سقوط علامة بروتون الجزء الرابع (سلسلة مواقف كوميدية)

[amr.mostafa]

انت بتنزل حلقات يا ابو السيد وما تقوليش اريت الجزء كله في يوم واحد

بس على فكره مش لاززم ترش كامباوند يطلعها

[gebreel]

ههههههههههههه يا فندم اسمع مني انا بقى هههههه موسكو في الشتا روعة انا نضرب الشتا المتين في مسوكو حرارة -31 مثلا حلوة كده ننشف صوابعنا والدم يتجمد نروح ضاربين طيارة خاصة على الباهاما او كوبا :d :d
ومن هناك نضرب والكينج ترافل على كندا الاسكا بقى في الصيف والثلج بيدوب !!!!!!!!!!!!!!!!!!!!! من الآخر ها نعيش حياتنا :d :d :d :d
بس اديني رقم كده تقريبي للي ها نلمه كام الله يكرمك ؟؟ ههههههههههه وبالمرة بقى قولي عايز عربيتك الفراري لونها ايه ويا ترى انزو بقى ولا سبايدر ولا ها تحب تغير السنادي ونضرب ماكلارين سوا كده : D :d:d :d

يعني انا مش طماع قول مثلا 500 600 مليون جنيه احنا مش زي الحاج ابو جيمي احنا قانوعين
بالنسبة للعربية انا عاوزها انزو حمراء اللون و مفيش مانع لو نضرب معاها الماكلارين بس نجيبها كسر زيرو استخدام حريمي علشان يبقى متحافظ عليها و في نفس الوقت مندفعش كثير متنساش ان الطيارة عاوزة تتفول 95

بالنسبة للذاكرة فمتعتمدش عليا قوي بردو لأن دماغي في الساكلنس بس اللي فاكرو i-pod و موبايل لكن ايه الثالثة مش فاكر

[sayed911]

يعني في الاخر انت اللى اتظبط مش الهوندا هي دي مصر قبل 25 يناير تتلخص في الموقف دا فعلاااااااااااااااااا

هههههههههههه لا انا متظبتش بقا ههههههههههه انا اللي سبت الموضوع يعدي بمزاجي كده هههههههه الكوسة كانت واخده حدها معايا قوي بقى ههههههه

انا عافظ نمرها لو لقيتها بعد كدها اقسم بالله
اقسم بالله
اقسم بالله كمان مرة
والله ها انزل من العربية مخصوص اسئلها سؤال واحد بس


(انتي قولتي ايه للزابط الكلمة السحرية اللي خلاكي تمشي كده ) !!!!!!!!!!!!!!!!!!!!

نا هلكت من الضجك يا باشمهندس....مش كده
ملحوظه هامه جدا جدا:في حلقه بتاعت عم عبده لما كسبوا الماتش قعد يقول الله واكير الله واكبر وده خطأ فادح لان فيه شرك كأنك بتقول الله و معاه احد اكبر.....الصح الله اكبر وفي ضمه على اخر لفظ الجلاله لانه مبتدأ مرفوع بالضمه و بالتالي احنا بنسمعه في الاذان كانها الله واكبر ولكنها الله اكبر مع وجود ضمه على لفظ الجلاله وتقبل تحياتي

هههههههههههههههه ايوا الله يخليك خليها باشمهندس بقا هههههههههه
ولكن الحقيقة حضرتك اظهرت حجتك وفعلا كلامك الى حد كبير جدا جدا صح ولكن ان شاء الله ها ادور في المعاجم الفقهية على الأخطاء اللغوية الشائعة عشان اتبين الأمر لأنه كلامك صح فعلا لأنه فيه فرق بين الـ و - الـ ثم
ومتشكر جدا لملاحظة حضرتك وعاجز عن الشكر يا فندم وتحياتي لك على الإيضاح المميز فعلا ..

