"خطيبتى"_اسيبها ولاأكمل_انا تعبت_وخايف!!!.

[hemalotfy]

الاخوه الاعضاء مش قصرو وجابو من الاخر ونصيحة بلاش تتسرع في اي حاجة سواء هتفركش او هتكمل علشان متندمش بعد كده وفكر بتأني واقراء مقترحات الاعضاء هنا اكثر من ممتازة وقبل اي شيء صلي صلاة استخارة اكثر من مره واتوكل على واطلب الخير من ربنا

وفي النهاية ربنا يكرمك ويوفقك لما يحبه ويرضــــــــــــاه

[omaroof]

بص يابوحميد انا بعد ماقريت الموضوع وقرأت الردود
اقول رأيى وياريت ماتزعلش منى لانى زى اخوك الكبير والدنيا ياما شوفت منها
1- البنت دى الحمد لله ربنا كرمك بيها وبنت ناس محترمه (بغض النظر عن العزومات اوتفضيل ابنهم على بنتهم لان مافيش حد كامل وكلنا فينا عيوب وكل رب اسره وليه تفكيره ومادام ماقصروش معاك فى مسئوليات لا تلومهم فى شئ وعجل بالزواج
2- انته مالكش دعوة بايعوها العربيه كتبم كل شئ باسم ابنهم كل ده مايخصكش لانك عاوز تتجوز البنت موش داخل على طمع يعنى وفى حالة انهم لم يكتبو لها شئ فذنبها على ابوها وامها اللى مارعوش حدود الله
3- البنت بتحبك وواثقه فيك وبتحكيلك كل شى فماتعاقبهاش على وثوقها فيك بل بالعكس خلى الحب والصراحه تخليكو صحاب على طول وتحكو كل حاجه لبعض وده بيقوى الترابط بين الزوجين جدا جدا مع الالتزام انك الراجل والرأى الاخير ليك انته
4- اتق اله فيها وعاملها بما يرضى الله كأنها زوجتك واختك وبنتك وربنا سوف يفتحها عليك من حيث لا تدرى ( ومن يتق الله يجعل له مخرجا ويرزقه من حيث لا يحتسب)
وبالتوفيق ان شاء الله

[i_Am_Legend]

يا جماعة...........لازم هايبقى فى احتكاك ما بين الاهل مافيش حد

بيعيش لوحدة..........وانا نفسى اعيش جو العيلة ...انا

قرفان ومش عارف اخد قرار...........

وامها مافيعاش امل رخمة جداااااااااا..........

واخوها شاب توتى مقضيها......وابوها دماغة هربانة.......

[hazoom2006]

خلاص يبقى تهرب انت كمان

وبرده صلى صلاه الاستخاره ومحدش عارف الخير فين وفى الاول والاخر ده نصيب

[remomemo]

يا جماعة...........لازم هايبقى فى احتكاك ما بين الاهل مافيش حد

بيعيش لوحدة..........وانا نفسى اعيش جو العيلة ...انا

قرفان ومش عارف اخد قرار...........

وامها مافيعاش امل رخمة جداااااااااا..........

واخوها شاب توتى مقضيها......وابوها دماغة هربانة.......

طيب ماتجذبها انت لعيلتك وعيش الجو الاسرى ده وسط عيلتك انت معاها

[meero_boy2000]

بص ياباشا في مثل بيقول اقلب القدره علي فمها تطلع البنت لامها صح
المثل ده لأؤمن بيه اطلاقا لان كل واحد ليه شخصيته المستقله ان من رأيي لو البنت بنت حلال وواثق مليون الميه يبقي متاخدهاش بذنب اهلها بس لو واثق فيها فعلا بس حاول تسأل عليهم شوف بيعاملوا بنتهم كده ليه قبل مايكونوا بيعاملوك انت كده لان هما بيعاملوك كده عشان انت من طرف بنتهم خلي بالك من دي بدليل انهم اخده عربيتها وبيعاملوا ابنهم افضل حسب كلامك فشوف ايه السبب ؟؟؟؟ ليه بيعملوا كده معاها لان هو ده مفتاح الموضوع؟؟؟ وان شاء الله خير وهي عندها حق هتتجوز وهيتقفل عليكوا بابكوا وخلاص شكرا علي كده وطمنا عليك بالتوفيق

[Ahmed Eraqy]

انصحك بكثرة الأستخارة مع استكمال الموضوع عادي بس بشرط ان يكون متوفر في البنت الشروط الشرعية زي دينها والتزامها
وان شاء الله لا الموضوع يمشي ولا لأ
ولكن لا تترك الموضوع لأحساسك الداخلي
لأن الهوى بيدخل في الشيطان
اترك الموضوع كله لله وامشي فيه واكثر من الأستخارة
وان شاء الله ربنا يوفقك لما هو خير لك
لأن لا احد منا ولا انت نفسك يقدر يحدد الخير لك في حالتك انت فيين
الله عزو وجل هو العالم بذلك

و نعم الرأى !

