دعونا نتناقش بهدوء و عقلانية من اجل مصلحة مصر

[Sharky]

لكن لازم نفهم حاجة غايبة على كتير من المصريين

- من هو الطرف الاقوى الان (المتظاهرون و لا مبارك ) و لماذا ؟
- ما معنى تعيين وزير الداخلية على المعاش منذ 5 سنوات ؟؟
- ها يثق الشعب المصرى فى عمر سليمان و احمد شفيق ؟
- هل استمرار المظاهرات بدون التأثير على الحياة فى مصر ستأتى بنتيجة ؟؟
- اخبارتونس ايه و ليه ماغيروش الدستور حتى الأن ؟؟؟
- ليه لم يتم ترشيح الرؤساء فى تونس رغم ان المهلة المتقبية دستوريا اقل من 30 يوم ؟؟؟
- ليه رئيس تونس المؤقت (رئيس البرلمان) بيناقش النهاردة زيادة صلاحيته رغم انه مؤقت ؟؟؟


و اجى تانى و برضه اسأل سؤالى اللى مش لاقى له اجابة حتى الان :
ماهو السيناريو الذى يريده المتظاهرون بعد رحيل مبارك و الذى يضمن عمل تعديلات دستورية و انتخابات رئاسية نزيهة ؟؟؟؟

مازلت فى انتظار الاجابة ؟؟؟؟؟؟؟

[jisso82]

أتمنى رحيل مبارك الآن و السبب أن النظام فقد مصداقيته لدى و لدى الكثيرين منذ زمن بعيد و بناءا عليه لا أصدق أنه سيصدق معى فى الستة أشهر المقبلة و يفى بوعوده التى لم تتعدى حتى الآن كونها وعود براقة ليس هناك ضمانة واحدة على تحقيق أى منها خاصة من خلال خطابى الرئيس الذين كانا السبب فى اتخاذى هذا الموقف و بشكل خاص الخطاب الثانى فالأول تغيير وزارى لا يسمن و لا يغنى من جوع و أغلب الوزراء الذين كانوا يفترض بهم الرحيل استمروا و لم يكن رحيل جزء صغير من الفاسدين و بعض رجال الأعمال شافى لصدورنا أما الخطاب الهزلى الآخر فليس به خطوة إيجابية واحدة فانعدام نيته للترشح لفترة قادمة ليست وليدة اللحظة و الكل يعرف من كان الرئيس القادم و مع ذلك فبعد الفتنة التى أثارها خطابه ما الذى يمنع أن يتراجع فى هذا الوعد نزولا على رغبة الجماهير التى بكت من أجله و أما عن تعديل المادتين 76 و 77 فقد يعدلها تعديلا صوريا ونجد أنفسنا فى نهاية الأمر نواجه نفس الأزمة مع أنه أوفى بوعده و عدلها و أما عن طعون مجلس الشعب فماذا عن هؤلاء الذين لم يتقدموا بطعون لثقتهم بعدم جدواها و ماذا عن من انسحبوا من البداية لما حدث من فوضى و بلطجة فأين حق كل هؤلاء الفئات أما النظر إلى الطعون المقدمة حاليا فقط فيعنى أننا سنستمر بمجلس أغلبه أيضا من الحزب الوطنى حتى و إن قلت النسبة عن النسبة الحالية و ما حدث مؤخرا من إقصاء أسماء بارزة فاسدة من الحزب الوطنى سياسيا فأكاد أجزم أنه باستثناء جمال مبارك الذى لم يكن له أى صفة فيما عدا وظيفته الحزبية فقد كانت حركة عديمة الفائدة فهؤلاء المخلوعون حزبيا يستمدون قوتهم و سلطتهم من مناصبهم الإدارية و ليس من موقعهم الحزبى و الدليل استفزاز الرئيس لشعبه أمس باجتماعه بهذه الرموز و الذى ادعى البعض أنهم قد تم تهميشهم سياسيا بهذا العزل المزعوم

[human]

شاركى حبيبى

يا سيدى الفاضل البينة على من ادعى
مش كده برضه و لا ايه

لكن برضه حاقولك معلومة مؤكده ان ميدان التحرير عمره ما يستحمل فى وقت واحد اكتر من 400 الف اصلا و بكده يبقى واقفين لازقين فى بعض و دا كان اكتر مكان فيه مظاهرات فى مصر !

