حكايات البشر

[muslimah_dentist]

[caution]أعضاء نايل موتورز الكرام[/caution]

هآخد أجازة فترة من الحكايات..........

يا ترى ليه؟؟؟؟؟؟؟؟؟؟؟؟؟؟

معلش أختكم الأيام ديه مزنوقة مووووووووووووت:K_crying[1]: ........

طيب مزنوقة ليه؟؟؟؟؟؟؟؟؟ها فيه حاجة يعنى؟؟؟؟؟؟؟؟؟؟ايه اللى حصل.؟؟؟؟؟؟؟؟؟؟؟

خلاص هأقول...........

أصل أنا و لله الحمد أتشرف بكونى طالبة بمعهد العزيز بالله لاعداد الدعاة و امتحاناتى ع الأبواب

و ورايا مذاكرة كتير جدااااااااااااااااااااااااا

و طبعا نايل موتورز ادمان و أول ما بأفتح النت مش بأقدر أقوم من قدامه

يبقى مفيش قدامى غير انى أبطل حكايات الأيام ديه

بس مش معنى كدة انكم تبطلوا حكايات كمان

لا و ألف لا

سامعين

لازم تكتبوا حكايات فى غيابى

افرضوا مثلا انى حبيت أرفه عن نفسى بين المذاكرة مش أدخل كدة و أجدد نشاطى بحكاية نكد من حكايتنا

عايزاكم تمارسوا المهنة و تحرصوا على القيام بها أثناء فترة المذاكرة

و ماتنسوش تدعولى

[نور العمر]

ربنا يوفقك يا مسلمة
بالنجاح إن شاء الله
ويا ريت تطمنينا

[ams]

[caution]أعضاء نايل موتورز الكرام[/caution]
و ماتنسوش تدعولى:_alshmokh22[1]:

رغم انى مش فاهم غرض الالتحاق بمعهد اعداد الدعاه
لكن
ربنا يوفقك و يرضى عنك

[muslimah_dentist]

رغم انى مش فاهم غرض الالتحاق بمعهد اعداد الدعاه
لكن
ربنا يوفقك و يرضى عنك

حاجة غريبة انك مش فاهم الغرض من الالتحاق الى معهد اعداد الدعاة

بس أنا هأقولك التحقت بيه و ليه بالذات العزيز بالله

التحقت بهذا المعهد حتى أرفع الجهل عن نفسى و عن من حولى

أنا من عشاق القراءة و كنت أظن قبل التحاقى للمعهد انى عندى معلومات من قرائاتى المتعددة التى يمكن أن تجعلنى أعلم بعض الأشياء و لكننى اكتشقت بعد التحاقى للمعهد اننى لا أعلم أى شئ

و لماذا العزيز بالله ليس قصد التعلم هو تعلم العلم فقط بفنونه المختلفة و لكن العالم قبل أن يكون عالم فهو مُربى و هذا ما سمعته دوما عن هؤلاء العلماء و الشيوخ الأجلاء الذين يُعلمون فى المعهد و عندما التحقت به لمست هذا و وجدته حقا.

لأننى قبل أن أتعلم هذه القاعدة الأصولية فى الفقه و العقيدة وجدت الشيخ يُعلمنا قبلها الاسلام كمنهج حياة و ليست كتبا توضع فى المكتبة

أحببت فقط أن أقول لك لم التحقت بالمعهد

و جزاك الله خيرا على الدعاء

[pop3]

ربنا يوفقك يا دكتوره ويجعله في ميزان حسناتك

[أشرف فتحى]

دكتوره مسلمه.......

ترجعلنا بالف سلامه إن شاء الله.......

ربنا يوفقك ويزيدك من فضله.........

متقلقيش كلنا سنحمل لواء النكد من خلفك......وهننكد على كل اللى هيدخل التوبيك ده....

طبعا بهزر.......

وإثباتا لكده هحكى موقف لسه حاصل معايا إنهارده....

انا عندى عاده غريبه شويه......

