حامل لواء التصدي لحملة خلوها تصدي

[mahmoud_nov1985]

الحكومة دى وغيرها غرضها تنشيف ريق الشعب
زى الكلب اللى بيجرى ورا عضمه صاحبه ماسكها وبيجرى قدامه
(مع العتذار للشعب المصرى بس هو الوضع كده)

[karimone]

يا باشا احنا كدة بنحاول نحل مشكلة بمشكلة اكبر واكبر ....

زي ما احنا بنقترح التخفيض .... لازم نقترح حل لمشكلة المرور...

و إلا كلامنا دا حيكون في مهب الريح ...

الحل الامثل لمشكلة المرور في القاهره هي انشاء عاصمه جديده لمصر و نقل جميع المصالح الحكوميه للعاصمه الجديده
و ده هاينقل معظم الازدحام المروري خارج القاهره لانها مش ممكن تستحمل اكتر من كده خصوصا مع النزوح الرهيب للقانطين خارج القاهره للعمل و لانهاء مصالحهم لدي الجهات الحكوميه المختلفه

[kh_talaat]

أرجو من التجار الاعزاء عدم تثبيط همة أعضاء الحملة لأنه ببساطة و مع إحترامي لحضراتكم جميعا و طبعا معكم الأستاذ المحترم و الذي أعتز به كزميل لي في المنتدي و أستفيد منه الكثير الأستاذ طارق لا فائدة مما تفعلون.
و كفاية بقي كذب و خداع من التجار علي الشعب المصري و بصراحة الكلام اللي بتقولوه مش منطقي إطلاقا و من الواضح طبعا استفاداتكم من مجال السيارات و لهذا لا تريدون ان يتم اي تخفيض فيها من أي شكل و محدش و حياتكم يقعد يقولي القاهرة حتبقي جراج و مش جراج ما هي دلوقتي جراج
و بعدين المشكلة دي ممكن حلها بحل بسيط قلناه قبل كدة العربيات القديمة لحد سنة معينة انشالله حتي لحد سنة 80 كلها تتكهن و يتوقف ترخيصها و ينزل الجديد بالأسعار الجديدة.
لكن كل واحد يجي يقول ده كلام فارغ و بكرة ترجع الأسعار تاني زي ما كانت و انتم فاكرين نفسكم فين احنا بنقوله اسفين مش هنتنازل عن رأينا و محدش فينا هيموت من غير عربية و مسمعناش عن واحد جاتله كرشة نفس و لا ضيق في التنفس من قلة السيارات و كما قال البعض من قبلي السوق عرض و طلب من اول ابرة الوابور لحد العربية و الفيلا و الشقة كله واحد.
و بصراحة لو في حد بيتكلم كلام علمي فأنا ضمن دراستي درست تسويق و علمونا في التسويق اني السوق عرض و طلب و لو انا تاجر و الناس مش بتشتري و انا مش عايز ارخص يبقي البضاعة اللي عندي هخليها تصدي و تخرب.

كلام سليم ميه الميه

بصراحه كلام العضو الفاضل "مصراوي جداً" غير مقنع بالمره فحملات المقاطعه للمنتجات المغالى في سعرها دي اسلوب الناس المتحضره وعمرنا ما سمعنا عن شركة او مؤسسه افلست بسبب فترة مقاطعه من المستهلك ولكن هي تعتبر مجرد وسيله ضغط على المنتج أو التوكيل و الموزع (في مجال السيارات لتخفيض ارباحهم المبالغ فيها ) لأن في النهايه المستهلك لن يقدر ان يستغني عن سلعه مثل السيارات

بصراحه كلام الأستاذ طارق

[وائل عطية]

.. لإيت ..

ماشي كلامك
بس يعني إيه الكلمة اللي في الاقتباس ؟؟!!