اكثر فى سجودك من هذا الدعاء : اللهم دبر لى فاني لا احسن التدبير

[rov]

انا مش حقدر اقولك سيبها
بس الجواز عيله كامله وليس واحد ووحده
حاول تخلي اهلك يعزموهم وابدأ بالتقرب
لو مفيش فايده يبقي كل شئ نصيب والله الموفق
لكن استخير قبل كل شئ

[dr-mohamed]

ايه ده كل دي مشاركات في اقل من يوم
تعبتوا عينيا وانا بقرا كل المشاركات لان فعلا الموضوع شائك

رايي المتواضع وقد أخطئ او اصيب ومتزعلش مني احنا سمعنا منك انت بس والاعضاء معظمهم يا اما اتاثر بتجاربه الشخصية يا اما اتعاطف معاك لانك انت اللى بتحكي المهم متزعلش مني لانى ببص للموضوع من وجهة نظر محايدة:
1- انت ليه بتشتكي هما عملوا كذا هما معملوش كذا طيب وانت فين ليه مبدأتش انت ومتقوليش بروح معايا جاتوه وتورتة المفروض انت الراجل كنت انت اللى بدات بعزومتهم في رمضان انت معملتش كدة هما ردوها لك ومعزموكش تصرف طبيعي
2- انت مش عاجبك انهم بيعوا بنتهم واخد بالك بنتهم عربيتها اللى من فلوسهم واخد بالك تاني فلوسهم هما مش فلوسك وبتتكلم انك بتجيب الجاتوه من لابوار ب90 جنيه ومن معرفش مين ب60 جنيه
3- انت مالك بيعوها عربيتها ولا كتبوا الشقة باسم اخوها هي دي فلوسك يا اخي ؟؟؟؟؟؟؟؟
لما يبيعوها دهبها اللى انت هتشتريه بعد الجواز يبقي ليك حق انما حاجة ابوها اشتراها لها واتزنق في مشروع وباعها ايه المشكلة هو الاب كمان هيحرم انه يتصرف في الحاجات اللى اشتراها بفلوسه ؟؟؟؟؟؟؟؟؟؟؟
زي ما انا خايف اظلمهم خايف اظلمك واقول انك بطريقتك دي تبقي طمعان في فلوسهم ويبقي عندهم حق لانهم حسوا انك داخل على طمع فبيجردوا البنت من كل حاجة علشان يشوفوا انت هتعمل ايه ؟
هاتسيب بنتهم يبقي لامؤاخذة في ستين داهية وهما الكسبانين
هاتتمسك ببنتهم يبقي انت محترم وعايز البنت فعلا وساعتها تظهر الاوراق الحقيقية اللى بيلغوا بيها كل حاجة لوضعها الطبيعي
الناس دي معملتش الفلوس بالساهل بسفر وغربة وبعد يبقي بالتالي مش هايسيبوها لواحد لسة مش مطمنين له
4- البنت غلطت انها حكت لك حاجات زي دي زي ما الاخوة قالوا لان المفروض متقولكش عن اهلها غير ما يسرك ومتقولش لاهلها عنك غير ما يسرهم علشان تقرب القلوب بس يمكن قلة خبرة منها او اختبار جماعي معمول لك والبنت نفسها مشتركة فيه
5- لو البنت كويسة وزي ما قال اكتر من اخ هنا لو البنت متدينة وتحفظك في بيتك ومالك يبقي بخل اهلها لو حقيقي مش سبب انك تسيبها
يا ابني يا حبيبي البنات الكويسة قليلين والرجالة الحقيقيين بردو قليلين الزمان ده لو البنت كويسة اتمسك بيها ولا مؤاخذة انت المفروض مش محتاج فلوس اهلها ولا تبص لفلوس اهلها من دلوقت وهتورث كام وميراثها فين الراجل الحقيقي بيختار الست علشان تستاهل تحمل اسمه وتربي ولاده مش علشان هتورث ايه وكام

وفي الاخر لو ربنا شايف ان ده فيه خير ليها وليك يبقي ربنا يكرمكم وتتم الجوازة على خير ولو في الجواز شر لك او لها يبقي ربنا يقفلها من عنده
وماتقلقش اللى ممكتوب لك هايصيبك والانسانة اللى المفروض هاتتجوزها متحددة من زماااااااااااااااااان بس انت اللى متعرفش زي كل اللى اتجوزوا قبلك

