لنرجع الي الوراء قليلا البردعي 2007

[araberphilosoph]

در كليك
عالم ايه بس الله يكرمك انا اقل مما تظن بكثييييير جدا جدا جدا
ولكن شكر الله لك حسن الظن والموضوع ليس تواضعا لا والله انا بالفعل اقل بكثير مما تظن بكتير اوي

[araberphilosoph]

استاذ اوتوف
اعتقد ان المشكله في مفهوم الفعل ظن
انا قصدت استعمال الفعل كما ورد في القران (قال الذين يظنزن انهم ملاقوا الله) و قوله (وظنوا انهم مانعتهم حصونهم) وغيره ويقصد به ظن انسان بشئ ظن اليقين وليس المراد (اصل هو كان فاكر) كما وردت في مداخلتك
( اصدقك القول اني لم اعتد اتذكر اين تعلمت هذا تحديدا اي في النحو ام البلاغه ام التفسير ولكن اظن (بالمفهوم السابق) انا تعلمنا ذلك في المرحله الثانويه)
وسلام

[araberphilosoph]

يظنون اسف علي الخطأ

[casperinoo]

araberphilosoph
جزاك الله خيرا ووفقك الله في دراستك

[memo_p910]

أوتيفا بيشن حملة محمومه ضد الدكتور البرادعي وهو بذلك يكمل الدور الذي بدأه حسني مبارك ويكمله الآن الموساد والمخابرات الامريكيه لاسقاط الرجل الشريف

خلصنا بعد حوارات سنين من شائعات مراة بنته يهودي كافر وبعدين قالك دخل اليهود العراق وده الموجه الجديده الجاسوس الاردني والموساد والنيويورك تايمز ومش هانخلص
ربنا يكون في عون د البرادعي انا متأكد ان ربنا هاينصره باذن الله لانه صادق النيه أبيض القلب وليس أسود القلب مثل من يسيئون اليه

[otefa]

أوتيفا بيشن حملة محمومه ضد الدكتور البرادعي وهو بذلك يكمل الدور الذي بدأه حسني مبارك ويكمله الآن الموساد والمخابرات الامريكيه لاسقاط الرجل الشريف

خلصنا بعد حوارات سنين من شائعات مراة بنته يهودي كافر وبعدين قالك دخل اليهود العراق وده الموجه الجديده الجاسوس الاردني والموساد والنيويورك تايمز ومش هانخلص
ربنا يكون في عون د البرادعي انا متأكد ان ربنا هاينصره باذن الله لانه صادق النيه أبيض القلب وليس أسود القلب مثل من يسيئون اليه

ناقش أفكار ولاتوزع أتهامات على من يخالفك الرئي
أنما أسلوب رمي الناس بالباطل مرفوض
واحد مش عارف دينه ده يكفيني لأرفضه تماما
أنت شايفه كويس أنا شايفه لايصلح
عايز تعمل حملة مساندة ليه أتفضل ماحدش مانعك بس صدقني مش هاتلاقي مادة أيجابية تسانده بيها غير أنه جمع توقيعات في يوم من الأيام
أن شاء الله ربنا يولي الحكم ................لمن فيه الخير للمصريين

[ainshouka]

أوتيفا بيشن حملة محمومه ضد الدكتور البرادعي وهو بذلك يكمل الدور الذي بدأه حسني مبارك ويكمله الآن الموساد والمخابرات الامريكيه لاسقاط الرجل الشريف

خلصنا بعد حوارات سنين من شائعات مراة بنته يهودي كافر وبعدين قالك دخل اليهود العراق وده الموجه الجديده الجاسوس الاردني والموساد والنيويورك تايمز ومش هانخلص
ربنا يكون في عون د البرادعي انا متأكد ان ربنا هاينصره باذن الله لانه صادق النيه أبيض القلب وليس أسود القلب مثل من يسيئون اليه

لا يوجد احد فى المنتدى ولا يتمنى الصالح للبلد
فكلنا جميعا نتمنى الخير للبلد
وليس معنى ان هناك من يخالفك فى الراى فى شخصية البرادعى لانه يريد النيل منه لشخصه