[karaktar]

أرجو من التجار الاعزاء عدم تثبيط همة أعضاء الحملة لأنه ببساطة و مع إحترامي لحضراتكم جميعا و طبعا معكم الأستاذ المحترم و الذي أعتز به كزميل لي في المنتدي و أستفيد منه الكثير الأستاذ طارق لا فائدة مما تفعلون.
و كفاية بقي كذب و خداع من التجار علي الشعب المصري و بصراحة الكلام اللي بتقولوه مش منطقي إطلاقا و من الواضح طبعا استفاداتكم من مجال السيارات و لهذا لا تريدون ان يتم اي تخفيض فيها من أي شكل و محدش و حياتكم يقعد يقولي القاهرة حتبقي جراج و مش جراج ما هي دلوقتي جراج
و بعدين المشكلة دي ممكن حلها بحل بسيط قلناه قبل كدة العربيات القديمة لحد سنة معينة انشالله حتي لحد سنة 80 كلها تتكهن و يتوقف ترخيصها و ينزل الجديد بالأسعار الجديدة.
لكن كل واحد يجي يقول ده كلام فارغ و بكرة ترجع الأسعار تاني زي ما كانت و انتم فاكرين نفسكم فين احنا بنقوله اسفين مش هنتنازل عن رأينا و محدش فينا هيموت من غير عربية و مسمعناش عن واحد جاتله كرشة نفس و لا ضيق في التنفس من قلة السيارات و كما قال البعض من قبلي السوق عرض و طلب من اول ابرة الوابور لحد العربية و الفيلا و الشقة كله واحد.
و بصراحة لو في حد بيتكلم كلام علمي فأنا ضمن دراستي درست تسويق و علمونا في التسويق اني السوق عرض و طلب و لو انا تاجر و الناس مش بتشتري و انا مش عايز ارخص يبقي البضاعة اللي عندي هخليها تصدي و تخرب.

مع احترامى لكلامك عربيات ايه اللى هاتتكهن انت مش عايش فى الواقع ولا ايه يبيه عربيات التاكسى الان اللى مفروض تتكهن اللى اتطبق عليها القرار بتتباع الان للناس عادى جداً بس يأسعار رخيصه زى 128 وغيرها

تانى حاجه كلامك مظبوط السوق عرض وطلب تمام مين قالك ان السوق الان نايم بالعكس السوق الان من بداية شهر يناير ابتدى ينشط وحده وحده وده من الواقع ومن متابعتى البسيطه للسوق
بالنسبه لموضوع ننقل المصالح الحكوميه خارج القاهره والكلام ده بألنا سنين بنتكلم فيه وبندن فو مالطه
يعنى من الاخر الحكومه مابتعملش إلا اللى على مزاجها
ولو الحكومه حست ان فى حاجه هاتحصل لمصلحة الشعب وهاتأثر على الحكومه يبأه انسى وفى الاخر إحنا اللى هانصدى
يجماعه الحمله دى ايجابيه جداً وممتازه بس مش فى البلد دى ومع الحكومه دى ومالو خلونا نحلم ونصدى

[karaktar]

ماشي كلامك
بس يعني إيه الكلمة اللي في الاقتباس ؟؟!!

باللغه العربيه (وجدت)

[Rsarabia]

انا عاوز اقول حاجة
دلوقتى التجار و الوكلاء عندهم مخزون كبير من موديلات 2008 و بدايات 2009
طيب 2009 و دى ممكن تتباع مفيش مشاكل
لكن مخزون 2008 دا هيعملو فيه ايه ؟؟ احنا دلوقتى دخلنا فى السنة الجديدة و طبعا كل ما هندخل فى السنة كل ما سعر ال 2008 دا لازم لازم لازم ينزل و بالتالى سعر العربية الماشية المستعملة ال 2008 هو كمان هينزل جامد لان الجديد اصلا نزل لان محدش اشتراه
وبما ان ال 2008 المستعمل نزل يبقى اللى بعدو 2007 و 2006 و هكذا كل دا هينزل يبقى السعر هينزل من الناحية دى

الناحية التانية ان الناس دلوقتى بقا عندها وعى و عمالة تببع فى عربياتها و اللى بيشترى بيشترى مستعمل محدش بيشترى جديد و بالتالى كل ما هندخل بردو فى سنة 2009 كل ما شوية تجار يقعو و يبقو مش عارفين يسددو و بالتالى هتلاقى كل شوية مع مرور الوقت واحد بيفلفس و بينزل جامد و وبالتالى شيئا فشيئا الكل هينزل مع بعضه والا محدش هيبيع

لكن ثبات السعر او زيادته دا كلام تهريج و استخفاف بينا

انا بقا عندى حلول للوكلاء لو فعلا عاوزين يبيعو و لكن طبعا مش هيعملو كدا بسبب جشعهم