بحب اشترى حاجات معينه من ناس معينه.....

يعنى أيه..!!!!

يعنى مثلا لو حبيت احط بنزين للعربيه لازم من المحطه الفلانيه اللى فى المكان الفلانى ولو لاقيتها زحمه او النور قاطع والطرمبات مش شغاله ارجع تانى بليل....

نفس الكلام لما احب اشترى البقاله او الفينو او اللبن.....

ايه لزمه المقدمه الطويله دى ؟؟!!!

النهارده حبيت اشترى لبن وزبادى وانا راجع من الشغل عشان مضطرش انزل مخصوص....البنات ما بنصدق يوافقوا يشربوا اللبن والفتره دى بنستعمل خدعه عرفتهالنا والدتى كانت بتنجح معانا...وهى اننا نحط على اللبن شويه كاكاو او نسكافيه ...والخدعه نجحت والحمد لله....!!!!


المهم ...رحت على اللبان اللى بتعامل معاه.....مفيش حد فى المحل....

التلاجه شغاله والمحل مفتوح والكاسيت شغال على صوت العجمى...

- مفيش حد هنا؟.....
- يا جماعه......سلامو عليكو......

ووقفت مستنى...إن حد يرد عليا ...ابدا...إن حد يطلع من جوه....أبدا والثلاجات عامله زى الساتر الترابى ...لا انا عارف فى حد فى المحل ولا لأ....

يمكن بيصللى؟؟!!!

طب أمشى؟.....المشوار بعيد والجو حر ...مش عايز ارجع تانى ....خصوصا انى هروح مشى مش بالعربيه.....

فاتت دقيقه...جالى تليفون...كمان دقيقه....كمان دقيقتين....خلااااااااااااااااص...!!!!

لاقيت العامل اللى بيقف فى المحل جى جرى من محل فى الجهه المقابله من الشارع...رافع ايديه فى إشاره...أسف حقك عليا....ومستمر فى الاشاره.....

دخل المحل ....وحط ايديه على صدره برضو ...إشاره حقك عليا.....

بصراحه الحر والوقفه خلونى زهقان جدا.....رديت عليه رد ناشف...

حد يعمل كده برضو!!!!.....هات كذا وكذا ...

حط ايده على ودانه زى العلامه المشهوره بتاعه أعلان فودافون....بمعنى كان معايا مكالمه ...وكان رد فعلى انى شاورتله بدماغى بمعنى ماشى..ماشى....خلص..

اخدت الطلبات وحاسبت ورحت ركبت العربيه....

ودماغى عماله تلف....سايب المحل ورايح يتكلم فى التليفون ....سايب اكل عيشه وعمال يرغى ولا يحب؟!!!!...مهو لو كان صاحب المال عمره ما كان ساب المحل وراح يعمل مكالمه لاى كان...!!!

بدور العربيه....برقت وبلمت وجالى زهول....ابتسمت

ضحكت ضحكه جامده جدا.....

ياترى ليه؟.......أصلى كنت ناسى...العامل ده اخرس اساسا..!!!

[زهير فكري]

[QUOTE=muslimah_dentist;948989][caution]أعضاء نايل موتورز الكرام[/caution]

هآخد أجازة فترة من الحكايات..........

يا ترى ليه؟؟؟؟؟؟؟؟؟؟؟؟؟؟

معلش أختكم الأيام ديه مزنوقة مووووووووووووت:K_crying[1]: ........

طيب مزنوقة ليه؟؟؟؟؟؟؟؟؟ها فيه حاجة يعنى؟؟؟؟؟؟؟؟؟؟ايه اللى حصل.؟؟؟؟؟؟؟؟؟؟؟

خلاص هأقول...........

