Tweet
المشاركة الأصلية كتبت بواسطة أشرف فتحى
مشاهدة المشاركة
آمين يا رب العالمين
-
آمين يا رب العالمين[gdwl][SIZE=5]وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ[/SIZE] [/gdwl] -
الحكاية 78
أريد أن أُبحر معكم اليوم بتأملاتى فى أصناف شتى من البشر تثير دوما حيرتى و دهشتى.
عجيبة حقا هذه النفس البشرى التى تحتوى على أخلاط متضادة و مشاعر متناقضة ما بين الغضب و الهدوء ، الحزن و السعادة ، الثورة و السكينة ، السخط و الرضا ، الكسل و النشاط ، الكراهية و الحب و غيرها الكثير و الكثير من المشاعر المتناقضة.
فتستطيع أن ترى فى انسان واحد كل هذه التناقضات و أعجب حقا عندما أراها و أقول كيف تجتمع هذه التناقضات فى انسان واحد
هل يستطيع بكل هذه التناقضات المتباينة التى ملأت كيانه و وجدانه أن يحيا فى سكينة و طمأنينة.
بل أتسائل : كيف يستطيع فهم نفسه و هى ملأى بكل هذه التناقضات؟ و اذا عجز عن فهم نفسه فكيف ينتظر ممن أمامه أن يفهمه!!!!!!!!!!
حقا عجيب هذا الصنف البشرى.
أدركت و أنا أتأمل فى هذا الصنف من البشر ( أننا كلنا هذا الرجل)
نحن نجمع ما بين طياتنا الكثير من التناقضات المتباينة و لكن الكيس الفطن هو الذى يستطيع أن يروض نفسه حتى تكون مطية له و لا يجعل نفسه تستأسده فيكون مطية لها.
أدركت فى خضم تأملاتى أنه فاز من فهم نفسه و عرف من هو؟
على قدر بساطة السؤال و لكنه يحتاج الى عمق و تركيز شديد فى الاجابة.........
و السؤال هو..............عرف نفسك.....من أنت؟؟؟؟؟؟؟؟؟[CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]Comment
-
وحشتينا يا دكتورة
وجميلة الحكاية
وأويدك ... جميعنا هذا الرجل
وده الصراع الدائم جوانا بين الخير والشر
وكله جهاد مع النفس
والفائز من اختار طريق رضا الله[CENTER] [SIGPIC][/SIGPIC]
كم أحبك يا الله
[/CENTER]Comment
-
السلام عليكم ورحمه الله.....
حبايبى الحلوين......
على طريقه أبله فضيله وكانت تيجى فىنص الحكايه وتقول......حلويييين....
بسم الله نبتدى الحكايه.......
إمبارح كنت كالعاده راجع من الشغل متأخر ومخنوق ومتخانق وكل الحاجات الجميله دى...الحمد لله...
إتغديت وقعدت شويه مع البنات ...ولإنى من الكائنات المشعه زى ما قللى واحد كنت بشتغل معاه زمان.......بمعنى إنى فى حاله إن حالتى النفسيه لما تكون كويسه بشع بهجه وفرحه وبحاول كل اللى حواليا يكونوا فىنفس الحاله....
أما بقى لو مكتئب فبشع كآبه وبنقل العدوى لكل اللى حواليا حتى لو متكلمتش خالص....
فصعب عليا الولاد وقلت ملهمش ذنب يتضايقوا معايا....
طب اتصرف إزاى....أنام؟......مش عارف.....
طب الوقت إتأخر ومقدرش أتصل بحد من أصحابى القليلين أكلمه...
أيه الحيره دى؟!.....
خلاص أنا هنزل.....مش عارف هروح فين!!!!
لبست ونزلت...ركبت العربيه...مشيت ومش عارف برضو هروح فين....!!!
المهم قولت انا دايما اسمع ان الناس لما بتقعد على النيل بتهدى كده وبتبقى تمام....ياسلام!...بس كده ....خمس دقايق وابقى على النيل.....وفعلا حصل...رحت راكن العربيه وطالع على الكورنيش وواقف زى الناس ما بتعمل.....
قعدت ...إن حاجه تتغير...أبدا!!!....
- شاى...شاى...شاى..... (دا بتاع الشاى )
- شاى يا باشا؟ (دا برضو بتاع الشاى )
- شكرا مبشربوش
- حمص ...حلبه...نعناع؟ (دا الغتت بتاع الشاى)
- لو عزتك هندهلك أو أجيلك لحد عندك....(محدش ينسى إنى مشع )
الراجل بصلى بإستغراب ومشى وقال حاجه زى تحت أمرك يا ريس ..او شتم مسمعتوش....