على فكرة انا متضامن تماما مع الثورة و مع كل مطالبها
لكن لازم نفهم حاجة غايبة على كتير من المصريين

- من هو الطرف الاقوى الان (المتظاهرون و لا مبارك ) و لماذا ؟
المتظاهرون
عشان النظام مش عارف يصرفه وحاجز الخوف انكسر غير ان اقوى ما فى المتظاهرين انهم غير قابلى للاقناع سوى برحيله

- ما معنى تعيين وزير الداخلية على المعاش منذ 5 سنوات ؟؟

عشان جميع القيادات الموجوده من 13 سنه جايه من امل الدوله معقل حبيب بيك العادلى
فعشان الخيانه اللى حصلت مايقدرش يجيب غير حد من بعيد

- ها يثق الشعب المصرى فى عمر سليمان و احمد شفيق ؟

لا لا لا

- هل استمرار المظاهرات بدون التأثير على الحياة فى مصر ستأتى بنتيجة ؟؟

لا - يجب التصعيد عشان النظام بيراهن على سرعه تفاذ العزيمه

- اخبارتونس ايه و ليه ماغيروش الدستور حتى الأن ؟؟؟
تونس وضع مختلف مافيش اصلا غير كوادر الحزب الحاكم وعمر ماكان فيه معارضه -دلوقتى عندهم مشكله ان كل القايدات جايه من الحزب الحاكم زبعدين تغيير الدستور مش هو المطلوب غير ان طرد الرئيس جاى بدفعه من الجيش فالجيش هناك عنصر فى العمليه و متداخل

- ليه لم يتم ترشيح الرؤساء فى تونس رغم ان المهلة المتقبية دستوريا اقل من 30 يوم ؟؟؟
نفس الاجابه اللى فوق

- ليه رئيس تونس المؤقت (رئيس البرلمان) بيناقش النهاردة زيادة صلاحيته رغم انه مؤقت ؟؟؟
ماعرفش بس ممكن ندور على الاجابه بس اكيد فيه سبب

و اجى تانى و برضه اسأل سؤالى اللى مش لاقى له اجابة حتى الان :
ماهو السيناريو الذى يريده المتظاهرون بعد رحيل مبارك و الذى يضمن عمل تعديلات دستورية و انتخابات رئاسية نزيهة ؟؟؟؟

شرعيه الثوره والشعب

بعد ما عبرنا التحرير صلينا العصر وسط قصف من نقطه القصر العينى
اللى امنا دعا بعد الصلاه وقال
اللهم قد غيرنا ما بانفسنا فاكرمنا يا رب وانصرنا
طبعا كلنا اتهزينا

و الدعاء ده بقوله تانى وبقوله كل يوم

[Sharky]

- من هو الطرف الاقوى الان (المتظاهرون و لا مبارك ) و لماذا ؟
المتظاهرون
عشان النظام مش عارف يصرفه وحاجز الخوف انكسر غير ان اقوى ما فى المتظاهرين انهم غير قابلى للاقناع سوى برحيله

للأسف اجابة غلط
الأقوى حاليا هو مبارك لإنه معاه القوة المسيطرة على مصر حاليا و هى الجيش

عشان جميع القيادات الموجوده من 13 سنه جايه من امل الدوله معقل حبيب بيك العادلى
فعشان الخيانه اللى حصلت مايقدرش يجيب غير حد من بعيد

حلو الكلام يعنى دا دليل على وجود خيانة من الداخلية يوم 28 يناير
و فى نفس الوقت بدايه إصلاح فى جهاز افسد كثيرا فى مصر

- ها يثق الشعب المصرى فى عمر سليمان و احمد شفيق ؟

لا لا لا

ادى اللى عايز اقوله
الناس اللى مؤيدة لرحيل مبارك الأن
بعضهم على ثقة فيهم و الدليل المطالبة بترحيل سلطات الرئيس الى عمر سليمان
و البعض الأخر لا يثق فيهم !!!
اذن لا يوجد حتى الان اتفاق لسيناريو ما بعد مبارك من متظاهرى التحرير
و دى كارثة لإن الخلاف الان لن يهوى البلد
لكن بعد رحيله الخلاف سيؤدى الى حروب اهلية و الاقوى هو من سيحكم

