حكايات البشر

[Moh.Abdelbaset]

بسم الله ما شاء الله
موضوع جميل جداً
أنا قرأته من أوله لغاية آخر صفحة فيه
كل قصة أو حكاية أو مقطع فيديو لعلمائنا....فيها عبرة و عظة و ضحكة و دمعة
جزاكم الله خيراً

[muslimah_dentist]

بسم الله ما شاء الله
موضوع جميل جداً
أنا قرأته من أوله لغاية آخر صفحة فيه
كل قصة أو حكاية أو مقطع فيديو لعلمائنا....فيها عبرة و عظة و ضحكة و دمعة
جزاكم الله خيراً

جزاك الله خيرا أخونا الكريم على ردك و تواصلك

[muslimah_dentist]

الحكاية 82

مش عارفة أبتدى منين النهاردة...........فيه شئ بقالى فترة كبيرة ملاحظاه و عمال يزيد يوم عن يوم .

كتير من الناس (عشان مايبقاش فيه تعميم) بقى عندها سوء أدب بشكل غير طبيعى و سوء الأدب بيتجسد فى أشكال مختلفة ممكن من طريقة التعامل أو و انت سايق فى أمان الله تلاقى واحد بيعمل حركات و افتكاسات مش و لابد و للأسف الموضوع ده بقالى فترة كبيرة جدا ملاحظاه و للأسف فى تزايد مستمر.

من كام يوم رن تليفون البيت جيت أرد لاقيت واحد بيكلمنى و بيزعق:رقمكم ظهر عندى على الأى ديه انتوا مين

و أحاول أفهمه ان احنا ماكلمناش حد و انى مقربتش من التليفون بفالى أكتر من تالت ساعات و لا هو هنا و عمال يتعصب و يزعق.

الواحد يكون سايق فى أمان الله يلاقى اللى بيكسر و اللى بيحدف و ممكن يشوح و يشتم و هو اللى غلطان.

و لو حبيت انى أستذوق مع حد و أخليه يعدى قبليا يكون مش مصدق نفسه ، الناس من كتر قلة الأدب اللى بتشوفها مابقتش تصدق ان فيه بأه لسة ذوق فى المعاملة.

النهاردة مثلا حصل معايا موقف مع زميلة ليا فى قسم آخر ، شخصت حالة طفل بيكز على أسنانه و عملتله تآكل كبير جدا فى طبقة المينا و الكزة ليها أضرار كبيرة على مفصل الفك و الولد لسة عنده ست سنين و هتعمله مشاكل كبيرة لو ماتلحقتش من دلوقتى ألاقيها بتكلمنى قدام أم الولد و الولد بأسلوب زى ما أكون بأقول كلام مش علمى و موثق بأبحاث علمية و مش عايزة تعمل للولد حاجةو تقولى لازم نعالج السبب اللى بيخليه يكز ، أيوة كلامها صح بس عقبال ما نعالج السبب النفسى ده لازم نلحق الوضع قبل ما يتفاقم و مش مقتنعة بالكلام بتاعى و تجاهلتنى تماما و لا كأنى أكبر منها فى السن و تكلمنى بأسلوب اتخضيت ليه جدا و مأحبتش انى أرد عليها كما يجب احتراما لمنظرها قدام الولد و أمه بالرغم انها ماحترمتش انى كنت الدكتورة بتاعتها فى يوم من الأيام.

أدخل ع المنتدى ألاقى الناس بتنصح بعض انها ماتسبش حقها و أيوة صح اللى عملته يستاهل تخبطله عربيته و البادى أظلم و البلد ديه ماينفعش فيها غير كدة .

