دعونا نتناقش بهدوء و عقلانية من اجل مصلحة مصر

[Sharky]

انا بحيك على سعة صدرك والمناقشة بعقلانية وفعلا يا ريت اللى عندة اى راى يتكلم بنفس الاسلوب حتى نصل لبر الامان

شكرا لك على مجاملتك الرقيقة
و صدقنى والله انا لا يهمنى ان يكون رأى هو الصح
اللى يهمنى ان ارى حل يضمن لى الاستقرار و تنفيذ مطالبنا فى جو مستقر بغض النظر على الفكرة

[human]

لما تقوم ثوره صعب جدا تربطنى ببقراطيه ان الدستور مش نافع او الموظف قافل على الملف و هنستنى لما يرجع من اجازته

برلمان فاقد الشرعيه و 90% مزور ازاى يغير دستور

مبارك اى وعد للشعب قام بيه خالفه
افتكر ان التلات حاجات اللى قامت عليهم مظاهرات قبل كده الرئيس لم يتدخل الا للى الاراده الوطنيه او لقطع الطريق لاى اصلاح رغم تشدقه بالاصلاح

1- قانون الصحافه والنشر- الناس ريقها نشف والصحفيين و فى الاخر بعد 10 سنين طلع قانون ممكن يحبس اى حد حتى لو بالنيه من غير مايكتب ده رغم وعوده الشديده
2- قانون الطوارئ لم يهتز ابدا و لم يغير ابدا و لن كمان رغم وعوده انه لن يستخدم الا فى المخدرات والارهاب بس طبعا انت عارف بيستخدم فى كل حاجه
3- تغييرالدستور - طبعا عارفين انه انتهى باضحوكه و باسلوب مايخليش حد ينفع يترشح غير نجله

ديه ابرز 3 حاجات الناس عملت وقفات او مظاهرات عليها و فى الاخر ولا عمل حاجه واخلف وعوده وضحك على الناس

انا مستعجل فمش هعرف ارتب الافكار
بس خد عندك وهم ان فيه امن داخلى الامن لا يهتم الا بامن النظام فقط ولا يهتم بامن المواطن
جهاز الامن قمعى وفيه بينه وبين الناس ثأر الان يعنى لا احد يضمنهم ولا احد يثق بالجهاز الامنى الذى ينفذ تعليمات الرئيس

الراجل الغزاوى بتاع حماس طلع من السجن و هشتك ابنه فى غزه بعد 8 ساعات على الجزيره!! لا فيه نت ولا تليفوت والراجل كان فى غزه!!! ده تهريج مش امن

مبارك طول الوقت بيقول انه منحاز لمحدودى الدخل خلال 30 سنه
فيه واحد فى مصر يقدر يقول الكلام ده صح؟؟؟ لا فيه حد يصدق؟؟؟ فيه حد يثق؟؟؟!! لا

الانتخابات كل مره بيقول نزاهه و بيقول الانتخابات احلى حاجه فى مصر ومافيش فى الابداع احسن مما كان و كل مره الانتخابات مزوره باسلوب سافر

الانتخابات كانت تحت اشراف قضائى و برضه بتتزور يعنى مش هنضمن برضه بس مش مشكله القضاء مشكله الصناديق اللى بتتبدل و قصص طويله

ايه اللى يضمن الوضع يستتب و يتلموا تانى و الجهاز الامنى يرجع اسوأ مما كان و كام واحد يلموهم من المصانع ونعم لمبارك مبارك حبيبنا واول طبعه جويه الخ و غسيل مخ للشعب زى اللى انت شايفه وارقام من نوع النمو الاقتصادى فى الحكومه الجديده و ملايين فرص عمل و مافيش حد بيعد والرئيس يتنازل على رغبه الشعب و يرشح نفسه

فى روسيا حصل زينا
ويلتسين قال يكمل الاربع شهور
فى خلال الاربع شهور زود شعبيه الحزب و اترشح بوتين من الحزب و الحزب كسب و النظام استمر زى ما هو

الثوره لاما تكمل لاما النظام هيتوحش اكتر من الاول و التحرير لو عرفت تعدى قصاده تبقى بطل

الوضع اللى احنا فيه ان احنا خدنا خطوه او زى ماتقول كلنا فى قارب رايحين للحريه و الثوره بس فى النص ناس غيرت رايها وقالت لا مش مكملين لما نشوف هيحصل ايه لاسباب منها الشخصى و منها تخوف مما يبثه الاعلام او لفهم وقراءه قد تكون خاطئه