أصل أنا و لله الحمد أتشرف بكونى طالبة بمعهد العزيز بالله لاعداد الدعاة و امتحاناتى ع الأبواب

و ورايا مذاكرة كتير جدااااااااااااااااااااااااا

و طبعا نايل موتورز ادمان و أول ما بأفتح النت مش بأقدر أقوم من قدامه

يبقى مفيش قدامى غير انى أبطل حكايات الأيام ديه

بس مش معنى كدة انكم تبطلوا حكايات كمان

لا و ألف لا

سامعين

لازم تكتبوا حكايات فى غيابى

افرضوا مثلا انى حبيت أرفه عن نفسى بين المذاكرة مش أدخل كدة و أجدد نشاطى بحكاية نكد من حكايتنا

عايزاكم تمارسوا المهنة و تحرصوا على القيام بها أثناء فترة المذاكرة

و ماتنسوش تدعولى[/QUOTE

ربنا يوفقك لما يرضاه .

[aif]

يا ريت يا دكتورة تخصصي مشاركة او اكتر لتحكي لنا عن تجربتك في معهد العزيز بالله
انا بيت العائلة في نفس المنطقة وكنت باصلي في هذا المسجد في الزيتون
عاوزين نعرف ظروف الدراسة ومدتها ومواعيدها وشروطها والمحاضرين .. وباقي التفاصيل
....
العزيز بالله ده عبارة عن مركز اسلامي كبير موجود في شارع العزيز بالله بالزيتون
ويضم المركز ... المسجد الشهير بخطبائة العمالقة بداية من الدكتور جميل غازي و الشيخ عبد الراضي والشيخ محمد حسان .. وآخرين ... رحمهم الله احياء واموات .... ناس على قدر كبير من العلم والبصيرة
وكذلك يوجد فوقه مستشفى كبير مكون من 6 طوابق وبه اقسام داخلية وعيادات خارجية
لكن انا لا اعرف شيء عن باقي الانشطة والدورات ....
ياريت يا دكتورة تكتبي عن الدورات والانشطة في المركز لو امكن
ربنا يوفقك

[muslimah_dentist]

قاعدة عمالة أذاكر فى مصطلح الحديث لغاية ما دماغى فوتت و لله الحمد

قلت أدخل أطمن عليكم ألاقى المشاركات الجبارة ديه

ما شاء الله عليكم

انتم مايتقلقش عليكم أبدااااااااااااا

[muslimah_dentist]

يا ريت يا دكتورة تخصصي مشاركة او اكتر لتحكي لنا عن تجربتك في معهد العزيز بالله
انا بيت العائلة في نفس المنطقة وكنت باصلي في هذا المسجد في الزيتون
عاوزين نعرف ظروف الدراسة ومدتها ومواعيدها وشروطها والمحاضرين .. وباقي التفاصيل
....
العزيز بالله ده عبارة عن مركز اسلامي كبير موجود في شارع العزيز بالله بالزيتون
ويضم المركز ... المسجد الشهير بخطبائة العمالقة بداية من الدكتور جميل غازي و الشيخ عبد الراضي والشيخ محمد حسان .. وآخرين ... رحمهم الله احياء واموات .... ناس على قدر كبير من العلم والبصيرة
وكذلك يوجد فوقه مستشفى كبير مكون من 6 طوابق وبه اقسام داخلية وعيادات خارجية
لكن انا لا اعرف شيء عن باقي الانشطة والدورات ....
ياريت يا دكتورة تكتبي عن الدورات والانشطة في المركز لو امكن
ربنا يوفقك

أستاذ أحمد يشرفنى سؤالك و الرد عليه

و بالفعل زى ما حضرتك بتقول بالظبط

المعهد هو عبارة عن دور فى هذه العمارة المهولة التى يشغلها المستشفى الاسلامى بجميع تخصصاته مع وجود مسجد العزيز بالله بالطبع

زى ما حضرتك قولت مبنى المستشفى الاسلامى و فى داخله مسجد العزيز بالله هو يقع فى منطقة الزيتون بالقاهرة فى شارع العزيز بالله

و معهد اعداد الدعاة يُسمى بمعهد الدكتور جميل غازى و لكننا نقول معهد العزيز بالله للتيسير