- هل استمرار المظاهرات بدون التأثير على الحياة فى مصر ستأتى بنتيجة ؟؟

لا - يجب التصعيد عشان النظام بيراهن على سرعه تفاذ العزيمه

يبقى مقوله ان المظاهرات هى اللى واقفة حال البلد و اللى العديد نفاه و قال ان النظام هو اللى عامل كده غير صحيحة برضه من مؤيدى رحيل مبارك الان :)
و فى نفس الوقت فى حالة التصعيد او وقف الحياة الطبيعة فى مصر و محاولة الاحتكاك بالجيش لتوسيع دائرة المظاهرات سيؤدى الى فقد المتظاهرون لاقوى سلاح لهم و هى السلمية و اللى خلت العالم كله يؤديهم فى حالة جعل المظاهرات غير سلمية و الاحتكاك مع الغير لتعطيل حياته سيفقد المتظاهرون تأييد العالم

- اخبارتونس ايه و ليه ماغيروش الدستور حتى الأن ؟؟؟
تونس وضع مختلف مافيش اصلا غير كوادر الحزب الحاكم وعمر ماكان فيه معارضه -دلوقتى عندهم مشكله ان كل القايدات جايه من الحزب الحاكم زبعدين تغيير الدستور مش هو المطلوب غير ان طرد الرئيس جاى بدفعه من الجيش فالجيش هناك عنصر فى العمليه و متداخل

حلو قوى يبقى مش كل فكرة تنفع فى كل البلاد و كل بلد له ظروفه
و برضه مش معنى كده ان التجربة التونسية ممكن تنجح فى مصر لإن مصر بها العديد من التيارات الداخلية و الخارجية الغير متفقه
و اللى مكن تعمل انقسامات كثيرة داخل البلد !
و علشان نفس سبب تونس ان مبارك جى من الجيش
الجيش لن يبيع مبارك نهائيا و هو اللى مخليه حتى الان قاد فى السلطة
يا طارق بيه الجيش خلاص قال كلمته الراجل دا حيقعد لحد شهر 9 و لازم يخرج بطريقة كريمة و غير مهينة

حتعمل ايه بقى مع الجيش ؟؟؟

- ليه رئيس تونس المؤقت (رئيس البرلمان) بيناقش النهاردة زيادة صلاحيته رغم انه مؤقت ؟؟؟
ماعرفش بس ممكن ندور على الاجابه بس اكيد فيه سبب

تضمن منين ان نفس الكلام ما يحصلش فى مصر و يبقى حجته عدم اتفاق الشعب حتى الان و يجب ان تدار البلاد :)

و اجى تانى و برضه اسأل سؤالى اللى مش لاقى له اجابة حتى الان :
ماهو السيناريو الذى يريده المتظاهرون بعد رحيل مبارك و الذى يضمن عمل تعديلات دستورية و انتخابات رئاسية نزيهة ؟؟؟؟

شرعيه الثوره والشعب

برضه مش دى الأجابة
ايه هى الخطة الكاملة و السيناريو المتفق عليه من الشعب المصرى لما بعد رحيل مبارك و الذى يضمن تحقيق جميع المطالب

و خلى بالك ان الاختلاف بعد رحيل مبارك بين الشعب سيكون كارثة كبرى على هذا البلد و قد يؤدى الى مشاحانات و معارك قد تؤدى الى الاف الشهداء

[Ahmed Anwer]

خلاص يا شاركي

لو السر الآلهي طلع دلوقتي

نقفل البلد و نروح !!!!