الثابت ان هذا النظام لا يمكن ان يؤتمن ولا يختلف فى ذلك احد عل حد علمى

ثوره تونس قعدت 30 يوم على قلب رجل واحد

لو نيه النظام سليمه المعتقلين ليه ماخرجوش

سؤال بسيط ليه الرئيس لم يعتذر؟؟؟؟ هل هو اله؟؟ هل هو اكبر من الاعتذار؟؟؟
30 سنه بيحكم وكله بيقوله حكيم واوامرك وشخابيطك خطه خمسيه لازم تؤدى للى احنا فيه

اكتر من 300 ماتوا فى المظاهرات ولم يعتذر او يديهم حقهم كمواطنين مصريين
1350 ماتوا فى العباره و لم يعتذر
300 بتوع القطر ولم يعتذر
وكتير ممكن نذكرهم و الرئيس لم يعتذر او يتحرك او يقول كلمه للناس ده اسمه ايه؟؟ هل هذا سلوك ممكن يؤتمن؟؟ سؤال بسيط

انا ماعرفش حد فيكم اتمسك و اتحشر فى ميكروباص مباحث ولا لأ - بس اللى عدى التجربه ديه هيعرف ان لا امل الا بالتغيير الشامل
اللى شاف ناس بتموت بدم بارد هيعرف ان لا امل الا بالتغيير الشامل

انا اشعر شخصيا بالخيانه من كل واحد غير رأيه حاسس ان انا فى وش المدفع وعارف ان اخويا واقف فى ضهرى بيحمينى ومره واحده مش لاقيه و كمان ماسك معول بيهد بيه عزيمتى

لما كنا بننضرب و مباحث امن الدوله بتمسك الناس كنت بشعر بالرعب لما اكون لوحدى او وسط ناس قليله بس لما كنت وسط ناس كتير ماكنتش باشعر بالخوف كنت بشعر ان خويا بيحمينى

دلوقتى اخويا بقى ضدى وكمان بيخونى ويقول ان احنا غلط رغم ان احنا اصلا خدنا الخطوه مع بعض بس مش راضى يكمل معايا

فيه كلام كتير بس فعلا مضغوط نفسيا و مش عارف افكر بترتيب

[dr-mohamed]

دلوقتى اخويا بقى ضدى وكمان بيخونى ويقول ان احنا غلط رغم ان احنا اصلا خدنا الخطوه مع بعض بس مش راضى يكمل معايا

مفيش حد مننا ضد حد يا طارق والا مكناش كلنا خرجنا فيه
الاختلاف في كيفية اكمال خطوات النجاح لا يعني اننا بنخون بعض او اننا حزب وطني زي ما قلت في موضوعك صح ولا لا ؟؟؟؟؟؟؟؟؟؟؟
صحيح انت كنت فين في ايام المجد 25 و 26 و 28 ؟؟؟

[human]

مفيش حد مننا ضد حد يا طارق والا مكناش كلنا خرجنا فيه
الاختلاف في كيفية اكمال خطوات النجاح لا يعني اننا بنخون بعض او اننا حزب وطني زي ما قلت في موضوعك صح ولا لا ؟؟؟؟؟؟؟؟؟؟؟
صحيح انت كنت فين في ايام المجد 25 و 26 و 28 ؟؟؟

بص
لما تبتدى تتكلم زيهم لازم اقلاق منك لنا تسيبنى فى نص الطريق يبقى لازماحس بخيانه
انا بحبك رغم انك اهلاوى بس حاسس بخيانه للفكره اللى اتحدنا عليها
ماينفعش نختلف واحنا فى حرب
انت شفت اللى انا شفته ديه حرب بينا وبينهم لما يحاصرك اقتصادى يشكك فى النيه ويألب الناس و يحاول اختراق المتظاهرين و ترويع الناس هيه ديه مش حرب؟؟


25-26 ابويا كان عنده عمليه نزلت 27 مالقتش حد

بس فى حرب 28 من 11 الصبح فى طلعت حرب و تم العبور للتحرير 5.45
و فضلت لتانى يوم
و بعدين انزل ابيت يوم واريح يوم
بس عندى اصابه فى الركبه قفلت معايا فمش قادر انزل بقالى يومين

[dr-mohamed]