بالنسبة للدراسة فى المعهد يوجد فى المعهد فترتين للدراسة

فترة صباحية و هى خاصة بالنساء و تكون المعلمات من النساء

و الفترة المسائية و هى خاصة بالنساء و الرجال و يكون الشيوخ من الرجال و لوجود الاختلاط بين الرجال و النساء يُفصل بيننا و بين الرجال بستارة مع وجود ميكرفونات عند النساء لسماع المُحاضرات مع اعطاء كامل الحرية لسؤال الشيخ

و أنا طالبة بالفرقة الثانية فى الفترة المسائية و ما شجعنى على الالتحاق بهذه الفترة على وجه الخصوص هو توفر التعليم من على بعد و هو عن طريق سيديهات تُسجل فيها كل محاضرات الشيوخ و مع تواجد تليفونات الشيوخ المختلفة فأصبح تعلم العلم الشرعى يسير للغاية فأنزل الى القاهرة كل فترة حتى أتى بالسيديهات و أذاكر و لايتبقى الا أن أذهب فى وقت الامتحانات للاختبار

طبعا الفترة المسائية يعلمنا فيها شيوخ من العملاقة سأعطيك أمثلة

دكتور العقيدة الذى يُعلمنا فى المعهد هذه السنة هو دكتور محمود عبد الرازق الرضوانى

و دكتور التفسير و علومه هو دكتور حسن يونس

و بالنسبة للعام الماضى كان يُعطينا الحديث و المصطلح شيخ أبو حفص دكتور سامى العربى

و دكتور التفسير و علومه كان دكتور أحمد الشيمى

كل شيخ و عالم يعلمنى فى هذا المعهد فذ فى حد ذاته لأنه قبل أن يكون عالما فهو مُربى فاضل يُزكى النفوس قبل أن يُثرى العقول

و اذا قاموا بتغيير عالم أو شيخ لا يتنازلوا فى المستوى ان لم يأتوا بالأفضل

يوجد بالمعهد أيضا معاهد للاجازة فى القرآن

أرجو أن أكون أفدت سيادتك فى شئ

[aif]

ربنا يباركلك ويوفقك
ويجعل لنا نصيب للتعلم في هذا الصرح العملاق

فَضْلُ العالِمِ على العابد كفَضْلي على أدناكم
او كما قال عليه الصلاة والسلام

[muslimah_dentist]

و أيضا للايضاح أكثر المعهد متواجد بالدور الثامن

و على ما أظن أن طلبات الالتحاق بالمعهد تبدأ شهر 7 و 8

و هذا بالنسبة للنساء و الرجال

من شروط الالتحاق بالمعهد هو حفظ ثلاثة أجزاء من القرآن و تكون هناك مقابلة يختبرك فيها الشيخ فى قراءة القرآن

تكلفة الالتحاق بالمعهد سنويا 150 جنيه

و ممكن أبقى أحكيلكم حكاية فى هذا الأمر

أنا فى الأول كنت مُنتسبة للفترة الصباحية الخاصة بالنساء و لكن الفترة الصباحية لا توفر وجود السيديهات و تعذر وجودى باستمرار لحضور المحاضرات فاضطررت الى التحويل الى الفترة المسائية و لكننى أدركت أن الفترة المسائية بعلمائها الأفذاذ هى أفضل بكثير

و تعالوا أحكيلكم عن حكاية الامتحان اللى قبل الالتحاق بالمعهد

كان نفسى أتعلم علم شرعى و لكننى كنت دوما أدعو ربى: اللهم ارزقنى العلم الشرعى على يد من تحب و ترضى

كانت توجد أخت لى تتعلم العلم الشرعى بالقاهرة فسألتها :ايه هو أحسن معهد دعوة بمصر

قالتلى:العزيز بالله مفيش غيره

و بعد معرفة أن من كان يحاضر فى هذا المعهد أمثال الشيخ أبو اسحاق الحوينى و الآن الدكتور محمود عبد الرازق اتضح الأمر و أن مسجد العزيز بالله هو مسجد يؤمه العلماء و الدعاة مثل الشيخ محمد حسان و محمود المصرى فأصبح العزيز بالله هو حلم كى ألتحق به

