"خطيبتى"_اسيبها ولاأكمل_انا تعبت_وخايف!!!.

[dr.hazem]

صلي استخاره وشوف هيحصل ايه
انا عن نفسي بختار اهل البنت قبل البنت لانهم يا اما يكونو مصدر راحة ليك ولمراتك وعون ليك على التقدم
او انهم يكونو عبئ عليك وهم مش هتطيقه في وقت انتا هتكون اتجوزت واتدبست...

ولو اهلها مش هيريحوك متبقاش على البنت لانها هتكون واخده طباعهم مهما كان


ممكن اكون قاسي شويه بس انا عارف انا بتكلم عن ايه....
تحياتي

[Ghamrawy]

راحت بالك بالدنيا
طالما انت و اهلك مش مبسوطين من اهلها يبقى حاتفضل حاسس ان فى حاجة ناقصة مش مظبوطة و حاتتعكنن و حايجى يوم انت كمان تتضايق منها لانها اكيد واخدة نفس طبعهم
و خد بالك ان فترة الخطوبة دى بيبقى 3/4 تمثيل و الحقيقة بتبان لما يتقفل عليكوا باب واحد
يبقى على ايه كل ده ؟؟
نصيحتى انك تفركش الموضوع و تريح بالك

[eng.m7md.ali]

اللي بيحصل من اهلها ده يخليك تتمسك بيها اكتر لان بصراحة هيا ملهاش اي ذنب في طبع اهلها

[ghazy12]

انا شايف الموضوع غير مريح على حسب كلامك... والله اعلم بمدى سوء الموقف

يعني انت لما حكيت, ده يعتبر من طرف واحد, و اللي انت قلته ده
انا حطيت نفسي مكانك و لقيت اني متضايق بصراحه و حاسس بيك...

موضوع انهم يبيعوها العربيه (قصد) و مافيش حاجه باسمها (قصد)
ده غرييب جداا و مش مفهوم منهم, لانهم ببساطه خايفين على ايه و هما
مديينك حته منهم, و بنتهم اللي اهم من اي فلوووس..؟؟؟

و المفروض انهم مجوزينها لانسان هما واثقين فيه, و عارفين اخلاقه
و متأكدين انه مش انسان طماع او بيفكر في فلوسها, لانه اولاً و اخيراً
انت الراجل, يعني انت اللي هتصرف عليها مش العكس... فانت مش محتاجلهم


شوف... انا زمان كنت بقول انا مالي و مال اهل البنت..؟؟ انا ليا بيها
هي و بس, و هي اللي هتبقى في وشي 24 ساعه بين 4 حيطان مش اهلها...

لكن دلوقتي... بقولك ان الاهل و العائله بيفرقوا و بيفرقوا قوي كمان,
و اللي بيختار, لازم يختار البنت و اهلها Package زي ما قال مهران...

لكن في ناس كتييير ماعندهاش الدفئ الاسري و العلاقات الاجتماعيه
و الاسريه دي, و العزومات و المناسبات و الكلام ده... هما كده مش كارهينك

يعني ممكن مثلا يكونوا اهل خطيبتك و خطيبتك علاقتهم باقرابهم ضعيفه
بردو, و مابتشوفش عمها, عمتها, خالها, خالتها مثلا و لا تعرف عنهم حاجه

يبقى هما كده, و الناس مش وحشه ولا حاجه, لكن مش واخدين على الاجتماعيات
و ساعتها يبقى القرار في ايديك انت و بس, انت اللي تقول يناسبك ولا لأ؟؟

فكر كويس, و واجه نفسك بكل شئ بشكل واضح و خليك صريح مع نفسك
و شوف هل الوضع مناسب و هتعرف تتأقلم, ولا لأ؟؟؟ لان انت ادرى

و الاهم من اي شئ صلاة الاستخاره, و ربنا يهديك للخير ان شاء الله...

