Tweet
دلوقتى الموضوع ببساطة_البنت كويسة_بس اهلها هما المشكلة الكبيرة جدا_يعنى انا خطبتها فى شهر 3من 6 شهور تقريبا_اهلها مستواهم الاجتماعى جيد جدا_والدها طبيب باطنة فى السعودية_ووالدتها طبيبة فى الطب الشرعى_وأخوها بيدرس لسة فى 2 كلية_دلوقتى اهلها_من يوم ما خطبتها ما سألوش عليا ولا على اهلى ولا حتى بالتليفون_ولا عزومات ولا الهوا_اهلى ساكتين ومنفضين وعاملين مش واخدين بالهم_علشان انا ما زعلش_تصدقوا بالله_حتى فى رمضان ماعزمونيش على الفطار _ولا حتى فى العيد_6 شهور وهما ولا هنا_كل همهم شوفيه خلص غرفة النوم هاتشتروا الأنتريه امتى_وغير كدة كاتبين كل ممتلكاتهم باسم اخوها_حتى كان عندها عربية ليجانزا خلوها باعتها_ابوها خلاها لا تملك أى شئ_وقالها ماينفعش فلوسنا تروح لحد غريب_طبعا انا قولتلها طز فى كل دة_انا مش فارق معايا الكلام دة_المهم انتى إنسانة محترمة_طبعا انا كنت بقابلها فى يوم أجازتى وبعلمهم كمان بس برا _لأنى كنت قرفان منهم بصراحة_بس برا فى أى مكان_طبعا انا ما كنتش ساكت_كنت عمال اشتكيلها وعرفتها انى متضرر_قالتلى_يا احمد هما طبعهم كدا_وهى كمان متضايقة منهم_اخوها بقى دة فى الضياع خالص غير إجتماعى ومنفسن جدا منى ومنها_وماعندوش زوق خالص وطماع جداجدا_ مش عامل زينا كدة راجل._دة شاب متدلع 22 سنة_راكب 206 من الزيرو_دخل بيها ثانوى كانت زيرو لسة_عايش مع نفسة واهلها مدلعينة جدا_لدرجة انة مرة زعقلها قدامى وبان رد فعلآ انى اتضايقت_انا اصلا لما لقيتة كدا_قلبتة وبقيت مش بسأل عليه_حتى أصحابى فى الخطوبة_قالولى دة شاب توتو خالص__انا صبرت كتير وكنت مستنى يتغيروا_لكن للاسف جيه رمضان والعيد_ولقيتهم كدة_راحت قافلة معايا_قولتلها بصى يابنتى انا قرفت_والنسب دة مش عاجبنى_هى طبعا_مسكينة قالتلى انا ذنبى ايه_بس انا مصمم على موقفى_كلمتنى الصبح _قالتلى طيب احنا مالنا بيهم _هانقفل على نفسنا_ومالناش دعوة بيهم.قولتلها ادينى يومين اراجع نفسى وافكر.انا هاتجن_يعنى من اسبوع كنت هابيع عربيتى_عشان اخلص الجوازة_ لكن بعد ما اتأكدت_ان مافيش أمل فى اهلها_دلوقتى قولولى اعمل ايه هاتجنن_طبعا_انا بسئلكم وباخد رائيكم لأن_كلكم اصحابى واخواتى.
-
My "facebook" Account is "Ahmed Aymn Arbiat" -
متسيبش البنت دى[COLOR="Blue"]سبحان الله وبحمده ... سبحان الله العظيم[/COLOR] -
بصراحة موضوع النسب بيبقى موضوع متكامل على بعضه يعنى مينفعش نختار جزء و نسيب الجزء التانى بمعنى ان الواحد بياخد البنت و اهلها و عيلتها كلهم[B][SIZE=5]
[/SIZE][/B]
Eng.M Mahran سابقاComment
-
مش عارف ..... موقف صعب , انا شايف متسيبهاش لو متاكد منها هيه 100 في 100 , لو مش متأكد منها لا اخلعاخوكم ... د/ محمود
" وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ "Comment
-
طيب اهلها غير موقف العزومات ؟طريقة كلام امها معاك ايه ؟[URL="http://imageshack.us"]
[/URL]Comment
-
لو مالى ايدك منها 1000%
عارف انها عندها دين وحط تحت دى 100 خط
يعنى اكيد من 6 شهور دول عارف هى بتصلى بانتظام ولا لا
واخلاقها عامله ايه
وعرفت كذا طبع من طباعها
انا شايف انك تتوكل على الله
على الاقل هتاخد ثواب فى انك تمشيها من البيت المنيل دا
مع انى عاوزك تبقى عارف انك هتعانى من دا بعد الجواز
فى انك لما تتجوز هتبقى تتمنى ان اهلها يبقوا اهللك انما دا مش هيحصل طالما هما ناس بلشكل دا
لدرجه انك لو احتاجت تسيب ولادك عندهم مره عشان ظروف ,,, مش هتقدر
صلى استخاره
وشوف ايه اللى ربنا هيوفقك ليه
وربنا يكتب ليك كل خير
ونصيحتى برده استنى لوحتى شهر كمان عشان متقولش انك اتسرعت[CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
[/COLOR][/SIZE][/CENTER]Comment
-
مايمكن هما إلي مستنين منك إنك تعمل ...كل إلي إنت مستنيه منهم
طيب
حاول تبدأ إنت مد العلاقات..وصدقني هتلاقي نتيجة
ولومالقتش
يبقا تفكك منهم ...وخليك في مراتك
أنا عارف إن الموضوع هيبقا صعب...بس طالما البنت بتحبك
ده عندك بالدنيا[rmade]http://im58.gulfup.com/qswdwL.jpg[/rmade]Comment
-
ممكن يكون فعلا هما طريقتهم كده فى التعامل ولو البنت كويسة متسبهاش وحاول تحسن العلاقه مع اهلها
وحاول انت تزورهم وتعرفهم اكتر
لما تتجوز لازم تختار زوجة صالحة وجد وخال لاولادك
صلى صلاه استخاره واللى ربنا عايزة هيكون
وربنا يوفقك[CENTER][SIZE="3"]I Need A Job[/SIZE][/CENTER]Comment
-
لو تسمحلى اقولك رأيى
عمرك ما هتلاقى موضوع ارتباط متكامل من كلة
طالما الناس مقبولين وانت بتحب البنت والبنت بتحبك يبقى توكل على الله
هى ما شاء الله شكلها كويسة قوى
والاهم من دة كلة شارياك
واحنا فى زمن نادر لما تلاقى حد يحبك وشاريك كدة
وكفاية انها قالتلك بنفسها بعد الجواز هنبقى احنا فى حالنا وهما فى حالهم
يبقى استحمل الوقت اللى فاضل واعصر على نفسك ليمونة من عمايل اهلها وبعد متبقاش تعبرهم
وربنا يوفقك
Comment
-
بص انا اتفق معاك ان النسب موضوع مهم
و اخوها ده هيبقى خال ولادك لو فى نصيب و ابوها هيبقى جدهم...
