دعونا نتناقش بهدوء و عقلانية من اجل مصلحة مصر

[justmanonweb]

يا اخى الكريم
انا مابرشحش شخص معين صدقنى انا كل اللى يهمنى اننا نعيش عيشة احسن من اللى كنا عايشينها وانا واثق ان اى حد هيجى غير مبارك هيعمل بعد كدة حساب للمصرين
انا اللى عاوز اوصلهولك انى لا اريد بقاء مبارك بغض النظر عن من يحكم فى الفترة الجاية لترتيب الاوضاع ودة لان مبارك لا يستحق ان يجلس يوما اخر على كرسى الحكم بعد ما قتل وضلل شعبة وحتى يكون عبرة لمن ياتى بعدة اننا شعب طيب وممكن يضحك علينا بكلمتين علشان لما يمشى يبقى مشى بكرامة و هو لا يستحق انة يمشى بكرامة عقابا لما فعلة بشعبة
اما محاكمتة بقى فدى حاجة انا مفوض فيها ربنا هو اللى يحاسبة على اللى عملة بالرغم من انة يستحق ان الشعب برضة يحاكمة

[Sharky]

دستوريا اللى حضرتك طالبه ماينفعش :(

هو الهدف الإصلاح السياسى و لا عزل مبارك ؟؟

[Col. Eng. Khaled]

إن أردت أن تطاع فأمر بالمستطاع

أخي الكريم أ / أحمد

كامل إحترامي لموضوع حضرتك و كامل إحترامي للجميع ، يؤسفني القول (حضرتك بتحرت في مياه)

أرجو ألا يؤخذ كلامي بسوء فهم و لكن كلامي توصيف للوضع السائد .

[justmanonweb]

دستوريا اللى حضرتك طالبه ماينفعش :(

يا اخى الفاضل ومن امتى الحكومة ولا مبارك بينفذوا الدستور ؟؟؟؟؟ ارجوك جاوبنى
يبقى ما يجوش دلوقتى يقولوا دستور

[Sharky]

إن أردت أن تطاع فأمر بالمستطاع

الله يفتح عليك يا سيادة العقيدة

ارجو من جميع اخوانى من الاعضاء قراة دستور بلدنا قبل طلب اى مطلب

يا اخى الفاضل ومن امتى الحكومة ولا مبارك بينفذوا الدستور ؟؟؟؟؟ ارجوك جاوبنى
يبقى ما يجوش دلوقتى يقولوا دستور

ممكن حضرتك تدينى امثلة حدثت فعليا بالكلام دا ؟

و لو كانت حدثت فعليا هل المطلوب نعمل مثلهم و نناقض مطالبنا و نطالب بعدم احترام دستورنا !!!

[justmanonweb]

الله يفتح عليك يا سيادة العقيدة

ارجو من جميع اخوانى من الاعضاء قراة دستور بلدنا قبل طلب اى مطلب





ممكن حضرتك تدينى امثلة حدثت فعليا بالكلام دا ؟

و لو كانت حدثت فعليا هل المطلوب نعمل مثلهم و نناقض مطالبنا و نطالب بعدم احترام دستورنا !!!

يا سيدى الفاضل مبارك غير مادة فى الدستور 88 او 82 مش فاكر رقمها بالظبط
كانت بتنص بالاشراف الكامل للقضاة على الانتخابات وعمل بدلا منها لجنة هو اللى موظفها لمراقبة الانتخابات وعلشان كدة حصلت الكارثة بتاعة انتخابات مجلس الشعب الاخيرة
يبقى دة دستور يحترم
دة دستور مبارك مش دستور مصر علشان نحترمة زى مالحكومة بتطالبنا

[dodino2006]

