دعونا نتناقش بهدوء و عقلانية من اجل مصلحة مصر

[الطنطاوي]

با أخي الحبيب

أنا ذكرت لك أمثلة على الالتفاف على الوعود وأمثلة على عدم القدرة على التنفيذ وكل ده في ظل وجود الجيش والمتظاهرين معاً

فما بالك بوجود أحدهما فقط بعد انصراف المتظاهرين

[gemy1]

يا شاركى بيه اقسملك بالله انت انسان شريف و محترم و كلامك على راس كل مصرى و ياما كان نفسى ان كل مصرى يبقى تفكيره متحضر و مداركه متسعه عشان يقدر يوصل لمستوى التفكير ده لاننا فعلا دلوقتى مش فى وقت تصفيه حسابات شخصيه و لا فى وقت تقسيم التورته زى ما قال الشاب الشهم وائل غنيم اللى كل المصريين متفقين عليه حاليا و انا رأيى الشخصى اننا لازم دلوقتى نسمع لصوت العقل و تانى احب اشكرك على الموضوع الرئع ده اللى انت كاتبه لانها مناقشه محترمه بجد و كان لازم الشعب يعمل كده باسلوب متحضر لان العصبيه مش هاتجيب نتيجه ازاى تبقى مطالبنا واحده و نتعصب على بعض لازم نفهم بعض بجد لاننا ببساطه ما ينفعش نثق فى ناس عاديه جدا و بسيطه و نقول يمشى دلوقتى طب ازاى اثق فيهم و هما اصلا ما عندهمش خلفيه سياسيه غير كده لسه الشعب ما اتفقش على قائد ليهم فى الثوره دى يعنى صوت العقل بيقول اننا لازم نستنى بقى الانتخابات تيجى عشان نختار بجد و بحزم مين اللى يحكمنا و الفرصه دى مش هاتيجى فى تاريخنا تانى و عشان تيجى لازم نتعب شويه و نستنى التسليم السلمى للسلطه حتى لو فى ناس هاتعتقل او تتبهدل لكن هايكون فى النهايه فى سبيل حريه الاختيار و ده فعلا هايكون الجهاد الصحيح فى الاتجاه الصحيح و دى وجهه نظرى المتواضعه و ارجو من كل الاطراف تقبلها بموضوعيه و فى النهاية كلنا بنحب مصر و مصر مش هاتقف على حد او شخص بعينه

[mfarag]

با أخي الحبيب

أنا ذكرت لك أمثلة على الالتفاف على الوعود وأمثلة على عدم القدرة على التنفيذ وكل ده في ظل وجود الجيش والمتظاهرين معاً

فما بالك بوجود أحدهما فقط بعد انصراف المتظاهرين

+11111111111111111111111111111111111111111111111


كلام مش محتاج اى اضافة

[Sharky]

با أخي الحبيب

أنا ذكرت لك أمثلة على الالتفاف على الوعود وأمثلة على عدم القدرة على التنفيذ وكل ده في ظل وجود الجيش والمتظاهرين معاً

فما بالك بوجود أحدهما فقط بعد انصراف المتظاهرين

يا سيدى الفاضل
البلد بتصلح و مش حيحصلح فى يوم و ليله
لكن الاصلاح بدأ خلاص

و كلنا عارفين ان موقعة الجمل كانت ضد ان يقوم النظام للإصلاح
يعن مش من النظام دا من ناس فاسدة مش عايزة النظام يصلح علشان ماينكشفوش

طب ما فيه امثلة كويسة على صدق النظام زى ان محدش لمس المتظاهرين بعد موقعة الجمل
انهم بدأو فعلا الحوار مع المعارضة
انهم بأو فعلا يحاربو الفساد
انهم بدأو فعلا تغير المواد الدستوريه

ارجع و اقول لك نفس الكلام
ماهو قبل 25 يناير ماكنتش الحياة وردى و كان فيه طرف واحد فقط و هو الجيش و معاه كمان الشرطة باسلوبها المعروف
و رغم كده قامت المظاهرات اللتى هزت مصر كلها

صدقنى احنا اللى كان ناقصنا اننا نكسر حاجز الخوف و خلاص كسرنها و محدش يقدر يرجعه عارف ليه ؟
لإننا شوفنا بعنينا لما بنتحرك طالبتنا بتتحقق عكس زمان قبل ما نجرب كنا فاكرين انها مستحيلة

يا شاركى بيه اقسملك بالله انت انسان شريف و محترم و كلامك على راس كل مصرى و ياما كان نفسى ان كل مصرى يبقى تفكيره متحضر و مداركه متسعه عشان يقدر يوصل لمستوى التفكير ده لاننا فعلا دلوقتى مش فى وقت تصفيه حسابات شخصيه و لا فى وقت تقسيم التورته زى ما قال الشاب الشهم وائل غنيم اللى كل المصريين متفقين عليه حاليا و انا رأيى الشخصى اننا لازم دلوقتى نسمع لصوت العقل و تانى احب اشكرك على الموضوع الرئع ده اللى انت كاتبه لانها مناقشه محترمه بجد و كان لازم الشعب يعمل كده باسلوب متحضر لان العصبيه مش هاتجيب نتيجه ازاى تبقى مطالبنا واحده و نتعصب على بعض لازم نفهم بعض بجد لاننا ببساطه ما ينفعش نثق فى ناس عاديه جدا و بسيطه و نقول يمشى دلوقتى طب ازاى اثق فيهم و هما اصلا ما عندهمش خلفيه سياسيه غير كده لسه الشعب ما اتفقش على قائد ليهم فى الثوره دى يعنى صوت العقل بيقول اننا لازم نستنى بقى الانتخابات تيجى عشان نختار بجد و بحزم مين اللى يحكمنا و الفرصه دى مش هاتيجى فى تاريخنا تانى و عشان تيجى لازم نتعب شويه و نستنى التسليم السلمى للسلطه حتى لو فى ناس هاتعتقل او تتبهدل لكن هايكون فى النهايه فى سبيل حريه الاختيار و ده فعلا هايكون الجهاد الصحيح فى الاتجاه الصحيح و دى وجهه نظرى المتواضعه و ارجو من كل الاطراف تقبلها بموضوعيه و فى النهاية كلنا بنحب مصر و مصر مش هاتقف على حد او شخص بعينه

