لو حد عنده استفسار عن الدهانات و الديكور و النقاشه عامه

[kliken]

لا السقف مش علي المحارة
كام مدهون قبل كدة زيت
ياريت لو تقولي ممكن اعمل اية واشتري دهان نوعة اية بالتفصيل لو سمحت
بالنسبة للابواب انا كنت اشتريت ابواب جديدة
فواحد صاحبي كلمني اني ادهن الابواب لاكية مغسول وبيقول انة احسن من الاكية العادي او الاستر
انا عمري ما شفتة ومعرفش عنة اي حاجة ياريت حضرتك تفهمني وتبعت ليا صورة لية
والباب يتكلف كام دهان لاكية مغسول
ومون قد اية

بالنسبه للسقف ادهنه ﻻكيه تانى و من افضل الﻻكيهات فى يوتن اسمه فينوماستيك اينامل مط او نصف ﻻمع او ﻻمع و فى منه ابيض او ملون كمبيوتر
و بالنسبه لﻻبواب و موضوع الﻻكيه المغسول انا رديت على حضرتك بالتفصيل فى المحادثه رقم 250 و هحاول اشوفلك صور عندى توضحلك الفرق بين الﻻكيه المغسول و العادى بس هو الفرق بينهم واضح جدا فى التشطيب المغسول بيبقى اشبه بالمرايه فى النعومه علشان بيتخدم كويس و ده انا وضحته فى الرد السابق

[line1000]

بسم الله الرحمن الرحيم
اولا /احب اوجه لحضرتك كل الشكر والفضل على تفضلك بالمساعده واسأل الله ان يجازيك عنا كل خير
ويكفى اننى "سجلت" فى المنتدى لكى اشكر حضرتك ثم احتياجى لمساعدتك ..جزاك الله كل خير

ثانيا/ حضرتك معاك اخوك اسلام من القاهره "عين شمس" ان شاء الله تعالى انا شقتى"85م" دلوقتى اتفقت مع النجار يركب الشبابيك وهيا على المحارة والسيراميك
حضرتك ينفع ابتدى فى النقاشه ؟ولو ينفع ..ايه الخطوات المفروض التى تتم؟ وطبعا ايه المطلوب منى من مستلزمات.
الانواع والاسعار الله يباركلك وبالتفصيل معلش اصل انا بطىء الفهم يعنى تقولى الخطوات بالتفصيل من البدايه وحتى النهايه
وايضا (وبجد سامحنى لطول اسئلتى) انا لسه مركبتش البرور ولا الزوايا اللى فى الحيطه ..امتى تتركب حضرتك وتدهن برضوا مع النقاش ولا النجار هو اللى يدهنها؟
ومعلش اخر سؤال لو كان ينفع ابتدى ف النقاشه ينفع تاخد مثلا سكينه معجون وممكن استنى شويه لو الفلوس قصرت وقعدت مثلا شهر او اكتر هل هيأثر على الجوده ولا عادى؟
# اخ سؤال تانى مهم/ اخبار اسعار النقاشين ايه؟ يعنى بيتحاسبوا ازاى والشقه تاخد كام من وجهه نظر حضرتك.
...
انا مكسوف منك بس سامحنى
وبجد جزاك الله كل خير

[kliken]

بسم الله الرحمن الرحيم
اولا /احب اوجه لحضرتك كل الشكر والفضل على تفضلك بالمساعده واسأل الله ان يجازيك عنا كل خير
ويكفى اننى "سجلت" فى المنتدى لكى اشكر حضرتك ثم احتياجى لمساعدتك ..جزاك الله كل خير

ثانيا/ حضرتك معاك اخوك اسلام من القاهره "عين شمس" ان شاء الله تعالى انا شقتى"85م" دلوقتى اتفقت مع النجار يركب الشبابيك وهيا على المحارة والسيراميك
حضرتك ينفع ابتدى فى النقاشه ؟ولو ينفع ..ايه الخطوات المفروض التى تتم؟ وطبعا ايه المطلوب منى من مستلزمات.
الانواع والاسعار الله يباركلك وبالتفصيل معلش اصل انا بطىء الفهم يعنى تقولى الخطوات بالتفصيل من البدايه وحتى النهايه
وايضا (وبجد سامحنى لطول اسئلتى) انا لسه مركبتش البرور ولا الزوايا اللى فى الحيطه ..امتى تتركب حضرتك وتدهن برضوا مع النقاش ولا النجار هو اللى يدهنها؟
ومعلش اخر سؤال لو كان ينفع ابتدى ف النقاشه ينفع تاخد مثلا سكينه معجون وممكن استنى شويه لو الفلوس قصرت وقعدت مثلا شهر او اكتر هل هيأثر على الجوده ولا عادى؟
# اخ سؤال تانى مهم/ اخبار اسعار النقاشين ايه؟ يعنى بيتحاسبوا ازاى والشقه تاخد كام من وجهه نظر حضرتك.
...
انا مكسوف منك بس سامحنى
وبجد جزاك الله كل خير

