تعديلات داخلية لمحرك فيات 128 1300

[kaza]

[size="5"][color="darkorange"]
طيب ايه رأى حضرتك فى كربراتير الريجاتا 2 باب هل حيحتاج تعديلات كتير عندى عشان يركب

وكربراتير الشاهين ال 2 باب استعمال ممكن يعمل كام التعديل ده
واسبراتير الشاهين الالكترونى بالموبينه بتاعته ممكن يعمل كام برضه وهل ححتاج اعدل فى حاجه عندى عشان اركبه


معلش اسئلتى كتير
لا ولا كتير ولا حاجة وانا تحت امرك.. طبعا كربراتير الريجاتا ممتاز هيركب عادي بس هتغير المنيفلود باخر خاص بريجاتا بس لية انا قلت الشاهين؟..اقولك ان اكنولوجيا التصنيع احدث وبالتالي تصميم الكربراتير بيتيح خلط وتذرية افضل للبنزين مع الهواء وبالتالي قدرة اعلي وعادم اقل واستهلاك وقود اقل وهو مش غالي هتلاقية في عزبة شلبي في حدود250 جنية وبالمناسبة هو نفسة للتمبرا او التيبو ال1400
اما الاسبراتير الاليكتروني بالبوبينة فهيكون في حدود ال250 او 300 بالكتير وتجرب وتتاكد انة شغال
وربنا يعينك واضح انك مشاكس وعايز تعدل حاجات كتير بس اطمنك ان دي حاجة كويسة وبتنم عن عقل منفتح

[misoalex]

[size="5"][color="darkorange"]
طيب ايه رأى حضرتك فى كربراتير الريجاتا 2 باب هل حيحتاج تعديلات كتير عندى عشان يركب

وكربراتير الشاهين ال 2 باب استعمال ممكن يعمل كام التعديل ده
واسبراتير الشاهين الالكترونى بالموبينه بتاعته ممكن يعمل كام برضه وهل ححتاج اعدل فى حاجه عندى عشان اركبه


معلش اسئلتى كتير
لا ولا كتير ولا حاجة وانا تحت امرك.. طبعا كربراتير الريجاتا ممتاز هيركب عادي بس هتغير المنيفلود باخر خاص بريجاتا بس لية انا قلت الشاهين؟..اقولك ان اكنولوجيا التصنيع احدث وبالتالي تصميم الكربراتير بيتيح خلط وتذرية افضل للبنزين مع الهواء وبالتالي قدرة اعلي وعادم اقل واستهلاك وقود اقل وهو مش غالي هتلاقية في عزبة شلبي في حدود250 جنية وبالمناسبة هو نفسة للتمبرا او التيبو ال1400
اما الاسبراتير الاليكتروني بالبوبينة فهيكون في حدود ال250 او 300 بالكتير وتجرب وتتاكد انة شغال
وربنا يعينك واضح انك مشاكس وعايز تعدل حاجات كتير بس اطمنك ان دي حاجة كويسة وبتنم عن عقل منفتح

ربنا يخليك يا بشمهندس دى شهاده اعتز بيها
وانا فعلا عدلت حاجات كتير فى الشكل الخارجى والداخلى للعربيه بنفسى وبأيدى بحاجات صغيره جدااا وطبعا عشان بأيدى فوفرت كتير فى التكلفه

بالنسبه للتعديلات الميكانيكيه انا عشان تخصصى اليكترونيات يعنى بعيد عن الميكانيكا شويه بس بحب اشتغل فيها بأيدى برضه وبحاول افهمها على اد ما اقدر

وانا لو عليا عاوز اخللى العربيه طياره هههههههههههههههههه

شكرا على المعلومات وكده يبقى الشاهين افضل ولو بيركب على التيمبرا يبقى اكيد افضل كمان
كده انا حجيب كربراتير الشاهين فققققققط مش حجيب حاجه معاه كمان ولا وانا بشترى اجيب حاجه معينه معاه عشان ينفع يركب عندى

شكرا ليك جدا جدا جدا

[kaza]

كده انا حجيب كربراتير الشاهين فققققققط مش حجيب حاجه معاه كمان ولا وانا بشترى اجيب حاجه معينه معاه عشان ينفع يركب عندى
لا مفيش حاجة غير علبة الكات اوف بتاعة البيك الكهربا ودي معولة علشان التوفير في الوقود وعملها قطع دورة البنزين في حالة رفع القدم عن دواسة البنزين واستعادة الفتح لما المحرك بيقل عدد افاتة عن 1000 لفة اة انك تدوس بنزين تاني
ربنا يوفقك

