إعـــــــلان

Collapse

.

,
See more
See less

سقوط علامة بروتون الجزء الرابع (سلسلة مواقف كوميدية)

Collapse
X
 
  • Filter
  • الوقت
  • Show
Clear All
new posts









  • بسم الله الرحمن الرحيم !!

    النهاردة ها انزل الحلقة يوم سبت على غير عادة وده جي نتيجة للفراغ الإحتماعي اللي الكائن الحي (اللي هوة انا ) بيشعر بيه في اوقات اليوم المتلغبط !! وده جي نتيجة لشقلبة ساعتي البيولوجية واللي نتج عن انه الموبايل بيصحيني بمزاجه مصيحين النهاردة الساعة 6 وانا فاكرها 8 نزلت ورحت الكلية لقيت الكلية لسة قافلة اللهم صلي على النبي مين اللي فهم الموبايل اننا في كوديفوار !!! مش عارف انا !! ابقى صاحي عامل زي بايعين اللبن مش فاهم !! رجعت من الكلية قولت ناملك ساعتين !! واصحى على 4 صحيت على الساعة 6 !! الاقي الموبايل كاتبلي التايم زون في سهول البنجاب !!

    يعني نفسي افهم هوة الموبايل ده عامل تعاقد مع مصر للطيران !!

    ولذلك انا قررت قرار نهائي !! اني ابتعد عن كافة وسائل التكنولوجيا واعتمد على نفسي اعتماد كلي في حياتي زي ما اجددنا ما كانوا بيعملوا فيها ايه يعني لما نقف نعمل النيسكافيه بنفسنا ايه البويلر ولا الكوفي ميكر يعني !! لما نشرب من الحنفية وفاكس الكولدير !! ده رفع القزازة لوحدها ها يجبلي الديسك وانا لسة عندي 21 سنة !!

    فأنا قررت اقاطع التكنولوجيا !! بكافة اشكلها !! مفيش كهرباء !!

    ها اعيش ضوء الشمس نهارا واتعشى واتخمد ليلا !!

    المهم قررت ابليكم (بعد الشر ) بقصة دبت في دماغي من حوالي 6 –7 سنين مش متذكر امتى بالضبط ولكن انا فاكرها ..

    القصة قد كانت كالتالي

    انا واحمد كنا لسة مخلصين امتحانات

    احمد ده اخويا الصغير ولكن مش بأجي على ذكره كثير بحكم انه عايش برة مصر عشان كده مليش احتكاك قوي معاه ودماغنا غير بعض احنا الإتنين يعني احنا اخوات اه على وفاق جدا اه ولكن ماشيين بمبدأ صباح الجوافة ومساء العنب ( اعتذر عن اللفظ ولكن وجدت انه يصف الموقف )

    على فكرة صحيح انا افتكرت ( يادي النيلة القفزز من موضوع لموضوع تاني جه اه )

    المسدس بتاع المسامير انا كت جايبه معايا من برة بصراحة مش من مصر هيا كانت عبارة عن باكج كان بحوالي 150 يورو على ما اذكر فيها الوريك والمسدس وكشاف وبطانية حريق وشوية حاجات كده على ما اوسم بس فعلا انا بستعملها كلها دائما ..

    نرجع تاني لموضوعنا

    كنت انا لسة مخلص امتحانات في الثانوية العامة ولكن مش فاكر كانت سنة اولى ولا تانية ولا ثالثة واحمد كان في اعدادية !!

    المهم ..

    واحنا قاعدين في البيت نزلت انا واحمد نروح النادي

    واحنا في النادي لقينا والدنا بيكلمنا !!

    انا : الو

    الحج : ايوا يا جحــــ..... منك له !! روحوا البيت دلوقتي وجهزوا شنطكم انا قررت اننا ننزل مصر في خلال 48 ساعة ان شاء الله

    انا : ايه الجو الرخيص ده مصر ايه يا حج !!