افضل بقاء مبارك حتي نهاية مدته, لتحقيق المطالب بشكل اسرع و اكثر تنظيماً, و حتي يعود الهدوء السياسي للبلاد, فاسوأ ما يمكن ان يحدث ان يعاد صياغة الدستور و الدعوة للانتخابات في وسط الفوضي الحالية و تشتت معظم القوي الوطنية عدا الاخوان مما يصب في مصلحتهم وحدهم. فأراها هدنة لنا قبل ان تكون لمبارك, حتي نستطيع تمييز القوي الموجودة علي الساحة و اعادة ترتيب اوراقنا قبل الاختبار الديمقراطي الحقيقي... اتمني ايضاً (مجرد أمنية, و انا ليس عضو في الحزب الوطني) ان يتم تطهير الحزب الوطني من جميع المنتفعين و الفاسدين و اصحاب المصالح, و اعادة ضم الشخصيات المحترمة المنشقة عنه مثل الدكتور اسامه الغزالي حرب, في الفترة القصيرة القادمة, ليكون قوة ليبرالية جاهزة و راسخة و معادلة للقوي الاخري قبل ميعاد الانتخابات...



.

[Samir Elshahawy]

الاخوة الكرام ..

تحياتي و أحترامي لكم جميعا و لكل الأراء التي قيلت و لكن أسمحوا لي أن أختلف مع كل من أيد النظام البائد بأذن الله و اللامبارك و الذي فقد بالفعل شرعيته منذ زمن بعيد مستندا في ذلك الي مواد الدستور الذي أرتضاه الشعب من قبل و يرتضيه النظام و يتغني به و ذلك علي النحو التالي :

[frame="1 80"]
إن كرامة الفرد انعكاس طبيعى لكرامة الوطن ؛ ذلك أن الفرد هو حجر الأساس فى بناء الوطن ، وبقيمة الفرد وبعمله وبكرامته تكون مكانة الوطن وقوته وهيبته
[/frame]
منذ متي تم أحترام كرامة الانسان المصري سواء في وطنه أو بالخارج و هل الوطن ذو قوة و هيبة نتيجة لأحترام هذه الكرامة ؟؟

[frame="1 80"]
إن سيادة القانون ليست ضماناً مطلوباً لحرية الفرد فحسب ، لكنها الأساس الوحيد لمشروعية السلطة فى نفس الوقت .
إن صيغة تحالف قوى الشعب العاملة ليست سبيلاً للصراع الاجتماعى نحو التطور التاريخى ، ولكنها فى هذا العصر الحديث ومناخه ووسائله ، صمام أمان يصون وحدة القوى العاملة فى الوطن ، ويحقق إزالة المتناقضات فيما بينها فى التفاعل الديمقراطى .
[/frame]
من نص الدستور أن سيادة القانون هي الاساس الوحيد لمشروعية السلطة , هل كانت هناك سيادة للقانون ياسادة كي يكون لهذا النظام أي شرعية

[frame="1 80"]
المادة (3)
السيادة للشعب وحده، وهو مصدر السلطات، ويمارس الشعب هذه السيادة ويحميها، ويصون الوحدة الوطنية على الوجه المبين في الدستور
[/frame]
عندما قال الشعب كلمته في مظاهرات 25 و 28 يناير و 1 و 4 فبراير و نزل الشارع أكثر من 8 مليون مصري ليقول لهذا اللامبارك أرحل فهنا و وفقا لهذا البند فقد شرعيته

[frame="1 80"]
المادة (4)
يقوم الاقتصاد فى جمهورية مصر العربية على تنمية النشاط الاقتصادي والعدالة الاجتماعية وكفالة الأشكال المختلفة للملكية ، والحفاظ على حقوق العمال
[/frame]
- هل كان هناك أي تنمية أقتصادية ؟؟
- هل كان هناك أي عدالة أجتماعية ؟؟
- هل تم الحفاظ علي حقوق العمال عند بيع شركات القطاع العام وطردهم في الشوارع و زيادة نسبة البطالة و العاطلين

[frame="1 80"]
المادة (8)
تكفل الدولة تكافؤ الفرص لجميع المواطنين
[/frame]
- هل هناك تكافؤ فرص في الوظائف
- هل هناك تكافؤ فرص في التقاضي
- هل هناك تكافؤ فرص أمام رجال المرور (و نحن هنا منتدي للسيارات و عانينا جميعا من ذلك) في المخالفات و التراخيص و غيره ...
أم ان هناك واسطة و محسوبيات و اللي يعرف حد في الداخلية أو فلان بيه أو علان باشا ؟؟

