سقوط علامة بروتون الجزء الرابع (سلسلة مواقف كوميدية)

[sayed911]

طيب يا عم سيد مادام والد صاحبك شغال في جامعة البندقية
ما كنت تجبلنا بندقيتين كدة نحمي بيهم نفسنا بدل ما عمالين ندور على السلف دفينس و الالكتريك
و اهو كمان لما تطلع على اول طريق بنها لو طلع عليك قطاع طريق تعرف تتعامل

ولا ايه ؟ :)

والله يا فندم انا ماشي حاليا في البلد رافع الفانلة البيضا هههههههه يعني من قبل ما حتى يهجم انا مسلم نفسي هههههههه ياكش يولع بيها هههههه اجيب غيرها 2748 صحتي يا راجل بالدنيا :D :D وبعدين هوة هوا ها يروح فين ما هو ربنا فوق وها تتفرج علي ها يحصلوا بقا :D :D
سيبها على الله ولا سلاح ولا غيروا يا باشا الإجرام اليومين دول للأسف فقد احتراموا فين زمان الحرامي كان حرامي آه بس عندوا ضمير !!! ميسرقش غلبان ولا يضرب ست !!! يالله حتى سوق الإجرام اضرب !!!!

سيد انتا رهيييب و الله انا دحكت دحك محصلش قبل كدة

والله انا اللي بيجعني فعلا فعلا فعلا فعلا فعلا على الكتابة بجد والله العظيم هوة اني بلاقي حد فعلا بيبتسم بسببي بدال ما هو الواحد مش نافع في اي حاجة :D :D ويا فندم انا منتظر تعليق حضرتك بعد كل حلقة عشان تقولي ايه رأيك ان شاء الله

انا بعد ما قريت حكايه علامه البروتون
اكتشفت ان القصه المفروض اسمها يتغير ل(التصاق علامه البروتون)
(:

اوعدك ان شاء الله ها نجمع السادة الأعضاء يا فندم ونعمل حكومة انتقالية وندرس الوضع وتغير اسم الموسوعة :D :D :D
ههههههههههه دي جت بعد عذاب والله :D :D

عايز تتعلم ثقافة الفصال و التعامل مع الناس من سقارة و كنج ماريوط !! مش دى فسح الناس الزهقانة من الثقافات دى؟؟

والله انا بروح هناك لأن ليا اصدقاء ساكنين هناك عشان كده بتبقى فسحة كنوع ونزهة من نوع آخر + انا عاشق جدا لركوب الخيل بطريقة مجنونة عشان كده موجود هناك ليل ونهار :D ولن والله بحاول على قد ما اقدر اني اختلط باللي حواليا والحقيقة الشعب المصري والله شعب ودود جدا جدا جدا يصل الى درجة الحشرية :D :D

بص أنت تزود زيارات لعمك فى شبرا :: ولاد بلد جدعان جدا :::

هههههههههه والله مخصوص عشان الجملة دي مسيرك ان شاء الله تعرفي سيد ليه بطل يروح ناحية جمهورية شبرا المستقلة من اساوا :D :D

تنزل بولاق ، الكيت كات ، إمبابة ، وسط البلد ، فيصل ، العمرانية و غيرهم ... بس ما تنزلش لوحدك فى الأول على الأقل

هههههههههههههه من المناطق دي اللي صادفني حظي ورحتها كان فيصل و الوراق مثلا وعزبة القرود :D :D :D وكانت كلها صدف بحتة ولكن انا يوميا في باب النصر هنا عشان قريب مني عشان بحة بتاع الناصرية وزيزو ينفعوا دول للإختلاط بالثقافة المصرية ؟؟ والله كلهم ...... ومفيش ... من كده ولكن عشان الإنسن يعرف تفكير مجتمع لازم يعرفهم كلهم :D

::: بالنسبة للتاريخ بعد الكلام الحلو دا بإذن الله أعملك موضوع مخصوص لدروس التاريخ من أول الملك نارمر موحد القطرين :::

سؤال من اول محاضرة بقى :D :D :D هوة الكروتة من اولها ولا ايه !!!!!!!!! همة مش طول عمرهم بيقولول مينا هو موحد القطرين من مارمر ده بقااااااااااااااااااااا !!!!!! الله يخليكي همة معلومتين اللي عندي كلهم انهم خوفو وخفرع ومنقرع وكام اسم تاني كده فونبي انتي شايلة مسؤولية جيل بأكمله ههه التركيز ثم التركيز ثم التركيز ...

يبقى البس الوش الخشب و أرسم على وشك شوية قرف ههههههههههه

بيتجاب منين الوش ده ؟؟؟؟؟؟؟؟؟؟ + هوة من الشهامة اني اتعامل معاهم بتعالي لأنه ساعتها ها يطلعلي 38947 شاب بيدعوا اني قليل الأدب وبستقوا عليهم عشان بنات وي وي وي !!!! للأسف كل الأدلة ضدي في القضية دي يا فندم !!!!

و كلامك يكون فيه حزم و استخدم كلمات مهذبة من غير صوت عالى حتى لا تعطى الفرصة للجدال معك

انا من الشخصيات الرغاية جدا وبكل فخر بقولها ههههههه ولكن عيبي هة اني بتكلم بسرعة شديدة جدا جدا جدا (علام الملواني في مدرسة المشاغبين)وعن تصديق ناس كثيرة جدا عشان كده نص كلامي مش بيبقى مفهوم والنص التاني بيبقى يا اما مصطلحات مش عارف اجيبها صح بالعربي يا اما قولت كلمة مكان كلمة من التوهان :D

منتظرين الحلقة الجديدة ...................

وانا في انتظار تعليقات حضرتك على الحلقات اول بأول عشان بجد فكرة مبادلة النقاش والرأي والرأي الآخر فكرة جميلة جدا انا بستمتع بيها جدا ..

لا جيبه ولا بنطلون
عاش سيد ملك البروتون

وها هو
بدر عبد الرحيم النوسانــــــــــــــــــــــــــــــــــــــــــي
ابن الدائرة البار
.
.
.
وسقطت العباءةةةةةةةةةةةةةةةةةةةةةةةةةةةةةةةةةةةةةةة
صلاة النبي احســـــــــــــــــــــــــــــــــــــــــــــــ ــــــــــــــــــــــــــــــــــــــن
هههههههههههه حبيبي يا ابو دياب والله العظيم !!!!! مختفي فين يا كبير :D :D
+ (بيني وبين دياب محدش يقرأ) مش ها نعمل الإنقلاب اللي قولنا عليه ولا ايه :D :D :D توكل انتا على الله وها تلاقيني وراك من المجاهدين :D :D البواسل اللي زيك مكانهم في الصفوف الأمامية يا دياب بيه :D :D انتا كان نفسك في الفرصة دي من زمان اهي قدامك هههههههههههه تحياتي الشديدة جدا لك يا دياب فعلا من الناس اللي بستمتع جدا بردودها اللي بتبقى كوميدية بطريقة هستيرية ههههههه

