لو حد عنده استفسار عن الدهانات و الديكور و النقاشه عامه

[smsm2015]

شكرا لحضرتك جزاءاك الله كل خير ...

كنت عاوز اسئل حضرتك انا عندى البالكونه لفه بطول وعرض الشقة فيها 2 بلكونه + 2 شباك وعاملهم بارات خشب من بره ودهنهم لاكيه المهم قشرت فى بعض الاماكن فمفيش اى حاجة تدهن على اللاكيه تمنع تقشيره نتيجة للمياه واشعة الشمس

[أحمد عبدالله]

متابع

[METOELESSAWY]

+++1

[kliken]

شكرا لحضرتك جزاءاك الله كل خير ...

كنت عاوز اسئل حضرتك انا عندى البالكونه لفه بطول وعرض الشقة فيها 2 بلكونه + 2 شباك وعاملهم بارات خشب من بره ودهنهم لاكيه المهم قشرت فى بعض الاماكن فمفيش اى حاجة تدهن على اللاكيه تمنع تقشيره نتيجة للمياه واشعة الشمس

ما اظنش ان فى اى حاجه بتدهن على اﻻكيه للحمايه بس هو الخشب لو اتخدم كويس معجون و اتدهن نوع ﻻكيه كويس هيعيش مده اطول ان شاء الله

[iwantes350]

انا اسف على التطفل مرة تانى ...
انا عندى سرير و دولاب لونهم ازرق وبيلمع واعتقد انهم مرشوشين مش مدهونين ...
وبصراحة انا قرفان من لونهم جدااا وعايز اخليهم لون بنى محروق ومطفى وانا ان شاء الله هعمله هل ينفع وايه البوية اللى هستخدمها ؟؟
وانا اسف على الكلام الكتير

[kliken]

انا اسف على التطفل مرة تانى ...
انا عندى سرير و دولاب لونهم ازرق وبيلمع واعتقد انهم مرشوشين مش مدهونين ...
وبصراحة انا قرفان من لونهم جدااا وعايز اخليهم لون بنى محروق ومطفى وانا ان شاء الله هعمله هل ينفع وايه البوية اللى هستخدمها ؟؟
وانا اسف على الكلام الكتير

يا باشا ما تقولش الكﻻم ده اسأل براحتك فى اى حاجه انا معاك
ينفع طبعا بس اﻻحسن انك ترشهم برضه باللون اللى انت عاوزه و مط كمان لو انت حاببهم مط الدهان فينوماستيك اينامل اﻻكيه بتاع يوتن و اختار اللون عادى جدا و يترش

[A.Saad]

1- ازاى استلم شغل النقاشة
سواء فى كل مرحلة بعد كل وش
او بعد التأسيس ككل او الاستلام النهائى

2- ايه اهم الملحوظات الواجب الانتباه اليها

3- هل يوجد فائدة لدهان سيللر بعد المعجون

[MotorX]

1- ازاى استلم شغل النقاشة
سواء فى كل مرحلة بعد كل وش
او بعد التأسيس ككل او الاستلام النهائى

2- ايه اهم الملحوظات الواجب الانتباه اليها

3- هل يوجد فائدة لدهان سيللر بعد المعجون

اسمحلي اسأل نفس السؤال .

تحياتي.

[kliken]

1- ازاى استلم شغل النقاشة
سواء فى كل مرحلة بعد كل وش
او بعد التأسيس ككل او الاستلام النهائى

2- ايه اهم الملحوظات الواجب الانتباه اليها

3- هل يوجد فائدة لدهان سيللر بعد المعجون

لو حضرتك عاوز تتابع بعد كل مرحله يبقى مهم انك تتابع بعد المراشمه ان الحواط نضيفه علشان يبقى السيﻻر و المعجون على نضافه
و بعد كده بعد السكينه الثالثه للمعجون ﻻزم ان الحوائط تبقى ناعمه و متصنفره كويس و السوك تبقى مظبوطه اللى هى اركان الحوائط
و بعد كده الدهان يبقى مغطى كويس و مش مكشف و مفهوش اى رايش و فى حاله ان فى حوائط متجاوره بالوان مختلفه يبقى الفاصل بينهم مظبوط
لكﻻم ده كله بالنسبه للتشطيب العادى للحوائط و الديكورات بتختلف طبعا او ورق الحائط فى التشطيب المفروض تبقى واخد بالك من المﻻحظات اللى فاتت
بالنسبه للسيﻻر فائدته اﻵتى
هو يعتبر بادئ للحوائط يعطى طبقه اوليه لعزل الحوائط اﻻسمنتيه و تجهيزها للخطوات المتتاليه
و يوجد منه اﻻنواع اﻻقوى بتغلق مسام الحوائط لكى تتم معالجتها و ذلك بالتغلغل داخل مسام اﻻسطح و تثبيت الاجزاء المفككه منها و تحسين حاله ا لتصاق لطبقات الدهان المتتاليه و النوع ده بيستخدم فى الحاﻻت اللى بتكون الحوائط فيها مشاكل علشان سعره اعلى من النوع اﻻول باربع اضعاف تقريبا
اى توضيح تانى تحت امر حضرتك

[kliken]

اسمحلي اسأل نفس السؤال .

تحياتي.

تحياتى لحضرتك و تم اﻻجابه

[MotorX]

استفسار ياباشمهندس ، هل ممكن استخدام دهانات يوتن جوتاشيلد في التشطيبات الداخلية على اعتبار انها تتحمل الظروف القاسية ، وما هو فرق التكلفة بينها وبين يوتن فينوماستيك .

تحياتي.