1) تخفيض للدفع الكاش (تخفيض محترم ) مش 1000 جنيه و الكلام دا
2) فتح مراكز صيانة جديدة
3) تأمين مجانى
4) عمل كوبونات خصم فى مراكز الصيانة
5) البنوك تدى تقسيط بدون فوائد لمدة سنتين او تلاتة مثلا
6) تبطلو كل شوية تطلعو تقولو احنا مش هنتأثر و احنا جامدين و مصر ملهاش دعوة و حتى لو جنرال موتورز فلست احنا جامدين لان دا بيستفذ الناس اكتر و بتخليهم يكرهوكم و يحقدو عليكم اكتر يعنى بلاش استخفاف بينا اكتر من كدا
7) توفير كل عوامل الامان فى كل العربيات يعنى ايه عربية موديل 2009 و تبقى على الاقل مفيهاش عوامل امان زى الايرباج و الفرامل المانعة للانزلاق ؟؟
8) الحكومة بقا لازم تريحنا شوية يعنى حتى لو يشيل ضربية الدعم و مش عاوزين تلمسو الجمارك دلوقتى و تسمح باستيراد السيارات المغربية و بلاش حكاية مركب دبدوب تدفع غرامة 5000 جنيه دى


انا حابب اقول حاجة كمان هل لو الوضع فضل مستمر كدا و فعلا الوكلاء مسكو نفسهم و محدش نزل السعر هل ساعتها ممكن نشترى ؟؟ بس لو حصل كدا السعر هيترفع و الاسعار هتغلى يا مصريين و لو حصل يبقى عليه العوض و منه العوض فيكم و تبقو خلاص شعب ماااات و مفيش فيه امل فى اى حاجة

[kh_talaat]

الحل الامثل لمشكلة المرور في القاهره هي انشاء عاصمه جديده لمصر و نقل جميع المصالح الحكوميه للعاصمه الجديده
و ده هاينقل معظم الازدحام المروري خارج القاهره لانها مش ممكن تستحمل اكتر من كده خصوصا مع النزوح الرهيب للقانطين خارج القاهره للعمل و لانهاء مصالحهم لدي الجهات الحكوميه المختلفه

بصراحه المسئول الأول والأخير عن مشكله المرور في القاهرة هي الحكومه ايوه الحكومة

لان الحكومة هي اللي مصره انها تجمع كل المصالح الحكوميه داخل القاهره
وهي اللي مصره ان 80 % من فرص العمل تكون داخل القاهرة والدليل الأمثل على ذلك هي القريه الذكيه اللي فيها أكتر من 50 شركه ومتوسط عدد الموظفين في كل شركه مش اقل من 100 موظف ، غير في 90 شركه جديدة هتفتح في القرية الذكية

يعني كم هائل من الموظفين وكل دول هيسكنو فين ؟؟؟ طبعا في القاهرة حتى لو سكنوا في الشيخ زايد ولا القاهرة الجديدة والتجمع الخامس كله بيصب في القاهره وسلملي على المحور والدائري

اعتقد ان احنا بعد 5 ولا 6 سنين كمان هنحتاج نعمل الطريق البيضاوي

[momo10000]

يا جماعه استفادة اية الي بيقول عليها العضو الفاضل ...

الكلام بالعقل ... مش ضرب نار وخلاص يا جماعه...

موضوع الاسعار دا في يد الحكومة... مش وكلاء وموزعين....

المفروض انكم كلكم ناس فاهمة وواعية...

مستحيــــــــــــــــــــــــــــل اسعار السيارت بالذات ... وبكررها تاني بالذات ممكن تنزل..... عشان حركة المرور... انتم مش عايشين في مصر ولا اية يا جماعة...

التكهين ... والجراجات ونقل الحكومة خارج القاهرة ...دا كلام جميل ... بس في ظل الحكومة الجميلة بتاعتنا عاوز خطط وقرارت ودراسات عشر سنين قدام....

استحالة الحكومة حتوافق علي التخفيض حتي لو الوكيل سمح بكدة..

اعقلوها شوية يا جماعه... اقسم بالله انا ماليش علاقة اطلاقا لا من قريب ولا من بعيد بتجارة السيارات .....

علي العكس تماما ... نفسي اغير واركب احسن ...

كل حاجة حتنزل في مصر الا اسعار العربيات..