يا شاركي فيه تلاتين سيناريو مكتوبين و كلهم دستوريين علي النت

لتنحي الريس بدون مشاكل

حال البلد الواقف ،،، استمرار الريس و ليس استمرار المظاهرات هيؤدي لوقفها لمدة تسعة اشهر كاملة

لأن محدهش عارف البلد هتبقي رايحة علي فين ،،

سيناريو الفوضي و الحرب الأهلية مش فاهم أيه سببه

هل عندك ميلشيات عسكرية مثلا ؟؟ و حتي لو مانتا عندك جيش و أجهزة أمن المفروض إنه يحمي البلد

الحرب الأهلية الوحيدة كانت بين متظاهرين شرفاء و بلطجية عارفنهم و شوفناهم مية مرة قبل كده

و فيه صندوق انتخابات يحكم ما بين كلنا ،،،

متفتكرتشي الإختلاف ده حاجة غير طبيعية ،،، ده الطبيعي جدا

المكشلة كله إن من في موضع المسئولية الآن مش عايز يحلها ،،، عايز يفضل فيها و بس

بأي تمن و بأي طريقة

مش متخيل إني امشي و اعمل الحلول الديمقراطية و الشرعية دي كلها اللي الناس اقترحتها لتسليم السلطة للشعب

لأنه شايف الشعب لسه قاصر و هوا وصي عليه

[Sharky]

يا احمد بيه

انا هدفى الوحيد نحصل على مطالبنا فى جو مستقر سواء مع مبارك او غيره

هات لى سيناريو واحد فقط يحقق لى الكلام دا و الشعب متفق عليه مش منقسم عليه و الكلام دا قبل رحيل مبارك مش بعده

لكن حتى الان لم ارى اى سيناريو لما بعد رحيل مبارك يضمن لى تحيقي المطالب !!

الحرب الاهلية ممكن تحصل للصراعات على الحكم و اللى حتكون فرصه مش حتيجى تانى للعديد من الناس و الجيش حيلاقى على بره و لا جوه :)

عندك الأتى :
1- الاخوان المسلمون و فرصته التى ان تاتى مرة اخرى منذ انشأئهم
2- امريكا و اسرائيل لن يسمحوا بضياع تحالف مصر معاه و اللى يهمهم ان اللى يمسك الحكم حد متوافق معاهم و اكيد لن يسمحوا بغير ذلك .
3- ايران و حزب الله و فرصتهم علشان يسيطروا على الشرق الاوسط كاملا بإنضمام مصر لجبهتم.

و لعلمك لو السر الالهى طلع دلوقتى البلد حتنتقل للحكم العسكرى و الجيش هو اللى حيسيطر و مش احنا اللى حنختار :(

و برضه ماحدش رد عليه حتقنع الجيش ازاى بالكلام دا
الجيش لن يبيع مبارك !!!

انا كل اللى بخاف منه اننا نروح لنفس سكة العراق و تونس و لبنان :(

[human]

كلام رشيد جميل
محتاج انام واشرب شاى عشان ارد عليك بكره

[medo_2060]

لما تقوم ثوره صعب جدا تربطنى ببقراطيه ان الدستور مش نافع او الموظف قافل على الملف و هنستنى لما يرجع من اجازته

برلمان فاقد الشرعيه و 90% مزور ازاى يغير دستور

مبارك اى وعد للشعب قام بيه خالفه
افتكر ان التلات حاجات اللى قامت عليهم مظاهرات قبل كده الرئيس لم يتدخل الا للى الاراده الوطنيه او لقطع الطريق لاى اصلاح رغم تشدقه بالاصلاح

1- قانون الصحافه والنشر- الناس ريقها نشف والصحفيين و فى الاخر بعد 10 سنين طلع قانون ممكن يحبس اى حد حتى لو بالنيه من غير مايكتب ده رغم وعوده الشديده
2- قانون الطوارئ لم يهتز ابدا و لم يغير ابدا و لن كمان رغم وعوده انه لن يستخدم الا فى المخدرات والارهاب بس طبعا انت عارف بيستخدم فى كل حاجه
3- تغييرالدستور - طبعا عارفين انه انتهى باضحوكه و باسلوب مايخليش حد ينفع يترشح غير نجله

ديه ابرز 3 حاجات الناس عملت وقفات او مظاهرات عليها و فى الاخر ولا عمل حاجه واخلف وعوده وضحك على الناس

