حامل لواء التصدي لحملة خلوها تصدي

[Dr_MohSalah]

خــــــــــــــــــــــلــــــــــــــــــــــــــ ـــــوهـــــــــــــــــــــــــــــــا تـــــــــصـــــــــــــــــــــــــــــــــــــــ ـــــــــــــــــــــــــــــــــــدى

[HNaga]

انا رايى ان عمر التوكيلات ماهتوصل لمرحلة خسارة ده لو حصل هيضغطوا على الحكومة تنزل من الجمارك عشان سعر العربيات ينزل
احنا مستهونين بقوة أصحاب التوكيلات والا ايه

وياريت الموضوع يوصل مش لمقاطعة العربيات بس - لكن كمان نقاطع اى حاجة جودة مضروبة طالما اننا بندفع اكثر من اى بلد بسبب الجمارك يبقى اقل حق اننا ناخد منتج بجودة عالية

[Dr.A.Nabil]

بكل بساطة ومن غير رغي كتير

1-الوكلاء استفادوا استفادة مباشرة من الازمة الاقتصادية في استيراد كميات باسعار مخفضة وقطع غيار رخيصة وشحن ارخص.

2- المصنعيين المحلليين (المجمعين المحلليين) استفادوا من خفض اسعار المكونات - الحديد اللي نزل النص - المواد الخام - اسعار نولون الشحن اللي انخفض لحد 90%
وعايزين يبيعو بنفس الاسعار بهدف مضاعفة الارباح.

ولما الناس دي اكتشفت ان المشتري اخد موقف مهتموش لحد اما لقو ان الحكاية جد...
ودلوقتي بيلوا دراع الحكومة بمسالة تسريح العمال
علشان يجبروها علي اغلاق السوق المصري عليهم
فيستفيد الوكلاء والتجار من منع العربيات الخليجي
ويستفيد المصنعيين من خفض الضرائب والرسوم
ويتقفل السوق ويبقي هم والمستهلك في قفص مقفول ميعرفش يفلفص


انما الحكاية من وجهة مظري بسيطة

(((( انا مش حشتري عربية محلي بنفس سعر المستوردة اللي فيها مقومات امان وامكانات اعلي))))
((((انا مش حشتري عربية مستوردة زي المتسوبيشي بسعر اكتر من قيمتها في ظل افتقارها لمقومات الامان وكثير من الامكانات اللي في الخليجي +الجمارك))))

والمشتري فلوسه في جيبه وهو حر


وليا سؤال اخير ليك
انت زعلان ليه من الحمله ؟؟
احنا احرار يا سيدي وزي ما المشتري الامريكي استغني عن السيارة (طبقا لكلامك) بسبب الازمة ليه مستكتر علينا نعمل زيه ما دام احنا كمان اتاثرنا واتشالت حوافزنا واتعثرنا مع البنوك (طبقا لكلامك بردو).

انما لو بتدور علي حل خد عندك:

راجع اسعار متسوبيشي في مصر وهاتلنا مواصفات محترمة زي الخليجي باسعار منافسة 65 الي 80 الف طبقا للموديل وروح اتكلم مع البنوك اللي بتتعامل معاها شركتك تديهلنا بالتقسيط علي 3 سنوات بدون فوائد

وانا اضمنلك ان مخزونك يتباع


لو الحل ده ميناسبكش!!
خلينا احنا نحلها واحنا سواء اتحلت او لا مش مضرورين الحمد لله

كلمة اخيرة

انظر للتوقيع

الله ينور عليك
قول يا جميل واطربنا وسمعنا
وزيد من كلامك الجميل

[karimone]

يا باشمهندس انا مش هاخش معاك في حسابات و اقولك إن التجار بيكسبوا 30% و 50% و لكن لو انت مش عايز المستورديين و المصنعيين يقفلوا...يبقي فهمني الحته اللي جايه
العربيه المتسوبيشي لانسر واقفه في التوكيل و حصلت الازمه العالميه و الين ارتفع و العربيه زي ما قولنا واقفه في المعرض...ايه بقي اللي يخلي العربيه ديه تغلي 8000 جنيه ؟؟؟؟؟؟؟ نفسي افهمها