والبرادعى مثل اى شخص لا نعلم عنه الا من خلال كلامه وتصاريحه

هناك من راى فى كلامه انه يصلح
وهناك من راى ان من كلامه انه لا يصلح

ونفس الكلام برضه على عمرو موسى و غيره

فلاننا لا نعرفهم بدقة فلا نستطيع ان نأمن لهم تماما ولا ان نرفضهم تماما لانهم لم يشاركوا فى الحياة السياسية من قبل

وفائدة الاراء المعارضة انها تجعلك تنظر للموضوع من كل جوانبه وليس من جانب واحد فقط

وتقبل تحياتى

[memo_p910]

الخبر على صفحات الوفد للأسف مترجم بطريقه خاطئه وهو مخالفا لما نشر ومن يريد أن يتأكد فعليه بالترجمه ليعلم ذلك
ولا أعلم لماذ لم تضع الوفد اللينك الأصلى للموضوع لتثبت للقارئ مصداقيتها
من الضرورى أن نستخدم جميعا عقولنا قبل قبل ترديد و مهاجمة الآخر طالما فقدنا الثقه فيمن يقدمون لنا الخبر
أولا : د البرادعى قال انه ناقش والدته فى موضوع حجابها وانه لن يضيف إليها شيئا و هى فى سن الثانية و الثمانين
وقال هذا ضاحكا ومداعبا لهاعندما تحدث عن عمرها.
ألم يسمح الدين الاسلامى للقواعد من النساء اللائى لا يرجون نكاحا أن يضعن ثيابهن غير متبرجات بزينة.
وهذه سيدة تجاوزت الثمانين عاما فقال لها ان ارتداءها للحجاب فى هذا السن ليس شيئا اساسيا
وهو هنا لم يتكلم عن الحجاب بصفة عامة
ولم يقل ان الدين شئ غير أساسى و لكنه تحدث انه لم يكن يضع دين الشخص فى حسبانه عند التعامل معه
و ذلك واضح من قوله انه فى صباه و شبابه فى مصر كان يتعامل مع اليهود وغيرهم من غير المصريين واظن أن اهلنا جميعا كانو كذلك
و هو عندما قال ان صديقته فى شبابه كانت يهودية كان ذلك فى نفس الاطار
و هو هنا يتحدث عن وضع كان قائما فى مصر فى هذه الفترة. المشكله الأكبر من كل ذلك أن هناك من يعتبر مقالات الصحف وكل ماينشر عليها يحمل الصدق والمصداقيه ويذهب لترويج مايقرأه بالطبع لانه يوافق أهوائه وينسى تماما أن الله رقيب على كل مايروجه
ولاينسى أيضا أن هناك من تنعدم ضمائرهم وينشرون وفقا لتوجهات صحيفتهم لذلك يجب ألا ننساق وراء الخبر سوى بعد التحرى عن مدى مصداقيته قال تعالى "" ومايلفظ من قول إلا لديه رقيب عتيد "" صدق الله العظيم
أيها الإعلاميون كفو ايديكم عن دكتور البرادعى وراعو ضمائركم واعلمو أن المصريين بعد الثوره أصبحو أكثر وعيا وإدراكا
حفظ الله مصر ووفق الله دكتور البرادعى إذا كان فى رياسته خيرا لمصر وأهلها .

[CryptonX]

كالعادة .. محكمة نايل موتورز للتكفير و التلحيد اشتغلت :)

سؤال للي عايزين الرئيس نفسه يلبس حجاب :)

حسني مبارك بقاله 30 سنة ماسكنا برده .. و مراته مكانتش محجبة و بتبين اديها و رجليها و وجهها 30 سنة ؟

محدش سمع صوتكم ليه ؟ ولا صوت من الشيوخ الامة ليه ؟ ولا مفتي الازهر نفسه مقالوش تحجب مراتك .. ده فرض .. و رئيس بلدك مسلم ! مش المفروض المسلمة مراته تبقى محجبة ؟؟ بس طبعا محدش عارف يفتح بقه ساعتها علشان ساعتها كان بالحبس والاختافاء وراء الشمس ..