[mostafabakry]

مايمكن هما إلي مستنين منك إنك تعمل ...كل إلي إنت مستنيه منهم
طيب
حاول تبدأ إنت مد العلاقات..وصدقني هتلاقي نتيجة
ولومالقتش
يبقا تفكك منهم ...وخليك في مراتك
أنا عارف إن الموضوع هيبقا صعب...بس طالما البنت بتحبك
ده عندك بالدنيا

+1

انا مع رأي د/ أحمد

حاول تجرب الكلام دا و ان شاء الله تكون نتيجة طيبة

و بعدين انت عاوز ايه من اسرة كلها اطباء يا باشا يعني مافيش وقت لأي حاجة غير الشغل

انا عن نفسي مش عارف ازاي الأطباء بيقضوا يومهم
دول يا اما في المستشفي يا اما في العيادة يا اما في مؤتمرات طبية و علمية يا اما نايمين من التعب يعني ما فيش عندهم حاجة اسمها وقت للإجتماعيات
دا غير انك بتقول ان حماتك طبيبة في مصلحة الطب الشرعي يعني كتر الف خيرها

لو انت واثق من خطيبتك و متأكد منها يبقي توكل علي الله و ربنا يوفقك

[remomemo]

هو انت عرفت ازاى انهم بيعوها عربيتها قصد وان كل حاجة باسم اخوها ؟

النقطة دى حساسة وموش المفروض انك تكون عارفها اصلا الا لو هيا بتشتكى منهم

[icehearted girl]

هما صحيح معملوش معاك حاجة كويسة فخلال الخطوبة

بس برده معملوش معاك حاجة وحشة علشان تتهمهم بالاتهام دا

في ناس مش فبالها موضوع العزومات والزيارات دا

ولو فارق معاك اوي ابتدي انت اعزمهم عندك علشان تلفت نظرهم للنقطة دي

وطالما انت مش فارق معاك مادياتهم تبقي اي المشكلة انهم باعوا عربيتها ان شالله يبيعوا هدومها حتي طالما مقصروش معاك في الاتفاق

انا بشوف ناس بتاخد من البنت دهبها والله لما بتتجوز


اخوها دا بقي اهلها مدلعينه دي برده حاجة متخصكش اوي وهي مذنبهاش حاجة ان اخوها بالشكل دا او انه مش نازلك من زور

متحسسهاش بتأنيب ضمير كل شوية ان دول اهلها واتق الله فيها

[lada2010]

اهم شى اوعى تبيع العربية علشان مراة

[zein_2009]

لو مالى ايدك منها 1000%
عارف انها عندها دين وحط تحت دى 100 خط
يعنى اكيد من 6 شهور دول عارف هى بتصلى بانتظام ولا لا
واخلاقها عامله ايه
وعرفت كذا طبع من طباعها
انا شايف انك تتوكل على الله
على الاقل هتاخد ثواب فى انك تمشيها من البيت المنيل دا
مع انى عاوزك تبقى عارف انك هتعانى من دا بعد الجواز
فى انك لما تتجوز هتبقى تتمنى ان اهلها يبقوا اهللك انما دا مش هيحصل طالما هما ناس بلشكل دا
لدرجه انك لو احتاجت تسيب ولادك عندهم مره عشان ظروف ,,, مش هتقدر
صلى استخاره
وشوف ايه اللى ربنا هيوفقك ليه
وربنا يكتب ليك كل خير

ونصيحتى برده استنى لوحتى شهر كمان عشان متقولش انك اتسرعت

ده اجمل راي شفته ومفيش حاجه اضيفها غير ركز في كلام الراجل ده اوي

[د.احمدالشافعى]

شوف يا أحمد الجواز دة باكيدج واحدة ذى الوجبة الكومبو كدة

انت مش بتاخد بنت بس لأ بتاخد بنت و اب و ام و اخ وعيلة ... يعنى عيلة بتندمج جوة عيلة لو انت شايف ان العيلتين مش ركبيين مع بعض يبقى بلاش لا عمرك حتعرف تقفل ع نفسك باب و تطنش عيلة و ولا عمرك حتعرف تفصلها عن جزورها


نصيحتى لييك لو انت شايف البنت ممتازة وتستاهل التعب .... شوف اية سبب المشكلة بتاعت اهلها ابتدى أعزم انت و اسأل فى التليفون وهكذا وقابلهم بوش حلو و جميل وشوف فى تغيير ولا لأ

لكن صعب قوى تناسب عيلة انت مش بلعها...