[frame="1 80"]
المادة (17)
تكفل الدولة خدمات التأمين الاجتماعي والصحي، ومعاشات العجز عن العمل والبطالة والشيخوخة للمواطنين جميعاً ، وذلك وفقا للقانون
[/frame]
سؤال الي شباب الخريجين الذين لايعملون : هل تمنحكم الحكومة أعانة بطالة ؟؟

[frame="1 80"]
المادة (42)
كل مواطن يقبض عليه أو يحبس أو تقيد حريته بأي قيد تجب معاملته بما يحفظ عليه كرامة الإنسان، ولا يجوز إيذاؤه بدنياً أو معنوياً، كما لا يجوز حجزه أو حبسه في غير الأماكن الخاضعة للقوانين الصادرة بتنظيم السجون. وكل قول يثبت أنه صدر من مواطن تحت وطأة شئ مما تقدم أو التهديد بشئ منه يهدر ولا يعول عليه
[/frame]
مارأيكم فيما كنا نتداوله هنا بالمنتدي و الفيس بوك و يوتيوب من صور التعذيب و الضرب داخل الاقسام ؟؟

[frame="1 80"]
المادة (45)
لحياة المواطنين الخاصة حرمة يحميها القانون. وللمراسلات البريدية والبرقية والمحادثات التليفونية وغيرها من وسائل الاتصال حرمة، وسريتها مكفولة، ولا تجوز مصادرتها أو الإطلاع عليها أو رقابتها إلا بأمر قضائي مسبب ولمدة محددة ووفقا لأحكام القانون
[/frame]
هل عندما تم قطع الأنترنت و فصل التليفونات المحمولة يوم 28 يناير كان هناك حكم قضائي ؟؟

[frame="1 80"]
المادة (184)
الشرطة هيئة مدنية نظامية، رئيسها الأعلى رئيس الجمهورية. وتؤدى الشرطة واجبها في خدمة الشعب، وتكفل للمواطنين الطمأنينة والأمن، وتسهر على حفظ النظام والأمن العام والآداب، وتتولى تنفيذ ما تفرضه عليها القوانين واللوائح من واجبات، وذلك كله على الوجه المبين بالقانون
[/frame]
-مارأيكم في دور الشرطة فيما حدث منذ 28 يناير و حتي الان ؟؟
- ياسادة .. في ظل قانون الطوارئ الذي تصر عليه الحكومة يكون انسحاب الشرطة بهذا الشكل خيانة عظمي تستحق محاكمة المسؤلين عنها عسكريا بما فيهم الرئيس الأعلي لها

و أليكم الرابط الذي يحتوي علي نص الدستور المصري :

http://constitution.sis.gov.eg/ar/html/....cons1.htm

و الأن مازال هناك من عميت بصيرتهم عما أقترفه هذا النظام السفاح و المجرم
عندما يتم الامساك باللص يحاول أن يسطو علي منزلك تحت تهديد السلاح هل تتركه ينصرف بسبب توسله و بكائه و تعهده بعدم تكرار المحاولة و التوبة
"قالوا للحرامي أحلف .. قال جالك الفرج"

مع خالص تحياتي
م/ سمير الشهاوي

[dr-mohamed]

ربنا يحمى مصر و يحمى ابنائها و يقينا شر الفتن و انا حاسس اننا داخليين على عصر حب و ود كبير و ربنا هيكرمنا ان شاء الله و نستحمله الشهور الباقيه من عمر حكمه و يبخت من قدر و عفى و ربنا يجعله قى ميزان حسنات الشعب المصرى كله و ده درس لكل رئيس سواء فى العمل أو أى مكان انه لازم يتقى ربه فى المرؤوسين علشان ربنا يكرمه مش يهينه

يعني ايه كوكا كولا زيرو
يعنى تبقى واقف فى اللجنه الشعبيه بتحشش و يجى البوكس تقوم موقفه تفتشه
يعني مصر تعمل مظاهرات والجزائر تلغي قانون الطوارى
يعنى العساكر والظباط تأخد أجازة نص السنة والناس توقف خدمة طول الليل
...يعني احنا نعمل ثورة والمساجين هما إللي يتحررو

