"خطيبتى"_اسيبها ولاأكمل_انا تعبت_وخايف!!!.

[hugan]

هو انا عندي تعليقات كتيييير على بعض ردود الاعضاء, لكن اسمحلي اعلق على الجمله دي...



انا شايف ان دي مش ميزه على الاطلاق... ده عيب

هي البنت قبل الجواز المفروض ولائها و انتمائها يكون لمين..؟؟؟ مش لاهلها (فقط)..؟؟

و لما هما لسه ماتجوزوش و كسرت القاعده, و بقى ولائها ليه... ده يطمنك ولا يقلقك..؟؟؟

لما تكون على ذمته... يبقى جوزها رقم واحد في كل شئ, لكن لو لسه ماتجوزهاش, يبقى اهلها رقم واحد
حتى لو كانوا مختلفين, و هي مش متفقه معاهم في نظام حياتهم و اسلوبهم....... كل ده مش مبرر


الوضع السليم... البنت تكبر اهلها... و الاهل بيقدروا و بيثمنوا بنتهم, لانها فعلاً غاليه قوي عندهم...

ارجو ان تتقبل تعليقي بصدر رحب...

معلش البنت من كلامه واضح انها بتحبه ومخلصه ليه ورافضه كل تصرفات ابوها وامها
العكس هو الصحيح لو دارت علي طبيعه ابوها وامها هنا المشكله الاكبر لان احمد اكيد ها ينخدع فيهم وفيها
لكنها بتنقل ليه الصوره الكامله عنهم وعن تصرفاتهم الغلط
بالبلدي ما بتغشوش
ويقدر يحكم صح اذا كان يكمل اولا
صدقني اخلاصها ليه وولائها ليه اكبر ميزه فيها
ياخي نادر انك تلا قي بنت ما تحولش تجمل صورتها وصوره ا هلها لو هما ناس وحشه
وبعد الجواز ينكشف المستور
يعني تقوله ابويا وامي بيحبوك جدا واخويا بيقدرك جدا وانا ابويا كاتب ليا نصف ثروته
صريحه جدا ومخلصه ليه جدا

[A7MED_PHARMA]

بص ياأبو حميد
أنا .. والله أعلم ..هقولك خلاصة الكلام (حسب دماغي المتواضعة)

البنت نسبها كويس ومن عيلة
البنت بتحبك
البنت إنت بتحبها

يبقا تكمل الموضوع ...وتتجوزها
وتتعامل مع أهلها بما يرضي الله .. يعني ماتقابلش الإساءة بالإساءة
يعني بعدوا عنكوا ..قرب إنت منهم علشان خاطر مراتك
وودهم زي ماربنا قال .. وأوصل رحم زوجتك

فاهمني
يعني خد البنت إلي بتحبها ..وإتق الله فيهم
حتى لو هما قابلوك بالإساءة

المهم
إنك هتطلع إنت الكسبان .. بالزوجة إلي إنت بتتمناها

[remomemo]

مش انا صاحب الموضوع اصلا يا ريمو...

انا بقول رأي الشخصي في الموضوع بس, لكن مش انا صاحبه...

عارفة بس هى خبطط فيك سورى ههههه

فى نقطة لازم صاحب المشكلة يفهمها
ان البنت ستر وغطا على الاتنين
يعنى لاتبين عيوبه عند اهلها ولا العكس
بيوتنا كلنا مليانة مشاكل لكن قدام الناس ماينفعش كل حاجة تبان
صاحب المشكلة عارف حاجات مايصحش تطلع بره

[ghazy12]