ويارب مكونش ظلمت حد يارب

+1111

[hazoom2006]

اية يا ابو حميد روحت فين .....!!!

[epnmasr]

كل الكلام اللى قالوه الزملاء ده ممتاز ومهم جدا واهم ما فيه علشان مكررش الكلام تصلى استخاره وتذكّر ان اهم حاجه فى صلاة الإستخاره انك تترك الامر لله ولا تدخل فيها اى اهواء واعلم ان صلاة الاستخاره يتحقق فيها قول الله عز وجل عسى ان تكرهوا وعسى ان تحبوا من خيرا فى ما نكره وشرا فى ما نحب فربما كان من الخير لك ان تتركها فى الوقت اللى معظمنا شيفين انك متتركهاش والعكس . اما عن رأيى المتواضع بالإضاف لكل اللى قالوه الزملاء والميزه انها شرياك انها كمان متفقه معك فى انهم مزودنها كتير يعنى لو كانت بتبرر سلبياتهم على طول زى كثير من البنات على الفاضى وعلى المليان كنت تقلق وكان يبقى معك حق بس اديها فرصه ما دام ملهمش تاثير عليها وانت ادرى بذلك لان لو ليهم تاثير عليها وهم بالعجرفه دى حتتعب معاها معلش انا حابب الفت نظرك لان هذه اهم حاجه وانت ادرى واعلم بذلك . والله الموفق

[i_Am_Legend]

يا جماعة انا جربت انا ابتدى مع والدتها_كلمتها يوم وقفة رمضان_انا: كل سنة وحضرتك طيبة ياطنط_هى:وانت طيب_هى نشوفك على خير إن شاء الله_سلام سلام_ولا عزمتنى ولا الهوا_ولا سلم على اهلك ولا يحزنون_طول رمضان مستنيها تعزمنى_مع إنى مش بروح فاضى والله_اقل واجب_دستة جاتوة من لابوار_ب90 جنيه.او قصر الإليزيه_ب60 جنيه.المهم هى مقتنعة جدا ان اهلها غلطانين _وقرفانة منهم_ كلمتنى من شوية قالتلى انا اتناقشت مع ما ما وأخويا_قالولها إحنا كدة ومش هانتغير_طيب عاملوه كويس دة ما يستاهلش كدة_احنا معاملتنا كدة وخليه يشيلنا من دماغة خالص_هو مالة بينا.وانتى بعد الجواز مش هاتيجى هنا تانى_والمصيبة انهم كاتبين الشقة باسم اخوها بس_ابوها كاتب لنفسة الثلث_علشان الواد مايطرهمش او يبيعها_شفتوا المصيبة_الشقة فى أغا خان على الكورنيش_البنت هاتتحسر على الشقة_انا قولتلها يابنتى فى داهية_مش مهم_كنت فاكر انهم مقرفين فى الماديات بس_والله العظيم_حتى بيوعها عربيتها_ابوها ضحك عليها فيها_قالها بيعى العربية_قالتلة لأ_ضحك عليها_هو كان شارى محل كبير_200 الف جنيه_وقالها بيعيها علشان اكمل_بفلوسها واعملك الصيدلية اللى بتحلمى بيها_هى فرحت وباعت العربية_واخد الفلوس منها والمحل كان فاضلة 50 الف من ال200_راح مسددهم بفلوس العربيةجابت 43_وهو كمل ال7 الاف_وخلها طلعتلهم تصريح الصيدلية_وراح كاتب الصيدلية باسم الولد _وقالها لما الصيدلية تشتغل_ابقى انزلى اشتغلى فيها_بدل ما تشتغلى عند حد غريب_وهاتخدى 500 جنيه فى الشهر.طبعا هى إنهارت وقعدت تعيط يجى اسبوع.بقولها طيب هو بيعمل معاكى كدة ليه_انا فاكرهم_بيختبرونى مثلا_هو قلها يعنى يجى راجل غريب ياخد فلوسنا أخوكى اولى_وكمان ابوها لما نزل من السعودية علشان الخطوبة_جابلى زجاجة برفان هدية_اخوها اخدها_يقولة يابنى دى هدية لخطيب أختك _قالة عجبانى ريحتها_قالوا من جايبلك 3انت طلبتهم بالاسم_قالوا هاخدها وماتقولوش_هى حكيتلى على اللى حصل_قولتلها وهو انا مستنى منكم ازازة برفان.