بص
لما تبتدى تتكلم زيهم لازم اقلاق منك لنا تسيبنى فى نص الطريق يبقى لازماحس بخيانه
انا بحبك رغم انك اهلاوى بس حاسس بخيانه للفكره اللى اتحدنا عليها
ماينفعش نختلف واحنا فى حرب
انت شفت اللى انا شفته ديه حرب بينا وبينهم لما يحاصرك اقتصادى يشكك فى النيه ويألب الناس و يحاول اختراق المتظاهرين و ترويع الناس هيه ديه مش حرب؟؟

وانا بحبك رغم انك زملكاوي معرفش ازاي
مش خيانة يا طارق كل ما في الامر ان كلنا متفقين على رحيل مبارك لكن الخلاف على الوقت
اتجاه عايزه يمشي فورا او يتحاكم ويتعدم ودول اللى محروقين بدم الشهداء الله يرحمهم جميعا
واتجاه تاني عايزه يفضل لغاية نوفمبر لغاية ما تتعمل الاصلاحات الدستورية لان للاسف عامل الدستور زي الطاولة المقفولة لازم يبقي موجود علشان يتعدل يا اما نلغي الدستور كله ونعمل دستور جديد ودي هتاخد وقت اكبر وتعمل مشاكل اكتر
يعني خلاف في كيفية اكمال الثورة وليس قتلها ابدا


25-26 ابويا كان عنده عمليه نزلت 27 مالقتش حد

انا كنت في اليومين وفعلا لما نزلت 27 مكانش فيه حد خالص اخدت جولة بالعربية تاني في نص الليل عرفت ان هما كمان مريحين قلت لا روح بسرعة استريح علشان شكلهم هايبقوا فايقين

بس فى حرب 28 من 11 الصبح فى طلعت حرب و تم العبور للتحرير 5.45

كدة احنا كنا سوا ساعة ما الناس حدفت بصل من البلكونات للمتظاهرين
بس لسوء حظي قلت اروح القصر العيني الساعة 4 ونص يمكن اهدا شوية وفضلت هناك ل11 بالليل لان البهوات طلعوا كانوا بيحموا وزارة الداخلية ودول مبطلوش ضرب ولا حتي يوم السبت
ورجعت تاني على التحرير اكتشفت الكارثة وان اللى في التحرير مروقين من الساعة 5 ولا 6 ساعة المدرعة بتاعة الجيش اللى اتحرقت انا مصورها على فكرة
عرفت اننا كلنا في نفس الجانب ؟

و فضلت لتانى يوم
و بعدين انزل ابيت يوم واريح يوم
بس عندى اصابه فى الركبه قفلت معايا فمش قادر انزل بقالى يومين

لا انا وقفت من يوم السبت لان كان فيه مطاطي في رجلي كتير لازم يتعالج وراحة والحمد لله على كل شئ

[human]

افضل جنبى عشان مصر كلها هتتغير وعايزك معايا مش عايزين نتفرق

اه البصل و الخل والاجانب بيحدفوا ميه

بس لما عبرنا التحرير النقطه اللى كانت عند القصر العينى بهدلتنا ماعرفناش نعديها
كنت موجود لما المدرعتين اتحرقوا
احنا كنا فى نفس الاماكن كتير وماشفتكش
خساره يا رفيق الكفاح

دلوقتى على الحياه عمرو اديب جايبين ضحيايا المظاهرات
اتفرج عليهم وقوللى ازاى تدى وقت - العداله لازم تكون سريعه وماينفعش كلام من نوعيه دستور و مجلس شعب

سأشعر بالعار ابد العمر لو مافضلتش اؤيد الناس اللى ماتت وحقهم وحق اهلهم
صورهم هيه صورنا انا وانتوا

طفل 10 سنين قتل برصاصتين فى الضهر!!!
ده ممكن يبقى ابنى

صاحب المحل هو المسئول

[ConDoR]

افضل جنبى عشان مصر كلها هتتغير وعايزك معايا مش عايزين نتفرق

اه البصل و الخل والاجانب بيحدفوا ميه

بس لما عبرنا التحرير النقطه اللى كانت عند القصر العينى بهدلتنا ماعرفناش نعديها
كنت موجود لما المدرعتين اتحرقوا
احنا كنا فى نفس الاماكن كتير وماشفتكش
خساره يا رفيق الكفاح

دلوقتى على الحياه عمرو اديب جايبين ضحيايا المظاهرات
اتفرج عليهم وقوللى ازاى تدى وقت - العداله لازم تكون سريعه وماينفعش كلام من نوعيه دستور و مجلس شعب

