حكايات البشر

[AHMEDCAR]

سؤال كدة على الماشى

يا ترى فيه حد بيقرأ الحكايات ديه و لا أنا بأكتبها لنفسى

والله بقراها كل يوم لكن ظروف شغلى مخليانى مش عارف اعلق عليهم

عموما احنا لو زهقنا هانقول على طول ما تقلقيش

[muslimah_dentist]

والله بقراها كل يوم لكن ظروف شغلى مخليانى مش عارف اعلق عليهم

عموما احنا لو زهقنا هانقول على طول ما تقلقيش

طيب الحمد لله طمنتنى ان فيه حد بيقراها.....

أصل كنت بدات أفتكر انى بأكلم نفسى.

[AHMEDCAR]

طيب الحمد لله طمنتنى ان فيه حد بيقراها.....

أصل كنت بدات أفتكر انى بأكلم نفسى.

نعمل ايه بقى ظروف الشغل

احنا ممكن نستخلص من الموضوع ده حكايه و هيه ان
وقت الشغل للشغل مش لحاجات تانيه علشان لو عملت كده هابقى بخون صاحب العمل صح و لا انا علطان يا جماعه

[muslimah_dentist]

الحكاية السابعة عشر

النهاردة كلامنا عن نوعية من البشر أما بأشوفها بأقول " يا سبحان الله هو طايق نفسه ازاى" و للأسف هم موجودين بكثرة فى هذا الزمان.

نبدأ بحديث رسول الله صلى الله عليه و سلم " ان شر الناس عند الله ذو الوجهين يأتى هؤلاء بوجه و هؤلاء بوجه"

أنا بأه ماشوفتش واحد بوشين و بس أنا شفت ناس بميت ألف وش ، قدامك بوش و قدام فلان الفلانى بوش و قدام علان العلانى بوش و الخ.........

ديه كانت مُقدمة لحكاية النهاردة ....و تعالوا نتغاظ شوية من اللى بميت ألف وش......

عشان أنا مُعيدة فى الجامة بيبقى مطلوب مننا ان احنا نحضر دورات عشان الترقيات و خلافه و الدورات ديه بيحضرها دكاترة من كليات كتير و ممكن الدورة الواحدة يبقى فيها معيد ، مدرس مساعد ، مدرس و أستاذ كبير ، يعنى الخُلاصة جميع كوادر الهيئة التعليمية فى الجامعة بتبقى موجودة، طبعاً الدورات بتبقى عن مشروعات تطوير فى الجامعات المصرية و بتبقى مفيدة بس لو اتطبقت بجد .

مرة كنت بأحضر دورة من الدورات ديه و جه النقاش عن العلاقة على البحث العلمى فى مصر ( و بما انى واحدة من اللى بيعملوا بحث علمى انطلقت فى الكلام و قعدت أتكلم و اتكلم غيرى كتير و اتكلمت عن حاجة حارقانى بصراحة و هى ان أوقات كتير المُشرفين على الباحث بيحبطوه و يكئبوه بالرغم انه عايز يجتهد و يقدم حاجة للبلد )

المهم لقيت أستاذ كبير كان حاضر معانا و قعدت يذم فى اللى بيقمعوا الباحثين و قعد يقول بلسانه: أعوذ بالله ، بيعملوا كدة ليه ، حرام عليهم.

أنا طبعاً اتلفت ليه لأنى عارفاه كويس و قلت ( فى نفسى طبعاً): ايه ده هو انت اللى بتتكلم ، ده انت يا راجل ذالل كل اللى بيشتغلوا معاك لدرجة ان فيه دكتورة رفعت قضية عليك عشان تناقش رسالة الدكتوراة بتاعتها.

سبحان الله ، الناس ديه مش بتسمع نفسها و لا هى مش حاسة باللى هى بتعمله و لا ايه بالظبط ، أصل أنا جبت آخرى منهم بصراحة.

و فيه أوقات كتير ناس مُعينة أما تقابلنى و تضحك فى وشى أحط ايدى على قلبى و أقول: ربنا يستر و مايكونش ناوى على نية سيئة.

سبحان الله صدق رسول الله صلى الله عليه و سلم عندما قال ان شر الناس عند الله ذو الوجهين.