[karaktar]

1) تخفيض للدفع الكاش (تخفيض محترم ) مش 1000 جنيه و الكلام دا
2) فتح مراكز صيانة جديدة
3) تأمين مجانى
4) عمل كوبونات خصم فى مراكز الصيانة
5) البنوك تدى تقسيط بدون فوائد لمدة سنتين او تلاتة مثلا
6) تبطلو كل شوية تطلعو تقولو احنا مش هنتأثر و احنا جامدين و مصر ملهاش دعوة و حتى لو جنرال موتورز فلست احنا جامدين لان دا بيستفذ الناس اكتر و بتخليهم يكرهوكم و يحقدو عليكم اكتر يعنى بلاش استخفاف بينا اكتر من كدا
7) توفير كل عوامل الامان فى كل العربيات يعنى ايه عربية موديل 2009 و تبقى على الاقل مفيهاش عوامل امان زى الايرباج و الفرامل المانعة للانزلاق ؟؟

ياعزيزى ده دليل على انك مش متابع السوق كويس
الكلام اللى حضرتك بتؤوله ده هوه اللى حاصل الان
فى عربيات نزل سعرها من 5000 الى 15000

وفى تقسيط الان بدون فوايد
وموضوع مراكز الصيانه ده حسب كل وكيل فى وكيل عامل مراكز صيانه كتير وفى وكيل عامل مراكز صيانه قليله

وموضوع الامان ده متعارف عليه يعنى ينزلك العربيه كذا فئه وبأسعار مختلفه وعلى قد فلوسك يمان

وفعلاً مصر متأثرتش زى باقى الدول وهاتلى أى دليل ان مصر اتأثرت ولو مصر اتأثرت هايحصلنا زى محصل لباقى الدول هننهار واحنا أساساً مش ناقصين

[مصراوي جدا]

أنا عملت الموضوع ده علشان اعرض وجهة نظر محددة حبيت تكون واضحة للناس ، وأوضح اني ضد حملة (خلوها تصدي) شكلا وموضوعا وعرضت أسبابي ووجهة نظري ، مع احترامي الشديد لكل القائمين عليها والداعين لها ولآراء كل اللي ردوا في هذا الموضوع.


انا حبيت ان اللي يدخل المنتدى يلاقي الرأي والرأي الآخر ويشغل عقله ويختار اللي هو عاوزه. وكل واحد عنده حرية كاملة في معتقداته وتصرفاته وآراءه طالما مش بتضر الآخرين.

[Samir Elshahawy]

أستاذ / طارق

بالرغم من أعتراضي طبعا علي حملتك المضادة لكني أعترف بأن هذا حقك الطبيعي فليس من المعقول أن تجد الجميع مجتمعون علي شئ واحد فلابد من معترضين و معارضين هذه هي الديمقراطية الحقة

أخواني الكرام ..
يكفي كل ماقيل و لكل طرف وجهة نظره التي يتمسك بها و يدافع عنها لكن .. لابد أن نستفيد من أي حملة مضادة و أي نقد يوجه لحملتنا تلك كي نصحح من أخطائنا و نعيد حساباتنا كي نكمل المشوار معا

شكرا لك يا أستاذ طارق علي نقدك لحملة " خلوها تصدي " حيث أظهر تصديك لها مدي ترابط و تماسك أعضائها و أستماتتهم في الدفاع عنها و تمسكهم بها و أود أن أطرح الان فكرة جديدة لدعم هذه الحملة و توسيعها الا وهي :

أن تبدأ مجموعة منا في زيارة التوكيلات المعنية بالمقاطعة و الحوار معهم من اجل أقناعهم أن الحملة مستمرة ضدهم مالم يخفضوا من أسعارهم و يحسنوا من منتجاتهم و لنصل معهم الي حل يرضي الجميع أما أذا لم يقتنعوا فلتستمر الحملة ليحل "الخراب" بدلا من "الصدا" كما قال صاحب الموضوع

مرة أخري شكرا لك علي رأيك و نقدك للحملة و تفضلك بالرد علينا و كما نعرف جميعا فأن الأختلاف في الرأي لا يفسد للود قضية و أنا شخصيا أرحب بالرأي الاخر دائما

[karimone]

