تجربتي مع الصناعة المصرية

[MaZaGAngeE]

ايه النظام يا جماعه هل هناك جديد ومتي سنبدأ النقاش حول احد المشروعات وكيف سنبدأ ؟

عمرك اطول من عمري
أنا كنت لسه بجهز لستة بالمشروعات اللي هنتكلم عليها

أنا شغال فيها و هحطها عشان آخد رأيكم فيها كمان شوية

[MaZaGAngeE]

طبعا احنا نقاشنا الأساسي عن المشروعات الصناعية الصغيرة و دي اللي هنتكلم عليها , و من خلاللا نقاشنا الأسبوع الماضي جهزت لستة كده بمشروعات مقترحة و هي :
صناعة المسمار و السلك الصلب
صناعة الأدوات المنزلية من الالمونيوم
طحن كربونات الكالسيوم
صناعة الطوب الطفلي ( الطوب الأحمر )
صناعة الأبواب و الشبابيك و الأسوار الحديد
إنتاج صلصة الطماطم
عصائر فاكهة طبيعية
إنتاج الأحذية الجلدية
محاجر الرملة و الزلط
طحن و تعبئة ملح الطعام
الصابون السائل
الصابون الصلب
حقن وسحب البلاستيك
صناعة كشفات ووحدات الإضاءة الصاج والبلاستيك

و استبعدت المشروعات :
كشافات فلورسنت منازل 1، 2، 3 لمبة
إنتاج قطع غيار للسيارات
إنتاج أدوات كهربائية عادية
صناعة المسبوكات
و ذلك لأنها تحتاج الى رأس مال كبير و لتعدد مراحل الانتاج مما يزيد من عدد العمالة و يرفع تكاليف الانتاج خارج امكانياتنا , لأن الفكرة الأساسية هي مشروع صناعي صغير يمكن ادارته بدون تفرغ و بعدد عمالة لا يزيد عن 10 أفراد .
منتظر رأيكم في القائمة و أريد آرائكم هل نقوم بفتح موضوع جديد لكل فكرة و لا نناقش جميع الأفكار مع بعض هنا ؟

[hussein]

انا هحاول مبدئيا نقلل المشروعات شويه اذا مكنش عند حد مانع واللى شايف غير كده ممكن يقول رأيه
1-طحن كربونات الكالسيوم و دا علشان نستفد بخبرة المهندس عمر علشان دا مجالو
2- إنتاج صلصة الطماطم باعتباره مشروع اكل و الناس مش بتبطل اكل وممكن كمان نخليه كاتشاب
وبردو مستنين اقتراحتكم او حد يبداء فى مشروع على طول

[MaZaGAngeE]

انا هحاول مبدئيا نقلل المشروعات شويه اذا مكنش عند حد مانع واللى شايف غير كده ممكن يقول رأيه
1-طحن كربونات الكالسيوم و دا علشان نستفد بخبرة المهندس عمر علشان دا مجالو
2- إنتاج صلصة الطماطم باعتباره مشروع اكل و الناس مش بتبطل اكل وممكن كمان نخليه كاتشاب
وبردو مستنين اقتراحتكم او حد يبداء فى مشروع على طول

موافق على رأي أستاذ حسين
و شايف ان احنا نعمل موضوع مستقل لكل صناعة
ايه رأيكم ؟

من سنتين طلبت مني شركة تعدين تكوين فريق عمل و تقييم فني لمصنع الاسماعيلية للطوب الطفلي المرهون لبنك التنمية الوطني ....
المهم كونت فريق عمل من مهنس كهربا و مهندس ميكانيكا و فنيين كهربو ميكانيكا و رحنا على هناك ....

و لما رحنا هناك شفنا و كان المصنع اتضرب بقنبلة نووية و مدمر تماما و عبارة عن أطلال مصنع و آثار فقط ...

و أول ما ناولت فرد الأمن اللي هناك 50 جنيه لزوم الشاي عرفت منه قصة المصنع ::::

فكرة انشاء المصنع بدئت في بداية السبعينات عشان الحكومة كانت عايزة توقف تجريف الأرض الزراعية فتم التعاقد مع شركة معدات فرنسية لبناء 12 مصنع للطوب الطفلي و تم اختيار أماكن الخامة ( الطفلة ) و في أقرب مدينة تم انشاء هذه المصانع و تم تسليمها لفريق من المهندسين و الفنيين المصرين اللي تم تدريبهم في فرنسا على أعمال الانتاج و الصيانة ..