سيد انا اسمى احمد سعد
والمنتدى كله عارفنى على ايه مش عارف
والشرف ليا انا
انتم مش عاملين مقابلة قريب فى البروتون
احنا النهاردة الجمعة
عاملين مقابلة لبتوع الصوتيات
بس انا اخرى مركب سماعتين بيضاوى وجى ام

الشرف كل الشرف لي يا استاذ احمد انا فعلا والله كل الناس حاولت اتابع مشاركاتك انه الاقي حد بينادي لحضرتك بإسمك ابدااااااااااااااااااااااااااااااااا
هههههههههه وشكلي حتى كان وحش في المسج اني مش عارف اقول لحضرتك ممكن تشوف الموضوع يا استاذ ... شكلي كان .... ولكن الحمد لله :D :D
والله همة فعلا كان فيه مقابلة النهاردة ولكن للأسف كان فيه تعنت غريب من بعض المنظمين على المكان اللذي لا يتناسب مع الأكثرية من الأعضاء !!! وللأسف مكانش المكان سهل بالنسبالي وفي ظل الظروف دي اعتقد انه كان فيه اماكن للجلسة وكده ولكن يالله خيرها في غيرها وان شاء الله نتقابل تاني قريب ان شاء الله تعالا .. ومتشكر جدا لحضرتك يا استاذ احمـــــــــــــــــــــــــــــــــــــــــــــد عرفت الإسم بقا ههههههه اتفرج على اللي ها يحصل :D :D

هههههه لأ ياعم هوا طير نص الإكصدام الأمامي من ناحية اليمين وتحته بقي معرفش بس تقريبآ سليمة
ههههههههه ده يوم ماينزل قانوني هعمل منشوارت وأوزعها ع الناس كلها :))
وهنزل دايركت هعمل عربيتنا بس مش فيميه إسود أنا هعملوا ألوان زي إللي ف UnderGround
لأزم نكون مختلفين عن الناس بردو :)) ولا إييه رأيك؟؟ :

والله انا اول عربية جبتها في حياتي كنت كاتب عليها من برة
MOM said no girls on bourd
هههههههههههههههه ومتسألنيش ليه واجهت كمية ناس معجبة بالفكرة بطريقة مش طبيعية هههههههههههههه
وقولي انتا لو اتسمحلك تكتب حاجة على العربية ها تكتب ايه طيب ؟؟

Signor.Sayed
Egitto Ti Da il Benvenuto ... Benvenuto Tra Noi

انت قولت ان القطر من جنوا لروما 20 دقيقة يا بشمندس سيد وأظن انك كنت تقصد من جنوا لميلانو
وحاول تشوفلك واحد صايع يعلمك ازاى تتعايش مع المجتمع المصرى
( راجع فيلم الناظر لعلاء ولى الدين)

بهرز طبعا ياهندسة

على فكرة انا بردة مبقيتش اعرف اتعامل كتير مع البشر فى مصر لما بنزل اجازة برغم انى بقالى هنا فى روما
6 سنين بس

بص بالنسبة للألمانى اظن أسهل كتير فى تعليمة وقرايته وكتابته من اليابانى ( عن تجربة شخصية )
لان اليابانى فيها 3 طرق للابجدية اليابانية
الابجدية الاولى . للكلمات اللى اصلها يابانى
الابجدية التانية للكلمات اللى جاية من خارج اليابان زى مثلا تليفون ... أسانسير حاجات زى كدا
الابجدية الثالثة وهى الاصعب على الاطلاق اسمها باليابانى
وهى فى الاصل أبجدية صينية ولكن منقحة شوية واسهل فى تعليمها من اللغة الصينى
وللأسف لازم تعرف الثلاث طرق علشان ممكن تلاقى كلمة مكونة منهم كلهم

على فكرة حلقاتك حلوة يابشمهندس وانا متابعها علطول بس نظرا لظروف العمل
لا أجد الوقت الكافى لأشارك هذه الروح المرحة

Vi ringrazio per le gentili parole
ههههههههههه والله يا فندم انا بعيد عن ايطالية اكثر من 4 سنوات حاليا عشان كده انا والله ما فاكر ترتيب المدن في القطار كان عامل ازاي :D :D :D
انا عايش في مصر بقالي 3 سنين اهو ومش عارف من هنا لإسكندرية ياخد وقت قد ايه هههههههه