[misoalex]

كده انا حجيب كربراتير الشاهين فققققققط مش حجيب حاجه معاه كمان ولا وانا بشترى اجيب حاجه معينه معاه عشان ينفع يركب عندى
لا مفيش حاجة غير علبة الكات اوف بتاعة البيك الكهربا ودي معولة علشان التوفير في الوقود وعملها قطع دورة البنزين في حالة رفع القدم عن دواسة البنزين واستعادة الفتح لما المحرك بيقل عدد افاتة عن 1000 لفة اة انك تدوس بنزين تاني
ربنا يوفقك

شكرا جداااااا على المعلومات

[omar128]

طيب بالنسبة للتربو انا عندى واحد صاحبى برة مصر فى انجلترا و كنت عاوز اءولو على نوع تربو يجبهولى بس مش عارف اية هوا النوع اللى يركب عالموتور عندى
الماتور لانشيا 1500 سس

[yuyu0000yuyu]

كده انا حجيب كربراتير الشاهين فققققققط مش حجيب حاجه معاه كمان ولا وانا بشترى اجيب حاجه معينه معاه عشان ينفع يركب عندى
لا مفيش حاجة غير علبة الكات اوف بتاعة البيك الكهربا ودي معولة علشان التوفير في الوقود وعملها قطع دورة البنزين في حالة رفع القدم عن دواسة البنزين واستعادة الفتح لما المحرك بيقل عدد افاتة عن 1000 لفة اة انك تدوس بنزين تاني
ربنا يوفقك

لو سمحتلى انى اتدخل فى الموضوع انا معايه موتور 1.3 لسى مسقطه وعاوز كرباتير الشاهين الكهربا اجيبه هكون افضل من الى عندى الى هو العادى بتاع ال128 وهلى هيكون موفر فى البنزين وطبعن السحب والجري دى اهم حاجه وسعره بالمانيفول والكات اوف بتاع البيك الكهرباء

[misoalex]

لو سمحتلى انى اتدخل فى الموضوع انا معايه موتور 1.3 لسى مسقطه وعاوز كرباتير الشاهين الكهربا اجيبه هكون افضل من الى عندى الى هو العادى بتاع ال128 وهلى هيكون موفر فى البنزين وطبعن السحب والجري دى اهم حاجه وسعره بالمانيفول والكات اوف بتاع البيك الكهرباء

طيب وضح نوع الموتور اللى عندك عشان يقدر يحدد ايه اللى يمشى معاه كويس
يعنى 1300 لانشيا
ولا ريجاتا
ولا فيات 128
كده يعنى عشان كل موتور داخليا يفرق حاجات صغيره فنيه عن التانى

[kaza]

طيب بالنسبة للتربو انا عندى واحد صاحبى برة مصر فى انجلترا و كنت عاوز اءولو على نوع تربو يجبهولى بس مش عارف اية هوا النوع اللى يركب عالموتور عندى
الماتور لانشيا 1500 سس

تجهيز التربو وبعيدا عن الاجتهادات يستوجب وجود دورة لتبريد الزيت بمستوي جيد جدا وباخص بجيد وجود رشاشات للزيت موجهه لرش الزيت علي تجويف المكابس الداخلي لتبريدة لان عدم وجود الرشاشت دي بيعمل علي ارتفاع حرارة المكبس وبالتالي تمدده وبالتالي يتلف الشنابر ويتسبب في قفش المحرك واعوجاج البيلات والحتة دي مهمة جدا وبالاخص علي الضغوط العالية للشاحن (بدأ من 1بار فاعلي ) وبالتالي اذا كنت باركب الشاحن بغرض رفع القدرة يبقي يلزم دراسة دورة تزييت المحرك وايضا تركيب الشاحن بيلزم له دورة تبريد وامداد بالزيت ويجب ان يكون الزيت خالي تماما من الشوائب لدرجة استخدام فلاتر زيت تحجز الشوائب حتي 2 ميكرون وذلك لتبريد وتخفيف الاحتكاك عن محامل او بلي اكس المراوح وللاسف المحركات العادية للفيات لا تجهز بالرشاشات دي وممكن تجدها في المحركات الاستيراد المشحونة كتجهيز قياسي مثل الاونو1300 و1400 توربو والانشيا ال1600 وال2000 التوربو ومحرك الفيات الكوبية و كروما 2000 توربو و1400 التوربو للبونتو وبعض محركات الالفا روميو مثل محرك ال2000 و1800 و1600 توين سبارك
وبالتالي وجود الشاحن علي محرك غير مجهز يتلفة والافضل تغيير الموتور بواحد من الانواع دي ..الا لو عايز تقول انك ركبت توربو وتلاقي هيونداي فيرنا معدية وبتطلعلك لسانها
عموما اشهر انواع الشاحن وله العديد من قطع الغيار هو الجاريت تي 3 وهو انتاج سويدي ويجهز العديد من الصانعين مثل فيات طبعا ولانشيا وساب وفورد وفولكسفاجن وبيجو ورينو