عاش عاش عاش


سيد .. موضوع السواقة بقى

يا اسامة بيه انا تحت امر معاليك وفورا يا بيه :D :D :D انتا شكلك بقا عارف الجزء ده ههههههههههههه الإنكار مش ها ينفعك :D :D :D وحاضر يا فندم الجزء ده ها يخلص بكرة ان شاء الله تعالا وبعده اول حلة في حلقات تعلمي للقيادة ..ويا اسامة باشا عايز حضرتك كده فيه كل حلقة زي ما عودتني الإنتقادات بقا هههههههه عايز الرأي والرأي الآخر (بيني وبينك ها نزبط ها نقول ايه ) عشان نضيف شوية فرقعة اعلامية على الموضوع :D :D

الحمدلله عربيتي بلا علامات :d
بس الي بيقعد عليها بتزعله :

هوة فكرة عبيطة مني بس عاجباني جدا هوة احنا ينفع نكهرب العربية :D :D :D او مثلا انا بحس انه لناس لما تلاقي عربية مثلا بـ 500 الف جنيه بيتكسفوا يقعدوا عليها انما بقيت العربيات عادي كأنها مكتوب عليها (استراحة) ايه رأيك نبعت نجيب كلبين هاسكي ( انا عاشق لهذه الفصيلة ) وسيتسابوا على طول جوة العربية عشان يزبطوا اللي يفكر يقرب ناحيتها :D :D

مش ممكن ... انا جالي هيستريا ضحك

هههههههههههه طيب الحمد لله مهوة ده المطلوب انه الدحك ميقفش ابدا نفضل نهرج وساعة الجد نهزر بقا :D :D :D
محنا لسة قايمين بالثورة ولا هوة احنا ها نقطع نفسنا يعني :D :D :D

سيد هي العلامة دي فين نااااااااااااااو :d

و مستني انجازاتك و بطولاتك قي تعلم السواقة d:

هههههههههههههههه ايوا كده هههههههههههه انجازات وبطولات ههههههههه اوعدك انه السلسلة دي قريبا ستحل مكان مسلسل ونيس واولاده واحفاده وايامه قريب قوي ان شاء الله ولكن اصواتكم معي يا اخواني اصواتكم من اجل اخيكم المناضل هههههههمن عنا يا فندم وتت امر حضرتك ..

بص يا ابو السيييييييد

انا ممكن انغاضي عن الجيبة والبنطلون بتوع البنت

بس مش ممكن اتغاضي عن حلقة النهاردة

هيا فييييييييييييييييييييين

هههههههههههههههههههههههههه لقد اشعلنا لهيب الفتنة بين الجيبة والبنطال علهم يتعقلون ويتبعوننا ولكن لو يعلمون ان بأسنا بهم شديد ليعقلون .. هههههههههه الحلقة موجودة يا فندم ولو مش موجودة نوجدها يا فندم برضوا :D :D :D
بقولك ايه انا بفكر في فكرة حلوة قوي اليومين دول
لحلقة كل يوم بتنزل مثلا الساعة6 :D :D :D
اللي عايزالحلقة يسيب ايميلوا وها تكون عندوا الساعة 4 على الميل بالطريقة دي ها نعمل شبكة جماهيرية عريضة :D :D :D ولكن كل ما افكر في حد يطلع صاحبي :D :D :D :D شوفلي حل في الموضوع ده عايزين نلحق ندخل في نوبل للأداب بقا قبل ما تتوزع :D :D (طموح للغاية ) وتحت امر حضرتك ومتأسفين على التأخير :D
على فكرة كثرة تأخري الأيام جي دليل على اني شربت الطباع المصرية والمواعيد اصبح من المستحيل بالنسبالي اني احافظ عليها ربنا يستر :D :D

ايه يا جماعه هو فين سيد؟ هو حلقه النهارده مش نازله ولا ايه

سيد اهو يا فندم :D :D
حضرتك بس تقول مانجوووووووووووووووووووووووووووووو ها تلاقيني واقف قدام حضرتك في التو و الحال :D :D الحلقة نزلتها فعلا يا فندم ومعلش والله ها نعمل ايه بقا الدكتور عصان شرف مش عارف يعمل اي حاجة في الوزارة الجديدة من غير خبراتي ولكن كله يهون من اجل الشعب :D :D انا مستني رأي حضرتك بالذات في الحلقة الجديدة ومش ها ارضى بأقل من النقد :D :D :D ومنتظر رد حضرتك يا فندم :D :D :D
وبعد كده لو لقيتني اتأخرت يا فندم متندهش من اساسوا حضرتك اتبع اساليبك بقا :D :D :D اخوك الصغير يا فندم وبتنده عليه بقا :D :D مهو اصلوا الجيل ده ميجيش غير بـ .... كده بقا :D

الله ينور عليك يا ابو السييد
وفي انتظار الحلقه القادمه

علينا وعليك يا باشا :D :D :D
اصل الجملة دي انا بحب اقولها جداااااااااااااااااااااااااااااااااااااااااااااااا ااااااااا كل شوية اقول لحد الله ينور يقولي علينا وعليك اول مرة حد بقا يقولي انا الله ينور :D :D :D :D :D :D
وان شاء الله الحلقة القادمة لقريبة جدا احتمال انزلها بكرة بدري قبل ما اخرج عشان تكونوا قرأتوها واسمع ردودكم عليها :D

[زينة الله]

سؤال من اول محاضرة بقى :D :D :D هوة الكروتة من اولها ولا ايه !!!!!!!!! همة مش طول عمرهم بيقولول مينا هو موحد القطرين من مارمر ده بقااااااااااااااااااااا !!!!!! الله يخليكي همة معلومتين اللي عندي كلهم انهم خوفو وخفرع ومنقرع وكام اسم تاني كده فونبي انتي شايلة مسؤولية جيل بأكمله ههه التركيز ثم التركيز ثم التركيز ...

هههههههههه يا فندم الملك الذى وحد مصر له أكثر من أسم فهو يدعى " مينا .. نارمر .. نعرمر " أيام الرخص بقى هههههههه

+ هوة من الشهامة اني اتعامل معاهم بتعالي لأنه ساعتها ها يطلعلي 38947 شاب بيدعوا اني قليل الأدب وبستقوا عليهم عشان بنات وي وي وي !!!! للأسف كل الأدلة ضدي في القضية دي يا فندم !!!!

ههههههه شهم و أصيل و جينتل مان يا أخ سيد أرفع لك القبعة يا فندم و أحب أثرى ثقافتك المصرية بالموضوع التالى لنفس الموقف

http://www.nilemotors.net/Nile/160346-x.html

و قولى رأيك ؟؟

::: بتخاف من الكلاب زى حالاتى يبقى جهز عصاية طويلة معاك تهشهم بيها ... ممكن مسطرة الرسم حرف تى بتاعت الكلية هههههه

و الأحسن إنك تحاول تتشجع ... والا عايز تروح الجيش أزاى بس ههههههههههههه

أنت فكرتنى بواحدة صاحبتى مدرسة إعدادى كانت بتخاف من القطط و جالها التكليف على مدرسة فى منطقة شعبية

و فيها قطط ضخمة كدا ومقترسة تشبة النمر الصغير :::-) المهم فى يوم داخلة المدرسة و عند البوابة لقيت قطة متجهة نحوها تهش فيها

بالكتب بشنطة أيدها مفيش ... لحد ما حه عيل فى أولى إعدادى عندها فى الفصل وهش القطة بعيد عنها ... بس طلع ندل !!!!

