دعونا نتناقش بهدوء و عقلانية من اجل مصلحة مصر

[Sharky]

و بعديين كان فين من 30 سنه من الإصلاحات اللى بيوعد بيها و اللى انا واثق انه هيعمله مش عشان حبه للشعب و لا لمصر بس عشان خاطر اسمه فى التاريخ ما يبقاش اسود و الله أعلم

ايا كان السبب لعمل الاصلاحات فهو لا يهمنا حاليا لإنه لن يتم انتخابه و لا اى احد من الحزب الوطنى مرة اخرى و لن يتراجع الشعب عن فكرته عنه

المهم ان تتم الاصلاحات فى اسرع وقت

[ahmedeg1]

مصـــــــــر فوق الجمـيـــــع

[M.almaghraby]

بمنتهي البساطة

انا لا اثق في مبارك

[Sharky]

أخي الحبيب

كل اللي انت ذكرته مجرد أحلام من يضمن لك تحقيقها ؟؟

لا أحد

لو على الوعود عندنا منها كتير

نفس اللي حصل هذه الايام .حصل ايام اسماعيل صدقي وبعد ما اسماعيل صدقى صرف الناس بشوية وعود أعدم كل قادة المظاهرات ولم ينفذ الوعود بعد ما خدرهم

للاسف كل رد فعل الطرف الأخر هو بس كلام

ده الناس اللي ماتت لازم يكون قدامه أفعال مش كلام

انا اعرف 4 اتقتلوا في المظاهرات منهم واحد مات في التحرير ورقبته مدلدلة على صدره

روحه في ذنب مين بالله عليك

وكفاية على مبارك ان احنا مش فاكرين له الا حرب 73 معنى كده انه ما عملش حاجة في 30 سنة

ولو على الحرب كلنا لنا أعمام وأخوال وأباء ماتوا في 73

أنا عارف ان في خسارة بس الخسارة دي خطوة في الاتجاه الصحيح

يعني لو انت رايح اسكندرية بس مشيت في طريق اسوان وفي نص الطريق عرفت انك ماشي غلط ايه اللي مفروض تعمله

اي حد هايقولك اخسر الشوية اللي مشيتهم بس امشي في الاتجاه الصحيح

اتمنة اي اكون عرفت اوصلك وجهة نظري

يا اخى العزيز وجهة نظرك وصلت لى
اللى فهمته انك لا تثق انه حينفذ وعوده كما فعل من قبل

طب خلينى اسأل لك سؤال لماذا لا يقم بهذه الوعود ؟
ما يضيره ان يقوم بها الان و خاصة انه لن يستطيع ترشيح نفسه للرئاسة
و خاصة انه كان السبب الرئيسى لعدم قيام اصلاحات

صدقنى الراحل يكون اكثر الناس محاولة للتغيير على امل ان يذكره الناس بأى خير و فى نفس الوقت للتغليظ على من بعده :)

اخى العزيز قل لى ماذا تريده من ضمانات لكى تتأكد ان الاصلاحات ستنفذ ؟

يا أخى العزيز لا تقل انها ستخرب و أقسم لك أنها لن تخرب بإذن الله عارف ليه علشان واحد زى حضرتك و ناس كتير عندها أخلاق و بتحب البلد دى

يا سيدى الفاضل ليس نحن من سنخربها بل الصراع على السلطة و الذى سيراه العديد انه اسهل فرصه هى الان لكى يعتلى السلطة
و لن تسنح له فرصه اخرى مثلها
و قتها سينقسم الشعب المصرى لعده اتجاهات لا يعلم وقتها الا الله ماذا سيكون مصير البلد

[Sharky]

بمنتهي البساطة

انا لا اثق في مبارك

رأيك يحترم
و لك الحق فى ذلك

ما هى الضمانات التى تطلبها لكى تثق فى تنفيذ الاصلاحات ؟

[Sharky]

هل من اراء و افكار اخرى ؟؟

[ahmedeg1]

ربنا يحمى مصر و يحمى ابنائها و يقينا شر الفتن و انا حاسس اننا داخليين على عصر حب و ود كبير و ربنا هيكرمنا ان شاء الله و نستحمله الشهور الباقيه من عمر حكمه و يبخت من قدر و عفى و ربنا يجعله قى ميزان حسنات الشعب المصرى كله و ده درس لكل رئيس سواء فى العمل أو أى مكان انه لازم يتقى ربه فى المرؤوسين علشان ربنا يكرمه مش يهينه