سأشعر بالعار ابد العمر لو مافضلتش اؤيد الناس اللى ماتت وحقهم وحق اهلهم
صورهم هيه صورنا انا وانتوا

طفل 10 سنين قتل برصاصتين فى الضهر!!!
ده ممكن يبقى ابنى

صاحب المحل هو المسئول

طول عمرك يا استاذ طارق وانت قلبك محروق على مصر ربنا يحميك

واتجاه تاني عايزه يفضل لغاية نوفمبر لغاية ما تتعمل الاصلاحات الدستورية لان للاسف عامل الدستور زي الطاولة المقفولة لازم يبقي موجود علشان يتعدل يا اما نلغي الدستور كله ونعمل دستور جديد ودي هتاخد وقت اكبر وتعمل مشاكل اكتر
يعني خلاف في كيفية اكمال الثورة وليس قتلها ابدا


دكتور محمد محدش يختلف على انك بتحب مصر زي ما كلنا بنحبها ويامه انبح صوتنا علشان اليوم دا بس مستغرب ان حضرتك واقف في الاتجاه التاني وحضرتك بتقول انه لازم يبقا موجود علشان يتعدل الدستور وكلام كبير بيدل على ان عندك مصدر ثقه في الرئيس ممكن حضرتك تقولي ليه حضرتك واثق كدا وليه حضرتك متخيل ان انسان قتل اخوات كتير ليك يحبك ويخاف عليك دكتور محمد كلنا بنحبك وبنحترمك جدا بس اسمحلي اقولك ان بعد 30 سنه كذب استعمار سرقه نهب تعذيب عمرنا ما حنثق تاني ولو حضرتك بتقول الثوره ترجع تاني صدقني مفيش حاجه حترجع تاني يمكن دي فرصتنا الوحيده علشان نكون بني ادمين انا مقتنع تماما بكل اللي حضرتك بتقوله وكل كلامك لا خلاف عليه بس حضرتك دا لو انسان شريف بيحبنا ويخاف علينا او حتى يهتم لامرنا حفيد الرئيس مات مصر كلها عيطت وزعلنا 3 ايام مات اكتر من 300 شهيد وقريب حيبقو في طي النسيان بالله عليك فكر تاني علشان خاطر اولادك اللي ممكن يكونو من سني وعاوزين بكره احسن عاوزين يتجوزوا عاوزين يشتغلو عاوزين ميخافوش يعملو محضر عاوزين ياكلو اكل نضيف ويشربو ميه نضيفه مات 300 واحد علشان خاطر اولادك ليه مش عاوز تتفق معانا وانت حتى حتخسر اتجاه ونتوحد

[dr-mohamed]

افضل جنبى عشان مصر كلها هتتغير وعايزك معايا مش عايزين نتفرق
اه البصل و الخل والاجانب بيحدفوا ميه


والستات في البلكونات في طلعت حرب وكل الشوارع تقريبا وهما بيحدفوا البصل انا مصور فيديو في اليوم ده وانا معايا بصلة وسميتها ثورة البصل ههههههههههه

بس لما عبرنا التحرير النقطه اللى كانت عند القصر العينى بهدلتنا ماعرفناش نعديها

ماهو النقطة دي بقة اللى ظبطتني وانا في القصر العيني

كنت موجود لما المدرعتين اتحرقوا
احنا كنا فى نفس الاماكن كتير وماشفتكش
خساره يا رفيق الكفاح

ولا انا شفتك يا رفيق الكفاح بس في كل وش كان موجود كان اخ وصديق وصاحب
واحد بيغسلك وشك بالبيبسي او يداوي جرحك من غير ما يعرفك
وفيه صيدلية محترمة جدا فضلت فاتحة وكانت بتعالج الناس المصابة رغم ان الكل قافل وشوية اغبياء حدفوها بالطوب لولا اننا زعقنا لهم
ومفيش خساير ابدا كلنا في نفس الخندق

دلوقتى على الحياه عمرو اديب جايبين ضحيايا المظاهرات
اتفرج عليهم وقوللى ازاى تدى وقت - العداله لازم تكون سريعه وماينفعش كلام من نوعيه دستور و مجلس شعب

علشان نبني صحي لازم نعمل اساس سليم ومنعملش حاجة غلط تركب ديكتاتور اشد

سأشعر بالعار ابد العمر لو مافضلتش اؤيد الناس اللى ماتت وحقهم وحق اهلهم
صورهم هيه صورنا انا وانتوا

