نرجو مساعدة من المتخصصين كابرس 94

[samirayad]

شكل منظم الهواء تقريبا زى اللى فى الصورة بس اكبر شوية فى الحجم

أحتمال كبير يكون العيب من حساس الماف فعلا (منظم الهواء ) ....طيب ماتحاول تشوف كهربائى كويس .....يراجع على كابلاته اللى واصله لوحدة التحكم (أحتمال يكون فيه كبل مقطوع ....أو عامل أرضى مثلا مع أى مكان )........على فكره فيه حساسات هواء (زى مابيقولوا عليها فى السعويه ) ....اللى هو الماف عندنا ......فيه منها فيشته الكهربائيه بثلاث أطراف .....وفيه منه بخمس أطراف ..............http://www.nilemotors.net/Nile/showthread.php?t=74992

[lonedoctor]

بكرة ان شاء الله نشوف بس زى ما قلت لك موضوع الماف شبه مستبعد لانه فى وقت من الاوقات كانت العمة مكسورة اصلا والسيارة كانت كويسة

[samirayad]

لانه فى وقت من الاوقات كانت العمة مكسورة اصلا والسيارة كانت كويسة

ممكن توصفلى مكان العمه دى بالضبط ............وهل تقصد (العمه بتاعة فلتر الهواء مثلا )

[lonedoctor]

العمة عبارة عن غطاء بلاستيك مثبت على راس الماكينة ومتصلة بخرطوم عريض مثبت فى حساس الماف ويخرج منه خرطوم اخر مثبت فى علبة الفلتر والتهوية وعندما اشتريت السيارة من سنتين تقريبا كان هذا الغطاء مكسور وبالتالى كان الهواء يدخل الى الماكينة مباشرة دون المرور على الفلتر او حساس الماف والسيارة كان شغالة زى الفل والموضوع ده انا اكتشفته قدرا فقمت بشراء عمة من التشليح للمحافظة على الماكينة ونظافة الهواء الداخل اليها يمكن بعد شهرين او اكتر

[samirayad]

والموضوع ده انا اكتشفته قدرا فقمت بشراء عمة من التشليح للمحافظة على الماكينة ونظافة الهواء الداخل اليها يمكن بعد شهرين او اكتر

لو عيب التبطيل المفاجىء ده حصل بعد تغييرك مباشرة للعمه دى ............يبقى مفيش كلا م نقدرنقوله تانى ..........وكده الأمور واضحه ......تلف حساس الماف نفسه .....أو خطوط الأتصال بينه وبين وحدة التحكم .....وهل الغطاء البلاستيك المكسورأو العمه المكسوره..............لسه موجوده عندك .............

[lonedoctor]

الموضوع دا انا قلت لحضرتك حصل من سنتين لما اشتريت السيارة والتقطيع حصل من فترة بسيطة اسبوعين او ثلاثة فقط

[samirayad]

تمام يادكتور ......وعندى أقتراح بسيط كده .....وأتمنى أنك تنفذه ......حتفصل البطاريه ....وسيبها شويه مفصوله .....على مانفضى كل مخزون الطاقه فى أى عنصر كهربى بالسياره وتفريغ ذاكرة وحدة التحكم .....ووصل البطاريه تانى .....وأعمل مشوار صغير كده فى مكان آمن جنب منك ........وخليها تبطل زى ماهى عامله فينا كل ده........بعد كده مباشرة ........أعمل أسكانر ..........وقوللى الأسكانر قال أيه...........كل ده عاوز أعرف الموضوع ده ليه علاقه بعملية التحكم ولا لا ..........وفصلك للبطاريه ....أكيد حيفضى كل الأعطال المختزنه فى ذاكرة وحدة التحكم ( بطريقه شبيهه للى موجود عندنا فى الدايو الى حد ما )

[ابو حسين]

مهندس سمير جزال الله كل خير

[samirayad]

الله يكرمك يا أبو حميد ......وربنا يسهل ونصل للعيب أن شاء الله

[ابو حسين]

الله يكرمك يا أبو حميد ......وربنا يسهل ونصل للعيب أن شاء الله

أن شاء الله ياهندسه

[lonedoctor]

