لو حد عنده استفسار عن الدهانات و الديكور و النقاشه عامه

[kliken]

متشكرين على الموضوع القيم ياباشمهندس محمد

ولى استفسار

فيه شقه كان نقاش شغال فيها من حوالى كذا سنه
فكان عمل سكينة معجون لكل الحوائط بس بارتفاع ثلثى الحائط وسايب ثلث الحائط الاعلى من فوق على المحاره (زى ما تقول انه كان واقف على الارض فعمل ثلثى الحائط معجون ومجابش سلم علشان يعمل ثلثه الاعلى بالمعجون وسابه على المحاره)

دلوقتى لو انا عاوز اكمل الشقه

هل اعمل مراشمه للمحاره وبعدين ادهنها سيلر وبعدين امعجن

وبالنسبه للثلثين اللى تحت اللى معمولين سكينة معجون من زمان
هل اديها وش سيلر ولا اعمل وش معجون تانى عليها علطول
ولا اسنفرها الاول ولا ايه

وشكراً مره أخرى

راشم الجزء العلوى و اديها كلها سيﻻر و ابدأ معجن الحوائط كلها بعد كده

[kliken]

حضرتك يا باشمهندس ممكن تفيدنا بنبذة عن مشروع مركز دهانات يوتن مثلا من حيث الشروط المطلوبة والمبالغ التأمينية؟

اﻻفضل طبعا ان حضرتك تتصل بالشركه اللى حابب تتعاقد معاها ﻻن الشروط بتفرق من شركه ﻻخرى
عموما حضرتك ﻻزم توفر مكان و تكون الشركه محتاجه تفتح فيه بمعنى مش بجانب مركز مفتوح و شغال
مساحه المركز فى شركات بتفرض مساحات معينه ما تقلش عنها
الماكينه الخاصه باﻻلوان فى شركات تفرض عليك انك تدفعها كاش و فى شركات بتدخلك قسط معاهم او مع بنك
غالبا محدش بيطلب مبلغ تأمينى

[Ayman-Ahmed]

السلام عليكم.

عندى سوأل ومش عارف هيبقى بعيد عن خبرة حضرتك ولا لا.

عمارة 5 ادوار فيها سلالم بايشة وبعضها اتكسر,ومحتاجين نغير الرخام.هل عند حضرتك فكرة منين نجيب نوع رخام كويس وايه هو النوع الكويس؟ وتكلفته كام بالتركيب وبكل ملتزماته من رمل-اسمنت....الخ.

مشكور.

[mohamedbook]

بعد اذنك يابشمهندس انا اشتريت شقة 125 متر تقريبا وهي متمحرة وواخدة سكنتين معجون
دلوقتي انا عايز ابشطبها
1- ازاي احاسب الراجل الي هسشتغل خصوصا انها واخده سكنتين معجون لو هخلية يدي سكينة معجون تاني احاسبة ازاي
2- انا ناوي اعمل الشقة كلها لونها ابيض وهخلي السراميك لونة دهبي هلي الاثنين ماشيين مع بعض ده سوال كده عشان خبرتك
3- ان شاء الله هركب الابواب هعملها دائرية وناوي اخلي لنها بني محروق عشان تبان في الشقة هتكون البيبان قشرة ارو ياتري دهانها هيكون ازاي احسن حاجة ليها ايه
4- ممكن اعرف هي ممكن تكلفني اد ايه مون واشتري المون من عند مين هل كيماويات البناء الحديثة ولا من اي مكان تاني وهل اسعرهم رخيصة ولا مغالين في الاسعار ولك جزيل الشكر

[kliken]

السلام عليكم.

عندى سوأل ومش عارف هيبقى بعيد عن خبرة حضرتك ولا لا.

عمارة 5 ادوار فيها سلالم بايشة وبعضها اتكسر,ومحتاجين نغير الرخام.هل عند حضرتك فكرة منين نجيب نوع رخام كويس وايه هو النوع الكويس؟ وتكلفته كام بالتركيب وبكل ملتزماته من رمل-اسمنت....الخ.

مشكور.