والله انا شايف انه الصياعة مش بتأكل عيش اليومين دول البلد دي عايز الفهلوي اللي ذكي وفي نفس الوقت ناصح :D :D :D
حضرتك عايش فين في روما ؟
انا مستصعب الألماني لسبب واحد بس والله يا فندم الا وهو انو من وجهة نظري اللي بيجيد مثلا مثلا الإيطالية ها يجيد التفاهم مع دول الإتحاد الأروبي الغالبية ببعض الكلمات اللي ها توصله لغرضه يعني لو بتتكلم اسباني ها تعرف تتفاهم مع الإيطالي والإنجليزي الى حد ما ..
ولكن الألمانية والروسية لغتين مختلفتين تماما من وجهة نظري يعني تطقهم وكتابتهم غير اوروبا كلها .. وهوة ده اللي مصعبهم عليا :D :D
ولكن الياباني طالعة في دماغي بجد هههههههه ولكن انا نفسي افهم الشخبطة اللي بنشوفها دي
عبارة عن حرف ولا كلمة ؟
وهل فعلا همة بيكتبوا من فوق لتحت :D :D :D
منتظر رأي حضرتك في السؤالين اللي فاتوا دول لأنهم ها يجننوني فعلا :D :D

انت بتنزل حلقات يا ابو السيد وما تقوليش اريت الجزء كله في يوم واحد

بس على فكره مش لاززم ترش كامباوند يطلعها

اه والله يا فندم بنزلهم بقالي فترة شهر كدى مثلا :D :D :D
بس للأسف الكامباوند مش ها يعمل حاجة دي وصلت للصاج !!!!!!!!!!!!!!!!!
انا سابها والله من ساعتها بقالها فوق الشهرين ولا فكرت فيها !!!

يعني انا مش طماع قول مثلا 500 600 مليون جنيه احنا مش زي الحاج ابو جيمي احنا قانوعين
بالنسبة للعربية انا عاوزها انزو حمراء اللون و مفيش مانع لو نضرب معاها الماكلارين بس نجيبها كسر زيرو استخدام حريمي علشان يبقى متحافظ عليها و في نفس الوقت مندفعش كثير متنساش ان الطيارة عاوزة تتفول 95

بالنسبة للذاكرة فمتعتمدش عليا قوي بردو لأن دماغي في الساكلنس بس اللي فاكرو i-pod و موبايل لكن ايه الثالثة مش فاكر

ايه الأحلام دي يا جبريل احنا حتى بنسترخص في احلامنا :D :D :D :D
بقولك ايه بقا
بكرة الصبح الـ حتة الـ F18 ها تجيلك يا كبير :D :D :D
والطيارة بقى مقولكش
زينون ايه وديفيل ايــــــــــــــــــــــــــــه
ومتفيمة
وشايلك النمر كمان يا كبير عشان تهيص هههههههههههههههههه
بس خد بالك بيقولوا فيه رادار وانتا داخل على محطة كينيا ههههههههه

[mhmdalsaadany]

ههههههههههههههههههه علم وينفذ يا باشا حضرتك طلبت الطلب الساعة 1 الطلب كان موجود الساعة 3 ولكن واضح انه حضرتك نمت هههههههه امال فين بقا اللي مش ها انام وقاعدلك :d :d :d ده انا قولت بس عليه العوض ومنه العوض انا كده الله يرحمني :d d :d :d
منتظر رأي حضرتك بقى بكرة لما تيجي ان شاء الرحمن تعالا ..