يعني ايه كوكا كولا زيرو
يعنى تبقى واقف فى اللجنه الشعبيه بتحشش و يجى البوكس تقوم موقفه تفتشه
يعني مصر تعمل مظاهرات والجزائر تلغي قانون الطوارى
يعنى العساكر والظباط تأخد أجازة نص السنة والناس توقف خدمة طول الليل
...يعني احنا نعمل ثورة والمساجين هما إللي يتحررو

عاجل:الامطار تسقط علي سماء القاهره وهذا استطلاع للاراء من ميدان التحرير
الاخوان: لاحوار مع نظام مبارك قبل توقف الامطار
البرادعي: النظام مسؤل مسؤليه تامه عن هطول الامطار فوق الميدان
حركه 6 ابريل: مبارك وعدنا بالسلامه وهاهي الامطار تغرقنا
...قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم
...واخيرا قناة المصرية: لاصحه مما تبثه القنوات العميله انه هناك سقوط للامطار فوق المتظاهرين

[justmanonweb]

انا وفى زى ناس كتير لا يثقون فى كلام مبارك المعسول
انا شايف ان اللى طول عمرة بيكدب علينا ويسرقنا ويبهدلنا عمر ما حالة هينصلح فى 6 او 9 شهور
وبعدين ازاى واحد يقتل اخوك او اختك وحاليا بيستخدم اسلوب التجويع مع الشعب اثق فية
اللى انا شايفة دلوقتى انة عاوز فرصة هو ومنتفعية انهم يخربوها مش يصلحوها ودة عن طريق كمية الاموال اللى هتتهرب فى الفترة دى برة البلد وفى الانتقام من كل من ساهم فى قيام هذة الثورة الشريفة اللى بيحاولوا يتهموها بالاجندات

كلام حضرتك يحترم و اظن ام كلنا متفقين عليه

لكن يجب ان نحرص على العمل مصلحة البلد حاليا و ان نترك جانبا المطالح الشخصية حتى نتمكن من العمل على التعديلات الدستورية حتى تاتى انا برئيس منتخب لاول مرة فى مصر و بعد نقدر نحاكمه على ما فعله بنا

لكن حاليا قل لى كيف ستحاكمه و هو فى السلطة ؟

يا ترى حضرتك شايف ان هل يستطيع من دمر البلد وشوة دستورها انة يصلحهم تانى
يا اخى الفاضل مبارك هو من لم يحترم الدستور من قبل وقام بتشويهة حتى يحكمنا مدى الحياة يبقى ازاى بيطالبونا دلوقتى اننا نحترمة ؟؟؟؟ ارجوك جاوبنى

عاجل:الامطار تسقط علي سماء القاهره وهذا استطلاع للاراء من ميدان التحرير
الاخوان: لاحوار مع نظام مبارك قبل توقف الامطار
البرادعي: النظام مسؤل مسؤليه تامه عن هطول الامطار فوق الميدان
حركه 6 ابريل: مبارك وعدنا بالسلامه وهاهي الامطار تغرقنا
...قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم
...واخيرا قناة المصرية: لاصحه مما تبثه القنوات العميله انه هناك سقوط للامطار فوق المتظاهرين

يا اخى الفاضل ارجو احترام الناس اللى انت بتتريق عليها دى لانهم والله خيرة شعب مصر

[Jato.33]

ربنا يحمى مصر و يحمى ابنائها و يقينا شر الفتن و انا حاسس اننا داخليين على عصر حب و ود كبير و ربنا هيكرمنا ان شاء الله و نستحمله الشهور الباقيه من عمر حكمه و يبخت من قدر و عفى و ربنا يجعله قى ميزان حسنات الشعب المصرى كله و ده درس لكل رئيس سواء فى العمل أو أى مكان انه لازم يتقى ربه فى المرؤوسين علشان ربنا يكرمه مش يهينه

فعلاً حقيقي

تعرف إن مديري النهاردة لما قابلته في الشغل الصبح

كان بيبصلي وبيكلمني بطريقة مختلفة أوي

كأنه خايف مني ... لإننا عاملين مشاكل مع بعض جامدة قبل الثورة طبعاً

فالظاهر الراجل خايف مني ... لحسن أطلع أتظاهر في ميدان التحرير ضده ... وأكون سبب في خروجه معاش مبكر ... خصوصاً إنه لسه بدري عليه