سوء خلق انتشر فى المجتمع و تفشى حتى أصبح كأنه مرض عضال ، ماذا حدث للناس و لا تقولوا لى أنه يعود الى التربية و البيئة الاجتماعية؟(هناك أطباء و طبيبات و من عائلات و لكنهم يتسموا بسوء الخلق) الأمر أصبح بمثابة الوباء ، أويكأن الناس تنتظر أن يُسلم عليهم أحدهم فينفجروا فيه غائظين ، ماذا حدث للبشر ، أين احترام الآخرين و المعاملة الحسنة؟ و الله لو يعلم هؤلاء أن الموت أقرب الى أحدنا من شراك نعله ما آذى بشرى قط(أنا جارتى النفس اللى دخلته ماطلعتهوش تانى)

لماذا ازداد سوء الخلق ، و لاتقولوا لى أنه يعود الى الزحمة و ما شابه ، فهناك أمم مثل اليابان و الصين مثلا ملايين من البشر و لكن احترام الآخرين هو سمة مميزة فى هذا الشعب.

لعله يُعزى أحدنا سوء الخلق الى الظروف الحياتية الصعبة و لكننا نجد الفقير الذى يتسم بالخلق الحسن و الغنى الذى يتسم بسوء الخلق اذن ليست النقود هى السبب ، هناك خلل لا أعلمه ، هناك شئ مفقود فى هذا الشعب .

ممكن أن يكون انعدام احترام الذات عند الكثير هو ما أوجد هذه الظاهرة من سوء الخلق ، لأن الذى قد ساء خلقه هو فى بادئ الأمر لا يستطيع أن يحترم أحدا لأنه لم يحترم نفسه.

لا أعلم و لكن الأمر أصبح كالسرطان يعصف بكل جميل و يؤذى من حوله و لو أدرك ابن آدم أن الدنيا أحقر و أهون من كل هذا ما فعل ما يغضب الله.

لا اله الا الله.

[أشرف فتحى]

آآآآآآآآآآآآآآآآآآآة.....


جيتى على الجرح يا دكتوره والله.....


انا ليا رأى ...مجرد رأى.....

لو صلح الراعى لصلحت الرعيه.........

مش تحميل مسئوليه ولا رمى تهمه.......لكن لما رحت مكان ما كان فى منتهى النظافه....وكنت جعان ومعايا باكو بسكويت.......فى الظروف العاديه كنت هفتح الشباك وارمى الورقه بتاعته....

لكن نظافه المكان أجبرتنى مرميش حاجه تفسد المنظر الجميل....

ولما واحد اعرفه دفع عشره جنيه فى المترو عشان ولع سيجاره زمان بقى ما بيولعش سجاير ولا حتى يفكر يولعها غير لما يتأكد انه مش ممنوع......

قصدى اللى ميمنعوش تربيته واخلاقه تمنعه الرقابه ...لكن فى وقت السمك لبن تمر هندى اللى احنا عايشينه ....صعب ...

أهو نحاول نصلح فى انفسنا وندعى ربنا يهدينا ويهدى الناس كلها....

[نور القمر]

انتي عارفه يا مسلمة انا عمري ما تيخلت نفسي اني ممكن اكون في موقف في الشارع مثلا وحد يتجرأ عليا ويشتمني
بس للاسف حصلت مرة من شاب اشبه بالبلطجية بسبب خطأ غير مقصود وانا سايقه
الحمد لله كنت قافله الزجاج ومسمعتش ولا كلمة لكن فهمت من تعبيرات وشه
بصراحة انا وقفت على طول
والناس في الشارع عايزني امشي قبل ما يوصل خوفا عليا منه
بس انا استنيه لما وصل وجاي يكمل شتيمة
مجرد ما قلت له انا اسفه مكنش قصدي وان اتوبيس بيزنق عليا عمدا من اول الشارع
هدي على طول وملامح وشه اتبدلت لكسوف وخجل من تصرفه معايا
والناس كمان في حالة استغراب للي حصل
كلهم فتحوا بقهم وفنجلوا عينهم من ردة فعل الشاب على اعتذاري له

[أشرف فتحى]