طفل 10 سنين قتل برصاصتين فى الضهر!!!
ده ممكن يبقى ابنى

صاحب المحل هو المسئول

صاحب المحل يسلمني المحل نضيف ويتكل على الله
انما اخرب انا المحل قبل ما هو يمشي لا
ولا ايه رايك ؟
وفيه موضوع انا عامله كاتب فيه اقتراح لتكريم الشهداء ادخل فيه قول رايك

دكتور محمد محدش يختلف على انك بتحب مصر زي ما كلنا بنحبها ويامه انبح صوتنا علشان اليوم دا بس مستغرب ان حضرتك واقف في الاتجاه التاني وحضرتك بتقول انه لازم يبقا موجود علشان يتعدل الدستور وكلام كبير بيدل على ان عندك مصدر ثقه في الرئيس ممكن حضرتك تقولي ليه حضرتك واثق كدا وليه حضرتك متخيل ان انسان قتل اخوات كتير ليك يحبك ويخاف عليك دكتور محمد كلنا بنحبك وبنحترمك جدا بس اسمحلي اقولك ان بعد 30 سنه كذب استعمار سرقه نهب تعذيب عمرنا ما حنثق تاني ولو حضرتك بتقول الثوره ترجع تاني صدقني مفيش حاجه حترجع تاني يمكن دي فرصتنا الوحيده علشان نكون بني ادمين انا مقتنع تماما بكل اللي حضرتك بتقوله وكل كلامك لا خلاف عليه بس حضرتك دا لو انسان شريف بيحبنا ويخاف علينا او حتى يهتم لامرنا حفيد الرئيس مات مصر كلها عيطت وزعلنا 3 ايام مات اكتر من 300 شهيد وقريب حيبقو في طي النسيان بالله عليك فكر تاني علشان خاطر اولادك اللي ممكن يكونو من سني وعاوزين بكره احسن عاوزين يتجوزوا عاوزين يشتغلو عاوزين ميخافوش يعملو محضر عاوزين ياكلو اكل نضيف ويشربو ميه نضيفه مات 300 واحد علشان خاطر اولادك ليه مش عاوز تتفق معانا وانت حتى حتخسر اتجاه ونتوحد

ومين قال اننا بنحارب بعض او مختلفين على الاهداف
احنا متفقين علي الاهداف لكن مختلفين في كيفية الوصول اليها حاليا
انا بتكلم كلام واقعي من خلال الدستور وكيفية تعديله ومن خلال معرفتي بان الجيش لن يسمح ابدا مهما حدث بالمساس بصاحب المحل حتي لو طربقوا المحل على اللي فيه
اما عن الثقة فانا اكتر منك لا اثق بالمرة لكن اديني حل من غير ما هو يبقي موجود لغاية نوفمبر وتتعمل التعديلات الدستورية وانا اول واحد ماشي معاك
بس يكون حل قاله حد من فقهاء القانون الدستوري بجد زي يحي الجمل وهو من لجنة الحكماء والمعارضين بعنف او المستشار زكريا عبد العزيز رئيس نادي القضاة السابق مش محامي عايز يعمل لنفسه شهرة وهو عامل مركز حقوق انسان سبوبة زي واحد عمال يلف القنوات ويتصل بيها
اما ولادي فلسة اطفال اكبرهم 7 سنوات وتركتهم 3 ايام وخرجت روحي على كفي علشان بلدنا وكان ممكن صورتى او صورة طارق او صورة اي حد مننا تبقي مع صور الشهداء لكن الله اعلم لماذا عشنا ولماذا استشهدوا ربنا يرحمهم ويرحم الجميع احياء واموات

[hobiko]

صاحب المحل يسلمني المحل نضيف ويتكل على الله
انما اخرب انا المحل قبل ما هو يمشي لا
ولا ايه رايك ؟

ما هي دي المشكلة


مش حيسلمك المحل نضيف


كل دة ما هو إلى مسكنات لإمتصاص الثورة


و بمجرد هدوء الأوضاع ...... تبدأ مرحلة الإنتقام


حملة اعتقالات موسعة لضرب قيادات الشباب


مع مجموعة من الرشاوي السياسية للمعارضة المهلهلة للسكوت على عدم تنفيذ مطالب الثورة بالشكل المطلوب


و اديها بقى حملة إعلامية جبارة للإشادة بحكمة السيد الرئيس


فيه ناس بتقول لو خدعنا نرجع ميدان التحرير تاني ........ ببساطة مش حتلاقي حد عارف بعد ما يطلع من أمن الدولة مكان ميدان التحرير فين