- ترمس....لوز يا ترمس....ترمس...
-أيوه (دا بتاع الترمس )
-أيوه أيه يا عم هو انا ندهتلك أصلا؟
- ترمس يا باشا؟
- شكرا يا باشا...
طبعا بياعين الفل والورد والجيلاتى والحاجت دى مهوبوش ناحيتى....مهو انا الوحيد اللى قاعد لوحده..
...
المهم لا منظر النيل ولا المراكب ولا اى حاجه عملت حاجه ..وما زالت النفسيه فى الحضيض....
هوب.... زفه عروسه...يافرج الله...هنفرح أهو....
عربيه النترا بتخمس على الكورنيش؟!!!!!
موتوسيكلات ماشيه على العجله الورانيه بس....!!!!
شغل بهلونات بالعربيات .......!!!!
المهم عربيه العريس ركنت قدامى وورا عربيتى بالضبط....
نزل العريس....عادى.....
نزلوا العروسه...مش عادى.....
فاصل ونواصل.....[SIGPIC][/SIGPIC][CENTER]
[/CENTER]Comment
-
عدنا....
العروسه الظاهر كانت منتقبه ....
فلابسه زعبوط زى اللى بتلبسوا سنو وايت فى الكارتون بس بطرطور ونازل من الطرطور بيشه ...البيشه ستان ...يعنى مش شفافه....طب العروسه كده هتشوف إزاى؟!!
طبعا مش شايفه حاجه وبيسحبوها وتتكعبل لغايه ما وصلوها لسور الكورنيش...
أنا مش ضد النقاب او بسخر منها بالعكس دى حاجه حلوه انهم يحاولوا يبدأو حياتهم فى طاعه ربنا وإجتناب النواهى....
لكن....
مفيش ثوانى بعد الزغاريد ما هديت ..أصحاب العريس علوا الكاسيت بتاع العربيه ..مشغالين أغانى المخدرات....واحد بيتكلم عن إحساسه وهو بيشرب سيجاره مخدرات....هوب بدأ الرقص ومن ضمن اللى بيرقصوا... العريس.....واضح إنه خبره .....مش مبتدأ.....معلش الفرحه تعمل اكتر من كده...
شويه وبنات العيله إنضموا للشباب والرقص زاد ......
العروسه يا عينى واقفه بعيد ومش شايفه حاجه من اللى بيحصل وكل شويه واحده تيجى تقف قدمها وترفع البيشه وتكلمها شويه وتضحك معاها وتمشى...
يمكن والدها الراجل الوقور أبو لحيه متساويه ده هو اللى عودها على انها تكون فى ستر دايما وميظهرش منها حاجه...يمكن دا طلب العروسه.....والدها جه على واحد واقف جنبى وأخد منه سيجاره...عقبال ولادك يا سيدى.....!!!!!
خلصوا فرحتهم ...ولموا نفسهم وعربياتهم وموتوسيكلاتهم وطاروا....
رجعت أنا والنيل لوحدنا مع بعض....
دوشه الفرح شغلتنى عن حوار تانى كان بيحصل جنبى على الناحيه التانيه.....
انا كنت قاعد على الكورنيش فى حته جنب مرسى لانشات...يعنى لما تعوز تتفسح بمركبه زى الافلام تنزل تأجر مركب....
فاصل ونواصل[SIGPIC][/SIGPIC][CENTER]
[/CENTER]Comment
-
ابوس ايدك بلاش طريقة نبيل فاروق دي بتاعة الخمس اجزاء على اربع سنين على ما نعرف النهاية ههههههههههههه[SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
إيه ده ؟!!!المشاركة الأصلية كتبت بواسطة أحمد كمال مشاهدة المشاركة
خمس أجزاء......ليه؟
هى ليالى الحلميه ولا رأفت الهجان...؟!
لا يعم مش أقل من خماشر جزء.....مرضى يا عم؟
ياراجل دنا حكيت حكايه عمى بس فى بتاع 5 أجزاء ويمكن أكتر والله لغايه لما خلصت كانت الدكتوره مسلمه بتقول...أخيرا الحكايه خلصت....!!!