طبعاً الناس اللي بتبييع العربيات هاتقول مش هاينفع ننزل سعر العربيات دلوقتي عشان احنا استوردنا بالسعر الغالي علي كلامهم ان في احسن الاحوال الاسعار هاتنزل في الشحنات الجديده...طب هما المستورديين اللي في الامارات و السعوديه و الكويت ما هما اشتروا بالغالي برده و رغم كده نزلوا الاسعار مش سبتوها ولا غلوها دول نزلوها

و بعد كده احنا عمالين نحلل في اسباب نزول و عدم نزول اسعار العربيات و تعبيين نفسنا...هو الموضوع بسيط جداً جداً سلعه بتتباع في العالم كله سعرها نزل في كل العالم ليه يعني ماتنزلش عندنا يعني هو احنا عايششين في كوكب تاني

خليهم يبطلوا يبيعوا عربيات و يعملوا مصنع لب احسن

[m000dy]

يعنى بصراحه اول مره فى حياتى من يوم ماتولدت الاقى موقف يفرح فى البلد دى زى موقف التصدى لجشع تجار السيارات
لاول مره مبدأ انا ماليش دعوه بغيرى يحقق نتيجه عكسيه لان كل واحد قال انا الاسعار دى ماتلزمنيش وحتى لو اشترى بيها غيرى فانا مش هاشترى
والاستاذ الفاضل صاحب الموضوع طبعا مفيش اكتر من اللى اتقال واللى انا شايفه اكتر من طاقتك عشان ترد عليه لضعف الحجج اللى حضرتك معتمد عليها ولمخالفة الشواهد اللى الناس شايفينها