انتي عارفه يا مسلمة انا عمري ما تيخلت نفسي اني ممكن اكون في موقف في الشارع مثلا وحد يتجرأ عليا ويشتمني
بس للاسف حصلت مرة من شاب اشبه بالبلطجية بسبب خطأ غير مقصود وانا سايقه
الحمد لله كنت قافله الزجاج ومسمعتش ولا كلمة لكن فهمت من تعبيرات وشه
بصراحة انا وقفت على طول
والناس في الشارع عايزني امشي قبل ما يوصل خوفا عليا منه
بس انا استنيه لما وصل وجاي يكمل شتيمة
مجرد ما قلت له انا اسفه مكنش قصدي وان اتوبيس بيزنق عليا عمدا من اول الشارع
هدي على طول وملامح وشه اتبدلت لكسوف وخجل من تصرفه معايا
والناس كمان في حالة استغراب للي حصل
كلهم فتحوا بقهم وفنجلوا عينهم من ردة فعل الشاب على اعتذاري له

كلام سليم أنا دايما بكتفى بإعتذار او ابتسامه لو حد عمل معايا حاجه وعمرى ما ببتدى مشكله او احاول اجرح حد...لكن المؤثرات اللى حوالينا والجو العام بيفرض سلوكيات تتعارض مع التربيه السليمه والفطره النقيه.....

زمان كانوا يقولولنا اللى يشتمك قلله الله يسامحك.....صح؟

دلوقتى بنقول لاولادنا اللى يضربك اضربه والا هتبقى ملطشه...صح؟

انا عشان امسك العصايه من النص......

قلت للبنات لما حد يعمللك حاجه قولى للمدرسه او المشرفه......ردت عليا ان المشرفه مبتعملش حاجه وبتشخط فينا وخلاص...

خلاص يا بنتى اللى يضربك اضربيه ....واللى يشتمك برضو اضربيه ...ولما يشتكيكى للمدرسه ابقى قوليلها انك روحتيلها ومعملتش حاجه .....


على فكره العيب فينا مش فى البيئه ولا الناس اللى حوالينا...
إحنا اتربينا على العيب والحرام والاصول والصح ...وإن الكبير ليه احترامه....وان المسامح كريم...ويا بخت مين قدر وعفا......

العيب فينا مش فى الناس....إحنا الغلط.......هما الصح

[pop3]

السلام عليكم ورحمة الله وبركاته...


كل سنه و حضراتكم طيبين سائل الله تعالي أن يبلغني و إياكم الشهر الكريم و أن يهدينا لما يحب و يرضي.

إكمالا لما سبق من حديث عن وباء سوء الأخلاق المتفشي في مجتمعنا للأسف, أحب أحكيلكم عن موقف حصل معايا إنهارده

طبيعة شغلي إني بتعامل مع عملاء بشكل مباشر , في منهم المحترم و فيه منهم المش محترم لكن بيتعامل معايا بإحترام لأنه مجبر على كده وفيه منهم إنه شايف إنه حاجه كبيره قوي فمش ضروري أتعامل بإحترام لكنه بفضل التعامل بطريقه السيد و العبد ولا حول ولا قوة إلا بالله.

لكن إنهارده دخل عليا واحد غير كل دول... نوعيه جديده تماما .... تحس إنه بني آدم لسه على الفطره ... معندوش فكره بأي حاجه ومحتاس و في غاية الغلب.

الحقيقه وللرتم السريع في أداء العمل لأن الوقت بفلوس , كنت متأكد إن مفيش حد هيتلفتلوا علشان يوجهه أو يدله على شئ لأن كل واحد عايز اليوم يبقي 16 ساعه مش 8 ساعات عمل بس.

علشان كده أخدته , و قاعدته يرتاح في مكتبي ونزلت بنفسي أدفعله الميالغ المستحقه عليه في البنك و بالرغم إن البنك معاده عدي برده كلمت مدير البنك علشان يديني إستثناء بالدفع بعد الميعاد وتم بحمد الله الدفع ومش بس كده أنا أخدت إشعارات البنك و روحت سلمتهم للجهه المختصه و إللي هي غير تابعه لينا كشركه لكن بفضل الله و لأن علاقتي طيبه بمعظمهم خلصوا شغله عل طول.

