"خطيبتى"_اسيبها ولاأكمل_انا تعبت_وخايف!!!.

[ashouhdy]

"تنكح المرأة لثلاث .. لمالها وجمالها وحسبها فأظفر بذات الدين تربت يداك"ويؤكد علماء السنة النبوية الشريفة على أن لفظ كلمة الدين واسع ، وصاحبة الدين على درجات فربما تكون هذه ذات إيمان متوسط وأخرى إيمان ضعيف وثالثة قوي ، كما يقول "إذا خطب اليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض".

منقول

[hany121]

برغم كل اللي اتقال من الاخوه المعارضين لاكمال الارتباط والاخوه المؤيدين الا اني ما كنتش قادر اكون رأي قاطع او نصيحه انصحك بيها لكني كنت ميال للرأي اللي قال انها ممكن تندمج في عيلتك وتلاقي فيهم اللي ما لقيتهوش في اهلها ( مع ان ده مش هيحققلك رغبتك في انه يكون ليك عيله تانيه وان العيلتين يندمجوا) لكني في نفس الوقت كنت متخوف من احتمال انها ممكن تعكس الايه و تحس بالغيره من انك قريب من أهلك وفي بينكم موده وترابط وهي محرومه من ده فتحاول تفتعل المشاكل علشان تعزلك عنهم زي ما هي معزوله عن اهلها.. لكن حيرتي زالت بعد ما قريت مشاركتك اللي قلت فيها ان اهلك مستاءيين من عدم سؤالها عليهم والمشاركه التانيه اللي قلت فيها انك قلتلها ان معاملتها لاهلك مش عجباك.. وانا مش معاك في انك تطلب منها انها تصلح علافتها باهلك كشرط لانك تفكر تكمل معاها لانها اكيد هتعمل كده دلوقتي علشان عايزاك وعايزه الموضوع يكمل لكن تضمن انها تفضل علي كده بعد الجواز ؟؟ طالما ما حاولتش من نفسها انها تتقرب لاهلك يبقي اعتقد انها ورثت من امها حب العزله وانها مش اجتماعيه يعني نفس طباع والدها ووالدتها.. صحيح هيا رافضه سلوكهم لكن ده لانه هيكون السبب في فقدانها شيء هي عايزاه (الارتباط بيك) لكن تفتكر بعد ما اللي هي عايزاه يحصل طباعها هيبقي شكلها ايه؟؟

[ahmad--ezzat]

لو تسمحلى اقولك رأيى
عمرك ما هتلاقى موضوع ارتباط متكامل من كلة
طالما الناس مقبولين وانت بتحب البنت والبنت بتحبك يبقى توكل على الله
هى ما شاء الله شكلها كويسة قوى
والاهم من دة كلة شارياك
واحنا فى زمن نادر لما تلاقى حد يحبك وشاريك كدة
وكفاية انها قالتلك بنفسها بعد الجواز هنبقى احنا فى حالنا وهما فى حالهم
يبقى استحمل الوقت اللى فاضل واعصر على نفسك ليمونة من عمايل اهلها وبعد متبقاش تعبرهم
وربنا يوفقك

+111111111111111111111111111

[ghazy12]

3-الرسول قال ( اظفر بذات الدين ) مصدق الرسول عليه السلام ولا لاء.

يعني ولا تقولي نسب ولا فلوس ولا عزومات ولا خروجات - قالك لو هيه فيها دين يعني انته كسبان دنيا واخره وهتديك حقك وهتدي اهلها حقها-زعلان علشان المعامله - الا ان سلعة الله غاليه الا ان سلعة الله الجنه - بالساهل كده عايز تاخد الجنه بالساهل انشف و استرجل وفووووووووق

معلش اسمحلي اعلق على النقطه دي لان ناس كتيييير قوي فاهمينها غلط...

نص الحديث...

عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها
ولحسبها ولجمالها ولدينها فاظفر بذات الدين تربت يداك"... صدق رسول الله صلى الله عليه و سلم

و القصد من تربت يداك... اي التصقت يداك بالتراب من الفقر ان لم تفعل, و لكن...

مش معنى كده انك تاخد انسانه مش جميله, و مش من عائله محترمه و ذات حسب و نسب,
و مش مرتاحه ماديا و ربنا غانيهم بالحلال (مش مقصود مليونيرات يعني), لكن بالبلدي (شبعانه),
و تاخد التدين فقط... ده كلام مش مظبوط, و تفسير خاطئ للحديث...

القصد من الحديث, ان الناس بيرغبوا في النساء للاربع اسباب دول, و القصد الحث
على الاهتمام و التركيز بالدين لانه الاهم... لكن الباقي مطلوب...

يعني لو في انسانه متدينه, و على درجه من الجمال, و ذات حسب و نسب... يبقى ليه لأ؟؟؟
و موجودين, و كتيير بردو والله... و هي دي الاختيار المناسب, لو تناسبك طبعاً...

و من ضمن الاشياء اللي وصى بها النبي عليه الصلاة و السلام ( تزوجوا الودود الولود )..

نص الحديث...

ولقد جاء رجل إلى رسول الله صلى الله عليه وسلم وقد خطب امرأة عقيمًا، فقال للرسول صلى الله عليه وسلم إني أصبت امرأة ذات حسب ومنصب إلا أنها لا تلد أفأتزوجها ؟ فنهاه، ثم أتاه الثانية فنهاه، ثم أتاه الثالثة فقال: "تزوجوا الودود الولود فإني مكاثر بكم".
تفسير الاستاذ الدكتور احمد عمر هاشم...

من معايير اختيار الزوجين كون المرأة ودوداً ولودًا، وقد دعا الإسلام إلى الزواج من الودود والولود؛
لأن ذات الود تحافظ على العشرة والألفة، واستبقاء المودة، ولأن الولود يتحقق معها الغاية من الزواج
بالسكن والاستقرار والإنجاب والحفاظ على النوع الإنساني.

ويمكن معرفة كونها ودودا بسؤال من خالطوها وعاشروها عن قرب ، كما يمكن معرفة كون البكر ولودًا بأقاربها..

ليه لم يقل له مثلا... (الولود المتدينه..؟؟) لان الدين اساسي, لكن مش لوحده طبعاً, و في اشياء تانيه مهمه

و زي ما هو واضح من آخر سطر... ان الاهل بيفرقوا في كون امرأه (ودود) ولا لأ, و في كل حاجه...

يا رب اكون قدرت اوضح وجهة النظر, و اصحح مفهوم قد يكون خاطئ عن حديث اشرف الخلق
سيدنا محمد صلى الله عليه و سلم...

[i_Am_Legend]

هحاول اركز ردي في نقط مركزه محدده

1- البنت كويسه زي الفل

لو البنت خبيثه كانت مقلتلقش حاجه ولبستك العمه واحنا احلى عيله في مصر وبعد كده ابلس بعد الجواز ولو افترضنا ان ده اختبار ليك يبقى يا شاطر متتكلمش وانته في اختبار يا تكسب الانسانه يا تخسر.

2- مفيش ورده من غير شوك

اغلب الاعضاء قالتلك ان الشيطان مش هيسيبك في حالك - انا مش فاهم انته عايز تاخد واحد بنت ناس و متدينه بالساهل كده - يا ابني بعد خبرة 5 سنين جواز وخلفه انا امنت بالمثل ده - مفيش حاجه غاليه تيجي بالساهل واللي يجي بسرعه يروح بسرعه.


3-الرسول قال ( اظفر بذات الدين ) مصدق الرسول عليه السلام ولا لاء.

