تعديلات داخلية لمحرك فيات 128 1300

[Haytham4ever]

السلام عليكم
عربيتي 128 الشكل القديم و كنت مسقط لها موتور 1300
كانت تحفة بصراحة اول ما ركبته بالفتيس
كنت بجيب 150 بكل سهولة
هو الموتور كان مكتوب عليه ريتمو بقلم دوكو
و تقريبا برضه 75 حصان
هو كربراتير اتنين باب و الشكمان بمسورتين و اسبراتير اتوماتيك

دلوقتي بقى جاب اخره و كنت ناوي اعمره
فقلت اعدل فيه شوية

ينفع اخليه 1500 او اكتر ؟
لاقيت ان المفروض ان قطر البستم كبير - 86مم مش 80 زي ال1100 - و المشوار بتاع البستم هو اللي قصير فمش عارف ينفع اكبر البستم في القطر اكتر من كده .. لكن ممكن اطول المشوار بتغير الكرنك بكرنك يكون بيشد البستم لتحت اكتر فبالتالي المشوار هيطول و لما يجي البستم يطلع المفروض هيطلع زيادة عن مستوى البستم القديم .. يبقى الحل بستم اقصر من القديم و بكده المشوار هيطول اكتر كمان .. مش عارف بقى في هنا في مصر كرنك و بستم ينفع لكده ولا لأ

فكرت كمان في تكبير الصبابات
لاقيت ان تكبير صبابات البنزين هو اللي بيأثر في سحب الموتور
بس الموضوع مش مجرد تكبير صباب و بس .. ده الاهم توسيع مجاري الهوا في وش السلندر و مش كده و بس ده لازم كمان نقلل العوائق و الانحانات في المجاري عشان سريان الهوا يكون سلس
فالموضوع كبير ... لكنه متاح انما المشكلة في اللي ممكن ينفذ .. خراط محترف

في تعديل تاني عايز اعمله و مش عارف هيفرق ولا لأ
الشكمان كنت ناوي اعمله هيدر .. بيفرق كتير؟؟
و بعدين فكرت اني بدل الهيدر آخد من آخر المشترك المفروض انهم ماسورتين و بيعدين بيضموا في ماسورة واحدة لآخر الشكمان
انا كنت عايز اخليه ماسورتين من عند المشترك لحد الآخر
عندي بتاع شكمانات معلم عايز اعمل عنده الموضوع ده انما لو الهيدر افضل اعمله و ممكن اعمل معاه كمان موضوع الماسورتين لحد الآخر برضه

لاقيت برضه تعديلات في ضبط التاكيهات و ده تقريبا اللي بتعمله الكامات الاسبور
لما صباب البنزين يقفل بدري بيزود الضغط الناتج في غرفة الاحتراق
و لما صباب العادم يفتح متأخر بيخليك تاخد كل القوة الضاغطة الناتجة عن الاحتراق

ايه رايكم في الكلام ده
عملي و يمكن تنفيذه ولا لأ
في انتظار ارائكم

انا كنت هبعت لوحد على موقع Turbo 124 اسمه fiatfactory
الراجل ده حاسس انه بيفهم في الفيات اكتر من شركة فيات نفسها
فظيع بجد .. يعني واحده مصري مره ساله عايز يخلي موتور 128 1300 او 1500 مش فاكر يطلع 100 حصان
قعد عمل حسابات كتير و توصل لاكتر من 100 حصان باستخدام قطع غيار لمواتير فيات مش قطع غيار معدلة
بس انا قلت اشوف ارائكم ايه الاول

و جزاكم الله خيراً
و السلام عليكم

[boamengo]

متـابـع

[yuyu0000yuyu]

متااااااااااااااااااااابع بس لو حوارك ده نجح يبقى اول ما موتورى يتعب هعمله لانى لسي مسقطه من حوالى شهرين

[HotRide]

طب ليه كل ده متسقط موتور الريجاتا 1600 2 كامه و هديك 100 حصان ؟؟

بوص عامه الفيات القديم كل مواتير مشوار البستم قصير وديه ميزه انه بيقدر يطلع عزم كويس و عشان كده تلاقي عربيه 70 حصان بس اول تاني طلقه و تشد مع ناس 100 و 120 حصان !

