الرئيس محمد نجيب - دعوه للحوار الجاد المثمر

[Imhotep]

الناس دى مطلعتش من يوم و ليله و ما يفعلونه اليوم تم التخطيط له منذ عشرات السنين ان لم اكن مبالغا

نفسى نطبق مبدأ مونرو عندنا (اشكرك لتعريفى اياه)

باشا.... انا شخصيا عارف دورى..... بشتغل بضمير فى شغلى..... و على المستوى الشخصى زى ما نت شايف.... منين ما هتتكلم فى اى موضوع سياسى اقتصادى عسكرى فيه معلومات من اى نوع هتلاقينى اقولك خلاصته..... المعرفة قوة..... و هى ايضا اول خطوة لفهم الانسان لنفسه و موقعه و قدراته و قدرات من حوله...... طيب انا دلوقتى مش عايش لوحدى.... فى محيط اكبر هو البلد.... انا كنت حزب كنبة قديم..... بعد الثورة مفوتش انتخابات..... الاغلبية اختارت اتجاه و تيار.... انا مش متفق معاه فى كل شئ عن دراسة و عن علم مش عن كره او تعصب اعمى..... طيب اعمل ايه؟ نرجع لدورى الشخصى..... انا شخصيا تملى بقول رأيى لما يطلب منى..... بحاول اقوله بموضوعية من خلال المعلومات و المعرفة...... واقول رأيى فى ان ده صح او ده غلط برضه بناء على معرفة و ليس لتفضيلات شخصية او لحب او كره..... لكن برضه الاغلبية رأيها اللى هيمشى.... لا بأس..... لكن هل الاغلبية اللى انت منها خاصة الجزء اللى متأثر بالعاطفة الدينية عنده استعداد يراجع نفسه.... مش يراجع نفسه و يرجع عن اختيار الاخوان.... يراجع نفسه فى الاحتياج الى وقفة معاهم.... لازم حتى اللى بيأيدهم يحاول يوصلهم انه مش راضى عنهم و عن اداءهم..... رغم تأييده ليهم..... هل ده هيحصل..... اشك.... و مراجعة النفس شئ لابد منه للاصلاح..... غير كده هنغرق كلنا..... المؤيد و المعارض

و بما انك ذكرت مبدأ مونرو تانى..... انا برضه لسه موضحتش ليه موضوع ايران كابوس بالنسبة لى.... و تلك قصة اخرى

[MTAK]

لو حد يعرف الشيخ راغب السرجاني الراجل ده كان ساكن جنبي

احسدك على هذا , يا بختك بلقائه

[adelmof40]

يا باشا الفكرة فى ان الاسلحة دى كانت لغاية فترة قريبة فى اطار الخيال العلمى.... السلاح ده يعتمد على electro magnetic pulse بتبث نبضات كهرومغناطيسية بتحرق دواير الاتصالات و الكهرباء و الالكترونيات و ترجعك لعصر اللمبة الجاز لما فجأة تلاقى النور قطع عشان شبكات الكهرباء اتعطلت و مفيش شبكات اتصالات لنفس السبب و العربيات الحديثة و اجهزة الكمبيوتر و كل ما هو الكترونى فجأة بينطفى و مش هيشتغل تانى..... بدون حتى ما تعرف السبب..... و بدون كمان نقطة دم واحدة و لا دمار لاى مبنى...... و عيش بقى انت بعدها فى العصر الحجرى..... الفكرة انه حاليا التقدم العلمى المش معقول خلى ما كان فى اطار الخيال يصبح واقعا بدون صعوبة..... خد عندك ده كمان..... لو عايز حرفيا (تخرم) الهرم الاكبر بدون ما تهده.... مفيش اى سلاح حالى يعملك كده..... الا حاجتين لغاية كام سنة معدودة فاتت كانوا من اسلحة الخيال العلمى لكن دلوقتى فى ال test cycles بتاعة ما قبل ال deployment يعنى هينزلوا الخدمة بعد وقت بسيط ..... و كانت ال test cycles دى زمان بتبقى بالسنين اللى ممكن تطول بسبب صعوبات تقنية..... حاليا بقت بالشهور المعدودة...... اقرأ يا باشا و شوف العالم رايح فين و احنا فى مية اللفت نغوص :) :
railgun - wikipedia, the free encyclopedia

u.s. Army could soon be using laser guns on the battlefield | mail online

فعلا احنا عايشين في مية اللفت وده شئ راقي ان لم يكن في ميه تانية خالص
والمستفز اكتر ان كل واحد يفتي في كل حاجة وتلاقيه لا يفقه اي حاجة
عامل فيها دكتور ومهندس وكابتن منتخب ورئيس وزارة واحنا يا مولاي كما خلقتني
شوف النهضة في عصر الخديو اسماعيل
وقوللي كام ترعة اتحفرت وكام فدان زاد كام كوبري اتبني وكام مدينه انشئت
نحن نعيش ونحيي زمن التسول علي انجاز الاجداد

من القلب اتوجه لكم جميعا علي هذا الحوار الجاد المثمر الرائع
من القلب وبعدد الحروف اتوجه لكم جميعا علي انعاش ذكرة حسبتها
قد تحجرت

[MTAK]

باشا.... انا شخصيا عارف دورى..... بشتغل بضمير فى شغلى..... و على المستوى الشخصى زى ما نت شايف.... منين ما هتتكلم فى اى موضوع سياسى اقتصادى عسكرى فيه معلومات من اى نوع هتلاقينى اقولك خلاصته..... المعرفة قوة..... و هى ايضا اول خطوة لفهم الانسان لنفسه و موقعه و قدراته و قدرات من حوله...... طيب انا دلوقتى مش عايش لوحدى.... فى محيط اكبر هو البلد.... انا كنت حزب كنبة قديم..... بعد الثورة مفوتش انتخابات..... الاغلبية اختارت اتجاه و تيار.... انا مش متفق معاه فى كل شئ عن دراسة و عن علم مش عن كره او تعصب اعمى..... طيب اعمل ايه؟ نرجع لدورى الشخصى

انا لم اقصد اى اسقاط عليك عند جزئية الادوار و لكنى احييك على معرفة دورك

المشكله التى نسيت ان اذكرها , ان تكون عارف دورك الصحيح , فالبلطجى عارف دوره كويس و الفنان عارف دوره كويس و اللى زى حضرتك برضه عارفين دورهم كويس و احييك عليه و اتمنى ان اكون مثلكم

كما انى اتفق معك تماما فى جزئية المعرفه فنحن امة لا تقرأ
(بمناسبة القراءه عندما كنت اريد شراء كيندل و سألت عليه فى السعوديه الناس حسستنى ان اسأل على شئ قادم من الفضاء و عندما شرحت لهم عمله لعله معرف باسم اخر عندهم نظروا لى شزرا وقالوا ايه اللى يخلينى اجيب جهاز ابيض و اسود ما انا عندى الاى باد برقبته
و نفس الامر تكرر فى دبى غير انى للامانه وجدت منه كذا نسخه للبيع و لكنهم نسخ قديمه و موجوده بطريقه مهمله
و صادف بعضها ان التقيت بمدير معمل من جنوب افريقيا و تحدثت معه حول الجهاز فضل يقولى فيه شعر و لا اكنه كان بيبيعه لى)

..... انا شخصيا تملى بقول رأيى لما يطلب منى..... بحاول اقوله بموضوعية من خلال المعلومات و المعرفة...... واقول رأيى فى ان ده صح او ده غلط برضه بناء على معرفة و ليس لتفضيلات شخصية او لحب او كره..... لكن برضه الاغلبية رأيها اللى هيمشى.... لا بأس..... لكن هل الاغلبية اللى انت منها خاصة الجزء اللى متأثر بالعاطفة الدينية عنده استعداد يراجع نفسه.... مش يراجع نفسه و يرجع عن اختيار الاخوان.... يراجع نفسه فى الاحتياج الى وقفة معاهم.... لازم حتى اللى بيأيدهم يحاول يوصلهم انه مش راضى عنهم و عن اداءهم..... رغم تأييده ليهم..... هل ده هيحصل..... اشك.... و مراجعة النفس شئ لابد منه للاصلاح..... غير كده هنغرق كلنا..... المؤيد و المعارض