يا راجل يا مفتري دا انا اول واحد رديت عليك بعد مشاركتك الساعه 3:40 بالظبط هو انا معقول انام قبل ما اقراء حدوته قبل النوم بتاعة سيد باشا وبعدين خلاص بقى يا ابو السييد ما انت غيرت النشاط بعد ما البليه لعبت معاك ولا بلاش تسييح ههههههههههههههههههههههههههههه

[sayed911]

هههههههههههههه هههههههههههههه
طلقتين هدية معاك وانتا مروح يا كبير هههههههههههههههههه
بكرة ان شاء الله انا واخد في اعتباري وانا بصوت ها اتصور جنب الصندوق ها تبقى صورة الموسم هههههههه ( تافه ) هههههههه اصلي بقالي زمن مغيرتش صورتي على الفيس بوك فقولت صندوق الإستفتاء ها يكون فكرة جيدة هههه :d :d:d
واول ما ارجع ها اكتب الجزء الجديد بقا ان شاء الرحمن تعالا :d :d :d
بس والله اصلي برد على الموضوع في وقت طويل جدا عشان كده مأخدتش بالي انه حرضتك رديت عليا بالفعل ههههههه
بقولك ايه بقى نفعني بقى عايز بازوكا ولا نبتدي بحاجة خفيفة مثلا قنابل عنقودية هههههههه
بس انا الوحيد في مصر اللي سامع بفكرة الشراء عن طريق الفيزا ههههه تقدم حلو برضوا هههه تيجي تاخد سلاحك وطلقاتك وتدفع بالكريدت كارد ههههههه
والله يا فندم ده انا رافض حتى اني امسكهم انا بحس انه الشيطان ابن لذينة دائما متمكن من العبد لله عشان كده بقفل عليه الباب من اولها :d :d :d

[osama.m]

اية يا سيد .. فينك النهاردة

[sayed911]

نصف ساعة من الزمان يا فندم والحلقة ها تكون نزلت :d :d
عيب عليك الدكروماطية تبقى سارحة في البلد وانا سكت يعني :d :d :d

[sayed911]

الجزء الخامس

الحلقة الأولى

بس عايز اقول على عملية الإستفتاء النهاردة ..

انا اول مرة في حياتي اشارك في عملية انتخاب او استفتاء بغض النظر عن النتيجة المشاركة امر لا يمكن رفضه !!!!!!!!!!!!!!!!!!!

سؤال بس يا ريت الناس اللي فاهماه ترد عليا وتجاوبني عشان انا ها اتجنن ومحدش ينسى يجاوب من فضلكم

فاكرين في بداية الثورة الناس كلها كانت مجمعة على كلمة واحدة انه العيال اللي في التحرير دي شوية عيال .... وهمة ها يضيعوا البلد وانه اللي بيحصل ده غلط !!! وطلعوا في الآخر همة اللي على حق و 60% على غلط !!!!!

طيب جميل جدا

النهاردة الناس كلها نفس الموقف بيتكرر

الناس كلها شايفة انه نعم هية الصح ولا هية اغلط !!!!!!

طيب منا خايف ليكون نفس الوضع ولكن مع اختلاف المعطيات !!!!!!!

الشعب لو كان بيئيدوا انهاء اعتصام التحيرير مثلا يوم الشبت 29 يناير كان نهاه بالقوة لأنه مكنش فاهم حاجات كتير وكان معتبرهم خونة منساقين خلف حاجات كتير !!

عشان كده انا خايف اننا نكون ماشين ورا نعم عشان نخلص ونستقر وتكون لا هيا اللي صح !!!!!!!!

اقسم بالله واحد راجل عجوز واقف في آخر الطابور فبقولوا يا حج حضرتك ممكن تدخل على طول من غير وقفة راح باصصلي ومبتسم وقالي انا يبني مبسوط بوقفتي في الدور ليه عايز تزعلني سيبني واقف .. لحد ما الناس اصرت عليه انه يدخل لأنه فعلا كبير جدا في السن .. لو هوة ده معنى احساس الحرية والدكروماطية !!!! يبقى يخربيت ده احساس بجد :d :d

احساس اكثر من رائع احساس اننا اعتقد اول مرة في التاريخ ندخل انتخابات مش عارفين نتيجتها ايه ..

والأحلى بقى اني قبل ما ادخل اللجنة على طول شايف اب واقف وقدامه ابنه عمال يقولوا زي ما فهمتك الاقي النعم المتينة تطلع تلاقي فلوسك في ايدك هههههههههه راح الواد قايله مش عارف تتشطر على ماما جي تتشطر عليا هههههههههه العيال بقى عندها احساس مش طبيعي انه مكن يخلع ابوه من البيت :d :d

وانا داخل اللجنة وواقف في الطابور كم دحك كان موجود وكوميديا ملهاش حل ..