[A7MED_PHARMA]

يا جماعة انا جربت انا ابتدى مع والدتها_كلمتها يوم وقفة رمضان_انا: كل سنة وحضرتك طيبة ياطنط_هى:وانت طيب_هى نشوفك على خير إن شاء الله_سلام سلام_ولا عزمتنى ولا الهوا_ولا سلم على اهلك ولا يحزنون_طول رمضان مستنيها تعزمنى_مع إنى مش بروح فاضى والله_اقل واجب_دستة جاتوة من لابوار_ب90 جنيه.او قصر الإليزيه_ب60 جنيه.المهم هى مقتنعة جدا ان اهلها غلطانين _وقرفانة منهم_ كلمتنى من شوية قالتلى انا اتناقشت مع ما ما وأخويا_قالولها إحنا كدة ومش هانتغير_طيب عاملوه كويس دة ما يستاهلش كدة_احنا معاملتنا كدة وخليه يشيلنا من دماغة خالص_هو مالة بينا.وانتى بعد الجواز مش هاتيجى هنا تانى_والمصيبة انهم كاتبين الشقة باسم اخوها بس_ابوها كاتب لنفسة الثلث_علشان الواد مايطرهمش او يبيعها_شفتوا المصيبة_الشقة فى أغا خان على الكورنيش_البنت هاتتحسر على الشقة_انا قولتلها يابنتى فى داهية_مش مهم_كنت فاكر انهم مقرفين فى الماديات بس_والله العظيم_حتى بيوعها عربيتها_ابوها ضحك عليها فيها_قالها بيعى العربية_قالتلة لأ_ضحك عليها_هو كان شارى محل كبير_200 الف جنيه_وقالها بيعيها علشان اكمل_بفلوسها واعملك الصيدلية اللى بتحلمى بيها_هى فرحت وباعت العربية_واخد الفلوس منها والمحل كان فاضلة 50 الف من ال200_راح مسددهم بفلوس العربيةجابت 43_وهو كمل ال7 الاف_وخلها طلعتلهم تصريح الصيدلية_وراح كاتب الصيدلية باسم الولد _وقالها لما الصيدلية تشتغل_ابقى انزلى اشتغلى فيها_بدل ما تشتغلى عند حد غريب_وهاتخدى 500 جنيه فى الشهر.طبعا هى إنهارت وقعدت تعيط يجى اسبوع.بقولها طيب هو بيعمل معاكى كدة ليه_انا فاكرهم_بيختبرونى مثلا_هو قلها يعنى يجى راجل غريب ياخد فلوسنا أخوكى اولى_وكمان ابوها لما نزل من السعودية علشان الخطوبة_جابلى زجاجة برفان هدية_اخوها اخدها_يقولة يابنى دى هدية لخطيب أختك _قالة عجبانى ريحتها_قالوا من جايبلك 3انت طلبتهم بالاسم_قالوا هاخدها وماتقولوش_هى حكيتلى على اللى حصل_قولتلها وهو انا مستنى منكم ازازة برفان.

