نرجو مساعدة من المتخصصين كابرس 94

[lonedoctor]

السيارة دى انا اشتريتها من سنتين بحدود 9 الاف ريال بس انا وقتها شفت سيارات نفس الموديل بحالة جيدة جدا كما يدعى التجار ب 14 الف المهم انا قلت اشترى واوضب كل حاجة على مزاجى احسن وصرفت عليها اكتر من 10 الاف بدون مبالغة عفشة جديدة وراديتير وكوتش حتى تنك البنزين كان فيه مشكلة غيرته مع الطلمبة وتيل فرامل الخخخخخخخخخخخخ
والسيارة بدون مشكلة الانقطاع المفاجئ من اروع ما يكون ما شاء الله تمشى بيها على 150 ك/س وانت مرتاح ومطمان تماما لكن انا لله وانا اليه راجعون شكلها عين محترمة والله انا ركب معايا زملاء عندهم سيارات 2009 وشعروا بفرق كبير وده شئ طبيعى مع سيارة 300 حصان اذا ما قورنت باخرى لكن الحمد لله على كل حال

[lonedoctor]

بس ياترى ممكن الكمبيوتر يعطل بالشكل ده؟وما اسباب ذلك؟

[samirayad]

نعم من الممكن حدوث خلل فى دواير التحكم فى ضخ البنزين
أو دايرة الأشعال الخاصه بقيادة البوبينا
لأن الكمبيوتر ماهو الا مجموعه من العناصر الألكترونيه
مشكله فى دوائر مطبوعه printed circuits
وكل دائره خاصه بوظيفه معينه فى متابعة الأداء والتحكم فيه
وتتكون الدائره من مجموعة عناصر من الثايرثتورس والدايودات والمقاومات وهكذا
فتلف أى عنصر فى دايره معينه
أو تلف البروسيسور بيؤثر بالطبع على عملية التحكم فى الآداء

[lonedoctor]

اليوم كان يوم عالمى فى تاريخ هذه السيارة التى يركبها عفريت فيما يبدو هو سبب المشكلة المهم اليوم بدأنا رحلة جديدة مع ميكانيكى تانى بدأكما ذكرت من قبل بتغيير التلاجة بما فيها من حساسات ثم اليوم احضر كمبيوتر تانى للسيارة وركبناه وبدأنا التجربة ومشينا فى طريق الطائف حوالة 30 او 40 كيلو على 160 ويعنى حسينا انه كل شى فى التمام ويادوب دخلنا مكة وهوب طفت السيارة وندور فيها 3 او 4 مرات دارت ووقفنا محتارين ياترى باقى ايه لسهة فى السيارة ممكن يكون السبب؟ قلت له موش يمكن تكون البوبينة مثلا هى الشئ اللى باقى قال لى وماله نشوف روحنا جبنا بوبينة نجرب بيها وطلعت بالسيارة برضه طفت منى رجعت له وسالته ايه رايك؟ قال لى خوش على البخاخات المهم بدأيشيل فيش البخاخات واحد واد لاحظنا 2 منهم موش شغالين (فيما يبدو) قال روح هات سائل بيضاف للبنزين بيعمل غسيل وعلى فكرة ثمنه غالى المهم حطيناه واخدتالعربية مشوار تانى على طريق الطائف رايح جاى علشان احرق بنزين ورجعت له المهم لا حظت الاتى
الموتور اصبح ناعم شوية
السحب اتحسن
بفحص البخاخات واحد اشتغل والتانى لسة
المهم قال لى سيب لى العربية دى كام يوم وتوكل على الله وانا هاوصل للعيب ان شاء الله
تركتها وانا ناويت خلاص هاشترى عربية تانية غالبا لانى فقدت الامل فى اصلاحها تماما ونصحته يشوف حساس هواء بدل اللى فيها يمكن يكون هو السبب
والله المستعان

[samirayad]

على فكره ...فيه أنواع من حساسات الهواء
على علاقه بطلمبة البنزين
بس مش أبو سلك تسخين ....زى اللى عندك
وحقيقى أنا مدايق علشانك


<FONT color=#0000ff>وأنا كنت قلتلك ....موضوع مراجعة الفيوزات والكتاوتات .....يمكن تكون فيه حاجه مبوش

[lonedoctor]

لالالالا الحساس اللى عندى فيه سلك تسخين على فكرة

[samirayad]

ما أنت قولتلى الكلام ده ...قبل كده ...وبتلت أطراف كمان ...وكنت بأتمنى يكون النوع التانى ...يالله لسه ربنا ما أردش ....وكله بأوانه
حاول تشوف كتاوت طلمبة البنزين أو البوبينا
نظامهم أيه ....وثابتين كويس فى علبة الفيوزات
ولا أرجلهم بتتحرك وعامله بوش وممكن تتحرك فى أيديك على خفيف
أصل ده لو موجود ....ممكن يحصل فقد فجائى فى الكهرباء اللى رايحه لعناصر مهمه زى طلمبة البنزين أو البوبينا ...أو فيوز رشاشات مثلا ...وكده المكنه تبطل وتشتغل بمزاجها برضه فى أى وقت وبدون سابق أنذار
وممكن يبقى عيب بسيط زى كده .....وهو اللى عامل المشكله دى
بدون ماحد ياخد باله