اليوم قام الميكانيكى بعمل تنظيف بخاخات وقال لى انه هناك كتاوت كان بايظ خاص بالبخاخات وتم تغييره ومشيت بيها مسافة كبيرة لان الميكانيكى بعيد شوية يمكن 20 كيلو من البيت المهم برضه بطلت لكن مرة او مرتين بس واعتقد
انه ده يعتبر تحسن ملحوظ لا يمكن انكاره يعنى احسن من الاول 50% مثلا
بالمناسبة فى واحد فى المنتدى السعودى كان عنده عيب شبيه وقال انه غير حساس جنب البخاخات اسمه صاروخ (حاجة غريبة الاسم ده)بعدها السيارة ظبطت ايه رايك يا باش مهندس فى الموضوع ده؟
انا عندى اعتقاد كبير انه الموضوع متعلق بدائرة ضخ الوقود او منظم الهواء

[lonedoctor]

بالمناسبة موضوع فصل البطارية ده انا عملته كتير جدا وحسبت ما قرات فى بعض المنتديات الاجنبية انه المفروض فصل الطرف الارضى وليس الموجب كما يجب تلميس الارضى بالموجب ايضا طبعا بعدفصله ولم اجد تغيير فى هذا الموضوع

[samirayad]

بالمناسبة فى واحد فى المنتدى السعودى كان عنده عيب شبيه وقال انه غير حساس جنب البخاخات اسمه صاروخ (حاجة غريبة الاسم ده)بعدها السيارة ظبطت ايه رايك يا باش مهندس فى الموضوع ده؟

حساس جنب البخاخات ...........طيب هو عندك الحساس ده واصله أسلاك كهرباء ....ولا خط هواء تخلخل من الجنب التانى بتاع العمه اللى أتغيرت

انا عندى اعتقاد كبير انه الموضوع متعلق بدائرة ضخ الوقود او منظم الهواء

نفس أعتقادى فعلا

بالمناسبة موضوع فصل البطارية ده انا عملته كتير جدا وحسبت ما قرات فى بعض المنتديات الاجنبية انه المفروض فصل الطرف الارضى وليس الموجب

كده مفيش مشاكل .....المهم فصل دايرة الأمداد الكهربى من البطاريه لجميع المكونات (سواء كهربيه أو ألكترونيه )

كما يجب تلميس الارضى بالموجب ايضا طبعا بعدفصله ولم اجد تغيير فى هذا الموضوع

دى مش واضحه أوى معايا ......طيب وأنا ألمس ليه الأرضى أو السالب بعد فصله بالموجب وهو راكب على البطاريه ......ملهاش معنى كهربى عندى الصراحه ...

[lonedoctor]

انا عملت تجربة جديدة النهاردة وهى فصل فيش منظم الهواء خالص وفكيت كابل البطارية وبكرة ان شاء الله امشى بيها واشوف ويارب يامسهل لو ظبطت يبقى هو السبب لو ما ظبطت يبقى ندور على سبب تانى
بالمناسبة يا باشمهندس ساعات السيارة مع بدا الدوارة يكون فى صعوبة شديدة ورعشة جامدة فى الماكينة واحس انه فى انسداد فى مكان ما يحتاج تسليك وتضرب شوية مدافع بس موش عالية اوى زى نبضات من الهواء المحبوس اللى بيطلع على دفعات وبعدين بعد 5 او 6 مرات بالشكل ده تبدا تدور كويس
موش عارف ايه رايك فى الموضوع ده وباحس انه ده نفس العيب اللى بيحصل وانا ماشى بيخليها تبطل وبعدين تشتغل تانى

عموما الموضوع ده اتعلمت منه انه لازم الواحد يكون باله طويل وعنده صبر لغاية ما يوصل لحل المشكلة و بصراحة ليس عندى استعداد ادفع فلوس فى حاجة تانية الا لما اكون متاكد منها كويس

[samirayad]

كنت كاتب رد محترم ....وأرسلته ليك ....ومش عارف الكمبيوتر ماله معايا .....

- عموما أفصل فيشة حساس الهواء وجرب جميع الأوضاع .......وأعتبره زى ممر فاضى لعبور الهواء ......ومشى بالعربيه وفيشته مفصوله ....لو مبطلتش يبقى هو ده اللى بندور عليه .......ومعلش العربيه حتبقى عجوزه شويه وممكن متبطلش منك ......وبكده نبقى حصرنا العيب بالضبط ......

عموما الموضوع ده اتعلمت منه انه لازم الواحد يكون باله طويل وعنده صبر لغاية ما يوصل لحل المشكلة و بصراحة ليس عندى استعداد ادفع فلوس فى حاجة تانية الا لما اكون متاكد منها كويس

وده طبعى فعلا..................