كل ما تيجى تحاسبه على حاجة غلط يقولها حاجيبلك القطة ههههههههههه و قدام الطلبة فى الفصل كمان ههههه موقفها بقى وحش خالص

شكرا يا سيد و إلى الأمام ....

[saadelden]

هوة فكرة عبيطة مني بس عاجباني جدا هوة احنا ينفع نكهرب العربية :d :d :d او مثلا انا بحس انه لناس لما تلاقي عربية مثلا بـ 500 الف جنيه بيتكسفوا يقعدوا عليها انما بقيت العربيات عادي كأنها مكتوب عليها (استراحة) ايه رأيك نبعت نجيب كلبين هاسكي ( انا عاشق لهذه الفصيلة ) وسيتسابوا على طول جوة العربية عشان يزبطوا اللي يفكر يقرب ناحيتها :d :d

من الي انت حكيته مش هينفع معاك لا كلاب و لا كهربا ولا الجن الازرق حتى :d

عشان عربيتي الكبوت بتاعها مفرود ف بقى يستخدم استخدامات تانيه غير القعده عليه :d
ابقى راكن العربيه قدام الجامعه و تحت شجره و الحياه حلوه
اجي مروح الاقي كميه بني ادمين واقفين قدامها !!
ايه يا جدعان فيه ايه ؟؟ هي حلوه لدرجه انكو سايبين العربيات كلها و واقفين بتتفرجو علي جمالها p:

يطلع ف الاخر قاعدين بيلفو سجاير ف اقف استنى يخلصو
دول يخلصو الاقي مجموعه تانيه جايين يشتغلو :d و الامن طبعا واقفين و الحياه حلوه !!


و بعدين سيبك من اينشتاين انا اثبت فشله في كل النظريات و اهمها تقليل ساعات النوم عشان زياده الانتاجيه :p
مره عملتها و كان عندي امتحان كيميا عملي فضلت واقف متنح و الحمدلله كان عليه 10 درجات و خدتهم معرفش ازاي :d

[shaddadfalcon1]

انا لما بركن بنقي اعفن مكان
يكون في الشمس ويكون الأرض في مياه او طين كمان عشان مفيش واحد تهفه نفسه يروح يحب علي الكبوت

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــا

معلش اتأخرت عليكم النهاردة :d :d كان عندي اجتماع في الكلية :d :d قال ايه طالبني ارشح نفسي لقيادة اتحاد طلاب دفعتي هههههههههه مش ممكن انا سمعت الكلام ده وانفجرت من الضحك امام رئيس قسمي من كثرة الضحك فكرني بتريق عليه هههههههههه يا دكتور انا تقديري عامل حادثة وي وي وي ده فيه ناس لو عرفت اني ها ارشح نفسي في الإنتخابات احتمال تفجر اللجان !!!!! ازاي طيب !!! يقولي اصل يا ابني انا شايف انك تصلح ليها قولتلوا يا دكتور انا فاشل ومش عارف الاحق من غير شغط عايز تحملني مسؤولية يبقى ها تعملي جنبك هنا لأني ساعتها مش ها اعرف افصل ولا اوفق بين الإتنين يقولي دول مشاكل الطلاب انتا اولى بيها اقولوا صعب والله يقولي كفاية انه يبقى في الـ c.v بتاعك رئيس اتحاد طلاب الدفعة !!! اقولوا يا مولانا مينفعش لست انا ذلك الشخص هههههه وبعدين انا كل اللي اعرفهم من الدفعة نصابين و ........ يعني فين الشرفاء انتا عايزهم يخلعوني من اولها !!! يقولي عيب عليك احنى في ظهرك !!!! واكتشف انه قايل الكلام ده لكل المرشحين هههه انا قولت الراجل لا يعرفني ولا اعرفه يبقى متحمس قوي ليا ليه كده ههههههه بس اموت واعرف مين اللي رحشني ليه :d :d

روحت خارج من الكلية رايح على حمدي صاحبي حكيتلوا الموقف ... كان اول رد ليه ..

هات 50 جنيه !!

الله

ليه يا عم انتا

يقولي انتا داخل على انتخابات والموضوع ها يحتاج مصاريف !!

اقولوا الإنتخاب ها يبقى بالتصويت بالميل بتاع كل طالب في الجامعة اللي مقيد ليه يقولي متقلقش سيبني وانا ها اطلعك من الحملة ي بأغلبية !!!

ازاي يا فطن

راح قايلي على سر انا لو قلتوا يكفيني شرفا اني ها اعمل بقية الماجيستير في ابو زعبل :d :d

الباشمهندس المحترم احنا كل طالب ليه id وكمان رقم سري عشان تشوف بيه نتيجتك وتعدل في جداولك والكلام ده كلو .. والمعيد بيبقى معاه رقم سري خاص بيه بيدخل رقم الطالب ويدخل الرقم السري الخاص بالمعيد يقوم يفتح السجل بتاع الطالب ويكشف كل حاجة :d

الباش مهندس المحترم شاف مرة رئيس القسم وهوة بيتكتب الرقم السري الخاص بيه 12 حرف ممزوجين بأرقام (ومحدش يسأل لحق يحفظهم ازاي ) وده بقا مقولوكوش امكانيات اييه ههههه قالي ها ادخل على ايميلات الطلبة واحد واحد واديك صوتهم قولتله مهو ده يقى تزوير يا حمدي قالي محنى ها نتوب يا سيد يا عضو !!! يا حمدي انا ليس لدي اي جديد يؤهلني راح قايلي فاكر عادل امام في فلم مرجان احمد مرجان وهوة قاعد في مجلس الشعب :d :d

انا عايزك كده بالزبط !!!! واعتقد انتم فاهمين ...

وقالي سيبلي موضوع المرشحين قصادك دول انا ها ازبطك !!!

قول ها تعمل ايه يا حمدي عشان لو اتقبض علينا اعرف انكر الله يخليك

يقولي ها ادعبس في الملفات السوداء لمرشحيك على الفيس بوك وعلى التويتر وفي المناطق السكنية !!

انا

يبني دول طلبة في جامعة يقولي اي حد غلط غلطة اكيد سيبني ليهم

يبني الإنتخابات كده متبقاش نزيهة وفيه ضرب في الحزام

يرد ويقولي ياكش فاكر انهم ها يطلعوك عمرة :d :d دول ها يفتشوا في ملفاتك كلها وانتا بسم الله ما شاء الله شبه ما بعدها شبها

طيب انتا بتعمل كدى ليه يا حمدي (بتساعدني )

يا عم هوة انا اطول صايع زيك يمثلنا في مجلس الإتحاد وكمان يبقى رئيسه محنا اكيد ها ينوبنا من الحب جانب :d :d

هههههههههههههه مش بقولكم الموضوع مضمون وها نكسب ان شاء الله بـ 99.9% والـ 0.1 % عشان نضمن عدم التشكيك :d :d :d

هههههههههه وبصراحة الشيطان انا عارفوا بسم الله ما شاء الله ماسك في دماغي بيفكها حتة حتة ولكن انا ما زلت بفكر هل التوفيق بين الدراسة وبين امر زي ده ها يكون شئ سهل على اللي جربه قبل كده ؟ مع العلم انه اخوكم زي ما انتم عارفين الذاكرة ايـــــــــــــــــه مهلبية خالص بقا :d

وبصراحة مش خدوم عشان اكون صريح :d :d

قالك اقعد مع ناس يقولولي نفسنا وعايزين والكلام ده !!!!