عامه انا كنت موسع صبابات في ريجاتا فكيت الوش و عملته عند واحد في المنيب و مش فاكر جبت طقم صباب بتاع 132 2000 و لا ايه اصل كلام ده من 4 سنين بس هو حاجه كده و اديت سحب رهيييييييييييييييب بس بتاكل بنزين واتظبط حوار البنزين لما جبت كاربتير التيبو ده جامد جدا وفر بنزين و مفهوش ظبط كهربا هو بيتوصل مع كنتاكت و يظبط نفسه بنفسه

بص وسع صبابات و عمر عمره صح و هات طقم صباب حاجه اسمها for 128 rally edition
كنت مركبه عندي في ريجاتا



وكاربتير الي بقوللك عليه و الهيدر مش هيفيدك و كمان مش هينفع عشان المكان ديق و الانتاك و الاكسوهوت نفس الاتجاه من الوش
وسع من اول الوصله لحد الاخر

[kaza]

السلام عليكم
عربيتي 128 الشكل القديم و كنت مسقط لها موتور 1300
كانت تحفة بصراحة اول ما ركبته بالفتيس
كنت بجيب 150 بكل سهولة
هو الموتور كان مكتوب عليه ريتمو بقلم دوكو
و تقريبا برضه 75 حصان
هو كربراتير اتنين باب و الشكمان بمسورتين و اسبراتير اتوماتيك

دلوقتي بقى جاب اخره و كنت ناوي اعمره
فقلت اعدل فيه شوية

ينفع اخليه 1500 او اكتر ؟
لاقيت ان المفروض ان قطر البستم كبير - 86مم مش 80 زي ال1100 - و المشوار بتاع البستم هو اللي قصير فمش عارف ينفع اكبر البستم في القطر اكتر من كده .. لكن ممكن اطول المشوار بتغير الكرنك بكرنك يكون بيشد البستم لتحت اكتر فبالتالي المشوار هيطول و لما يجي البستم يطلع المفروض هيطلع زيادة عن مستوى البستم القديم .. يبقى الحل بستم اقصر من القديم و بكده المشوار هيطول اكتر كمان .. مش عارف بقى في هنا في مصر كرنك و بستم ينفع لكده ولا لأ

فكرت كمان في تكبير الصبابات
لاقيت ان تكبير صبابات البنزين هو اللي بيأثر في سحب الموتور
بس الموضوع مش مجرد تكبير صباب و بس .. ده الاهم توسيع مجاري الهوا في وش السلندر و مش كده و بس ده لازم كمان نقلل العوائق و الانحانات في المجاري عشان سريان الهوا يكون سلس
فالموضوع كبير ... لكنه متاح انما المشكلة في اللي ممكن ينفذ .. خراط محترف

في تعديل تاني عايز اعمله و مش عارف هيفرق ولا لأ
الشكمان كنت ناوي اعمله هيدر .. بيفرق كتير؟؟
و بعدين فكرت اني بدل الهيدر آخد من آخر المشترك المفروض انهم ماسورتين و بيعدين بيضموا في ماسورة واحدة لآخر الشكمان
انا كنت عايز اخليه ماسورتين من عند المشترك لحد الآخر
عندي بتاع شكمانات معلم عايز اعمل عنده الموضوع ده انما لو الهيدر افضل اعمله و ممكن اعمل معاه كمان موضوع الماسورتين لحد الآخر برضه

لاقيت برضه تعديلات في ضبط التاكيهات و ده تقريبا اللي بتعمله الكامات الاسبور
لما صباب البنزين يقفل بدري بيزود الضغط الناتج في غرفة الاحتراق
و لما صباب العادم يفتح متأخر بيخليك تاخد كل القوة الضاغطة الناتجة عن الاحتراق

ايه رايكم في الكلام ده
عملي و يمكن تنفيذه ولا لأ
في انتظار ارائكم

انا كنت هبعت لوحد على موقع turbo 124 اسمه fiatfactory
الراجل ده حاسس انه بيفهم في الفيات اكتر من شركة فيات نفسها
فظيع بجد .. يعني واحده مصري مره ساله عايز يخلي موتور 128 1300 او 1500 مش فاكر يطلع 100 حصان
قعد عمل حسابات كتير و توصل لاكتر من 100 حصان باستخدام قطع غيار لمواتير فيات مش قطع غيار معدلة
بس انا قلت اشوف ارائكم ايه الاول

