نرجو مساعدة من المتخصصين كابرس 94

[lonedoctor]

بالمناسبة ما هو المقصود بالايدل ليرننج ؟
وياريت براحة وشوية شوية يا باشمهندس سمير

[samirayad]

ده رد مبسط خاص بى على أحد الزملاء عن مفهوم الأيدل ليرن ....أرجو أن يكون فيه المراد

حضربلك مثل بسيط جدا .....بدون الدخول فى التفاصيل الهندسيه المعقده ...................

- لو ليك عند واحد 1000 ج مثلا ......وفيه ميعاد لسداده الدين اللى عليه ......ولقيته ناسى الميعاد أو مطنش مثلا ......حتعمل أيه ......حتفكره طبعا ......علشان يقب باللى عليه .....

- هو ده معنى الأيدل ليرن بالنسبه لكمبيوتر العربيه .............

- لما بنشيل فيوز وحدة التحكم أو نغيره ...أو نفصل البطاريه أو نغيرها ....وهكذا .....

- بيحدث فقد وكسل شويه فى ذاكرة وحدة التحكم فى تذكر البيانات اللى متخزنه جوه وحده التحكم........اللى بتشغل عليها الحساسات وبلف الأيدل وخلافه ......

- وعلشان هى متكسلش ....وتخللى سلانسيه المحرك مش قد كده مع حمل التكييف مثلا .......بنديها حقنه منشطه ......اللى هى خطوات الأيدل ليرن .......

[lonedoctor]

ياريت ممكن تشرح لى خطوات الايدل ليرننج بالنسبة لسيارتى كابرس 94؟

[samirayad]

للكابرس معنديش للأسف ......لو عاوز تجرب بتاعة الدايو ....أنا تحت أمرك......وأعتقد أنها مش حتفرق كتير فى دواير التحكم ....من نوع لنوع ولن يكون هناك منها أى ضرر على الأطلاق......على أساس أما الواحد يعمل اللى متاح قدامه .....حيبقى أفضل من عدمه .......طالما مش متاح الداتا الفنيه للطراز بتاعه

[lonedoctor]

ياريت تعرفنى طريقة الدايو اكون شاكر لك جدا وجزاك الله خيرا

[samirayad]

أتفضل يا أخى ...........

هذة ترجمة للى مكتوب فى الكتالوج


1- أفتح الكونتاكت لمده 5 ثوانى

2-أغلق الكونتاكت لمدة 5 ثوانى

3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه

4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى

6-أفصل التكييف(ان وجد) لمدة 10 ثوانى

وأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى

1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d

2-شغل التكييف لمدة 10 ثوانى

3-أفصل التكييف لمدة 10 ثوانى

[lonedoctor]

والله انا بدات البحث شوية فى المنتديات الاجنبية ووجدت اقتراحات ليست سيئة منها
لاجراء عملية reset لكمبيوتر السيارة يجب فصل السلك السالب وليس الموجب لعدة ثوانى ثم يتم تلميسه مع الطرف الاخر المهم بعد اجراء هذه التجربة ظهر شئ لم يكن فى السيارة من قبل وهو انه السنتر لوك بيغلق بمجرد ادارة السيارة ويفتح عند اطفاء السيارة وهذا الاوبشن لم يكن فعال وهذا يدل على ان عملية reset كانت ناجحة
فى احد المنتديات كان هناك مشكلة شبيهة وكان الاقتراح انه المشكلة خاصة بالماستركى الخاص بالسيارة اذا تم تغييره بنوع عادى بعد تغيير السويتش طبعا وانا حصل معايا نفس الشئ انه انا غيرت السويتش بنوع عادى ومفتاح عادى وهذا يجعل وحدة التحكم تستقبل اشارة بمفتاح خاطئ وتعطى امر باغلاق كهرباء طلمبة الوقود وانا حاولت انى افصل فيوز دائرة حساس الماستر كى قبل التشغيل ومشيت بالسيارة كام مشوار ولم تفصل ولكن لا يمكن الحكم بصحة هذا الكلام الان ولكن غدا انا ناوى اروح للكهربائى واخليه يفصل حساس المفتاح خالص لعل وعسى وبرضه نتمى اقتراحاتكم معانا

[samirayad]

على فكره أنا كتبتلك فى المنتدى السعودى رد على موضوعك هناك .........وتقريبا حساس المافmas air flow sensor ليه دخل كبير بالموضوع اللى عندك ......متحاول تنظفه كويس وجرب الوضع الجديد

ولكن غدا انا ناوى اروح للكهربائى واخليه يفصل حساس المفتاح خالص لعل وعسى وبرضه نتمى اقتراحاتكم معانا

ده برضه أقتراح كويس ....لأن أكيد مفيش علاقه بين السويتش الحالى والسنتر....وممكن فعلا يكون السويتش بيودى أشاره غلط للسنتر (حيث أن السنتر على علاقه ) بمفتاح منع عمل طلمبة البنزين......من خلال ال shutt off valve ....وأرجو أن يكون فيه المراد

[lonedoctor]