[i_Am_Legend]

يا دكتور_محمد_احب اقول لحضرتك_انا اول ما اتقدمتلها_لا كنت اعرف عندها عربية_ولا فلوس ولا أى حاجة_وهى نفسها اختبرتنى_قالتلى احنا ما حلتناش حاجة غير الشقة دى والعربية بأسم بابا_انا بقى زعقت معاها جامد_وقولتلها انتى بتستهبلى_انا ماليس دعوة بحاجتك_وما تكليمنيش فى أى امور مادية تخصكم_بعديها بشهر_قالتلى عايزة اقولك على سر!_ العربية بأسمى_وعندنا عمارة كاملة بتاعتنا_ومحل فى ش شبرا_ومحل مش عارف فين_وفلوس ايه_!انا رديت عليها بلا مبالاة_قولتلها _ماشى اعمل ايه يعنى_قالتلى انا مبسوطة منك_وبابا كمان_وطلعت إنسان نضيف_قولتلها ربنا يشفى_يعنى انا هابص لفلوسك_حتى لما كنا بنخرج كلنا_كنت بركبهم عربيتى_ماكنتش
برضى اركب معاها عربيتها.وبعدين بعد كل دة قالتلى كل املاكنا بأسم اخويا _وقعدت تشتكى_اقسم بالله_قولتلها ماتدخلينيش فى امور مادية_انا مالى_وتحكيلى وتسخنى_لحد ما قرفت_:اللى عايز اوضحة_انا مش باصص لفلوس_ولا زفت_هى اللى صعبان عليها_نفسها_انا بتكلم فى إجتماعيات_هما رخمين جدا_واحنا أكتر من مرة ابتدينا معاهم_بس هما رخمين جدا_وما لهمش كلمة _وبيماطلوا_اقولها عاجبك كدا_تقولى مالناش دعوة بيهم_يابنتى ازاى بس_وحقوقى وكرامتى_هو فى كدة_تقولى سيبك منهم_هما عيلة بابا كدة_ما بيحبوش البنات_طيب انا ذنبى ايه اعيش فى القرف دة_هى:انا مش عارفة انت معقدها ليه_لازم موضوع اهلى دة يعنى_اعتبرهم ماتوا.انا سكت_وماعرفتش أرد.

[i_Am_Legend]

يعنى فى مرة كنت عندهم_فبقولها ايه أخبارك يا طنط ازى حضرتك_قالتلى ايوة اشتغلنى اشتغلنى كل بعقلى حلاوة!!بصيت للبنت_ايه دة هو فى ايه؟وسكت_لحد ما مشيت وكنت مصدوم_هى قالتلى معلش هى دماغها كدة_وزعقت معاها_انتى بتعملى معاه كدة ليه_اللى انا أكتشفتة_بقى_هى أتخطبت قبل كدة_كانوا بيعاملوه بنفس الطريقة_لحد ما طفش.

[ashouhdy]

لو انت مش (مبسوط) يبقى بلاش ومترغمش نفسك ع حاجة وذى ماقلتلك الجواز يعنى انت بتاخد اب و ام و بنت واخ وخال و عيلتين بيندمجوا جوة بعض.

المفروض الخطوبة تبقى اسعد ايام حياتك لو مش شايف انها كدة يبقى أبعد
يعنى ببساطة شديدة لما بترن عليك ولقيت قلبك بينقبض يبقى ابعد

لو عايش ايام سعيدة وطاير وفرحان والموضوع دة بيضيقك 5 دقايق فى اليوم يبقى كمل انت شايف اكتر منا

حاجة تانية واخيرة عشان منذهقش ومحدش جاب سيرتها خاااالص ...

لازم البنت بتكون بتحب وتقدر مامتك جدا جدا جدا جدا و تكون بتعملها بحب بجد ... عشان متجيش بعد كدة تبقى محتار ترضى مين مراتك ولا أمك ... واكيد كلنا بنختار الأم و لازم مامتك بتكون بتحبها وتعتبرها ذى بنتها عشان ترضى عنك وحياتك تبقى كلها سعادة بأذن الله.