فواحد عمال يقولي

اقرأ السؤال كويس

وركز في المطاليب

ومتسيبش حاجة فاضية

يا عم هوة انا داخل امتحن فيزياء

حاضر اصل في الـ 39 مليون 999 الف ها يكون عندهم سؤال وانا ها يجيني سؤال مختلف تبقى المفروض اجابته بالنفي !!!!!!!!!!!!

يا ربي توب علينا ..

واقف في اللجنة والدور جه عليا الراجل اخد بياناتي !!!!!!

بكل احترام وتقدير

والحقيقة جيت لسة ها اروح ورا الستارة لقيتوا بقولي على الصندوق بس وصوت قولتلوا لأ معلش انا عايز اقعد مع نفسي شوية :d :d

من حقي اقرأ اللي ها اصوت عليه بالتفصيل الممل ..

ههههههههه

قرأتوا مثلا في 5 دقائق كاملة وحطيت اختياري (بغض النظر عما هو ) وطالع ها احط صوتي في الصندوق واحد راجل جاهل بيقولي لو سمحت يا كابتن هوة انهي فيهم نعم وانهي فيهم لا

فا لسة ها ارد عليه

رئيس اللجنة شافنا وراح مزعق

كل واحد يبص في ورقته

ههههههههههههههههههههههههههههههههههههه

ما هو مدرس ههههههههههههههههههههه

حافظ مش فاهم والله ههههههههههههههههههههههههههههههههه

رحت انا عامل زي العيال الـ..... اللي تبقى قاعد في الإمتحان تنده عليهم يقولك مأعرفش او يديلك العالي ..

بعدين رحت بقول للراجل اللي اخدت بياناتي

بقولوا معلش بس بعد اذن حضرتك ممكن تاخدني صورة وانا بحط صوتي في الصندوق !!!!!!!!!!!

قالي ممنووووووووووووووووووع با استاذ

قولتلوا اشمعنا الريس كنتوا بتهرونا صور ليه وهوة بيصوت قالي انا مش فاضيلك يا استاذ عندي مليون واحد غيرك .. ههههههههههه مش عارف ايه كم التفاهة اللي حلت عليا دي

بس يمكن عشان كنت عايز ارسل الصورة للحج لأنو خلال فترة وقوفي في الطباور كان معايا على التلفون طول الوقت حصل ايه وشايف ايه وقدامك مين وهكذا طول اليوم

حطيت صوتي في الصندوق وبقولوا بعد اذنك هيا النتيجة امتى !!!

الحقيقة مردش عليا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

انا مش عارف هوة ليه كان قرفان مني قوي كده ليه :d :d

روحت مروح على طول .........................................

نبتدي بقى الحلقة كفاية رغي :d :d

بداية فكرة تعلمي للقيادة اني كنت حائز على رخصة قيادة في ايطاليا آخر مرة كانت من الفئة d

وكنت حاصل في السعودية على رخصة قيادة من الفئة تصريح !!

وقررت اني اقدم في مدرسة هنا لتعليم القياة في مصر مجرد عشان اكسر حاجز الخوف من القيادة في مصر مع اني سقت في مصر سابقا يعني عدي الموضوع بالنسبالي ولكن كانت بتبقى مشاوير داخلية ومفيش احتكاك كثيف بالشارع وكده وقولت وما الضير انه يبقى فيه حد فاهم معايا ..

انزل يا عم سيد اسئل !!!!!!!!!!

ولا الهوا هههههه هوا اللي عايز يتعلم السواقة ده بيروح فين ولا بيكلم فين !!!!!!!!!

رحت رافع السماعة

انا : الو ايوا يا صاموئيل

هو:ايه يا ........

انا:ماشي يا عم ان كان لك عند ....... حاجة قوله يا باشا

هو:متحترم نفس اهلك شوية عايز ايه

انا:ابدا يا صاموئيل بيه انا بطمئن على جنابك يا فندم ايه بلاش ولا حرام :d

هو : هات من الآخر عايز ايه يا زفت ..

