حكايات البشر

[muslimah_dentist]

[QUOTE=
ولو أذنتيلى عندى شويه حكايات ممكن أحكيها لو سمحتيلى بالمشاركه بيها ![/QUOTE]

يا سلام ما أنا عمالة أقول من زمان يا جماعة احكولنا حكاياتكم

طبعا تنور الموضوع بحكاياتك.انا مستنايها على فارغ الصبر

بالنسبة للصنف اياه اللى عملى ارتكاريا فى نافوخى طيب أما يبقى حد يتنطط على خلق الله يبقى على علم مثلا أو أى حاجة مش جاهل و بيتكلم كمان(يا سبحان الله)

[نور العمر]

والله يا مسلمة
حطي الحكاية دي على حكاية الدكتور المتصابي
وأخواته = تشويه العلم والعلماء وطلبة العلم
ودوول كانو سبب لعدم استمراري في الدراسات العليا
بس على مين ... رجعلهم ... رجعلهم
وربنا يحفظنا إن شاء الله
ويهديهم

[muslimah_dentist]

والله يا مسلمة
حطي الحكاية دي على حكاية الدكتور المتصابي
وأخواته = تشويه العلم والعلماء وطلبة العلم

انتى جبتى الخُلاصة

[محمد فريد]

شكرا يا دكتورة

[RED_OCTOBER_IV]

أخيراً جبت أخر الموضوع ... بجد انا بحيكى على المجهود الرائع ده وبسئل الله أن يجزيكى خيراً
وأن يأجرك على كل من قرأ وتعلم من هذه الحكايات .

[muslimah_dentist]

شكرا يا دكتورة

و شكرا لك أخى الكريم على مرورك و تواصلك

أخيراً جبت أخر الموضوع ... بجد انا بحيكى على المجهود الرائع ده وبسئل الله أن يجزيكى خيراً
وأن يأجرك على كل من قرأ وتعلم من هذه الحكايات .

و اياك جزاك الله أخى الكريم

[muslimah_dentist]

[glow=#f7ff00]الحكاية الثامنة و الخمسون[/glow]

عقيدة أهل السنة و الجماعة فى

توحيد الربوبية مبنية على:

أن وصف الغنى و الكمال وصف ذاتى انفرد به رب العزة و الجلال

و

أن وصف الحاجة و الافتقار وصف ذاتى لكل مخلوق على وجه الاضطرار

كان يجب أن أبدأ معكم بهذه القاعدة الأصولية فى العقيدة كى نبدأ حكاية اليوم.

كما تعلمون أن الله سبحانه و تعالى قد أنعم على بزيارة بيته الكريم مرتين حتى الآن ، و كانت احدى هاتين العمرتين فى رمضان و كنت فى المسجد النبوى ننتظر صلاة المغرب و كما هو معروف أن قبيل المغرب اذا بالطعام يُفرش أمام الصائمين و الصائمات و يتنافس أهل المدينة فى اطعام الصائمين و هذا للأجر العظيم فى اطعامهم فاذا بالله سبحانه و تعالى يلقى فى روعى :لماذا أُحرم هذا الأجر العظيم .

المسجد النبوى فى كل ركن من أركانه ماء زمزم فاذا بى أفكر أن أذهب و أحضر كوب من ماء زمزم لكل من حولى من النساء كى يقوموا بالافطار عليه حتى أخذ هذا الثواب و الأجر العظيم و بالفعل قمت و فعلت هذا و أخذت أقول فى نفسى :لعل هذا العمل يكون سبب عتقى من النيران .