و جزاكم الله خيراً
و السلام عليكم

يعني اية الكلام دة ومين اللي بيقولة ياريت توضح مصدر الكلام دة لانة بيخالف كل اللي درستة واعرفة

[kaza]

عامه انا كنت موسع صبابات في ريجاتا فكيت الوش و عملته عند واحد في المنيب و مش فاكر جبت طقم صباب بتاع 132 2000 و لا ايه اصل كلام ده من 4 سنين بس هو حاجه كده و اديت سحب رهيييييييييييييييب بس بتاكل بنزين واتظبط حوار البنزين لما جبت كاربتير التيبو ده جامد جدا وفر بنزين و مفهوش ظبط كهربا هو بيتوصل مع كنتاكت و يظبط نفسه بنفسه

بص وسع صبابات و عمر عمره صح و هات طقم صباب حاجه اسمها for 128 rally edition
كنت مركبه عندي في ريجاتا
يعني ركبت صبابات 28 ولا 132 ولو بتاعة موتور ال2000 ال2كامة ركبت علي غرف احتراق موتور الريجاتا ذو الكامة الواحدة ازاي لان علي قدر علمي شكل غرفة الاحتراق هرمي في 32 وبالتالي ممكن اكبر الصبابات لكن في الريجاتا الصبابات جنب بعض ومش حاقدر اركب صبابات اكبر ياريت تشرح لاخوك الجهبز اللي عمل التعديل دة عملة ازاي لان حتي قسم الراليات في فيات ولانشيا والفرع الرياضي ابارت معملوش التعديل دة ..ياريت تشرح

[HotRide]

عامه انا كنت موسع صبابات في ريجاتا فكيت الوش و عملته عند واحد في المنيب و مش فاكر جبت طقم صباب بتاع 132 2000 و لا ايه اصل كلام ده من 4 سنين بس هو حاجه كده و اديت سحب رهيييييييييييييييب بس بتاكل بنزين واتظبط حوار البنزين لما جبت كاربتير التيبو ده جامد جدا وفر بنزين و مفهوش ظبط كهربا هو بيتوصل مع كنتاكت و يظبط نفسه بنفسه

بص وسع صبابات و عمر عمره صح و هات طقم صباب حاجه اسمها for 128 rally edition
كنت مركبه عندي في ريجاتا
يعني ركبت صبابات 28 ولا 132 ولو بتاعة موتور ال2000 ال2كامة ركبت علي غرف احتراق موتور الريجاتا ذو الكامة الواحدة ازاي لان علي قدر علمي شكل غرفة الاحتراق هرمي في 32 وبالتالي ممكن اكبر الصبابات لكن في الريجاتا الصبابات جنب بعض ومش حاقدر اركب صبابات اكبر ياريت تشرح لاخوك الجهبز اللي عمل التعديل دة عملة ازاي لان حتي قسم الراليات في فيات ولانشيا والفرع الرياضي ابارت معملوش التعديل دة ..ياريت تشرح

انا مش فاكر صباب ايه انا كتبت كده عشان كلام ده من 4 سنبن و طول فتره ديه تعديلات مش فاكر والله بس هو لو راح لحد متخصص هيقدر يوفق له
و اقولك حاجه و اريحك......يا عم انا راجل كداب و بحور عليكم و بعمل نمره و انا لكان معايا ريجاتا و لا ظبطتها و انا اسف اني حكيت تجربه شخصيه عملتها عندي

[kaza]

انا مش فاكر صباب ايه انا كتبت كده عشان كلام ده من 4 سنبن و طول فتره ديه تعديلات مش فاكر والله بس هو لو راح لحد متخصص هيقدر يوفق له
و اقولك حاجه و اريحك......يا عم انا راجل كداب و بحور عليكم و بعمل نمره و انا لكان معايا ريجاتا و لا ظبطتها و انا اسف اني حكيت تجربه شخصيه عملتها عندي

