغلى كل سنة 3 آلاف جنيه حتى لو الشركة الام مغلتش
وكلاء السيارات جشعييين 100% . ولو محاربة الطمع والجشع من وجهة نظرك تعريض التجار للإفلاس وتسريح العاملين ... تبقى غلطان
لإنها مش حتفلس ....
إنت مصراوي ..... بتحركك العاطفة .... ينقصك الواقع .... وليه المستهلك الغلبان يتحمل الجشع لوحده وهما يستمروا دون تأثير .... معتقدش أي شعب محترم وقف ضد غلاء التجار الجشعيين أدى إلى تدمير اقتصادهم ...
محاولة لتليين القلوب .... معجبتنيش
إللي يقعد من شغله يشوف غيره ولو خارج كريره تماما
بلاش سلبية بقا ...........

[نور العمر]

أنا زهقت

ولا مصريين بيتحدوا على رأي

ولا عرب بيتحدوا على رأي

وحنفضل كده طول العمر .... مفيش فايدة .... للأسف

[CryptonX]

الـــــــــــــبــــــــــــــــــــــارومة هي الحل !

------------

استاذ طارق علي عيني و لا راسي و حضرتك راجل محترم بجد ..

بس الحملة دي مش بس بسبب الازمة العالمية ..

دي حملة " تراكمية " من الي الناس شافته من التوكيلات المصرية علي مدار ال 5-10 سنين الي فاتوا من جشع و خدمة سيئة و صيانة اسوا و اسوا .

مش في توكيل بعينه و لكن عامة !

[MohabSaeed]

أنا زهقت

ولا مصريين بيتحدوا على رأي

ولا عرب بيتحدوا على رأي

وحنفضل كده طول العمر .... مفيش فايدة .... للأسف

ايه المشكله لما يبقى فى اختلاف فى وجهات النظر " طلاما ان الاختلاف فى نطاق الود و الادب و الاحترام " . كل واحد و ليه تفكريه و وجهة نظره و مش لازم نحجر علي رأيه ... ماينفعش نبقى بننادى بحاجه و نعمل عكسها .

[R A N A]

طب ياجماعة بالنسبة للناس اللي بتقول لو الاسعار رخصت البلد هاتتزحم ومش هانعرف نمشي فيها ........
طب انا عندي كام اقتراح :
ايه رأيكم لو الحكومة طلعت قرار في يوم وسحبت بعض العربيات من الناس بحجة انها تخف من الزحمة يعني مثلا خلت كل اسرة مهما كان عددها ميكونش عندها غير سيارة واحدة بس او مثلا يسحبوا العربيات من الناس اللي مقرعملها قريب من بيتها أو الناس اللي شغالة في شركات بتوفر اتوبيسات لموظفيها أو مثلا ميسمحوش لأي فرد يمتلك سيارة الا لما يكون عنده وديعة في البنك بربع مليون جنيه عشان العربيات تكون للناس اللي معاها فلوس بس مش اي حد معاه قرشين ولا معاه حق مقدم يبقي معاه عربية ويزحملنا البلد بقي..... اي افتكاس يعني والمبرر طبعا هنا عشان نخف من الزحمة والناس اللي معاها عربيات تعرف تمشي بسرعة وميتعطلوش.
ويطلعوا كمان بقرار انهم يغلوا تكاليف العلاج والأدوية لدرجة ان فئات معينة من الشعب متقدرش تشتريه فتموت والزحمة تقل لانهم لو خلوا العلاج رخيص كل الناس هاتتعالج وتخف والبلد تتزحم اكتر وقرار تاني بإن اي حد يخلف طفلين مش مسموحله يخلف تالت واللي يحاول يخلف اكتر يإما يتسجن يإما يجبر زوجته علي الإجهاض وكله طبعا عشان هدف مشروع ونبيل اننا نخف الزحمة

ويبقي شعارهم نحكم عقلنا يعيش نصنا ويموت ويولع بجاز النص التاني بقي مش مهم.

المفروض اصلا نطالب بتنظيم الطرق وعمل حلول مرورية جذرية مش نغلي العربيات عشان الناس متعرفش تشتري عربيات فالطريق يكون كويس ومش زحمة.
المشكلة مش في التعداد السكاني المشكلة في النظام مش اكتر.
والصين عدد سكانها اضعافنا اصلا ومع ذلك معندهمش كمية المشاكل اللي عندنا دي كلها ليه ؟؟؟؟ عشان عندهم نظام وفي ناس بتلتزم بيه مش البطيخ اللي عندنا ده .

[Kareem Khattab]

لازم نحل مشكلة الطرق و الزحمه و الركن الاول و بعدين نبقي نطالب بتخفيض الاسعار
ماينفعش نركب عربيات و مفيش طرق نمشي بيها فيها

[Anxs111]

أو يصرف من فلوس الجمارك إلي بتعدي ١٠ مليار على إيجاد وسائل مواصلات معقولة . أعتقد كلو هيتحل لما مترو الانفاق يغطي القاهرة كلها