و الواد رضا قالي انتا داخل داخل مش بكيفك عشان المعيدين يحترمونا شوية بقا (قصده عشان كلنا تقديراتنا عاهات والمعيدين بسم الله ما شاء الله بيحبوووووووونا قوي )ومش فاهم ايه وجهة نظروا في كده وعمال يقولي انا بجهز الشعارات بتاعت الحملة !!!

ولكن جديا وبصراحة وبيني وبينكم انا مش عارف اخاف من المسؤولية

يا جدعان انا مش بعرف اكون مسؤول عن نفسي حتى عشان اقولكم ها اكون مسؤول عن دفعة فيها رقااااااااااااااااااب ها يتصيدولي الخطأ :d

انا من الناس اللي خلقت لأعدم المسؤولية :d :d

وليه محدش يسألني انا بكره الجد جدا !! ولكن في نفس الوقت وقت الجد تلاقيني بس انا بصراحة الفكرة مش بالعها خالص ومش جية في بالي ولكن الفكرة اني عندي اسلوب حواري كويس (مفيد فوزي في خلف الأسوار )وانه عندي اسلوب في تقديم الأفكار (اكيد واضح لحضراتكم التوهان والتنقل الموضوعي السئ من موضوع لموضوع لمجرد انه جه في بالي !!!! )

مش عارف انا بصراحة ما زلت بفكر ولكن عشان اكون صريح لو نويت اخوض موقعة الإنتخابات فأنوي ان شاء الله ان تكون نزيهة بكل معنى الكلمة :d :d

مواجهات ومطالبات بـ مناظرات ولا مانع من انه حمدي يشوف شغله بالبحث في ملفات الآخرين :d :d :d

يمكن نلاقي حاجة تستاهل او تهم الرأي العام :d :d :d

انا قولت احكيلكم واخرجكم من الجو الكئيب اللي حاسس انه ناس كتير جدا بتعاني منه :d :d

وان شاء الله قبل صلاة الفجر ها يكون الجزء الثاني من الحلقة موجود ومعلش والله العظيم انا كنت ناوي وداخل على اني اكتب الجزء الثاني ولكن الرغاي نعلموا ازاي السكون مش ممكن :d :d

واهو الكلام اخدنا وحكينا حاجة حلوة تستاهل تسمعوها :d

[Mzeid]

ههههههههههههههه

طيب تصدق بقى هبلغ عنك إئتلاف شباب الثورة
و يعملوا مليونية في جمعة التطهير من أجل عزل سيد من منصبه

سيد .. سيد المتهم في قضايا العلاج على نفقة الاكاديمية
و لا سيد التهم بقضية امن الكلية بتحريض الطلبة انهم يجيبوا gpa أقل من 3
و كمان متهم بالتحريض على و دفع الطلاب لعمل مظاهرات

على فكرة فرغلي نخ و اللي بيقولي كدة واحد صاحبي كان هناك النهاردة بيقولي بيخلصوا اي حاجة و فرصة لأي حد عنده مشكلة ولا عايز يمشي حاجة يخلصها اليومين دول

طيب يسقط يسقط حسني مبارك

D: D:

[osama.m]

سيد بلاش باشا و حضرتك و الكلام دا انا مواليد 89 يابني .. يعني في الهوا سوا
مستني الجزء الجديد يا باشا و حضرتك اتأخرت علينا كدا يا فندم

[mhmdalsaadany]

فين حلقه النهارده يا ابو السييد ايدي بتاكلني زي المدمنين انا خلاص بقيت مدمن سيد

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــا

ها هو انا :D :D

انا عايز اقولكم اني اللي اخرني اني كنتبتفرج دلوقتي حالا على فلم رسالة من امرأة مجهولة بتاع الدكتور فريد الأطرش والسيدة لبنى عبد العزيز مش ممكن خطئ العمر يتمحي ببضع قطرات من الدماء كم السذاجة اللي في الفيلم مش طبيعية ولكن انا اول ما شوفت الفيلم بيبدأ ربطت نفسي في الكرسي واصريت على ان اتابعه مهما كانت العواقب ومش عايز اقولكم لو انا بيدي الأمر كنت اديت للفنانة لبنى عبدالعزيز جائزة عن الدور ده !!!!!!!!!!! الإخوة اللي شافوا الفيلم ياريت يدوني رأيهم في كلامي :D :D

واللي مشافوهوش كمان يدوا رأيهم احنا في عصر في قمة الديموقراطية يا جماعة (بجهز نفسي للحملة خلاص) الشعارات موجودة ولكن دعونا نعمل في صمت ودعوا الشعارات للأخرين فالإنجازات هي التي سوف تتحدث عني ....

ههههههههههه الواد رضا محفظني شوية كلام كده عشان الجو بتاع الحمل على الأعناق وكده :D :D

اوعدكم يا اهالي الدفعة الكرام ها ادلعكم والله العظيم !!!(امسك بس الكرسي وان عرفتوا تكلموني بحق :D )

المهم وصلنا للجزء الثاني عشان انا حاسس اني كنت قربت انضرب لأني عمال بماطل :D

على فكرة فيه فلم حلو عاملاه الجزيرة وثائقية عن ثورة 25 يناير يستحق المشاهدة (انا لم اشاهده )ولكنه يحظى بالمدح لأنه بصراحة بعد اللي شوفتوا من عبود الزمر في المحادثة اللي كانت بتتم النهاردة :D :D احب اوجهلوا رسالة احنا في 2011 سنة 1981 خلصت يا باشمهندس من زمان واعتقد لو فيه اي اقول تانية اعتقد حضراتكم ممكن تضيفوها لأنه انا لو قلت اللي عايز اقولوا انا اللي ها اعمل بلاغ بمشاركة مسيئة بنفسي من اللي ها يتكتب :D

المهم كفاية رغي من جانبي ملوش اي ثلاثة لازمة (توهااااااااااااااااااااااااااااااان)

فتحلي الحاج حسين الباب وهوة عيني مخاصمين بعض مش عارف ليه !!

انا:صباح الخير يا حج

هوة اومء برأسه قليلا بيرد التحية يعني

انا:ممكن بس يا حج عربية حضرتك راكنة صف تاني وقافلة عليا وانا عندي امتحان ولسة وانا في نص الكلام راح هازز دماغوا وسايبني وماشي قلت الله طيب ماهي سهلة اهي امال بيخوفونا منهم ليه

هههههههههه ما هو الراجل طيب وغلبان ومتكلمش اهو (وان كان اتكلم يعني كانت ها تفرق قال يعني هه)

المهم لقيتوا جي من جوة وماسك المفتاح وراح مديني المفتاح وبيقولي ابقى سيب المفتاح للبواب ..

