حامل لواء التصدي لحملة خلوها تصدي

[crazylambada]

على فكرة الحملة ناجحة جدا بامارة المقالة اللي فيملحق الاهرام للسيارات بتاعةيوم الجمعة للصفة التانية
و الصحافةدلوقتي بدات تتكلم عن الركود الشديد للوكلاء بسبب الاسعار
على فكرة اللي فهمته من موضوع الغاءالاستيراد من بلد المنشا
انه لسه مطلب لغاية دلوقتي من الوكلاء و الوزير رافضالفكرة
غير انهم حيطبقوه على العربيات اللي لها مثيل في التصنيع فيمصر
يعني مثلا بي ام و مرسيدس ميجوش غير من المانيا مش من اي دولة تانية
علشان بيتصنعوا فيمصر

[khattab_89]

ايه ياعم الكلام ده على النعمه حرم عليك
اتقى الله مش ممكن يكون الكلام ده على لسان دكتور
فى الجامعه
وخليها تصدى

أتقي الله في إيه بالظبط ؟؟؟؟؟ انا زيي زيك يا باشا
لو كلامي فيه حاجة غلط فا كنت أتمنى إن الرد يكون أحسن من كده حبيتين .. يس ولا يهمك يا باشا .. حكومتنا خلت الواحد ميعرفش يتوقع أي حاجة و دي مجرد تكهنات و ما عليا و عليك و على الشعب المصري إلا الصبر ,,

[goofy_in_love]

يا جماعه هدوا اعصابكم شويه احنا هنا جايين نتحد ضد الناس اللي مفكرانا مش فاهمين حاجه و عمالين " يدونا علي قفانا " من زمان قوي و جه الوقت اللي كان لازم ناخد فيه خطوه ايجابيه مش نتخانق مع بعض و حصل خير يعني و ياريت اسلوب الرد بينا يكون متحضر علي قد مانقدر في الاخر كلنا اخوات

[Anxs111]

يا جماعة خلنا مركزين في الموضوع الاصلي و هو كيف تنجح حملتنا . أن حاسس إن الموضوع هنا معمول عشان يضعفنا و يشككنا .

هناك بنفكر ازاي نكون أحسن وهنا بنفكر ليه احنا مش غلط و فرق كبير لو بصينا لأدام على نهاية كل سكة من دول .

الموضوع الأصلي أهو وهناك هنقدر نوصل ومدام إنت مقتنع بالحملة فكر ازاي تقنع بها غيرك بدل متفكر ازاي تثبت أنك مقتنع. وحد يقعد يأخرك بكل الطرق .

http://www.nilemotors.net/Nile/showthread.php?t=51715

[A.Saad]

طب ياجماعة بالنسبة للناس اللي بتقول لو الاسعار رخصت البلد هاتتزحم ومش هانعرف نمشي فيها ........
طب انا عندي كام اقتراح :
ايه رأيكم لو الحكومة طلعت قرار في يوم وسحبت بعض العربيات من الناس بحجة انها تخف من الزحمة يعني مثلا خلت كل اسرة مهما كان عددها ميكونش عندها غير سيارة واحدة بس او مثلا يسحبوا العربيات من الناس اللي مقرعملها قريب من بيتها أو الناس اللي شغالة في شركات بتوفر اتوبيسات لموظفيها أو مثلا ميسمحوش لأي فرد يمتلك سيارة الا لما يكون عنده وديعة في البنك بربع مليون جنيه عشان العربيات تكون للناس اللي معاها فلوس بس مش اي حد معاه قرشين ولا معاه حق مقدم يبقي معاه عربية ويزحملنا البلد بقي..... اي افتكاس يعني والمبرر طبعا هنا عشان نخف من الزحمة والناس اللي معاها عربيات تعرف تمشي بسرعة وميتعطلوش.
ويطلعوا كمان بقرار انهم يغلوا تكاليف العلاج والأدوية لدرجة ان فئات معينة من الشعب متقدرش تشتريه فتموت والزحمة تقل لانهم لو خلوا العلاج رخيص كل الناس هاتتعالج وتخف والبلد تتزحم اكتر وقرار تاني بإن اي حد يخلف طفلين مش مسموحله يخلف تالت واللي يحاول يخلف اكتر يإما يتسجن يإما يجبر زوجته علي الإجهاض وكله طبعا عشان هدف مشروع ونبيل اننا نخف الزحمة

ويبقي شعارهم نحكم عقلنا يعيش نصنا ويموت ويولع بجاز النص التاني بقي مش مهم.