اولا تحياتى لك على تلك المشاركه
و لكن هل تقصدنى شخصيا بها :)
فى هذا انا مختلف معك قليلا
فى الامور السياسيه ,رأيك ممكن يكون عظيم و مبنى على درايه و علم و لكنه ليس مع الاغلبيه
و يبقى من يحتاج للمراجعه هو انت و ليس الاخريين
لان هذا معناه انك لم تستطع ان توصل فكرك لهم بالطريقه التى يفهمها هؤلاء

لو الدكتور واخد جوائز الدنيا العلميه و نابغة عصره و لكن عندما يدخل المدرج لا يفهمه معظم الطلبه
الخلل هنا فى حاجتين
1- اللى جعل الدكتور ده يشرح لطلبه
2- طريقه شرحه محتاجه مراجعه منه لكى يفهم الطلبه

اما اذا فعلت كل ما عليك و لم يراجع من تظنه على غير صواب نفسه

يبقى انت عملت اللى عليك و كما ذكرت اللى هايسرى هايسرى على الكل
اعتقد ان اسوء رئيس كان لامريكا كان بوش الابن
و الكثير داخل امريكا لم يكن راضيا عنه و مع ذلك اكمل الفترتين ( اكيد هناك ظروف مساعده لذلك و لكن العبرة بالنهايه)

و بما انك ذكرت مبدأ مونرو تانى..... انا برضه لسه موضحتش ليه موضوع ايران كابوس بالنسبة لى.... و تلك قصة اخرى

كل ما قيل و لسه ماذكرتش كابوس ايران

انت بصراحه جعلتنى اكثر اشتياقا و خوفا للمعرفه

[w-m-a]

التقدم الاسرائيلى بلغ مداه
الناس دى بتفكر صح وبترتيب مش لجوائز اوشهرة
طردوا من اوطانهم فوجدوا وطن ونموه
برغم انه فى قلب اعدائهم
احتلوه وحوله الى وطن كامل لهم برغم احتواءه على اهم مقدسات المسلمين والمسحيين
الاول استوردوا السلاح فى فترة الحرب
وبعدين طوروه فى فترة السلام اللى هما اعتبروها هدنه
وبعدين باعوه
الاجهزه التعوضيه (للمعاقين)
طبعا هم الاوائل فيها بلا منازع
ووصلوا فيها لمرحله رهيبه
انا فاكر سنه 94 كانو عاملين كرسى متحرك بيطلع وينزل السلم ويسير على الارض الغير مستويه
انا شخصيا جربته فى اطار فاعليات مؤتمر
من كام شهر على الـ bbc كانو عاملين مسابقه لطلبه الجامعات للروبوت
طبعا عاملين حاجات على كل شكل ولون
الطائر والزاحف والعائم والغاطس والقافز والمتسلق
واكبر واحد قد القطه المتوسطه واصغرهم قد الضفدع الكبير
طبعا الهدف تلافى الهجمات الارهابيه
كذلك الزراعه الاول كيفيه زراعه المستنقعات والمرتفعات
وابدعوا فيها
واصبحوا من اهم خبراء الزراعه
الخلاصه انهم استغلوا الظروف لصالح تقدمهم
واستغلوا فتره السلام ليس للراحه وانما للبحث والتقدم
انا مع حضرتك انهم اعدائى واعداء جنسنا وعقائدنا جميعا
ومهم جدا معرفه كل شئ عنهم وعدم الاستخفاف بهم
واحنا بنهتم بحاجات تافهه ونشغل وقتنا بها
الباحث عندنا يبحث اربع سنين علشان يخلص رسالته وينجح
ولكن طريق البحث لاتصلح
اربع سنين هطلع دهب من البحر
هعمل اسمنت من التراب
هعالج فيرس c بالبلح
وتجتمع اللجنه وتمنح الطالب الدرجه العلميه
بس التجربه لم نتمكن من تطبيقها
ههههههههههههههههههههه
والعرب هايصين فى الفته
عربيات
اجهزه
قصور
وبس
كان فى طالب خليجى بيدرس فى لندن وابوه شيخ ارسله سياره مرسيدس خارقه
فالولد بعث لابوه قاله كل زملائى بيروحى الكليه بالقطار وانا لاء انا مكسوف
ابو بعتله شيك على بياض وقالوه شوف القطار بكام واشتريه ومتبقاش اقل منهم
هههههههههههههه
هم يضحك ولا يبكى
المهم كل واحد يعمل اللى عليه والباقى على الله تعالى

[Imhotep]

كان فى طالب خليجى بيدرس فى لندن وابوه شيخ ارسله سياره مرسيدس خارقه
فالولد بعث لابوه قاله كل زملائى بيروحى الكليه بالقطار وانا لاء انا مكسوف
ابو بعتله شيك على بياض وقالوه شوف القطار بكام واشتريه ومتبقاش اقل منهم
هههههههههههههه
هم يضحك ولا يبكى
المهم كل واحد يعمل اللى عليه والباقى على الله تعالى

هههههههههههههههههههههه. . . قلت اقع من الضحك على دى قبل ما ارد رد مستفيض على ا. محمد. . . هههههههههههههههه

[Imhotep]

انا لم اقصد اى اسقاط عليك عند جزئية الادوار و لكنى احييك على معرفة دورك

المشكله التى نسيت ان اذكرها , ان تكون عارف دورك الصحيح , فالبلطجى عارف دوره كويس و الفنان عارف دوره كويس و اللى زى حضرتك برضه عارفين دورهم كويس و احييك عليه و اتمنى ان اكون مثلكم

كما انى اتفق معك تماما فى جزئية المعرفه فنحن امة لا تقرأ
(بمناسبة القراءه عندما كنت اريد شراء كيندل و سألت عليه فى السعوديه الناس حسستنى ان اسأل على شئ قادم من الفضاء و عندما شرحت لهم عمله لعله معرف باسم اخر عندهم نظروا لى شزرا وقالوا ايه اللى يخلينى اجيب جهاز ابيض و اسود ما انا عندى الاى باد برقبته
و نفس الامر تكرر فى دبى غير انى للامانه وجدت منه كذا نسخه للبيع و لكنهم نسخ قديمه و موجوده بطريقه مهمله
و صادف بعضها ان التقيت بمدير معمل من جنوب افريقيا و تحدثت معه حول الجهاز فضل يقولى فيه شعر و لا اكنه كان بيبيعه لى)




اولا تحياتى لك على تلك المشاركه
و لكن هل تقصدنى شخصيا بها :)
فى هذا انا مختلف معك قليلا
فى الامور السياسيه ,رأيك ممكن يكون عظيم و مبنى على درايه و علم و لكنه ليس مع الاغلبيه
و يبقى من يحتاج للمراجعه هو انت و ليس الاخريين
لان هذا معناه انك لم تستطع ان توصل فكرك لهم بالطريقه التى يفهمها هؤلاء

لو الدكتور واخد جوائز الدنيا العلميه و نابغة عصره و لكن عندما يدخل المدرج لا يفهمه معظم الطلبه
الخلل هنا فى حاجتين
1- اللى جعل الدكتور ده يشرح لطلبه
2- طريقه شرحه محتاجه مراجعه منه لكى يفهم الطلبه

اما اذا فعلت كل ما عليك و لم يراجع من تظنه على غير صواب نفسه

يبقى انت عملت اللى عليك و كما ذكرت اللى هايسرى هايسرى على الكل
اعتقد ان اسوء رئيس كان لامريكا كان بوش الابن
و الكثير داخل امريكا لم يكن راضيا عنه و مع ذلك اكمل الفترتين ( اكيد هناك ظروف مساعده لذلك و لكن العبرة بالنهايه)