لحد كده زي الفل

المصيبة بقى :
تم تسليم هذه المصانع الى الوحدات المحلية للاشراف على التشيل و الصيانة و من هنا بدء تدمير منتظم للمصانع دي , أولا كل مصنع تم تعيين أضعاف العدد المطلوب للتشغيل و ده غير العمولات و الرشاوي و السرقة من كبار الموظفين اللي كانوا بيشتروا الانتاج و يبيعوه للمقاولين ...
و بعد ما زادت الخسائر تم الاقتراض من البنوك و لم يتم تغطية القروض و بعد ما فشلت الوحدات المحلية في الادارة و بدء اتجاه الحكومة للتخصيص تم انشاء شركة قطاع أعمال اسمها " الاسماعلية للطوب الطفلي و مواد البناء " و طبعا الشركة كانت مديونة للبنك و نفس القيادات هيه هيه بدون تغيير , و امتنعت الادارة عن دفع مرتبات العاملين لمدة 4 سنوات مع اجبارهم على الاستقالة أو المعاش المبكر , و لظروف العاملين الصعبة بدؤا في سرقة المعدات الخفيفة و الثقيلة و كل ما يمكن بيعه لحد ما وصل الدمار و التخريب للدرجة اللي شفناها و هتشوفها في الفيديو اللي عملوه الزملاء مهندس عصام حسن و المهندس عبدالرؤوف و بيشرحوا فيه خط الانتاج و بيعلقوا على حالة المعدات فيه ...

الزيارة دي أثرت فيا جدا و حزنت حزن رهيب على ما وصل اليه حال المصنع ... و بعد كده زرت مصنع الفيوم و كان أحسن حالا لأن الشركة أو كبار الموظفين كانوا أرحم على العاملين و تم غلق المصنع بصورة مناسبة ( اشترته الفراعنة للسيراميك و أعادوا تشغيله ) و مصنع تاني في وادي النطرون بالبحيرة و بني سويف و المنيا ( اشترته أوراسكوم بمليون جنيه و مساحته مليون متر ) ....

فيديو الزيارة :

YouTube - caly-bricks-factory


و الصور :
4shared - clay-bricks - shared folder - free file sharing and storage

[الطنطاوي]

في مشرع مربح جدا لكن محتاج راس مال كبير

هو مشروع الانشات (الزوارق البحرية) الخاصة في كام شركة في مصر ومش ملاحقين على الطلبات

مشروع تاني

مصنح للموبليا المودرن الجاهزة وفرش المكاتب

المشروع مش محتاج راس مال كبير ومكسبة وتسويقه كويس

[nathunt]

انا واحد من الناس جيت من أمريكا عشان اعيش واستثمر في مصر. بعد سنه من الورق والمعاملات السيئه واللا نهائيه والمتكررة والدفع والرشاوي. قررت ان استثمر في مكان آخر رغم ان مقر شركتي مصر.

[زينة الله]

أين ذهبت يا باشمهندس عمر

كمل معانا موضوع طحن كربونات الكالسيوم

و لو حتعمل موضوع منفصل سيب لينك ليه هنا فى الموضوع

و ربنا يعينك كدا و تقدم لنا دراسة جدوى محترمة

و يا سلامة لو مكان المصنع تختاره فى الاسماعيلية يبقى عز الطلب

و نشوف مع بعض خطوة بخطوة إجراءات التأسيس ثم التشغيل

منتظرين موضوعك الجديد بحماس

تحياتى

مهندسة .......... زينة

[ahmed4000]

فينك ياباشمهندس
على فكرة موضوع التمويل ممكن يتحل لو دخلنا شركاء بصورة رسمية فى صورة شركة مساهمة فعلا ويبقى شخص مسئول عن الادارة زى ماى ناس بتتشارك

فابدا على بركة الله وانا من اوائل الناس اللى مستعدين يشاركوا فى مشروع يتبنى صح ويبقى بيساهم فى تشغيل ناس وفى نفس الوقت طبعا عائد كويس لصاحب المال

[ehab_mansour]

موضوع التمويل هو أسهل جزئية في اي مشروع المهم هو الدراسة والتنفيذ والتشغيل والتسويق والادارة الواعية
وربنا يوفقنا جميعا لما يحبه ويرضاه
وانا كمان جاهز للمشاركة بكل ما استطيع من مال و عمل

[MaZaGAngeE]

أنا موجود و جاهز بس في أجازة تخلص يوم الجمعة و مفيش نت . . ان شاء الله موضوع كربونات الكالسيوم يكون جاهز يوم السبت . و هحط لينك ليه هنا . . و لو حد عايز يزور المصنع او المحجر يكلمني و نرتب الزيارة... التمويل مهم طبعا لأن من غيره كلامنا هيفضل أفكار و أحلام . .

[زينة الله]

السلام عليكم يا باشمهندس عمرو ........ فينك يا فندم

السبت فات و السبت اللى بعده كمان فات ههههههههههههه و بعد بكرة يوم التلات برضو هههههههههه

فين موضوع كربونات الكاليسيوم هو دا الكلام ............

الحقنا بيه اعمل معروف أحسن المنتدى على صفيح ساخن .........

خلينا نفكر فى حاجة صناعية ابتكارية معملية شوية ..... هههههههههه تغيرا للمود

[MaZaGAngeE]

السلام عليكم يا باشمهندس عمرو ........ فينك يا فندم

السبت فات و السبت اللى بعده كمان فات ههههههههههههه و بعد بكرة يوم التلات برضو هههههههههه

فين موضوع كربونات الكاليسيوم هو دا الكلام ............