    ( اصل احنا كان نزولنا لمصر ده غير منتظم بالمرة يعني مرة كل 3 او 4 سنين وكانت بالنسبة ليا انا واحمد جحيم !! ايه البلد الفكسانة دي !!! على فكرة الموضوع ده اتغير كليا وجزئيا لما جيت وعشت هنا !! وعايز اقولكم احمد ما زال مقتنع بوجهة نظروا انه معنى انه يخلص دراسة ويجي يكمل حياته في مصر امر مرفوض مش عارف ليه الفكر ده عنده مع انه والدي ماليلنا البيت بأعلام مصر وخطابات مصر ولك حاجة عن مصر وراجل وطني حاول يبني جوانا حس الوطنية بشتى الطرق !! الحقيقة ربنا كرمه طلعله واحد ( انا ) مش فارقة معاه سيناء من سونيا والتاني لو سألته مصر فيها كام محافظة مش ها يعرف !!! سيبوها على الله )

    المهم انا مقتنع انه الفكر ده ها يتيغير عنده بمجرد ما يصدطم بالحياة المصرية وحاجة من اتنين يا يتأقلم معاها زي حالاتي يا اما فيه سيناريو تاني مش عايز اسرده !!

    المهم

    كان بالنسبة لنا انه والدنا ياخدنا ينزل بينا على مصر دي قمة في العذاب !!!! قمة في التخلف الفكري !!

    وكانت كمان والدي مصمم انه احنا الثلاثة فقط لازم نقضي وقت اكتر مع بعض بحكم انه احمد في مدرسة داخلية وانا في ثانوية ووالدي مشغول دائما !! فكان مقتنع انه السفرية دي لينا احنا الثلاثة وبس وسيبنا والدتي !!

    وفضلت اهون على احمد المهمة واقنعه واقوله والله ها ننبسط والله ها يبقوا 3 شهور في الجنة ..

    المهم كنا في يوم سبت ووالدي قال انه حجر في يوم اربعاء !!!

    كنا بنقلب في التلفزيون !!

    واحمد لقا ساعتها قناة الجزيرة م فاكر كانت الوثائقية ولا كانت ناشونال جيوجرافيك المهم واحدة من الإتنين !!

    وكانت عاملة برنامج ولحد النهاردة البرنامج ده موجود بس على جيوجرافيك بس بتاع اشهر حوادث الطيران في القرن الـ 21

    واحمد وانا وبابا قاعدين قدام التلفزيون وبابا عمال ماسك ورقة وقلم ويقول اول 15 يوم ها نعمل كذى وها نروح ونسوي ونعمل ونركب ونعوم ونعمل !! يعني بيعملنا فلم ساسبينس !!

    المهم احمد بيقول لبابا انتا عارف يا والدي انه 90% من حوادث التحطم في الطائرات مش بينجوا منها حد نهائيا !! وبالذات لو كانت على ارض غالبا بيموتو محروقين في اماكنهم ( والدي كان من الناس اللي بيكرهوا وما زالوا بيكرهوا الطيران بيقعد مثلا قبل الرحلة بـ 48 ساعة مياكلش حاجة نهائيا وكم الحبوب المهدئات اللي بياخدها تنيم فيل ) !!

    المهم والدي بيقولوا بس بيموتوا شهداء !!

    احمد : شهداء ايه يا بابا هيا الرحلة نازلة على مكة ولا على مصر !!

    بابا : انتا مش بتدرس دين متعرفش حاجة متوجعش قلبي واقعد ساكت !!

    انا : بس هوة مش بيلاقوا الصندوق الأسود الخطأ بيتم تلافيه في المستقبل يا معلم احمد !!

    احمد بصلي مظرة منيلة بستين نيلة انا فاكرها لحد يومنا هذا !!!

    بس تعرف يا بابا لعلمك بقى اسوء حاجة لما تبقى مسافر والطيارة تقع الموقف مش بيبقى صعب عليك انتا لأ ده بيبقى على احبائك اللي مطرين يجيوا يتعفوا على جثة اعز الناس ليهم بعد ما السمك يشوهم او النار تاكلهم !!

    اانا : بس داهية تقرفك وتسد نفسك يا بعيد !! ايه يا عم انتا ده !!

    قوله مش عايز اسافر ونخلص انما تقلب معدتي انا ايه ذنبي يابا !!