و اردوجان الي عاحبنا كلنا ... ماه مراته المسلمة محجبة :)

في حين ان (البرادعي) الي من اوائل الناس الي قاله ان مصر محتاجة للتغيير قبل الثورة ... و دولقتي علشان مفيش حد بيعاقب حد على حاجة .. كله عمال يقذف و يكفر و يشتم :)

مش عاجبك البرادعي ؟ حقك
مش حتنتخبه على لاصغر الاسباب و اكبرها ؟ حقك
شايفه لا يفقه في الدين ؟ حقك
شايفه لا يفقه في العلم ؟ حقك مع اني حضحك
شايفه لا صلح لمصر ولا رئيس لمصر ؟ برده حقك

تلجئ للشتيمة و القذف و التكفير علشان تثبت وجهة نظرك ان وجدت ؟ فقدت مصدقايتك ! وباتالي وجهة نظرك خابت !
والكلام للطرفين على فكرة الي بهاجموا و يكفروا امثال البرادعي ..والي بيتهموا الاخوان و السلفيين انهم حيعملوا مصر .. ايران .

[araberphilosoph]

عايز تعمل حملة مساندة ليه أتفضل ماحدش مانعك بس صدقني مش هاتلاقي مادة أيجابية تسانده بيها غير أنه جمع توقيعات في يوم من الايام

يااااه يا استاذ اوتوف ده احنا بننسي بسرعه اوي اوي
ياااه
افتكر للرجل طيب يوم ما مات خالد سعيد معذبا ومزقوا سمعته وسمعه اهله وكان الرجل من اول من حرض وساهم في التظاهر في اكبر مظاهره ضد التعذيب في تاريخ مصر ووقف يوميها وسط ارجل واشجع 4 الاف مصري خرجوا بعد صلاه الجمعه في اسكندريه في اول بروفه للثوره واتحاصروا ب 40 الف جندي امن مركزي ورفض يومها الاخوان والسلفيين المشاركه وقفوا وقفه حق في وجه سلطان جائر
افتكر للرجل انه اول شخصيه كبيره هو واهله يعزوا اهل خالد سعيد ويقفوا جانبهم ولو معنويا ولم نسمع كلمه واحده من السلفيين ولا غيرهم
افتكر لما مات سيد بلال وادان الرجل الفعله وقال لا وطلب بتحقيق مباشر يوم ما كان السلفيين بيرفضوا مجرد التظاهر لانه حرام والخروج علي ولي الامر حرام وهلم جر والفيديوهات منتشره ولن انسي قول احد المشايخ يومئذ (مهما فعلوا لن نخرج علي ولي الامر)
افتكر لما رجع مصر يوم 27 يناير وخرج مظاهرات 28 واتفقل عليه الجامع واتضرب بالقنابل المسيله للدموع والفيديوهات موجوده يوم ما كانت الفتاوي جايه من السعوديه ومن مصر بحرمه التظاهر والخروج علي ولي الامر وكانت قيادات الاخوان بتجتمع بعمر سليمان عشان يفضوا الميدان
طب افتكر للرجل انه في وقت ما كان اغلب الناس والقيادات في التيارات المختلفه بتحتقر الشباب وبيقولوا عليهم شويه عيال وهو من قبلها بسنه كان بيقول انه بيثق فيهم (ومعهم سيكون الحلم حقيقه) وتبعه الشباب وحرروا مصر وحررونا كلنا وبقينا دلوقتي بنتشرط وبنقول ده ينفع وده مينفعش
طب افتكر يوم ما كان اقصي امانينا ان ربنا يعتقنا من جمال مبارك ويمسك عمر سليمان احسن واكبر امالنا في اصلاح اي حاجه في اي حاجه ولما جه قلنا ليه لا وبدا ولو بارقه امل ان في اختيارات تانيه مهما كانت مش مناسبه بس هه في امل
طب افتكر له ثقته في النصر (اعتقد اننا سننتصر في النهايه بشكل او باخر) افتكره جلده وايمانه بفكرته مهما كان اعتراض حضرتك عليها
افتكر شجاعته لما قال النظام كله فاسد
يا سيدي من لا يشكر الناس لا يشكر الله (ليس بحديث)
ياااه ده احنا بننسي بسرعه اوي اوي اوي

[الطنطاوي]

