لو حد عنده استفسار عن الدهانات و الديكور و النقاشه عامه

[mr_vampire]

باشمهندسنا. ايه رايك فالارضيات الباركيه او ال phd علي مااعتقد الاسم كدة صح او غلط مش فاكر اللي هو خشب صناعي تقريبا بما ان الباركيه الخشب الطبيعي غالي. المتر فيه بيعمل كام بعد اذنك وياتري عملي ولا لونه بيغير مع الغسيل والحكات ولا ايه ظروفه ؟؟؟؟

[kliken]

تسلم يابشمهندس على المجهود الرائع وربنا يجزيك الخير

هل ممكن ادهن الحيطان بالمسدس الكهرباء الجديد(بدل الكمبروسور والمسدس العادى)
اصل انا شوفته عند الموان وهو مش عارف ينفع دهان الحيطان ولا لا

مش عملى خالص للحوائط يا باشا ممكن لﻻخشاب ﻻنه بيحتاج تعزل كل اللى حواليه بلزق علشان الرش بيبهدل الدنيا فالروله اسهل بكتير

[kliken]

الدهان كان معمول يدوي بس انا معرفتش عمله إزاي فبالتالي انا متصور انه كان ابيض وهو لونه ..ولكن ارجوا انك تنصحني بنوع بويه زيت و اللون بتاعه و كيفيية تخفيفه (تربنتينه اعتقد) . السبونج كان لون بني مط هو مدربه علي ايده برضه و للإسف معرفتش نوعه و كان عامله بقماشه بشكل عشوائي و لكن اي نوع دهان يصلح في الحاله دي ؟

لﻻسف ياباشا موضوع انك تلون على ايدك تانى ممكن تبقى صعبه و ما تعرفش تظبط اللون فاﻻفضل انك تجيب لتر دهان جاهز ملون باقرب لون انت شايفه للحوائط
بالنسبه للسبونج نفس الكﻻم و تخفيفهم هيبقى بنفط من اى موان

[kliken]

باشمهندسنا. ايه رايك فالارضيات الباركيه او ال phd علي مااعتقد الاسم كدة صح او غلط مش فاكر اللي هو خشب صناعي تقريبا بما ان الباركيه الخشب الطبيعي غالي. المتر فيه بيعمل كام بعد اذنك وياتري عملي ولا لونه بيغير مع الغسيل والحكات ولا ايه ظروفه ؟؟؟؟

انا شايفها عمليه جدا و شكلها شيك بصراحه و هو اسمها hdf و ليها درجات كتير و اسعار حسب الصناعه و عوامل تانيه
اهم حاجه فى اختيارك هو موضوع مقاومه الخدش لل hdf و له درجات و انى اللى انا شاته و اتعاملت معاه فى السوق كان بيبدأ من 31 الى 33 و طبعا كل ما بيزيد بيبقى احسن
العامل التانى هو سمك البﻻطه و اللى موجود فى السوق بيبدأ من 6مم الى 12 مم و طبعا برضه لما بيزيد بيبقى افضل و 8مم معقول
و هو كويس جدا بس طبعا مش بيركب فى اى مكتن معرض للماء ﻻنه مصمم انه يتمسح بقماشه مبلوله او منديه لكن مش بيتمسح بميه
و اﻻسعار بتبدأ من حوالى 67 صينى و بتوصل لفوق ال 100جنيه حسب الصناعه و السمك زى ما ذكرت فى اﻻول
اى استفسار تانى انا معاك

[mr_vampire]

الله ينور عليك ياهندسة هو hdf .٣١ لحد ٣٣ ده سعر للمتر ولا درجة ولا بيعبر عن ايه ؟؟؟ انا ناوي عليه في غرف النوم وممكن فالليفنج برده لاني حاسس انه بيدي احساس بالدفا غير السيراميك او البورسلين تحس انك اعد في حمام طول الوقت ومهما حطيت سجاجيد برده البرد ظاهر. فمتهيالي كدة يبقي سهل تنظيفه بمب معصورة وخلاص.
فالراجل اللي قالي عليه قالي ان في انواع الماني وبلجيكي تقريبا افضل من الصيني من ناحية الخامة وتحمل الحكات.
كمان سوال بعد اذنك ياهندسة انتا قولتلي ان السبكة مش شغلك خالص طب تعرف حاجة عن الجاكوزي لاني بفكر فيه بصراحة.
ةمعلش تاعبينك معانا بقي.

[kliken]

ده برشور الموديل الصينى اللى قلتلك على سعره و دى اشكاله و باين معامل مقاومه الخدش 31

[kliken]

بص يا باشا اللى انا اتعاملت معاهم و اعرفهم اﻻلمانى و السويسرى و هم افضل طبعا من الصينى بس اهم حاجه فى اختيارك ما تقلش عن سمك 8مم و معامل الخدش يبقى 32 فيما فوق و هو فعﻻ اختيار كويس للغرف
و لﻻسف مش بعرف فى السباكه فمش هقدر افيدك

[mr_vampire]

الف شكر ياهندسة. لو حبيت استفسر عن حاجة تانية هجيلك . اوعا تزهق ها.