ورجعت مكتبي و سلمته كل الورق الخاص بيه واللي المفروض هو إللي يعمله بنفسه ووجهته للخطوات التاليه و سلمت عليه ومن غير شكرا مع السلامه.

عادي أنا مش منتظر شكر منه وبرده إلتمستله العذر لضيق الوقت و هرعه لإنهاء عمله إللي أتي من أجله,

من ربع ساعه إتصل بيا , والحقيقه ظنيت إني هاخد دعوتين حلوين لكن للأسف لقيته بيزعق و بيلومني على خطأ ليس لي شأن بيه أساسا و بيلعن البوم النحس و المقرف و كل شئ جه على باله ساعتها.

بس بصراحه هو دعا بس مش ليا ده عليا

ومع ذلك إتصلت بموظف هناك علشان يحل مشكلته إللي متعطل علشانها

والله ما بحاول يكون لي فضل على أحد لأن ربنا يتغمدني بفضل و لا فضل إلا فضله تعالي, لكن مجرد إن ميكونش عنده فكره أني كنت سبب حتي لو من بعيد لأذاه

ولا حول ولا قوة إلا بالله العلي العظيم

[muslimah_dentist]

بس انا استنيه لما وصل وجاي يكمل شتيمة
مجرد ما قلت له انا اسفه مكنش قصدي وان اتوبيس بيزنق عليا عمدا من اول الشارع
هدي على طول وملامح وشه اتبدلت لكسوف وخجل من تصرفه معايا
والناس كمان في حالة استغراب للي حصل
كلهم فتحوا بقهم وفنجلوا عينهم من ردة فعل الشاب على اعتذاري له

الناس بقت يا نور ماتصدقش ان فيه ناس لسة عندها ذوق و أدب و ممكن تعتذر مع ان مفروض هو ده الشئ الطبيعى مش الشئ الخارق للعادة

ربنا يرحمنا و يعدينا منها بسلام

إكمالا لما سبق من حديث عن وباء سوء الأخلاق المتفشي في مجتمعنا للأسف, أحب أحكيلكم عن موقف حصل معايا إنهارده

طبيعة شغلي إني بتعامل مع عملاء بشكل مباشر , في منهم المحترم و فيه منهم المش محترم لكن بيتعامل معايا بإحترام لأنه مجبر على كده وفيه منهم إنه شايف إنه حاجه كبيره قوي فمش ضروري أتعامل بإحترام لكنه بفضل التعامل بطريقه السيد و العبد ولا حول ولا قوة إلا بالله.

لكن إنهارده دخل عليا واحد غير كل دول... نوعيه جديده تماما .... تحس إنه بني آدم لسه على الفطره ... معندوش فكره بأي حاجه ومحتاس و في غاية الغلب.

الحقيقه وللرتم السريع في أداء العمل لأن الوقت بفلوس , كنت متأكد إن مفيش حد هيتلفتلوا علشان يوجهه أو يدله على شئ لأن كل واحد عايز اليوم يبقي 16 ساعه مش 8 ساعات عمل بس.

علشان كده أخدته , و قاعدته يرتاح في مكتبي ونزلت بنفسي أدفعله الميالغ المستحقه عليه في البنك و بالرغم إن البنك معاده عدي برده كلمت مدير البنك علشان يديني إستثناء بالدفع بعد الميعاد وتم بحمد الله الدفع ومش بس كده أنا أخدت إشعارات البنك و روحت سلمتهم للجهه المختصه و إللي هي غير تابعه لينا كشركه لكن بفضل الله و لأن علاقتي طيبه بمعظمهم خلصوا شغله عل طول.

ورجعت مكتبي و سلمته كل الورق الخاص بيه واللي المفروض هو إللي يعمله بنفسه ووجهته للخطوات التاليه و سلمت عليه ومن غير شكرا مع السلامه.