    وكان ساعتها فلم the mummy لسة طالع وانا بقى عندي تشوق اني اشوف الحضارة بالفرعوية لأنه طول عمري كنت غير متصل جدا بمصر ولا بثقافتها وكل مرة بننزل نقضي الأجازة في البيت بحكم اننا مش بننزل في صيف او اجازتنا مختلفة او او او المرادي الرحلة كلها رجالة يعني فيها فرجة وتنطيط وعمل كل اللي نفسك فيه !!

    فأنا قولت لوالدي انا عايز مكان رقم 1 يكون الهرم !!

    احمد قاله انا عايز مكان رقم واحد شارع الهرم !!!

    متسألوش ازاي هوة اه كان ساعتها في الإعدادية وعارف شارع الهرم من الأفلام بتاعت نبيلة عبيد و5 باب و و و

    لحد ما جه يوم الرحلة !!

    جهزنا حاجاتنا وجبنا كتبنا !! ( والدتي اهدتني مجموعة من الكتب عن الحضارة الفرعونية واهم الأماكن للزيارة في مصر )

    وصلتنا المطار !! وبعد رحلات الوداع والكلام واللذي منه !!!

    والدتي قالتلي كلمة سر مش ها انساها ابدا !!

    خد بالك من ابوك لحسن ده بيغرق في شبر مية وبيعمل ناصح في مصر وها .....)

    اكتسبت معلومة جديدة الا وهي انه والدي مش فهلوي احنا نازلين نتسيح (مضارع نتسوح بمعنى نعمل سياحة )في مصر مع راجل اي نعم كان في شبابه جن في البلد دي ولكن بعد 35 سنة برة مصر كل سنة وانتا طيب ها ينزل يعمل مصري وهوة برنس ولكن كنت الى حد ما مطمئن !!!

    طلعنا الطيارة !!

    وقعدنا ومتجهين لمصر بقى :D :D

    انا حاطط الأيبود في وادين وبسمع مزيكا !!

    احمد جايب كتاب كان اسمه السفاح والقتلة مش فاكر كان عربي ولا اجنبي !!

    ووالدي كان ماسك مصحف بيقرأ فيه ..

    وانا فاكر قعدتنا كويس جدا !!

    قعدنا في الجنب اليمين جدا للطيارةبجوار الزجاج مباشرة !!! وترتيبنا كان كالآتي

    انا --- احمد --- ممر --- والدي

    قبل ما تقلع الطيارة !!

    احمد عمل حركة انا لحد دلوقتي مش بتقبلها !!

    الكائن ده بيعرف ازاي يربط حزام الأمان !!

    بعد ما الملاحين شرحوا تعليمات الأمان !! وكل حاجة بقت حلواني !!

    والله اانا ما فاكر حتى شركة الخطوط كانت مصر للطيران ولا كانت KLM لأننا مكناش مسافرين من ايطاليا !!

    احمد بعد ما شرحوا كل العليمات !! شاف المضيفة معدية !!!

    Potete per favore aiutarmi con la mia cintura di sicurezza

    وكان بيستغل انه شكله طفل ويخلي المضيفة دائما تربطله الحزام !!!!! عقلية مراهق والله العظيم !!


    ما علينا !!

    المهم الطائرة اكتملت العدد والطيار لم الأجرة !!

    وطلعت الطيارة على الران واي !!!

    واحنا من الشباك عندي كنا شايفين الجناح !!

    المهم

    طلعت الطيارة على المدرج !!

    ومرة واحدة الطيار بيقلب الفلابس اليمين !! وفيهم شيت مش بيتحرك !!!!

    الطيارة نزلت من على الران واي !!

    ووقفنا في التاكسي واي

    والطيار عمل اعلان داخلي انه نتيجة لوضع فني ها يتأخر الإقلاع بالضبط مش لأكثر من 30 دقيقة !!

    والدي بص لأحمد بصة هنا غريبة جدا !!!

    المهم جت عربية بيك اب ونزل منها 4 ووقفوا فضلوا مدة اكثر من 45 دقيقة

    يفكوا ويعملوا في الفلاب دي مش لاقينلها حل عشان تفتح مما ادى الى توتر المزيد من الركاب !!