يعني ولا تقولي نسب ولا فلوس ولا عزومات ولا خروجات - قالك لو هيه فيها دين يعني انته كسبان دنيا واخره وهتديك حقك وهتدي اهلها حقها-زعلان علشان المعامله - الا ان سلعة الله غاليه الا ان سلعة الله الجنه - بالساهل كده عايز تاخد الجنه بالساهل انشف و استرجل وفووووووووق

4-اضمن البنت من ناحيت عليلتك انته الاول

قبل متدخل في الجد يا حلو لازم تكلم والدك و والدتك الاول وتقلهم الوضع كذا كذا كذا - لو باباك و مامتك موفقوش وقالوا وقف يا ابنى يبقى خلاص -ولو قالوا كمل يا ابني احنا مباركين - هتكون كسبت حاجتين وقفين في صفك ودعواتهم ليك. انشف و استرجل وقوم انته راجل .

5-دورك سلبي جدا مع اهلها

استرجل وخش على ولدتها وابوها فهمهم انهم هما اللي غلطانين - اظهر في الصوره -انته سايب البنت هيا اللي تقولهم ان انته قرفان - ايه الخيابه ده - علشان كده انته خلتهم يهزءها و مصدقوش انهم السبب - انته راجل ولا ايههه - انته اللي تقود الموضوع وتعمل قاعده وتفهمهم ان انته مكمل علشان بنتكم شاريها .

6- الراجل يا ابن الناس مش بفلوسه بقوفته في الشدايد

ابو 5 تلاف جنيه في الشهر مستحملش وجري - قالك دين مين يا با انا عايز بنت وعليله تدلعني و مش مشكله اللي يحصل بعد كده - اوعى تحص انك اقل منهم فتاخد جنب - شوف الفرحه اللي في عينها لما تشوف انك مش سلبي و قاعد تقطم فيها هيا - احميها في حضنك بدل مترميها قصاد عليتها حلي مشاكلك وجبيني بعد متخلصوا - ايه الرجوله السهله ده - لو مش شاريها سبها

7-اعرف انك في مقابل هتاخد الورده ده اهلها مش هيسبوك

اوعى تفتكر ان اهلها هقفوا جنبك في اي شده - اوعى تفتكر ان انته لو فضلت سلبي كده اناس هتبعد عنك بعد الجواز لو موقفتهمش واقفه تحدد كل واحد اخره ايه و خصوصا توتو ده وقفه عند حدوده و فهمه وخليهم يعملولك الف احترام.

8- البنت بعد الجواز العجينه يسهل تشكيلها

البنت بعد الجواز ( احنا مفترضين انها كويسه و متدينه ) بتبقى عمله زي العجينه تقدر تشكلها زي ما نته عليز مش لدرجة تقطع اهلها بس في حدود لكل حاجه.


واخيرا لو عايزها ارجل و خش خبط مع الام و الاب واخها التوتو وفوقهم - ولو مش قادر 100 واحد غيرك هيتمناها

و الله اعلم ممكن بعد ما تسبها ربنا يكرمها باللي احسن منك وربنا يرزقك باللي احسن منها

Yasso
انا عايز اوصلك حاجة_الناس دى انا كنت معاهم راجل جدا_اولهم ابوها_اتكلمت معاه_أحرجنى بالذوق_بقولة ماينفعش كدة ياعمى ابن حضرتك_مزودها مع البنت_خفوا عليها شوية_قالى يا سيدى_اخوها ياسيدى وبيتدلع عليها_بس هى حساسة شهوية.نفس الموضوع_والدتها_تقعد معاها _لا تاخد حق ولا باطل_يا طنط اهتمى بيها _كدة حرام_بتضايقوها ليه_تقعد تنكر_احنا دة بنعاملها احسن معاملة_هى اللى مفترية.طبعا كدابة_لانى شايف كل حاجة بعينى.

[fares515]

هحاول اركز ردي في نقط مركزه محدده

1- البنت كويسه زي الفل

لو البنت خبيثه كانت مقلتلقش حاجه ولبستك العمه واحنا احلى عيله في مصر وبعد كده ابلس بعد الجواز ولو افترضنا ان ده اختبار ليك يبقى يا شاطر متتكلمش وانته في اختبار يا تكسب الانسانه يا تخسر.