عموما ...يا جماعه والله انا مش هزعل خالص.... لو بطول أو بضيع فرصه غيرى فى العرض..نبهونى...مفيهاش حاجه يعنى....المؤمن مرآه أخيه.....[SIGPIC][/SIGPIC][CENTER]
[/CENTER]Comment
-
لا يا استاذ اشرف مش المقصود ان حضرتك بتضيع فرص على الاعضاء لكن فعلا اسلوبك في السرد شيق وبنبقه منتظرين تكملة القصة فالافضل ان القص تكون كاملةComment
-
نرجع ونكمل اللى حصل فى الليله دى....
انتبهت على صوت اتنين بيزعقوا لبعض....
من سير الكلام كان واضح ان الراجل البسيط ده المراكبى والشاب الحليوه ده زبون كان راكب معاه....
- بص بقى العده تطلع بالذوق بدل ما ابهدلكوا الدنيا هنا... ( دا الشاب الحليوه )
- يا باشمهاندس عيب أنا راجل هنا بقالى عشرين سنه عمرى ما مديت إيدى على حاجه حد.... ( دا المراكبى)
- يا عم خلص فى دورك ...التليفون هتجيبه ولا اجيبلكم الحكومه تلمكم كلكم لغايه العده ما تطلع.
- يا ابنى انا راجل كبير وانت شوفت بنفسك وانت نازل من اللنش كان فى غيرك مستنيين وركبوا على طول..يعنى لو جيت لاقيتنى راكن ومركبتش حد بعديك يبقى العده دى معايا ..لكن انا مش هفتش كل اللى يركب معايا معاه ايه ومعهوش أيه...!!
- بص بقى التليفون اتقفل بعد ما سيبت المركبه بتاعتك بخمس دقايق..يبقى راح فين؟
- يبنى وانا هأخد تليفونك اعمل بيه ايه بس؟ لا حول ولا قوه الا بالله...
- طب دور عليه بس وهتلاقيه ...
- بقولك ايه يبنى ..روح لحالك الله لا يسيئك..!!!
- خلاص ...ماشى ..ماشى...انا هروح لحالى والتليفون هيجيلى لحد عندى...
الشاب طلع جرى على الناحيه المقابله من الكورنيش وإختفى ....
أنا قلت بس هيجيب ناس او شرطه وهتبقى خناقه..!!
بس..هنتفرج على فيلم ابراهيم الابيض على الطبيعه...
الراجل المركبى طلع على الرصيف قعد مع واحد من بتوع الشاى جنبى برضو....
-أيه يا عم لطفى حكايه الواد ده؟
- أنا عارف أهى بلاوى بتجيلنا لحد عندنا....الواد ركب معايا وتليفونه بيقول ضاع باين ولا نسيه ما اعرف...أهو جى يرمى بلاه علينا وخلاص....
- روق..روق كده وصلى على النبى....إشرب الشاى..!
- يا عم دنا بقالى يومين ما اشتغلتش....يقوم اول زبون يركب معايا يعمل الفيلم إبن ال....ده.
- بقالك يومين ليه ؟
- لنش الحكومه يا سيدى جه جنبى ورررش ميه غرق موتور الكهرباء يا سيدى واستنيت لما ينشف تمام ....
- معلش يا عم لطفى ..يعوض عليك ربنا...
هوب..الشاب جه....
ايه ده دا جى لوحده....
- بقولك أيه يا حاج.....مش مهم العده ...المهم عندى الخط دا عليه كل نمرى ونمر شغلى...شوفلى بس الشريحه وانا هراضيك...ومش عايز العده...
- يبنى والله انا ما شوفت حاجتك دى...تلاقى زبون بعدك خبطها ولا ضاعت منك قبل ما تركب معايا....
- فضل الجدل مستمر وفى الاخر مشى الشاب...لا طال حاجه ولا وصل لحاجه.....
أمال بس من خمس دقايق كنت محسسنى انك هتجيب فرقه صاعقه وتدغدغ المكان .....الناس دى غريبه جدا...