وياريت حضرتك تعرف ان الانفجار اللى اتكونت عناصره واوشك على البدء مش بسبب ازمه اقتصاديه لا الازمه دى عنصر اخير وكافى لبدء التفجير
يعنى من زمان والعربيه موديل سنه معينه تلاقى موديل السنه اللى وراها اغلى ب 500 دولار او 900 دولار وان على اوى يبقى الفين تلاته وبينزل بعد كده للمستوى الطبيعى
مثال المازدا الكوبيه فى انجلترا ارتفعت من موديل 2005 لموديل 2007 900 جنيه استرلينى بس
قصاد ايه؟
قصاد تحسين واضح فى الخامات المستخدمه وتغيير التكنولوجيا باخرى مبتكره وليست مسروقه يعنى مصروف عليها عشان تطلع بخلاف مايتكلفه المكن اللى بيصنع من تعديلات واستهلاك طاقه عشان ينتج
والفرق 900 جنيه استرلينى يعنى تقدر تقول انهم بعد التكلفه اللى زادت كسبوا فى العربيه 300 او 400 جنيه استرلينى بس
هنا بقى تعالى للانسر موديل 97 و 98 كانت ب 42 الف على ما اذكر بعدها نزلت المكوه موديل 2001 بحوالى 70 الف بعدها نزلت البومه بحوالى 100 الف وشويه وحاليا الشارك ب 130 الف
يعنى على 2015 اللانسر هاتبقى بنص مليون
ده عقل؟
ده منطق؟
وبعدين لما حضرتك عايزنا نعمل حساب الازمه على الناس دى
هو انت نسيت ان الازمه طالتنا احنا كمان زى مابتقول ان الحوافز اتشالت وناس اتسرحت
ولا هى الازمه ازمتهم همه بس واحنا اللى اغتنينا
اللى يحس بالناس الناس تحس بيه
واللى يدوس على الناس هاييجى عليه يوم وميلاقيش اللى يرحمه
وان كنت عاوزنا نغير شعار الحمله فمفيش مشكله
خليها تخرب وتولع
يعنى خلاص ماهى طول عمرها خربانه على الناس
سيبهم خليهم يفلسوا يمكن الطبقه دى تنضف ويتجدد فيها الدم بقى دول بقوا عاملين زى حكام العرب مابينزلوش من مكانهم لو الشعب كله مات حتى
الموضوع ببساطه ان احنا كمان مش معانا نركب عربيات بالاسعار دى
لان كمان البنزين غالى
وقطع الغيار همه بيبيعوها غالى ومش بيرحمونا بعد البيع
ومالهمش كلمه وكل شويه بسعر وده عدم احترام للناس واللى مايحترمش الناس مايستحقش انهم يتعاملوا معاه
وصدقنى كل واحد منهم معاه فى البنوك اد تمن عربياته اللى راكنها عنده تلت اربع مرات فماتخافش عليهم
خاف على اللى بيحوش كل جنيه عشان يركب عربيه
خاف على اللى الحكومه والتجار والميكانيكيه جايين عليه
خاف على اللى بيدفع فلوس على عربيه عاوز يركبها باضعاف تمنها فى الجمرك وبميات الجنيهات عشان يرخصها وبعشرات وعشرينات الجنيهات عشان يمشى فى الشارع بيها اشى حزام فى شارع شيق ماتعرفش فيه تجيب التانى حتى واشى دباديب معلقه قال
ياباشا
الناس دى لو تستحق العطف كننا عطفنا عليهم لو كانوا قرصوا على الحكومه مش يقوللك اولع فيها ولا ابيعها بجنيه خساره
طب ولع وولع فى عربيات التاجر اللى فى الشارع اللى وراك واللى جنبه واللى جنبه عشان ماتفضلش تبصلها كل شويه وتتحسر عليها وعلى وقفتها جنبك زى البت البايره
ادينى سبب واحد قبل الازمه يخلينا نقف معاهم ولا حتى نرحمهم
دول حتى وهمه مزنوقين بيخربشوا
انا كنت قاعد مع واحد وبيقول ايه اخبار العربيات نزلت ولا لسه زى بره فى اول الازمه قلناله لسه فضحك اوى دخل واحد بالصدفه بيقول اللانسر زادت 10 تلاف باين بعد ما بطل ضحك راح مسخسخ ووقع على الارض من الضحك
هو ده رد الفعل الطبيعى كل مايعلى كل ماهانضحك
وفلوسى فى جيبى ومحدش ليه حاجه عندى ومش هاموت من غير عربيه فى ناس عاشت وماتت ماحطوش رجلهم على تروسكل حتى ومماتوش متحسرين انهم ماركبوش عربيات يعنى
دايما ربنا والرسول يوصونا نصبر والصبر مش لحد شهر واحد ولا لشهر اتنين
لا الصبر لحد ما المراد يتحقق وهايتحقق
عارفين حتى لو مفيش ازمه واحجمتوا عن الشراء بردو الحاجه هاتنزل ده طبع السوق
اما الناس قالولهم فى حديد مستورد نازل السوق ارخص من اللى موجود فى السوق السودا ومحدش كمان عارف يجيبوا الناس امتنعت لحد ماينزل الحديد الجديد عارفين ايه اللى حصل
اولها السوق السودا للحديد اختفت
والحديد نزل من 4200 ل 3700 جنيه
وان صبروا شويه والله هاينزل تانى
انا مش محتاج اتكلم واقول مش هاشترى لانى من جوايا وعن اقتنا ع تام انا مش هاشترى ومعايا فلوس ومش هاشترى ليه؟ عشان السعر مش عاجبنى هاتبررلى بارتفاع مش عارف ايه وقطع غيار بقت مش عارف بكام دى مش مشكلتى انت المصنع وانت المستورد وانت التاجر وانت اللى ليك على الحكومه دلال بفلوسك ومشاريعك وانت اللى تقدر تتصرف عشان توصل لطلباتى وانا مابطلبش مستحيل انا مستهلك مصرى ونزيه ادينى اللى يستحق ادفعلك تمنه تفترى يبقى بين الشارى والبايع يفتح الله

[Dr.A.Nabil]

اى ازمة اقتصادية لها مراحل
هذه اولى المراحل
انخفاض الطلب والقوى الشرائية
الاخ العزيز كاتب المقال
انا محاسب ، وتعاملت مع تجار اعرف جيدا كيف بسعرون بضاعتهم
هامش الربح فى مصر من 30الى 50%
ولكن لا تضرب مثل بالسوبر ماركت
لان معدل دورانه سريع يعنى انه ممكن ينزل نفس المنتج كل عدة ايام يبقى
10% هامش ربح فى 5 مرات بيع فى الشهر = 50%
اما السلع المعمرة تباع مرة فى الشهر او اقل = 50%
هل تعتقد ان شركة مثل جنرال موتورز لم تطلب من الوكيل خفض سعره
اكيد فعلت واكيد هوة رفض ثانياً : لماذ المشترى عليه التضحية بمدخراته ودخله المعرض للانخفاض فى الازمة المالية لكى يساند التاجر والصانع الذى لديه راس مال اكبر منه كثيرا
وبعدين ايه تفسيرك لتوكيلات كتير مبيعاتها عالية لكن ما وسعتش مراكز الخدمة والصيانة
وليه التجار قلقاهم موضوع لوجان المغربية جدا
واللى عايز يعرف التجار قاقانيين اد ايه يدخل على موضوع ( ملخص اجتماع الصناع المنشور فى الجمهورية يوم 8 يناير 2008 )
http://www.nilemotors.net/Nile/showthread.php?t=54135