2- مفيش ورده من غير شوك

اغلب الاعضاء قالتلك ان الشيطان مش هيسيبك في حالك - انا مش فاهم انته عايز تاخد واحد بنت ناس و متدينه بالساهل كده - يا ابني بعد خبرة 5 سنين جواز وخلفه انا امنت بالمثل ده - مفيش حاجه غاليه تيجي بالساهل واللي يجي بسرعه يروح بسرعه.


3-الرسول قال ( اظفر بذات الدين ) مصدق الرسول عليه السلام ولا لاء.

يعني ولا تقولي نسب ولا فلوس ولا عزومات ولا خروجات - قالك لو هيه فيها دين يعني انته كسبان دنيا واخره وهتديك حقك وهتدي اهلها حقها-زعلان علشان المعامله - الا ان سلعة الله غاليه الا ان سلعة الله الجنه - بالساهل كده عايز تاخد الجنه بالساهل انشف و استرجل وفووووووووق

4-اضمن البنت من ناحيت عليلتك انته الاول

قبل متدخل في الجد يا حلو لازم تكلم والدك و والدتك الاول وتقلهم الوضع كذا كذا كذا - لو باباك و مامتك موفقوش وقالوا وقف يا ابنى يبقى خلاص -ولو قالوا كمل يا ابني احنا مباركين - هتكون كسبت حاجتين وقفين في صفك ودعواتهم ليك. انشف و استرجل وقوم انته راجل .

5-دورك سلبي جدا مع اهلها

استرجل وخش على ولدتها وابوها فهمهم انهم هما اللي غلطانين - اظهر في الصوره -انته سايب البنت هيا اللي تقولهم ان انته قرفان - ايه الخيابه ده - علشان كده انته خلتهم يهزءها و مصدقوش انهم السبب - انته راجل ولا ايههه - انته اللي تقود الموضوع وتعمل قاعده وتفهمهم ان انته مكمل علشان بنتكم شاريها .

6- الراجل يا ابن الناس مش بفلوسه بقوفته في الشدايد

ابو 5 تلاف جنيه في الشهر مستحملش وجري - قالك دين مين يا با انا عايز بنت وعليله تدلعني و مش مشكله اللي يحصل بعد كده - اوعى تحص انك اقل منهم فتاخد جنب - شوف الفرحه اللي في عينها لما تشوف انك مش سلبي و قاعد تقطم فيها هيا - احميها في حضنك بدل مترميها قصاد عليتها حلي مشاكلك وجبيني بعد متخلصوا - ايه الرجوله السهله ده - لو مش شاريها سبها

7-اعرف انك في مقابل هتاخد الورده ده اهلها مش هيسبوك

اوعى تفتكر ان اهلها هقفوا جنبك في اي شده - اوعى تفتكر ان انته لو فضلت سلبي كده اناس هتبعد عنك بعد الجواز لو موقفتهمش واقفه تحدد كل واحد اخره ايه و خصوصا توتو ده وقفه عند حدوده و فهمه وخليهم يعملولك الف احترام.

8- البنت بعد الجواز العجينه يسهل تشكيلها

البنت بعد الجواز ( احنا مفترضين انها كويسه و متدينه ) بتبقى عمله زي العجينه تقدر تشكلها زي ما نته عليز مش لدرجة تقطع اهلها بس في حدود لكل حاجه.