كل ما قيل و لسه ماذكرتش كابوس ايران

انت بصراحه جعلتنى اكثر اشتياقا و خوفا للمعرفه

بص يا باشا. . . انا هكلمك على كذا مستوى. . . اولا المستوى الاخلاقى لانى اولا عايز احييك على احساسك بالمسئولية اللى خلاك تتساءل و تقلق. .. لانك عايز تعرف الاختيار اللى انت اخترته هيودينا فين. . .
و ده فى حد ذاته يدل على ضمير يقظ و احساس اخلاقى راقى. . . و الدليل انك عملت الموضوع ده و بتحاول تبحث و تقرأ و تفهم

ثانيا المستوى الدينى. .. على حد علمى فى حديث شريف بيقول انصر اخاك ظالما او مظلوما. . . و لما قيل فكيف مظلوما. . . كان الرد برده عن ظلمه. . . طيب لو طبقنا ده على الاخوان. . . هنلاقى انك اولا ارتكبت خطأ اعتبارهم ممثلين للدين و بالتالى ففشلهم سينسب للدين. . .و هذا فى رأيى خطأ. . . لانك كده بتعمل بالظبط اللى خلاهم يعملوا الدين يافطة ليهم. . . عشان انت و غيرك تختاروهم و لما تختاروهم تبقى خلاص مفيش فلفصة لان فشلهم ممكن ينسب للدين و الدين منهم براء. . . هم مما رأيناه منهم غرضهم سياسى بحت و هو السلطة و الحكم. . . حسنا هذا حقهم زيهم زى اى حد فى مجال السياسة. . . لكن لا الدين حكر عليهم و لا هم حتى خير من يمثله يبقى ميبقاش هو الستارة اللى بيستخبوا وراها و اللى يعارضهم يبقى بيعارض الدين لان حتى هذا القناع قد سقط عنهم و الناس شافتهم على حقيقتهم محبيهم و مؤيديهم قبل معارضيهم و اى حد امين مع نفسه و غيره لا يستطيع انكار ذلك اما اللى مصمم يعيش فى الانكار فده بيضحك على نفسه قبل اى حد. . . لان الدين و التدين الحقيقى بيتشاف كترجمة فى افعال الانسان و اخلاقه . . . و من الاخوان لم نرى الا الكذب و الغش و الخداع و الانتهازية . . . بل الاسوأ. . . انه فى عرفهم ان من لا ينتمى اليهم. . . فبكل سهولة يخرجونه من الدين. . . و فى عرفهم انهم هم الدين و الدين هم. . . يعنى فى الوقت اللى انت كنت كريم معاهم و احسنت الظن بيهم و اعتبرتهم ممثلين للدين الا انهم هم مش بنفس الكرم معاك و مع غيرك الا فى حالة واحدة فقظ. . . ان تنتمى اليهم. . . غير كده يبقى ملكش قيمة عندهم. . . عشان كده عندى قناعة شخصية ان لو مصر كلها ماتت عشان تقول لمرسى امشى. . . و لا هيفرق معاه. . . و لا هيتأثر و يعمل اى شئ. . . عشان هو فى منظومة قيمه. . . مفيش حاجة اسمها مصر . . . يوجد الجماعة و الاخوة فقط لا غير. . . و اخيرا و ليس اخرا فالاخوان لهم عليك و على كل من اختارهم حق ردهم عن غيهم و استبدادهم بحسب الحديث السابق ذكره. . . ازاى بقى دى مسئوليتك و مسئولية كل من اختارهم. . . ده للى عنده ضميرك اليقظ و احساسك الخلقى العالى

ثالثا. . . على المستوى السياسى. . . مرسى ارتكب و لسه هيرتكب كل اخطاء و خطايا مبارك. . . يبقى ايه الفرق.،؟ و اذا كان مبارك مشى بعد 18 يوم. . . فمرسى فى الحقيقة مش فى نيته يمشى لو مصر كلها ماتت قدامه فى 18 سنة. . . اضف الى كده انهم ياريت كانوا اثبتوا كفاءة و انهم على اد المسئولية. . . كنا قلنا ماشى طالما هيحسنوا من احوال البلد و الشعب. . . لكن حتى ده مفيش عليه اى بوادر. . . هم مش كانوا بيقولوا ان معندهمش مانع غير مصرى يحكم مصر. . . خلاص يجيبوا مهاتير محمد يعمل فى مصر اللى عمله فى ماليزيا. . . و اهو يبقى اختبار حقيقى لاثبات حسن النية فى تركهم الكرسى طواعية لمن يصلح اكثر منهم. . . و هو اختبار اعرف جيدا انهم سيفشلون فيه. . .

عايز تعرف بقية قصة ايران مش كده.،؟ المفناح بتاعها انا قلته ك x factor هيقلب الموازين رأسا على عقب. . . الجهاديين. . . اول ما المعمعة هتبتدى و التلويش هيبقى من كل الاطراف فى بعض. . . طبعا لازم حبايبنا اللى فى سينا يجاملوا. . . اسرائيل هتطلب مننا نسكتهم. . . طبعا مش هنعرف ( فاكر العملية نسر اللى طار و محدش عرف راح فين). . . و النتيجة انها هى اللى هتضطر تتدخل تعمل اللى احنا مش هنعرف نعمله. . . لانهم فيما يخص امنهم القومى مبيهزروش. . . و ادى الحال و المحتال و اللى هيحصل. . . و اللى هينوبنا. . . اديك عرفت الكابوس اللى كاتم على عقلى. . . لما خلاص هتجنن. . . و اللى يعرف اكتر . . . يحزن اكتر. . . و اعتقد ان اللى انا اتكلمت عنه هنا كان سبب بحثى عنه و قراءتى عنه هو قلقى انا الاخر على مستقبلنا و مصيرنا كلنا

انا اتكلمت معاك بكل صراحة زى ما قلتلك تقديرا منى بالاساس لاحساسك العالى بالمسئولية. . . و ده شئ مشفتوش كتير مؤخرا . . . ناس كتير اما مازال واخداهم العزة بالاثم. . . او مكتفيين بالصمت و خلاص. . . و ربنا موجود ملناش غيره فى النهاية

برضه طبعا الاخوة المريدين و المحبين و المؤيدين مؤكد كلامى مش هيعجبهم و هيشوفوه قاسى جدا و فيه من التحامل الكثير و الكثير. . . هقولهم معلش. . . سامحوا جهلى باللى انتم شايفينه. . . و محدش غيركم شايفه. . . و ربنا يسهل و نشوف بأعينكم لان احنا منكرهش الخير لكم و لنا و للبلد كلها. . . بس لما ربنا يهدينا و اياكم لسبيل الخير

[w-m-a]