[kliken]

الف شكر ياهندسة. لو حبيت استفسر عن حاجة تانية هجيلك . اوعا تزهق ها.

يا باشا تؤمرنى و براحتك خالص

[mmh666]

السلام عليكم يا هندسة ربنا يجازيك خير على الموضوع ده إن شاء الله

ندخل فى الموضوع مباشرة
أنا اشتريت شقة الصافى بتاعها حوالى 105 متر فى مشروع سكنى هنا فى اسكندرية هستلمها كمان سنة ان شاء الله.... طبعا الشغل كله تجارى من نوع اقلب عشان نشوف مشروع غيره بداية من المحارة اللى فيها تنميل كتير رغم انى لسه هستلم الشقة كمان سنة و النقاشة التسليم هيكون بسكينتين معجون بس.

فأنا ناوى إن شاء الله أقولهم خليلكم سكينتين المعجون بتوعكم دول و هخصم تمنهم من دفعة الاستلام و أقوم أنا بموضوع النقاشة على أساس صحيح و بشغل نضيف يعيش.

دى الخطوات اللى ناوى اعملها على حسب قراءتى من النت و الأسئلة لكل خطوة و لو فيه اى غلط او نقصان يا ريت حضرتك تصححه و تنصح بيه:
1- المراشمة
(صنفرة بالحجر أم بسكينة المعجون أم بالصاروخ)
2- وش سيلر مائى
( إيه أحسن نوع ممكن أستخدمه اذا كان يوتن او اى نوع تانى مش يوتن)
3- وش معجون أسمنتى عشان التنميل بتاع المحارة
( إيه أحسن توع معجون أسمنتى موجود بالسوق يوتن و لا فيه انواع تانية)
4- 3 وش معجون
(ما الأفضل المعجون البلدى أم المعجون الجاهز و إيه أفضل نوع من اى من الاختيارين)
5- 3 وش بلاستيك
(ايه الانواع الموجودة من يوتن فينوماستيك أو اى نوع تانى من يوتن و ايه اللى حضرتك ترشحه للاستخدام)

أكيد هيكون فيه حيطان هتتعمل ستوك أنتيك و ليدى بيرل..... السؤال هنا ايه أحسن التصميمات اللى تمشى مع العفش المودرن؟
الشقة عبارة عن
1- 3 حجرات 3.8*3.4 و 3.4*3.8 و 4.3*3.4
2- ريسيبشن 9*3.3
3- صالة مدخل 2*2.8
4- طرقتين 110سم*3.4 م و 1*4.9
يوجد 4 أبواب عايز أرشهم أستر على لونهم أو بنى و لو فيه حاجة أفضل بموضوع الرش ده ممكن تنصحنى بيها.

عايز أعرف التكلفة للشقة كلها كام من الخامات اللى حضرتك هترشحها؟
و لو صنايعى هيقولى مقاولتها بالمصنعية و الخامات ممكن يقولى كام؟.... أو مصنعيته هو لوحده تكون كام من غير خامات؟

أسف للاطالة و لو فيه أيه أسئلة أخرى معلهش هنتقل عليك فيها
جزاك الله كل خير

[smsm2015]

من الصعب جدا زى ما حضرتك قلت ان نشيل طبقه اﻻكيه عن اﻻخشاب ﻻن الخشب بيمتص الدهان اﻻكيه و الطريقه الوحيده هى الصاروخ بس ﻻزم تكون حته الخشب سالكه زى باب عدل مثﻻ و برضه هيبقى مقرف فى الفينيش بتاعه مش هيتظبط 100%
اﻻسهل لو باب امك تركب قشره ارو و تعملها استر براحتك لكن لو شباك اظن انها مستحيل ظبطها و دهانها استر
فى طريقه تقدر تدى بيها شكل قريب من ثمره اﻻستر بأنك تعملها بتأثير ثمره الخشب باليدى جليز

لما يكون باب سلسله يا هندسة مدهون ابيض لاكيه كويس وعاوز اعمله باليدى جليز يكلف كام وهل الشكل النهائى هيكون كويس واشكرك كثير على ردك السابق جزاءاك الله كل خير ...

[kliken]

السلام عليكم يا هندسة ربنا يجازيك خير على الموضوع ده إن شاء الله

ندخل فى الموضوع مباشرة
أنا اشتريت شقة الصافى بتاعها حوالى 105 متر فى مشروع سكنى هنا فى اسكندرية هستلمها كمان سنة ان شاء الله.... طبعا الشغل كله تجارى من نوع اقلب عشان نشوف مشروع غيره بداية من المحارة اللى فيها تنميل كتير رغم انى لسه هستلم الشقة كمان سنة و النقاشة التسليم هيكون بسكينتين معجون بس.