كنت أتصل دوما حتى أعرف ميعاد تقديم أوراق الالتحاق

و كنت أعرف الشروط من حفظ ثلاثة أجزاء من القرآن

أخذت أتصل بالمعهد و لكن لا مُجيب() فى هذه الفترة غُيرت أرقام التليفونات بالقاهرة و كنت لا أعلم و كنت أتصل بالمعهد و تخطى موعد الالتحاق دون أن أدرى)

عرفت الأمر قدرا فاتصلت بالمعهد ردت عليا أخت سألتها:هو امتى امتحان الالتحاق بالمعهد؟
قالتلى:خالص الميعاد عدى

و الله أُسقط فى يدى و حزنت حزنا شديدا قولتها:حضرتك أنا بقالى فترة بأتصل بيكم و ماكنتش أعرف أن التليفونات اتغيرت

قالتلى:خلاص تعالى بكرة؟

بكرة............ماكنش ينفعنى بكرة خالص كان عندى ميعاد مع عيانة هتسافر السعودية بعد يومين و أنا لا أخلف موعدى مع مريض قلتلها :معلش ممكن بعد بكرة

قالتلى:تعالى

سافرت القاهرة و كنت أول مرة أنزل الزيتون أنا كل معرفتى بالقاهرة منطقة مصر الجديدة و مدينة نصر و عباس العقاد(عشان أقربائى هناك)

المهم رحت المعهد و لله الحمد لاقيت الأمن اللى برة بيقولى : انتى رايحة فين

قلتله:المعهد

قالى:مفيش حد النهاردة فى المعهد

أُسفط فى يدى مرة أخرى قلتله :بجد

قالى: فيه اصلاحات فى المعهد و مفيش غير العمال .........طيب استنى كدة و قعد ينادى على حد و قاله: فيه حد النهاردة فى المعهد

قاله: يا عم مفيش غير العمال

بجد كنت حزينة جدا و قعدة أقول (يعنى خلاص مفيش أمل )بس لاقيت حاجة بتقولى أطلعى شوفى بنفسك

فقلت أنا هأطلع الدور التامن و أشوف كانت معايا والدتى و استنينا الأسانسير عشان نطلع الدور التامن الأسانسير مش عايز ينزل فضلنا مشتنينه يجى ربع ساعة لغاية ما طلعنا بعد ما كنت مليت و كنت هأمشى

أول ما طلعنا من بوابة الأسانسير لاقيت عامل الأسانسير بيقولى(أهى مديرة المعهد أهى)خلوا بالكم أنا كنت الأول فى الفترة الصباحية النسائية فكانت مديرته سيدة

المهم روحتلها و شرحتلها الظروف:قالتلى بس التقديم خلص

قلتلها: أرجوكى أنا جاية من الاسماعيلية مخصوص

بصتلى و قالتلى:طيب استنى

دخلتنى و الدتى و قعدت تسألنى :انتى تعليمك ايه

قلتلها:طبيبة أسنان

قالتلى:كم معكى من القرآن

قلتلها عدد ما أحفظه من الأجزاء

استنيت انها تختبرنى عشان أدخل المعهد

قلتلها:حضرتك مش هتسألينى أنا عاملة حسابى بس أنا هأسمع من أول البقرة

قالتلى:لأ خلاص انتى اتقبلتى

قلتلها:بجد يعنى خلاص كدة مفيش امتحان

قالتلى:خلاص انتى اتقبلتى

كانت هذه أول حادثة مع هذا المعهد الذى أفتخر بالانتماء اليه و الى كل ما يحويه من معانى جميلة لتربية النفوس و تزكيتها قبل تعلم العلم الشرعى

ياه أنا كنت قلت مش هأحكى حكايات

خلتونى أحكى برده

بس انتوا سألتونى على حاجة بحبها أوى و هى معهد العزيز بالله فماكنش ينفع انى مأحكيش

[muslimah_dentist]

دكتوره مسلمه.......