فاصل وبلاش نواصل....[SIGPIC][/SIGPIC][CENTER]
[/CENTER]Comment
-
ما شاء الله أخونا أشرف
يوم مُفعم بالمواقف و الحوادث
بس من الآخر هى ديه الدنيا
هنفضل فيها كدة دايخين و تايهين و تعبانين و أرفانين لأنها دار تعب و كد
و لابن القيم فى هذه النقطة لطيفة جميلة حيث قال:
من رحمة الله على عباده أنه جعل الدنيا دار تعب و شقاء حتى لا يركنوا اليها و يرنوا بأعينهم الى الثواب فى لآخرة و يعملوا للجنة
تخيل على أد تعبنا و أرفنا فى الدنيا و برده متبتين فيها و مش عايزين نسيبها أٌمال لو كانت جنة كنا هنعمل ايه
[CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]Comment
-
المشاركة الأصلية كتبت بواسطة أشرف فتحى مشاهدة المشاركة
عايزينك علطول تواصل أعطاك الله سبحانه و تعالى طريقة ساخرة فى الكتابة أكثر من رائعة
و أنا من عشاق الأدب الساخر عشان كدة لازم كل يوم أصطبح على اصطباحة بلال فضل فى المصرى اليوم
أقترح تكتب كتاب (أنا بـأتكلم بجد)[CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]Comment
-
اشرف بيك
فين الباقي بتاع القصة ابوس ايدك[SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
المشاركة الأصلية كتبت بواسطة نور القمر مشاهدة المشاركة
يا فندم لى عظيم الشرف بإهتمام حضرتك بمشاركه لى وبكل تواضع أعبر عن فرحتى الشديده بمجاملتك الرقيقه.....ربنا يجبر بخاطرك......لكن والله يا نور انا من الناس اللى مش مرتبين فى حياتهم وعمرى ما كنت ولا هكون كده فصعب قوى إنى ارتب حتى افكارى واختصرها واكتبها فى صفحه مثلا...غير إنى بتلاقينى بهتم بالتفاصيل ورغاى زياده حبتين فلو عملت الحكايه فى مشاركه واحده ...اللهم ان المشاركه هتعوز بتاع 6 او 7 صفحات....
[QUOTE=muslimah_dentist;3871930953]ما شاء الله أخونا أشرف
يوم مُفعم بالمواقف و الحوادث
بس من الآخر هى ديه الدنيا
هنفضل فيها كدة دايخين و تايهين و تعبانين و أرفانين لأنها دار تعب و كد
و لابن القيم فى هذه النقطة لطيفة جميلة حيث قال:
من رحمة الله على عباده أنه جعل الدنيا دار تعب و شقاء حتى لا يركنوا اليها و يرنوا بأعينهم الى الثواب فى لآخرة و يعملوا للجنة
تخيل على أد تعبنا و أرفنا فى الدنيا و برده متبتين فيها و مش عايزين نسيبها أٌمال لو كانت جنة كنا هنعمل ايه
[/ QUOTE]
ما شاء الله على تفكيرك يا دكتوره..بتقدرى تطلعى حكمه من موقف عادى جدا أشوفه ومفكرش فيه....فعلا امال لو جنه كنا عملنا أيه؟!
وعموما المشاكل فى الشغل بقت السمه السائده دلوقتى ...
القطاع الخاص بقى بيفترس الموظفين تحت دعاوى مختلفه......وحتى العادل منهم مبيفكرش فى وسيله لتحسين الاحوال للعمال قد ما بيفكر إزاى يستفيد منهم 24 قيراط ولأخر نفس عندهم....
تصورى حضرتك إننا بنكافح من 3 سنين عشان يوافقوا ويختمولنا ورق التأمين الصحى..بتاع الحكومه مش التامين التعاونى...اللى هو ببلاش...لكن المسئول بيسد ودانه ومشغول على طول......وفيييين لما فهم إنه مش هيكلف الشركه حاجه إننا هنتحمل أى تكاليف.....
مقدرش أزعلك والله يا أحمد بيك بس الحقيقه هى مش قصه...الحكايه كلها كانت ساعتين قعدتهم على الكورنيش وكتبت موقفين صادفتهم من مواقف كتيره حصلت ...لكن بصراحه بعد تفكير..وجدت إن باقى المواقف غير صالح للكتابه فى منتدانا الجميل.....فالاربع مواقف الباقيه...إما تثير الشجون والاحزان وحاجه تقطع القلب...وأنا شايف اننا مش فى حاجه للنوع ده من الحكايات فى المرار اللى بنشوفه كل يوم..المشاركة الأصلية كتبت بواسطة أحمد كمال مشاهدة المشاركة
.....وإما وصف لمواقف يعاقب عليها القانون ..