الله الله
على الكلام الجميل
ايوه كده
جوه الجون
جوووون

[احمد عبدالله]

ياباشاا ما الوكلاء بيجيبوا مثلا من امريكا (الاسعار الى نزلت جدا ) وبيبعوهالنا بنفس السعر او بيغلوا كمان .. انت فاهم قصدى ؟
طبعا محدش قصدوو هنا خسارة الموزع او الوكيل او المعرض ... لمن على الاقل يقللوا هامش الربح شوية زى العالم كلة
لمن لو حملة خلوها تصدى عايزا الناس تخسر يبقى انا مش معاها على الاطلاق وباى شكل من الاشكال

+100000000000

[hogo_9i]

انا لسا مستمرفى المقاطعة خلوها تصدى لانى كلام صاحب الوضوع لم يقنعنى بشىء بل ذت حماس انى استمر وى ابلغ الناس الى ما تعرفش بى المقاطعة .

[mo7a_mo7a]

الله ينور عليك
قول يا جميل واطربنا وسمعنا
وزيد من كلامك الجميل

شكرا جزيلا دكتور احمد علي الاطراء الرائع


وخليها تعفن... مش تصدي بس

[kemoelord]

يعنى بصراحه اول مره فى حياتى من يوم ماتولدت الاقى موقف يفرح فى البلد دى زى موقف التصدى لجشع تجار السيارات
لاول مره مبدأ انا ماليش دعوه بغيرى يحقق نتيجه عكسيه لان كل واحد قال انا الاسعار دى ماتلزمنيش وحتى لو اشترى بيها غيرى فانا مش هاشترى
والاستاذ الفاضل صاحب الموضوع طبعا مفيش اكتر من اللى اتقال واللى انا شايفه اكتر من طاقتك عشان ترد عليه لضعف الحجج اللى حضرتك معتمد عليها ولمخالفة الشواهد اللى الناس شايفينها