المفروض اصلا نطالب بتنظيم الطرق وعمل حلول مرورية جذرية مش نغلي العربيات عشان الناس متعرفش تشتري عربيات فالطريق يكون كويس ومش زحمة.
المشكلة مش في التعداد السكاني المشكلة في النظام مش اكتر.
والصين عدد سكانها اضعافنا اصلا ومع ذلك معندهمش كمية المشاكل اللي عندنا دي كلها ليه ؟؟؟؟ عشان عندهم نظام وفي ناس بتلتزم بيه مش البطيخ اللي عندنا ده .

كلام تمام
اللى ملاحظة يا بيردى ان الناس اللى معارضة لخفض سعر العربيات هيا الناس التى تمتلك اكثر من سيارة
فكرونى ببيت شعر للامام على ابن ابى طالب قال
يا ايها المعلم غيره
هلا لنفسك كان ذا التعليم

[medo_msmsa]

المبهر والمدهش ان الباشمهندس طارق بيدافع عن اسعار العربيات مع ان شركة ميتسوبيشي "الشركة اللي بيشتغل فيها الباشمهندس" اول لما طرحت اللانسر البومة كان سعرها في الثمانينات ولما غليت وصلت 96 الف على ما اذكر دلوقتي ولما زاد الطلب عليها مهنش علي الشركة تكسب من عدد السيارات المباعة فقط لا دي زودت السعر وبصفة شهرية لحد ما وصل لأكتر من 1200 ألف واقل حاجة فيها ب96 ألف واول اوبشن في الاتو ال 1600 ب108 ألف بالذمة ده حرام ولا لا بس دي تجربة واقعية بتثبت نظرية العرض والطلب
طيب احنا بقى لازم نقلبها ونخلي العرض أكتر من الطلب عشان الاسعار تقل ولا الوكلاء عايزنها تتطبق لما تكون في مصلحتهم بس
كفاية صاحب توكيل ميتوبيشي اللي جايب لمراته مايباخ اللي محدش بيشفها في مصر ابداااااااا
يا سيدي ربنا يزيده بس يبطل وهو واللي زية جشع واكل في شعب اصبح مستهلاكاً ويبحث عن اقل حقوق له وطالما الحكومة غايبة لاسباب مبهمه احنا بقى نشتغل شغلهم كمان هنعمل ايه يعني!!!!!!!!

[shady05]

مع احترامى الشديد لرأى حضرتك , أ حب ان اوضح نقطة هامة جدا..
أنا لا اعلم شئ عن نسبة ربح الوكيل فى العربيات ولكننى على دراية تامة بنسبة ربح شركات الأجهزة المنزلية بحكم عملى لفترة كبيرة فى إحدى اكبر شركات الأجهزة المنزلية بمصر,
تفتكر حضرتك كدة التلفزيون ال 25 و21 بوصة اللى حضرتك بتدفع فية من 1200 إلى 1500 بتكلف كام؟ (مش الماركات الصينى طبعا)
تكلفة التلفزيون لا تتعدى ال500 جنية باى حال من الأحوال, سنة 2004 الشركة التى كنت اعمل بها انتج مليون تلفزيون والرقم دة اكيد زاد فى السنين الاحقة, احسبها بقى كدة وشوف مكسب هذة الشركة من منتج واخد فقط ضمن العشرات من المنتاجات الأخرى.
مثال اخر المكنسة كانت نازلة ب 575 جنية و اقسم لك ان تكلفتها كانت لا تتعدى ال 230 جنية.
اية رايك فى هذة الأرقام؟ طبعا انا لا اتوقع ان تكون ارباح وكلاء و مصانع السيارات بهذة الضخامة ولكنى متاكد من انها كبيرة جدا و الدليل اسعار السيارات فى الخليج و المقابل لها فى مصر.
المصنع يريد الأحتفاظ بنسبة أرباحة مهما كانت الظروف فعند احجام الناس عن الشراء يفكر فى اى حل أخر للمحافظة على ربحة إلا تخفيض الأسعار ومنها تقليل العمالة, المسئول هنا عن تسريح العمالة المصنع وليس المشترى,كلامى هذا على الوضع فى مصر فقط حيث ان لو الوكلاء خفضوا الأسعار لن يكون هناك مشكلة اطلاقا فى عودة الروح الى السوق مرة اخرى.