حصل تسريب للبترول في بحر الشمال في انجلترا فده تبعاً خلي سعر السمك يزيد في انجلترا
فالناس امتنعت عن اكل السمك فبالتالي سعر السمك نزل جامد
ديه تجربه معموله قبل كده و نجحت ليه ماتنجحش نفس الفكره
التجار مش هايقفلوا و المصنعيين مش هايقفلوا لو باعوا العربيات بالسعر اللي الناس عايزاه
الحمله هاتنجح إن شاء الله لو كلنا اجتمعنا عليها

[Terrible_DaRsH]

[CENTER][COLOR=#000000]يبقى في ظل الظروف دي نيجي نقول هنقاطع شراء السيارات ومش هنشتري الا لو الوكلاء نزلوا الأسعار من 30 % الى 50 % ليه هي أرباحهم كانت كام مع احترامي للحسابات الطويلة العريضة اللي فيه ناس عاملينها مطلع العربية ربحها 40% و 50% للوكيل طبعا كلام غير صحيح على الاطلاق
5يعني نرفع شعار خلوها تخرب ونتوقف عن شراء أي أجهزة منزلية لمدة عدة أشهر علشان تجار ومصنعي الأجهزة المنزلية يضطروا لبيعها بالخسارة بخصم 50 و لا 60 %[/B]

وكمان نتجه للهايبر ماركت (زي كارفور وهايبر وسبينس وغيرهم) ونرفع شعار خلوها تخرب ونتوقف عن الشراء منها شهر ولا اتنين ونجيب بقالتنا من البقالين جنب البيت لحد ما يعملوا خصم 50 % على كل البقالة والمنتجات في الهايبر ماركت ويبيعوا لنا بالخسارة وكفاية اوي المكاسب اللي كسبوها.

بص بقي يا عم مصراوى ...
اولا انا شايف انك بتدافع عن شيء فى انحياز شوية ...
فيها ايه لما الناس تشتري بسعر اقل شوية مش هيجرى حاجة لو الوكلاء نزلوا اسعار السيارات شوية وخفضوا من ارباحهم ...
ثانيا بقي :-الحملة دى اتعملت على السيارات بس ليه دخلت فيها هايبر وكارفور والكلام ده كله ..
والله اللى اعرفه ان كارفور وهايبر والكلام ده كله مش حرامية ولا نصابين ..
ولو افترضنا ان الوكلاء بتوع مصر كلهم ناس بتعرف ربنا وزى الفل ...
طب تعالى بقي .. احنا بشترى العربية باغلى تمن وسعر طول عمرنا وده بسبب الحكومة طبعا الوكلاء كلهمش دعوة لان الحكومة هى اللى فرضت الضرائب والجمارك ..
طب احنا عايزين نركب عربيات نضيفة بسعر كويس مفيهوش سرقة واستغلال .. يبقي نعمل حملة نطالب فيها اننا نركب عربيات نظيفة و رخيصة فى نفس الوقت ...
مش نعمل حملة نطالب فيها كارفور انه ينزل من ثمن علبه الصلصة ولا الاكل والشرب لانهم مش غاليين لدرجه اننا نعمل حملة !!!!
انا شايف ان نظام الحملة يتعدل باضافة ( لا للجمارك ولا للمكاسب الخيالية للوكلاء والتجار ولا لغلاء البنزين ) .....
بس كده تبقي الحملة 100/100 وليها هدف صح وشملت كل الفاسدين اللى فى البلد
وشكرا على كده ...

[goofy_in_love]

أنا عملت الموضوع ده علشان اعرض وجهة نظر محددة حبيت تكون واضحة للناس ، وأوضح اني ضد حملة (خلوها تصدي) شكلا وموضوعا وعرضت أسبابي ووجهة نظري ، مع احترامي الشديد لكل القائمين عليها والداعين لها ولآراء كل اللي ردوا في هذا الموضوع.


انا حبيت ان اللي يدخل المنتدى يلاقي الرأي والرأي الآخر ويشغل عقله ويختار اللي هو عاوزه. وكل واحد عنده حرية كاملة في معتقداته وتصرفاته وآراءه طالما مش بتضر الآخرين

عزيزي الفاضل رأي اخر ايه اكيد مفيش حد هيختار الرأي الاخر دا و الموضوع مش خالف تعرف الموضوع اننا بندور علي راحتنا و مصلحتنا فين و اكيد انا و انت و غيرنا احق بالفلوس الزياده بطريقه بشعه في سعر العربيه