فأنا ناوى إن شاء الله أقولهم خليلكم سكينتين المعجون بتوعكم دول و هخصم تمنهم من دفعة الاستلام و أقوم أنا بموضوع النقاشة على أساس صحيح و بشغل نضيف يعيش.

دى الخطوات اللى ناوى اعملها على حسب قراءتى من النت و الأسئلة لكل خطوة و لو فيه اى غلط او نقصان يا ريت حضرتك تصححه و تنصح بيه:
1- المراشمة
(صنفرة بالحجر أم بسكينة المعجون أم بالصاروخ)
2- وش سيلر مائى
( إيه أحسن نوع ممكن أستخدمه اذا كان يوتن او اى نوع تانى مش يوتن)
3- وش معجون أسمنتى عشان التنميل بتاع المحارة
( إيه أحسن توع معجون أسمنتى موجود بالسوق يوتن و لا فيه انواع تانية)
4- 3 وش معجون
(ما الأفضل المعجون البلدى أم المعجون الجاهز و إيه أفضل نوع من اى من الاختيارين)
5- 3 وش بلاستيك
(ايه الانواع الموجودة من يوتن فينوماستيك أو اى نوع تانى من يوتن و ايه اللى حضرتك ترشحه للاستخدام)

أكيد هيكون فيه حيطان هتتعمل ستوك أنتيك و ليدى بيرل..... السؤال هنا ايه أحسن التصميمات اللى تمشى مع العفش المودرن؟
الشقة عبارة عن
1- 3 حجرات 3.8*3.4 و 3.4*3.8 و 4.3*3.4
2- ريسيبشن 9*3.3
3- صالة مدخل 2*2.8
4- طرقتين 110سم*3.4 م و 1*4.9
يوجد 4 أبواب عايز أرشهم أستر على لونهم أو بنى و لو فيه حاجة أفضل بموضوع الرش ده ممكن تنصحنى بيها.

عايز أعرف التكلفة للشقة كلها كام من الخامات اللى حضرتك هترشحها؟
و لو صنايعى هيقولى مقاولتها بالمصنعية و الخامات ممكن يقولى كام؟.... أو مصنعيته هو لوحده تكون كام من غير خامات؟

أسف للاطالة و لو فيه أيه أسئلة أخرى معلهش هنتقل عليك فيها
جزاك الله كل خير

ان شاء الله تستلم على خير
1 المراشمه بسكينه المعجون
2 السيﻻر المائى فى يوتن كويس اسمه بى فى ايه برايمر و بتاع glc برضه كويس
3 موضوع معجون اسمنتى ده غريب و مش عارف اظن انط تقصد بيه مهجونه الممتاز اللى هى بتبقى بودره و بتضرب و بتبقى قويه و بتستخدم اكتر للاماكن الخشنه اوى بس انا شايفها خطوه ما لهاش ﻻزمه
4 سكاكين المعجون 3 كويس و ممكن لو اامحاره وحشه تحتاج سكينه 4 و المعجون الجاهز احسن و اريح و فى معجون يوتن او سايبس او glc
5 البﻻستيك حضرتك تدى وش بطانه بس ما يبقاش تعبان اوى حاجه متوسطه فى يوتن اسمه ديروسان و بعدين تشطيب بوشين فينوماستيك بﻻستيك
رقم تقريبى خامات الشقه من المعجون للفنش حوائط تخش فى حوالى 3000 جنيه من غير ديكورات و ممكن تقل شويه بسيطه و موضوع المصنعيات ده بيفرق من مكان للتانى عندنا ممكن يخش فى حدود 5000جنيه حوائط بس بديكوراتها بس ديكورات فى المعقول
و بالنسبه للديكورات دى بحرها واسع جدا ﻻزم تحدد انت هتعمل ايه علشان اقدر افيدك اكتر و انا هحاول ارفع كام صوره فيهم شويه ديكورات لسه نىزلين موضه جداد من برشور يوتن
اى استفسار تانى انا معاك يا باشا ان شاء الله

[kliken]

لما يكون باب سلسله يا هندسة مدهون ابيض لاكيه كويس وعاوز اعمله باليدى جليز يكلف كام وهل الشكل النهائى هيكون كويس واشكرك كثير على ردك السابق جزاءاك الله كل خير ...

الموضوع هيتكلف تمن علبه الليدى جليز و بتكون فى حدود 80 جنيه او اقل شويه و بتجيب اداد بتدى شكل ثمره الخشب فى حدود 15 او 20 جنيه بتديك شكل ثمره الخشب و بتبقى شكلها معقول بس طبعا مش زى ثمره الطبيعيه ممكن ابقى اصورلك شكل اﻻداه علشان تبقى متخيل الشكل النهائى اللى بتطلعه بس اول ما اروح المركز عندى هصورهالك
تحت امرك فى اى استفسار تانى

[kliken]

دى بعض اشكال ديكورات جديده منزلاها يوتن علشان كنت قلت هعرض بعض اﻻشكال

[kliken]

و دى صوره اﻻداه اللى بتعمل ثمره الخشب كما ذكرت لاستاذ tza