السلام عليكم انا مش باكدبك او باسفه كلامك بالعكس انا كنت عايز اعرف اتعمل ازاي ولو فية فكر جديد يبقي اتغلبنا علي الطليان ودي حاجة تشرفني وتشرف بلدي بس محور كلامي ان شكل غرفة الحريق في مواتير الريجاتا ال1500 و1600 ذو الكامة الواحدة بيبقي ما يطلق عليه هندسيا الوتد المستدق وبيكون بشكل مثلت غير متساوي الاضلاع ودي غرفة حريق كويسة نظرا لانها بتجبر الشحنة علي الحرق بشكل متتالي بدةن دومات داخلية ينتج عنها حريق منتظم وتقدم في اتجاه واحد للشرارة وبالتالي نعومة في الاداء واستهلاك وقود متدني بس يعيبها صعوبة التعديلنظرا اوجود صمامي الحر والعادم متجاورين وبفاصل ضيق لايزيد عن 2:3مم وبالتالي يصعب اني اركب صبابات بقطر اكبر لو عايز اعدل وبينحصر التعديل في توسيع وصقل مجاري الهواء وتقليل طول الدليل الخاص بصباب الحر البارز في مجري الهواء وبرضة باغير المادة المصنوع منها بدلا من الصلب الطري بيبقي سبيكة البرونز لتجنب تكسرة وبابداء اغير في زارية شفة الصباب بدلا من 30 درجة بيبقي 30 علي الحرف و45 كل ما اقرب لساق الصمام وبانحف الساق بمعدل الالخمس علشان احافظ علي جساءة الساق والموضوع دة بيعملة مهندسين متخصصين في ايطاليا مش مجرد عامل ماهر بيقوم بية وخلاص والمحرك بعد التعديل بيخش علي ديناموميتر وبيقاس مدي جدوي التعديل قبل ما يعتمد وبتبقي دوشة وابحات بالساعات وكم مواتير بيتلف ويتم تدارك الاخطاء لغاية ما يوصلو للنتيجة والكلام اللي قلتة
ومن النقطة دي حبيت استفهم بس لكن ماكنتش اقصد اني احرجك او شيئ من هذا القبيل وياسيدي ربنا يباركلك في الريجاتا ويرزقك باللي احسن منها

[bassem.naguib]

أعتقد أن فيه حاجة في التعديل ده تم نسيانها (إن صحت تلك التعديلات وأنا مبشككش فيها ولا أعرف مدى صحتها) وهي فتحات تبريد المياه في بلوك الموتور .. هل حتفضل بنفس المقاسات؟! وهل حيكون فيه مساحة أنها توسع .. ولا أعتقد أننا لو ركبنا ردياتير أكبر أو بمواصفات أخرى حيقدر يعوض السخونة الناتجة عن التعديل بالمقارنة بالحالة الأصلية للموتور .

اللي عاوز أقوله أن التعديل لازم يكون في كل منظومة الموتور (سواء كانت ميكانيكية أو في دورة التبريد أو التغذية بالكهرباء) علشان تكون متناغمة مع بعضها .. مش بزود في قدرة حاجة مع عدم الوضع في الاعتبار المكونات التانية .

[omar128]

كنت عايز اسئل المهندس خالد سؤال.
هوا انا منزل ماتور 1500 لانشيا على ال 128 و كنت عايز اعمل تربو
هل دا هايحتاج تعديل للماتور ولا اركب وخلاص.
و عايز اعرف اجيب التربو المناسب للماتور منين؟

فكرب لية فلتربو ؟
لما ببقى على طريق سريع الacceleration بتاع الماتور من فوق ال 100 مش حلو خالص و عشان اوصل لل 140 مثلا بتاخد وقت.

[misoalex]

لو حضرتك معاك فلوس مستغنى عنها جرب واعمل الكلام ده والنتيجه طبعا مش مضمونه

لو عاوز تحط فلوسك فى حاجه مضمونه يبقى تغير المكنه واشترى دماغك دى كلها ب 2000 جنيه
التعديلات اللى انت بتتكلم فيها ممكن تتكلف اكتر من كده ومش مضمونه

[keko]

كنت قريت على الويكى ان مواتير الفيات سهل توفيق اجزائها الداخلية جدا وتغيير الاداء لحد ضعف الاحصنة الاصلية بس طبعا مفهمش فى الفنيات واهم حاجة لو هاتعمل كده يكون معاك ميكانيكى محترم وفاهم ولما يقابله حاجة مش فاهمها ميعملش فيها دكتور
بس بصراحة انت معاك عربية تقبل تسقيط مواتير كتير جدا عادى وتربو و عزم وهمى مش لازم تفتح فاتوحة متعرفش هاتصرف كام

[misoalex]