انا مستعجل فمش هعرف ارتب الافكار
بس خد عندك وهم ان فيه امن داخلى الامن لا يهتم الا بامن النظام فقط ولا يهتم بامن المواطن
جهاز الامن قمعى وفيه بينه وبين الناس ثأر الان يعنى لا احد يضمنهم ولا احد يثق بالجهاز الامنى الذى ينفذ تعليمات الرئيس

الراجل الغزاوى بتاع حماس طلع من السجن و هشتك ابنه فى غزه بعد 8 ساعات على الجزيره!! لا فيه نت ولا تليفوت والراجل كان فى غزه!!! ده تهريج مش امن

مبارك طول الوقت بيقول انه منحاز لمحدودى الدخل خلال 30 سنه
فيه واحد فى مصر يقدر يقول الكلام ده صح؟؟؟ لا فيه حد يصدق؟؟؟ فيه حد يثق؟؟؟!! لا

الانتخابات كل مره بيقول نزاهه و بيقول الانتخابات احلى حاجه فى مصر ومافيش فى الابداع احسن مما كان و كل مره الانتخابات مزوره باسلوب سافر

الانتخابات كانت تحت اشراف قضائى و برضه بتتزور يعنى مش هنضمن برضه بس مش مشكله القضاء مشكله الصناديق اللى بتتبدل و قصص طويله

ايه اللى يضمن الوضع يستتب و يتلموا تانى و الجهاز الامنى يرجع اسوأ مما كان و كام واحد يلموهم من المصانع ونعم لمبارك مبارك حبيبنا واول طبعه جويه الخ و غسيل مخ للشعب زى اللى انت شايفه وارقام من نوع النمو الاقتصادى فى الحكومه الجديده و ملايين فرص عمل و مافيش حد بيعد والرئيس يتنازل على رغبه الشعب و يرشح نفسه

فى روسيا حصل زينا
ويلتسين قال يكمل الاربع شهور
فى خلال الاربع شهور زود شعبيه الحزب و اترشح بوتين من الحزب و الحزب كسب و النظام استمر زى ما هو

الثوره لاما تكمل لاما النظام هيتوحش اكتر من الاول و التحرير لو عرفت تعدى قصاده تبقى بطل

الوضع اللى احنا فيه ان احنا خدنا خطوه او زى ماتقول كلنا فى قارب رايحين للحريه و الثوره بس فى النص ناس غيرت رايها وقالت لا مش مكملين لما نشوف هيحصل ايه لاسباب منها الشخصى و منها تخوف مما يبثه الاعلام او لفهم وقراءه قد تكون خاطئه

الثابت ان هذا النظام لا يمكن ان يؤتمن ولا يختلف فى ذلك احد عل حد علمى

ثوره تونس قعدت 30 يوم على قلب رجل واحد

لو نيه النظام سليمه المعتقلين ليه ماخرجوش

سؤال بسيط ليه الرئيس لم يعتذر؟؟؟؟ هل هو اله؟؟ هل هو اكبر من الاعتذار؟؟؟
30 سنه بيحكم وكله بيقوله حكيم واوامرك وشخابيطك خطه خمسيه لازم تؤدى للى احنا فيه

اكتر من 300 ماتوا فى المظاهرات ولم يعتذر او يديهم حقهم كمواطنين مصريين
1350 ماتوا فى العباره و لم يعتذر
300 بتوع القطر ولم يعتذر
وكتير ممكن نذكرهم و الرئيس لم يعتذر او يتحرك او يقول كلمه للناس ده اسمه ايه؟؟ هل هذا سلوك ممكن يؤتمن؟؟ سؤال بسيط

انا ماعرفش حد فيكم اتمسك و اتحشر فى ميكروباص مباحث ولا لأ - بس اللى عدى التجربه ديه هيعرف ان لا امل الا بالتغيير الشامل
اللى شاف ناس بتموت بدم بارد هيعرف ان لا امل الا بالتغيير الشامل

انا اشعر شخصيا بالخيانه من كل واحد غير رأيه حاسس ان انا فى وش المدفع وعارف ان اخويا واقف فى ضهرى بيحمينى ومره واحده مش لاقيه و كمان ماسك معول بيهد بيه عزيمتى

لما كنا بننضرب و مباحث امن الدوله بتمسك الناس كنت بشعر بالرعب لما اكون لوحدى او وسط ناس قليله بس لما كنت وسط ناس كتير ماكنتش باشعر بالخوف كنت بشعر ان خويا بيحمينى