عذرا ياأحمد

أبوها دي راجل ...........

مش عاجبه شرع ربنا ..وبيقسم زي ماهو عاوز..مش زي ماربنا قال
وبيقولها :مانتي هتتجوزي مش هتيجي هنا تاني
وكمان هيا الصيدلانية ..وهتشتغل عند أخوها الفكسان التيت ده

الموضوع صعب جدا..بس البنت ماتستاهلش منك إلا الخير
خد البنت
وتيتتتت تييتتتتت تيتتتتتتتت أهلها

[ghazy12]

يا جماعة انا جربت انا ابتدى مع والدتها_كلمتها يوم وقفة رمضان_انا: كل سنة وحضرتك طيبة ياطنط_هى:وانت طيب_هى نشوفك على خير إن شاء الله_سلام سلام_ولا عزمتنى ولا الهوا_ولا سلم على اهلك ولا يحزنون_طول رمضان مستنيها تعزمنى_مع إنى مش بروح فاضى والله_اقل واجب_دستة جاتوة من لابوار_ب90 جنيه.او قصر الإليزيه_ب60 جنيه.المهم هى مقتنعة جدا ان اهلها غلطانين _وقرفانة منهم_ كلمتنى من شوية قالتلى انا اتناقشت مع ما ما وأخويا_قالولها إحنا كدة ومش هانتغير_طيب عاملوه كويس دة ما يستاهلش كدة_احنا معاملتنا كدة وخليه يشيلنا من دماغة خالص_هو مالة بينا.وانتى بعد الجواز مش هاتيجى هنا تانى_والمصيبة انهم كاتبين الشقة باسم اخوها بس_ابوها كاتب لنفسة الثلث_علشان الواد مايطرهمش او يبيعها_شفتوا المصيبة_الشقة فى أغا خان على الكورنيش_البنت هاتتحسر على الشقة_انا قولتلها يابنتى فى داهية_مش مهم_كنت فاكر انهم مقرفين فى الماديات بس_والله العظيم_حتى بيوعها عربيتها_ابوها ضحك عليها فيها_قالها بيعى العربية_قالتلة لأ_ضحك عليها_هو كان شارى محل كبير_200 الف جنيه_وقالها بيعيها علشان اكمل_بفلوسها واعملك الصيدلية اللى بتحلمى بيها_هى فرحت وباعت العربية_واخد الفلوس منها والمحل كان فاضلة 50 الف من ال200_راح مسددهم بفلوس العربيةجابت 43_وهو كمل ال7 الاف_وخلها طلعتلهم تصريح الصيدلية_وراح كاتب الصيدلية باسم الولد _وقالها لما الصيدلية تشتغل_ابقى انزلى اشتغلى فيها_بدل ما تشتغلى عند حد غريب_وهاتخدى 500 جنيه فى الشهر.طبعا هى إنهارت وقعدت تعيط يجى اسبوع.بقولها طيب هو بيعمل معاكى كدة ليه_انا فاكرهم_بيختبرونى مثلا_هو قلها يعنى يجى راجل غريب ياخد فلوسنا أخوكى اولى_وكمان ابوها لما نزل من السعودية علشان الخطوبة_جابلى زجاجة برفان هدية_اخوها اخدها_يقولة يابنى دى هدية لخطيب أختك _قالة عجبانى ريحتها_قالوا من جايبلك 3انت طلبتهم بالاسم_قالوا هاخدها وماتقولوش_هى حكيتلى على اللى حصل_قولتلها وهو انا مستنى منكم ازازة برفان.

مع ان في حاجات من اللي بتحكيها اصغر من انها تتحكي او تتقال (مش مؤثره يعني)...

لكن سامحني بجد, هي البنت زي الفل و كويسه جدااا... بس للاسف الموضوع ماينفعش في رأي

و الاسباب كتييييييييير لو عايز اسباب...

ده رأي الشخصي المتواضع... و ربنا يهديك للخير و الاصلح ليك...