ذهبت الى مكة بعد ذلك كما هو مُخطط للرحلة و اذا بى فى يوم من أيامى فى مكة مُتعبة من مشاق السفر و خلافه و ماء زمزم فى هذه البقعة التى كنت أجلس بها فى مكة كانت بعيدة عنى و كنت لا أستطيع القيام حتى أُحضر كوب من الماء حتى أُفطر عليه و لكن بعض الأخوات ممن حولى أعطونى تمرا و لكننى كنت أتمنى أن أُفطر على زمزم و أرى الأخوات يأتون بالماء و أستحى أن أطلب منهم أن يعطونى كوبا من الماء و لكن مع الأذان و بداية ( الله أكبر) وجدت يد لأخت تمتد الى بعد أن شقت الصفوف مُتجهة الى و ما فعلت سوى أنها مدت يديها الى و أعطتنى كوب من ماء زمزم ثم رحلت عنى( كل هذا حدث فجأة)حتى كدت لا أُصدق ما حدث .

حقا وصف الغنى و الكمال هو وصف ذاتى لرب العزة لا ينفك عنه كما قال السلف

و وصف الحاجة و الافتقار هو وصف ذاتى لا ينفك عنه كل مخلوق على وجه الاضطرار

لأن المخلوق دوما ما يحتاج الى خالقه

لأن المخلوق مُفتقر دوما الى غنى مولاه

أن المخلوق دوما ما يحتاج الى كرم مولاه

و لأن الله سبحانه و تعالى هو الغنى الحميد فيُعطى بدون حساب و خزائنه لا تنفذ أبدا.

أهذا رب لا يُحب!!!!!!!!!!!!!!!!

أهذا رب يُعصى؟؟؟!!!!!!!!!!!!!!!!!!!

أوصيكم و نفسى بتقوى الله و العمل الصالح...........

[نور العمر]

[frame="2 50"]هذه الحكاية يا مسلمة أو الرسالة ما بين سطورها
تذكرني باحساسي نحو الله سبحانه وتعالى
كلما اقتربت كلنا تخوفت ... لأني مهما فعلت لايمكن
أن اوفيه حقه ... وهو يحبنا ويأمرنا بعبادته فقط لإنزال الخير لنا
وليس لانه محتاج لهذه العبادة كي تزيده من شيء تعالى وتعاظم

الحمد لله على نعمة الايمان بالله وذكره واحتسابه في كل لمحة ونفس[/frame]

[muslimah_dentist]

[frame="2 50"]هذه الحكاية يا مسلمة أو الرسالة ما بين سطورها
تذكرني باحساسي نحو الله سبحانه وتعالى
كلما اقتربت كلنا تخوفت ... لأني مهما فعلت لايمكن
أن اوفيه حقه ... وهو يحبنا ويأمرنا بعبادته فقط لإنزال الخير لنا
وليس لانه محتاج لهذه العبادة كي تزيده من شيء تعالى وتعاظم

الحمد لله على نعمة الايمان بالله وذكره واحتسابه في كل لمحة ونفس[/frame]

تمام العبادة حبيبتى هى ما بين الخوف و الرجاء.

فلا نخاف من الله سبحانه و تعالى لدرجة القنوط من رحمته و لا نرجوه حتى نتمنى عليه الأمانى دون تقديم العمل الصالح.

و كما قال العلماء:تمام المحبة هى تمام الذل و الخضوع بين يدى الله.

فلا تخافى اذا أقبلتى بين يدى الله فاذا أقبل اليه العبد يمشى أتاه هرولة و هو مُستعنى عنا بالكلية و لكنه هو الرؤوف الرحيم.


سبحانه رب رحمن رحيم.