وياريت حضرتك تعرف ان الانفجار اللى اتكونت عناصره واوشك على البدء مش بسبب ازمه اقتصاديه لا الازمه دى عنصر اخير وكافى لبدء التفجير
يعنى من زمان والعربيه موديل سنه معينه تلاقى موديل السنه اللى وراها اغلى ب 500 دولار او 900 دولار وان على اوى يبقى الفين تلاته وبينزل بعد كده للمستوى الطبيعى
مثال المازدا الكوبيه فى انجلترا ارتفعت من موديل 2005 لموديل 2007 900 جنيه استرلينى بس
قصاد ايه؟
قصاد تحسين واضح فى الخامات المستخدمه وتغيير التكنولوجيا باخرى مبتكره وليست مسروقه يعنى مصروف عليها عشان تطلع بخلاف مايتكلفه المكن اللى بيصنع من تعديلات واستهلاك طاقه عشان ينتج
والفرق 900 جنيه استرلينى يعنى تقدر تقول انهم بعد التكلفه اللى زادت كسبوا فى العربيه 300 او 400 جنيه استرلينى بس
هنا بقى تعالى للانسر موديل 97 و 98 كانت ب 42 الف على ما اذكر بعدها نزلت المكوه موديل 2001 بحوالى 70 الف بعدها نزلت البومه بحوالى 100 الف وشويه وحاليا الشارك ب 130 الف
يعنى على 2015 اللانسر هاتبقى بنص مليون
ده عقل؟
ده منطق؟
وبعدين لما حضرتك عايزنا نعمل حساب الازمه على الناس دى
هو انت نسيت ان الازمه طالتنا احنا كمان زى مابتقول ان الحوافز اتشالت وناس اتسرحت
ولا هى الازمه ازمتهم همه بس واحنا اللى اغتنينا
اللى يحس بالناس الناس تحس بيه
واللى يدوس على الناس هاييجى عليه يوم وميلاقيش اللى يرحمه
وان كنت عاوزنا نغير شعار الحمله فمفيش مشكله
خليها تخرب وتولع
يعنى خلاص ماهى طول عمرها خربانه على الناس
سيبهم خليهم يفلسوا يمكن الطبقه دى تنضف ويتجدد فيها الدم بقى دول بقوا عاملين زى حكام العرب مابينزلوش من مكانهم لو الشعب كله مات حتى
الموضوع ببساطه ان احنا كمان مش معانا نركب عربيات بالاسعار دى
لان كمان البنزين غالى
وقطع الغيار همه بيبيعوها غالى ومش بيرحمونا بعد البيع
ومالهمش كلمه وكل شويه بسعر وده عدم احترام للناس واللى مايحترمش الناس مايستحقش انهم يتعاملوا معاه
وصدقنى كل واحد منهم معاه فى البنوك اد تمن عربياته اللى راكنها عنده تلت اربع مرات فماتخافش عليهم
خاف على اللى بيحوش كل جنيه عشان يركب عربيه
خاف على اللى الحكومه والتجار والميكانيكيه جايين عليه
خاف على اللى بيدفع فلوس على عربيه عاوز يركبها باضعاف تمنها فى الجمرك وبميات الجنيهات عشان يرخصها وبعشرات وعشرينات الجنيهات عشان يمشى فى الشارع بيها اشى حزام فى شارع شيق ماتعرفش فيه تجيب التانى حتى واشى دباديب معلقه قال
ياباشا
الناس دى لو تستحق العطف كننا عطفنا عليهم لو كانوا قرصوا على الحكومه مش يقوللك اولع فيها ولا ابيعها بجنيه خساره
طب ولع وولع فى عربيات التاجر اللى فى الشارع اللى وراك واللى جنبه واللى جنبه عشان ماتفضلش تبصلها كل شويه وتتحسر عليها وعلى وقفتها جنبك زى البت البايره
ادينى سبب واحد قبل الازمه يخلينا نقف معاهم ولا حتى نرحمهم
دول حتى وهمه مزنوقين بيخربشوا
انا كنت قاعد مع واحد وبيقول ايه اخبار العربيات نزلت ولا لسه زى بره فى اول الازمه قلناله لسه فضحك اوى دخل واحد بالصدفه بيقول اللانسر زادت 10 تلاف باين بعد ما بطل ضحك راح مسخسخ ووقع على الارض من الضحك
هو ده رد الفعل الطبيعى كل مايعلى كل ماهانضحك
وفلوسى فى جيبى ومحدش ليه حاجه عندى ومش هاموت من غير عربيه فى ناس عاشت وماتت ماحطوش رجلهم على تروسكل حتى ومماتوش متحسرين انهم ماركبوش عربيات يعنى
دايما ربنا والرسول يوصونا نصبر والصبر مش لحد شهر واحد ولا لشهر اتنين
لا الصبر لحد ما المراد يتحقق وهايتحقق
عارفين حتى لو مفيش ازمه واحجمتوا عن الشراء بردو الحاجه هاتنزل ده طبع السوق
اما الناس قالولهم فى حديد مستورد نازل السوق ارخص من اللى موجود فى السوق السودا ومحدش كمان عارف يجيبوا الناس امتنعت لحد ماينزل الحديد الجديد عارفين ايه اللى حصل
اولها السوق السودا للحديد اختفت
والحديد نزل من 4200 ل 3700 جنيه
وان صبروا شويه والله هاينزل تانى
انا مش محتاج اتكلم واقول مش هاشترى لانى من جوايا وعن اقتنا ع تام انا مش هاشترى ومعايا فلوس ومش هاشترى ليه؟ عشان السعر مش عاجبنى هاتبررلى بارتفاع مش عارف ايه وقطع غيار بقت مش عارف بكام دى مش مشكلتى انت المصنع وانت المستورد وانت التاجر وانت اللى ليك على الحكومه دلال بفلوسك ومشاريعك وانت اللى تقدر تتصرف عشان توصل لطلباتى وانا مابطلبش مستحيل انا مستهلك مصرى ونزيه ادينى اللى يستحق ادفعلك تمنه تفترى يبقى بين الشارى والبايع يفتح الله

طبعا المفروض الحقيقه ما يتقال كلام بعد الكلام المبهر والمنطقي والصحيح والي ياخد الي قال الكلام ده 1000 من 100 على صوابه

[NaviGator_13]