خلينا نقف على كده ونكمل مع بعض فى حكايه تانيه.....[SIGPIC][/SIGPIC][CENTER]
[/CENTER]Comment
-
[quote=أشرف فتحى;3871931212]يا فندم لى عظيم الشرف بإهتمام حضرتك بمشاركه لى وبكل تواضع أعبر عن فرحتى الشديده بمجاملتك الرقيقه.....ربنا يجبر بخاطرك......لكن والله يا نور انا من الناس اللى مش مرتبين فى حياتهم وعمرى ما كنت ولا هكون كده فصعب قوى إنى ارتب حتى افكارى واختصرها واكتبها فى صفحه مثلا...غير إنى بتلاقينى بهتم بالتفاصيل ورغاى زياده حبتين فلو عملت الحكايه فى مشاركه واحده ...اللهم ان المشاركه هتعوز بتاع 6 او 7 صفحات....
المشاركة الأصلية كتبت بواسطة muslimah_dentist مشاهدة المشاركةما شاء الله أخونا أشرف
يوم مُفعم بالمواقف و الحوادث
بس من الآخر هى ديه الدنيا
هنفضل فيها كدة دايخين و تايهين و تعبانين و أرفانين لأنها دار تعب و كد
و لابن القيم فى هذه النقطة لطيفة جميلة حيث قال:
من رحمة الله على عباده أنه جعل الدنيا دار تعب و شقاء حتى لا يركنوا اليها و يرنوا بأعينهم الى الثواب فى لآخرة و يعملوا للجنة
تخيل على أد تعبنا و أرفنا فى الدنيا و برده متبتين فيها و مش عايزين نسيبها أٌمال لو كانت جنة كنا هنعمل ايه
[/ quote]
ما شاء الله على تفكيرك يا دكتوره..بتقدرى تطلعى حكمه من موقف عادى جدا أشوفه ومفكرش فيه....فعلا امال لو جنه كنا عملنا أيه؟!
وعموما المشاكل فى الشغل بقت السمه السائده دلوقتى ...
القطاع الخاص بقى بيفترس الموظفين تحت دعاوى مختلفه......وحتى العادل منهم مبيفكرش فى وسيله لتحسين الاحوال للعمال قد ما بيفكر إزاى يستفيد منهم 24 قيراط ولأخر نفس عندهم....
تصورى حضرتك إننا بنكافح من 3 سنين عشان يوافقوا ويختمولنا ورق التأمين الصحى..بتاع الحكومه مش التامين التعاونى...اللى هو ببلاش...لكن المسئول بيسد ودانه ومشغول على طول......وفيييين لما فهم إنه مش هيكلف الشركه حاجه إننا هنتحمل أى تكاليف.....
مقدرش أزعلك والله يا أحمد بيك بس الحقيقه هى مش قصه...الحكايه كلها كانت ساعتين قعدتهم على الكورنيش وكتبت موقفين صادفتهم من مواقف كتيره حصلت ...لكن بصراحه بعد تفكير..وجدت إن باقى المواقف غير صالح للكتابه فى منتدانا الجميل.....فالاربع مواقف الباقيه...إما تثير الشجون والاحزان وحاجه تقطع القلب...وأنا شايف اننا مش فى حاجه للنوع ده من الحكايات فى المرار اللى بنشوفه كل يوم.......وإما وصف لمواقف يعاقب عليها القانون ..
خلينا نقف على كده ونكمل مع بعض فى حكايه تانيه.....
أن أن أن أااااااااااااااااانننننننن
طيب ابعت عالخاص
ههههههههههههههههه
انا فضولي جدا جدا[SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
يا فندم أشكرك والله من كل قلبى...أخجلتم تواضعنا....الحقيقه أنا معترف إنى بتأثر بطريقه د.أحمد خالد توفيق و بلال فضل واحمد رجب ويوسف معاطى الساخره فى الكتابه لكن والله إحنا حياتنا مليئه بالمواقف المحزنه والمفرحه والعقل يقول نضحك على همومنا بدل ما تقتلنا...كده كده هناخد العبره لو شغلنا عقلنا...يبقى ناخدها واحنا مبتسمين أحسن.المشاركة الأصلية كتبت بواسطة muslimah_dentist مشاهدة المشاركة
وبالنسبه للإقتراح بكتايه كتاب..أشكر حضرتك على الاطراء الجميل ده...والله يا فندم انا ابعد ما يكون عن فن الكتابه والادب....أنا مجرد بفضفض مع إخواتى فى المنتدى عن مواقف بعيشها وكون المجتمع إفتراضى بيدى جرأه فى تعاطى الموقف ...يعنى مش متخيل إنى أقدر على اكتر من كده....[SIGPIC][/SIGPIC][CENTER]
[/CENTER]Comment
Comment