كنت قريت على الويكى ان مواتير الفيات سهل توفيق اجزائها الداخلية جدا وتغيير الاداء لحد ضعف الاحصنة الاصلية بس طبعا مفهمش فى الفنيات واهم حاجة لو هاتعمل كده يكون معاك ميكانيكى محترم وفاهم ولما يقابله حاجة مش فاهمها ميعملش فيها دكتور
بس بصراحة انت معاك عربية تقبل تسقيط مواتير كتير جدا عادى وتربو و عزم وهمى مش لازم تفتح فاتوحة متعرفش هاتصرف كام

ده اللى انا بقوله ليه ناخد من كل فيلم اغنيه والله اعلم النتيجه ايه

متبصش للهورس باور بس بص لابعد من كده يعنى الحراره بتاعه الموتور والتبريد
والحراره على السرعات العاليه

غير اعمل حساب اى غلطه ممكن تحصل حيكون النتيجه كارثه لان الموتور لو حاجه جوه اتكسره وقفش وانت ماشى على سرعه عاليه او متوسطه معناه مصيبه لا قدر الله

رأى تبيع الموتور اللى عندك وتسقط مكنه اكبر لو عاوز اداء اكبر

لكن لو عاوز اداء احسن بحاجات صغيره يبقى تعدل المكنه اللى عندك فى حاجات بسيطه
تعملها عمره صح وممكن توسع الشمايز والبساتم وتجيب كربراتير اكبر من اللى عندك وفلتر اسبور وتعدل نظام الكهربا لالكترونى وموبينه الكترونى
ونظام العادم كمان تعدله
كل دى حاجات مفيش منها اى خطر وكلها حاجات متجربه وتزود الهورس باور من 5 الى 20 حصان حسب الموتور

وكمان ممكن تجيب فلام اخف من اللى عندك حيزود التسارع معاك

[kaza]

أعتقد أن فيه حاجة في التعديل ده تم نسيانها (إن صحت تلك التعديلات وأنا مبشككش فيها ولا أعرف مدى صحتها) وهي فتحات تبريد المياه في بلوك الموتور .. هل حتفضل بنفس المقاسات؟! وهل حيكون فيه مساحة أنها توسع .. ولا أعتقد أننا لو ركبنا ردياتير أكبر أو بمواصفات أخرى حيقدر يعوض السخونة الناتجة عن التعديل بالمقارنة بالحالة الأصلية للموتور .

اللي عاوز أقوله أن التعديل لازم يكون في كل منظومة الموتور (سواء كانت ميكانيكية أو في دورة التبريد أو التغذية بالكهرباء) علشان تكون متناغمة مع بعضها .. مش بزود في قدرة حاجة مع عدم الوضع في الاعتبار المكونات التانية .

عينيا ياسيدي وحارد علي سؤالك ..طبعا موضوع التبريد بيتحط في الاعتبار بس مش بادخل علي تصميم شبكة التبريد في البلوك او وش السلندر انما بيكون رفع كفائة التبريد منصب بشكل اكبر علي دورة التزيت ودة بيتم باني باركب ياما مبادل حراري بفلانشة مكان فلتر الزيت مباشرة او عن طريق سربنتينة (ردرياتير) وترموستات وقاعدة للفاتر تسمح بخروج الزيت خارج المحرك للتبريد والعودة وبرضة دورة التبريد بالسائل مهمة في الحفاظ علي حرارة تشغيل مناسبة للمحرك ودي بتتم عن طريق التجهيز بمبرد اضافي او اكبر من القياسي او تغيير مكان المبرد وزاوية مقابلتة للهواء وكمان فيه ناس بتتطرف في التعديل لغاية البتجهيز بطلمبة مياة كهربائية متغيرة السرعات طبقا للحمل الواقع علي المحرك
وبالنسبة لحتة ان الردرياتير الاكبر مش هيعوض السخونة اطمنك باني وعن تجربة شخصية في اول مشوار التعديل واول مرة اركب تربو كان علي محرك اوبل مانتا ار اس 200 موديل 78 وحقيقي مؤشر الحرارة كان بيزيد زي مؤشر اللفات لما باقرص علي العربية ومع محاولات التبريد وصلت اني ركبت مبرد تفصيل مساو لعرض العربية من الامام لدرجة اني شيلت الفوانيس الامامية وركبت مروحتين كهرباء بالاضافة للميكانيكية ولم افلح في خفض الحرارة حتي باستخدام 8رشاشات مياة بخزان منفصل والشئ الوحيد اللي خفض الحرارة كان مبرد زيت لعربية ايواز كهنة من شارع الجسر كان وقتها ب20 جنية وشوية خراطيم مكبوسة عمولة وفلانشة مباشرة تحت الفلتر والحمد لله فضلت معايا 6سنين لغاية مراتي ما قالتلي يانا ياالعربية دى واكيد انت توصلت للنتيجة