    احمد : تعرف يا سيد انه 75% من حوادث الطيران بتكون نتيجة لخطأ ميكانيكي وليس الكتروني في انظمة الدفع و التوجيه !!!

    انا : نورت المحكة يا خويا !!!

    في الآخر لقيت المهندس اللي واقف فوق الجناح راح ماسك مرزبة كبيرة !!

    ورافعها في الهواء

    ونازل بيها على الفلاب دي راحت مزيقة شوية ومفتوحة واشتغلت وبقت زي السكينة في الحلاوة !!!

    يا نهار ازرق !!

    هما حتى هنا بيصلحوا الحاجة كده !!!

    والدي عمال كل 3 دقايق قايم قاعد على الحمام !! متوتر جدا والتمشية بتهدي اعصابه !!

    وفيه ركاب كانوا بيطالبوا بالنزول لأنهم مش حاسيين بالأمان في الرحلة السودا دي !!

    والغالبية كانت عرب ومصريين !! لأنه الرحلة دي كانت ها تنزل ترانزيت في القاهرة ..

    المهم !!

    الطيار كسر حاجز الخوف واعلن عن استكمال الرحلة وانه العطل الفني تم حله والموضوع كويس جدا ومفيش قلق خالص

    احمد : عارف انه اكثر من 60% من حوادث التحطم بتكون نتيجة سبب مجهول لقمرة القيادة ولكن المرادي السبب معلوم والطيار ها ياخد الريسك بطيران لأكثر من 8 ساعات متصلة بطائرة هوا عارف فيها عيب فلاني !!

    انا : وماله هوة ادرى برضه بطيارته يا عم !!

    الطيارة طلعت تاني عل الران واي !!

    وكل حاجة تمام وجهزنا كل حاجة وكله في السليم !!

    والطيارة اقلعت بعون الله وتقديره لنا ولله الحمد

    ها اختصر عليكم 4 ساعات من الطيران الممل !!

    احمد اخويا بيطلع الموبايل بتاعه !!

    وعايز يكلم الحاجة يطمن عليها !!

    المضيفة !!

    انتا بتعمل ايه يا مجنون !!!

    احمد : فكك مني !! بس بالإيطالي

    هي : انتا لو ملتزمتش بقواعد الأمان على الطائرة ها اطر انادي الملاح المختص !!

    احمد : ها اقول بكل بساطة انكم بتعتدوا على طفل عنده 16 سنة !!

    هي : طيب فيه تحذير من استعمال الهاتف المحمول عشان بيشوش على الأجهزة في الطائرة !!

    احمد : بقولك ايه !! مفيش حاجة بتأثر على حاجة !! التقارير بتفيد انه بيأثر في حالة الإقلاع والهبوط !! فقط

    واحنا اصلا على ارتفاع 33 الف قدم حاليا ( متأسلوش ازاي عرف المعلومات دي ) وانتم كشركات طيران بتمنعوا الناس تتكلم من على الموبايل لمجرد عشان نستخدم خدمة الفون كول في الطائرة !!

    هي : براحتك بس ان لاقيت سجنل ابقى تعالا قابلني !!

    احمد : عندي خدمة التجوال :P

    ولكن الحقيقة والدي اقنعه انه يبطل رخامة وغتاتة على مخاليق ربنا ويتهد ويهمد شوية ويقعد في حاله !!

    المهم اتهد شوية وقام اتخمد !!!

    المهم انا والدي كان مديني سي دي للفنان مش فاكر اسمه الحقيقة ولكن كان قايلي جرب واسمع الألبوم ده وبالذات اغنية معينة فيه !!!

    كنت حاطط الألبوم على الأيبود وقلت اسمعه !!

    المهم كانت الأغنية كلتمها بتقول !!!

    "

    شقى عمري يابااااااا

    بيضيع قدام عنيا !!!!!!!!

    شقى عمري يابا !! بيروح مني .. مش فاكر في ايه بالزبط

    ضحيت بكل مالي

    دي حاجات فوق احتمالي

    اخرة سهر الليالي

    ابني بيكبر عليا !!!!

    ابني بيكبر عليا

    !!!!