واخيرا لو عايزها ارجل و خش خبط مع الام و الاب واخها التوتو وفوقهم - ولو مش قادر 100 واحد غيرك هيتمناها

و الله اعلم ممكن بعد ما تسبها ربنا يكرمها باللي احسن منك وربنا يرزقك باللي احسن منها

ايه الجمال ده..بجد أرجل رد قريته في الموضوع ده لحد دلوقتي
انت شارب كام ازازه بريل قبل ماترد رد ومتخبيش
فعلا هو ده الكلام اللى يتقال عليه مفيش كلام بعديه
بس اعتقد انه مش هيغير كتير لان صاحب الموضوع حسم الموضوع خلاص وهو مش مستعد نفسيا يكمل معاها ومعتقدش برضو انه بيحبها لاني حبيت قبل كده وعارف مشاعر اللي بيحبو بجد(الموت أهون من الفراق)
ونفس اسلوبك ده هو الي اتعاملت بيه لقيت 3مشاكل كل واحده فيها أصعب من التانيه ياريتها بس على العزومات والمعامله البارده ده لعب عيال بالنسبه للى انا شفته والحمد لله اتغلبت على المشاكل كلها وظبطت الدنيا كلها على مزاجي وكنت داخل ياقاتل يامقتول لان انا كده في حياتي عامه معنديش حلول وسط لاما الدنيا تبقى فله وتمشي زي منا عايز لاما برضو تبقى فله وتمشي زي منا عايز ودلوقتي فاضل رتوش بسيطه وابقى نجحت بنسبه 100% اون شاء الله لما الموضوع يكمل هنزله في موضوع مستقل بالتفصيل عشان الناس تقرا وتستفيد وتتبسط
سامحوني ياجماعه لو اسلوبي كان شديد شويه في الموضوع ده بالذات وناس كتير زعلت مني زي الاستاذ كامل بس فعلا نا مقصدش اساءه لحد بشخصه ولا تحقير رأيه بس انا في المواضيع اللى زي ده بحط نفسي مكان الكاتب فبسخن وبحس انه لازم ميستسلمش بسهوله لاي مشكله بتقابله بس هو واضح انه خلاص استسلم وانه مش مبسوط معاه ومن الحوار ككل وعايز يسيبها لسبب أو لآخر وده حقه
(طالما معندكش استعداد تضحي متضحيش)

[i_Am_Legend]

يا بشمهندس:محمد غازى _ارفع لحضرتك القبعة_لان اللى كان مصبرنى كل دة_اعتمادى على الحديث_وهو الاهتمام بذات الدين_ومش مهم أى حاجة تانية_وهى فعلا ذات دين وخلق_لكن النسب زفت.ادعولى ربنا يهديلى الحال علشان انا فى ازمة.والموضوع دة تاعبنى نفسيا ومخوفنى جدا_وكل ما أجى_انهيه_البنت تصعب عليا_وتقولى_طيب انا اهلى وحشين_طيب انا ذنبى ايه_انا مرتاحة معاك_وانت كويس وطيب_ليه مدخل اهلى فى النص_ومخليهم عقبة_هى مش قادرة تفهم انى متضرر.فاكرة ان بزواجنا_والبعد عنهم الموضوع هاينتهى_هى ما تعرفش_ان دى ممكن تبقى بداية النهاية.

[nabaster]

دي ناس psycho و البعد عنهم غنيمة .....

بص يا باشا

و اسمع كلام اخوك الكبير

و انا متجوز بقالي 3 سنين على فكرة

الجواز package كاملة

البنت بأهلها بأمها بأبوها باخواتها

لان مستحيل تقدر تقطعها عنهم حتى لو هي مش طايقاهم و بتقول لك كده دلوقتي ده كلام

هيحولوا حياتك لجحيم

مش هتعيش حياة اسرية طبيعية كصهر او نسيب

ممكن جدا يعصوها عليك و انت طول النهار في الشغل مش هتعرف تحكم الموضوع ده و لو ما زارتهمش التليفون موجود

---------

انا عارف اللي بيدور في بالك و انك خايف من الفراق و خايف تزعل بعد ما تسيبها و ما تلاقيش غيرها و لا زيها

كل ده كلام فارغ اسمح لي مع كامل احترامي ليك لانك دلوقتي بتفكر بقلبك و القلب عضو المشاعر مش عضو التفكير يعني ما ينفعش تدق مسمار بمفك بدل شاكوش .....