يا جماعة ...... المعتصمين في ميدان ال تحرير حرام نحملهم مسؤلية وقف حال البلد


البلد حالها وقف ...... لما الشرطة نفذت الهروب الكبير و تلقوا علينا الكلاب المسعورة


البلد حالها وقف ...... لما باعت الشرطة البلد و إنعدام الأمان


البلد حالها وقف ......لما تحول عيد الشرطة إلي بيحكي عن مجموعة من رجال الشرطة الشرفاء الي وقفوا في وش العدوان الأجنبي ........ إلى يوم العار لما الشرطة خانت شعبها و بلدها



النظام بكل رموزه فاسد ..... و لقتل الأفعى يجب قطع رأسها

[nevozaky]

صاحب المحل يسلمني المحل نضيف ويتكل على الله
انما اخرب انا المحل قبل ما هو يمشي لا
ولا ايه رايك ؟
وفيه موضوع انا عامله كاتب فيه اقتراح لتكريم الشهداء ادخل فيه قول رايك


ومين قال اننا بنحارب بعض او مختلفين على الاهداف
احنا متفقين علي الاهداف لكن مختلفين في كيفية الوصول اليها حاليا
انا بتكلم كلام واقعي من خلال الدستور وكيفية تعديله ومن خلال معرفتي بان الجيش لن يسمح ابدا مهما حدث بالمساس بصاحب المحل حتي لو طربقوا المحل على اللي فيه
اما عن الثقة فانا اكتر منك لا اثق بالمرة لكن اديني حل من غير ما هو يبقي موجود لغاية نوفمبر وتتعمل التعديلات الدستورية وانا اول واحد ماشي معاك
بس يكون حل قاله حد من فقهاء القانون الدستوري بجد زي يحي الجمل وهو من لجنة الحكماء والمعارضين بعنف او المستشار زكريا عبد العزيز رئيس نادي القضاة السابق مش محامي عايز يعمل لنفسه شهرة وهو عامل مركز حقوق انسان سبوبة زي واحد عمال يلف القنوات ويتصل بيها
اما ولادي فلسة اطفال اكبرهم 7 سنوات وتركتهم 3 ايام وخرجت روحي على كفي علشان بلدنا وكان ممكن صورتى او صورة طارق او صورة اي حد مننا تبقي مع صور الشهداء لكن الله اعلم لماذا عشنا ولماذا استشهدوا ربنا يرحمهم ويرحم الجميع احياء واموات

اتفق معك يا دكتور محمد .ان كلنا عايزين تغيير النظام ولكن مع نهاية مدة رئاسة الرئيس .يعنى ان الهدف واحد والغاية واحدة ولكن الاسلوب مختلف للوصول للهدف

[Nothing1980]