ثانيا المستوى الدينى. .. على حد علمى فى حديث شريف بيقول انصر اخاك ظالما او مظلوما. . . و لما قيل فكيف مظلوما (ظالما). . . كان الرد برده عن ظلمه. . . طيب لو طبقنا ده على الاخوان. . . هنلاقى انك اولا ارتكبت خطأ اعتبارهم ممثلين للدين و بالتالى ففشلهم سينسب للدين. . .و هذا فى رأيى خطأ. . . لانك كده بتعمل بالظبط اللى خلاهم يعملوا الدين يافطة ليهم. . . عشان انت و غيرك تختاروهم و لما تختاروهم تبقى خلاص مفيش فلفصة لان فشلهم ممكن ينسب للدين و الدين منهم براء. . .
اسمحلى اختلف معك هنا فالاخوان مجرد منتمين للدين ومتمسكين به او يسيرون على دربه وليسوا ممثلى للدين ولكن للاسف الشديد نجاحهم منسوب لهم اما فشلهم فمنسوب للدين
هم مما رأيناه منهم غرضهم سياسى بحت و هو السلطة و الحكم. . . حسنا هذا حقهم زيهم زى اى حد فى مجال السياسة. . . لكن لا الدين حكر عليهم و لا هم حتى خير من يمثله يبقى ميبقاش هو الستارة اللى بيستخبوا وراها و اللى يعارضهم يبقى بيعارض الدين لان حتى هذا القناع قد سقط عنهم و الناس شافتهم على حقيقتهم محبيهم و مؤيديهم قبل معارضيهم و اى حد امين مع نفسه و غيره لا يستطيع انكار ذلك اما اللى مصمم يعيش فى الانكار فده بيضحك على نفسه قبل اى حد. . . لان الدين و التدين الحقيقى بيتشاف كترجمة فى افعال الانسان و اخلاقه . . .
متفق معاك فى ده
و من الاخوان لم نرى الا الكذب و الغش و الخداع و الانتهازية . . . بل الاسوأ. . .
ممكن امثله فعليه غير موقفهم فى محمد محمود والعباسيه وقلنا مش هنرشح ورشحنا
انه فى عرفهم ان من لا ينتمى اليهم. . . فبكل سهولة يخرجونه من الدين. . . و فى عرفهم انهم هم الدين و الدين هم. . .
مين اللى قال كده عن الاخوان انا برغم اختلافى معاهم فى الكثير من الامور الا فى هذه النقطه
اسمحلى هم ليس كذلك نهائيا فى امور الدين
لكنهم كده فى امور ادارة الجماعه
يعنى فى الوقت اللى انت كنت كريم معاهم و احسنت الظن بيهم و اعتبرتهم ممثلين للدين الا انهم هم مش بنفس الكرم معاك و مع غيرك الا فى حالة واحدة فقظ. . . ان تنتمى اليهم. . . غير كده يبقى ملكش قيمة عندهم. . .
بالعكس تماما لا يوجد انتماء للجماعه دون شروط معقده وتسلسل وترتيب معقد
عشان كده عندى قناعة شخصية ان لو مصر كلها ماتت عشان تقول لمرسى امشى. . . و لا هيفرق معاه. . . و لا هيتأثر و يعمل اى شئ. . . عشان هو فى منظومة قيمه. . . مفيش حاجة اسمها مصر . . . يوجد الجماعة و الاخوة فقط لا غير. . .
تفتكر انهم من الغباء انهم بعد 80 سنه خلاف مع الحكومات المختلفه وتعذيب وسجون فى النهايه
هيحكموا نفسهم فقط
هيفضوا مصر عليهم ونرجع لاروربا فى العصور الوسطى واضلاع مثلث الدوله
لا اعتقد
و اخيرا و ليس اخرا فالاخوان لهم عليك و على كل من اختارهم حق ردهم عن غيهم و استبدادهم بحسب الحديث السابق ذكره. . . ازاى بقى دى مسئوليتك و مسئولية كل من اختارهم. . . ده للى عنده ضميرك اليقظ و احساسك الخلقى العالى
كلام تمام
وفعلا لازم هو ده اللى يتم من كل افراد الشعب
ثالثا. . . على المستوى السياسى. . . مرسى ارتكب و لسه هيرتكب كل اخطاء و خطايا مبارك. . . يبقى ايه الفرق.،؟ و اذا كان مبارك مشى بعد 18 يوم. . . فمرسى فى الحقيقة مش فى نيته يمشى لو مصر كلها ماتت قدامه فى 18 سنة. . . اضف الى كده انهم ياريت كانوا اثبتوا كفاءة و انهم على اد المسئولية. . . كنا قلنا ماشى طالما هيحسنوا من احوال البلد و الشعب. . . لكن حتى ده مفيش عليه اى بوادر. . .
سيبها للايام
هم مش كانوا بيقولوا ان معندهمش مانع غير مصرى يحكم مصر. . . خلاص يجيبوا مهاتير محمد يعمل فى مصر اللى عمله فى ماليزيا. . . و اهو يبقى اختبار حقيقى لاثبات حسن النية فى تركهم الكرسى طواعية لمن يصلح اكثر منهم. . . و هو اختبار اعرف جيدا انهم سيفشلون فيه. . .
يا ريت يتم ده
عايز تعرف بقية قصة ايران مش كده.،؟ المفناح بتاعها انا قلته ك x factor هيقلب الموازين رأسا على عقب. . . الجهاديين. . . اول ما المعمعة هتبتدى و التلويش هيبقى من كل الاطراف فى بعض. . . طبعا لازم حبايبنا اللى فى سينا يجاملوا. . . اسرائيل هتطلب مننا نسكتهم. . . طبعا مش هنعرف ( فاكر العملية نسر اللى طار و محدش عرف راح فين). . . و النتيجة انها هى اللى هتضطر تتدخل تعمل اللى احنا مش هنعرف نعمله. . . لانهم فيما يخص امنهم القومى مبيهزروش. . . و ادى الحال و المحتال و اللى هيحصل. . . و اللى هينوبنا. . . اديك عرفت الكابوس اللى كاتم على عقلى. . . لما خلاص هتجنن. . . و اللى يعرف اكتر . . . يحزن اكتر. . . و اعتقد ان اللى انا اتكلمت عنه هنا كان سبب بحثى عنه و قراءتى عنه هو قلقى انا الاخر على مستقبلنا و مصيرنا كلنا
للاسف ده الكابوس الفعلى للموضوع بتاع ايران
غير كده تتحرق ايران على امريكا واسرائيل
مع ان انا فى قراره نفسى ... عاوز ايران تتضرب لانها بتشكل خطر على المنطقه كلها بما فيهم مصر
على المستويين السياسى والدينى
انا اتكلمت معاك بكل صراحة زى ما قلتلك تقديرا منى بالاساس لاحساسك العالى بالمسئولية. . . و ده شئ مشفتوش كتير مؤخرا . . . ناس كتير اما مازال واخداهم العزة بالاثم. . . او مكتفيين بالصمت و خلاص. . . و ربنا موجود ملناش غيره فى النهاية
احييك للمرة الالف على صراحتك ووطنيتك
واسف لتدخلى وانت توجهه حديثك للاستاذ / محمد
بس انا لا استطيع ان اجد انسان يناقش بموضوعيه واحترام ولا استفيض منه
برضه طبعا الاخوة المريدين و المحبين و المؤيدين مؤكد كلامى مش هيعجبهم و هيشوفوه قاسى جدا و فيه من التحامل الكثير و الكثير. . . هقولهم معلش. . . سامحوا جهلى باللى انتم شايفينه. . . و محدش غيركم شايفه. . .
ده العادى من اى متعصب لفكره
ربنا يهدى الجميع
وربنا يستر وميدخلوش علينا يبوظوا الموضوع الجميل
و ربنا يسهل و نشوف بأعينكم لان احنا منكرهش الخير لكم و لنا و للبلد كلها. . . بس لما ربنا يهدينا و اياكم لسبيل الخير
اللهم امين
وشكرا

[eslamrace]