و عليكم السﻻم و رحمه الله و بركاته
لﻻسف مش هعرف افيدك حضرتك تجيب منين علشان انا من السويس بس مدينه نصر نواحى الحى العاشر بشوف فيها ناس كتير بتوع رخام و فى فى شق التعبان طبعا ده اﻻساس
بس بالنسبه لﻻسعار اللى اعرفه ان النوع الكويس للسﻻلم المتر بيعمل 75 جنيه بالتركيب و ده فرز كويس من الجﻻله علشان فى منه اكتر من جوده و العماره عندك اظن هتاخد مش اكتر من 14 شكاره اسمنت و عربيه رمله

[Ayman-Ahmed]

و عليكم السﻻم و رحمه الله و بركاته
لﻻسف مش هعرف افيدك حضرتك تجيب منين علشان انا من السويس بس مدينه نصر نواحى الحى العاشر بشوف فيها ناس كتير بتوع رخام و فى فى شق التعبان طبعا ده اﻻساس
بس بالنسبه لﻻسعار اللى اعرفه ان النوع الكويس للسﻻلم المتر بيعمل 75 جنيه بالتركيب و ده فرز كويس من الجﻻله علشان فى منه اكتر من جوده و العماره عندك اظن هتاخد مش اكتر من 14 شكاره اسمنت و عربيه رمله

مشكور جدا يا افندم وعلى الاقل عرفت الخيط اللى ابدا منه.

[A.Saad]

انا رحت كيماويات البناء الحديث قالي في ماده اسمها سيتوفيل بتاعت فواصل الرخام والسيراميك هل تعرفها يا باشا وايه رايك فيها كويسه ولا لزق الرخام العادي افضل

سيتوفيل
شيكارة 5 كم = 20 جم
مضاد للفطريات
بديل للاسمنت الابيض فى لصق السيراميك
عيبه انه عايز صنايعى يتابعه
لانه بيلصق وعايز تشيل الزوائد بعدها بساعة تقريبا او اقل مش يتساب لاخر النهار

[A.Saad]

فيه نقاش اشتغل عندى المتر بحوالى 15 جنيه
عمل وش سيللر
2 سكينة معجون
الاسقف مش اتعمل فيها حاجة
النجارة خدت بستلة ديركوت
لو عايز امشيه
احسب له المتر بكام لحد دلوقت ؟؟؟؟

[kliken]

بعد اذنك يابشمهندس انا اشتريت شقة 125 متر تقريبا وهي متمحرة وواخدة سكنتين معجون
دلوقتي انا عايز ابشطبها
1- ازاي احاسب الراجل الي هسشتغل خصوصا انها واخده سكنتين معجون لو هخلية يدي سكينة معجون تاني احاسبة ازاي
2- انا ناوي اعمل الشقة كلها لونها ابيض وهخلي السراميك لونة دهبي هلي الاثنين ماشيين مع بعض ده سوال كده عشان خبرتك
3- ان شاء الله هركب الابواب هعملها دائرية وناوي اخلي لنها بني محروق عشان تبان في الشقة هتكون البيبان قشرة ارو ياتري دهانها هيكون ازاي احسن حاجة ليها ايه
4- ممكن اعرف هي ممكن تكلفني اد ايه مون واشتري المون من عند مين هل كيماويات البناء الحديثة ولا من اي مكان تاني وهل اسعرهم رخيصة ولا مغالين في الاسعار ولك جزيل الشكر

1. الحساب هيبقى عادى هيكمل السكينه التالته و يشطب و هتخصم ثلث المصنعيه لو كان هو اللى بدأ من اﻻول
2. هيبقى ماشى ان شاء الله بس لو كسرت اللون اﻻبيض بدرجه فاتحه برضه هيبقى اجمل من وجهه نظرى الشخصيه بس موضوع الﻻلوان راحه نفسيه و اختيار حضرتك اكيد هيبقى مريح لك اكتر
3. لو عمل قشره ارو يبقى تدهنها استر احسن علشان تظهر ثمره الخشب
4. بالنسبه للدهانات من كيماويات البناء االحديث ما عرفش دهاناتهم اسعارها ايه لو هتجيب خامات من يوتن هتتكلف فى حدود 2000 جنيه معجون و بطانه و دهان نهائى
تحت امرك فى اى استفسار تانى

[kliken]

فيه نقاش اشتغل عندى المتر بحوالى 15 جنيه
عمل وش سيللر
2 سكينة معجون
الاسقف مش اتعمل فيها حاجة
النجارة خدت بستلة ديركوت
لو عايز امشيه
احسب له المتر بكام لحد دلوقت ؟؟؟؟