دلوقتى اخويا بقى ضدى وكمان بيخونى ويقول ان احنا غلط رغم ان احنا اصلا خدنا الخطوه مع بعض بس مش راضى يكمل معايا

فيه كلام كتير بس فعلا مضغوط نفسيا و مش عارف افكر بترتيب

اتفق معاك فى كل حرف قلته

[Sharky]

كلام رشيد جميل
محتاج انام واشرب شاى عشان ارد عليك بكره

شربت الشاى و لا لسه يا طارق :)

[Sharky]

يا جماعة افضل الحلول حتى الان هى الاتى :

1- يتم تشكيل لجنة لتعديل المواد 76 - 77- 88 (تمت بالفعل)
2- يتم الانتهاء منها على اول مارس 2011.
3- يطلب الرئيس من مجلس الشعب مناقشة التعديلات فى مارس 2011 .
4- يناقش المجلس التعديلات بعد مرور 60 يوم من الموافقة المبدئية (مادة 189)
5- يعرض التعديلات للأستفتاء على الشعب مايو 2011 .
6- يوافق الشعب على التعديلات- يونيو 2011 .
7- يتم التجهيز للمرشحين الجدد طبقا للتعديل الجديد - يونيو 2011 .
8- تجرى الانتخابات فى سبتمبر 2011 .
9- يتسلم الرئيس الجديد فى اكتوبر 2011 .
10- يقوم بعمل استفتاء لحل مجلس الشعب (مادة 136) اكتوبر 2011 .
11- يقوم بحل مجلس الشعب بعد موافقة الشعب فى نوفمبر2011 .
12- يتم عمل انتخابات جديدة فى يناير 2012
13- يقوم مجلس الشعب الجديد بعمل التعديلات الدستورية الأخرى .

و بكده يبقى امام المرشحين الجدد 3 شهور للدعاية
و فى نفس الوقت الضامن على ذلك هو الجيش و احنا
و ليس مبارك

فى المقابل لو تم حل مجلس الشعب الان :
1- يقوم بعمل استفتاء لحل مجلس الشعب (مادة 136) مارس 2011 .
2- يقوم بحل مجلس الشعب بعد موافقة الشعب فى ابريل 2011 .
3- يتم عمل انتخابات جديدة فى يونيو 2011
4- يبدأ مجلس الشعب الجديد مهامه فى يوليو 2011
5- يقوم بالبدء فى مناقشة التعديلات الدستورية - يوليو 2011
6- يوافق مجلس الشعب على التعديلات و يعرضها للإستفتاء - سبتمبر 2011
7- يتم العمل بالدتعديلات الجديدة - اكتوبر 2011

امتى بقى نعمل دعاية و انتخابات ؟؟؟

[ahmed_oth]

يا احمد بيه

انا هدفى الوحيد نحصل على مطالبنا فى جو مستقر سواء مع مبارك او غيره

هات لى سيناريو واحد فقط يحقق لى الكلام دا و الشعب متفق عليه مش منقسم عليه و الكلام دا قبل رحيل مبارك مش بعده

لكن حتى الان لم ارى اى سيناريو لما بعد رحيل مبارك يضمن لى تحيقي المطالب !!

الحرب الاهلية ممكن تحصل للصراعات على الحكم و اللى حتكون فرصه مش حتيجى تانى للعديد من الناس و الجيش حيلاقى على بره و لا جوه :)

عندك الأتى :
1- الاخوان المسلمون و فرصته التى ان تاتى مرة اخرى منذ انشأئهم
2- امريكا و اسرائيل لن يسمحوا بضياع تحالف مصر معاه و اللى يهمهم ان اللى يمسك الحكم حد متوافق معاهم و اكيد لن يسمحوا بغير ذلك .
3- ايران و حزب الله و فرصتهم علشان يسيطروا على الشرق الاوسط كاملا بإنضمام مصر لجبهتم.

و لعلمك لو السر الالهى طلع دلوقتى البلد حتنتقل للحكم العسكرى و الجيش هو اللى حيسيطر و مش احنا اللى حنختار :(

و برضه ماحدش رد عليه حتقنع الجيش ازاى بالكلام دا
الجيش لن يبيع مبارك !!!