اللي يشوفك يا ابوياسين وانت بتدافع على البرادعي يفتكره عمر بن الخطاب

على كده أيمن نور و وحيد عبد المجيد ومجدي حسين برقبته على الاقل دول عملوا نفس اللي انت بتقول عليه وكمان ما سبوش البلد وكل ما ندور عليهم تلاقيهم في النمسا وبيجو مصر في الاجازات

ايمن نور ومجدي حسين و وحيد عبد المجيد اتسجنوا وطلع عينهم بسبب معارضتهم لمبارك أما الباشا البرادعي كان كل ما يحس ان الامور هاتصعب عليه كان بيقول يا فكيك ويروح اوربا والدول المتقدمة

سبحان الله كل واحد معجب برأيه وبيجادل عليه حتى ولو كان غلط .... نفس التهم بتاعة الاعلام عن السلفيين والاخوان سعادتك بتكررها وخلاص بدون أي انصاف

صدق اللي قال الانصاف عزيز

[araberphilosoph]

استاذ طنطاوي
اولا شكرا لاستخدام كنيتي ادام الله المعروف
ثانيا لا والله ليس بعمر ولكن كما اكدت اكتر من مره الموضوع يتخلص في ان ينسب الفضل لاهله لكني يحزنني ان لا ينصف الرجل وان يقال عنه ان ليس له حسنات تذكر سوى حمله توقيعات وحتي هذه ليس له فيها عظيم اجر ولو قيل ذلك في غيره لدافعت عنه ايضا فالامر عندي اولا واخيرا مرتبط بالمبدأ اعط كل ذي حق حقه وهو المراد اولا واخرا
ثالثا لم يذكر اي من هذه الاسماء ابدا في مغرض الحدسث ولو ذكرت لذكرت مناقبها والامر كان اولا واخيرا عن البرادعي لا عن غيره وانا لا اميل ان اخرج من الموضوع الاصلي الا اذا اضطررت لذلك
رابعا انا لم اقل ان تصرفات البرادعي كانت صحيحه كلها و اظن اني اكدت ذلك في اكثر من موضع ولكن هذا لايعني ان نسلبه حقه
خامسا صدقت في اني ممن يراودهم فب بعض الاحيان الاعجاب بالراي وهي مذمه وادعوا الله ان يجنبني اياها لك الشكر علي التذكير
سادسا سيدي لو لم يكن ما اقول وذكرت صحيحا فعارضني فاخبرني اين تجنيت انا الم يحدث هذا الم تخرج هذه الفتاوي الم يقل شيخ الازهر ان التظاهر (كان حتي الامس حلال اما اليوم فهو حرام) الم يقل المفتي (الاحترام لرجل الحرب والسلام)
الم ترتفع لاحد ممن ذكرت كلمه يوم عذب خالد سعيد وقتل قل لي اين تجنيت انا
واخيرا وليس اخرا صدقت الانصاف فعلا عزيز واعدك ان ادقق اكثر في المره القادمه وابذل جهدي في الانصاف اكثر
وسلام

[araberphilosoph]

واسف اقصد بالاخوان قيادات الاخوان لا شبابالجماعه ونحسبهم علي خير

[araberphilosoph]

اخيرا ملحوظتين لننهي الموضوع
اولا لماذا لا نجد مثل هذا الهجوم علي عمرو موسي مثلا والراجل تاريخه معروف ودفاعه عن مبارك ونظامه معروف حتي بعد الثوره لماذا لا نجد احد يبحث عن كتابته في 2002 او حتي 2010 لماذا البرادعي ماذا فعل الرجل لكل هذا لا افهم
ثانيا اتمني خصوصا من الاخوه السلفيين ان لا يكرروا خطا العلمانين حاليا اذا جاءت الصناديق بالبرادعي واتمني عندها ان يكرروا قولهم (مهما فعلوا لن نخرج علي الحاكم ابدا) واقصد بالسلفيين القيادات المعروفه
وعلي الله قصد السبيل او هكذا ازعم (اقتباس من بلال فضل)

[otefa]

علشان عمرو موسى واقع لوحده ومكشوف للناس وعلى عينك ياتاجر زي مابيقولو فا مش محتاج تفنيد هههههههههه