[dr-mohamed]

يا دكتور_محمد_احب اقول لحضرتك_انا اول ما اتقدمتلها_لا كنت اعرف عندها عربية_ولا فلوس ولا أى حاجة_وهى نفسها اختبرتنى_قالتلى احنا ما حلتناش حاجة غير الشقة دى والعربية بأسم بابا_انا بقى زعقت معاها جامد_وقولتلها انتى بتستهبلى_انا ماليس دعوة بحاجتك_وما تكليمنيش فى أى امور مادية تخصكم_بعديها بشهر_قالتلى عايزة اقولك على سر!_ العربية بأسمى_وعندنا عمارة كاملة بتاعتنا_ومحل فى ش شبرا_ومحل مش عارف فين_وفلوس ايه_!انا رديت عليها بلا مبالاة_قولتلها _ماشى اعمل ايه يعنى_قالتلى انا مبسوطة منك_وبابا كمان_وطلعت إنسان نضيف_قولتلها ربنا يشفى_يعنى انا هابص لفلوسك_حتى لما كنا بنخرج كلنا_كنت بركبهم عربيتى_ماكنتش
برضى اركب معاها عربيتها.وبعدين بعد كل دة قالتلى كل املاكنا بأسم اخويا _وقعدت تشتكى_اقسم بالله_قولتلها ماتدخلينيش فى امور مادية_انا مالى_وتحكيلى وتسخنى_لحد ما قرفت_:اللى عايز اوضحة_انا مش باصص لفلوس_ولا زفت_هى اللى صعبان عليها_نفسها_انا بتكلم فى إجتماعيات_هما رخمين جدا_واحنا أكتر من مرة ابتدينا معاهم_بس هما رخمين جدا_وما لهمش كلمة _وبيماطلوا_اقولها عاجبك كدا_تقولى مالناش دعوة بيهم_يابنتى ازاى بس_وحقوقى وكرامتى_هو فى كدة_تقولى سيبك منهم_هما عيلة بابا كدة_ما بيحبوش البنات_طيب انا ذنبى ايه اعيش فى القرف دة_هى:انا مش عارفة انت معقدها ليه_لازم موضوع اهلى دة يعنى_اعتبرهم ماتوا.انا سكت_وماعرفتش أرد.

يا ليجند يا حبيبي انا كلمتك من وجهة نظر محايدوة ومن وجهة نظرهم هما كمان
وبصراحة في اول مشاركتك دي حسيت ان كل الكلام ده اختبارات مش اكتر علشان يطمنوا انك مش طمعان في فلوسهم وعندهم حق طبعا لازم يطمنوا ان اللى هياخد بنتهم بياخدها علشان عايزها مش علشان فلوسها واكيد اتقرصوا في مواضيع مشابهة قبل كدة في ظروف مختلفة
اما عن طبعهم فيا سيدي الناس مش كلها زي بعضها وانا مش شايف انهم عملوا معاك حاجة غلط من كلامك كل ما في الامر انهم مش اجتماعيين ومش بيحبوا الاختلاط
لكن فيه جملة في اخر كلامك انها قالت لك اعتبرهم ماتوا ؟؟؟؟؟؟؟؟؟؟؟؟؟؟؟؟؟
بصراحة كلمة معجبتنيش نهائي وقلقتني منها هي
لما بتقول كدة على اهلها اللى اكلوها وشربوها وطفحوها ومن صلبهم وعابشة معاهم العمر ده كله علشان خاطرك انت اللى تعرفك من 6 شهور يبقي ممكن تقول عنك انت ايه في المستقبل ؟؟؟؟؟؟؟؟
انت سكت لما قالت لك كدة لكن انا بصراحة اتصدمت ان بنت تقول كدة لخطيبها عن اهلها رغم انهم مقصروش معاها في حاجة بدليل انهم جابوا لها عربية

[i_Am_Legend]

طيب انا كنت هاتجنن_عايز اعرف ليه بيعاملوها كدة_لدرجة انى شكيت انها بنتهم_بالتبنى_بس هى نسخة من ما متها_وشبه والدها جدا فى حاجت كتير_وهى وأخوها نفس لون العين.قالتلى احنا عيلتنا ما بيحبوش البنات_طيب ياستى مش لازم يحبوهم_طيب انا بيعاملونى كدة ليييييه_هى:علشان انت خطيبى.!

[dr-mohamed]

يعنى فى مرة كنت عندهم_فبقولها ايه أخبارك يا طنط ازى حضرتك_قالتلى ايوة اشتغلنى اشتغلنى كل بعقلى حلاوة!!بصيت للبنت_ايه دة هو فى ايه؟وسكت_لحد ما مشيت وكنت مصدوم_هى قالتلى معلش هى دماغها كدة_وزعقت معاها_انتى بتعملى معاه كدة ليه_اللى انا أكتشفتة_بقى_هى أتخطبت قبل كدة_كانوا بيعاملوه بنفس الطريقة_لحد ما طفش.

ههههههههههههههههههههههه
يا راجل
ودي تزعلك اوي كدة
يا سيدي دي بنقولها وبتتقال لنا في اليوم الواحد 100 مرة
كبر دماغكام شوية بشكل عام مش في الموضوع ده تحديدا