بصراحه كل التحيه لكل المشاركين فى الموضوع ده اللى بجد نوعيته وحشتنا جدا خصوصا انه مش فى الشارع المصرى
وبعدين لازم بقى طالما الموضوع تشعب كده والموضوع اصبح يعج بالمعلومات يبقى نشارك ونسأل .
الاول انا عاوز افهم خصوصا من mahora هو المفروض ان مصر عندها جيش وتصنيفه العالمى على حد علمى انه كويس وكنت تابعت د/ نبيل فاروق وهو بيتكلم ان الجيش المصرى ترتيبه عالى لان الجيوش اللى بتسبقه عندها تكنولوجيا عاليه جدا فى مجال التسليح بس معندهاش روح المقاتل المصرى او الفدائيه بتاعته ان الجندى المصرى لو حس ان حياته حتفرق فى المعركه على استعداد انه يضحى بيها دون تردد عكس الدول الغربيه .................وبالتالى سالت نفسي سؤال طالما ناقصنا التطور العلمى والتكنولوجى فى التسليح طيب امال احنا بنستورد ايه وجاوبت اجابه منطقيه احنا بناخد اسلحه من الدول اللى بتصنفنا اما اعداء او على الحياد "يعنى برضه مش مامنين لنا" يبقى منطقى مش حيدونا اسلحه غير لما يكون عندهم رادع ليها ويكون عندهم احدث منها على الاقل 10 مرات ..............فرجعت سالت نفسي سؤال تانى طيب ما الجيش المصرى فى مهندسين على اعلى مستوى وميزانيه الجيش تسمح ان يتوفرلهم الامكانيات علشان يطوروا الاسلحه اللى بنستوردها وبالتالى ممكن على الاقل نقرب فرق التكنولوجيا ونحسن ترتيبنا واكتشفت ان اجابه السؤال ده محبطه للغايه ان السلاح اللى بيجيلنا ممنوع اننا نعدل عليه او حتى نعرف مكوناته ................. فكده يبقى احنا حنفضل طول عمرنا ترتيبنا التكنولوجى منيل بنيله بعيدا عن الفوارق الفرديه فحاولت اشوف احنا وضعنا كده من زمان ولا ده بسبب اننا حاليا ومنذ عهد فات ماسكين فى ديل الغرب واهم حاجه علاقتنا بيهم تفضل مستقره ومنزعلهاش ابدا حتى لو على حساب كرامتنا واكتشفت ان مصر فى عهد عبد الناصر فعلا بدات تصنع صواريخ وطيارات وعلى حسب روايه "احمد المسلمانى <كتاب مصر الكبرى> " ان احنا فعلا كنا بننتج حاجه على الاقل توصف انها تنافسيه فى حينها واننا ايامها كان عندنا خبراء المان ومشيتهم اسرائيل بالتهديد علشان توقعنا وده حصل فعلا لان الانتاج وقف بالفعل .
السؤال بقى اللى معرفتش اوصل لاجابته """"""""""""""""""ليه احنا مش عاملين مصنع لتطوير او صناعه الاسلحه خصوصا انه على حسب معلوماتى مصر مش ممنوعه من ده وان المنع من التطوير للاسلحه المستورده وطالما التطوير بعيدا عن الطاقه النوويه ؟؟؟؟؟؟؟؟؟؟؟؟؟؟؟ رغم انى استأت جدا لما عرفت ان الامارات بتنتج اسلحه وتم عرضها فى معرض“آيديكس 2013″ هناك وكان فى مشاركه من كل دول العالم و قيادات من الجيش المصرى حضرت المعرض بس كمتفرجين بالرغم من ان الامارات معندهاش مهندسين عباقره زينا ولا جيش بالروح ولا الالتزام بتاعنا ومع ذلك هم ينتجوا سلاح وميخافوش واحنا لا """""""""""""""""


لو حد يعرف اجابه يقولى خصوصا انى دورت وسالت كتير وملقتش اجابه شافيه او منطقيه


وبخصوص حال بلدنا فاحب اقول ان حاليا وبكل صدق مصر مش لاقيه سلطه محترمه ولا معارضه مخلصه كله بياكل عيش وده باختصار علشان انا معبى ومبطل اتكلم فى السياسه بقالى مده لعل اعصابى تهدى .

وبالنسبه لمحمد نجيب بصراحه انا معنديش معلومات كافيه عنه بس حسب قرائتى للوضع ايامها ان الثوره كانت امر واقع على الشعب وتغييره برضه كان امر واقع وعبد الناصر قدر يفهم طبيعه المصريين فكسب ودهم واعطاهم وحسن مستوى الطبقات السفلى فكسب حب الناس وخلاهم يتغاضوا عن اى حاجه هو او غيره عملها وده ذكاء منه انه قدر يخللى اغلب الشعب يحبه شخصيا وبالتالى زى مبيقولو حبيبك يبلعلك الظلط ههههههههههههه
تحياتى

[Imhotep]

ثانيا المستوى الدينى. .. على حد علمى فى حديث شريف بيقول انصر اخاك ظالما او مظلوما. . . و لما قيل فكيف مظلوما (ظالما). . . كان الرد برده عن ظلمه. . . طيب لو طبقنا ده على الاخوان. . . هنلاقى انك اولا ارتكبت خطأ اعتبارهم ممثلين للدين و بالتالى ففشلهم سينسب للدين. . .و هذا فى رأيى خطأ. . . لانك كده بتعمل بالظبط اللى خلاهم يعملوا الدين يافطة ليهم. . . عشان انت و غيرك تختاروهم و لما تختاروهم تبقى خلاص مفيش فلفصة لان فشلهم ممكن ينسب للدين و الدين منهم براء. . .
اسمحلى اختلف معك هنا فالاخوان مجرد منتمين للدين ومتمسكين به او يسيرون على دربه وليسوا ممثلى للدين ولكن للاسف الشديد نجاحهم منسوب لهم اما فشلهم فمنسوب للدين
هم مما رأيناه منهم غرضهم سياسى بحت و هو السلطة و الحكم. . . حسنا هذا حقهم زيهم زى اى حد فى مجال السياسة. . . لكن لا الدين حكر عليهم و لا هم حتى خير من يمثله يبقى ميبقاش هو الستارة اللى بيستخبوا وراها و اللى يعارضهم يبقى بيعارض الدين لان حتى هذا القناع قد سقط عنهم و الناس شافتهم على حقيقتهم محبيهم و مؤيديهم قبل معارضيهم و اى حد امين مع نفسه و غيره لا يستطيع انكار ذلك اما اللى مصمم يعيش فى الانكار فده بيضحك على نفسه قبل اى حد. . . لان الدين و التدين الحقيقى بيتشاف كترجمة فى افعال الانسان و اخلاقه . . .
متفق معاك فى ده
و من الاخوان لم نرى الا الكذب و الغش و الخداع و الانتهازية . . . بل الاسوأ. . .
ممكن امثله فعليه غير موقفهم فى محمد محمود والعباسيه وقلنا مش هنرشح ورشحنا
انه فى عرفهم ان من لا ينتمى اليهم. . . فبكل سهولة يخرجونه من الدين. . . و فى عرفهم انهم هم الدين و الدين هم. . .
مين اللى قال كده عن الاخوان انا برغم اختلافى معاهم فى الكثير من الامور الا فى هذه النقطه
اسمحلى هم ليس كذلك نهائيا فى امور الدين
لكنهم كده فى امور ادارة الجماعه
يعنى فى الوقت اللى انت كنت كريم معاهم و احسنت الظن بيهم و اعتبرتهم ممثلين للدين الا انهم هم مش بنفس الكرم معاك و مع غيرك الا فى حالة واحدة فقظ. . . ان تنتمى اليهم. . . غير كده يبقى ملكش قيمة عندهم. . .
بالعكس تماما لا يوجد انتماء للجماعه دون شروط معقده وتسلسل وترتيب معقد
عشان كده عندى قناعة شخصية ان لو مصر كلها ماتت عشان تقول لمرسى امشى. . . و لا هيفرق معاه. . . و لا هيتأثر و يعمل اى شئ. . . عشان هو فى منظومة قيمه. . . مفيش حاجة اسمها مصر . . . يوجد الجماعة و الاخوة فقط لا غير. . .
تفتكر انهم من الغباء انهم بعد 80 سنه خلاف مع الحكومات المختلفه وتعذيب وسجون فى النهايه
هيحكموا نفسهم فقط
هيفضوا مصر عليهم ونرجع لاروربا فى العصور الوسطى واضلاع مثلث الدوله
لا اعتقد
و اخيرا و ليس اخرا فالاخوان لهم عليك و على كل من اختارهم حق ردهم عن غيهم و استبدادهم بحسب الحديث السابق ذكره. . . ازاى بقى دى مسئوليتك و مسئولية كل من اختارهم. . . ده للى عنده ضميرك اليقظ و احساسك الخلقى العالى
كلام تمام
وفعلا لازم هو ده اللى يتم من كل افراد الشعب
ثالثا. . . على المستوى السياسى. . . مرسى ارتكب و لسه هيرتكب كل اخطاء و خطايا مبارك. . . يبقى ايه الفرق.،؟ و اذا كان مبارك مشى بعد 18 يوم. . . فمرسى فى الحقيقة مش فى نيته يمشى لو مصر كلها ماتت قدامه فى 18 سنة. . . اضف الى كده انهم ياريت كانوا اثبتوا كفاءة و انهم على اد المسئولية. . . كنا قلنا ماشى طالما هيحسنوا من احوال البلد و الشعب. . . لكن حتى ده مفيش عليه اى بوادر. . .
سيبها للايام
هم مش كانوا بيقولوا ان معندهمش مانع غير مصرى يحكم مصر. . . خلاص يجيبوا مهاتير محمد يعمل فى مصر اللى عمله فى ماليزيا. . . و اهو يبقى اختبار حقيقى لاثبات حسن النية فى تركهم الكرسى طواعية لمن يصلح اكثر منهم. . . و هو اختبار اعرف جيدا انهم سيفشلون فيه. . .
يا ريت يتم ده
عايز تعرف بقية قصة ايران مش كده.،؟ المفناح بتاعها انا قلته ك x factor هيقلب الموازين رأسا على عقب. . . الجهاديين. . . اول ما المعمعة هتبتدى و التلويش هيبقى من كل الاطراف فى بعض. . . طبعا لازم حبايبنا اللى فى سينا يجاملوا. . . اسرائيل هتطلب مننا نسكتهم. . . طبعا مش هنعرف ( فاكر العملية نسر اللى طار و محدش عرف راح فين). . . و النتيجة انها هى اللى هتضطر تتدخل تعمل اللى احنا مش هنعرف نعمله. . . لانهم فيما يخص امنهم القومى مبيهزروش. . . و ادى الحال و المحتال و اللى هيحصل. . . و اللى هينوبنا. . . اديك عرفت الكابوس اللى كاتم على عقلى. . . لما خلاص هتجنن. . . و اللى يعرف اكتر . . . يحزن اكتر. . . و اعتقد ان اللى انا اتكلمت عنه هنا كان سبب بحثى عنه و قراءتى عنه هو قلقى انا الاخر على مستقبلنا و مصيرنا كلنا
للاسف ده الكابوس الفعلى للموضوع بتاع ايران
غير كده تتحرق ايران على امريكا واسرائيل
مع ان انا فى قراره نفسى ... عاوز ايران تتضرب لانها بتشكل خطر على المنطقه كلها بما فيهم مصر
على المستويين السياسى والدينى
انا اتكلمت معاك بكل صراحة زى ما قلتلك تقديرا منى بالاساس لاحساسك العالى بالمسئولية. . . و ده شئ مشفتوش كتير مؤخرا . . . ناس كتير اما مازال واخداهم العزة بالاثم. . . او مكتفيين بالصمت و خلاص. . . و ربنا موجود ملناش غيره فى النهاية
احييك للمرة الالف على صراحتك ووطنيتك
واسف لتدخلى وانت توجهه حديثك للاستاذ / محمد
بس انا لا استطيع ان اجد انسان يناقش بموضوعيه واحترام ولا استفيض منه
برضه طبعا الاخوة المريدين و المحبين و المؤيدين مؤكد كلامى مش هيعجبهم و هيشوفوه قاسى جدا و فيه من التحامل الكثير و الكثير. . . هقولهم معلش. . . سامحوا جهلى باللى انتم شايفينه. . . و محدش غيركم شايفه. . .
ده العادى من اى متعصب لفكره
ربنا يهدى الجميع
وربنا يستر وميدخلوش علينا يبوظوا الموضوع الجميل
و ربنا يسهل و نشوف بأعينكم لان احنا منكرهش الخير لكم و لنا و للبلد كلها. . . بس لما ربنا يهدينا و اياكم لسبيل الخير
اللهم امين
وشكرا