[bassem.naguib]

عينيا ياسيدي وحارد علي سؤالك ..طبعا موضوع التبريد بيتحط في الاعتبار بس مش بادخل علي تصميم شبكة التبريد في البلوك او وش السلندر انما بيكون رفع كفائة التبريد منصب بشكل اكبر علي دورة التزيت ودة بيتم باني باركب ياما مبادل حراري بفلانشة مكان فلتر الزيت مباشرة او عن طريق سربنتينة (ردرياتير) وترموستات وقاعدة للفاتر تسمح بخروج الزيت خارج المحرك للتبريد والعودة وبرضة دورة التبريد بالسائل مهمة في الحفاظ علي حرارة تشغيل مناسبة للمحرك ودي بتتم عن طريق التجهيز بمبرد اضافي او اكبر من القياسي او تغيير مكان المبرد وزاوية مقابلتة للهواء وكمان فيه ناس بتتطرف في التعديل لغاية البتجهيز بطلمبة مياة كهربائية متغيرة السرعات طبقا للحمل الواقع علي المحرك
وبالنسبة لحتة ان الردرياتير الاكبر مش هيعوض السخونة اطمنك باني وعن تجربة شخصية في اول مشوار التعديل واول مرة اركب تربو كان علي محرك اوبل مانتا ار اس 200 موديل 78 وحقيقي مؤشر الحرارة كان بيزيد زي مؤشر اللفات لما باقرص علي العربية ومع محاولات التبريد وصلت اني ركبت مبرد تفصيل مساو لعرض العربية من الامام لدرجة اني شيلت الفوانيس الامامية (معنى كدة أنك مكنتش بتعرف تمشي بيها بالليل؟!!) وركبت مروحتين كهرباء بالاضافة للميكانيكية ولم افلح في خفض الحرارة حتي باستخدام 8رشاشات مياة بخزان منفصل والشئ الوحيد اللي خفض الحرارة كان مبرد زيت لعربية ايواز كهنة من شارع الجسر كان وقتها ب20 جنية وشوية خراطيم مكبوسة عمولة وفلانشة مباشرة تحت الفلتر (أيه اللي حضرتك تقصده بالفلانشة اللي تحت الفلتر ؟!!) والحمد لله فضلت معايا 6سنين لغاية مراتي ما قالتلي يانا ياالعربية دى واكيد انت توصلت للنتيجة عندها حق والله وكويس أنك مطلعتش بخساير بعد التهديد ده وأثرت السلامة بنفسك ... ههههههههههه

أستأذن حضرتك في توضيح الحاجات اللي تحتها خط .. حيث أني لست مهندس ميكانيكا وخصوصاً موضوع الفلانشة ده شكلها عامل ازاي وبتركب ازاي ؟! .

دي حاجة .. الحاجة التانية بقى سؤال بره الموضوع بمناسبة ارتفاع الحرارة .. وهي أني كنت مسقط موتور 1300 بالفتيس (5 غيار) .. ومغيرتش الشكمان .. وكنت فاكر أنه السبب في ارتفاع الحرارة في المشاوير الطوالي (السفر على سرعات عاليه لمسافة طويلة) بالرغم من أنه من المفروض الهواء يبرد العربية كلما زادت السرعة .
ملحوظة : كهربة العربية على طول بظبطها زياده سنة بسيطة علشان سحب العربية (بس مش لدرجة أنها تسقف وتعمل مشاكل) + الردياتير سالك ودورة التبريد تمام وحاطط مية خضراء + بتاع الشكمانات قالي أن الشكمان سالك والقطر بتاعه مناسب للعربية ومش محتاج أغير الشكمان ولا علبة من العلب بتاعته على الرغم من أن العلبة الوسطانية بتاعة العربية الأصلية 1100 اللي هي أصغر شوية من علبة الشكمان الـ 1300 ومش حتفرق (من وجة نظره) .