عادي أنا مش منتظر شكر منه وبرده إلتمستله العذر لضيق الوقت و هرعه لإنهاء عمله إللي أتي من أجله,

من ربع ساعه إتصل بيا , والحقيقه ظنيت إني هاخد دعوتين حلوين لكن للأسف لقيته بيزعق و بيلومني على خطأ ليس لي شأن بيه أساسا و بيلعن البوم النحس و المقرف و كل شئ جه على باله ساعتها.

بس بصراحه هو دعا بس مش ليا ده عليا

ومع ذلك إتصلت بموظف هناك علشان يحل مشكلته إللي متعطل علشانها

والله ما بحاول يكون لي فضل على أحد لأن ربنا يتغمدني بفضل و لا فضل إلا فضله تعالي, لكن مجرد إن ميكونش عنده فكره أني كنت سبب حتي لو من بعيد لأذاه

ولا حول ولا قوة إلا بالله العلي العظيم

لا اله الا الله

بصراحة موقف يغيظ و كما قال الحبيب صلى الله عليه و سلم : من لم يشكر الناس لم يشكر الله

و لك فى كظم الغيظ أخونا ايهاب الأجر العظيم و جعل الله لك هذا العمل فى ميزان حسناتك

[muslimah_dentist]

على فكره العيب فينا مش فى البيئه ولا الناس اللى حوالينا...
إحنا اتربينا على العيب والحرام والاصول والصح ...وإن الكبير ليه احترامه....وان المسامح كريم...ويا بخت مين قدر وعفا......

العيب فينا مش فى الناس....إحنا الغلط.......هما الصح

ساعات كتير بأحس انى متربية زيادة عن اللزوم و ده مخلى ناس كتير أوى يتطاولوا عليا

يعنى الموقف اللى حصلى النهاردة مع الزميلة ديه اللى كانت فى يوم من الأيام طالبة عندى و بأتكلم معاها بكل أدب و احترام و عايزة فى الأول و الآخر مصلحة المريض ألاقيها بتكلمنى زى ما أكون مش فاهمة حاجة و أتكلم معاها و تتجاهلنى تماما و تدور وشها الناحية التانية و شئ كدة الواحد ميقدرش يستوعبه و كل ده قدام الولد الصغير و أمه مليون حاجة جت فى دماغى ساعتها و قلت (طيب أرد عليها و أوريها حجمها الطبيعى بس كدة أنا صيامى هيضيع و عايزة ربنا يتقبله و لا أسكت و مأردش عليها و احترمها قدام الست اللى واقفة)فربنا وفقنى و مأردتش بس بصراحة موقفها برجلنى و ضايقنى جدا ، ربنا يرحمنا جميعا.

[dr.nemo]

ساعات كتير بأحس انى متربية زيادة عن اللزوم و ده مخلى ناس كتير أوى يتطاولوا عليا

يعنى الموقف اللى حصلى النهاردة مع الزميلة ديه اللى كانت فى يوم من الأيام طالبة عندى و بأتكلم معاها بكل أدب و احترام و عايزة فى الأول و الآخر مصلحة المريض ألاقيها بتكلمنى زى ما أكون مش فاهمة حاجة و أتكلم معاها و تتجاهلنى تماما و تدور وشها الناحية التانية و شئ كدة الواحد ميقدرش يستوعبه و كل ده قدام الولد الصغير و أمه مليون حاجة جت فى دماغى ساعتها و قلت (طيب أرد عليها و أوريها حجمها الطبيعى بس كدة أنا صيامى هيضيع و عايزة ربنا يتقبله و لا أسكت و مأردش عليها و احترمها قدام الست اللى واقفة)فربنا وفقنى و مأردتش بس بصراحة موقفها برجلنى و ضايقنى جدا ، ربنا يرحمنا جميعا.