[muslimah_dentist]

أخونا أشرف فتحى

فين الحكايات اللى وعدتنا بيها

احنا مستنيين

[نور العمر]

اسمحيلي يا مسلمة أتقدم بحكاية

[frame="7 50"]حكاية ( داين تدان ) مهما طال بك العمر والزمان
قصة طفلة في عمر التسعة اعوام كانت تحب أمها جدا وكانت تجد في امها مثال الصبر من عذابات الدنيا وما فيها .. فكان زوجها قاسي القلب جاحد عليها وعلى ابناؤه منها ... فإذ بها يوما تفقد أمها وهي تتعرض لحالة إجهاض جنين كان الحمل الخامس وكانت الصحة تعبانة ... فتعذبت الطفلة التي كانت البكر لأمها وأكبر أخواتها .. فما من أثر لهذا الحادث إلا ونقمت على والدها شر نقمة وقاطعته إلى أن مات ولم تعلم عنه شيئا طوال حياتها ولم يحن قلبها له إلى الآن ... وتعيش الطفلة بعد وفاة الأم وجحود الأب من بيت لبيت .. من خالة لجد ل..ل..ل.. ومرت السنين وكبرت بنت التسعة أعوام وتزوجت وانجبت ثلاثة ابناء وتعرضت لخيانات من زوجها وتدمرت حياتها وشالت الهم وحدها ... ورغم كل التضحيات يمر الزمان ويمر الزمان ويمر الزمان ... فتجد في اثنان من ابنائها كل الجحود .. رغم كل تضحياتها لكن داين تدان .. ويمر الزمان .. ويمر الزمان .. ويمر الزمان .. وتحيا هذه السيدة ذات الأعوام الأخيرة من عمرها من معاش والدها .. جعل له الله مخرج بعد وفاته وانقطاع صلة الرحم من أن يصل جزء من رحمه في هذه الابنة بعد ان ذاقت المرار وخرج لها معاش عن عمله يعينها في الحياة .. ولكن الله لا ينسى حق العباد ... فحتى لو كان الأب يستحق الجحود .. فإنه داين تدان .. فذاقت الجحود من أقرب الناس إليها .... ياااااااااااااااااااااااااااه
لا مفر لنا من عذابات الدنيا والناس إلا بالتسامح والعفو ... والاحتساب عند الله أن الحق لن يضيع ... ولو بعد 1000 حين
والله المستعان[/frame]

[muslimah_dentist]

نورتى الموضوع يا نور

الا عقوق الوالدين....عقابه فى الدنيا قبل الآخرة

[نور العمر]

نورتى الموضوع يا نور

الا عقوق الوالدين....عقابه فى الدنيا قبل الآخرة

ده صحيح يا مسلمة
إلا أن رسول الله صلى الله عليه وسلم أوصى الوالدين بقوله
( اعينوا ابناؤكم على بركم ) ...
طاعة الله واجبة في البار والجاحد ... لكن الجحود وحش من الطرفين
وما أصعب الجحود إللي بيشوفوه الابناء دلوقتي على أيد آباؤهم
خصوصا بعد أن زادت حالات الطلاق وزادت المنازعات بين الازواج والمطلقين وضاع الابناء في النصف
يا ترى مجتمعنا بعد 20 سنة من دلوقتي ... حيكون شكله إيه بعد كل مآسي الأطفال إللي عيشنها الآن على يد آباؤهم ... ربنا يلطف

والله المستعان على الدنيا وما فيها

[rockana9112007]

طب ياجماعة انا عاوز اسأل سؤال .اللى ابوة رامية هو واخواتة من وهما صغيرين ولا بيصرف عليهم ولا بيسأل ولا حتى بيظهر اى اهتمااام حتى لما يدخلو المستشفيات .الولاد دول يقال عليهم عاقين لابوهم ولا زم يصلو الرحم ؟؟؟؟؟؟؟؟؟؟؟؟؟؟؟

[أشرف فتحى]

أخونا أشرف فتحى

فين الحكايات اللى وعدتنا بيها

احنا مستنيين

أسف والله يا دكتوره ...حضرتك عارفه اجازه المدارس إبتدت والبنات عايزين يطلعوا الكبت بتاع الدراسه فمشغلنى سواق ...أهو منها فسحه ومنها صله رحم بس أحكيلكم على حاجه سريعه كده!!

