دعونا نتناقش بهدوء و عقلانية من اجل مصلحة مصر

[Sharky]

السلام عليكم اخوانى فى المنتدى

لماذا لا نتناقش فى هدوء و بدون عصبية بين الطرفين لكلى نصل الى حلول جديرة بالتنفيذ من اجل مصلحة مصر بلدنا ؟

بداية يجب ان نتفق جميعا ان هدفنا كلنا هو مصلحة مصر و ليس شئ اخر

الطرف اللى يريد ان يرحل مبارك الأن هو مصرى يرى من وجهة نظره انها فى صالح البلد و ليس خائن لمصر

الطرف الذى يرى ان يبقى مبارك حتى شهر 9 هو ايضا مصرى يرى انها مصلحة البلد و ليس عميل للنظام

من الواضح ان جميعا متفق على العديد من المطالب منها :
1- يجب ان يرحل الرئيس مبارك (سواء الأن - او فى شهر 9)
2- يجب عمل تعديلات دستورية تتيح لنا اختيار رئيس و بمدتين فقط .
3- يجب الإشراف القضائى و الدولى على انتخابات الرئاسة .
4- حل مجلسى الشعب و الشورى .
5- العدالة الاجتماعية و زريادة الاجور و تقليل الأسعار و الضرائب على المواطن
6- الغاء قانون الطارئ فى البلاد.
7- محاكمة رموز الفساد فى البلد.

هل يوجد احد الأطراف غير متفق على ذلك ؟
هل يوجد احد الأطراف له مطلب اخر لم نتفق عليه ؟

و اخيرا ارجو ان يكون الحوار متحضر و بهدوء بدون عصبية او تشخيص و ان يكون الحوار على نقطة واحدة و عند الانتهاء منها سواء بالإتفاق او عدم الاتفاق نتنقل للنقطة الاخرى لسهولة تحديد اختلافتنا وسببها

[lada2010]

انا اويد ان يباق مبارك الى شهر سبتمير لاسباب منها الاستقرار الامنى والفوضى التى تحدث اذا تنحى لان الاخوان اعينهم على الحكم والسبب الاهم احنا استحملنا 30 سنة مش قادرين نستحمل سبعة شهور يعنى 210 يوم ولو افتراضا مبارك رحيل هيمسك سرور لمدة 70 يوم وبعدها تجرى انتخابات يعنى هنكنون واصلا لشهر 9 مع وجود الفوضى ومن الممكن يحدث انقلاب

[Sharky]

رأى حضرتك يحترم

يعنى واضح ان الهدف الأساسى لمن يرغبون لبقاء مبارك حتى شهر 9 هو الإستقرار و عمل التعديلات الدستورية فى جو مستقر و ليس حبا فى مبارك نفسه

و فى انتظار رأى الطرف الأخر موضحا سبب رفض هذا الاقتراح

[EgyptianTune]

أرجوا تقبل رأيى بدون إتهامات ودعونا نتعامل مع الأمر الواقع (مصر هى الأهم)

أرجوا من الإخوة فى الطرفين الهدوء وإحترام أراء الآخرين بدون تجريح أو إتهامات متبادلة والتعامل مع أرض الواقع من المكاسب التى تحققت حتى الآن بفضل هؤلاء الشباب اللى جزمتهم فوق راسى والحقائق التى لا يجب إنكارها فى عدم قبول الجيش إهانة الرئيس بعد الموافقة على جميع الطلبات الشرعية ، والوعود بتنفيذها .

وأنا شايف إن بداية أى فوضى ممكن تبتدى من أى منتدى وتنتقل إلى الشارع بأسرع من ما نتخيل بحسب ما شاهدناه فى الأيام القليلة الماضية .

دعونا نتخذ مسلك اعقل وفقاً لمعطيات الواقع الحالى .

[Sharky]

كلامك مظبوط و احييك عليه

علشان كده فكرت اننا نتقاش بهدوء ليعلم كل طرف لماذا يفكر الأخر فى هذا الرأى و هل يمكن لهذه الافكار ان تنفذ فعليا و لا مجرد شعارات يتمسك بها الأطراف بدون علم انه يمكن تنفيذها ام لا ؟

و مرة اخرى لنضع مصلحة مصر اولا و قبل كل شئ

[ahmedeg1]

طيب نقول ان حسنى مبارك مات يا ترى ايه اللى هيحصل البلد هتخرب
على فكره البلد اكبر من انها تقف على واحد و انا بعتبر ان مبارك مش عاوز يمشى دلوقتى علشان ما يتقالش عليه الرئيس المخلوع و عاوز التاريخ يكتب عنه انه من الحكماء اللى حكموا مصر بس مهما التاريخ قال كفايه ان ربنا عارف ايه هيا حقيقته

[Sharky]

كلامك منطقى جدا

فعلا لو مات الرئيس هل كانت ستخرب البلد ؟
الجواب انها قد تخرب و قد لا
لكنى ارى ان نسبة عدم خرابها هو الاكثر لهذه الاسباب :
1-لإنه لن يكون وقتها وجود لثورة الشباب اللى شجعت الاحزاب على الكلام و المنافسة على الرئاسة .
2- سيطرة الجيش و الحزب الوطنى و الشرطة على الدولة و سيمهدون لتنقل سلمى للسطلة .