الحقنا بيه اعمل معروف أحسن المنتدى على صفيح ساخن .........

خلينا نفكر فى حاجة صناعية ابتكارية معملية شوية ..... هههههههههه تغيرا للمود

آسف جدا على التأخير بس رجعت من الأجازة لقيت الباور سبلاي بتاع الجهاز ضارب ... و كان فيه شوية أعطال في المصنع دخت فيها شوية

عموما أنا بدئت الموضوع من الأول خالص و بوصف للصناعة و استخراج الخامات و عملت ليه موضوع مستقل

http://www.nilemotors.net/Nile/195317-a.html

[samcar]

بنتكلم على الصناعه بعد القطر ما قام وعدى ووصل بلاد تانيه واحنا لسه بنشخر -

كان زمان فى مصر حاجه اسمها الصناعات التقليديه - ومنها الجلود- كنا بنصدر احذيه وشنط واحزمه- والسياح كانوا بيشتروا المنتجات الجلديه المصنعه محليا

نزلت من عشر سنين كده الموسكى اشترى شنط لمؤتمر كنا عاملينه- كان لسه الطوفان الصينى بيشتد وماكانش غرقنا قوى زى دلوقت - دخلت على صاحب معرض سالته عن شنطه كان فيها حوالى عشر سوست وبتتفتح كامله ولها حزام - وكنت مقدر لها 20 او 25 جنيه - قالى لى لو كميه ممكن احسبها لك ب 15 المهم وصلنا ل 13

قلت له دى صناعتك ضحك وقال لى صناعة ايه يا باشا - انا قلت له فعلا ده لو السسته ب ربع جنيه ادى خامات بس ب اتين جنيه ونص غير القماش غير الخيوط والكباسين
الراجل كان بيتكلم بمراره - قال لى زمان الورشه لما كان يكون فيها 100 عامل كنا نقول عندنا مصنع - انا رحت الصين لقيت عنبر واحد فيه 3 الاف عامل بيركبوا حاجه واحده بس فى الشنطه

الصين فى الستينات كان اخرها تعمل فناجيل وشربات وشويه بخور
وطبعا كور البنج بونج - دلوفت كل ماركات العالم الغربى واليابان كمان بتتصنع فى الصين

ليه - لان ما عندهمش فهلوه- ما عندهومش حكومه ذكيه -
ما عندهمش - هههههههههههههه- كملوا انتم

[MaZaGAngeE]

بنتكلم على الصناعه بعد القطر ما قام وعدى ووصل بلاد تانيه واحنا لسه بنشخر -

كان زمان فى مصر حاجه اسمها الصناعات التقليديه - ومنها الجلود- كنا بنصدر احذيه وشنط واحزمه- والسياح كانوا بيشتروا المنتجات الجلديه المصنعه محليا

نزلت من عشر سنين كده الموسكى اشترى شنط لمؤتمر كنا عاملينه- كان لسه الطوفان الصينى بيشتد وماكانش غرقنا قوى زى دلوقت - دخلت على صاحب معرض سالته عن شنطه كان فيها حوالى عشر سوست وبتتفتح كامله ولها حزام - وكنت مقدر لها 20 او 25 جنيه - قالى لى لو كميه ممكن احسبها لك ب 15 المهم وصلنا ل 13

قلت له دى صناعتك ضحك وقال لى صناعة ايه يا باشا - انا قلت له فعلا ده لو السسته ب ربع جنيه ادى خامات بس ب اتين جنيه ونص غير القماش غير الخيوط والكباسين
الراجل كان بيتكلم بمراره - قال لى زمان الورشه لما كان يكون فيها 100 عامل كنا نقول عندنا مصنع - انا رحت الصين لقيت عنبر واحد فيه 3 الاف عامل بيركبوا حاجه واحده بس فى الشنطه

الصين فى الستينات كان اخرها تعمل فناجيل وشربات وشويه بخور
وطبعا كور البنج بونج - دلوفت كل ماركات العالم الغربى واليابان كمان بتتصنع فى الصين

ليه - لان ما عندهمش فهلوه- ما عندهومش حكومه ذكيه -
ما عندهمش - هههههههههههههه- كملوا انتم

يا صديقي ما تبقاش مشائم قوي للدرجة دي .....
تعالى نحاول نعمل حاجة .... حتى لو معلومة نعرفها و نتعلمها من بعض ....

[samcar]

يا صديقي ما تبقاش مشائم قوي للدرجة دي .....
تعالى نحاول نعمل حاجة .... حتى لو معلومة نعرفها و نتعلمها من بعض ....

طيب يا عمنا ما تبتدى بتغير التوقيع - اللى انت خاتم بيه كلامك - مادام كل حاجه ماتت - انا وانت حنعمل ايه