عاجل:الامطار تسقط علي سماء القاهره وهذا استطلاع للاراء من ميدان التحرير
الاخوان: لاحوار مع نظام مبارك قبل توقف الامطار
البرادعي: النظام مسؤل مسؤليه تامه عن هطول الامطار فوق الميدان
حركه 6 ابريل: مبارك وعدنا بالسلامه وهاهي الامطار تغرقنا
...قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم
...واخيرا قناة المصرية: لاصحه مما تبثه القنوات العميله انه هناك سقوط للامطار فوق المتظاهرين

بجد مشاركة من اروع ما يمكن وفعلا حللت الوضع القائم

[QUOTE=justmanonweb;3873272054]انا وفى زى ناس كتير لا يثقون فى كلام مبارك المعسول
انا شايف ان اللى طول عمرة بيكدب علينا ويسرقنا ويبهدلنا عمر ما حالة هينصلح فى 6 او 9 شهور
وبعدين ازاى واحد يقتل اخوك او اختك وحاليا بيستخدم اسلوب التجويع مع الشعب اثق فية
اللى انا شايفة دلوقتى انة عاوز فرصة هو ومنتفعية انهم يخربوها مش يصلحوها ودة عن طريق كمية الاموال اللى هتتهرب فى الفترة دى برة البلد وفى الانتقام من كل من ساهم فى قيام هذة الثورة الشريفة اللى بيحاولوا يتهموها بالاجندات
يا ترى حضرتك شايف ان هل يستطيع من دمر البلد وشوة دستورها انة يصلحهم تانى
يا اخى الفاضل مبارك هو من لم يحترم الدستور من قبل وقام بتشويهة حتى يحكمنا مدى الحياة يبقى ازاى بيطالبونا دلوقتى اننا نحترمة ؟؟؟؟ ارجوك جاوبنى
QUOTE]

وانا لا اثق فيه
لكن ما هو الحل
وما هي الضمانات الممكنة الان ؟

فعلاً حقيقي

تعرف إن مديري النهاردة لما قابلته في الشغل الصبح

كان بيبصلي وبيكلمني بطريقة مختلفة أوي

كأنه خايف مني ... لإننا عاملين مشاكل مع بعض جامدة قبل الثورة طبعاً

فالظاهر الراجل خايف مني ... لحسن أطلع أتظاهر في ميدان التحرير ضده ... وأكون سبب في خروجه معاش مبكر ... خصوصاً إنه لسه بدري عليه

يا باشا البت الصغيرة بنتي اللى يا دوب سنتين عملت مظاهرة ضدي متزعمة اخواتها الاكبر منها وخفت منهم تقولي مديرك يخاف منك ما لازم يخاف

حضرتك لازم تفرق بين فريقين

من بدأ الثورة يوم 25 يناير حتى قرر أن يرجع لبيته منتصراً ليبدأ في كتابة مستقبل جديد لهذا البلد

ومن قرر ألا يسمع إلا صوت الميكروفونات التي صاحت بالرفض حتى قبل أن ينتهي الخطاب الأخير يوم الثلاثاء 1 فبراير فقرر أن يبقى حتى من دون أن يدري ماذا قال البني أدم إلي كان بيتكلم

ااااااااااااااااااااااااه
هي دي الكارثة
من عبر ومن هبر
الله يرحم الشهداء ويشفي المصابين ويرحم الجميع احياء واموات