وراح دب قافل الباب !!!!!!!!!!!!!!!!!!!!!!!!!!!!

يا سيد يا محترم

يا مولانا

يا باشا

ايه ده

افهم من كده انه تهديد هههههههههه

انا عايز اقولكم كل الشموخ والعزة دي قلت يالله هوة يا يروح من ربنا فين ولكن قعدت ابرر موقفوا انه انا في سن اولادو وعيب انه ينزل مخصوص عشاني ومفيهاش حاجة يعني انه اداني المفتاح مع اني مش سايس ولكن مقبولة برضوا الجيران لبعضيها ..

والحقيقة هوا حتى مدانيش فرصة اني اني اقولوا الريموت ده بيفتح ازاي اصلوا :D :D :D

العربية بتاعتوا عربية رينو ميجان بس I ولا II مش عارف صراحة ومع ان العربية دي مع احمد اخو سعد الا ان العربية دي عمري ما قبلتها ليه مش عارف وعمري ما بفهم فيها حاجة ولا بأتقبلها مع انها عملية لللغاية ومتميزة جدا ولكن مش عارف ريموتها كده تحس لوحدوا انو اللي عاملوا بيقولك في وشك صريح

(بدأنا التعقيد )

نزلت جري وانا عيني على الساعة !!!!!

لسة قدامي وقت عشان الحق ان شاء الله تعالا ..

وصلت لحد باب العربية واللي شاف الريموت اكيد عارفه واللي يا جماعة ياريت اللي عندوا الريموت يصوره ويحطه ويوريه للإخوة عشان يعرفوا انا بتكلم عن سبل التعجيز شكلها عامل ازاي !!!!!

3 زراير مش مكتوب عليهم اي حااااااااااااااااااااااااااااااجة !!!!

طيب وهوا انا حاوي ولا ها افضل اجرب !!!

فللأسف اطريت اتبع اسلوب Try and error

لحد ما فتحت العربية

وركبت .....

الله !!!!!!!!!!!!!!!!!!!!!!!!!!!

جميل قوي

عربية عمري ما ركبتها وانا عندي امتحان ومشغول جدا ومش قادر اجمع تفكيري عشان اركز !!!!

انا فاكرها زي الانسر اللي عندنا فكرة السمارت كي بالزبط تركب وتدور !!!

ابص مكان المفتاح مفيش حاجة !!!

فضلت ادور في التابلوه لحد ما لقيت زرار START

عرفت انه هوا المطلوب ساعتها !!!!!

ادوس عليه !!

مفيش

ادوس كمان مرة برضوا مفيش

يادي النيلة

يعني اعرف احمد اخو سعد من 3 سنوات وعمري في حياتي ما ركزت معاه هوا بيدور ازاي ما بيدوؤها زي ما بيدورها ايه التوهان ده يا ربي !!!!!!!!!

لحد ما لقيت الـ slot اللي بيتحط فيها المفتاح !!!!!!!

رحت حاطط المفتاح !!!

طيب بلاش فذلكة بقى الكابتن اللي عمل الفكرة العبقرية دي مش يحط مكان المفتاح في حتة سهلة الوصول في الكونسولتو يعني جنب فتحات التكيف او زي العربيات الفرنسية عامة شمال الدركسيون انما انا حاسس انه ركب كل حاجة ونسي مكان المفتاح قالك اما احطوا تحت كده !!!!!!

ما علينا

ادوس على الزرار !!!!!

مفيش L

الله دي مؤامرة بقى !!!!

الشعب متآمر ضدي اني مروحش الإمتحان !!!!!!!!!!!!

يا جدعان بتدور ازاي الطيارة دي !!!!!!!!!!!!!!!!!!!! يعني ركبت من اول الـ mercurey – cadi – bmw

وعربيات اوروبا كلها الشئ ده معداش عليا قبل كده !!!!!!!!!!!!!!!!!!

لحد ما بيعين لمحت في التابلوه كلمة اضغط على المكابح ....

يعني انا كنت تقريبا شبه لاغي التابلوه من دماغي لأني حسيت انه الشئ اللي صنع الشئ ده تعمد انه يشتت ذهن السواق اللي هوا جو اجننك ازاي !!!!!! مع اني على فكرة حبيت العربية دي جدا فيما بعد وها اقولكوا ليه ..

المهم دوست على الفرامل وروحت مدور

اشهد الا اله الا الله واشهد ان محمدا رسول الله

يا ما انتا كريم يا رب

طلعت قماش

حطيت الـ D وبكبس بنزين ...

العربية مش بتتحرك !!!!!!!!!!!!!!!!!!!!!!!!!!!!!!!!!!!!!!!!!!!(في اللحظة دي انا حسيت انه كل دي اشارات ليا عشان اطلع اكمل نومي واستعوض ربنا في المادة دي !!!!) لكن اصرار الإنسان بيوديه في داهية دائما ..

لقيت لمبة الـ ! منورة يبقى الهاند مرفوع صحيح يبقى انا ناسيه مرفوع !!!!!

طيب ادور على شكل الهاند بتاعنا (على فكرة انا حسيت في اللحظة دي اني ومن غير تريقة تعليم قبل الإبتدائي !!! الله يكسفك يا بعيد امال عاملي لغات وبتفهم وي وي وي وبتدور زي الـ ..... اللي احنا عارفين انا اقصد مين هنا :D على شكل الهاند !!!!!) بس اهي ظروف بقى !!

ادور قولت اكيد مخبينوا في حتة بجملة بقا الألغاز اللي موجودة حتى الآن !!!!

قولت يمكن على شكل زرار نفس فكرة الباسات !!!

مفيش بس لقيت حاجة كده شبه مسند اليد انا شايف الزرار فيها قولت يمكن لتعديل ارتفاع المسند !!! يعني انا اغرب هاند كنت شايفوا هوا هاند شيفروليه لومينا SS واللي عارف العربية دي اكيد عارف شكل الهاند بتاعها عامل ازاي :D

انما ده جديد !!!!!!!

بجربوا لقيت فعلا العربية بتتحرك !!!!!!

يا فرج الله !!!!

!!!!!!!!!!!!!!!!!

اتحركت حبة حلوين لقدام !!!!!!

ورحت رافع الهاند وحطيت الـ P وطفيت العربية ورحت وربنا سايبها مفتوحة كمان هوا لسة الواحد فيه دماغ يقعد يجرب مين بيقفل ومين بيفتح !!!!!

رحت سايب المفتاح للبواب وجري على سعاد

رحت مدور العربية وقولت ايه بص بقى فكك من جو العربية بتليين والهلس ده هيا عاملة بتاع 700 كيلو حلوين عليها قوي انا عايز اشوف فريق ماكلارين كلو على الطريق دلوقتي عايز الأسفلت يشتكي !!!!!

وايه بقا عاااااااااااااااااااااااااان عااااااااااااااااااااااااااااااااااااااااااااااااا اااااااااااااااااااااان

تقولش الواد يعني ها يفتح النوس والتيربو ومش ها نشوفوا بقا !!!!! وعيني بتبص على العربية لقيت علامة البنزين المشهورة للغاية منورة :D :D

انا قولت النهاردة مش يومي يا جماعة :D

ابقى امون بعد الإمتحان واللي فيها ان شاء الله ها يوصلني ...