الثلث كفايه يعنى 5 جنيه للمتر انا فى اى اتفاق النقاش عندى بياخد ثلث المبلغ المتفق عليه لغايه السكينه التانيه بس من غير نجاره و شوف لو هتراضيه بأى حاجه علشان دهان النجاره

[mohamedbook]

1. الحساب هيبقى عادى هيكمل السكينه التالته و يشطب و هتخصم ثلث المصنعيه لو كان هو اللى بدأ من اﻻول
2. هيبقى ماشى ان شاء الله بس لو كسرت اللون اﻻبيض بدرجه فاتحه برضه هيبقى اجمل من وجهه نظرى الشخصيه بس موضوع الﻻلوان راحه نفسيه و اختيار حضرتك اكيد هيبقى مريح لك اكتر
3. لو عمل قشره ارو يبقى تدهنها استر احسن علشان تظهر ثمره الخشب
4. بالنسبه للدهانات من كيماويات البناء االحديث ما عرفش دهاناتهم اسعارها ايه لو هتجيب خامات من يوتن هتتكلف فى حدود 2000 جنيه معجون و بطانه و دهان نهائى
تحت امرك فى اى استفسار تانى

شاكر ليك يابشمهندس
1- طيب انا مش عارف المصنعية في حدود كام عشان اخصم الثلث
2- ازاي اكسر اللون الابيض بدرجة فاتحة هو فيهه افتح من الابيض انا مش فاهم
3-خامات يوتن دي ماركة ولا اسم الدهان الي هدهن بية يوتن

[kliken]

شاكر ليك يابشمهندس
1- طيب انا مش عارف المصنعية في حدود كام عشان اخصم الثلث
2- ازاي اكسر اللون الابيض بدرجة فاتحة هو فيهه افتح من الابيض انا مش فاهم
3-خامات يوتن دي ماركة ولا اسم الدهان الي هدهن بية يوتن

المشكله ان اامصنعيه بتختلف و بتفرق من مكان لمكان و بتغلى اكتر فى حاله المدن الجديده فى العادى الشقه بتتعمل فى حدود 6000 جنيه من غير نجاره
اقصد انك تكسره يعنى يبقى اوف وايت مثﻻ او كريمى فتتح اوى مش يبقى ابيض ساده مش افتح
خامات يوتن اقصد بيها منتجات شركه يوتن و ليس اسم الدهان

[erada]

السلام عليكم ورحمة الله وبركاته
بعد مرور 4 سنوات على تشطيب شقة وجدت سقوط للبياض فى مناطق عديدة تقريبا على ارتفاع مابين 20 الى 50 سم من الارض السيراميك وكما هو واضح فى الصورة بعد كشط الحتت "المبربأة" بسكينة المعجون فالمنظر سئ جدا

1-ما هو سبب التقشير علما بأن المكان ليس فية رطوبة ولا مواسير والمواد الخام المستعملة كانت جيدة على ما أذكر والنقاش شخص معروف وغالى
2-ما هو الحل مؤقتا لتجميل المظهر علما بأنى مش ناوى أبيض الشقة الا بعد سنتين تلاتة ان شاء الله لوجود أولويات أخرى
وشكرا لجميع المساعدات مقدما

[A.Saad]

باشمهندس
اخبارك ايه ؟
سؤالين لو تسمح
مجموعة الدهانات الديكورية الجديدة من يوتن هل بتتلون ولا ذات الوان الكتالوج ؟
الالوان المط الغير ديكورية فى يوتن اسمها ايه ؟؟ فينوماستيك ولا حاجة تانية ؟؟
والبيج والروز البستلة والجالون فيهم بكام وتكفى كام متر لكل وجه ؟؟؟

[Abo Yasso]

السلام عليكم ورحمة الله وبركاته
بعد مرور 4 سنوات على تشطيب شقة وجدت سقوط للبياض فى مناطق عديدة تقريبا على ارتفاع مابين 20 الى 50 سم من الارض السيراميك وكما هو واضح فى الصورة بعد كشط الحتت "المبربأة" بسكينة المعجون فالمنظر سئ جدا

1-ما هو سبب التقشير علما بأن المكان ليس فية رطوبة ولا مواسير والمواد الخام المستعملة كانت جيدة على ما أذكر والنقاش شخص معروف وغالى
2-ما هو الحل مؤقتا لتجميل المظهر علما بأنى مش ناوى أبيض الشقة الا بعد سنتين تلاتة ان شاء الله لوجود أولويات أخرى
وشكرا لجميع المساعدات مقدما

نفس المشكله