حساس الماف انا نظفته فى البداية اول شئ وكان عليه رواسب واوساخ غير عادية والوضع كما هو واللى مخلينى متاكد انه لا علاقة له بموضوع الفصل فى الماكينة انه انا اول لما اشتريت السيارة كانت العمة البلاستيك مكسورة وكان الهواء بيدخل مباشرة منها للماكينة بدون ما يعدى على حساس الماف وكانت السيارة شغالة تمام زى الفل
ثانيا اعتقد انه غلق السنتر مع الدوارة ده المفروض يكون هو الاساس فى السيارة وليس العكس كنوع من التامين للابواب وانا كان عندى تويوتا كراون قبل هذه السيارة بمجرد ما تعدى سرعة 30 كم/س السنتر يقفل لوحده ولا تستطيع فتحه اثناء سير السيارة لغاية ما تتوقف

[lonedoctor]

ياريت تدينى فكرة عن shutt off valve وطريقة عمله؟
برضه انا وجدت اقتراح اخر فى موقع اجنبى وهو متعلق ب حساس ضغط الزيت لما بيخرب بيعطى اشارة خطا لوحدة التحكم فتقوم بفصل الماكينة كنظام حماية للماكينة ضد انخفاض ضغط الزيت
ما ادرى ايه رايك فى الكلام ده؟
اخيرا هل هناك طريقة للكشف على سوفتوير الكمبيوتر او اعادة تحميله مثلا زى اى كمبيوتر عادى؟

[samirayad]

انه انا اول لما اشتريت السيارة كانت العمة البلاستيك مكسورة وكان الهواء بيدخل مباشرة منها للماكينة بدون ما يعدى على حساس الماف وكانت السيارة شغالة تمام زى الفل

عاوزك ....تعرفنى أى عمه بلاستيك دى .....اللى بيعدى منها الهواء ....وياريت لو تصورلى شكل المكنه بس .....أو حوللى لينك للموقع ده اللى فيها معلومات عن نفس طرازك بكل حساساته ......لأن أنا من يوم ما بدأت معاك فى التحاور ....وبرضه مش متخيل الوضع الصح لكل المكونات والحساسات ( عاوز أعرف حاجات عن المكنه دى ....وعملية التحكم ماشيه أزاى ) لو فيه بيانات زى دى معايا .....حيكون أفضل لى فى تصور الأحوال .....وياريت برضه لو تجيب رقم الكود اللى طلعه الأسكانر لحساس الماف وهل حساس الماف اللى عندك من أبو سلك تسخين زى ده...
....ولا المكنه زى كده

....عاوز أعرف كل ماهو متاح لديك من بيانات .............وفيه سؤال كده برضه جانبى ......لما كشفت على البواجى (البلكات يعنى ) كنت بتلاقى عليها زيت وشكلها بيلمع ولا بتطلع نظيفه ..........وهل الزيت بينقص عندك وشكل العادم أبيض مزرق مثلا ولا كله تمام بالنسبه للعادم والزيت .....أصل الأسباب كتير برضه للتوقف الفجائى ده ......ومعلش بكتر عليك الأسئله ......وأما أجى من شغلى ححاول أرد على السؤال التحتانى بتاع بلف ال shutt off لأنه عاوز وقت وطرح صح .....ورايح شغلى دلوقتى ............وتحياتى لك الى ان نتقابل مره تانيه

[samirayad]

ياريت تدينى فكرة عن shutt off valve وطريقة عمله؟
برضه انا وجدت اقتراح اخر فى موقع اجنبى وهو متعلق ب حساس ضغط الزيت لما بيخرب بيعطى اشارة خطا لوحدة التحكم فتقوم بفصل الماكينة كنظام حماية للماكينة ضد انخفاض ضغط الزيت
ما ادرى ايه رايك فى الكلام ده؟
اخيرا هل هناك طريقة للكشف على سوفتوير الكمبيوتر او اعادة تحميله مثلا زى اى كمبيوتر عادى؟

على فكره أنا جاوبت على السؤال ده ....ومش عارف المنتدى ماله النهارده ......فربنا يصلح الحال لفريق الدعم الفنى ...........فى الترقيات اللى بتتعمل .......ساعات بأحس أن فى المنتدى لوحدى ...........وفيه ردود كتير سقطت .........

[lonedoctor]

والله تفاصيل مواصفات السيارة ليس عندى فكرة كبيرة عنها وبحثت عن مانوال لها فى النت لم اجد

موتور 4.3 الف سىسى 200 حصان حقن اليكترونى شيفورليه كابرس كلاسيك واظن الماكينة نوعها يطلق عليه l1
من موديل 94 الى 96 كانت طفرة فى هذا النوع من السيارة فى التوسع فى استخدام الكمبيوتر فى السيارة فى هذا الوقت وكانت نهاية اخر موديل تصنيع امريكى للشرق الاوسط بعد كده كل السيارات الكابرس واللومينا تصنيع شركة هولدن الاسترالية
شكل منظم الهواء تقريبا زى اللى فى الصورة بس اكبر شوية فى الحجم

[samirayad]

أخبار الزيت يادكتور .....بتزود زيت ولا لا .....والبوجيهات بتطلع نظيفه لما بتكشف عليها ( دى مش محتاجه كتالوجات ) ههههههههه.......يارب يصلح لك الأحوال .....وياريت ساعات المكنه برضه وموقف قدرة المكنه على السحب

[lonedoctor]

الماكينة بحالة جيدة جدا والسحب ممتاز والزيت لا ينقص والبواجى حالتها وقت التغيير كويسة جدا