معلش البنت من كلامه واضح انها بتحبه ومخلصه ليه ورافضه كل تصرفات ابوها وامها
العكس هو الصحيح لو دارت علي طبيعه ابوها وامها هنا المشكله الاكبر لان احمد اكيد ها ينخدع فيهم وفيها
لكنها بتنقل ليه الصوره الكامله عنهم وعن تصرفاتهم الغلط
بالبلدي ما بتغشوش
ويقدر يحكم صح اذا كان يكمل اولا
صدقني اخلاصها ليه وولائها ليه اكبر ميزه فيها
ياخي نادر انك تلا قي بنت ما تحولش تجمل صورتها وصوره ا هلها لو هما ناس وحشه
وبعد الجواز ينكشف المستور
يعني تقوله ابويا وامي بيحبوك جدا واخويا بيقدرك جدا وانا ابويا كاتب ليا نصف ثروته
صريحه جدا ومخلصه ليه جدا

يا فندم انا معاك, و فاهم قصدك, و البنت صريحه و ده شئ ممتاز... و لكن

تكون صريحه, و ماتخدعهوش, و تكون مش متفقه مع اهلها في تصرفاتهم, بس ماتجيش في صفه عليهم,
لان في الاول و الاخر دول اهلها, و هو بالنسبه ليها شرعاً و فعلاً مجرد انسان مناسب متقدم
حتى لو كان خطيبها, لان الخطوبه مش صفه شرعيه تديله الاولويه على اهلها اصلاً...

قبل الجواز... اهلها رقم 1
بعد الجواز... جوزها رقم 1

في الجواز بالذات... لا يصح إلا الصحيح

و ده رأي الشخصي اللي بنيته عن تجارب كتييير, و على اساس من الدين و الاصول اللي اتربينا عليها...

تقبل تحياتي...

[n_i_t_e]

عذرا ياأحمد

أبوها دي راجل ...........

مش عاجبه شرع ربنا ..وبيقسم زي ماهو عاوز..مش زي ماربنا قال
وبيقولها :مانتي هتتجوزي مش هتيجي هنا تاني
وكمان هيا الصيدلانية ..وهتشتغل عند أخوها الفكسان التيت ده

الموضوع صعب جدا..بس البنت ماتستاهلش منك إلا الخير
خد البنت
وتيتتتت تييتتتتت تيتتتتتتتت أهلها

أئيدك فى تييت تييييت تيييت دي...تصرفاتهم بصراحة تنرفز مش عارف أحمد استحملهم ازاي.

طيب ماتجرب ياباشا انتا واهلك تعزمهم
يعنى انتا بتقول انهم حتى مش عزموك فى رمضان
هل جريت انتا تعزمهم ؟؟؟؟

يتهيألى صعب تجيله نفس أصلا يعزمهم أو يشوفهم حتى

هو انا عندي تعليقات كتيييير على بعض ردود الاعضاء, لكن اسمحلي اعلق على الجمله دي...



انا شايف ان دي مش ميزه على الاطلاق... ده عيب

هي البنت قبل الجواز المفروض ولائها و انتمائها يكون لمين..؟؟؟ مش لاهلها (فقط)..؟؟

و لما هما لسه ماتجوزوش و كسرت القاعده, و بقى ولائها ليه... ده يطمنك ولا يقلقك..؟؟؟

لما تكون على ذمته... يبقى جوزها رقم واحد في كل شئ, لكن لو لسه ماتجوزهاش, يبقى اهلها رقم واحد
حتى لو كانوا مختلفين, و هي مش متفقه معاهم في نظام حياتهم و اسلوبهم....... كل ده مش مبرر


الوضع السليم... البنت تكبر اهلها... و الاهل بيقدروا و بيثمنوا بنتهم, لانها فعلاً غاليه قوي عندهم...

ارجو ان تتقبل تعليقي بصدر رحب...