نبدأ بمين.. ولا مين...ولا مين

زى ما حضراتكم تعرفوا طبيعه شغلى فى قريه البضائع كل يوم بشوف حكايات غير اللى بنشوفها فى حياتنا عادى!

زى ما كلنا عارفين بيبقى فى حاجات بنتأثر بيها قوى يمكن حتى من مجرد المنظر بدون كلمات هحكيلكوا مؤقتا عن منظر شوفته مش مفارق خيالى من فتره مش قصيره!!!

الوقت .. يوم برد من أيام الشتا اللى فات الصبح

المكان .. جمرك الامتعه الشخصيه

المشهد.. فتاه ما شاء الله جميله جدا جدا واضح انها عروسه جديده

هتقولولى عرفت منين؟!.....مش عارف بس العروسه الجديده دايما بيبان عليها ..ليه ما أعرفش؟!!

عروستنا جايبه حوالى ثلاث شنط كبيره !!

طبعا ياعم تلاقيها كانت بتقضى شهر العسل وبضعت وهيا جايه..!

لغايه دلوقتى المشهد عادى ومعتاد مفيهوش حاجه تشد الانتباه غير إن العروسه شكلها حزين جدا !

بدأ مأمور إجرأت كشف الشنط أو تفتيشها بلغه المسافرين ...عادى!

فجأه العروسه إنفجرت فى البكاء...بكاء غير طبيعى ..نقدر نقول انهارت من العياط لكن بوقار وهدوء!!

بدء الفضول يلعب لعبته وكعادتنا كمصريين...الناس اتلموا عليها وانا طبعا منهم..فيه أيه يا بنتى مالك؟..مين زعلك!!

مفيش!!

أستاذ فلان انت عملتلها ولا قولتلها أيه؟!

يا جماعه ما والدها واقف أهه !...يا حاج انا كلمتها!!!

يا جماعه كل واحد يروح يشوف مصلحته لو سمحتوا بلاش اللمه دى (ده أنا طبعا )

صلى على النبى كده مفيش حاجه تستاهل !!!

هى معاها أيه يا أستاذ فلان ؟!

ولا حاجه ..كلها ملابس وشويه ادوات مطبخ !!

طب يا ستى أمال زعلانه ليه ...خلاص مش هندفعك جمرك كلها حاجات معفيه !!!

برضه بتبكى!!!

تعرفوا ليه؟!.....العروسه إتطلقت فى شهر العسل !!!!

ولما الشنط إتفتحت شافت فستان الفرح ...صعب عليها نفسها!!!

طبعا هدوء البنت وهيئه والدها تدل على انهم ناس محترمين !!

يعنى عروسه زفتها كانت فى المطار مسافره مع واحد المفروض يحافظ عليها وتعتبر أمانه فى رقبته..أهلها مأمنينه عليها وهى رضيت بالغربه معاه مهما كانت الاسباب !!!...فى حاجه تستاهل الإهانه دى؟؟!!

مهما كانت غلطت مش حرام ترجع مكسوره كده؟؟!!

البنت دى عمرها ما هترجع نفسيا زى مكانت أبدا !!!

والشخص اللى رجعها بالشكل ده مش هقوله غير حسبى الله ونعم الوكيل !!

حسبى الله فى كل متجبر أو ظالم...حسبى الله فى كل من فرط فى الامانه..حسبى الله فى من لم يرفق بالقوارير!!

بيقولوا الدنيا ضيقه وحسره البنت دى وأهلها هيشوفها بإذن الله فى الدنيا قبل ما يتحاسب فى الاخره عند من لا تضيع عنده الحقوق!!!


معلش هى مش حكايه قد ما هى زكرى ومنظر شوفته لكن بيأثر فيا كل ما أفتكره!!


مستنى تعليقاتكم وإن شاء الله أحكيلكم حكايه عم جرجس حوادث

أيوه اصل انا سجلته على التليفون كده...هحكيلكم عليه المره الجايه!