    وسرحت في كلمات الأغنية والمغني مندمج فيها جدا وببص من الشباك !!!

    وببص من الشباك لقيت الفلاب اللي كانوا بصلحوا فيها بقالهم ساعتين !!

    الطيارة بتلف بجنب كده شوية !!

    والفلابز اللي على الجنب اليمين كلها بتلف معاها !!

    وهب الفلاب اللي كانت بتتصلح بقالها ساعتين زوووووووووووووووووووووووو

    طارت !!!!!!

    انا : خبر اسود ومنيل !!!!!!

    ورحت قايل كلمة من بتوع حزلقوم الله يمسيه بالخير ساعتها انا فاكر انه ساعتها الكلمة دي لفتت الركابة المصريين اللي في الكابينة كلهم !!!

    ضربت الجرس على المضيفة !!!

    قولتلها انا خوفا من اثارة حالة رعب !!

    في حتة من الجناح طارت دلوقتي حالا !!

    احمد : يا عم بقولك مش مكتوبلنا !! يا ترى يا امي ها تعرفي جثتي ازاي من وسط الـ 500 !! اقطع صباعي عشان تعرفني اكيد لأ !!

    انا : احمد اهدى شوية الموضوع جد !!

    والدي طبعا نايم في 7 نومة بعد كم البورشام اللي ضربه لازم ينام لحد ما الطيارة توصل السودان مش القاهرة بس

    المضيفة : يا فندم الطيار اكيد عارف اللي بيعمله كويس !!

    انا : مهو الطيار مش شايف اللي انا شايفه !!

    هي : من فضل حضرتك تهدى شوية انتا من صباحية ربنا عمال بتثير الرعب في نفوس الركاب !!

    انا : !!! مش انا على فكرة ده الثور اللي جنبي ده !!

    احمد : انتا عارف اني ممكن اقاضيك بتهمة السب و القذف والآنسة الطيبة دي تشهد في المحكمة واحبسك كمان !!

    لحد ما سمعنا الطيار بيقول !!

    السادة والسيدات !!

    يؤسفني ان اعلن لكم ....

    ..

    بكرة بقى نكمل لحسن انا طولت قوي في الكتابة ومش عايزكم تزهقوا :D :D

    [CENTER][rmade]http://i94.photobucket.com/albums/l108/sayed911/alex-1.jpg[/rmade]
    [SIZE=3][B]To Follow me on Twitter "Sayed_K_H[/B][/SIZE]
    [/CENTER]

    Comment


    • مش عارف ليه متخيل لو احمد ده عملها و جه مصر و قعد معاك الحلقات هتزيد الضعف هههههه

      استمر يا عم سيد
      و متعوقش في الجزء التاني
      Sharief Mansy شريف منسي
      شكرا نايل موتورز
      [SIGPIC][/SIGPIC]
      Farewell my Cayenne, you were the best car i ever had and driven

      Comment


      • كمل يا مجرم........حبيبي يا ابو السيد.......
        فكرتني بموضوع الطيران ايام ما كنت بركب و انا صغير و حصل موقف زي ده بس اهون بكتير...يدوبك مطب هوا بس رزل اوي خلى الطيارة تيجي ناحية الشمال .........جناح شمال تحت و جناح يمين فوق و ببص لقيت اهلي فوق وانا تحت للحظات و رعب في الطيارة بقى ايه مقولكش بس انا كنت مبسوط اوي مش عارف ليه كنت واثق ان مهما حصل مش هنموت......

        Comment


        • بجد
          انت عااااااااااااااااااااااااااااااااااااااااااااااااا لمى

          Comment


          • welcome back يا هندسة .. نورتنا تاني اي راجل
            اخبار الامتحانات معاك اية .. انا ان شاء الله هبدا يوم 18 يعني كمان اسبوعين كدا فا عايز اروح اشتري ورق بقى و الكلام دا عشان اعرف الليلة ماشية ازاي السنة دي