البنت ولائها لأهلها قبل الجواز بس ده لو حاسة بالأمان معاهم
طبيعى انها تحكيله كل حاجة عشان ملهاش صاحب فى البيت ده و لا حد يهتم بيها...
بالعكس يتهيألى من اللى بتشوفه من أهلها و لو بتحفظ الجميل مش هتبقى مخلصه له بشكل غير عادي لأنه فعلا بيمثل عيلتها اللى بجد.
انا مع الرأي اللى بيقول...صلى استخارة و شوف لو البنت تستاهل...
و لما تاخدها انت مش عايز منهم حاجة تانى و خليهم مع نفسهم.
فى بس نقطة واحدة تحذيرية خلى بالك منها...
أوعى يكونوا بتوع مشاكل..
انا اقصد..بع دالجواز تيجى تقولك..ألحق أخويا عمل كذا كذا فى ابويا...ألحق ماما مش عارف ايه و اتخانقت مع بابا...ألحق اخويا ضرب ماما و فى المستشفى...و تلاقى مشاكلهم فى بيتك. طالما أهلها رموها كده لازم هى متبقاش مرتبطة بيهم على حسابك.

[omar-saad]

بص يباشا
احنا كل اعضاء المنتدى عمرنا ماهنوصل لاحساسك انتا بالبنت دى
وعمرنا ماهنكون شايفين الصورة كاملة زيك
يبقى الاولى انك تستخير المولى عز وجل
وبعد كدة تشوف ربنا هايوفقك لايه
وشوف طبع مامتها ايه
لان باباها مسافرودايما البنت سرها وتربيتها مع مامتها
ومراتك هية حماتك فى المستقبل
صدقنى واسمع النصيحة دى كويس
وربنا يوفقك للخير يارب
ويصلح احوالك باذن الله

[hazoom2006]

بص يباشا
احنا كل اعضاء المنتدى عمرنا ماهنوصل لاحساسك انتا بالبنت دى
وعمرنا ماهنكون شايفين الصورة كاملة زيك
يبقى الاولى انك تستخير المولى عز وجل
وبعد كدة تشوف ربنا هايوفقك لايه
وشوف طبع مامتها ايه
لان باباها مسافرودايما البنت سرها وتربيتها مع مامتها
ومراتك هية حماتك فى المستقبل
صدقنى واسمع النصيحة دى كويس
وربنا يوفقك للخير يارب
ويصلح احوالك باذن الله

+1

نرتب افكارنا كده
عليك بالاستخاره
اعاده تقييم الموقف
لو اهلك بيحبو البنت دى وهيه بتحبهم وفى تواصل يبقى كويس
انا عايز اقولك حاجة بس مش عارف ينفع ولا لا

ماتحاول تصاحب اخوها انت بتقول لسة صغير اعتبره اخوك الصغير ولسة فى مرحلة المراهقه خده معاك رحلة روح اصطاد قوله تعاله نلعب بلاستيشن هقطعك
حاول تكسبة

برده عايز اقولك حاجة شوف لو اهلها كانو عايزين يجوزوها لحد تانى ابن عمها ابن خلتها وهيه رفضت فعلشان كده بيعملوك وحش علشان تسيبها ممكن برده

قوم اتوضى وصلى الاستخارة

[SGH]

شوف يا أحمد الجواز دة باكيدج واحدة ذى الوجبة الكومبو كدة

انت مش بتاخد بنت بس لأ بتاخد بنت و اب و ام و اخ وعيلة ... يعنى عيلة بتندمج جوة عيلة لو انت شايف ان العيلتين مش ركبيين مع بعض يبقى بلاش لا عمرك حتعرف تقفل ع نفسك باب و تطنش عيلة و ولا عمرك حتعرف تفصلها عن جزورها


نصيحتى لييك لو انت شايف البنت ممتازة وتستاهل التعب .... شوف اية سبب المشكلة بتاعت اهلها ابتدى أعزم انت و اسأل فى التليفون وهكذا وقابلهم بوش حلو و جميل وشوف فى تغيير ولا لأ

لكن صعب قوى تناسب عيلة انت مش بلعها...