ترجعلنا بالف سلامه إن شاء الله.......

ربنا يوفقك ويزيدك من فضله.........

متقلقيش كلنا سنحمل لواء النكد من خلفك......وهننكد على كل اللى هيدخل التوبيك ده....

طبعا بهزر.......

وإثباتا لكده هحكى موقف لسه حاصل معايا إنهارده....

انا عندى عاده غريبه شويه......

بحب اشترى حاجات معينه من ناس معينه.....

يعنى أيه..!!!!

يعنى مثلا لو حبيت احط بنزين للعربيه لازم من المحطه الفلانيه اللى فى المكان الفلانى ولو لاقيتها زحمه او النور قاطع والطرمبات مش شغاله ارجع تانى بليل....

نفس الكلام لما احب اشترى البقاله او الفينو او اللبن.....

ايه لزمه المقدمه الطويله دى ؟؟!!!

النهارده حبيت اشترى لبن وزبادى وانا راجع من الشغل عشان مضطرش انزل مخصوص....البنات ما بنصدق يوافقوا يشربوا اللبن والفتره دى بنستعمل خدعه عرفتهالنا والدتى كانت بتنجح معانا...وهى اننا نحط على اللبن شويه كاكاو او نسكافيه ...والخدعه نجحت والحمد لله....!!!!


المهم ...رحت على اللبان اللى بتعامل معاه.....مفيش حد فى المحل....

التلاجه شغاله والمحل مفتوح والكاسيت شغال على صوت العجمى...

- مفيش حد هنا؟.....
- يا جماعه......سلامو عليكو......

ووقفت مستنى...إن حد يرد عليا ...ابدا...إن حد يطلع من جوه....أبدا والثلاجات عامله زى الساتر الترابى ...لا انا عارف فى حد فى المحل ولا لأ....

يمكن بيصللى؟؟!!!

طب أمشى؟.....المشوار بعيد والجو حر ...مش عايز ارجع تانى ....خصوصا انى هروح مشى مش بالعربيه.....

فاتت دقيقه...جالى تليفون...كمان دقيقه....كمان دقيقتين....خلااااااااااااااااص...!!!!

لاقيت العامل اللى بيقف فى المحل جى جرى من محل فى الجهه المقابله من الشارع...رافع ايديه فى إشاره...أسف حقك عليا....ومستمر فى الاشاره.....

دخل المحل ....وحط ايديه على صدره برضو ...إشاره حقك عليا.....

بصراحه الحر والوقفه خلونى زهقان جدا.....رديت عليه رد ناشف...

حد يعمل كده برضو!!!!.....هات كذا وكذا ...

حط ايده على ودانه زى العلامه المشهوره بتاعه أعلان فودافون....بمعنى كان معايا مكالمه ...وكان رد فعلى انى شاورتله بدماغى بمعنى ماشى..ماشى....خلص..

اخدت الطلبات وحاسبت ورحت ركبت العربيه....

ودماغى عماله تلف....سايب المحل ورايح يتكلم فى التليفون ....سايب اكل عيشه وعمال يرغى ولا يحب؟!!!!...مهو لو كان صاحب المال عمره ما كان ساب المحل وراح يعمل مكالمه لاى كان...!!!

بدور العربيه....برقت وبلمت وجالى زهول....ابتسمت

ضحكت ضحكه جامده جدا.....

ياترى ليه؟.......أصلى كنت ناسى...العامل ده اخرس اساسا..!!!

ديه بأه الحكايات النكد اللى قولتلكم تحرصوا عليها

بصراحة حكاية جميلة جدا

فيه سؤال كدة لازم أسأله

أخرس كان بيتكلم فى التليفون ازاى

[أشرف فتحى]

ديه بأه الحكايات النكد اللى قولتلكم تحرصوا عليها

بصراحة حكاية جميلة جدا

فيه سؤال كدة لازم أسأله

أخرس كان بيتكلم فى التليفون ازاى:u_thin1[1]:

يا دكتوره ....مهو ده اللى خلانى ضحكت......