            بمناسبة الطيارة من فترة واحد صاحبنا كان في السعودية و طول شوية هناك .. و لما حب يرجع كلم كل واحد وقالة يستناة في المطار .. فا المنظر كان حوالي 7 عربيات فيهم زي 19 بنيآدم .. كلنا شايلين يفط .. بنحبك يا هيكل .. كلنا هيكل وشوية كلام من بتوع الانتخابات .. كان يوم مسخرة بصراحة بس عمري ما انساه

            بقولك بقى شوف الموضوع دا كدا عشان دايخ علية ال 7 دوخات

            [CENTER]انا معارضة على فكرة :tongue32:
            [/CENTER]

            Comment


            • هههههههه استاذ حورس احمد اصلا جي في شهر 7 يستقر في مصر انا مش عارف القصة دي كانت تاية عن دماغي ازاي ده حصلت مصايب في الصيف ده ما يعلم بيها الا رب العباد اصلا :d :d :d
              ههههههههه ولكن ان شاء الله ها اكلمها دي بقى لحد ما نرجع نسافر تاني :d :d


              دياب باشا ده انتا اللي عالمي يا فندم والله ومن عنيا ها اكملها والله ان شاء الله تعالا ..


              اسامة بيه بص يا فندم انا ها اجيبلك المختصر المفيد في الموضوع ده من الآخر ..
              انا عندي لانسر شارك بتاعت قريبتي تحت البيت وفيها نفس فكرة الفاميه ده ولكن اخف سنة بسيطة بس برضوا لو انتا واقف برة بالليل مش ها تشوف مين قاعد جوة !!!
              الفكرة انه ده مش فيميه اصلا يا فندم :d :d :d :d :d :d
              ده زجاج ملون :d :d :d
              وحياتك انا كنت في السعودية وسألت في فيكول نفسها مافيش ورق فيميه ها يديك نفس وضوح الرؤية دي من جوة ونفس التعتيمة دي من برة غير زجاج يكون ملون ولكن ورق فاميه مش عارف بصراحة انا شفت في كوول وسبورتينج جلاء وي وي وي مش ها تلاقي خالص اسمع كلامي ..
              هيا الفكرة بقى مين اللي يعرف يعملنا زجاج العربيات ملون !! يعني الشبابيك تبقى زجاج ملون ..
              وانا لعلمك بقى سألت في حوار اضافة الفاميه على الرخصة وها اعمله في موضوع قريب جدا بقى للإفادة والإستفادة :d :d
              [CENTER][rmade]http://i94.photobucket.com/albums/l108/sayed911/alex-1.jpg[/rmade]
              [SIZE=3][B]To Follow me on Twitter "Sayed_K_H[/B][/SIZE]
              [/CENTER]

              Comment


              • سيد متجيب اخوك مصر .. و يا سلام لو يجي يوم بحة ؟؟ :d :d :d
                [CENTER][SIZE="2"][B][FONT="Comic Sans MS"]عضو 6 ابريل و افتخر !

                6 Of April Member & Proud ! [/FONT][/B][/SIZE][/CENTER]

                Comment


                • انتا ها تشرف ان شاء الله يا احمد ؟
                  انا عندي طلعة للعين السخنة تبع الكلية يوم الخميس ومش عارف اطلع ولا اجي على بحة بصراحة :d :d

                  الموقف يحتاج الى تحديد مصير وهوية :d
                  [CENTER][rmade]http://i94.photobucket.com/albums/l108/sayed911/alex-1.jpg[/rmade]
                  [SIZE=3][B]To Follow me on Twitter "Sayed_K_H[/B][/SIZE]
                  [/CENTER]

                  Comment


                  • انت بتهزر صح ؟؟
                    شكلك مجتش قعدات نايل الصباحي قبل كدة ؟
                    خصوصا شنوري و باقي القعدة يا عم فكك من السخنة ابقي اطلع في اي وقت
                    قال تفوت بحة قال
                    [CENTER][SIZE="2"][B][FONT="Comic Sans MS"]عضو 6 ابريل و افتخر !