ويارب مكونش ظلمت حد يارب

متفق معاك

[mohamed_mohsen]

اخلع قبل ما تندم حيث لا ينفع الندم

+111
و ماتقولش أنا بعد الجواز هعزل نفسنا عن أهلها,,,هيهات
(زي اللي ماشي في طريق ماعاهوش نور بس بيقول أنا شايف,,,فاهمني؟)

[ghazy12]

عارفة بس هى خبطط فيك سورى ههههه

ههههههه... ولا يهمك...

فى نقطة لازم صاحب المشكلة يفهمها
ان البنت ستر وغطا على الاتنين
يعنى لاتبين عيوبه عند اهلها ولا العكس
بيوتنا كلنا مليانة مشاكل لكن قدام الناس ماينفعش كل حاجة تبان
صاحب المشكلة عارف حاجات مايصحش تطلع بره

وجهة نظر سليمه فعلا...

و هو عرف حاجات ماكانش المفروض يعرفها لانها خلت شكل ابوها قصاده سئ جدااا,
و مهما كان ده ابوها, و لو ابوها مش كويس, كده كده هيبان و هيتعرف, بس مش عن طريقها,
و ده مايعتبرش صراحه او ولاء... ده غلط غير مقبول, لان مافيش حد فينا يقبل ان اخته تعمله...

هل في حد ممكن يقبل ان اخته تبدي خطيبها عليهم و هما مجرد اثنين مخطوبين..؟؟

هل في حد يقبل ان اخته تشوه صورة ابوها قصاد خطيبها مهما كان ابوها بالفعل سئ..؟؟

يا جماعه احنا محتاجين بس مانحكمش و نقول رأينا على اننا صاحب الموضوع و بس... لأ
لانه هو اصلا في الموقف ده و شايف من الزاويه دي كويس, و مش محتاج رأي من نفس الزاويه...

احكم على الموضوع من كل الزوايا... لو انت أب, و أخ, و زوج, و خطيب, و قريب,.......
علشان تقول حكم سليم و متزن, و غير منحاز لاي صفه من دول عن التانيه...

ده رأي بشكل عام, و ربنا يوفق صاحب الموضوع للخير...

و اخيراً اوصيك بالاستخاره زي ما قلتلك قبل كده, و زي كل الاعضاء ما تفضلوا و قالوا...

[tota_love]

لا حرام عليك

[hazoom2006]

لا حرام عليك

??? مين ؟؟؟

[Angel_wolf]

بما ان احنا فى منتدى عربيات اعتربها عربية

تركب عربية محترمة تعيش معاك العمر كلة صايناك ومحترماك و محافظة عليك و متخليش حد يمد ايدة فيها بس هى امكانيتها مش كتير من غير كاست سى دى و مفيهاش gps

ولا تركب عربية شكلها حلو كلها امكانيات وبس مش محترمة ولا هتصونك ولا هتحافظ عليك

لو البنت نفسها بنت حلال اتكل على الله
موضوع اخوها المدلع دة طبيعى جدا وانا بشوف منه كتير عندى فى الاكادمية البحرية مقلكش فرافير بالجلمة
اقسم بالله ان فى واحد كانت اختة مظبطة مع واحد وهو بنفسة الى خلاها تسافر للواد و قال ايه زعلان لما ابوة عرف وشتمة وبهدلة
عارف يعنة ايه واحد يسلم اختة لواحد ومفيش مابنهم حتى قراية فاتحة دة تسمية ايه
فتوتو الى مش عجبك ارحم من توتو تانيين كتير اوى
موضوع الفلوس واهلها من الوارد جدا يكونوا بيشوفوا انت داخل على طمع ولا لا
الزيارات والكلام دة فى ناس بطبيعتها مش اجتماعية خالص بس ناس محترمة
انا امبارح كنت قاعد مع اصحابى وبنتكلم عن الجواز والبنات والى عاملينه فى نفسهم
كلة واحدة فانحة مش عارف ايه وايه عريان حاجة زفت مفيش عندهم لا دين ولا اهل يقولوا عيب ولا حرام
ازاى دى ابوها ولا اخوها يسبها كدة فبنقول يا رب نلاقى واحدة بنت حلال تكون محترمة وبنت حلال و حلوة شوية مش عايزين ملكة جمال بس تكون بنت حلال