[lonedoctor]

الميكانيكى التانى مقتنع انه العيب فى الضفيرة وهو الان فكها كلها تقريبا وربما يجيب ضفبرة تانية مستعملة لان الاصلية غالية جدا وانا امس اترجيته يسيب السيارة زى ما هى لانى خلاص اقتنعت ان السيارة دى لايمكن ان تتصلح ونويت اشترى سيارة تانية وغالبا زيرو لانى استويت من المستعمل لكن هو مصر على تصليحها حتى ولو لم ياخذ فلوس منى ومعتبرها تحدى وانا دلوقتى نسيت انى كان عندى سيارة زى دى وبدات افكلا فى النوع الدى ساشتريه

[samirayad]

لكن هو مصر على تصليحها حتى ولو لم ياخذ فلوس منى ومعتبرها تحدى

والله الراجل ده عشره على عشره
أرجو من الله أن يوفقه فى الوصول للعيب
وفعلا لو فيه مشكلة ضفيره (سواء طلمبة بنزين أو بوبينا )
فوارد جدا أنها سبب المشكله بتاعة التبطيل دى مع أى سرعه

[aYaBooY]

بجد الله يعينك يا دكتور على غربتك و على العربية و طبعا ربنا يعين المهندس سمير و يرد و يتابع مع الناس
كان نفسي اتوصلك لحل بس مفيش في ايدي غير اني ادعيلك

[samirayad]

و طبعا ربنا يعين المهندس سمير و يرد و يتابع مع الناس

الله يخليك

كان نفسي اتوصلك لحل بس مفيش في ايدي غير اني ادعيلك

فعلا مفيش قدامنا غير الدعاء لأخونا الفاضل بيسر الحال
وعن نفس على أتم أستعداد ....لمناقشة الموضوع كله من جديد
بعد طرحه مره ثانيه بأستفاضه من أخونا الفاضل
لأن الموضوع فعلا.....محتاج دراسه تانيه
ودايما بأقول لنفسى .....مفيش حاجه ملهاش حل ألا الموت
هو فيه عيب .....بس عيب خبيث .....وعاوز تشخيص دقيق
وللأسف .....أنا بأتكلم على العربيه دى .....بدون داتا كامله
عن نظام التحكم .....ودايرة الأشعال ودايرة البنزين
العيب منحصر فى حاجه من دول .....أو عيب توصيلات كهربيه (فيوزات - كتاوتات - ضفيره )
يعنى بمعنى أصح ....الواحد عامل زى اللى بيطلق قذيفه على العصافير فى الشجره بدون تحديد عصفور معين ....ممكن أيقاعه

[lonedoctor]

الميكانيكى الثانى فشل تماما فى معرفة العيب وللاسف تسبب فى تلفيات فى الضفيرة بسبب سوء امكانياته التقنية يعنى من الاخر طلع نصاب وعامل نفسه بيفهم لكن الحمد لله على كل حال المهم انا مريت على الميكانيكى الاول والذى اعتقد تماما انه امين جدا وبيفهم فى حدود ما يعلم فقال لى لا بد من فك التنك والكشف على اسلاك طلمبة البنزين ربما فيها عيب فىالتوصيل وهذا سيتم اليوم ان شاء الله

[lonedoctor]

تم اجراء كافة التجارب المعملية لمعرفة سبب انطفاء السيار وللاسف لم تفلح ايا منها فى معرفة السبب ومنها توصيل طلمبة البنزين بتوصيلة خارجية من البطارية مباشرة وكذلك توصيل اسلاك بلمبة مع اسلاك البخاخات لمعرفة اذا كان هناك انقطاع للكهرباء الموصلة لها ولكن النتائج لم توصل لشئ مقيد والنهاية هى ان سبب انطفاء السيارة سيبقى سرا لا يعلمه احد الا الله سبحانه وتعالى وان شاء الله فى القريب العاجل سابحث عن سيارة اخرة واتخلص من هذه السيارة

[aYaBooY]

انا اعرف ان العربيات الامريكاني بيكون الميكانيكا بتاعتها معقدة جدا و ان بدت في اغلب الامر شكلها يوحي بانها عادية مثل سيارات اخرى
انصحك انك تروح بالعربية ديه للتوكيل او لحد كان شغال في التوكيل لما كانت العربية ديه زيرو او تحاول انك تراسل الشركة المنتجة ليها يمكن يكون ده عيب معروف عندهم و الله يعينك و انشاء الله تتوفق في عربية تانية و تعوضك عن البهدلة ديه