و بعدين اللى حصل يوم الاربع اللى فات من جمال و حصنة و طوب و ضرب نار على المتظاهرين اكدلى حاجة من اتنين
1- ان الناس اللى حوالين الرئيس مبارك مضللينه و بكده هو اكيد فى الفترة اللى جاية لن يستطيع انه يعمل حاجة حقيقية فى سبيل تحقيق المطالب اللى كلنا متفقين عليها.
2- او الكلام ده بيتم بعلمه و ده هيؤدى لنفس النتيجة.
رئيس الوزراء بيتكلم انه ميعرفش مين السبب فى ضرب المتظاهريين و الضرب كان لسه شغال
نائب الرئيس (رئيس المخابرات) برضة ميعرفش مين اللى سمح بكده و الضرب برضة لسه شغال
بصراحة لا اثق فى اى حد حاليا
الناس اللى حواليا بتقول ان عندى شيزوفرنيا لانى بقولهم لازم نساعد الناس اللى فى التحرير و نبعتلهم اكل و دواء بعد ما كنت بقول هما قاعدين ليه ما المطالب فى سبيلها للتحقيق اه
امن الدولة شغال اعتقالات اليومين دول
الناس لسه بتموت
مش عارف اقول ايه غير ربنا يحميكى يا مصر

من الان يثق في من في مصر ؟؟؟؟؟؟
معركة الجمل الحديثة اكثر من اضير منها هو مبارك نفسه ولو لم تحدث لفقدت الثورة الكثير من التاييد لانها فعلا قلبت كل البسطاء على الثورة ومن قاموا بها والمفروض يتعمل تمثال للدكتور جابر عصفور اللى كتب له الخطبة دي
عمر سليمان واحمد شفيق اعتقد انهم اكثر احتراما من انهم يعملوا حركة خايبة زي اللى حصلت بدليل ان شفيق تعهد بعدم المساس باحد في يوم الجمعة وهو ما حدث والله اعلم بما دار في الكواليس يوم الخميس
وبعدين استين هو امن الدولة لسة موجود ؟؟؟؟؟؟؟؟؟؟؟؟؟؟

إن أردت أن تطاع فأمر بالمستطاع
أخي الكريم أ / أحمد
كامل إحترامي لموضوع حضرتك و كامل إحترامي للجميع ، يؤسفني القول (حضرتك بتحرت في مياه)
أرجو ألا يؤخذ كلامي بسوء فهم و لكن كلامي توصيف للوضع السائد .

بعد ما اراه في المنتدي ورايته في التحرير اليوم للاسف كلامك صحيح تماما

يا اخى الفاضل ومن امتى الحكومة ولا مبارك بينفذوا الدستور ؟؟؟؟؟ ارجوك جاوبنى
يبقى ما يجوش دلوقتى يقولوا دستور

مصر بعد 25 يناير غير مصر قبل 25 يناير

[Sharky]

كلامك مظبوط يا م/ سمير

رغم اعتراضى على العديد من التجاوزات و التى ليست وليدة مبارك فقط بل وليدة تصرفات و سلوكيات شعبنا الحبيب يعنى تغيير مبارك ليس الحل فى عدم تكرارها

و للمرة الثانية اقولها لك هل لديك اثبات رسمى ان 8 مليون نزلوا المظاهرات
و هل 8 مليون يعنى اقل من 10 % من الشعب الرسمى هو اللى يفقد مبارك شرعيته ؟؟
و كيف فقد شرعيته و هو مازال فى الحكم و يجتمع بالوزراء و الجيش ؟؟

انا واحد من الناس اللى مؤيدين لبقائه حتى شهر 9 ليس لإنه ملاك و ليس بشرا
او لإنه حقق انجازات او غيرها من الشعارات

انا مازالت بقول ان نظامه كان فاسدا و اضر كثيرا بالبلاد

لكن انا بؤيد فقط بقائه لضمان التعديلات الدستورية و انتقال سلمى للرئيس الجديد المنتخب لاول مرة فى مصر و بمدتين فقط

بل اقترح ايضا ان يكون الرئيس القادم بمده واحد فقط لا تزيد عن 4 سنوات لإستكمال الإصلاح و ليعلم الرئيس القادم انه قادم للإصلاح فقط و ليس للبقاء

لكن هل توجد لدى معارضى هذه الفكرة حلول اخرى نضمن بها عمل تعديلاتنا الدستورية و الاتيان برئيس منتخب فى وضع مستقر ؟؟