للأسف النوعية دي كترت قوي ومبتجيش غير بالعين الحمرا
الموقف ده حصل لوالدي في السعودية
والدي كان مدير الطواريء واستدعى استشاري قلب في ساعة متأخرة من الليل
علشان كان فيه حادثة ..... سيادته مش عاجبه انه يقوم من النوم
ويقول ... كنتوا استدعيتوا الاخصائي كفاية
علشان الكلمتين دول خد جزاء ثلاث أيام من مدير المستشفى وتعهد باحترام الجميع
بعدها بقى يحترم الجميع حتى اللي أصغر منهم



هناك كان السعوديين بيخافوا من بتوع الامن(سعوديين وغير مسلحين) بمجرد الكلام
اما هنا انا شوفت بتوع الامن بينضربوا اول ناس او بيهربوا

اظن المشكلة الاخلاقية دي ممكن يكون العقاب رادع لها
(( ان الله ليزغ بالسلطان مالا يزغ بالقرآن))

[dr.nemo]

كل سنة وانتم طيبين ... كل سنة وانتي طيبة يا صديقتي العزيزة
اسمحيلي اشارك معكم اليوم بقصة من حكايا البشر ... اعتقد انها لشخصية عكس شخصية الفتى بائع الجرائد تماما

تعودت ان استعين باحداهن على تنظيف الشقه مرة اسبوعيا ودائما لدي معايير خاصة لاختيار السيدة التي تأتي اليً .. ليس بالضرورة ان تكون نشيطة بقدر ما يهمني قناعتها وامانتها والشخصية الهادئة
ولا ازكي على الله احد لكنني الحمد لله اعاملهم معاملة طيبة لوجه الله
ولهذا اي واحدة منهن نعاملت معي لم ترغب في تركي لكنني انا من كنت استغنى عتهن اذا رايت ما يستدعي هذا
وللاسف السيدة التي اتعامل معها منذ سنين اعتذرت عن العمل في رمضان ... بصراحة اكثر سيدة تعاملت معاها زوقاً وطيبة وامانة ...
اتذكر بعد بيعي للسيارة 27 نسيت المبلغ تحت وسادتي وجاءت هي بالصبح للتنظيف ووجدت مبلغ مالي كبير حوالي 12000 جنيه عربون وجاءت الي مسرعه على وجهها علامات الفزع تخبرني بوجود المبلغ
ابتسمت لردة فعلها ...

بعد هذه المقدمة ادخل في القصة التي ارغب في سردها
بالامس اثناء خروج زوجي من المنزل ومازال امام باب الشقه لم يغلقه وجد احداهن تتوسل اليه لتنظيف الشقه لتكتسب رزقها ورجع ليبلغني بالامر فرفضتها
واستمرت في التوسل اليه فقلت في نفسي لعل الله ارسلها لي بدلاً من السيدة الاخرى التي اعتدت عليها
فوافقت وادخلتها واتفقنا على كل شيء ولكن اعتذرت انها سترجع بعد ساعتين او ثلاث لانها ذاهبة لزيارة زوجها في المستشفى فلم اعارض على شيء .. دائما احسن الظن بالاخرين ولم اشكك في كلامها
لكنها طلبت مني مبلغ تحت الحساب بدأت تثير شكوكي لكن قلت في نفسي وما المانع لكنها لم تكتفي به وطلبت المزيد ورغم اني رأيت عدم القبول على وجه زوجي لكنني لم امانع