[نور العمر]

خبر طازه



كلام موظف سابق في وكالة تويوتا بجدة تم تسريحة

وكشف اللعبة كاملة والآن هو في جلسات محاكم مع ممثل عبداللطيف

يقول الجيب الشاص (الاند كروزر) 2009 يكلف الشركة الأم 40 ألف ريال

ويباع على البو جميل بــ 60 ألف ريال وابو جميل يبيعه على الشعب بــ 125 ألف ريال في السعودية ياعني حوالي 200 الف جنية مصري اما العربية دي بتتباع في عندنا في مصر بحوالي 1300000جنية مصري
----------------------------

وأقام ابو جميل عليه شكوى في محاكم جدة وأثناء المحاكمة أثبت فعلاً كلامه

بالفواتير والأدلة وأوراق التخليص الجمركي أن كلامه صحيح

وتم صرف النظر عن القضية والآن ابو جميل مقيم عليه دعوى بأنه

خان الأمانة وأفشى معلومات سرية أثناء عمله في الوكالة تضر المبيعات

يعني حتى وإن نزلت الأسعار 40 % تعتبر كسبانه الشركة وكسبان الوكيل

الجيب يكلف تصنيعه 40 ألف ريال صح يوم كان البترول بــ 60 دولار

والحديد كان سعره أكثر منه الآن صح

الآن خليينا نقول أنه يكلف تصنيعه 40 ألف ريال مع أن البترول بــ 40 دولار

والحديد نازل سعره عالمياً أكثر من 80 %

طيب خلي شركة تويوتا تبيعه بــ 50 ألف ريال على ابو جميل مكسبها يصير 10 آلآف

وأبو جميل خليه يبيعه على الشعب بــ 70 ألف ريال مكسبه 20 ألف ريال
-------------------------------
الآن هل عرفتوا اللعبة الشركات كسبانه والوكلاء كسبانين حتى وأن أنخفضت الأسعار
70 %

والمستهلكين هم من يدفعون المكاسب للأثنين

أصحوا وواصلوا المقاطعة وصدقني ليتنازلولون عن هامشهم الربحي

المرتفع لماذا لأن المستهلك أصبح واعي ومطلع على كل شئ
********************************


منقول
عشان بس أ/ مصراوي جداً يتأكد إن مفيش حد حيفلس
وعشان يعرف لو فرض وإن صاحب اي توكيل سيارات سرب عماله
حيكون وسيلة ضغط لا أكثر ... مش لانه مفلس أو متعسر
اصل احنا عندنا أرخص سلعة هي ( المواطن ) ( مستهلك أو عامل )

ويارب تصدي على طول

[نور العمر]

وده دليل أخر علي نجاح الحملة في السعودية

http://www.facebook.com/photo.php?pi...9&id=695008321

في السعودية

واخد بالك يا أ/ مصراوي جدا

السعودية إللي الاسعار فيها أقل من نصف سعر السيارات في مصر

ودمتم

[m_elsabah]

مش فاضل غير إنهم يسرقو الهوا اللي بنتنفسوا يا أستاذ مصراوي
( خلوها تصدي وموديلها يعدي )

[germansheepard]

أنا لسة بقووووووووووووووووووول
خليها تصدى و ياريت تخرب كمان"بيوت كل واحد جشع بيغتنى على ألام المصريين الشرفاء"
يعنى بانسبة لى الموضوع مش اقتصاد ولا معادلات,دة انتقام ربنا اللى هيعلم كل مصرى يكسب على قده عشان الخسارة الفادحة واردة بيد الله فى أى وقت وبتأكل كل الأرباح السابقة

الرجاء عدم الكتابة باللون الأحمر، حيث انه مخصص لأستخدام الادارة

[Imhotep]

*******************************

انذار للعضو لمخالفة القاعدة رقم 13

مشرف القسم

[karaktar]

********************



سورى فى اللفظ

الرجاء عدم استخدام الفاظ غير مقبولة