[factorialx]

النائب عمر سليمان مش ضعيف عشان ميعرفش يسيطر على الوضع

و بعدين إفرضوا مبارك مات بكره هو عنده 82 سنة إفرضوا ... البلد هتموت يعني

و السيد عمر سليمان من الواضح إنه ماسك جزء كبير من مهام الرئاسة

[Jato.33]

يا اخى الفاضل ارجو احترام الناس اللى انت بتتريق عليها دى لانهم والله خيرة شعب مصر

حضرتك لازم تفرق بين فريقين

من بدأ الثورة يوم 25 يناير حتى قرر أن يرجع لبيته منتصراً ليبدأ في كتابة مستقبل جديد لهذا البلد

ومن قرر ألا يسمع إلا صوت الميكروفونات التي صاحت بالرفض حتى قبل أن ينتهي الخطاب الأخير يوم الثلاثاء 1 فبراير فقرر أن يبقى حتى من دون أن يدري ماذا قال البني أدم إلي كان بيتكلم

[Karim Salem]

انا كنت من الناس اللى بتدعوا الى التهدئة بعد ما شوفت خطاب الرئيس و اثر فيا انا شخصيا
بس دلوقتى كل الوعود فى صورة كلام
و بعدين اللى حصل يوم الاربع اللى فات من جمال و حصنة و طوب و ضرب نار على المتظاهرين اكدلى حاجة من اتنين
1- ان الناس اللى حوالين الرئيس مبارك مضللينه و بكده هو اكيد فى الفترة اللى جاية لن يستطيع انه يعمل حاجة حقيقية فى سبيل تحقيق المطالب اللى كلنا متفقين عليها.
2- او الكلام ده بيتم بعلمه و ده هيؤدى لنفس النتيجة.

رئيس الوزراء بيتكلم انه ميعرفش مين السبب فى ضرب المتظاهريين و الضرب كان لسه شغال
نائب الرئيس (رئيس المخابرات) برضة ميعرفش مين اللى سمح بكده و الضرب برضة لسه شغال

بصراحة لا اثق فى اى حد حاليا
الناس اللى حواليا بتقول ان عندى شيزوفرنيا لانى بقولهم لازم نساعد الناس اللى فى التحرير و نبعتلهم اكل و دواء بعد ما كنت بقول هما قاعدين ليه ما المطالب فى سبيلها للتحقيق اه
امن الدولة شغال اعتقالات اليومين دول
الناس لسه بتموت
مش عارف اقول ايه غير ربنا يحميكى يا مصر

[Sharky]

ا
وبعدين ازاى واحد يقتل اخوك او اختك وحاليا بيستخدم اسلوب التجويع مع الشعب اثق فية

ممكن حضرتك توضح لى النقطة دى
يعنى بيستخدم اسلوب تجويع الشعب ؟

ا
اللى انا شايفة دلوقتى انة عاوز فرصة هو ومنتفعية انهم يخربوها مش يصلحوها ودة عن طريق كمية الاموال اللى هتتهرب فى الفترة دى برة البلد وفى الانتقام من كل من ساهم فى قيام هذة الثورة الشريفة اللى بيحاولوا يتهموها بالاجندات

طيب حضرتك برضه ما جاوبتنيش ما هى ضماناتك التى تريد من اجل ان تثق من انه سيقوم بالتعديلات ؟؟

يا ترى حضرتك شايف ان هل يستطيع من دمر البلد وشوة دستورها انة يصلحهم تانى
يا اخى الفاضل مبارك هو من لم يحترم الدستور من قبل وقام بتشويهة حتى يحكمنا مدى الحياة يبقى ازاى بيطالبونا دلوقتى اننا نحترمة ؟؟؟؟ ارجوك جاوبنى

انا ما بقولش اننا نحترمه انا بقول يقعد يصلح العك اللى عمله و بعد كده يمشى
يا سيدى الراجل كده كده ماشى
ايه اللى حيضره انه يصلح ؟؟؟

انا كنت من الناس اللى بتدعوا الى التهدئة بعد ما شوفت خطاب الرئيس و اثر فيا انا شخصيا
بس دلوقتى كل الوعود فى صورة كلام
و بعدين اللى حصل يوم الاربع اللى فات من جمال و حصنة و طوب و ضرب نار على المتظاهرين اكدلى حاجة من اتنين
1- ان الناس اللى حوالين الرئيس مبارك مضللينه و بكده هو اكيد فى الفترة اللى جاية لن يستطيع انه يعمل حاجة حقيقية فى سبيل تحقيق المطالب اللى كلنا متفقين عليها.