ربنا يكرمك و شكرا لذوق حضرتك
حضرتك ممكن تشتغل فى النقاشه بعد النجار ما يخلص تركيب اﻻبواب و الشبابيك و تبدأ بمرحله التحضير بالسيﻻر ثم المعجون سكينتين
و بعد كده سيراميك و بعدين تجيب النجار يركب الزوى و البرور و يظبط الابواب و الشيش بتاع البلكونات على ارتفاع السيراميك
و مفيش مشكله انك تقعد المعجون شهر لغايه ما تخلص السيراميك و لو قعدت اكتتر من كده مفيش مشكله برضه ان شاء الله بس مش ما تطولش اوى برضه
و بالنسبه لﻻنواع السيﻻر فى يوتن اسمه بى فى ايه برايمر و بتاع glc كويس برضه
و المعجون فى يوتن اسمه ستوكو و glc جميل برضه
اسعارهم قريبه من بعض السيﻻر فى حدود 70 جنيه للبستله و انت هتحتاج بستلتين تقريبا
و المعجون البستله فى حدود 50 جنيه و لو محارتك حلوه هتاخد بتاع 10 بستﻻت بالكتير
الدهانات بقا قصه طويله شويه انا ذكرتها اكتر من مره و لما توصل ليها انا تحت امرك هبقى معاك مفيش اى مشكله
المصنعيات بتختلف من مكان لمكان متوسط المصنعيات للشقه عندك حدود 4000 جنيه حسب ديكوراتك برضه بس من غير نجاره و النجاره بالقطعه بتتحسب
تحت امرك فى اى استفسار تانى

[MoHaMed HaMeD]

لو سمجت لو هشطب نقاشة وادهن لاخر وش وهركب اوليمنتال لو سيبت شقة 9 شهور مثلا الدهان يحصلو حاجة ولا عادى وهل فيه مادة ممكن تبقى من الوش اخير تحمى الطبقة من اى شىء وشكرا مقدماً

[kliken]

لو سمجت لو هشطب نقاشة وادهن لاخر وش وهركب اوليمنتال لو سيبت شقة 9 شهور مثلا الدهان يحصلو حاجة ولا عادى وهل فيه مادة ممكن تبقى من الوش اخير تحمى الطبقة من اى شىء وشكرا مقدماً

ﻻ يا فندم ما يحصلهاش اى حاجه الدهانات
و حضرتك تقصد طبقن حمايه من ايه بالظبط علشان اقدر افيدك

[MoHaMed HaMeD]

اقصد هناك مادة ممكن تتحط مع الوش الاخير لكى تحفظ لمعته حتى لو تم غلق المكان

[line1000]

ربنا يكرمك و شكرا لذوق حضرتك
يافندم ده حضرتك اللى كلك ذوق والله بدون نفاق
حضرتك ممكن تشتغل فى النقاشه بعد النجار ما يخلص تركيب اﻻبواب و الشبابيك و تبدأ بمرحله التحضير بالسيﻻر ثم المعجون سكينتين
و بعد كده سيراميك و بعدين تجيب النجار يركب الزوى و البرور و يظبط الابواب و الشيش بتاع البلكونات على ارتفاع السيراميك
و مفيش مشكله انك تقعد المعجون شهر لغايه ما تخلص السيراميك و لو قعدت اكتتر من كده مفيش مشكله برضه ان شاء الله بس مش ما تطولش اوى برضه
و بالنسبه لﻻنواع السيﻻر فى يوتن اسمه بى فى ايه برايمر و بتاع glc كويس برضه
و المعجون فى يوتن اسمه ستوكو و glc جميل برضه
اسعارهم قريبه من بعض السيﻻر فى حدود 70 جنيه للبستله و انت هتحتاج بستلتين تقريبا
و المعجون البستله فى حدود 50 جنيه و لو محارتك حلوه هتاخد بتاع 10 بستﻻت بالكتير
الدهانات بقا قصه طويله شويه انا ذكرتها اكتر من مره و لما توصل ليها انا تحت امرك هبقى معاك مفيش اى مشكله
المصنعيات بتختلف من مكان لمكان متوسط المصنعيات للشقه عندك حدود 4000 جنيه حسب ديكوراتك برضه بس من غير نجاره و النجاره بالقطعه بتتحسب
تحت امرك فى اى استفسار تانى