[AHMEDCAR]

احب اقولك ان الناس اللى بوشين دول موجودين بكثره حالين فى البلد بس بصراحه اول ما اعرف ان الى قدامى ده بوشين بعرف اتعامل معاه بعد كده كويس اوى

[muslimah_dentist]

احب اقولك ان الناس اللى بوشين دول موجودين بكثره حالين فى البلد بس بصراحه اول ما اعرف ان الى قدامى ده بوشين بعرف اتعامل معاه بعد كده كويس اوى

ممكن تقولى بتتعامل معاهم ازاى ( منكم نستفيد)

أصل أنا بصراحة بأقعد أبصلهم كدة و أبرق و أتسمر فى مكانى و أقول : سبحان الله على عجايب الدنيا

و لكن رد عليا فى غير أوقات العمل عشان منزعلش حد مننا

[AHMEDCAR]

ها قولك بتعامل معاهم ازاى
اكسفيهم على طول يعنى لما يقول كده يراجل ده انت كنت من شويه بتقول كده انت بتغير كلام ليه

كده ازعيها وش علطول معلش مش لاقى تعليق تانى اقوله غير كده هتلاقيه على الاقل بيظبط اموره معاك و بيحاول يكون ماشى صح على الاقل وانتى موجود او حتى لما يعرف من بعيد لبعيد انك ممكن تعرفى بالكلام بتاعه

[muslimah_dentist]

ها قولك بتعامل معاهم ازاى
اكسفيهم على طول يعنى لما يقول كده يراجل ده انت كنت من شويه بتقول كده انت بتغير كلام ليه

كده ازعيها وش علطول معلش مش لاقى تعليق تانى اقوله غير كده هتلاقيه على الاقل بيظبط اموره معاك و بيحاول يكون ماشى صح على الاقل وانتى موجود او حتى لما يعرف من بعيد لبعيد انك ممكن تعرفى بالكلام بتاعه

و الله نصيحة تطحط فى الاعتبار:k49:

بس أكسف مين يا أستاذ أحمد ، دول أساتذة جامعة كبار و ممكن يبقوا المُشرفين على رسالة الماجستير بتاعتى ده أنا لو كسفتهم هيمحونى من على وش الأرض:k17:....

[AHMEDCAR]

و الله نصيحة تطحط فى الاعتبار:k49:

بس أكسف مين يا أستاذ أحمد ، دول أساتذة جامعة كبار و ممكن يبقوا المُشرفين على رسالة الماجستير بتاعتى ده أنا لو كسفتهم هيمحونى من على وش الأرض:k17:....

الحمد لله انا مبتفرقش معايا خالص شوفى اللينك ده كده انا و المدير

[muslimah_dentist]

:k10:الحكاية الثامنة عشر:k10:

بما اننا فى موسم الحج و فى أيام فيها النفحات و البركات تعالوا أحكيلكم النهاردة عن موقف حصلى أما عملت عمرة من 3 سنين.

العمرة ديه كانت فى شهر شعبان و كنت فى المدينة و أُذن لصلاة المغرب و نزلت من الفندق بسرعة عشان ألحق الصلاة فى مسجد الرسول ( الفندق كان قدام الحرم علطول)
و أنا مستنية الأسانسير لقيت ستات واقفين قدام الأسانسير مستنين حاجة و واضح من لهجتهم انهم مصريات ، أول ما اتفتح الأسانسير شفنا عامل من عمال الفندق و جنسيته بنجلاديشى و كان معاه التروللى اللى بيتحط فيه الشنط أول ما ست من الستات اللى كان واقفين دول شافوه نزلت عليه ضرب بشنطتها و قعدت تشتمه و تقول: حطيت الشنط على الأكل و قعد ت تضرب فيه ( لولا ان الناس حاشوها عنه و الله الواد كانت روحه طلعت فى ايديها)

أكتر حاجة أثرت فيا الولد العامل بعد ما اتضرب قعد يبكى بكاء حار و قعد يقول بلغة عربية ركيكة: أنا انسان و هو انسان.

على أد ما جملته كانت بسيطة أثرت فيا أوى و قلت يا سبحان الله فيه بعض الناس بتستعبد البشر و ينظروا اليهم نظرة دونية ظناً أنهم أفضل منهم و لكن التكبر هو المهلكة الحقيقية لكل عمل صالح فلن يدخل الجنة من فى قلبه ذرة خردل من كبر.