لكنها لم تكتفي بذلك رأيت عينها زائغه على كل شبر في الشقه .. تريد كل شيء
تريد ملابس لها ولاطفالها .. تريد حذاء بحجة ان حذائها قُطِعَ وتركته امام الشقة ..
انا بصراحة ولا ازكي نفسي على الله سبحانه وتعالى لا امانع لكني كنت مشعولة في هذا الوقت وقلت لها سأعطيكي كل ما ترغبين عندما تعودي من المستشفى للتنظيف
رأيتها تلح في الطلب بطريقة مستفزة ولا تريد المغادرة الا بعد ان تحصل على اكبر قدر من الاشياء
يعلم الله ان في هذه الاثناء كنت افكر باني سأعطيها كذا وكذا وكذا عندما تعود ولكنني محتاجة لوقت لتجهيز الاغراض
اقترب الوقت الذي حددته لنفسها للعودة وانصرم ولم تأتي
قلت في نفسي سبحان الله هي الان تعتقد انها الاذكى وانها نصبت عليً مع اني كنت اشعر بنسبة 80 % انها لن تعود
سبحان الله لوصدقت معي وعادت لكانت قد احلت ما اخذته من نقود ولكانت استفادت اكثر بما قد جهزته لها من طلباتها واكثر مما طلبت
ليت البني ادم يفهم ان رزقه كتبه الله له وان من يستعجل للحصول عليه بالحرام حَرِم نفسه من الحصول عليه بالحلال

حمدت الله انها لم ترجع وفكرت كيف أأمن لشخصية غريبة لا اعرف عنها شيء لدخول شقتي والتجول فيها

الشغالات دول العجب العجاب
احنا مر علينا شغالات كتير واحدة وراء الثانية
واحدة كانت بتكتر الأكل وتتدعي ان احنا (أطفال) اللي كنا جاعنيين قوي وهي اللي تاكله

واللي عنيهم في كل حاجة ويقولوا عاوزين منها مبيتكسفوش
واوحشهم اللي كانوا كالملاك في حضور الوالدين وكالوحوش في غيابهم

ومنهم بنت كانت تسرق الحاجة (ساعة , عقد....) وتيجي بيه تاني يوم وبكل بجاحة تصر انها بتاعتها وكاننا اغبياء

في السعودية كان عندنا شغالة أندونيسية عجوزة(40 سنة وعندها أحفاد)
تعللت بان زوجها مريض وووو
و سفرناها على وعد بالعودة ولكن تذكرة ذهاب بلا إياب لشكنا في عدم رجوعها
وعندما وصلت لاندونيسيا كلمناها وقالت انها حترجع بس نبعت لها الفلوس علشان تحجز
رفضنا وقلنا لها احجزي من معاكي ولما ترجعي نتحاسب
فقالت انا اصلا مش عاوزة ارجع بس كنت اكذب عليكم

ومثلها الشغالة السرلانكية نفس الموضوع بس تعلمنا من المرة السابقة


دكتور من أصدقاء والدي وزوجته صديقة والدتي بالطبع
كانوا يحثوننا على مراقبة الخادمة جيدا
وذلك لان شغالتهم
كان بيعاملوها أفضل معاملة وبيجبولها هدايا ووو

فما كان منها الا ان خانتهم وغشتهم ولكن الله حماهم منها
عندما جاء وقت السفر سرقت مجوهراتهم كلها ووضعتها في كيك
وقالت انها تريد ان يذوق افراد اسرتها الكيك على الطريقة المصرية
ولكن يشاء الله ان تنساها في اللحظة الاخيرة
وعندما رجعوا حزنوا لرؤية الكيك وانكسار قلب المسكينة
ولكن صدموا عن رؤيتهم للحلي الذهبي بها

فللاسف الناس دول قليل قوي تلاقي فيهم امناء وكأنك بتدور في كومة من القش
لكن الواحد ميبخلش على نفسه بالثواب اللي جاله لحد عنده

يعني لو عندك اي حاجة انت مش عاوزها وتنفعهم اديها لهم

حاول لو ربنا كرمك بحسن القراءة (القرآن)تعلمهم وممكن تغير سلوكهم بالتدريج
(والدتي كانت بتعلمهم القراءن والتجويد والتفسير اللي كان بيبقى جديد عليهم خصوصا غير العرب)

منسبهمش مع الاطفال لوحدهم فترة كبيرة ...لان لهم تأثير فظيع عليهم
انا اخويا الصغير كان بيتهته في العربي لكن بيعرف يتكلم اندونيسي
واتعدل بعد ما مشينا الشغالة وقعدنا بدونها لمدة سنة