هو حضرتك معرفتش ان قيادات الحزب الوطنى اقالتهم او قدموا استقالتهم ( احمد عز - جمال مبارك - على الدين هلال - صفوت الشريف - مفيد شهاب )
يعنى اللى حواليه فعلا بيتغيروا

2- او الكلام ده بيتم بعلمه و ده هيؤدى لنفس النتيجة.

لا اظن انه تم بعلمه لإنه كان اكثر المتضررين من هذا العمل

النائب عمر سليمان مش ضعيف عشان ميعرفش يسيطر على الوضع

و بعدين إفرضوا مبارك مات بكره هو عنده 82 سنة إفرضوا ... البلد هتموت يعني

و السيد عمر سليمان من الواضح إنه ماسك جزء كبير من مهام الرئاسة

حضرتك موافق على عمر سليمان فيه غير كتير غير متفقين عليه !!

ردى بالنسبة للوفاه فى مشاركتى السابقة و هى

كلامك منطقى جدا

فعلا لو مات الرئيس هل كانت ستخرب البلد ؟
الجواب انها قد تخرب و قد لا
لكنى ارى ان نسبة عدم خرابها هو الاكثر لهذه الاسباب :
1-لإنه لن يكون وقتها وجود لثورة الشباب اللى شجعت الاحزاب على الكلام و المنافسة على الرئاسة .
2- سيطرة الجيش و الحزب الوطنى و الشرطة على الدولة و سيمهدون لتنقل سلمى للسطلة .

و كان سيمسك رئيس البرلمان الحكم مؤقتا لحين اتمام الانتخابات و التى غالبا كانت ستأتى بجمال مبارك رئيسا لإنه تقريبا الوحيد الذى سيرشح من قبل الحزب الوطنى كما حدث بالظبط فى سوريا .

لكن لو افترضنا انه ايضا ان البلد كانت ستخرب فى هذه الحالة هى ارادة الله و لم نكن سببا فيها
عكس ما يطالب به البعض الان من تنحى قد يؤدى الى عدم استقرار و خراب ووقتها سيكون بايدنا نحن !

[justmanonweb]

ممكن حضرتك توضح لى النقطة دى
يعنى بيستخدم اسلوب تجويع الشعب ؟
هل مصر تقف علشان المظاهرات اللى فى ميدان التحرير ؟؟ طبعا لاء
طب لية الحكومة موقفة البلد حاليا من كل حاجة دة حتى الان الشرطة لم تنزل فى الاقسام ؟؟؟ وفى ناس خايفة تفتح محالتها بسبب عدم وجود الامن


طيب حضرتك برضه ما جاوبتنيش ما هى ضماناتك التى تريد من اجل ان تثق من انه سيقوم بالتعديلات ؟؟

للاسف لا ضمان فى احد الان بس على الاقل اى واحد غيرة هيبقى عندة فرصة اصدقة لانة ماكدبش عليا قبل كدة



انا ما بقولش اننا نحترمه انا بقول يقعد يصلح العك اللى عمله و بعد كده يمشى
يا سيدى الراجل كده كده ماشى
ايه اللى حيضره انه يصلح ؟؟؟

طب واية اللى هيخلينى برضة اصدق واحد كداب انة يصلح ماهو بقالة 30 سنة بيكدب علينا
وبعدين واحد مش عامل حساب اخرتة وبيقتل فى شعبة هل من الممكن يحترم وعدة ,,,

[Sharky]

هل مصر تقف علشان المظاهرات اللى فى ميدان التحرير ؟؟ طبعا لاء
طب لية الحكومة موقفة البلد حاليا من كل حاجة دة حتى الان الشرطة لم تنزل فى الاقسام ؟؟؟ وفى ناس خايفة تفتح محالتها بسبب عدم وجود الامن

مين قال لحضرتك كده

النهاردة معظم الشركات فتحت و البنوك و الناس نزلت خلاص شغلها
و حتى الأقسام بدا العمل فى بعضها

للاسف لا ضمان فى احد الان بس على الاقل اى واحد غيرة هيبقى عندة فرصة اصدقة لانة ماكدبش عليا قبل كدة

طب مين غيره اللى ترشحه و ازاى ممكن نعمل الكلام دا بخطة واضحة ؟