                    6 Of April Member & Proud ! [/FONT][/B][/SIZE][/CENTER]

                    Comment


                    • لا بحة مين حرام عليك هههههههههههههه انا ها اجي عشان اتعرف عليكم والله بس ولكن انا مليش في الأكل ده نهئيا والله هههههه
                      وخلاص لقاءنا هناك ان شاء الله احمد بيه ولكن انا عايز اسئل سؤال :d
                      هوة المعاد ها يبقى امتى ان شاء الله وها اعرفكم ازاي صحيح :d :d
                      [CENTER][rmade]http://i94.photobucket.com/albums/l108/sayed911/alex-1.jpg[/rmade]
                      [SIZE=3][B]To Follow me on Twitter "Sayed_K_H[/B][/SIZE]
                      [/CENTER]

                      Comment


                      • المشاركة الأصلية كتبت بواسطة sayed911 مشاهدة المشاركة
                        لا بحة مين حرام عليك هههههههههههههه انا ها اجي عشان اتعرف عليكم والله بس ولكن انا مليش في الأكل ده نهئيا والله هههههه
                        وخلاص لقاءنا هناك ان شاء الله احمد بيه ولكن انا عايز اسئل سؤال :d
                        هوة المعاد ها يبقى امتى ان شاء الله وها اعرفكم ازاي صحيح :d :d
                        حبيبي .. ملكش في بحة زي حلاتي .. تعالي اركن جنبي دة احنا هناخد تريقة للصبح
                        و هنعرف بعض متقلقش .. اولا وصورنا مرمية علي الفيس و هنا في المنتدي و كمان هتخش هتلاقي زحمة هتعرفنا
                        و المعاد بيبقي غالبا 8 او 9
                        [CENTER][SIZE="2"][B][FONT="Comic Sans MS"]عضو 6 ابريل و افتخر !

                        6 Of April Member & Proud ! [/FONT][/B][/SIZE][/CENTER]

                        Comment


                        • سيد باشا دي طلعت جينات و ماشيه في العيله :d

                          بخصوص بحه !! ممكن نتقابل و نروح سوا
                          دا هيبقى يوم عالمي :d
                          [CENTER]م. سعدالدين مصطفى
                          Follow me on Twitter @Saadelden
                          http://www.nilemotors.net/Nile/67592-131.html[/CENTER]

                          Comment


                          • آمين ان شاء الله يا حج سعد انا كده كده ساكن جنب مسافة بتاع 5 دقايق بالعربية ونمرتي موجودة مع مصر كلها ها ازبط مع الدكتور شنوري بقى واجي ان شاء الله اون تايم !!
                            [CENTER][rmade]http://i94.photobucket.com/albums/l108/sayed911/alex-1.jpg[/rmade]
                            [SIZE=3][B]To Follow me on Twitter "Sayed_K_H[/B][/SIZE]
                            [/CENTER]

                            Comment


                            • فييين جزء نهاردة .... يا سيد باشا ..
                              [CENTER][SIGPIC][/SIGPIC]
                              [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                              [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                              Comment


                              • غطا عربيتي اتســـــــــــــــــــــــــــــــــــــــــــــــ ــــــــــــــــــــــــــــــــــــــــــرق !!!
                                طيب يا منطقة مجابتش راجل عشان ابقى نايم زي الخروف فوق واتسرق طيب !!! مش انا !! ليه هوة الحج خطاب مخلف سوسن !!! اعملوا حسابكم يا جماعة لو غبت عليكم انا بموت حد او غالبا انا اللي ....... !!! لكن وعهد الله الحركة دي ما ها تعدي الساهل !! انا ها اموت حد انهاردة !! مش سيد خطاب اللي بينم الشارع كله من المغربية اللي يسترق !!! اعملوا حسابكم جهزولي محامي عشان انا داخل على محكمة جنيايات !!!! مين الحرامي المعفن اللي يسرقني انا !!! جاري الإتصال بكتيبة كوماندوز !! ده انا ورايا رجالة تاكل الزلط !!!!! مش سيد ابن الحج خطاب اللي يتسرق !!!!
                                :( :( :( :(
                                انا اتخدت على خوانة يا رجالة !!
                                [CENTER][rmade]http://i94.photobucket.com/albums/l108/sayed911/alex-1.jpg[/rmade]
                                [SIZE=3][B]To Follow me on Twitter "Sayed_K_H[/B][/SIZE]
                                [/CENTER]

                                Comment

                                Working...
                                X