انا كل اللى بخاف منه اننا نروح لنفس سكة العراق و تونس و لبنان :(

الله يفتح عليك
اتمنى ان اجد عاقل واحد من بتوع التحرير يقرأ هذا الكلام

[الطنطاوي]

يا جماعة افضل الحلول حتى الان هى الاتى :

1- يتم تشكيل لجنة لتعديل المواد 76 - 77- 88 (تمت بالفعل)
2- يتم الانتهاء منها على اول مارس 2011.
3- يطلب الرئيس من مجلس الشعب مناقشة التعديلات فى مارس 2011 .
4- يناقش المجلس التعديلات بعد مرور 60 يوم من الموافقة المبدئية (مادة 189)
5- يعرض التعديلات للأستفتاء على الشعب مايو 2011 .
6- يوافق الشعب على التعديلات- يونيو 2011 .
7- يتم التجهيز للمرشحين الجدد طبقا للتعديل الجديد - يونيو 2011 .
8- تجرى الانتخابات فى سبتمبر 2011 .
9- يتسلم الرئيس الجديد فى اكتوبر 2011 .
10- يقوم بعمل استفتاء لحل مجلس الشعب (مادة 136) اكتوبر 2011 .
11- يقوم بحل مجلس الشعب بعد موافقة الشعب فى نوفمبر2011 .
12- يتم عمل انتخابات جديدة فى يناير 2012
13- يقوم مجلس الشعب الجديد بعمل التعديلات الدستورية الأخرى .

و بكده يبقى امام المرشحين الجدد 3 شهور للدعاية
و فى نفس الوقت الضامن على ذلك هو الجيش و احنا
و ليس مبارك

كل الكلام اللي بتقوله جميل جدا بس حاجة صغيرة نسيتها

وهي ان اللي المفروض ينفذ الكلام ده نفس النظام اللي بقى له 30 سنة بيوعد وبيخلف وعوده

نفس النظام الي لما وعد يغير الحكومة حط فيها 16 وزير من الحكومة السابقة وكان ممكن العدد يكون اكبر لولا الوزراء السابقين اللي رفضوا زي رشيد وغيره

النظام اللي مش مالي مركزه ولا الكرسي اللي عليه ... الداخلية تبعت رسائل للناس الشرطة في خدمة الشعب وسعادة النقيب في الخارجة يقتل 5 مصريين برصاص الداخلية ... يطلع رئيس النظام يقول خطاب تهدئه وعواطف ويوم الاربعاء احد المقربين من النظام يبعت خيل وجمال في موقعة التحرير ويقتل 12 مصري

الخلاصة

1- ايه الضمانات ان النظام ده يوفي بوعده ولا يلفت على الوعود
2- ايه الضمانات ان النظام عنده المقدرة انه يوفي بوعده

[ahmed_oth]

يا جماعة افضل الحلول حتى الان هى الاتى :

1- يتم تشكيل لجنة لتعديل المواد 76 - 77- 88 (تمت بالفعل)
2- يتم الانتهاء منها على اول مارس 2011.
3- يطلب الرئيس من مجلس الشعب مناقشة التعديلات فى مارس 2011 .
4- يناقش المجلس التعديلات بعد مرور 60 يوم من الموافقة المبدئية (مادة 189)
5- يعرض التعديلات للأستفتاء على الشعب مايو 2011 .
6- يوافق الشعب على التعديلات- يونيو 2011 .
7- يتم التجهيز للمرشحين الجدد طبقا للتعديل الجديد - يونيو 2011 .
8- تجرى الانتخابات فى سبتمبر 2011 .
9- يتسلم الرئيس الجديد فى اكتوبر 2011 .
10- يقوم بعمل استفتاء لحل مجلس الشعب (مادة 136) اكتوبر 2011 .
11- يقوم بحل مجلس الشعب بعد موافقة الشعب فى نوفمبر2011 .
12- يتم عمل انتخابات جديدة فى يناير 2012
13- يقوم مجلس الشعب الجديد بعمل التعديلات الدستورية الأخرى .