أولاً: أنا لا يمكن أصدق أي كلمة يقولها الرئيس مبارك؛ لأنه بقاله 30 سنة بيكدب على الشعب المصري و بيخادعه بكل الوسائل هو و نظامه إللي رباه، و بصراحة هو حتى ما حاولش يقدم أي ضمانات حقيقية تخللي الناس تقول ده هيصلح في شهوره المتبقية له، كل إللي قاله مش هترشح و هحاول أصلح و......... إلخ و كله كلام في الهواء الطلق، أنا كنت متوقع إنه على الأقل هيحل مجلسي الشعب و الشورى و يعين رئيس وزراء جديد مش من الحكومة السابقة. بالنسبة لتعيين عمر سليمان نائب رئيس: كلنا عرفين إنه ياما راح إسرائيل و ده معناه إن علاقته كويسة مع الإسرائيليين ( أنا عمري ما شوفت في حياتي رئيس دولة يبعت رئيس جهاز مخابراته لدولة معادية حتى لو كان في اتفاقية سلام، يعني مثلاً هل حصل و زار مصر رئيس جهاز المخابرات الإسرائيلي؟!) ، بحيث إن لو الرئيس مبارك ساب الرئاسة هتبقى فرص عمر سليمان للفوز بمنصب الرئيس كبيرة و بكده يبقى بدلنا مبارك بمبارك آخر، وده يدل على أن الرئيس مبارك غير صادق النية زي ما عرفناه دايمًا.
ثانيًا: -من وجهة نظري- إذا كان الرئيس مبارك يريد الإصلاح فعلاً عليه القيام بالآتي:
1) إلغاء قانون الطواريء.
2) حل مجلسي الشعب و الشورى.
3) تعيين نائب رئيس مستقل أو نائب رئيس تكون علاقته بأمريكا و إسرائيل ليست قوية (لأن إذا كانت علاقته بأمريكا و إسرائيل قوية فسوف يكمل مسيرة مبارك في إرضاء أمريكا و إسرائيل)، و تعيين رئيس وزراء حقيقي و ليس وزيرًا من الحكومة السابقة.
4) تشكيل لجنة مستقلة (من أساتذة كليات الحقوق) لتعديل الدستور بما يتناسب و مطالب الشعب المصري في الإصلاح مع الحفاظ على كيان الدستور في النواحي الأخرى التي لا تتطلب تعديلاً؛ لأن الدستور حاليًا مهتريء و لا يمكن الاعتماد عليه في إجراء انتخابات حرة و نزيهة، كما لا يمكن الاعتماد على مجلس الشعب الحالي في تعديل الدستور تعديلاً صحيحًا (يعني عشان تعدل الدستور عايز مجلس شعب من الشعب، و عشان تجيب مجلس شعب من الشعب لازم النتخابات تكون حرة و نزيهة، و عشان الانتخابات تكون حرة و نزيهة لازم الدستور يكون سليم ، من الآخر حلقة مفرغة حلها إنك تعدل الدستور من خارج الحلقة دي).
5) بعد تعديل الدستور تبدأ انتخابات مجلس الشعب تحت الإشراف القضائي الكامل.
6) بعد انتهاء انتخابات مجلسي الشعب و الشورى -كده يبقى الشعب ( المتمثل في مجلس الشعب) قادر على ممارسة نشاطه بكفاءة عالية في حماية الشعب و الوطن من المفسدين و المخربين و اللصوص- يمتنع الرئيس مبارك عن الترشح للرئاسة -لأن الدستور عندها سيمنع ذلك- و تبدأ الانتخابات الرئاسية -بحيث إن الرئيس القادم يعلم أنه لن يفوز بأكثر من فترتين رئاسيتين كل فترة 4 سنوات، و يعلم أيضًا أنه إذا قصّر أو أفسد فسيكون حسابه عسيييييييييييييييييييييييير من الشعب.
ثالثًا: إذا أراد الرئيس مبارك أن نضمن أن في بقائه إصلاح للوطن فعليه القيام بأول ثلاث إجراءات فورًا يليها الإجراء الرابع بأسرع وقت.
رابعًا: مع احترامي الكامل للجيش المصري، لا يصلح أي ضابط جيش أن يتولى منصب رئاسة الجمهورية؛ لأنه -و بكل بساطة- الجيش مؤسسة عسكرية بحتة يتعامل فيه القائد مع جنوده بلغة الأوامر التي يجب أن تُنفذ فورًا دون مناقشة -و هذه طبيعة العمل العسكري و لولاه لفسد الجيش- هذه الطريقة لا تصلح لإدارة أي مؤسسة مدنية؛ لأنك لو طبقت هذه الطريقة ستصبح ديكتاتورًا لا محالة، و ده إللي حصل بالضبط مع الرئيس مبارك و وصل البلد للوضع إللي إحنا فيه دلوقتي، عشان كده لابد ألا يكون رئيس البلاد من المؤسسة العسكرية أبدًا و إلا حدث معه و معنا مثلما يحدث الآن في مصر.
خامسًا: أحب أقول إن الموضوع ده كويس جدًا و بصراحة هو وضح لي وجهات النظر في الوضع الشائك إللي مصر غرقانه فيه حاليًا، و أنا كمان حبيت أطرح وجهة نظري، و ياريت أي حد عايز ينتقد كلامي يكون بدون تجريح أو سخرية.
و آسف على الإطالة.

[human]

اللى انت قلته ده برنامج البرادعى بالنص وده اللى بيقوله عليه عميل طبعا عشان بيفهم

[ahmedeg1]

انا مش بتريق و الله دى اتبعتتلى لتوضيح مدى تفاهة كل من يريد ركوب ثورة اشباب

[ahmedeg1]

كلامك مظبوط يا م/ سمير

رغم اعتراضى على العديد من التجاوزات و التى ليست وليدة مبارك فقط بل وليدة تصرفات و سلوكيات شعبنا الحبيب يعنى تغيير مبارك ليس الحل فى عدم تكرارها