انا:هههههههه يعجبني فيك انك قاريني يا صاموئيل

بقولك ايه يا كنج

انتا مش لسة كنت متعلم السواقة من مفيش 3 – 4 شهور

هو:اه حتى بأمارة نص العربية القدماني اللي بيغروا دلوقتي !!!

انا: يا عم اشطة بس هات نمرة الراجل

هو:يا عم هم صعب وانتا ها تقعد تتفزلك عليه وتقولوا صح ولا غلط ها ينزل يخبطك في حاجة في دماغك وده راجل كبير وملوش في التهريج بتاعك ..

انا:صاموئيل !!! هوة معاه عربية ايه

هو:128

انا:ايه يا عم العربية دي انتا عايز توتني ولا ايه منتا عارف انا ها اجيب عربية ايه وي وي وي وي وعايز تعلمني على 128 حرام عليك

هو:يا حـ.....ن افهم لما تتعلم على الصعب تعرف تركب السهل !!!

انا:يا مولانا صعب ايه وسهل ايه فكك مني

هوة انا ها اسوق طيارة !!

هو:والله انا نصحتك يا عم سيد وانتا عقلك في راسك تعرف خلاصك ..

انا: متشكرين يا حج ولكن انا بتخنق من كلمة سوق الصعب عشان تركب السهل دي جملة غير مبررة الحقيقة ..

هو:مردش الحقيقة وكل اللس سمعتوا صوت "تيت تيت تيت"

انا:توقعت انه الخط فصل ههههههههه :d :d

المهم نزلت واتقسطت وتوصلت لمدرسة كويسة وحجزت معاها وعندهم عربية دايو لانوس ..

واتفقت معاهم على المواعيد بحكم عملي وي وي وي

جيت تاني يوم بقا في معادي وجاهز على اول درس ان شاء الله

قعدت مع المدرس شوية وانا حاطط في دماغي اني مش ها اجيب سيرة عن رخصي اللي كانت برة على اساس انه تقيموا ليا يكون كأني لسة زيرو معرفش حاجة ..

قعد يحكي معايا شوية كده واسمك وعندك كام سنة وكلية ايه (الشعب المصري بقا وطباعوا )

ركبنا العربية

راح مشاور وبيقولي بص بقى ده اسموا الفتيس

رحت قايلوا اهاااااااااااااااااااااااااااااااا

واللي تحت دول 3 دواسات

1 بنزين

2 فرامل

3 دبرياج

وانا بسمع وانا عامل نفسي عمال اقول

وااااااااااااااااااااااااااااااااااااااااااااااااا ااااااااااااااااااااو

جيب الديب السحلاوي الحقيقة من ديلو !!!!!!!!!!!!!!!!!!!!!!!!!!!!!!!!!

فضل يشرح شوية ..

وزبطت مراياتك يا سيد زي ما انتا عايز براحتك وشوية رغي من بتاع الدبرياج الأول وي وي وي

وراح سألني سؤال صريح

سيد

انا:نعم ؟

هو:انتا بتعرف تسوق ؟

انا: السؤال ده لو اتكرر تاني !!! مش ها تلحق تعتذر حتى !!!!!!!!!!!!!!!

هو:طيب يا خويا ربنا يستر !!!! كده انا اطمأنيت !!!!!

دور واطلع حبة حبة

وللمعرفة المدرسة دي موجودة في ميدان الجيش ...

فأكيد الناس كلها عارفة ميدان الجيش ده شكل الزحام فيه عامل ازاي !!!!!!!!

انا لسة بدور وهب العربية راحت ناطرة !!!!!!!!!!!!!!!!!!!!!!!!!!!!!!!!!!!!!!!!!!!!!!!

ربنا سترها وشلت ايدي جري من على الكونتاكت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!

ولقيت نفسي عرقت جامد واعصابي باظت خالص !!!!!! (اول القصيدة كفئ )

انا: ايه ي عم ده انتا عايز تموتنا ولا ايه !!!!!!!!!!!!!!