اولا كل الشكر والتقدير لحضرتك وربنا يكرمك ان شاء الله
ثانيا/ حضرتك انا هكلمك بصراحه اناقبل مااشوف موضوع حضرتك بحثت فى النت واللى فهمته هقوله لحضرتك وهو كالاتى:
- حضرتك بالنسبه للحوائط اللى فهمته انى ابدأ بعد تجليخ الحوائط من الزيادات الجبسيه بالسيلار ثم أول سكينه بالطول من أسفل لاعلى ثم صنفره وابدأ فى السكينه التانيه عكس الاولى يعنى بالعرض وأضيف للمعجون لون عشان لو فيه اى مكان مخدش معجون يظهر ثم صنفره وأبدا فى معجون الشبابيك (لان الابواب هتبقى مدهونه استر) ثم ابدأ فى السكينه التالته وفى نهايه مرحله المعجون ادهن وش سيلر حتى يكون عازل بين المعجون واول مرحله فى الدهان(ولما اجى عند المرحله دى هبقى استفسر من سيادتك على الباقى إن شاء الله).
.................................................. .............................................
دلوقتى حضرتك لو اللى انا قولته ده تمام يبقى من فضلك بالنسبه
للشبابيك ماهو المعجون الخاص بها (الاسم والسعر من فضلك)؟
- بالنسبه لمعجون الحوائط اجيب "شكائر ولا بستله افضل؟ وهل كلا منهما يخفف بالماء فقط حتى نصل للقوام المطلوب.
- السقف حضرتك ياخد كام وش معجون ولا لاياخذ؟
-الشقه حضرتك بها غرفتان مساحتهما "4*4م" والصاله والريسيبشن بصراحه مش فاكر بس هو اجمالى المساحه حوالى 85م المطبخ والحمام سيراميك كلهم ..يعنى اجيب كام شكاره او بستله معجون وسيلار تقريبيا؟
وطبعا معلومه لحضرتك/انا(واعوذ بالله من كلمه انا) قررت اعمل النقاشه ومعى اخى هو اكبر منى ولديه خبره لابأس بها فى النقاشه .وذلك للامور الماديه عشان كده انا مصدقت لقيت حضرتك فتحملنى بارك الله فيك وجزاك عنى كل الخير ..
والله المستعان..

[kliken]

اقصد هناك مادة ممكن تتحط مع الوش الاخير لكى تحفظ لمعته حتى لو تم غلق المكان

حضرتك مش هتحتاج لحفظ الوجه اﻻخير طالما داهن خامه كويسه و قابله للغسيل مش هتتأثر بالوقت نهائى و لو حتى تربت من الجو لو اتمسحت بفوطه مبلوله هترجع زى اﻻول حتى لو فتحت عليها خرطوم ميه ما يهمكش طااما خامه حلوه

[kliken]