شكرا لمجاملتك الرقيقة
و صدقنى احنا كلنا همنا نا مصر تبقى احسن

[Sharky]

+11111111111111111111111111111111111111111111111


كلام مش محتاج اى اضافة

نفس الرد السابق

[gemy1]

الموضوع ده حقيقى يا جماعه بجد اقسم بالله العظيم
استغاثة مواطنة مصريه على وشك ان تضع مولودها وزوجها فقد عمله بسبب ما يحدث:
بجد حرام عليكم كفاية كدا اعصابى تعبت من اللى بشوفه وانا رايحة الشغل مش الحرية اللى انتو بتتكملو عنها تخليكم تقفلو الشارع بتاع مجلس الشعب لحسابكم ومش عايزين تعدو حد لشغله وتقولولنا جايين ليه الشغل فى ناس وراها مسئوليات واسرة انتو عمركم مهتحسو عشان انتو فاضيين وبدون اى مسئولية والبنات اللى نايمة فى الشارع دى فين اهلها بجد اتقو الله شوية ولو حد مات تانى هيبقى ذنبه فى رقبتكم انتو حسبى الله ونعم الوكيل

[أبوسيف]

انا رأيى ان الضمان الوحيد دلوقتى لرجوع الأمن واستقرار البلد هو تنحى الرئيس مبارك وتشكيل حكومة انتقالية لمدة عام لحين إجراء الإنتخابات وتعديل الدستور.
أما بخصوص الفوضى ، فاعتقد ان الحكومة بتستخدم الحكاية دى كفزاعة للشعب المصرى لتخويف الناس وبالتالى عمل ضغط على المتظاهرين والمطالبين بالإصلاح. زى بالظبط فزاعة الإخوان المسلمين اللى بيستخدموها مع الغرب.
بخصوص النقطة اللى بتقول ان علشان نعمل التعديلات الدستورية لازم يصدق عليها رئيس منتخب ، الرد على الكلام دة ان دة بيكون فى الأحوال العادية ، انما احنا دلوقتى فى حالة ثورة ، والثورة معناها ان الحكم فقد شرعيته وكمان الدستور.
الناس اللى بتنادى انه فاضل كام شهر وان كل الطلبات اتنفذت أو جارى تنفيذها ، بقولهم قولولى على طلب واحد تم تنفيذه ، هل تم تنحى الرئيس ، هل تم حل مجلس الشعب ، هل تم إلغاء قانون الطوارئ ، هل تمت محاسبة الفاسدين؟ مفيش اى حاجة من دى حصلت ، اما بخصوص اللى بيحصل دلوقتى من الحكومة فهو محاولة للخداع وإمتصاص غضب الثورة لغاية ما الأمور تهدأ وبعد كدة يبدأوا فى تنفيذ مخططاتهم. انا معاكم ان الرئيس مش هايرشح نفسه تانى ولا هو ولا ابنه ، ولكن مين قال ان المشكلة فى شخص الرئيس ، المشكلة يا سادة فى النظام بشكل عام اللى فى ايده كل خيوط اللعبة ، النظام المتحكم فى كل شئ حتى القضاء والأمن والجيش والإعلام.
إذا انتهى الموضوع على ما هو عليه دلوقتى سوف يقوم النظام بحملة اعتقالات موسعة ضد كل قادة الثورة ، والدليل على هذا الكلام هو رفضهم التام لإلغاء قانون الطوارئ.
نقطة أخيرة عاوز اقولها لكل المتضررين إقتصاديا وأمنيا من هذه الثورة وانا اولكم على فكرة ، فى مثل عندنا بيقول مفيش حلاوة من غير نار ، والحلاوة اللى احنا بنسعى ليها هى حريتنا ، اعتقد انها تستحق اننا نضحى علشانها شوية ، ونستحمل بعض شوية وهى تضحية ولا تسوى بجانب الناس اللى بتضحى بحياتها علشانا. لما حد فينا بيتعب وبيروح للدكتور وياخد علاج والعلاج ما يجبش نتيجة يبقى لازم تدخل جراحى ، بلدنا دلوقتى فى مرحلة الجراحة وقلبها مفتوح ما فضلش غير اننا نستأصل الورم السرطانى اللى معشش فى قلبها من سنين علشان نرتاح ونعرف نعيش بشكل طبيعى. رجاء استحملوا وما تكونوش انتم السلاح اللى تستخدمه الحكومة ضد الثورة ، علشان خاطر ولادكم وأحفادكم ما تقفوش فى طريق الحلم.