عذرا على الخطأ المطبعى فى كتابة الحديث.....

كل اللى انت قلته كوم و فكرة ان (ولكن للاسف الشديد نجاحهم منسوب لهم اما فشلهم فمنسوب للدين) و هى دى اللى يهمنى انى افندها هنا عشان هى دى المبرر النفسى اللى كل اللى حاسس بحرج امام نفسه على اختيارهم زى اخونا ا. محمد يقدر يتعامل مع الفكرة دى و يحيدها فى ذهنه و يفك الارتباط الغير صحيح ده...... الفكرة دى بالذات هى كارثة بالمعنى السياسى..... و هى التوريطة اللى بيعتمد عليها الاخوان اللى ورطوها لكل اللى اختاروهم..... و هى دى فى الحقيقة ورقة التوت الاخيرة اللى معتمدين عليها لكى تستمر تستر سوءات نظامهم...... انت كده بتظلم الدين ظلم كبير جدا رايح جاى..... لانك قلت ان نجاحهم منسوب لهم يعنى انت كده نفيت حتى ان الدين هيكون سبب نجاحهم و ده ان دل على شئ فيدل على انك اصلا مش شايف الدين فيهم حتى كتطبيق شخصى على اشخاصهم و ده ناتج عن انك فعليا مش شايف فيهم غير سوءات السياسة و مش شايف اى حاجة جيدة يمكن نسبتها الى الدين..... و هذه هى الحقيقة اللى اى حد فى لحظة صراحة مع االنفس لازم يشوفها......

طيب نخش فى المفيد...... فكرة ان فشلهم سينسب للدين...... مين قال؟ الدين اكبر كثيرا بما لا يقاس من كل المنتمين اليه...... لو عندك 3 عيدان كبريت...... و عملت بيهم مثلث...... هل فى الحالة دى الكل يبقى بيساوى مجموع الاجزاء؟ الاجابة بالقطع لأ...... ليه؟ لان ال 3 عيدان الكبريت لما كانوا متفرقين كانوا يساووا انفسهم فرادى...... لكن لما عملت بيهم مثلث..... عيدان الكبريت خلاص تخلت عن كيانها الفردى و كونت كيان جديد هو المثلث اللى اصبح يتجاوز ككيان كل مجموع الاجزاء اللى كونته...... هكذا الدين...... الدين وزنه فى حد ذاته يتجاوز بما لا يقاس مجموع اوزان كل من ينتمون اليه......

تاريخيا...... مصر بقالها 1400 سنة حاكمها مسلم ...... و معظم شعبها مسلم...... هتقولى ما هو الجديد ان اللى بيحكم المرة دى عامل الدين منهج ليه و عاوز يحكم بيه...... هقولك ادينى امارة...... ادينى امارة على وجود منهج واضح او رؤية واضحة اصلا عند اللى بيزعم هذا الزعم انه هيطبقها وهو مجرد كلام دعائى انتخابى و خلاص عامل كده زى مشروع النهضة اللى كبيرهم تنفيذيا وقع بلسانه و قالك انه مش موجود اصلا...... و الافتراض ده اصلا خطأ من اساسه لانه يفترض ان كل من سبقوا الحكام الحاليين لم يكونوا ايضا يطبقون الدين...... و هنا دراسة التاريخ تفيد لان الدين تطبيقه موجود فى حياة كل الناس و كل قوانين البلد من اول ما بقى فى مصر مجلس نواب يسن القوانين من سبعينات القرن ال 19 و كان كتير من اعضاءه من اهل العلم الدينى لانهم كانوا علماء عصرهم...... و القوانين دى تم كتابتها و استخلاصها من ممارسات عرفية و قوانين غير مكتوبة كان بيتم الحكم بها فى المحاكم العرفية اللى كان بيحكم فيها علماء الدين...... حد هييجى يقولى طب و الاحكام المستقاة من القوانين الوضعية الفرنسية و الكلام ده...... هقوله يا سيدى ايه اللى يمنع ان قوانين مستحدثة لجرائم مستحدثة يتم استيحاء قوانينها من قوانين موازية فى دول اخرى و يتم فيها مراعاة ان تتماشى مع روح الاحكام الدينية؟ لان الدين يجب ان تسرى روحه فيما يستحدثه الزمن من مستجدات و هذا كان سبب نشأه علم الفقه من الاساس.....