هو:انا برضوا اللي ها اموتك !!!!!!!!!! ياعم اي اسطى بيفهم في السواقة بيشوف العربية متمورة الأول ولا لأ

انا:يا عم الحاج هوة انا ها اركز العربية متمورة ولا في ولا في !!!

هو:بطل كثرة رغي ودور واطلع يا عم مجايفر !!!!!!!!

رحت مدور وربنا ستر !!!!

وقعدت قرأت سورة الإخلاص وسورة الناس وسورة الفلق وسورة الفاتحة وما تيسر من الأذكار في سري

هو:ايه يا عم انتا ها تتصور ولا ايه متخلص وتطلع

انا: يا عم مستني العربية لما تسخن ولا هيا اكمنها مش عربيتي اهريها بقى !!!

(كنت بكذب وبأجل المواجهة الحاسمة حتى الآن )

هو:يا عم دي عربيتي انا حر فيها انا عايز اشوف مهاراتك الخارقة اطلع يا سيدي وميهمكش !!!!!!

الحقيقة انا لقيت الفتيس فيه سوستة !!!!!!!!!!!!!!!!!!!!!!!!!!!!!!!

وكان فيه عربية ارميني في السويد كانت النقلات كلها فيها بتتم بسوستة !!!!!!!!! بالتعليق !!

رحت ساحب السوستة لفوق ومدي الأولاني :d :d :d :d :d

اعتقد لكل ملاك الدايو لانوس ها يشرحوا ايه اللي يحصل في الموقف ده

هههههههههههههههههههههههههههههههههههههههه

انا كفاية اني اقول كان فيه خضري ورا مننا حاطط سبتين طماطم بقو صلصة !!!!!!!!!!!!!!!!!!!!

وساعتها كذبت عليه وقولتلوا يا عم العيب على عربيتك هيا اللي ريحت :d :d

لأنو مأخدش بالو اني مدي مرشيدير :d :d

دحكت عليه وقولت العربية ريحت !!!!!!!

قالي اتفضل يا سيدي اطلع بقا احنا بقالنا 20 دقيقة واقفين في مكانا !!!!!!!!

خلاص خلاص متزوقش اهو طالع بس ونبي يا شيخ وحياة عيالك عندك

تلبس الحزام الله يكرمك

هوة :ليه يا عم

انا: مش عارف حاسس اني مش مرتاح نفسيا الله يخليك البس حزامك الله يكرمك !!!

هو : اطلع يا عم وخليها على الله

انا: هوة انتا لو عندك عيال يبقى ان شاء الله ربنا ها يتولا اللي ها يفضل منك بقا (شلل – صرع – رعاش) ويتولاهم بخير بإذن الله

هو:يا اخي فال الله ولا فالك اطلع بقا طلعت روحي !!!!!!!!!!

بصيت في المراية وتأكدت انه مفيش حد وللمعرفة العربية كانت مركونة على الجنب الشمال من العربية يعني ها اطلع يمين ..

بصيت في المراية كويس جدا

ورحت شايل رجلي من على الدبرياج

حبة حبة

وكل اللي انا فاكره

انه عيني على المراية وهب !!!!!!!!!!!!!!!!!!!!!!!!!!!!!!!!!!!

المراية بقت معوجة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!

واحد من بتوع الدليفري قام معاها بالواجب ما ادى الى اني اتربكت ورحت شايل رجلي من على الدبرياج وراحت العربية مبطلة !!!!!!!!!!!!!!!!!!!!!!!!!!!!!!!!

اصلوا مش ممكن يعني انا بسوق من اكثر من 4 سنوات عمرها ما بتحصل كل الحاجات دي معايا !!!!!!!

فضلت اتحجج انه العيب مش عليا العيب على بتاع الدليفري الللي ماشي بسرعة مش منتبه للطريق هههه

حصل خير يا عمونا !!!!

رحت مدور !!!