[kaza]

طيب وضح نوع الموتور اللى عندك عشان يقدر يحدد ايه اللى يمشى معاه كويس
يعنى 1300 لانشيا
ولا ريجاتا
ولا فيات 128
كده يعنى عشان كل موتور داخليا يفرق حاجات صغيره فنيه عن التانى

بالضبط وضح اكتر .. وانا تحت امرك

[omar128]

شكرا على رد حضرتك اوى يا دكتور kaza
هههههه الفيرنا دى عربية غريبة كنت واللة ونا بسقط ال 1500 بحلم بقى انى اطلع من الفيرنا و العربيات الجديدة عموما بس للاسف مبطلعش غير من القديم مش هوا دا السحب اللى كنت عوزو خالص و اداء الماتور مش عاجبنى خالص و انا لسة مكملتش 3 شهور عالتسقيط مش معقول هجيب مكنة تانى ونا لسا صارف اد كدة .
عشان كدا فكرت فلتربو .
حضرتك كنت قلت قبل كدة الجملة دى ::


"وانت لو عايز تعدل بجد ممكن نفس الماكينة بتاعتك تطلع منها 200 حصان وبسحب عادي دون تربو وتعقيداتة والموضوع كلة بيتم بتوسيع مجاري الهواء في وش السلندر (بورتينج) وشوية تعديل في الصبابات من حيث زاوية سطح القفل للصباب وتقصير الدلايل واستبدلهم بدلايل برونز وممكن تكبير الصبابات للحر (شغل خراطة) وبتقلل وزن الكرنك عن طريق تنحيف اوزان الاتزان وطبعا اعادة وزن الكرنك بعد التنحيف والبيلات بتنحف شوية لغاية ما يبقي وزنها 750جم ويتعملها كونتول وظبط في حدود ال2جم والمكابس بتتغير بمكابس فيولا علشان تدي نسبة انضغاط اعلي والحدافة بنقلل المقطع العرضي لها وبتكون 1.5 سم والشكمان بنلغي الفرن الزهر وبنستبدلة بمواسير استانلسستيل بمقطع 2.5 بوصة وبتتعمل هيدرز جديدة 4-2-1 باطوال 40 و60 ومجمع بعرض 3 بوصة علشان تقلل الباك بريشر والكربراتير بكربراتير ويبر 45 او40 شوية ال حاجات دى بالاضافة لشوية فنيات (سر الصنعة) بيدوك الحدود اللي قلت عليها ومش هتكلف كتير والفرق بيبقي مذهل
لكن لو انت عايز حاجة جاهزة يبقي عليك وعلي اي حاجة من الخيارات السابق ذكرها والتعديل مالوش نهاية ابدا وزى المثل ما بيقول ياجارية اطبخي ..كلف ياسيدى"


هل ممكن دا يتعمل فى اللانشيا ال 1500؟؟

[kaza]

[هههههه الفيرنا دى عربية غريبة كنت والله ونا بسقط ال 1500 بحلم بقى انى اطلع من الفيرنا و العربيات
"وانت لو عايز تعدل بجد ممكن نفس الماكينة بتاعتك تطلع منها 200 حصان وبسحب عادي دون تربو وتعقيداتة والموضوع كلة بيتم بتوسيع مجاري الهواء في وش السلندر (بورتينج) وشوية تعديل في الصبابات من حيث زاوية سطح القفل للصباب وتقصير الدلايل واستبدلهم بدلايل برونز وممكن تكبير الصبابات للحر (شغل خراطة) وبتقلل وزن الكرنك عن طريق تنحيف اوزان الاتزان وطبعا اعادة وزن الكرنك بعد التنحيف والبيلات بتنحف شوية لغاية ما يبقي وزنها 750جم ويتعملها كونتول وظبط في حدود ال2جم والمكابس بتتغير بمكابس فيولا علشان تدي نسبة انضغاط اعلي والحدافة بنقلل المقطع العرضي لها وبتكون 1.5 سم والشكمان بنلغي الفرن الزهر وبنستبدلة بمواسير استانلسستيل بمقطع 2.5 بوصة وبتتعمل هيدرز جديدة 4-2-1 باطوال 40 و60 ومجمع بعرض 3 بوصة علشان تقلل الباك بريشر والكربراتير بكربراتير ويبر 45 او40 شوية ال حاجات دى بالاضافة لشوية فنيات (سر الصنعة) بيدوك الحدود اللي قلت عليها ومش هتكلف كتير والفرق بيبقي مذهل
لكن لو انت عايز حاجة جاهزة يبقي عليك وعلي اي حاجة من الخيارات السابق ذكرها والتعديل مالوش نهاية ابدا وزى المثل ما بيقول ياجارية اطبخي ..كلف ياسيدى"