طيب بما ان احنا الجمد لله وصلنا لنتيجة مهمة و هى ان البلد دى من 1400 سنة و معظم سكانها مسلمين و ايضا اللى كانوا بيحكموها مسلمين :) تخيل ان احنا بقينا محتاجين نثبت البديهيات بس ما علينا...... ده طبعا يتناقض تماما مع منطلقات الممارسين الحاليين للسياسة بأسم الدين لانهم من اهدافهم المهمة انهم يقنعوك ان كل من سبقهم لم يكن يطبق الدين عشان يطلبوا منك بعدها انك تعطيهم الفرصة لكى يطبقوا الدين...... حلوة الخدعة دى مش كده؟ بس للاسف ناس كتير بلعوها

و بما ان احنا برضه اعتقد يعنى ان الناس برضه مؤمنة متدينة و بتمارس شعائر الدين فى حياتها....... و برضه ده مهم جدا عند الممارسين الحاليين للسياسة بأسم الدين انهم يحسسوك ان البلد دى عمر اهلها ما كانوا مسلمين..... عشان بعدها على طول يطلبوا منك انك تديهم الفرصة عشان يعرفوك هم ايه هو الدين...... حلوة كمان الخدعة دى؟ للاسف ناس اكتر بلعوها

و نيجى لمثل طازه لسه حاصل عن الفشل اللى الاخوان فيه..... هم مش لسه من فترة بسيطة كانوا عملوا قانون الصكوك الاسلامية و عرضوه على مجمع البحوث الاسلامية؟ راح المجمع رماه تانى فى وشهم بعد ما شركه..... ادى مدى علمهم...... و لانهم خلاص بقوا فى كرسى الحكم...... فراحوا موقعين كلمة الاسلامية اللى مكتوبة ورا الصكوك..... وبقوا يقولولك قانون الصكوك و خلاص!!! عشان يمشى القانون و يعدى و يعملوا اللى فى دماغهم و خلاص

المشكلة الحقيقية بقى يا عزيزى مش فى الناس اللى زى ا. محمد اللى بتعمل فى مراجعات ذهنية لانفسهم على ما اختاروه و بيراجعوا نفسهم دلوقتى بعد ما احسوا ان اختيارهم مش فى محله و لا هيؤدى للى كانوا متصورين انه هيعمله...... من الاخر فاق من الحلم الجميل و العاطفة الدينية كمان هديت و رجع العقل يحاول يفهم و يراجع نفسه...... المشكلة ان كل ده مش هيفرق فى شئ مع الاخوان لانه لا يعنيهم و لا يهمهم..... و حتى لو ا. محمد مثلا لم يعطيهم صوته فى اى انتخابات قادمة برضه مش هيفرق...... لانهم خلاص اطلقوا لانفسهم العنان فى الرغبة القديمة اللى بيحلموا بيها من زمان..... انشاء نظامهم الخاص..... و هنا هنوصل لنتيجة مهمة كنت ذكرتها قبل كده ان ما دام احنا مازلنا فى مرحلة تعاقب الانظمة...... يبقى خلاص النظام ده هياخد دورته الزمنية زيه زى اللى قبله و لان اساساته برضه مبنية على خلل فى اساس البناء..... يبقى خلى الزمن هو اللى كفيل بيه...... الزمن و الظروف المحلية و الدولية و الناس اللى مش هتصبر كتير على غلاء المعيشة و تدنى نوعيتها و بالتالى من يتصور انه سيستقر على كرسى الحكم للابد فهو واهم ..... لان للاسف احنا كمان عندنا قطار يسير بدون توقف و لا تفكير سائقه اعمى و يظن انه عنده كل المعرفة لكى يقود هذا القطار...... بدون وجود محطة واضحة يستقر فيها او معرفة اصلا بالطريق...... و لله الامر من قبل و من بعد

[Imhotep]

بصراحه كل التحيه لكل المشاركين فى الموضوع ده اللى بجد نوعيته وحشتنا جدا خصوصا انه مش فى الشارع المصرى
وبعدين لازم بقى طالما الموضوع تشعب كده والموضوع اصبح يعج بالمعلومات يبقى نشارك ونسأل .
الاول انا عاوز افهم خصوصا من mahora هو المفروض ان مصر عندها جيش وتصنيفه العالمى على حد علمى انه كويس وكنت تابعت د/ نبيل فاروق وهو بيتكلم ان الجيش المصرى ترتيبه عالى لان الجيوش اللى بتسبقه عندها تكنولوجيا عاليه جدا فى مجال التسليح بس معندهاش روح المقاتل المصرى او الفدائيه بتاعته ان الجندى المصرى لو حس ان حياته حتفرق فى المعركه على استعداد انه يضحى بيها دون تردد عكس الدول الغربيه .................وبالتالى سالت نفسي سؤال طالما ناقصنا التطور العلمى والتكنولوجى فى التسليح طيب امال احنا بنستورد ايه وجاوبت اجابه منطقيه احنا بناخد اسلحه من الدول اللى بتصنفنا اما اعداء او على الحياد "يعنى برضه مش مامنين لنا" يبقى منطقى مش حيدونا اسلحه غير لما يكون عندهم رادع ليها ويكون عندهم احدث منها على الاقل 10 مرات ..............فرجعت سالت نفسي سؤال تانى طيب ما الجيش المصرى فى مهندسين على اعلى مستوى وميزانيه الجيش تسمح ان يتوفرلهم الامكانيات علشان يطوروا الاسلحه اللى بنستوردها وبالتالى ممكن على الاقل نقرب فرق التكنولوجيا ونحسن ترتيبنا واكتشفت ان اجابه السؤال ده محبطه للغايه ان السلاح اللى بيجيلنا ممنوع اننا نعدل عليه او حتى نعرف مكوناته ................. فكده يبقى احنا حنفضل طول عمرنا ترتيبنا التكنولوجى منيل بنيله بعيدا عن الفوارق الفرديه فحاولت اشوف احنا وضعنا كده من زمان ولا ده بسبب اننا حاليا ومنذ عهد فات ماسكين فى ديل الغرب واهم حاجه علاقتنا بيهم تفضل مستقره ومنزعلهاش ابدا حتى لو على حساب كرامتنا واكتشفت ان مصر فى عهد عبد الناصر فعلا بدات تصنع صواريخ وطيارات وعلى حسب روايه "احمد المسلمانى <كتاب مصر الكبرى> " ان احنا فعلا كنا بننتج حاجه على الاقل توصف انها تنافسيه فى حينها واننا ايامها كان عندنا خبراء المان ومشيتهم اسرائيل بالتهديد علشان توقعنا وده حصل فعلا لان الانتاج وقف بالفعل .
السؤال بقى اللى معرفتش اوصل لاجابته """"""""""""""""""ليه احنا مش عاملين مصنع لتطوير او صناعه الاسلحه خصوصا انه على حسب معلوماتى مصر مش ممنوعه من ده وان المنع من التطوير للاسلحه المستورده وطالما التطوير بعيدا عن الطاقه النوويه ؟؟؟؟؟؟؟؟؟؟؟؟؟؟؟ رغم انى استأت جدا لما عرفت ان الامارات بتنتج اسلحه وتم عرضها فى معرض“آيديكس 2013″ هناك وكان فى مشاركه من كل دول العالم و قيادات من الجيش المصرى حضرت المعرض بس كمتفرجين بالرغم من ان الامارات معندهاش مهندسين عباقره زينا ولا جيش بالروح ولا الالتزام بتاعنا ومع ذلك هم ينتجوا سلاح وميخافوش واحنا لا """""""""""""""""


لو حد يعرف اجابه يقولى خصوصا انى دورت وسالت كتير وملقتش اجابه شافيه او منطقيه


وبخصوص حال بلدنا فاحب اقول ان حاليا وبكل صدق مصر مش لاقيه سلطه محترمه ولا معارضه مخلصه كله بياكل عيش وده باختصار علشان انا معبى ومبطل اتكلم فى السياسه بقالى مده لعل اعصابى تهدى .

وبالنسبه لمحمد نجيب بصراحه انا معنديش معلومات كافيه عنه بس حسب قرائتى للوضع ايامها ان الثوره كانت امر واقع على الشعب وتغييره برضه كان امر واقع وعبد الناصر قدر يفهم طبيعه المصريين فكسب ودهم واعطاهم وحسن مستوى الطبقات السفلى فكسب حب الناس وخلاهم يتغاضوا عن اى حاجه هو او غيره عملها وده ذكاء منه انه قدر يخللى اغلب الشعب يحبه شخصيا وبالتالى زى مبيقولو حبيبك يبلعلك الظلط ههههههههههههه
تحياتى

باشا...... احنا للاسف حاليا عالة على البشرية فى كل شئ..... فاكر لما من كام سنة المركز القومى للبحوث عمل اعلان فى الجرايد يعلن عن انتاج اول (استيكة) مصرية بالكامل!!!!! ساعتها المركز كان فاكر ان الناس هتفرح بكده لكن اللى حصل ان الناس هرتهم تريقة لانه فى الوقت اللى شوف العالم كله رايح فين و احنا اخيرا نجحنا فى انتاج اول استيكة مصرية بالكامل!!!!