العامل البسيط كان بيهزر معايا وانا عشان كنت زهقاان من الحر والوقفه......مفهمتش....

سبحان الله ...الراجل عنده ابتلاء فى حاجه مهمه جدا......ومع ذلك راضى وقانع لأ وكمان بيهزر......آل بيتكلم فى التليفون قال....وانا كمان ولا خدت فى بالى خلص ومشيت...حاجه زى الفل........

[muslimah_dentist]

الحكاية 74

عارفة انكم هتقولولى مش انتى قولتى هتبطلى حكايات فترة الامتحانات(ايه لعب العيال ده)

طيب ماشى لعب عيال لعب عيال ، بس أنا قعدت أحفظ فى متن نخبة الفكر فى مصطلح أهل الأثر للشيخ ابن حجر لغاية ما طلعت عينى فقلت أدخل أرفه عنى و عنكم شوية و أحكى حكاية بالمرة.

تعالوا نرجع النهاردة لجو العيادات و أحكيلكم حكاية حصلت معايا من فترة قريبة.

كنت فى العيادات كالعادة و أطباء الامتياز اللى محتاج يسأل فى حالة بيسأل و كله ماشى تمام ، لاقيت طبيب امتياز بيسألنى عن حالة بيشتغلها و بيقولى: يا دكتورة العيانة ماعندهاش أى شئ فى سنانها ،مفيش تسوس و مفيش جيوب لثوية و عملنا أشعة و طلعت زى الفل و حاسة بآلام ده من ايه؟

قلتله: العيانة تاريخها المرضى ايه ، بتعانى من جيوب أنفية؟

قالى :أروح أسألها كدة(طبعا ديه أول غلطة وقع فيها سيادته لأنه قبل ما يفتح بق العيان لازم يأخد تاريخه المرضى بالتمام و الكمال)

المهم خلصت شغلى و أنا فى طريقى للخروج من العيادات لاقيت طبيب الامتياز ده فى وشى سألته:عملت ايه مع العيانة؟

قاللى:طلع فعلا يا دكتورة عندها مشاكل فى الجيوب الأنفية و بتتعالج منها بقالها فترة رحت اديتلها علاج للجيوب الأنفية و مشتها

برقتله قلتله:ايه ّ! اديتلها علاج جيوب أنفية

قالى:أيوة يا دكتورة مضاد حيوى و مسكن و مضاد للالتهابات

قلتله:يا ابنى هو أنت دكتور أنف و أذن و حنجرة و لا دكتور أسنان

قالى:دكتور أسنان

قلتله.طيب سيادتك كتبتلها دوا لعلاج الجيوب الأنفية ليه!!!!!!!!!!!!.فيه حالات كتير [اوصف فيها أدوية للمريض أما يظهر فى الفم أمراض مسرطنة أو أمراض جلدية بتظهر فى البق الأول عشان أمنع ظهورها فى الجلد ، ماشى فى الوقت ده بنكتب أدوية....بس ماحولتهاش على طبيب أنف و أذن و حنجرة ليه يشوف عندها ايه و يعالجها؟؟؟؟؟

المهم اديته محاضرة طويلة عريضة عن احترام التخصص و أن كل طبيب له مجال عمله و تخصصه و أنه يجب أن يحترم أحدنا الآخر

طبعا الولد بصلى زى ما أكون بأقول كلام مايتقالش و عارفة ان كل الكلام اللى قعدت أقولهوله دخل من ودن و خرج من الودن التانية.

ديه بأه حكاية النهاردة و ما يعانيه الشعب المصرى ككل من عدم احترام التخصص

لازم نفتى و لازم نفهم فى كل حاجة

لازم يكون عندنا الاجابات عن كل حاجة

بنتكسف نقول مأعرفش(لأحسن يقولوا علينا جاهل)

معندناش احترام للتخصص و أهله و ده سبب من أسباب تخلفنا.