هل ممكن دا يتعمل فى اللانشيا ال 1500؟؟

انا لما اتكلمت عن التعديلات اتكلمت بوجة عام لكن ممكن تعمل شوية حاجات زي توسيع المجاري و تنحيف الاجزاء الداخلية والحدافة والشكمان والدلايل البرونز والبساتم الفيولا (استعمال طبعا) والصبابات ينفع فيهم شوية شغل من غير تغيير لان مفيش مكان لصبابات اكبر .... وزي ما ختمت ..كلف بس علي حساب النعومة وشوية التعديلات دي لو اتعملت مضبوط هتديج نتائج اكيد هتبسطك


[/quote]

[omar128]

مافيش ميكانيكى هيعرف يعمل التعتيلات دى دنا لما رحت لميكانيكى اولتلو بورتينج بس طلعنى مبفهمش حاجة و اللى فى دماغة فى دماغة.

حضرتك متعرفش ميكانيكى ممكن يعمل الشغل دة؟
و طبعا هيبقى فاهم و من نحية النعومة فالماتور مش ناعم اساسا.

[omar128]

معلش انا عارف ان انا مزعج .. هوا اية ترس الحدافة دة ؟


و البيستونز الفيولا دا مافيش منو جديد ولا هوا غالى اوى فعشان كدة حضرتك اولتلى هيبقى استعمال؟


و كمان ممكن ملئيش بيستونز فيولا للماتور لاختلاف الدايامتر او حتى لاختلاف طول البيستون.

[kaza]

معلش انا عارف ان انا مزعج .. هوا اية ترس الحدافة دة ؟


و البيستونز الفيولا دا مافيش منو جديد ولا هوا غالى اوى فعشان كدة حضرتك اولتلى هيبقى استعمال؟


و كمان ممكن ملئيش بيستونز فيولا للماتور لاختلاف الدايامتر او حتى لاختلاف طول البيستون.

ترس الحدافة هو ترس الفولام بيستخدم لتخزين طاقة الدوران واطلاقها في الفواصل بين اشواط الاشتعال في المحرك لتقليل الخشونة وبتكون اتقل شوية في المحرك ذو ال4سلندر عن المحركات ال6و8 سلندر حيث ان كل ما زادت اشواط الاشتعال وسلندراتة قلت الحاجة لكتلة الحدافة وعلشان كدة لما بناكل منها شوية بتحصل علي تسارع قوي بس بتكون راكب ماكينة وابور حرث من كثرة الاهتزاز
البساتم الفيولا مش هتلاقيها جديدة لان مافيش حد بيستوردها لانها غالية بس بتيجي بالحظ في المواتير الاستعمال وبعض الميكانيكية بيستغربوا شكلها لانه محدبة لاعلي في تجويف الاحتراق وبالتالي بيخافوا انها تخبط في راس السلندر وتتني البيلات ومن هنا هتلاقيها في محلات الاستعمال والخلع وبفلوس قليلة
لا ماتخافش مقاس المحرك ال1500 موجود لان قطر المكبس 86.4مم وبالبنوز بتاعتة كامل بس ماترحش تقول للي انت بتشتري منة علي الاسم قول عايز بساتم بقبة وخلاص واشتري وانت زاهد علشان مايغليش عليك

[omar128]

شكرا اوى عالمعلومات الذهبية يا دكتور kaza

المشكلة بقى فى الفرامل ملهاش تعديل انا سمعت ان الدشم ممكن تتغير و نجيب طنابير اكبر هل دا صحيح ولا فى تعديل تانى .