اولا كل الشكر والتقدير لحضرتك وربنا يكرمك ان شاء الله
ثانيا/ حضرتك انا هكلمك بصراحه اناقبل مااشوف موضوع حضرتك بحثت فى النت واللى فهمته هقوله لحضرتك وهو كالاتى:
- حضرتك بالنسبه للحوائط اللى فهمته انى ابدأ بعد تجليخ الحوائط من الزيادات الجبسيه بالسيلار ثم أول سكينه بالطول من أسفل لاعلى ثم صنفره وابدأ فى السكينه التانيه عكس الاولى يعنى بالعرض وأضيف للمعجون لون عشان لو فيه اى مكان مخدش معجون يظهر ثم صنفره وأبدا فى معجون الشبابيك (لان الابواب هتبقى مدهونه استر) ثم ابدأ فى السكينه التالته وفى نهايه مرحله المعجون ادهن وش سيلر حتى يكون عازل بين المعجون واول مرحله فى الدهان(ولما اجى عند المرحله دى هبقى استفسر من سيادتك على الباقى إن شاء الله).
.................................................. .............................................
دلوقتى حضرتك لو اللى انا قولته ده تمام يبقى من فضلك بالنسبه
للشبابيك ماهو المعجون الخاص بها (الاسم والسعر من فضلك)؟
- بالنسبه لمعجون الحوائط اجيب "شكائر ولا بستله افضل؟ وهل كلا منهما يخفف بالماء فقط حتى نصل للقوام المطلوب.
- السقف حضرتك ياخد كام وش معجون ولا لاياخذ؟
-الشقه حضرتك بها غرفتان مساحتهما "4*4م" والصاله والريسيبشن بصراحه مش فاكر بس هو اجمالى المساحه حوالى 85م المطبخ والحمام سيراميك كلهم ..يعنى اجيب كام شكاره او بستله معجون وسيلار تقريبيا؟
وطبعا معلومه لحضرتك/انا(واعوذ بالله من كلمه انا) قررت اعمل النقاشه ومعى اخى هو اكبر منى ولديه خبره لابأس بها فى النقاشه .وذلك للامور الماديه عشان كده انا مصدقت لقيت حضرتك فتحملنى بارك الله فيك وجزاك عنى كل الخير ..
والله المستعان..

شكرا لذوق حضرتك و بالنسبه للخطوات اللى ذكرتها كلها تمام و ممكن بدل السيﻻر النهائى تستخدم دهان بطانه هيكون افضل
بالنسبه لمعجون الشبابيك المعجون العادى بتاع يوتن مثﻻ بينغع لﻻخشاب عادى و بيستخدم معجون ستوك للفواصل بين الخشب و بعضه و بستله المعجون بتبقى فى حدود 50 جنيه تقريبا و هو نفس المعجون بيستخدم لاحوائط و مش بتفرق كتير بستله او شيكاره ميزه البستله انك بتحتاجها اثناء الدهان فى الشقه و عموما فى شركات مش بتنزل شكاير زى يوتن و فى السعر مش بيفرق كتير اقل من 10 جنيه
بالنسبه للسقف لو معمول مصيص و مظبوط يبقى مش محتاج معجون و يدهن على طول لكن لو مش مظبط و محتاج شغل يبقى هتضطر تمعجنه
هتحتاج فى جدود بستلتين سيﻻر و 10 معجون ده بجد اقصى ان شاء الله و ممكن تقل شويه لو محارتك كويسه ناعمه
و تحت امرك فى اى استفسار و ما تشيلش هم خالص

[line1000]

الف شكر لحضرتك واعتذر عن التأخر فى الرد على حضرتك وربنا يكرمك إن شاء الله
معلش استفسارين/
1- بالنسبه لسكاكين المعجون والصنفره ..حضرتك اجيب ايه من عند الموان يعنى كام سكينه اجيبهمو ليهم انواع وارقام ولا اقوله سكينه معجون وبس؟
2- معلش نقطه معجون ستوك للفواصل دة انا مش فاهمها ياريت توضيح ؟
شكرا جزيلا

[power777]

انت بجد انسان جميل

ربنا يبارلك بجد انت انسان جميل قلما يتواجد مثلك فمنذ 5 سنوات وانت تجيب وبكل ترحاب على كل سؤال انا بالصدفه كنت بدور على مشروع توكيل دهانات وفاجانى انك عندك وقت وطولة بال وسعة صدر للرد على كل واحد بيسأل وياريت ياريت اتشرف بمعرفتك بجد فأنا أسعى لانشاء توكيل دهانات وعندي محل تمليك مساحته كبيره 100 متر وعلى شارع رئيسى على محور رئيسى ومنطقه كلها ابراج حديثه والمنطقه تحتاج توكيل دهانات من وجهة نظري والسيوله متوفره والحمد لله لكن ينقصنى خبرة البدايه والاختيار ولو ممكن رقم تلفون اتصل عليك فيه ترسله لي هنا او خاص او ايميل واكون لك من الشاكرين والله يجزاك خير ويبارك لك ويسهل لك كل صعب وييسر امورك ...اللهم امين