هى دى حاليا امكانياتنا..... بالنسبة للقدرات العسكرية..... الجيوش خلاص مبقتش بالعدد و لا حتى العتاد العسكرى التقليدى...... التكنولوجيا خلاص بقت هى اللى بتقود الطريق الى افاق جديدة غير عادية...... افاق كانت حتى وقت قريب خيالية...... لكن الخيال من هنا و رايح هنشوفه واقع......

و بما ان احنا مش بنآمن بالحاجة الا لما نشوفها على الارض و دى عادة متأصلة فينا ان احنا مش بنحكم عقولنا الا لما تقع الواقعة..... قريب جدا هنشوف امكانياتنا الحقيقية على الارض و وزنها الحقيقى و قيمتها الحقيقية

[w-m-a]

واضح اننا متفقين فى الخطوط العريضه ورؤوس المواضيع
لكن مختلفين فى شرح الفكرة
يمكن انت متشائم شويه ومتوقع عدم نجاحهم
وانا متفائل شويه(او بصطنعه)
بس فى النهايه
ربنا يستر

[Imhotep]

واضح اننا متفقين فى الخطوط العريضه ورؤوس المواضيع
لكن مختلفين فى شرح الفكرة
يمكن انت متشائم شويه ومتوقع عدم نجاحهم
وانا متفائل شويه(او بصطنعه)
بس فى النهايه
ربنا يستر

بالظبط و كويس ان انت وصلت للنتيجة دى..... انا اتمنى من كل قلبى ان اكون مخطئا و انهم ينجحون و هتكون المرة الوحيدة اللى ابقى سعيد انى كنت على خطأ فى شئ ..... ففى النهاية انعكاس النجاح ده هيبقى لينا كلنا ...... يا سيدى على الاقل عشان انا و انت و ا. محمد بالنا يرتاح بقى من التفكير :) كفاية وجع دماغ بقى دماغنا اتخرمت عايزين نعيش بقى :)

[minicooper20]

والله مناقشه من المنقشات الفتقدنها من سنين .....لكن الى وجه نظر صغيره فى هذا البحر من اللمعرفه اسمحولى ازكرها
اولا فيما يخص موضوع الاخوان و الحكم
الاخوان كا فاصيل عايز كل حاجه و هو غير مؤهل لفعل اى حاجه و لا يمتلك كادر واحد لاداره اى ازمه
يعنى بالبلدى بيتعلم فينا الحكم هنمشيها بالهدوء طيب ننزل الجيش طيب نرضى الشعب طيب نجيب قرض طيب نعمل خطاب طيب نقفل التحرير ......
بيتعلمو فابالتالى هما غير صالحين للحكم غة الوقت الراهن و لا يمتلكو اى سبيل لادراك اى ازمه غير بالوعود الغير محدده الوقت .......
نقطه و من اول السطر
انا عجبنى جدا الحوار حوالين ايران و امريكا و اسراءيل و روسيا و الصين و سوريا و انا شاغوف جدا بمتابعه الاخبار ز القراءه زى مبيقولو كده ما وراء السطور
انا شايف ان حرب ايران امريكا اسراءيل جايه جايه بس امتى لسه شويه لاكن هى على راى استاذ ماهر هى جايه مش لو هاتيجى
بس انا من قرائتى للوضع الحرب دى هتبقا الغلبه فيها للتكنولوجى و ليس للنووى لان التكنو يعطل النووى
و اعتقد ان خطر ايران على اى بلد عربى كبير و خصوصا فى اختيارهم لمواقع بناء منشاتهم النوويه يعنى ممكن يضحى باى حد جنبو معندوش ادنى مشكله يضحى بالكويت او بتركيا مثلا
معندوش مشكله فة مقابل الاسطره الايرانيه ال انا شيفها وهم و جعجعه فاضيه اه تقدمو اه عندهم تكنو بس لو اتقارنو ب اسرائيل و كوريا و اخيرا بكستان اعتقد هما اقل
..... بالنسبه للجهادين فا خطرهم مش هيستنى حرب لا ده عندى احساس ان مع سيطره التيار الاسلامى الزائف هتكون عندهم ارض خصبه لاتنفيذ كتير من معتقدتهم فى مصر ....مفيش داعى لزكرها
بس بيفكرونى بفلم الارهابى بتاع عادل امام مع تفاهه الفلم بالنسبه لمعتقداتهم حديثا و هما فى حتت كتير ز ربنا يسنر
بالنسبه للدول العربيه كلها فا دى نلس بتاكل و تشرب و تخلف و شكرا ولا امل فى مسانده اى منهم فى اى ماذق الا بنشغب و نستنكر و ما خفى كان اعظم .....طول منا كويس يبقا انا بخير .....
اما بالنسبه لنقطه الجيش المصر
فا انا بالنسبالى الحرب معدتش عندك كام عسكرى و عندك كام طياره و عندك كام صاروخ
الحرب بقت عندك كام معمل تطوير ابحاث و عندك كام مصنع تطوير اسلحه و عندك كام كليه علوم و برمجيات و عاندك كام واحد بيدرسو ذره و تكنلوجى
لاكن اصل عقيده الجندى المصرى قويه و ممكن ينتحر و الكلام الحمصى ده معدش يجيب ناتيجه بالرغم من ان دوله زى اسرائيل بتخاف من حوار العقيده و الانتحار ده
فا بيعملو ايه بقا بيسهلو دخول اى شحنه مخدرات و لا ترمادول و لا اى شى من هذا القبيل علشان الدماغ تكلف و لا يبقا فى عقيده و لا يبقا فيه انتحار يبقا فيه
خراب يا دنيا عمار يا دماغى و اتفرجو عاى فئه عريضه من الشباب بقا يشوف بنت بتتخطف قدامو و يقول هعملها ايه يعنى حد قالها تمشى فى الشارع
كلامى على فئه و ليس الكل ...... رغم قناعتى الكامله فى زكر ربنا للجنود المصرين بانهم خير اجناد الارض لكن هو رصد لواقع
نحن فى واقع مظلم و مستقبل مجهول
لما بقرا التاريخ بقول هنقف على حلنا تانى لما بتمعن فى الواقع بقول مش هتقوملها قومه
كلامى كلو وجهلت نظر خاصه ليست حكرا على احد

[eslamrace]

يبقى طالما ان البلد بقت عامله زى الدمينو لما تقفل فلازم نهد الدور ونبدأ من جديد وطالما الوقت مش فى صالحنا خصوصا اننا لو بدأنا نطور حنبدأ من الصفر وطالما احنا متأخرين كده فى كل المجالات حتى المصانع شغاله باقل تكنولوجى موجوده وكل ده الشعب فاهمه يبقى الموجودين فى السلطه والمعارضه مش يفوقوا بقى لان الوقت ده كله ضايع فى الهوى ؟؟؟؟؟؟؟؟؟؟؟؟؟؟؟؟؟؟؟
احنا واضح اننا عملنا اسهل حاجه فى طريق البدايه شيلنا الحاكم ومكناش نعرف ان الطريق لسه طوييييييييييييييييييل وبالتالى لازم نعرف الناس اللى حكمونا قبل كده وطوروا كان ايه سبب الانجاز كوادر اظن عندنا ؛موارد كتير والحمد لله؛ حب الوطن والناس كانت ماشيه تغنى للبلد ايام الثوره "طيب يبقى ايه اللى ناقص ليه الكوادر اللى فى البلد مبتستغلش الموارد الموجوده عندنا وتحسن معيشتنا خصوصا ان احيانا كتير بحس ان البلد سهل قوى تقوم وتتحسن بس لما ببص للنقطه اللى احنا واقفين عندها بحس ان مفيش فايده .
والله بجد الواحد مش عارف العيب فين ؟؟؟؟؟