طيرااااااااااااااااااااااااااااااااااااااااااااااا ااااااااان بقا في صلاح سالم

يا عيني العربية مكنتش بتنقل الأر بي ام طول المشوار مقلش عن 4 آلف دورة في الدقيقة

مش بقولكوا بقى من ورا مكنش مكتوب SAGA كان مكتوب كلمة F16

اكيد حضراتكم عارفين صلاح سالم الساعة 8 بالزبط بيبقى عامل ازاي !!!!!!!!!!!

وتقريبا والله اعلم انا مش متأكد ذاكرتي خانتي في الموضوع ده كان فيه تشريفة ولا مكنش فيه تشريفة !!!

المهم في المجمل عشان اختصر عليكم !!!!

وصلت الكلية بالزبط الساعة 8.30 !!!!!!!!!!!!!!!!!!!!!!!!!! اللي هوا المعاد اللي بتبدأ فيه المحاضرة !!! قولت يا واد اللي حصل حصل انتا مكنش مكتوبلك تحضر الإمتحان النهاردة !!!!! خليها في يوم تاني ..

قولت يا عم الراجل اللي جوة ده شراني وناسيني اصلا ولو افتكرني النهاردة ها يدلعني احلى دلع خليها خيرها في غيرها !!!!!

روح يا واد حط بنزين !!! وبعدين دور على ركنة حلوة واستنى اللي ها يطلعوا من الإمتحان يقولولك اخبار الخلطات ايه ... العربية طبعا انا متوقع انها ها تشوحر يعني :D :D

رحت بنزينة موبيل اللي على الأتوتستراد قبل كبري الـ كيلو 4.5 احط بنزين ..

ودخلت البنزينة ....

وبصراحة مش فاكر انا قولت للراجل بكام (ولكن اكيد حضراتكم متوقعين طالب جامعي :D يوم لما يهز طولوا ها يحط بكام !!!!! ) اللي عاجبني على فكرة في المواضيع دي اني بتكلم معاكم بصراحة بدون تكلف او رسومات ولا انا مين ولا غيروا مني ليكم على طول !!!

المهم انا متوقع العرية عندي البنزين 6 شرطات !!! وانا فاكر اني كنت بحط بحوالي 4 شرطات !!!! يعني امون والمسدس يحط حوالي 4 شرطات كاملة !!!!!

المهم حطيت بنزين وحاسبت الراجل !!!!!!

وحطيت المفتاح في الكونتاكت !!!!!

لقيت التالي !!!!!!!!!!

يا نهار اسود

!!!!!!!!!!!!!!!!!!!!!!!!!!!!!!!!!!!!!!!!!!!!!!!

سعاااااااااااااااااااااااااااااااااااااااااااااااا اااااااااااااااااااااااااااااااااااااااد

مالك يا حبيبتي

مالك يا ماما !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

ها احكيلكوا بقا ايه اللي حصل الحلقة القادمة ان شاء الله تعالا عشان مطولش عليكم .. :D

ومنتظر ردودكم في موضوع الفلم :D

[رزق]

يا حاج سيد ماينفعش كده واللهِ
واللهِ ماينفع

الواحد يقعد يقرأ ويدخل في المود ويلاقي الكلام خلص

المرة الجاية مش أقل من 25 ألف كلمة لو سمحت

[nabaster]

سيد انتا فعلا تحفه

علي فكره انتا بقيت اشهر مني في اامنطقه هنا وبين اصاحبي

انا من اسيوط علي فكره

وكنت موقوف

بس بقرا الموصوع وانا داخل جيست

بس جمعت حلقاتك كلها في فايلات متقسمه لاجزاء

واصاحبي قروها

ومقولكش علي كم الهجوم علشان يعرفوا مين الشخصيه الي كتبت الكلام ده

وكل واحد بيحكي ايه الي حصل معاه وهوا بيقرا من الكمبيوتر او الاب وبيضحك زي المجنون كده

ولحد فيهم ابوه صحي علي صوته حلف عليه يمين يبات علي سلم عمراتهم زي ما هوا

في عز البرد و كان مش لابس حاجه في رجله حتي :)

دلوقت لما يشوفوني قبل ما يسلموا عليا بيقولولي في حلقات جديده ولالا :)

A.Yakout

[sayed911]

هههههههههه يا فندم الملك الذى وحد مصر له أكثر من أسم فهو يدعى " مينا .. نارمر .. نعرمر " أيام الرخص بقى هههههههه

اوبااااااااااااااااااااااااااااااااااااااااااااااا اااااااا اهي الدروس الخصوصية بتبتدي بالكروتة دي ندي نص المعلومة للطالب ونسيبه يغرق في الباقي ... مش اسلوووووووووووووووووووووووووووووب انا ضد الدروس الخصوصية التعليم مسؤولية :D :D :D
من بعد 25 كلنا قررنا محدش ها يسكت !!!!!!!!!!!!!!!!!!!!!!!! انا عندي الإثباتات الإمتحانات اللي كانت بتتعملي خارج مستوى الطالب العادي هههههههههههه ها ها انجح ولا اقدم م1كرة للشئون القانونية ان الملك شعبان عبد الرحيم هوا اللي وحد القطرين :D :D
ومحدش في الأيام اللي احنا فيها ديها ها يقولي انتا بتعمل ايه :D :D

و قولى رأيك ؟؟

رأيي بصراحة وبدون كذب بصراحة انا كنت ها ابلم شوية الأول !! (انا من الناس اللي رد فعلها بطئ للغاية عشان بفكر في كل الإحتمالات والردود بتاعت اللي قدامي نوع من انواع الشطرنج) ممكن تبقى ناظرو ثاقبة كده وصدقيني بيبان على البني آدم ولكن صدقيني انا من وجهة نظري ان كانت فعلا البنت دي محتاجة فعلا حد يوصلها او فعلا في مأزق كانت ها تبان لوعة كسر الذات يعني الزميل بيقول دي بتتكلم ببرود يعني بالنسبة لها الموضوع عادي ولكن لو بنت مثلا اخلاقها عالية صدقيني كانت ممكن تطلب طلب زي ده وهيا بتعيط مثلا !!!! لأني شفت بنت مرة في طريق الساحل كانت متخانقة مع خطيبها واصرت عليه انه ينزلها دلوقتي حالا (مش فاهم ليه تصر وبعدين ترجع تعيط زي بالضبط الثقافة المصرية اللي تفضل تقول طلقني طلقني واول ما يطلقها تقعد تعيط !!! الله مش انتي اللي طلبتي !!!!!!!!!! ) كانت البنت داخلة القرية وشكلها باين الخضة من الموقف اللي هيا فيه !!! صدقيني الإنسان مواقف !! وان لم تسمح لك المواقف بمعرفة معدن الشخص بإفترض حسن النية الا ان يثبت العكس !!!!! وبصراحة لو انا كنت ها اعتمد كثير جدا على الـ body language يعني توترها تشتيت انتباهها هذه الحركات بتبين الإنسان كويس جدا !!!! لو شايف انها فعلا محتاجة حد يوصلها والمنطقة مأهوووووووووووولة !! وفي طريقي اذا فما المانع !!!! لأني مش ها اخد خطر زي ما الإخوة الزملاء قالو لو المنطقة مثلا مش مأهولة ولا فيها مشاكل مثلا !!! وها يبقى فيه حدود طبعا لا احاديث جانبية لأنه اي انسان بجد معرض انه يوضع في موقف انه يسأل انسان غريب خدمة !!!!! وحصلت مع ناس كتير انا متأكد ينزل وينسى فلوسه !!! تخيلي يبقى باشا وبيه وواقف بيطلب فلوس من حد عشان يعرف يروح والناس تفتكره نصاب !!! انا ضد الأحكام السريعة شكلا ومضمونا !!! العقلانية دائما ما تفوز ... ولو مش عايز اوصلها بكل ذوق وبكل ادب حتى لو انا رايق المقطم ها اضطر اكذب (مع اني ضد الكذب نهائيا حتى ولو كان للخروج من مأزق لو لأي سبب من الأسباب فهو هزة للكيان ) والله مش طريقي عشان برضوا اكون لبق لأنه كسر نفس الإنسان شئ لا يمكن ان يصفه احد يعني ببساطة اهي مش طريقي وابتسامة صغيرة ولا مانع من اعتذار انه كان نفسي اخدم ولكن صعب والله وخلصت :D الدبلوماسية تحل كل الظروف :D