وقررت انه بقا مفيش طلوع بالراحة

انا ها اطلع بسرعة عشان نخلص ارمي بوزي والناس لما ها تلاقي لوحة متعلم للقيادة ها يقولك ده ماشي بمبدأ ضربوا الأعور على عينو ...

بصيت كويس المرادي في المرايا

وعاااااااااااااااااااااااااااااااااااااااااااااااا اااااااااان

عااااااااااااااااااااااااااااااااااااااااااااااااا اااااااااااااااااااااااااااااااان

والله العظيم

انا فاكر كويس جدا لقيت المدرس راح حاطط رجلوا كويس كده على الفرامل اللي عندوا وراح ماسك في السنادة اللي في السقف وبقا عمال بيقول سترك يا رب

ورحت مرة واحدة ناطر دبرياج وعاااااااااااااااااااااااااااااااااااااااااااااااا ااااااااااااااان

(متحمس جدا بقا )

ها نكمل بكرة بقا عشان متزهقوش من اول حلقة :d :d :d

[osama.m]

هههههههههه كل لما اتخيل منظر الراجل و انت بتقلة عيب عليك

بس انت اكيد اكيد اتأكدت ان السواقة في مصر غير اي مكان تاني في العالم .. دا احنا ندخل الفورميلا و نقفلها بعون الله .. ومن غير خساير او حتى pit stop

[mhmdalsaadany]

ههههههههههههههههههههههههههههههههههههه
جامده اوي موضوع الصلصه دي ههههههههههههههههههههه
الله يحظك يا سيد دا انت حكايه والله العظيم مستني حلقه بكره على نار يا ابو السييد

[Xander2010_Evo]

هههههههههه إمبارح ده كان يووووم جااامد نزلت أنا ووالدي ووالدتي وكانوا بردو أول مرة ينزلوا يصوتو
وده الصندوق إللي حطيت فيه صوتي

ملحوظة "مش أنا إللي واقف وراكن بضهروا ع الحيطة ده :))"
بس كان أحلي موقف حصلي هناك

" بعد ما خلصت استفتاء و خارج من اللجنه، واحد سألنى انتا عملتها نعم ولا لا؟ قولتله عملتها "كذا"، راح بصلى كده و اتنرفز و قال ماهى البلد سايبه و مفيش حكومه كلو بقى بيعمل اللى على مزاجه، وأنا كان ردي عليه
"هههههههههههههههههه" "

حطيت صوتي في الصندوق وبقولوا بعد اذنك هيا النتيجة امتى !!!

الحقيقة مردش عليا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

ههههههههه نفس السؤال إللي سالتوا للراجل بس كان ردو عليا نظرة كلها غضب "إيموشن مكشر وهاينفجر"

[gebreel]

ههههههههههههههههههه انا فاتكرت على طول فيلم وش اجرام ساعة ما كانو بيسرقوا شقة مدير البنك و بيقلوا انا عاوز اسوق
قالو بتعرف تسوق
قالو لو السؤال ده اتكرر هفرغ المسدس ده في دماغك

و ساعة ماديت مارشدير هو كان بردو ماشي ورا بيقولوا اطلع قدام قالو رخصتي على ورا =)


قلي بس يا سيد بيتاع الطماطم عمل فيك ايه

[osama.m]

كمل يا سيد .. هو انا كل يوم لازم اجيبك يعني .. كمل يابني

[sayed911]

يا كبير والله انا بايت برة البيت :] :] :]
وللأسف اللاب حتى مش معايا صحيت الصبح على بطارية عربية قريبتي نامت وبايت برة البيت والله يا اسامة وحالتي تصعب على الكافر هههههههه وعندي فرح بكرة عشان كدى بزبط حالي انتا عارف بقى الذي منه :d :d :d :d
بس ان شاء الله بكرة انا عندي كلية وفرح ها اجي من الفرح ان شاء الله ها تلاقيني حاطط الليلةكلها على طول :d :d :d
ها احط المواضيع بأثر رجعي :d :d :d :d
ومعلش سامحني يا اسامة بيه والله ما اقصد انتا عارف :d :d

[Mzeid]

ههههههههههههه

صلصة .. صلصة يا سيد ؟

:)