نصبر على أخطاؤهم ومننساش انهم اخوة لنا في الدين

[muslimah_dentist]

نصبر على أخطاؤهم ومننساش انهم اخوة لنا في الدين

جملة غاية فى الجمال و توحى بفهم صحيح للاسلام

جزاك الله خيرا أخونا الكريم

[aif]

نصبر على أخطاؤهم ومننساش انهم اخوة لنا في الدين

جملة غاية فى الجمال و توحى بفهم صحيح للاسلام

جزاك الله خيرا أخونا الكريم

فعلا هو ده الفهم الصحيح لديننا الحنيف ..... ونتذكر قول الامام علي .. كرم الله وجهه عندما وصف بعض اتباعه الخوارج بالكفر فنهاهم عن ذلك وقال لهم :بل إخواننا بغوا علينا
والكلام ده عن اللي قاتلوه ..... فمابالكم بمن اخطأ في بعض المعاملات ...
ربنا يغفر لنا ويرحمنا ويعتق رقابنا من النار جميعا بحق هذا الشهر الكريم

[أشرف فتحى]

السلام عليكم ورحمه الله وبركاته.....

بعد إذنكم عندى موقف فكرنى بموقف وفكرونى الاتنين بموقف......

حد فاهم حاجه؟!!

بما اننا فى رمضان ...كل سنه وانتم طيبين......هحكيلكوا على مواقف مرتبطه بالفطار والمغرب والناس اللى اتغيرت..

الموقف الاول...

إمبارح كنت فى مشوار والشوارع كانت زحمه وتهت وانا رايح المشوار ده فالمدفع ضرب وانا لسه فى الطريق.....

وهوب ظهر ناس من كل اتجاه بيوقفوا العربيات وبيوزعوا عصاير وتمر على الصايمين.....

مكنتش زعلان ان الطريق وقف ولا ان سواقين النقل والميكروباص بيقفوا عند كل واحد على طول الطريق....

كنت مبسوط جدا إن الدنيا لسه بخير وان الشباب دول والرجاله والاطفال كمان سايبين الفطار وسايبين بيوتهم وواقفين فى الشارع يفطروا ناس ميعرفوهمش إبتغاء الاجر والثواب من الله....

ده كان الموقف الاول.....

طب مهو عادى وكل رمضان بيحصل كده..!!!

لأ...مش عادى.....

من كام يوم كنت مروح وبرضو المدفع ضرب....وكان فى بتاع 2 كيلو على ما اوصل البيت وكنت ماشى على رجلى ومش معايا العربيه....والله ولا لقيت حد بيقوللى انت فين.....انا من الناس اللى بتخاف من العدوى وبخاف أشرب من كوبايه مستعمله او من مكان حد شرب منه عشان حادثه انتقل بسببها فيروس التهاب كبدى لبنت قريبتى.....

المهم.....كنت عطشان جدا لدرجه إنى شربت من ..قلله...أه والله ...قلله محطوطه فى الشارع قدام محل سندوتشات ...وفوجئت إن الشاب اللى وقف فى المحل طالع من المحل بالسيجاره فى ايده...(فطاره على سيجاره )..وبيبصللى وبعدين عمل بأيده حركه معناها ...ييييييييى...إنت جى تشرب مش تشترى!!!!.....

طبعا زعلت على الحال واللى جرى للناس ....دنا لما كنت امشى فى الشارع بتاعنا من كام سنه كنت ابقى بهرب من الناس اللى بتوزع تمر وعصاير ...أيه اللى جرى؟!!

الموقفين دول بقى فكرونى بحكايه حصلتلى من كام سنه.....

حكايه مائده الرحمن......

بس انا مش شايفها مائده الرحمن واساسا معترض على الاسم ده...

اللى انا كنت فيها دى كانت وليمه للأشرار....بجد ..مش سخريه ولا حاجه.....

معلش هكمل الحكايه بعد الفطار ....

[muslimah_dentist]

احنا فى انتظار بقية الحكاية