و كان سيمسك رئيس البرلمان الحكم مؤقتا لحين اتمام الانتخابات و التى غالبا كانت ستأتى بجمال مبارك رئيسا لإنه تقريبا الوحيد الذى سيرشح من قبل الحزب الوطنى كما حدث بالظبط فى سوريا .

لكن لو افترضنا انه ايضا ان البلد كانت ستخرب فى هذه الحالة هى ارادة الله و لم نكن سببا فيها
عكس ما يطالب به البعض الان من تنحى قد يؤدى الى عدم استقرار و خراب ووقتها سيكون بايدنا نحن !

[justmanonweb]

انا شايف ان مبارك هو المسؤل عن قتل كل شهدائنا فى هذة الثورة ولذلك مش ممكن اقبل ان قاتل اخويا يفضل يحكمنى ولو يوم اخر
فهذا الشخص سفاح من الدرجة الاولى و هو من الناس الذين ختم اللة على قلوبهم يعنى ولا همة ربة ولا شعبة

[ahmedeg1]

يا أخى العزيز ان بفترض انه مت الأيام دى و اللى انا حاسس انه حيروح فيها لما يسيب الرئاسه لحسرته عليها و انه سابها غصب عنه مش بكيفه قفتكر ان البلد هتخرب ؟؟

و تفتكر ان المسئول عن أعمال الشغب اللى حصلت تانى يوم بعد خطابه ؟؟

[Sharky]

انا شايف ان مبارك هو المسؤل عن قتل كل شهدائنا فى هذة الثورة ولذلك مش ممكن اقبل ان قاتل اخويا يفضل يحكمنى ولو يوم اخر
فهذا الشخص سفاح من الدرجة الاولى و هو من الناس الذين ختم الله على قلوبهم يعنى ولا همة ربة ولا شعبة

كلام حضرتك يحترم و اظن ان كلنا متفقين عليه

لكن يجب ان نحرص على العمل مصلحة البلد حاليا و ان نترك جانبا المصالح الشخصية حتى نتمكن من العمل على التعديلات الدستورية حتى تاتى انا برئيس منتخب لاول مرة فى مصر و بعد نقدر نحاكمه على ما فعله بنا

لكن حاليا قل لى كيف ستحاكمه و هو فى السلطة ؟

[ahmedeg1]

و بعديين كان فين من 30 سنه من الإصلاحات اللى بيوعد بيها و اللى انا واثق انه هيعمله مش عشان حبه للشعب و لا لمصر بس عشان خاطر اسمه فى التاريخ ما يبقاش اسود و الله أعلم

[Sharky]

يا أخى العزيز ان بفترض انه مت الأيام دى و اللى انا حاسس انه حيروح فيها لما يسيب الرئاسه لحسرته عليها و انه سابها غصب عنه مش بكيفه قفتكر ان البلد هتخرب ؟؟

نعم ستخرب لو مات مبارك فى هذه الايام
خلو منصب رئييس الجمهورية حاليا ايا كان من فيه سيؤدى الى عدم استقرار و خراب للبلد و لن نستطيع اختيار مرشح لنا و سيتم ارغمنا على مرشح معين من الجهة الاقوى وقتها :)

و تفتكر ان المسئول عن أعمال الشغب اللى حصلت تانى يوم بعد خطابه ؟؟

رأى العقل و المنطق يقول انه كان اكثر المتضررين من هذا الشغب

لذا رأى العقل و المنطق يقول انه لم يكن محرضا عن هذا العمل

[ahmedeg1]

لازم كلنا نبقى ايد واحده عشان خاطر بلدنا و زى ما أثبتنا للشرطه اننا ممكن نحمى بلدنا و رجاله زى ما هنثبتله اننا هنقدر نحمى مصالح بلدنا الحبيبه مصر ان شاء الله و الله المستعان

[الطنطاوي]

أخي الحبيب

كل اللي انت ذكرته مجرد أحلام من يضمن لك تحقيقها ؟؟

لا أحد

لو على الوعود عندنا منها كتير

نفس اللي حصل هذه الايام .حصل ايام اسماعيل صدقي وبعد ما اسماعيل صدقى صرف الناس بشوية وعود أعدم كل قادة المظاهرات ولم ينفذ الوعود بعد ما خدرهم

للاسف كل رد فعل الطرف الأخر هو بس كلام

دم الناس اللي ماتت لازم يكون قدامه أفعال مش كلام

انا اعرف 4 اتقتلوا في المظاهرات منهم واحد مات في التحرير ورقبته مدلدلة على صدره

روحه في ذنب مين بالله عليك

وكفاية على مبارك ان احنا مش فاكرين له الا حرب 73 معنى كده انه ما عملش حاجة في 30 سنة

ولو على الحرب كلنا لنا أعمام وأخوال وأباء ماتوا في 73

أنا عارف ان في خسارة بس الخسارة دي خطوة في الاتجاه الصحيح

يعني لو انت رايح اسكندرية بس مشيت في طريق اسوان وفي نص الطريق عرفت انك ماشي غلط ايه اللي مفروض تعمله

اي حد هايقولك اخسر الشوية اللي مشيتهم بس امشي في الاتجاه الصحيح

اتمنى ان اكون عرفت اوصلك وجهة نظري

[ahmedeg1]

يا أخى العزيز لا تقل انها ستخرب و أقسم لك أنها لن تخرب بإذن الله عارف ليه علشان واحد زى حضرتك و ناس كتير عندها أخلاق و بتحب البلد دى