طالما بنت محترمة اوعى تسبها

[EgyptianTune]

على فكرة، عن تجربة، إنت بتتجوز أم البنت وأبوها مش البنت، مهما عملت، هتلاقي أمها وأبوها معاك في البت، لو مش شخصا، ولا إتصالا، يبقى هتشوفهم فيها هي، ممكن تكون مش مقتنعة من جواها، لكن لما تبقى هي صاحبة التصرف، هتعمل زيهم بالضبط، الأحسن لها تلاقي حد يقبل أهلها ويكون من طينتهم هيعرف يتصرف معاهم ومعاها، وأفضلك تلاقي واحده تليق معاك، ترضى عنها وعن طباع أهلها بدل ما تتجوز جوازة "مبتورة" ناقصة ركن حتى لو أستمرت الجوازه هيفضل يطاردك في أولادك لما يسألوا ويروحوا ويزوروا أجدادهم وأخوالهم، مش كده بس، أول ما تتجوزها، هتبقى إنت راجلها، وهتصدرك لأهلها، عايزه حقي، وتدخل في موال، لأن زي ما الأب بيعض في بنته البنت مش هتتوانى إنها تعض في أبوها وأخوها وأمها، ومش بعيد فيك إنت شخصيا

+11111111111111

من واقع خبرتى فى الزواج كل الكلام ده صحيح 100% ومع إحترامى للأعضاء اللى بيقولوا ولائها ليك وهاتسيب اهلها بعد الجواز , مش صحيح عشم إبليس فى الجنه (البنت ذكية جداً وبتحاول تخليه يتعاطف معاها ده اللى تقصدة من مصارحته باللى بيحصل فى البيت فيما يخصة ولا يخصة) وبعد الجواز بأسبوعين إبقى قابلنى وقولى إن كلامى طلع كله صح .

نصيحة إخخخخخخخخلللللللللللللعععععععععععععععععع

[mahmoudysf]

انا قريت معظم الردود
ومتفق مع البعض ومختلف مع البعض
اولا من كلامك على ظروف العيلة دي
اسرة مفككة فى الغالب رغم وجودهم مع بعض
الاب معظم السنين مسافر وانشغل بجمع المال وده مش عيب
لاكن العيب ان الفلوس بقت اهم حاجة عنده حتى من تربية اولادة
من الواضح ان الناس دي محدثين نعمة وبدل ما يحمدو ربنا لا بيخالفو شرع الله
الطمع خلى ابوها يكتب كل حاجة باسم ابنة في مخالفة كبيرة لاوامر الله
من الاخر العيلة تركيبتها ما تطمنش وللاسف من خلال كلامك ااقدر ااقولك وانا اسف دي ناس واطية وبكرر اسفى لاكن ده واقع
نييجي للبنت
اكيد البنت في ظروف بيت زي ده مش حاسة باي حنان
ولا ولاء لاهلها لانها في اقرب فرصة عرتهم قدامك وقالتلك على تفاصيل مخجلة
ومطر اني ااقولك ان البنت في ظروف زي دي بيكون كل همهاانها تخرج من الجحيم ده فتوافق على اول واى حد يتقدملها مش موضوع حب واقتناع وده اللي خايف انو يكون حاصل مع البنت دي
وده دورك انت لو اتاكدت انها موافقة عليك عن اقتناع وحب وليها شخصية مختلفة عنهم فى كل شيء وده دورك انت اللي تحكم عليه وهو صعب مش سهل يبقى توكل على الله رغم انك هتقابل صعوبات كتير
لو اتاكدت انك مجرد ملاذ فقط لخروجها من البيت ده يبقى الانسحاب افضل