هتلاقي غيرها

و احسن كمان

هتقول لي و هي ذنبها ايه؟

هاقول لك و انت ذنبك ايه؟؟؟؟؟؟

معلش يعني

مصلحتك فوق مصلحة اي حد في العالم ..... حتى ابوك و امك

الانسان الوحيد اللي انت ممكن و لازم تحبه اكتر من نفسك هو ابنك او بنتك غير كده انت اولا

دي مش انانية و لا تكبر

بس انت ذنبك ايه تعيش حياة مفككة مع اسرة سايكو

و بعدين افترض بكرة اتخانقت معاك و سابت البيت و راحت لهم

هتلاقي مين فيهم عاقل تتكلم معاه و تاخد و تدي؟

واحد صاحبي مراته سابت البيت عشان سمعت حماتها بتقول عليها في التليفون "البت بنت الكلب" (و ماكانتش عارفة انها معدية قريب و سامعة) ..... ابوها قال لها انا قابل الشتيمة على نفسي ... ارجعي بيت جوزك مالكيش مكان هنا .... و بعد ما رجعت كلم جوزها خلاه يطلع من شغله عليه و مسكه نفخه ..... بس صاحبي بيقول لي هافضل طول عمري شايله و مقدره عشان رجعها البيت و بقيت باخاف على زعلها عشان ما اكسفش نفسي قدامه .... شوف العقل؟

انت بقى لما تختلف معاها لو اتجوزتها - و سيبك من كلام الحب و الغرام و الانتقام و احنا مش هنتخانق و هنفضل متفاهمين الخ الخ .... انت دلوقتي الهورمونات هي اللي بتتكلم مش عقلك و مفيش زوجين ما بيتخانقوش - مين هينصفك من اهلها؟ مفيش

ترضى اخوها السيس ده يبقى خال ولادك؟

ترضى امها السايكو دي تبقى جدة ولادك؟

ترضى ابوها الظالم الظلام اللي واكل حق بنته يبقى جد ولادك؟

هما دول المثل العليا لولادك بعديك انت و مراتك على فكرة



و بعدين سيبك من حكاية مراتك غيرهم و بتاع

ايام الخطوبة حاجة و بعد الجواز حاجة


للمرة التانية .... اخلع قبل ما تندم حيث لا ينفع الندم

اخلع قبل ما يبقى بينكم اطفال و تعيش بقية حياتك في سجن مكبل باولادك لانك مش هتقدر تسيبهم و تمشي و ممكن بعد فترة توصل لمرحلة انك تكرههم لانك حاسس ان هما اللي مكتفينك و رابطينك فيها

اخلع دلوقتي ببلاش - حتى لو هتخسر شبكة بكام الف و لا هدايا بكام الف - قبل ما الخلعان يبقى بتحويشة عمرك من شقة و نفقة و بلاوي زرقة

اخلع .... انت صغير و العمر طويل قدامك و هتقابل زيها و الاحسن منها .... اوعى تفتكر ان ليس في الامكان ابدع مما كان و بتاع .....


اخلع و الخلعان مش ندالة .... زي ما هو مش ذنبها الظروف المهببة اللي هي فيها مش ذنبك انت كمان .....

ولو اني مكنتش حابب ارد في الموضوع ده

بس اصراحه الكلمتين دول كيفوني

يمكن الرد قاسي بس جاب من الاخر

يمكن في ظروف تانيه كنت هغلطك يا ابو كمال وكنت هايده يتمسك بالبنت

لاكن في الظروف دي مينفعش

A.Yakout

[Dojuar]

طب انت كنترولك عليها اخباره ايه؟

يعني بتسمع كلامك و من اول الخطوبة؟؟ بتبص لصاحباتها؟ مسرفة؟ امينة عليك؟

لو اه يبقى صلي استخارة ثم توكل على الله وتزوجها

[hany121]