بالتأكيد كل الوكلاء طالبوا الشركات الأم بتخفيض سعر السيارات لامكانية مواجهة السوق انما ده على الانتاج الجديد اللي هيوصل في الشهور الأولى من 2009 أما المخزون اللي عندهم واللي هو من اواخر 2008 (سواء موديلات 2008 أو 2009) فده بالأسعار العادية القديمة


دا كلامك ياباشمهندس كدا ان المفروض اى عربية 2009 تبقى هحصل فيها تخفيض ونبقى زى اوروبا والدول المتقدمة
ودا يدل على جشع التجار والمستوردين
حاجة واضحة زى الشمس
اما بالنسبة لميتسوبيشى بالذات
ففعلا تمن العربية مغالى جدا جدا جدا
يعنى حرام اشترى عربية 1300 ب 95 الف كتير عليها
المفروض حتى لو فيه ازمة وزى ماحضرتك بتقول فيه مخزون ومش عارف ايه متجيش كل حاجة على (افه) المستهلك
لازم التجار يدوسوا على نفسهم شوية وكفاية اللى كسبوه السنين اللى فاتت
ذنبنا ايه انهم جابوا الالاف العربيات وعندهم مخزوون نشيل احنا غلطتهم ليه

كلمة أخيرة خليهــــــــــــــا تصـــــــــــــــــــــــدى

تنبيه :
ممنوع الكتابة بالاحمر سوى لادارة المنتدى
الادارة

[ouba2]

مع احترامي للاستاز مصراوي جدا
بس خــــــــــــــــــــــلــــــــــــــــــــــــــ ـــــوهـــــــــــــــــــــــــــــــا تـــــــــصـــــــــــــــــــــــــــــــــــــــ ـــــــــــــــــــــــــــــــــــدى

[Karim_Monir]

معلش يا جماعة يمكن تدخلي مايعجبش ناس كتير منكم
لكني معترض
مش معترض على حملتكم او حملة مهندس طارق
لكن على اسلوب الحوار
مفيش مانع اننا نختلف لان اساس المنتديات الحوار والخلاف
لكن بدون الخروج عن الخطوط الاساسية للحوار الراقي
مهندس طارق له وجهة نظر ممكن يكون شايفها بحكم كونة شغال في توكيل من اكبر التوكيلات من مصر
لكن مهندس طارق مالوش علاقة بالمبيعات ولا غيرة
لانه مدير الحاسب الالي يعني جهة فنية خدمية وليس جهة تصنيع او تسويق
عشان كدة مالوش لازمة نتكلم او نجرح في بعض ونذكر اشغال بعض او نذكر بعضنا البعض بما نكره
ارجو الاستمرار ولكن مع زوال حدة الحوار

[karimone]

انا بحترم المهندس/ طارق جداً و اعتراضي علي وجهة نظره مش عليه هو شخصياً طبعاً و بعتذرله بالنيابة عن اي حد اساء لشخصه

[Samir Elshahawy]

أستاذي العزيز / كريم منير
أستاذ / طارق

بالرغم من أعتراضي طبعا علي حملتك المضادة لكني أعترف بأن هذا حقك الطبيعي فليس من المعقول أن تجد الجميع مجتمعون علي شئ واحد فلابد من معترضين و معارضين هذه هي الديمقراطية الحقة

أخواني الكرام ..
يكفي كل ماقيل و لكل طرف وجهة نظره التي يتمسك بها و يدافع عنها لكن .. لابد أن نستفيد من أي حملة مضادة و أي نقد يوجه لحملتنا تلك كي نصحح من أخطائنا و نعيد حساباتنا كي نكمل المشوار معا

شكرا لك يا أستاذ طارق علي نقدك لحملة " خلوها تصدي " حيث أظهر تصديك لها مدي ترابط و تماسك أعضائها و أستماتتهم في الدفاع عنها و تمسكهم بها و أود أن أطرح الان فكرة جديدة لدعم هذه الحملة و توسيعها الا وهي :

أن تبدأ مجموعة منا في زيارة التوكيلات المعنية بالمقاطعة و الحوار معهم من اجل أقناعهم أن الحملة مستمرة ضدهم مالم يخفضوا من أسعارهم و يحسنوا من منتجاتهم و لنصل معهم الي حل يرضي الجميع أما أذا لم يقتنعوا فلتستمر الحملة ليحل "الخراب" بدلا من "الصدا" كما قال صاحب الموضوع