[kliken]

استفسار ياباشمهندس ، هل ممكن استخدام دهانات يوتن جوتاشيلد في التشطيبات الداخلية على اعتبار انها تتحمل الظروف القاسية ، وما هو فرق التكلفة بينها وبين يوتن فينوماستيك .

تحياتي.

هو ينفع عادى مفهوش اى مشكله و فى ناس بتعمل كده فعﻻ ﻻن فرق الفلوس بين بستله الفينوماستيك و بستله الجوتاشيلد حوالى 40 جنيه مش مبلغ بس هتقابلك مشكله ان الجوتاشيلد مش بينزل منه جوالين و بالتالى كل شغلك هيبقى بستﻻت و لو هتلون اكتر من لون فى غرفه واحده هتهدر دهانات كتيره و علشان كده القصه دى مش عمليه و قليل اللى بيعملها
و وجهه نظريه الشخصيه انك مش محتاج لدهان يتحمل ظروف قاسيه و ﻻ حاجه الدهان الداخلى اهم حاجه فيه قابليه الغسيل و معدل الفرد و التغطيه و دول يعتبروا زى بعض فى اﻻتنين الجوتاشيلد بيتفوق فى تحمل عوامل الجو اللى هى عتمل غير موجود داخل المنزل
لو محتاج حاجه اعلى من الفينوماستيك العادى فى فينوماستيك مقاوم للبقع ده حكايه و فى فينوماستيك هاى جين صحى برضه اعلى شويه
اى توضيح تانى تحت امرك

[mmh666]

لو حضرتك عاوز تتابع بعد كل مرحله يبقى مهم انك تتابع بعد المراشمه ان الحواط نضيفه علشان يبقى السيﻻر و المعجون على نضافه
و بعد كده بعد السكينه الثالثه للمعجون ﻻزم ان الحوائط تبقى ناعمه و متصنفره كويس و السوك تبقى مظبوطه اللى هى اركان الحوائط
و بعد كده الدهان يبقى مغطى كويس و مش مكشف و مفهوش اى رايش و فى حاله ان فى حوائط متجاوره بالوان مختلفه يبقى الفاصل بينهم مظبوط
لكﻻم ده كله بالنسبه للتشطيب العادى للحوائط و الديكورات بتختلف طبعا او ورق الحائط فى التشطيب المفروض تبقى واخد بالك من المﻻحظات اللى فاتت
بالنسبه للسيﻻر فائدته اﻵتى
هو يعتبر بادئ للحوائط يعطى طبقه اوليه لعزل الحوائط اﻻسمنتيه و تجهيزها للخطوات المتتاليه
و يوجد منه اﻻنواع اﻻقوى بتغلق مسام الحوائط لكى تتم معالجتها و ذلك بالتغلغل داخل مسام اﻻسطح و تثبيت الاجزاء المفككه منها و تحسين حاله ا لتصاق لطبقات الدهان المتتاليه و النوع ده بيستخدم فى الحاﻻت اللى بتكون الحوائط فيها مشاكل علشان سعره اعلى من النوع اﻻول باربع اضعاف تقريبا
اى توضيح تانى تحت امر حضرتك

السلام عليكم

ممكن لو سمحت يا بشمهندس
ايه انواع السيلر الموجودة بالسوق و اسعارها ؟
و النوع القوى اللى حضرتك بتقول عليه بكام و هل لو محارة منملة و مش كويسة زى ما قلتلك قبل كده ينفع لها؟
و النقاش ياخد فى المتر بتاعه كام؟

[kliken]

السلام عليكم

ممكن لو سمحت يا بشمهندس
ايه انواع السيلر الموجودة بالسوق و اسعارها ؟
و النوع القوى اللى حضرتك بتقول عليه بكام و هل لو محارة منملة و مش كويسة زى ما قلتلك قبل كده ينفع لها؟
و النقاش ياخد فى المتر بتاعه كام؟

فى يوتن اكتر من نوع ﻻكثر من تطبيق و فى glc برضه كويس سعر ال glc تقريبا نفس سعر البرايمر العادى بتاع يوتن اللى هو بيعمل 70 جنيه
و فى النوع اﻻقوى اللى كنت بتكلم عليه ده متوافق مع الحوائط اللى كان فيها مشاكل زى مثﻻ حوائئط ضعيفه قديمه او حوائط كانت بايشه من الماء كده يعنى و اسمه بينتريتنج سيﻻر و الجالون ب 90 جنيه فيعتبر اغلى اربع اضعاف تقريبا من النوع العادى للحوائط اللى مفهاش مشاكل
موضوع ان الحوائط منمله مش هيفرق فى نوع السيﻻر هتجيب نوع سيﻻر عادى بس تعالج التنميل لو مسمع جامد بمعجون خاص بالشروخ بعد البرايمر
و فى دهان بيتمدد و يقدر يغطى بنسبه 1مم مع التنميل و الشروخ البسيطه و بالتالى ممكن يبقى مفيد مع الحوائط عندك
و النقاشىمش بيتخد عليه حاجه اوفر فى المصنعيه هو مع شغل الشقه و اﻻتفاق العادى دهان سيﻻر الشقه كلها مش بياخد يوم اصﻻ
اى استفسار تانى تحت امرك

[bisoolover]

انا شقتى حوالى 85 متر متشطبة بس عايز اغير لون البيااض بتاع الشقة كله صالة وغرفتيين بس الصالة كبيرة شوية يكلفنى كااام خامات ومصنعية ؟؟ وشكرا وايه اللون اللى يتعمل فى الصالة يبقى حلو ؟؟؟