::: بتخاف من الكلاب زى حالاتى يبقى جهز عصاية طويلة معاك تهشهم بيها ... ممكن مسطرة الرسم حرف تى بتاعت الكلية هههههه

هههههههههه انا عايز اقول لحضرتك انا محاط بأسرة غريبة :D
انا احمدا خويا في ثانوية عامة السنادي وبيشتغل برة في الأجازات منزه كلاب :D من كثرة حبه ليهم :D وعنده حوالي كلبين هاسكي !!!!!!!!!!!!! سبحان الله لا بيتقبلوني ولا انا بتقبلهم : D :D ووالدي كذلك كنا في فترة تنقلنا في البلاد الإسكندنافية كانت لديه هذه الهواية اللي الحقيقة انا مش بحبها او مش شايف فيها متعة بالنسبالي :D
انا مش بخاف من الكلاب ولكن انا لو شفته ماشي في الشارع ممكن اغير اتجاهي لمجرد انه كلاب الشارع انا مش بآمن ليها ....

كل ما تيجى تحاسبه على حاجة غلط يقولها حاجيبلك القطة ههههههههههه و قدام الطلبة فى الفصل كمان ههههه موقفها بقى وحش خالص

الشياطين الصغار دول ببساطة هيا تعمل معاه واجب بقا ههههههههههه ماشي يا حبيبي هاتلي القطة معاك بقا السنة الجية انتا قاعد معايا :D :D
انا بحب جدا الأستاذ اللي بيستعمل اسلوب الدرجات في التهديد بحس انه بيلم الـ ..... او عيل زي ده يتهد على طول لو اتهدد بالدرجات ولو انه شكلوا بيقول العينة دي من العينة اللي مش بتفرق معاها الدرجات :D :D :D

منتظر رأي حضرتك في الفلم والخلاصة بتاعتوا ايه رأيك فيه ؟

من الي انت حكيته مش هينفع معاك لا كلاب و لا كهربا ولا الجن الازرق حتى :d

عشان عربيتي الكبوت بتاعها مفرود ف بقى يستخدم استخدامات تانيه غير القعده عليه :d
ابقى راكن العربيه قدام الجامعه و تحت شجره و الحياه حلوه
اجي مروح الاقي كميه بني ادمين واقفين قدامها !!
ايه يا جدعان فيه ايه ؟؟ هي حلوه لدرجه انكو سايبين العربيات كلها و واقفين بتتفرجو علي جمالها p:

يطلع ف الاخر قاعدين بيلفو سجاير ف اقف استنى يخلصو
دول يخلصو الاقي مجموعه تانيه جايين يشتغلو :d و الامن طبعا واقفين و الحياه حلوه !!


و بعدين سيبك من اينشتاين انا اثبت فشله في كل النظريات و اهمها تقليل ساعات النوم عشان زياده الانتاجيه :p
مره عملتها و كان عندي امتحان كيميا عملي فضلت واقف متنح و الحمدلله كان عليه 10 درجات و خدتهم معرفش ازاي :

هههههههههههههههههههههه انا مش جبان قوي ههههههه يعني انا ما يزال عندي شوية شجاعة بطلعهم على الغلابة ههههههه ربنا ما يوريك بقا :D :D
اه الـ 131 والـ 128 من وجهة نظري بصراحة افضل عربية للجلوس وتحس كأنهم مغناطيس للشباب اللي في الشارع يمكن عشان الكبوت مستوي مفيش فيه ميلان للأمام بيساعد على القعدة المريحة تماما :D :D
انما عندي فكرة جربها كده :D
متسيب العربية مثلا اسبوع من غير ما تلمعها ولا تغسلها :D ها تروقلهم البنطلونات للبهوات ههههه(افكار شيطانية ) او مثلا ايه رأيك في علكة مثلا ها تخليه يحرم برضوا :D او بما انهم من الشباب الضريبة بقا يبقى حضرتك تحط بدلة الزابط زي ما مصر كلها قالبة العربية دولاب والبلد كلها داخلية مرة واحدة هههههه يمكن يحترموا نفسهم شوية :D :D
ولكن ده امر مستبعد :D
طيب ما تجرب تبلغ عنهم ؟؟؟
منتظر الرد
وها اشوفلك حل في الموضوع ده وانا متأكد من قدراتي اني ها اخلي محدش يقرب من عربيتك تاني بس سيبلي المريض انتا وملكش دعوة بقى ههههه
منتظر رأيك في الفيلم ولو حتى مشوفتوش برضوا تقول هوا كده :D

انا لما بركن بنقي اعفن مكان
يكون في الشمس ويكون الأرض في مياه او طين كمان عشان مفيش واحد تهفه نفسه يروح يحب علي الكبوت

هههههههههههههه ده حل سلبي جدا من وجهة نظري طيب سؤال بقى لما بتركن في مياه بتنزل ازاي وبتركب ازاي من غير ما تبهدل العربية ؟ مهو يقعدوا على العربية ارحم من انك تبهدل العربية مياه وطينة والجو ده حرام يعني :D :D
بص هوا انا بالنسبالي حد يقعد على شنطة العربية ماشي الشنطة مش بتتطبق انما الكبوت لأ !!! الكبوت لما بيتطبق بيبقى شكله .... !! والمصيبة اني بركن دائما بضهري يعني الكبوت هوا اللي بيتقعد عليه :D :D :D
متيجي حضرتك نعمل الحملة القومية لمنع الجلوس على العربية ؟؟؟ :D :D :D
اهي فكرة لسة جية في دماغي طازةةةةةةةةةةة مبادرة من الشباب للحفاظ على عربيات الناس :D :D
منتظر رأي حضرتك في المبادرة وفي الفيلم كمان :D :D