برغم كل اللي اتقال من الاخوه المعارضين لاكمال الارتباط والاخوه المؤيدين الا اني ما كنتش قادر اكون رأي قاطع او نصيحه انصحك بيها لكني كنت ميال للرأي اللي قال انها ممكن تندمج في عيلتك وتلاقي فيهم اللي ما لقيتهوش في اهلها ( مع ان ده مش هيحققلك رغبتك في انه يكون ليك عيله تانيه وان العيلتين يندمجوا) لكني في نفس الوقت كنت متخوف من احتمال انها ممكن تعكس الايه و تحس بالغيره من انك قريب من أهلك وفي بينكم موده وترابط وهي محرومه من ده فتحاول تفتعل المشاكل علشان تعزلك عنهم زي ما هي معزوله عن اهلها.. لكن حيرتي زالت بعد ما قريت مشاركتك اللي قلت فيها ان اهلك مستاءيين من عدم سؤالها عليهم والمشاركه التانيه اللي قلت فيها انك قلتلها ان معاملتها لاهلك مش عجباك.. وانا مش معاك في انك تطلب منها انها تصلح علافتها باهلك كشرط لانك تفكر تكمل معاها لانها اكيد هتعمل كده دلوقتي علشان عايزاك وعايزه الموضوع يكمل لكن تضمن انها تفضل علي كده بعد الجواز ؟؟ طالما ما حاولتش من نفسها انها تتقرب لاهلك يبقي اعتقد انها ورثت من امها حب العزله وانها مش اجتماعيه يعني نفس طباع والدها ووالدتها.. صحيح هيا رافضه سلوكهم لكن ده لانه هيكون السبب في فقدانها شيء هي عايزاه (الارتباط بيك) لكن تفتكر بعد ما اللي هي عايزاه يحصل طباعها هيبقي شكلها ايه؟؟

[tota_love]

لا حرام متسيبهاش الحب مش بنلاقيه في اي وقت وصعب انك تعوضه

[ahmad--ezzat]

استحمل لحد كتب الكتاب...وفعلا متفرطش فيها...واحمد ربنا انها مش زيهم اصلا....وياما مشاكل تبقى اكبر من كده بكتير...اوعى تسيبها

[i_Am_Legend]

طب انت كنترولك عليها اخباره ايه؟

يعني بتسمع كلامك و من اول الخطوبة؟؟ بتبص لصاحباتها؟ مسرفة؟ امينة عليك؟

لو اه يبقى صلي استخارة ثم توكل على الله وتزوجها

هى بتسمع كلامى جدا_وبتحترمنى_وما تقدرش تعمل حاجة بدون استأذان._ودة اللى مخلينى هاتجنن_ازاى اهلها كدة وهى كدة_سبحان الله!_حتى هى بتقول_انا مش بعملك حاجة ولا بزعلك_انا معاملتى ليك كويسة_اهلى مش مهم_دة انا بقيت بتلكك علشان اعرف أخلع.

[i_Am_Legend]

لا حرام متسيبهاش الحب مش بنلاقيه في اي وقت وصعب انك تعوضه

يا توتا انا مش بحبها للدرجة_هى عجبانى أخلاقها مش أكتر_انا لسة ما لقتش الحب.

[hazoom2006]

بص يا احمد انا لما سالتك عن معامه اهلها ليك فى الاول كنت عايز اعرف هما كده اصلا ولا معاك بس

انت بتقول انها قالتلك انهم ناس على اد حالهم وكده علشان تشوفك طمعان فيها ولا لا وبعد كده قالت انهم عندهم عماره بتاعتهم ومحل

لو كان فى تغيير فى المعامله فى الاول عن دلوقتى يبقى هيه بتختبرك علشان تشوفك طمعان فيها ولا لا

والدها فى السعودية يعنى خايف على الفلوس اللى عملها دى تروح لحد كده بالساهل وممكن يكونو لسة بيشوفو رد فعلك اية

صلى صلاه استخاره وخد قرارك بعدها ومترجعش فيه ومهما كان القرار ده هيكون خير باذن الله عسي ان تكرهو شيئا وهو خيرا لكم