دلوقتى كل اللى بيطالبوا ان يرحل مبارك الأن هل جميعهم اتفقوا على حل واحد و خطة لما بعد الرحيل ام سينتظرون حين رحيله و نبدأ الخلافات مرة اخرى حول الحل الانسب كما يحدث الان ووقتها الخلاف لن يكون مثل الأن سيكون كارثه على هذا الوطن

انا مستعد اعرض فكرتى الكاملة حتى الانتخابات الرئاسية المقبلة و مستعد ايضا لسماع فكرة الطرف الاخر و نرى الافضل لمصرنا الحبيبة

ليس الهدف بقاء مبارك من رحيله الان
الهدف عمل ما نريده فى جو مستقر

[Sharky]

يا سيدى الفاضل مبارك غير مادة فى الدستور 88 او 82 مش فاكر رقمها بالظبط
كانت بتنص بالاشراف الكامل للقضاة على الانتخابات وعمل بدلا منها لجنة هو اللى موظفها لمراقبة الانتخابات وعلشان كدة حصلت الكارثة بتاعة انتخابات مجلس الشعب الاخيرة
يبقى دة دستور يحترم
دة دستور مبارك مش دستور مصر علشان نحترمة زى مالحكومة بتطالبنا

يا سيدى الفاضل ممكن تحدد لنا بالظبط رقم المادة التى تم تغيرها و متى تم تغيرها و ما الدواعى التى قيلت وقتها لتعديلها ؟؟

و مازالت بطالب الطرف الاخر بتقديم خطة كاملة لما بعد رحيل مبارك حتى نرى ان كانت تضمن لنا الاستقرار و عمل ما نريد ام لا حتى نتفق عليها و لا لأ قبل المطالبة بالرحيل دون معرفة ما يجب ان يحدث بعد ذلك

[dr-mohamed]

يا سيدى الفاضل مبارك غير مادة فى الدستور 88 او 82 مش فاكر رقمها بالظبط
كانت بتنص بالاشراف الكامل للقضاة على الانتخابات وعمل بدلا منها لجنة هو اللى موظفها لمراقبة الانتخابات وعلشان كدة حصلت الكارثة بتاعة انتخابات مجلس الشعب الاخيرة
يبقى دة دستور يحترم
دة دستور مبارك مش دستور مصر علشان نحترمة زى مالحكومة بتطالبنا

يا سيدى الفاضل ممكن تحدد لنا بالظبط رقم المادة التى تم تغيرها و متى تم تغيرها و ما الدواعى التى قيلت وقتها لتعديلها ؟؟

المقصود هنا م 88 والخاصة بالاشراف القضائي الكامل على الانتخابات وهي بالمناسبة لم تطبق فعلا الا مرة واحدة في انتخابات 2005
والدستور هو دستور جمهورية مصر العربية وليس دستور مبارك
ولو عايزين نبني بلدنا صح يبقي من ضمن الامور اننا نغير الدستور صح

[justmanonweb]

المادة 88 فى الدستور اتغيرت بعد انتخابات 2005
المبررات التي قدمتها الحكومة لتعديل المادة مثل التخفيف عن القضاة واحترام مكانتهم بعدم إقحامهم في الصراعات الانتخابية وضرورة إجراء الانتخابات في يوم واحد

[Sharky]

حلو كده كلامك مظبوط

اذن يجب ان نطالب بتغييرها كما يتم تغيير مادة 76 و 77
مع معرفة رأى القضاة فى كيفيه تطبيقها معهم

و دا اللى نطالب بيه و دا حقنا لأ و مش كده بس نطالب ان يكون فيه رقابه دولية كمان

لإن دا دستور مصر مش دستور مبارك او فلان او علان




و برضه

و مازالت بطالب الطرف الاخر بتقديم خطة كاملة لما بعد رحيل مبارك حتى نرى ان كانت تضمن لنا الاستقرار و عمل ما نريد ام لا حتى نتفق عليها و لا لأ قبل المطالبة بالرحيل دون معرفة ما يجب ان يحدث بعد ذلك

[justmanonweb]

انا بحيك على سعة صدرك والمناقشة بعقلانية وفعلا يا ريت اللى عندة اى راى يتكلم بنفس الاسلوب حتى نصل لبر الامان