[kliken]

الف شكر لحضرتك واعتذر عن التأخر فى الرد على حضرتك وربنا يكرمك إن شاء الله
معلش استفسارين/
1- بالنسبه لسكاكين المعجون والصنفره ..حضرتك اجيب ايه من عند الموان يعنى كام سكينه اجيبهمو ليهم انواع وارقام ولا اقوله سكينه معجون وبس؟
2- معلش نقطه معجون ستوك للفواصل دة انا مش فاهمها ياريت توضيح ؟
شكرا جزيلا

اسف جدا على التأخير فى الرد
بالنسبه لموضوع السكاكين مش هتفرق كتير بس فهم الموان انك عاوز نوع نضيف و المقاس المتوسط مش فاكر المقاسات لﻻسف لانى مش بشتغل فيهم اوى
بالنسبه للصنفره هنحتاج صنفره 120
و معجونه اﻻستوك دى بتتجاب من اى موان اسأل عليها متوفره عادى

[kliken]

ربنا يبارلك بجد انت انسان جميل قلما يتواجد مثلك فمنذ 5 سنوات وانت تجيب وبكل ترحاب على كل سؤال انا بالصدفه كنت بدور على مشروع توكيل دهانات وفاجانى انك عندك وقت وطولة بال وسعة صدر للرد على كل واحد بيسأل وياريت ياريت اتشرف بمعرفتك بجد فأنا أسعى لانشاء توكيل دهانات وعندي محل تمليك مساحته كبيره 100 متر وعلى شارع رئيسى على محور رئيسى ومنطقه كلها ابراج حديثه والمنطقه تحتاج توكيل دهانات من وجهة نظري والسيوله متوفره والحمد لله لكن ينقصنى خبرة البدايه والاختيار ولو ممكن رقم تلفون اتصل عليك فيه ترسله لي هنا او خاص او ايميل واكون لك من الشاكرين والله يجزاك خير ويبارك لك ويسهل لك كل صعب وييسر امورك ...اللهم امين

ربناىيخليك شكرا لذوقك و انا تحت امرك فى اى استفسار
رقمى هتﻻقيه على الخاص عندك فى رساله

[new_man]

مرسى لجهد حضرتك فى الرد على كل الاعضاء والموضوع القيم
واسمحلى استفسر من حضرتك عن حاجه
انا عايز اعمل 2 غرفه عندى سيراميك + ارضية البلكونه فبعد ماحسبتها لقيتهم كلهم حوالى 18 متر سيراميك بالوزرات
فعايز اعرف ال 18 متر سيراميك دول ياخدو قد ايه رمل وقد ايه اسمنت وبكام اصلا الرمل والاسمنت
وكمان المصنعيه هتكون على المتر كام
وال 2 غرفه دول بلاط حالته جيده..فهل ممكن يشتغلوا فوقه ولا لازم يكسروه كله لانى مش عايز ادفع تكاليف تكسير وتنزيل من الدور الثامن
كده كده باقى الشقه معموله سيراميك فمرتفعه عن مستوى البلاط ده ب 2 سم تقريبا
وكنت عايز افضل مكان لشرا السيراميك علما انى ناوى على السيراميك الفرز التانى اللى من 20 ل 25
ومش عارف تطليع الحاجات دى كلها للدور الثامن عندى تكلفته تقريبا كام :(..علما ان العماره فى الزيتون فالقاهره
انا عايز الم الموضوع بأقل التكاليف

[صهيب]

السلام عليكم عندي مشكلة واريد لها الحل انا من هواة الدهان بنفسى عملت معجون بلدى لكى ادهن زيت وعملت تجليخ للحوائط بزيت ونفط وزنك وعملت المعجون ولكن يبدو ان نسبة الزيت كانت كثيرة المشكلة عملت سكينة اولى وتركتها حوالى 4 ايام وصنفرات وعملت سكينة ثانية ولكن عملت اعادة عليها فى نفس الوقت فاصبح سطح المعجون جاف ولكن اسفل منه طرى فى غرفتين معرضين للشمس اما بقى الحوائط الدخلية يظهر الزيت على السطح ولم يجف حتى بعد 20يوم فم هى انسب طريقة تجفيف الحوائط حتى يبصح المجون كله جاف وقوى وماهى انسب بطانة حتى لا تحدث مشاكل فى المستقبل