و للمرة الثانية اقولها لك هل لديك اثبات رسمى ان 8 مليون نزلوا المظاهرات
و هل 8 مليون يعنى اقل من 10 % من الشعب الرسمى هو اللى يفقد مبارك شرعيته ؟؟
و كيف فقد شرعيته و هو مازال فى الحكم و يجتمع بالوزراء و الجيش ؟؟

انا واحد من الناس اللى مؤيدين لبقائه حتى شهر 9 ليس لإنه ملاك و ليس بشرا
او لإنه حقق انجازات او غيرها من الشعارات

انا مازالت بقول ان نظامه كان فاسدا و اضر كثيرا بالبلاد

لكن انا بؤيد فقط بقائه لضمان التعديلات الدستورية و انتقال سلمى للرئيس الجديد المنتخب لاول مرة فى مصر و بمدتين فقط

بل اقترح ايضا ان يكون الرئيس القادم بمده واحد فقط لا تزيد عن 4 سنوات لإستكمال الإصلاح و ليعلم الرئيس القادم انه قادم للإصلاح فقط و ليس للبقاء

لكن هل توجد لدى معارضى هذه الفكرة حلول اخرى نضمن بها عمل تعديلاتنا الدستورية و الاتيان برئيس منتخب فى وضع مستقر ؟؟

دلوقتى كل اللى بيطالبوا ان يرحل مبارك الأن هل جميعهم اتفقوا على حل واحد و خطة لما بعد الرحيل ام سينتظرون حين رحيله و نبدأ الخلافات مرة اخرى حول الحل الانسب كما يحدث الان ووقتها الخلاف لن يكون مثل الأن سيكون كارثه على هذا الوطن

انا مستعد اعرض فكرتى الكاملة حتى الانتخابات الرئاسية المقبلة و مستعد ايضا لسماع فكرة الطرف الاخر و نرى الافضل لمصرنا الحبيبة

ليس الهدف بقاء مبارك من رحيله الان
الهدف عمل ما نريده فى جو مستقر

يا باشا انا معاك فى بقاء الغير مبارك للمده الباقيه فقط شفقه من شعب مصر لكن انا نش معاك فى اثبات الدليل و بعدد المتظاهريين و هرد عليك يا اخى بنفس اسلوبك هل معاك اثبات رسمى ايضا بعدم نزول أكشر من 8 ملايين .
أرجوا ان لا تفهم كلامى تقليل من شأن حضرتك

[Sharky]

يا باشا انا معاك فى بقاء الغير مبارك للمده الباقيه فقط شفقه من شعب مصر لكن انا نش معاك فى اثبات الدليل و بعدد المتظاهريين و هرد عليك يا اخى بنفس اسلوبك هل معاك اثبات رسمى ايضا بعدم نزول أكشر من 8 ملايين .
أرجوا ان لا تفهم كلامى تقليل من شأن حضرتك

يا سيدى الفاضل البينة على من ادعى
مش كده برضه و لا ايه

لكن برضه حاقولك معلومة مؤكده ان ميدان التحرير عمره ما يستحمل فى وقت واحد اكتر من 400 الف اصلا و بكده يبقى واقفين لازقين فى بعض و دا كان اكتر مكان فيه مظاهرات فى مصر !

على فكرة انا متضامن تماما مع الثورة و مع كل مطالبها
لكن لازم نفهم حاجة غايبة على كتير من المصريين

- من هو الطرف الاقوى الان (المتظاهرون و لا مبارك ) و لماذا ؟
- ما معنى تعيين وزير الداخلية على المعاش منذ 5 سنوات ؟؟
- ها يثق الشعب المصرى فى عمر سليمان و احمد شفيق ؟
- هل استمرار المظاهرات بدون التأثير على الحياة فى مصر ستأتى بنتيجة ؟؟
- اخبارتونس ايه و ليه ماغيروش الدستور حتى الأن ؟؟؟
- ليه لم يتم ترشيح الرؤساء فى تونس رغم ان المهلة المتقبية دستوريا اقل من 30 يوم ؟؟؟
- ليه رئيس تونس المؤقت (رئيس البرلمان) بيناقش النهاردة زيادة صلاحيته رغم انه مؤقت ؟؟؟


و اجى تانى و برضه اسأل سؤالى اللى مش لاقى له اجابة حتى الان :
ماهو السيناريو الذى يريده المتظاهرون بعد رحيل مبارك و الذى يضمن عمل تعديلات دستورية و انتخابات رئاسية نزيهة ؟؟؟؟