فأوصيكم و اياى أخوانى و أخواتى اياكم و الكبر ، فانما نحن خلق ضعيف و ليس بايدينا شئ ، اذا أُصبنا بامساك مثلاً قعدنا نبكى طول الليل ، فلينظر المتكبر الى حاله فى هذه اللحظة ، و اذا أنعم الله علينا بمن يساعدنا فى بيوتنا فلنعاملهم معاملة حسنة فهم بشر مثلنا.

فاياكم و الكبر.

[AHMEDCAR]

انا انسان و هو انسان

بجد الكلمه دى تعبتنى جدا و اقشعر بدنى منها

[AHMEDCAR]

و الله نصيحة تطحط فى الاعتبار:k49:

بس أكسف مين يا أستاذ أحمد ، دول أساتذة جامعة كبار و ممكن يبقوا المُشرفين على رسالة الماجستير بتاعتى ده أنا لو كسفتهم هيمحونى من على وش الأرض:k17:....

لوسمحتى بلاش أستاذ دى علشان بتجبلى حساسيه

[hamedo0]

بجد الموضوع رائع انا اول مره اشوفه واحيكي عليه وعاوزين حكايات كمان

[H.ibrahim]

تصدقى يادكتورة كلمة انا انسان وهو انسان دى اثرت في نفسى لدرجة صعبة و يمكن ده بسب موقف حصلى من فترة و هو : ان ظروف عملى كانت تستوجب ان اكون موجود فى وقت معين صباحا فى العمل و بشهادة روسائى فى العمل اننى منظبط جدا فى مواعيدى سواء الحضور والانصراف او مقابلة العمل او حتى المواعيد الشخصية و لكن فى هذ اليوم صادف انى عملت حادثة بسيطة اثناء ذهابى للموعد و اتاخرت فى حدود ساعة عن الموعد المحدد و فوفوجئت باحد القيادات فى العمل يطلب انهاء خدمتى من العمل و لما ذهبت الي مكتبه كى اقوم بشرح الموقف الذى حصل معى فى الطريق و اننى لم اتخر يوما عن ميعاد لى و ان سيارتى بالجراج توكد حدوث الواقعة التى اريد ان اقصها عليه بل طلب ان يتم التحقيق معى وانهاء خدمتى فورا بالشركة و ليريد ان يسمع حتى الاسباب لدرجة اننى طلبت منه ان يسمعنى كانسان و لن اطلبمنه تغيير قراره بعد ان يستمع الى فرفض فلم اجد حلا غير اننى قولت له جزاك الله خيرا وخرجت من مكتبه فورا .. وعندما تدخل المدير المباشر لى فى العمل فى الموضوع اخبره انه يعلم اننى مجتهد جدا فى عملى و اننى طول مدة خدمتى لم يحدث منى مثل هذا الخطا ولكن ليس معنى اننى مجتهد ومثابر فى العمل و متفوق عن باقى زملائى ان لا احساب بل يجب ان تكون العقوبة اقسى مايمكن و هى الفصل من العمل تخيلوا هذا مع المجتهد فى العمل فما بالك بالمقصرين .. وبعد ذلك انتهت نتيجة التحقيق بانذار لى بالفصل اذا تكرر ماسبق منى و طلب من مديرى المباشر ان اشكره على تخفيف العقوبة الى الانذار فقط فاذ به يخبرنى انه متاثر حتى الان بكلمة جزاك الله خيرا ( لاننى لم اقول هذا الجملة بصيغة الشكر اما كانت بصيغة الدعوة ) ولازال حتى الان حينم نتقابل فى العمل يضحك و يذكرنى بجزاك الله خيرا وهو يضحك طبعا .
اسف على الاطالة ولكن الكلمة ربما تكون اقوى مافى الوجود مما خلق ربى .

[fady.bekatcho]

انا اول مرة اشوف الموضوع دلوقتى

وما سبتهوش الا لما قريت ال11 صقحة
حتى كنت بتفرج على فلم اجنبى وقفتة علشان اخلص الموضوع

بجد موضوع اكثر من هايل وفى انتظار المزيد والمزيد من الحكايات الرائعة

بجد بتورينى الحاجات الحلوة الى لسة موجودة

والحاجات الوحشة الى ناخد بالنا منها