ههههههههههههههه

طيب تصدق بقى هبلغ عنك إئتلاف شباب الثورة
و يعملوا مليونية في جمعة التطهير من أجل عزل سيد من منصبه

سيد .. سيد المتهم في قضايا العلاج على نفقة الاكاديمية
و لا سيد التهم بقضية امن الكلية بتحريض الطلبة انهم يجيبوا gpa أقل من 3
و كمان متهم بالتحريض على و دفع الطلاب لعمل مظاهرات

على فكرة فرغلي نخ و اللي بيقولي كدة واحد صاحبي كان هناك النهاردة بيقولي بيخلصوا اي حاجة و فرصة لأي حد عنده مشكلة ولا عايز يمشي حاجة يخلصها اليومين دول

طيب يسقط يسقط حسني مبارك

D: D:

والله يا محمد لو كنت جيت معايا فرع القاهرة النهاردة كنت شفت العجب الكلية تغيرت تماما !!! تقولش داخل الجامعة الأمريكية .. كراسي ايه وقعدات ايه وكنب اييييييييييييييييييييييييييييييييه
جلــــــــــــــــــــــــــــــد فاخر .. ههههههههه احنا كان لينا طلبات اننا نلاقي حتى نقعد فيها انما مش قوي كده هههههههههه يعني لما قولنا ابسطها يا باسط ربنا كريم قوي الحقيقة هههه كنبة مش عندي انا في البيت هههههه انما انا خايف من اصحاب الولاعات عليها الحقيقة يشكروا بيقوموا مع الحاجة دائما بالواجب ..هههههه حضرتك كمان ترم عاشر الـ GPA بتاعك كام ههههههههههه متقلقش ها ازبطك بس انا امسك بس وها ادلع الدفعات كلها ... اصلي واخد على نفسي عهدة لو معدلي التراكمي وصل لـ 3 ها اعمل فرح واتجوز واقعد في البيت واحتمل كمان اطلب اثبات رسمي من الكلية بالكلام ده هههههههههه

سيد بلاش باشا و حضرتك و الكلام دا انا مواليد 89 يابني .. يعني في الهوا سوا
مستني الجزء الجديد يا باشا و حضرتك اتأخرت علينا كدا يا فندم

ههههههههه ماشي يا اسامة "نشيل الألقاب " وبعدين يا اسامة منا قولتلك الحل يا كبير بعد كده لما اتأخر تاني متندهش على طول خد تصرف تاني على طوووووووووووووول اخوك الصغير بقى وبتعلمه احترام المواعيد :D :D :D
بس اتوصى بقى ونبي واخد بالك ههههههه يعني على قد ما ربنا يقدرك من زعيق زعق :D :D الواحد معندوش اخ كبير وعايز يجرب الإحساس ده ههههههههههه متأسف مرة تانية على التأخير يا اسامة ولكن والله ظروف الكلية اللي انا داخلها بكرة انا بكتب الموضوع اهو الساعة 5 عشان مش جيلي نوم والله وقاعد قولت ها انظم ساعتي البيولوجية تاني بقى ولكن ان شاء الله كل يوم ها تلاقي الحلقة في نفس المعاد القديم ولكن هيا الأيام دي متشقلبة معايا بس للأسف
ومنتظر رأيك في الفيلم يا اسامة :D ولو انا عارف احنا جيل واحد واكيد نفس التفكير بس انا متوقع يكون ليك رد تاني :D

فين حلقه النهارده يا ابو السييد ايدي بتاكلني زي المدمنين انا خلاص بقيت مدمن سيد

يا فندم الحلقة متأخرتش هههههههههههههههههه حضرتك كاتب الرد الساعة 12:58 وانا حطيت الحلقة الساعة 4:18 يعني كلها فرق دقائق معدودة اللي هوا السيرفر كان بيحمل الرد بس ههههههههههه ومتأيف والله فعلا انا عارف اني قصرت ولكن ان شاء الله ها تلاقي انتظام كامل بعد كده في المواعيد تمامااااااااااااا ولو لقيت تأخير اتصرف معايا حضرتك بقا ههههه وبالنسبة للإدمان لا قدر الله اهي فكرة حلوة برضه هههههههههه كشفت المخطط ليه انا كنت ناوي اخلي المنتدى كله يقرأ الموسوعة وبعدين هب اروح لامم الموسوعة من السوق عشان احزم احسان عبد القدوس وطه حسين واحتكره انا الشعب ها يبقى مدمن ابيع شوية الكلام دول اللي بفرغ فيهم وقتي وطاقتي وبأستمتع بيهم جدا معاكم بـ 100 جنيه :D :D خلي الواحد يقلب عيشه اهو لو منفعناش في التعليم يبقى عندنا سكة تانية شريفة ههههههههههههه متشكر جدا جدا جدا جدا جدا لإهتمام حضرتك وان شاء الله ها اكون عند حسن ظن حضرتك ...
ومنتظر رأيك في الفيلم ان شاء الله ..

يا حاج سيد ماينفعش كده واللهِ
واللهِ ماينفع

الواحد يقعد يقرأ ويدخل في المود ويلاقي الكلام خلص

المرة الجاية مش أقل من 25 ألف كلمة لو سمحت

هههههههه ايه بس اللي ها يقل نفعوا يا معالي البيه ... مش انا قولت انه ها يبقى مسلسل هندي عبارة عن 4837 حلقة هههه وعلى رأي عادل امام اثارة ومتعةوتشويــــــــــــق :D لابد من خلقالجو المناسب للقارء انه يشتمني في سره عشان الحلقة قفلت مرة واحدة ههههههههه ومن عنيا يا فندم طلبات حضرتك اوامر ولكن اصلي انا حاطط لنفسي اني بكتر على الوورد فبكتب يوميا 5 صفحات كاملين وحددهم كده :D عشان مأزودش وتزهقوا من طول الموضوع وانا عايز اقول لحضرتك انك نشنت بجد الموسوعة الجزء الأول والثاني فقط عبارة عن 25 الف كلمة ههههههه يعني جايب الرقم اييييييييييييه ازاي مش عارف انا ها اعمل سكان حالا على الجهاز ...
تحياتي لك يا فندم ومرورك يشرفني ولكن برضوا مقولتش رأيك ايه في اللي حصل في الفيلم :D :D

[No Comment]

روح يا سيد ..... وتعالى تانى بسرعة .
بس اوعى تروح بنها تانى .
فعلاً انت اثبت ان المصرى هيفضل مصرى ... حتى لو النيل مش رواه ... خفة الدم هتفضل جواه .
الله ينــــــــور عليك .
وانا برشحك تعمل يوميات ... وسيبنى اسميهالك انا احسن أسم لكل موضوع مستقل .
ويبقى الأسم العام للموسوعة :
يوميات سيد خطاب ... قبل ما تنزل فى كتاب .
أيه رايك ...؟

أخوك الكُبـنن نوكمنت .

[ahmed4000]

ايه ده انا مش قادر ابطل ضحك وعايزينك تدعو صاحبك احمد للمنتدى ده قصة لوحده

متنزلنا الاجزاء الاولانية تانى ارجوك

[tiger451]

موضوع جميل تسلم ايدك