و بكده يبقى امام المرشحين الجدد 3 شهور للدعاية
و فى نفس الوقت الضامن على ذلك هو الجيش و احنا
و ليس مبارك

فى المقابل لو تم حل مجلس الشعب الان :
1- يقوم بعمل استفتاء لحل مجلس الشعب (مادة 136) مارس 2011 .
2- يقوم بحل مجلس الشعب بعد موافقة الشعب فى ابريل 2011 .
3- يتم عمل انتخابات جديدة فى يونيو 2011
4- يبدأ مجلس الشعب الجديد مهامه فى يوليو 2011
5- يقوم بالبدء فى مناقشة التعديلات الدستورية - يوليو 2011
6- يوافق مجلس الشعب على التعديلات و يعرضها للإستفتاء - سبتمبر 2011
7- يتم العمل بالدتعديلات الجديدة - اكتوبر 2011

امتى بقى نعمل دعاية و انتخابات ؟؟؟

الله ينور عليك
انا فى اول الامر كنت من مؤيدين الحركه لحد لما حسيت فعلا بوجود تغيير واصلاحات جديه
وانسحبت من الحركه بعد محسيت بوجود مماطله من شباب التحرير وعدم وجود تنظيم لهم التى فى النهايه هيقود الى فوضى وانقلاب فى البلاد

[omarhelalyehia]

مع احترامنا و تقديرنا للسيد الرئيس يتحتم عليه المغادرة الان الان الان
السادة الافاضل لم يمر الا ثلاثة ايام على التحقيقات مع بعض المسئولين
و اكتشفنا مليارات كتيرة اوى منهوبة من مستقبل ابنى و ابنك
اذا كنا احنا جسمنا اتسمم من مياه ملوثة و خضروات تروى بمياه الصرف و مبيدات مسرطنة و شوارع مكسرة و مجارى ضاربة حرام حرام حرام نورث ده لاولادنا
و ربنا يسنر على بلدنا و يجيب العواقب سليمة

[Sharky]

1- ايه الضمانات ان النظام ده يوفي بوعده ولا يلفت على الوعود
2- ايه الضمانات ان النظام عنده المقدرة انه يوفي بوعده

الجيش و حضرتك و انا و كل المصريين
اللى لن يسمحوا بتكرار عدم الوفاء بالوعود
مصر قبل 25 يناير غير مصر بعد 25 يناير
مصر قبل 25 ينلير مكناش فى جنة و الدنيا سهلة و اى حد يقدر يقوم بمظاهرات و رغم كده قدرنا نكسر حاجز الخوف و اللى معدش ليه وجود خلاص

لو حضرتك مش شايف ان الضمانات دى كفاية
يبقى لا تثق فى المتظاهرين و لا فى جيش بلدك اللى حامى المتظاهرين !
و فى نقس الوقت هات لى ضمانات تضمن استقرار مصر لما بعد رحيل مبرك الان

الله ينور عليك
انا فى اول الامر كنت من مؤيدين الحركه لحد لما حسيت فعلا بوجود تغيير واصلاحات جديه
وانسحبت من الحركه بعد محسيت بوجود مماطله من شباب التحرير وعدم وجود تنظيم لهم التى فى النهايه هيقود الى فوضى وانقلاب فى البلاد

نفس اللى كنت فيه بالظبط بل و نزلت كمان فى مظاهرات

مع احترامنا و تقديرنا للسيد الرئيس يتحتم عليه المغادرة الان الان الان
السادة الافاضل لم يمر الا ثلاثة ايام على التحقيقات مع بعض المسئولين
و اكتشفنا مليارات كتيرة اوى منهوبة من مستقبل ابنى و ابنك
اذا كنا احنا جسمنا اتسمم من مياه ملوثة و خضروات تروى بمياه الصرف و مبيدات مسرطنة و شوارع مكسرة و مجارى ضاربة حرام حرام حرام نورث ده لاولادنا
و ربنا يسنر على بلدنا و يجيب العواقب سليمة

هات لى سيناريو زى اللى فى مشاركاتى السابقة بخطة زمنية متفق عليه من الشعب و الجيش و احسن منه قبل رحيل مبارك و انا معاك