بس صدقنى لو البنت كويسة و طيبة ممكن تتنازل عن تحقيق الاندماج مع العيلة
انت ممكن تلاقى بنت تانية عليتها كويسة بس مش مخلصة زي خطيبتك...
على الأقل مش هيتحشروا فى حياتكم بعد الجواز مش تلاقى كل شوية يسألولها كأنك واخدها سجن و بتعذبها لما تسيب بيت عيلتها.
الحاجة التالتة لو هى عيلتها مش حاسة معاهم بالدفء و الاهتمام تخيل هتبقى مخلصة ليك اد ايه و هتكون عنها فعلا ولى أمرها و صديقها و بتنافس كمان على حبها لأبوها و أمها و هتبقى فاتحالك قلبها لأنك هتكون فعلا سندها فى الدنيا.
لو البنت كويسة و طيبة متسيبهاش :)[CENTER]Bad dreams in the night.
They told me I was going to lose the fight.
Leave behind my wuthering, wuthering Wuthering Heights [/CENTER]Comment
-
الموضوع ممكن يكون عادى
فيه ناس بطبعهم مش اجتماعيين بالمره
المهم ده معاك انت واهلك بس ولا مع كل الناس
شوف كده وانت تتأكد ان ده الطبيعى بتاعهم
او تعرف انهم بيعاملوك انت بس كده لسبب ما
انا بقى الموضوع ده كان عامل لى مشاكل بس كانت المشكله من عندى انا
لأنهم اجتماعيين زياده عن اللزوم بطريقه تخنق بالنسبه لى
و طبعى انا واهلى غير كده
يعنى الزيارات فى المناسبات والاعياد
انما هما الطبيعى بتاعهم لو حد عطس العيله كلها تكون عنده بتطمن عليه
فتره واتعودوا على بعض(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !)Comment
-
بص انتا مالك بيهم كبر دماغك و لو البنت شرياك خلاص
و خلي بالك كويس اوي كده فيه اهل بيبقى عاملين البحر طحينه
و محدش فيهم حيديلك حاجه و ملكش دعوه باخوها دا انا كنت برزل على جوز اختي :d و بعد كده بقينا اصحاب
المهم خلاصه الموضوع البنت من ذات الدين و فيها مواصفات الاسلام و شرياك خلاص توكل على الله
....ملحوظه مفيش حد كامل او جوازه كامله
لازم يبقى فيه حاجه كده و ربنا يكرمك شغلك ممكن يخليك تشتغل في حته بعيد عنهم خالص الموضوع مش كبير و متظلمش البنت معاك هي مغلطتش فيك و متنساش صلاه الاستخاره[CENTER][SIGPIC][/SIGPIC][/CENTER]
[CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
[CENTER][URL]http://www.nilemotors.net/Nile/101990-a.html[/URL][/CENTER]Comment
-
اخلع قبل ما تندم حيث لا ينفع الندم[SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
هو ده الكلامالمشاركة الأصلية كتبت بواسطة أحمد كمال مشاهدة المشاركة
الواحد يحكم العقل قبل القلب[B][SIZE=5]
[/SIZE][/B]
Eng.M Mahran سابقاComment
-
شوف يا أحمد الجواز دة باكيدج واحدة ذى الوجبة الكومبو كدة
انت مش بتاخد بنت بس لأ بتاخد بنت و اب و ام و اخ وعيلة ... يعنى عيلة بتندمج جوة عيلة لو انت شايف ان العيلتين مش ركبيين مع بعض يبقى بلاش لا عمرك حتعرف تقفل ع نفسك باب و تطنش عيلة و ولا عمرك حتعرف تفصلها عن جزورها
نصيحتى لييك لو انت شايف البنت ممتازة وتستاهل التعب .... شوف اية سبب المشكلة بتاعت اهلها ابتدى أعزم انت و اسأل فى التليفون وهكذا وقابلهم بوش حلو و جميل وشوف فى تغيير ولا لأ
لكن صعب قوى تناسب عيلة انت مش بلعها...
ويارب مكونش ظلمت حد يارباللى حيضيع بلدنا : الفهلوة و كلمة باشا و معلش و أصل
[SIGPIC][/SIGPIC]Comment
Comment